Looking For a Job in Tech? Start With These Job Boards 🚀

📍 Indeed

https://www.indeed.com

📍 LinkedIn

https://www.linkedin.com/jobs

📍 Built In

https://builtin.com

📍 Dice

https://www.dice.com

📍 Wellfound

https://wellfound.com

📍 CrunchBoard

https://www.crunchboard.com

📍 Remote co

https://remote.co

الـ Feature Toggles (Feature Flags) 💡

تخيل أنك شغال على مشروع ضخم، وعايز تضيف خاصية جديدة أو تجرب فكرة معينة، بس من غير ما تخاطر إن حاجة تبوظ في الكود أو بدون ما تأثر على المستخدمين...

أفضل حل هنا إنك تستخدم الـ Feature Toggles أو زي ما بنسميها أحيانًا الـ Feature Flags...

———

📌 إيه هي الـ Feature Toggles؟

ببساطة عبارة عن (أداة أو تقنية) بتخليك تتحكم في تفعيل أو تعطيل أجزاء معينة من الكود بتاعك من غير ما تضطر تعيد نشر (Deploy) التطبيق بالكامل.

بمعنى تاني، بتقدر تخلّي خاصية معينة "On" أو "Off" بناءً على شروط معينة أو حتى بشكل ديناميكي.

———

📌 أنواع الـ Feature Toggles:

📍 الـ Release Toggles

دي بنستخدمها لما نكون عايزين نطلع ميزة لجزء معين من المستخدمين ونسيب الباقي زي ما هو. مثال: تجربة خاصية جديدة على مستخدمين معينين بس.


📍 الـ Experiment Toggles

النوع ده بيُستخدم في الـ A/B Testing، وده لما تحب تقارن بين نسختين من نفس الميزة وتشوف أي نسخة بتأدي أداء أفضل.


📍 الـ Ops Toggles

دي لها علاقة بالـ DevOps. مثلا لو عندك خاصية بتستهلك موارد كتير من السيرفر، تقدر توقفها مؤقتًا من غير ما تدخل على الكود.


📍 الـ Permission Toggles

النوع ده بيتحكم في إتاحة ميزات معينة بناءً على المستخدم نفسه، زي لما تطبق خاصية Premium متاحة بس للمستخدمين اللي دفعوا.

———

📌 ليه نستخدم الـ Feature Toggles؟

✅ تسريع الشغل

بدل ما تأجل نشر التطبيق بالكامل لغاية ما كل الميزات تجهز، ممكن تضيف الـ Feature Toggles عندك وتفعّل الميزات تدريجيًا.


✅ تقليل المخاطر

لو حصلت مشكلة في الميزة الجديدة، تقدر تقفلها فورًا من غير ما ترجع تعمل Rollback للـ Deploy


✅ تسهيل التعاون بين الفرق

الفرق المختلفة في المشروع (Frontend, Backend, DevOps) يقدروا يشتغلوا مع بعض على نفس الكود بسهولة.


✅ تجربة المستخدم (User Testing)

بسهولة تقدر تجرب ميزات جديدة مع مجموعة صغيرة من المستخدمين وتشوف رأيهم قبل ما تنشرها بشكل عام.

———

📌 إزاي نطبق الـ Feature Toggles؟

حدد إيه الميزة اللي محتاجة Toggle وهدفك من وراها.

فيه مكتبات كتير بتساعدك زي:

- LaunchDarkly
- Unleash
- Optimizely

ولو بتشتغل بـ React أو Node.js، ممكن تلاقي مكتبات خفيفة وسهلة زي Feature Toggle أو تعمل Toggle بسيط بنفسك.

دائمًا خلي الـ Toggles مربوطة بـ Configuration File أو API تقدر تعدلها بسهولة.

