“Milliy sertifikat” andazasidagi test

(c) Jalol BOLTAYEV – testolog, repetitor

👉 @TESTLIDER

“Milliy sertifikat” andazasidagi test

(c) Jalol BOLTAYEV – testolog, repetitor

👉 @TESTLIDER

🔥TAHLIL boshlandi.

Chatga ulaning
⏰ https://t.me/tarix_tilsimi?livestream

📼 Professional darajadagi TEST TAHLILIni tomosha qiling!

• Tarix
• “Milliy sertifikat” testi tahlili
• 9-variant
• (c) Jalol BOLTAYEV

Quyidagi havolani bosing:
➡️ https://youtu.be/in9f9YeGBoA?si=9KndEPJdU5HiZe3V

👉 @TESTLIDER

Maktabgacha va maktab ta’limi vazirligiga murojaat

Vazirlik vakillari bilan suhbatlashganimda 84 ball bo‘lib qolgan o‘qituvchilarga 2 ball qo‘shilib, keyingi ikki yil davomida ustama to‘lovlari berilishi masalasi tilga olingan edi. Shubhasiz, bu qarorni mutlaqo yomon deb baholab bo‘lmaydi. Biroq vazirlik tizimida fidoyilik bilan mehnat qilayotgan xodimlardan uzr so‘ragan holda aytmoqchimanki, o‘qituvchilarning aksariyati o‘zlarining qonuniy haqqi bo‘lgan, shu kungacha berilishi lozim bo‘lgan, ammo berilmagan ustama pullari berilishini xohlashyapti.

Vazirlikning pozitsiyasi haqida yozganimdan so‘ng juda ko‘plab o‘qituvchilar menga chiqishdi. Ularning deyarli barchasi bitta fikrni bildirmoqda:

agar bir yil davomida to‘lanishi lozim bo‘lgan ustama pullari qaytarib berilmasa, bunday yechimni to‘laqonli adolatli deb qabul qila olmaymiz.

Avval sudga murojaat qilgan o‘qituvchilar ham o‘z pozitsiyalarini aniq bildirib, agar 20 million so‘m miqdoridagi moddiy zarar qoplanmasa, sud jarayonini davom ettirish niyatida ekanliklarini aytishmoqda. Bundan tashqari ayni shunday talab bilan yana ko‘plab o‘qituvchilar ham vazirlikni sudga berish niyatini bildirmoqda.

Afsuski, bu mojaroning ildizi Baholash markazi tomonidan yo‘l qo‘yilgan xatolar bilan bog‘liq. Aynan shu xatolar tufayli o‘qituvchilarga tegishli bo‘lgan ustama to‘lovlari berilmay qolgan.

Yana bir bor ta’kidlamoqchiman: vazirlik tizimida sidqidildan ishlayotgan xodimlarga nisbatan hech qanday e’tirozim yo‘q. Biroq mavjud vaziyatni hisobga olganda, eng to‘g‘ri va eng oqilona yo‘l – o‘qituvchilarga yetkazilgan moddiy zararni to‘liq qoplab berishdir.

Aks holda, bir nechta muammoli oqibatlar yuzaga kelishi ehtimoldan xoli emas:
– sud jarayonlari yana davom etadi;
– ommaviy axborot vositalarida bu masala yanada keng muhokama qilinadi;
– o‘qituvchilar orasida tizimga nisbatan ishonchsizlik yanada kuchayadi.

Eng xavotirli jihati shundaki, jamiyatda quyidagi fikr shakllanishi mumkin: “vazirlik o‘z xatosini tan olgan (!) bo‘lsa-da, o‘z xodimlarining qonuniy pullarini qaytarib bermadi, ko‘ra-bila turib, adolatni tiklamadi”. Bu esa tizim obro‘siga jiddiy putur yetkazadi. Chunki adolatsizlik qilinayotganini ko‘ra-bila turib, unga ko‘z yumish demokratik, huquqiy davlatlar uchun xos jihat emas.

Bundan tashqari sud ishlari davom etgan taqdirda nafaqat moddiy zarar, balki ma’naviy zarar ham undirilishi ehtimoli mavjud. Bu esa masalani yanada murakkablashtiradi.

