الكتب المدرسية لجميع المواد

للاستفادة هدا رابط البوت الخاص بالقناة حتلقو فيه ملخصات و اسئلة لجميع المواد 💜⤵️

https://t.me/Thehopedesired_bot

ترقبو وانتظرو👀
بوت المكتبة الخاص بقناتنا

البوت ح يكون متوفر فيه كتب خارجية وكتب تفيدك في أي مجال تبي تتجهله

طبعاً بعون الله ح تكون فيه جميع الأقسام وجميع التخصصات وح نحاول نعبيه باللي نقدر عليه

فيه حالياً العديد من كتب برمجة الويب واساسيات البرمجة والطب البشري حاولت نجيب احسن الكتب

بعون الله ح يكون البوت مكتبة إلكترونية فريدة من نوعها…

وهكي تكون البداية اليوم والانطلاقة لبوت المكتبة

طبعاً حالياً وفرت كتب لتخصصات محدودةزي الهندسة الكهربائية وطب البشري وتقنية المعلومات

المهم. جربوه واعطونا رايكم فيه وملاحظاتكم

https://t.me/Thehopelib_bot

منقول من المهندس محمد المزوغي

الجماهير اللي سئلتني على مجال #الهندسة_الطبية،،،

✅️ المجال كويس جدا وليه مستقبل واعد بإذن الله للشباب والبنات من خلال العمل في شركات المجال الطبي (الأجهزة والمعدات) واللي موجودة بكثرة في ليبيا ناهيك عن أقسام الأشعة في المراكز الصحية وغيرها. طبعا تقدروا تشوفوا المجالات الواسعة للهندسة الطبية من الانترنت.

✅️ الشيء اللي حبيت نقوله ومش حتلقوه على النت أكيد، واللي هوا تفكير خارج الصندوق، إنه القسم هذا جديد كليا في الجامعة، وهذا الشيء ليه ميزات وعيوب.

✅️ بالنسبة للعيوب إنه ما يخفاش على الجميع النقص الحاد في أعضاء هيئة تدريس #أكفاء في البلاد ووجود مجال جديد يعتبر تحدي لايجاد هؤلاء الكفاءات لتعليم الطلاب. فمن الممكن إنه يكون التحصيل العلمي بسيط لخريجي هذا المجال.

✅️ بالنسبة للميزات إنه خريجي هذا المجال بعد 3~4 سنوات حتكون ليهم فرصة كبيرة جدا في سوق العمل بحكم هما أوائل الناس اللي حتشتغل في هذا المجال ومتخصصين فيه لأنه حاليا معظم اللي يشتغلوا فيه في ليبيا متخرجين من أقسام هندسية ومجالات ثانية فقط واخدين كورسات على الشيء اللي حيشتغلوا فيه من خلال الشركات اللي يشتغلوا معاها، فوجود شخص عنده خلفية كبيرة ومقضي سنوات في أساسيات المجال حيخلي الشغل أكثر متعة وابداع.

✅️ الميزة الثانية، واللي نعتبر فيها فرصة يجب انتهازها، إنه القسم هذا جديد، وبالتالي حيكون فيه استقطاب كبير من قبل أعضاء هيئة التدريس للطلاب باش يخشوا للقسم ويبدا فيه مجموعات تنعطى في المواد (باش يخلصوا الدكاترة من خلال ما يسمى باللود)، فالاهتمام بالطلاب حيكون أكبر من أي قسم ثاني وما اعتقدش إنه نسبة النجاح في المواد خلال الفصول الجاية تكون ضعيفة لأنها مش من مصلحة القسم قبل ما تكون مش من مصلحة الطالب.

✅️ الميزة الأخيرة إنه حيكون فيه تسارع لتخريج الطلاب خلال السنوات القادمة لاثبات وجود القسم مع الأقسام الأخرى، واللي يعتبر اضافة كبيرة للكلية والجامعة.

مجرد كلام حبيت نفيدكم بيه قبل ما نرقد، تصبحوا على خير.

أخوكم في الله، محمد المزوغي 💙

2004 ان شاء الله يكون الكل نجح وتفوق بشرونا بنتايجكم

بعون الله دفعة 2005 جهزو روحكم غر اتم امتحاناتي ح نبدو في شرح مقرر الفيزياء الكهربائية وحده وحده علينا

للعلم بس الشرح مش ح يكون بسيط ح يكون متعمق وح نحاول نعطيكم اساسيات كل شي بش انت تفهم طريقة العمل وكل شي قبل ما تبدا في المنهج

شيراتكم لزملاءكم بعون الله البداية ح تكون الأسبوع الجاي🔥