تأكد من اختبار الميزة بشكل كويس في مرحلة الـ Dev أو الـ Staging

———

وفقكم الله لكل خير 🌿

لو لسه بادئ في البرمجة، أكيد سمعت عن Git، وأكيد كمان حسيت إنه معقد ومليان أوامر! 🤯

لكن الحقيقة إنه من أقوى الأدوات اللي هتساعدك تحفظ الكود بتاعك، تشتغل مع فريقك بسهولة، وترجع لأي نسخة من مشروعك في أي وقت! 💡

في المقال ده، هنتكلم عن أهم مفاهيم Git اللي لازم أي مبرمج جديد يفهمها، وهتلاقيها قدامك في كل مشروع تشتغل عليه. هتعرف يعني إيه commit، branch، merge، rebase، وغيرهم، وإزاي تستخدمهم بطريقة احترافية! 🚀

———

Git Concepts Every New Developer Must Know: Your Roadmap to Version Control Mastery 💯

This article simplifies essential Git concepts for new developers. Whether you're working on your first project or contributing to a team, mastering these fundamentals will boost your confidence and make you a Git pro quickly.

https://medium.com/@dev.alisamir/git-concepts-every-new-developer-must-know-your-roadmap-to-version-control-mastery-6740ac0f763a

بفضل الله، تم نشر أول مقال في In Plain English 🔥

المقال بيتكلم عن أهم 10 أخطاء في الفرونت إند ممكن تقع فيها لو لسه مبتدئ، وكمان فيه حلول عملية لكل خطأ علشان تتجنبه. 💡

———

The 10 Front-End Mistakes I Wish I Knew as a Beginner With Fixes 💡

Front-end development is an exciting yet challenging field.

When I started, I stumbled through countless pitfalls that slowed my progress and left me frustrated.

https://differ.blog/p/the-10-front-end-mistakes-i-wish-i-knew-as-a-beginner-with-fixes-dc17e6

———

متنساش تشاركه مع صاحبك الفرونت إند 🚀

تعال نفهم يعني إيه Cross-Site Scripting (XSS)

الـ XSS هو نوع من أنواع الثغرات الأمنية اللي ممكن تكون موجودة في المواقع، وبيستغلها الهاكرز علشان ينفذوا أكواد ضارة داخل صفحة الويب اللي بيستخدمها الضحية، وكده الهاكر يقدر يتحكم في الموقع أو حسابات المستخدمين، أو حتى يسحب بياناتهم الخاصة.

———

🔍 الثغرة دي بتشتغل إزاي؟

خليني أشرحلك السيناريو البسيط اللي ممكن يحصل:

1- الهاكر بيكون عنده كود JavaScript ضار وعايز يزرعه في الموقع.

2- بيستغل ثغرة في المدخلات (Inputs) الموجودة في الموقع زي الـ Forms أو الـ Comments، أو حتى في URL لو الموقع مش مؤمّن كويس.

3- المستخدم العادي، اللي هو الضحية، بيفتح الصفحة من غير ما يعرف، والكود الضار اللي كتبه الهاكر بيبدأ يشتغل تلقائي، وده بيدّي الهاكر صلاحيات كبيرة داخل حسابات الضحية أو حتى بيتمكن من سرقة البيانات اللي موجودة على الموقع.

———

💥 يعني الكود الضار اللي كتبه الهاكر ممكن يتحكم في أي حاجة بتظهر للمستخدم على الموقع، وده ممكن يكون من خلال:

- سرقة الكوكيز: اللي هي زي ملفات صغيرة بتحتفظ بمعلومات تسجيل الدخول والتفضيلات. الكود الضار ممكن ياخدها ويبعتهاله، والهاكر يستخدمها علشان يدخل بحساب الضحية.

- تغيير محتوى الصفحة: ممكن الهاكر يحط حاجات أو رسائل وهمية في الصفحة تخلّي المستخدمين يدخلوا بياناتهم الشخصية، زي رسائل "تسجيل الدخول" أو "تحديث الحساب".