Shu sababli hozirgi vaziyatda eng to‘g‘ri qaror – masalani cho‘zmasdan, o‘qituvchilarga o‘tgan bir yil davomida to‘lanishi lozim bo‘lgan, ammo Baholash markazining xatosi tufayli berilmay qolgan qonuniy ustama to‘lovlarini to‘liq qoplab berishdir.

Ba’zan masalani vaqtida hal qilish uchun qaysidir kattaroq mas’ulning kabinetiga kirib, vaziyatni ochiq tushuntirish, xatoni tan olish kerak bo‘ladi. Balki bu yo‘l oson emasdir. Ammo masala cho‘zilib ketaversa, keyinchalik undan ham kattaroq odamlarning kabinetlariga kirib tushuntirishga to‘g‘ri kelib qolishi mumkin. Shuning uchun muammoni hozirning o‘zida adolatli va oqilona yo‘l bilan hal qilish eng to‘g‘ri qaror bo‘ladi.

Shu munosabat bilan vazirlikdan iltimos qilamiz: o‘qituvchilarning qonuniy haqqi bo‘lgan ustama pullarini sudsiz ham, OAVdagi maqolalarsiz ham to‘liq to‘lab berish masalasini ijobiy hal qilib bering.

Ushbu murojaat jamiyat muammolariga befarq bo‘lmagan tarixchi-pedagog Jalol Boltayev tomonidan minglab o‘qituvchilarning dardi va murojaatlariga tayanib yozildi.

👉 @TESTLIDER

25 ming kishi bo‘lsak, ushbu qo‘llanmaning “Angliya” qismini to‘liq joylayman. Hozir “Arab xalifaligi” qismini joylaganman.

Buning uchun kanal manzilini yaqinlaringizga tavsiya eting!

👉 @TESTLIDER

Baholash markazining testida yetarli ball ololmagan o‘qituvchi “bilimsiz” bo‘lib qoladimi?

Masalaga biroz xolisroq qarab ko‘raylik. Masalan, ingliz tilini o‘rgata olish darajasini tekshiradigan CELTA imtihoni natijasiga qarab o‘qituvchi haqida ma’lum darajada xulosa qilish mumkin. Chunki bu imtihon xalqaro darajadagi, ilmiy metodika asosida ishlab chiqilgan nufuzli tizimdir. Unda testologiyaning asosiy tamoyillari – validity (haqqoniylik) va reliability (ishonchlilik) imkon qadar ta’minlanadi. Ya’ni testdan olingan xulosaga nisbatan ishonish, bu xulosa bo‘yicha qandaydir qarorlar qabul qilish mumkin.

Baholash markazi o‘tkazayotgan testlarda “testologiyaning xalqaro talablari”ni qo‘ya turaylik, fundamental, eng oddiy talablari qanchalik ta’minlanmoqda? Bu masala hanuz katta so‘roq ostida turibdi. Shunday so‘roq ostida turgan imtihon natijasiga qarab o‘qituvchini “bilimsiz” deb baholash qanchalik adolatli va mantiqiy?

Bir voqea esimga tushib ketdi: 5-sinfda o‘qib yurgan paytim, o‘qituvchilarim menga motivatsiya berishni ko‘zlagan bo‘lishsa kerak, 9-sinflar o‘rtasida adabiyot fanidan kichik bellashuv tashkil qildirishgan edi. O‘zim tuzgan savollar asosida ayrim o‘quvchilarga “5”, ayrimlariga esa “3” qo‘yganman. Ya’ni 5-sinf o‘quvchisi tuzgan “test” orqali 9-sinf o‘quvchilariga baho berilgan.

Baholash markazi testlari haqida o‘ylaganimda, negadir o‘sha voqea yodimga tushadi.

Menimcha, eng avvalo, Baholash markazi tomonidan o‘tkazilayotgan testlarning ilmiy asosda tuzilishini ta’minlash kerak. Biroq, menimcha, bunga 1–2 yil ketsa kerak.