- إعادة توجيه المستخدم: لو الهاكر عايز ينقلك لموقع ضار تاني فيه فيروسات أو برامج خبيثة، ممكن يخليك تروحله وأنت مش واخد بالك.

———

🔐 أنواع الـ XSS

فيه أكتر من نوع يخص الـ XSS، وكل نوع له طريقة مختلفة في التنفيذ وأثر مختلف، خليني أقولك الأنواع الرئيسية:

📍 الـ Stored XSS: النوع ده بيحصل لما الكود الضار بيتخزن في الموقع نفسه، يعني بيكون ثابت وكل مرة حد يفتح الصفحة يتنّفذ على طول.

📍 الـ Reflected XSS: النوع ده بيشتغل لما الكود بيتنّفذ فورًا في الصفحة اللي اتضاف فيها، زي لما حد يبعته في رابط URL، والمستخدم يفتحه فيلاقي الكود شغال.

📍 الـ DOM-based XSS: ده نوع أذكى شويه لأنه بيشتغل على مستوى الـ DOM بتاع الصفحة، يعني بيتعامل مباشرة مع العناصر اللي بتتغير في واجهة المستخدم، وده بيخلي الثغرة أصعب شوية في الاكتشاف.

———

💡 إزاي نمنع الـ XSS؟

عشان تحمي موقعك أو تطمّن إنك متأمن ضد الثغرة دي، لازم تركز على كام حاجة:

📌 أي حاجة بيضيفها المستخدم في الموقع (زي النصوص أو التعليقات) لازم يتعمل عليها فلتر و Validation وتتأكد إن مفيهاش أكواد ضارة.

📌 استخدام Content Security Policy (CSP): ده زي طبقة حماية إضافية بتمنع تنفيذ الأكواد اللي جاية من مصادر غير موثوقة.

📌 تشفير المدخلات والمخرجات: عن طريق استخدام HTML encoding عشان تحول الرموز اللي ممكن تسبب مشاكل (زي < و >) لرموز آمنة.

📌 منع الكوكيز من السرقة: باستخدام خواص زي HttpOnly اللي بتحمي الكوكيز من الوصول المباشر عبر JavaScript.

———

✋ الـ XSS ثغرة خطيرة جدًا ممكن تهدد خصوصية المستخدمين وتضر بسمعة الموقع كمان. عشان كده لازم تكون فاهم تفاصيلها كويس وتقدر تأمن موقعك منها....

بالتوفيق يا بطل ⚡️

أهم 25 دالة للتعامل مع الـ Strings في JavaScript - الجزء الثاني 💯
.
.

25 JavaScript String Methods Cheat Sheet - Part 2 💡

13. includes()
14. indexOf()
15. lastIndexOf()
16. split()
17. replace()
18. replaceAll()
19. startWith()
20. padStart()
21. padEnd()
22. repeat()
23. search()
24. substr()
25. toString()

———

وفقكم الله لكل خير 🌿

تعال نعرف الفرق بين الـ Horizontal Scaling والـ Vertical Scaling 💡
.
.
تخيل إنك عندك مطعم، والمكان بقى زحمة جدًا والطلبات مش ملاحق عليها، أكيد هتفكر توسّع علشان تقدر تخدم عدد أكبر من الناس. ولكن عندك حلّين:

1- إنك توسّع المطعم نفسه وتزوّد عدد الترابيزات والكراسي.
2- إنك تفتح فروع جديدة في أماكن مختلفة علشان تستوعب عدد الزباين المتزايد.

الحل الأول هو Vertical Scaling، والتاني هو Horizontal Scaling، وده بالضبط اللي بيحصل في عالم البرمجة لما السيرفرات بتبدأ تتعامل مع ضغط عالي من ال requests.

———

📍 LinkedIn

https://www.linkedin.com/posts/dev-alisamir_softwaredevelopment-backenddevelopment-devabrguide-activity-7308475605694537728-WTWQ

📍 Qabilah

https://qabilah.com/posts/6TpiPuWH6nc

———

متنساش تشارك البوست وتفيد غيرك.

وفقكم الله لكل خير 🌿

تم نشر المقال في مدونة Level Up Coding على منصة Medium ⚡️

https://levelup.gitconnected.com/the-10-front-end-mistakes-i-wish-i-knew-as-a-beginner-with-fixes-cec0f6430455

دردشة سريعة عن الـ Accessibility Tree ⚡️
.
.
الأشخاص أصحاب القدرات الخاصة بتتعامل مع الويب بطريقة مختلفة تمامًا عن اللي احنا متعودين عليها. وده اللي بيخلينا نسأل السؤال المهم: إزاي المتصفحات بتفهم صفحات الويب وتخليها قابلة للوصول؟ 🤔
.
.
هنا بييجي دور الـ The Accessibility Tree 🌳

———

📌 يعني إيه Accessibility Tree؟

ببساطة، هو تمثيل هيكلي (Tree Structure) موازي للـ DOM Tree، لكنه بيحتوي بس على العناصر اللي ممكن تكون مفهومة وقابلة للوصول بواسطة تقنيات المساعدة زي الـ Screen Readers.

يعني لو فيه عنصر على الصفحة مش مهم أو ملوش دور واضح للمستخدم من ناحية الوصول (زي <div> عادي بدون معنى)، مش هيكون موجود داخل الـ Accessibility Tree.

———

📌 إزاي الـ Accessibility Tree بتتكون؟

الموضوع بيمر بأكثر من خطوة:

1️⃣ المتصفح بيبني الـ DOM Tree

أي موقع أو صفحة بتبدأ كـ HTML، والمتصفح بيحول الـ HTML ده لـ DOM Tree، اللي بيكون عبارة عن كل عناصر الصفحة، حتى الفاضية منها.


2️⃣ المتصفح بيبني الـ Render Tree

هنا بيبدأ المتصفح يفلتر العناصر اللي بتأثر على المظهر النهائي للصفحة. يعني أي حاجة مش بيتعملها Render (زي العناصر المخفية بـ display: none) مش بتكون موجودة في الـ Render Tree.


3️⃣ المتصفح بيبني الـ Accessibility Tree

في المرحلة دي، المتصفح بياخد الـ DOM Tree ويبدأ يشوف إيه العناصر اللي محتاجة تكون موجودة عشان تقنيات المساعدة تقدر تفهم الصفحة. أي عنصر ملوش دور واضح أو مش مؤثر في التفاعل بيتم تجاهله.

ملحوظة: الـ Accessibility Tree بتعتمد على الـ DOM Tree أكتر من الـ Render Tree، يعني ممكن عنصر يكون موجود فيها حتى لو مش مرئي في الصفحة.

———

طب ليه الموضوع ده مهم؟ 🤔

لأن لو عنصر معين مش موجود في الـ Accessibility Tree، فهو ببساطة مش موجود بالنسبة للي بيعتمد على الـ Screen Reader!

يعني لو عندك زرار (button) شكله حلو في الـ UI بس مفيهوش role="button" أو aria-label واضح، المستخدم مش هيعرف إنه زرار أصلًا.

———

📌 إيه اللي بيأثر على الـ Accessibility Tree؟

✅ 1. نوع العنصر نفسه

العناصر الـ HTML Semantics زي <button>، <input>، <h1>، <p> بتكون جزء من الـ Accessibility Tree بشكل تلقائي، لكن العناصر زي <div> و <span> مش بتكون موجودة إلا لو لها دور محدد.


✅ 2. الـ ARIA Attributes

لو عاوز عنصر يكون متاح في الـ Accessibility Tree بس مش جزء من الـ HTML Semantics، تقدر تستخدم ARIA attributes زي:

- الـ role="button": لو عندك <div> مستخدمه كأنه زرار، لازم تضيف ليه الدور المناسب.
- الـ aria-hidden="true": لو عاوز تخفي عنصر من الـ Accessibility Tree بدون ما تخفيه من الـ UI.


✅ 3. الـ CSS Properties

بعض الـ CSS Properties ممكن تأثر على وجود عنصر جوه الـ Accessibility Tree:

- الـ display: none أو visibility: hidden: بتشيل العنصر من الـ Tree بالكامل.
- الـ opacity: 0: بيخلي العنصر مش مرئي، بس يفضل موجود جوه الـ Accessibility Tree.
- الـ position: absolute مع left: -9999: العنصر بيفضل موجود لو كان له دور واضح (زي زرار)، لكن لو بدون معنى ممكن يتم تجاهله.


✅ 4. إدارة الـ Focus

موضوع الـ Focus (زي استخدام tabindex) بيأثر على إزاي المستخدم بيتفاعل مع العناصر في الـ Accessibility Tree.

سمعت قبل كده عن الـ Microservices بس مش فاهمها كويس؟ أو حاسس إنها موضوع معقد ومحتاج خبرة كبيرة؟ 🤯

الموضوع ببساطة إن بدل ما يكون عندك تطبيق ضخم (Monolith) كله متشابك مع بعضه، تقدر تقسّمه لعدة خدمات صغيرة (Microservices)، وكل خدمة بتشتغل لوحدها وتقدر تتحدث مع باقي الخدمات بطريقة منظمة.

الفكرة دي بتساعد الشركات الكبيرة زي Netflix و Amazon إنها تقدر تطوّر وتحدّث الأنظمة بتاعتها بسهولة وسرعة.

———

🎯 تخيل إن عندك تطبيق لمطعم أونلاين:

- خدمة مسؤولة عن الطلبات 🛒
- خدمة مسؤولة عن الدفع 💳
- خدمة مسؤولة عن إدارة العملاء 👥

كل خدمة تشتغل لوحدها، ولو حصل مشكلة في الدفع، الطلبات تفضل شغالة عادي بدون ما تتأثر.

———

في المقال ده، هتفهم الفكرة بأسلوب بسيط، مع مثال عملي يوضح لك كل حاجة خطوة بخطوة ✅👇

Microservices Made Simple: A Beginner’s Guide with a Real Example 💯

Imagine you’re building a house. You could construct it as one giant, unchangeable block with everything fused or use a modular approach, with separate rooms you can tweak, replace, or upgrade without tearing the whole thing down.

https://differ.blog/p/microservices-made-simple-a-beginner-s-guide-with-a-real-example-47c171

Accent color in CSS 💯

العلاقات بين الجداول في الـ Database 💡
.
.
خليني أسألك سؤال بسيط: لو عندك تطبيق بيسجل بيانات المستخدمين وطلبات الشراء بتاعتهم، هتخزن البيانات دي إزاي؟ هتحط كل حاجة في Table واحد؟ طب لما المستخدم يطلب 10 طلبات، هتكرر بياناته 10 مرات؟ ولا هتعمل إيه؟ 🤔

هنا بتيجي أهمية العلاقات بين الجداول (Database Relationships) في الـ Relational Databases زي MySQL وPostgreSQL. العلاقات دي هي اللي بتساعدك تخلّي الـ Database منظمة، مرنة، وكمان أسرع في الاستعلامات (Queries).

ولو استخدمتها غلط، ممكن تلاقي نفسك غرقان في Data Duplication، Inconsistent Data، والأداء هيكون في الضياع.

في البوست ده، هنتكلم عن أنواع العلاقات بين الجداول، امتى تستخدم كل نوع، وهنشوف أمثلة عملية عليها...🔥

———

📍 LinkedIn

https://www.linkedin.com/posts/dev-alisamir_database-backenddeveloper-backend-activity-7309651943797198851-tXvC

📍 Qabilah

https://qabilah.com/posts/MMsQVPppIwA

———

متنساش تشارك البوست وتفيد غيرك 💡

Roadmap To Learn Generative AI 🚀

1. Python Programming Language -1 Month
2. Basic Machine Learning Natural Language Processing
3. Basic Deep Learning Concepts
4. Advanced NLP Concepts
5. Starting the Journey Towards Generative AI (GPT4,Mistral 7B, LLAMA, Hugging Face Open Source LLM Models,Google Palm Model)
6. Vector Databases And Vector Stores
7. Deployment Of LLM Projects

https://github.com/krishnaik06/Roadmap-To-Learn-Generative-AI-In-2024

ليه تكتب نفس الكود مرتين وتوجع دماغك؟ 🤔
.
.
فاكر آخر مرة كنت بتعمل فيها Copy-Paste في الكود بتاعك؟ غالبًا كنت مستعجل وعايز تخلص بسرعة، بس اللي حصل بعدها؟ اكتشفت إن فيه Bug في الكود، وبدل ما تصلحه في مكان واحد، لقيت نفسك بتدور عليه في كذا مكان عشان تعدله! 🤦‍♂️

هنا بقى بييجي دور مبدأ DRY – Don’t Repeat Yourself، واللي ببساطة معناه "اكتب الكود مرة واحدة وخليه قابل لإعادة الاستخدام بدل ما تكرره في كل حتة".

———

📍 LinkedIn

https://www.linkedin.com/posts/dev-alisamir_devabrguide-softwaredevelopment-dry-activity-7310021758386954241-TTQ1

📍 Qabilah

https://qabilah.com/posts/OoYj4HCbkxM

———

متنساش تشارك البوست وتفيد غيرك. 💡

الفرق بين الـ Frontend والـ Backend 💡

تخيل إنك داخل مطعم، أول حاجة بتشوفها هي الديكور، الإضاءة، شكل الترابيزات، المنيو اللي بتختار منه، والشخض اللي بياخد الأوردر منك.. كل ده بيمثل الـ Frontend...

لكن الأكل مش بيطلع لوحده، ورا الكواليس فيه مطبخ شغال، فيه طباخين بيحضروا الأكل، فيه ناس بترتب الطلبات، وفيه كاشير بيحسب الفاتورة.. كل ده بيمثل الـ Backend...

———

🖥 يعني إيه Frontend؟

هو كل حاجة المستخدم بيشوفها ويتفاعل معاها على الموقع أو التطبيق، زي الأزرار، الألوان، الصور، القوائم، والتصميم بشكل عام.


🔹 أشهر التقنيات اللي بيستخدمها الـ Frontend:

- الـ HTML (هيكل الصفحة)
- الـ CSS (التصميم والألوان)
- الـ JavaScript (التفاعل مع محتوى الموقع)
- مكتبات وأُطر عمل زي React, Angular, Vue عشان تسهل الشغل.

———

🔧 يعني إيه Backend؟

هو الجزء اللي بيشتغل ورا الكواليس وبيتأكد إن كل حاجة شغالة تمام، هو المسؤول عن التخزين، الأمان، معالجة البيانات، والاستجابة لطلبات المستخدم. يعني لو دخلت على موقع عشان تسجل دخول، الـ Backend هو اللي بيتحقق من بياناتك ويرد عليك إذا كانت صح ولا غلط.


🔹 أشهر التقنيات اللي بيستخدمها الـ Backend:

- لغات برمجة زي Node.js, Python, Java, PHP, Ruby
- قواعد بيانات زي MySQL, MongoDB, PostgreSQL
- تقنيات زي REST APIs, GraphQL, Authentication

———

🔄 إزاي Frontend و Backend بيشتغلوا مع بعض؟

لما تدخل على موقع، الـ Frontend بيعرضلك صفحة تسجيل الدخول، ولما تكتب بياناتك وتضغط "تسجيل"، الموقع بيبعت البيانات للـ Backend اللي بدوره بيتأكد منها في قاعدة البيانات ويرد عليك. لو البيانات صح، هيدخلك، ولو غلط، هيقولك إن فيه مشكلة.

———

#دقيقة_برمجة

يعني إيه API؟ 🤖

تخيل إنك داخل مطعم، بتقعد على الترابيزة، وبتمسك المنيو تختار أكلة معينة، وليكن بيتزا. بس المشكلة إنك مش هتقدر تروح المطبخ بنفسك وتطلب الأكل من الشيف، صح؟ هنا بييجي دور الجرسون، الجرسون بياخد الأوردر منك، يوصله للمطبخ، وبعد ما الأكل يجهز، بيرجعه لك على الترابيزة.

دلوقتي، بدل المطعم، تخيل إنك عندك تطبيق موبايل أو موقع، وعاوز تجيب بيانات من سيرفر خارجي، زي مثلاً درجات الحرارة، أخبار اليوم، أو حتى تفاصيل منتج من موقع تسوق. بس زي ما أنت مش هتدخل المطبخ بنفسك، التطبيق بتاعك مش هيقدر يوصل مباشرة لقاعدة البيانات أو الخدمة اللي عند السيرفر. هنا بقى بييجي دور الـ API...

———

الكلمة اختصار لـ Application Programming Interface، وده عبارة عن "وسيط" أو "مترجم" بيسمح لتطبيقين مختلفين إنهم يتواصلوا مع بعض بدون ما يفهموا تفاصيل بعض الداخلية. بمعنى تاني، هو مجموعة من القواعد والتعليمات اللي بتحدد إزاي البرامج تتكلم مع بعض وتتبادل البيانات.

———

إزاي الـ API بيشتغل؟ 🤔

العملية بتتم في 4 خطوات رئيسية:

1️⃣ الطلب (Request): التطبيق بتاعك بيبعت طلب للـ API، بيكون فيه المعلومات اللي عاوزها. الطلب ده غالبًا بيكون باستخدام HTTP Requests زي (GET, POST, PUT, DELETE).

2️⃣ المعالجة (Processing): السيرفر اللي بيشغل الـ API بيستقبل الطلب، يفهمه، ويبدأ يجمع البيانات المطلوبة.

3️⃣ الاستجابة (Response): السيرفر بيرجع البيانات المطلوبة، وغالبًا بتكون بصيغة JSON أو XML.

4️⃣ العرض (Rendering): التطبيق بتاعك بياخد البيانات اللي وصلت له، ويعرضها للمستخدم بشكل مناسب.

———

📌 مثال عملي

لو فتحت تطبيق الطقس على موبايلك، التطبيق بيبعت طلب للـ API بتاع خدمة الطقس (مثلًا OpenWeather API)، بيقول له: "هات درجة الحرارة في القاهرة"

الـ API بيروح للسيرفر، يسحب البيانات، ويرجع لك النتيجة: "درجة الحرارة في القاهرة الآن 25"

———

💡 إيه أنواع الـ API؟

- الـ REST API – الأشهر، بيستخدم HTTP، وبيتعامل غالبًا مع بيانات JSON.
- الـ SOAP API – أقدم شوية، بيعتمد على XML، وغالبًا بيستخدم في الأنظمة البنكية.
- الـ GraphQL API – أحدث وأكثر مرونة، بيسمح لك تطلب البيانات اللي أنت محتاجها بس، بدون تحميل بيانات زيادة.
- الـ WebSockets API – بيستخدم في التطبيقات اللي محتاجة تحديثات في الوقت الفعلي (real-time) زي الشات والألعاب الأونلاين.

———

أمثلة على الـ API في الحياة اليومية 🌍

- لما تطلب أوبر، التطبيق بيتواصل مع Google Maps API عشان يحدد موقعك.
- لما تدفع أونلاين، الموقع بيتواصل مع Payment Gateway API زي PayPal أو Stripe عشان يتم الدفع.
- لما تستخدم موقع زي تويتر، التطبيق بيستخدم Twitter API عشان يجيب لك آخر التغريدات.

———

#دقيقة_برمجة