👉 @TESTLIDER

👉 @TESTLIDER

So‘nggi guruhimda ayrim xatolarni o‘zim ham qildim. Oldimizdagi imtihon – onlaynda yakka o‘zim dars bera boshlaganimdan buyon yettinchi imtihon bo‘ladi. Olti imtihondan beri ENG YUQORI narijalar mening kursimda qayd etilyapti. Bu fakt. Guruhda noldan boshlagan, lekin juda yaxshi o‘qiyotgan abituriyentlar ham bor edi. Afsuski, hammasini birdek nazorat qilib ulgurmadim. Natijada “200 % tushadi” degan gaplarga uchishdi, oyday o‘qib yurgan o‘quvchilar ham chalg‘ib ketdi.

Yozishgan o‘quvchim – Bibisora. U mutlaqo noldan menda tayyorlanib, birinchi urinishning o‘zida 76,38 ball bilan A+ sertifikatini qo‘lga kiritgan edi.

👉 @TESTLIDER

Bu yerda men uchta muammoni ko‘ryapman

Birinchisi – guruhda 200+ kishi bo‘lsa, hammasini birdek nazorat qilish qiyinlashadi. Xudo xohlasa, keyingi ochadigan guruhimda bu masalaga juda kuchli yechim qilaman.

Ikkinchisi – o‘quvchi siz bilan oxirigacha borishi, yo‘lda turli piar gaplarga uchib ketmasligi juda muhim. Mana shuni ham nazorat qilish kerak. Chunki oxirigacha ishonganlar respublika darajasidagi rekord natijalarni ko‘rsatmoqda. Ochig‘i, bu gapni ko‘p aytavermayman – qo‘lidan kelgancha, mehnat qilayotgan ayrim repetitorlarga yoqmasligi mumkin deb o‘ylayman. Lekin fakt shuki, bunaqa rekord natijalar hozircha boshqa kurslarda yo‘q.

Uchinchisi – o‘quvchilar bilan muloqotni oldingidek ko‘paytirishim kerak. Bu faslda o‘zimda ham xatolar bo‘ldi. 8–9-sinflar uchun “Kundalik-optimal” to‘plamlarini tuzishga juda berilib ketib, ayrim nazorat ishlarida sustkashlik qilib qo‘ydim, nazarimda.

Shunga qaramay, o‘zidan bilib, barcha topshiriqlarni muntazam ishlab yurgan, hatto kerak bo‘lsa “alohida rejim”dagi kompyuter testlarini ham bajarayotgan o‘quvchilarim bor. Ularga alohida rahmat.

👉 @TESTLIDER

Mana shunday uyga vazifalarni doimiy tayyorlab boradigan o‘quvchilarim har doim yuqori natija qayd etishgan.

Bu videoni yuborgan o‘quvchim Dilnura. Mas’uliyatli.

👉 @TESTLIDER

Ayrimlarda ruxsatnomalar chiqmoqda. 7-aprel kuni ham imtihon bor ekan. Anaqissa, oldinroq rahbariyat bilan gaplashganimda “aprelga o‘tkazmaslik choralari ko‘rilyapti” deyilgan edi. Demak, haddan tashqari ko‘p odam topshirgan.

👉 @TESTLIDER

Tarixdan 1 mln atrofida (bu ma’lumotning to‘g‘riligi hali to‘liq tasdiqlanmagan. Ehtimol, boshqa fanlar bilan qo‘shib aytilgan) talabgor ro‘yxatdan o‘tgan va imtihonlar ayrim kunlarda 3 smenada (bu tasdiqlangan) tashkil etilyapti, deyishmoqda. Hozircha hammada ruxsatnoma chiqmagan.

UPD. Imtihonlar ayrim kunlarda 3 smenada tashkil etilishi rost. Biroq 3 ta fanni qo‘shganda ham 1 mln emas ekan, bu aniq ma’lumot. Lekin har qachongidan ko‘proq.

👉 @TESTLIDER

⚡️ 20-martdan “maxsus dars”larda yangi “EHTIMOLIY QO‘LLANMA”larni o‘rganishni boshlaymiz. Qo‘llanmalarning tarqalib ketishini imkon qadar cheklash maqsadida ular rasm ko‘rinishida joylanadi.

Guruhga kirish uchun 9860010133910371 kartasiga 200 ming so‘m to‘lovni o‘tkazib, @jalolboltayev_kurs'ga chekni yuboring.

👉 @TESTLIDER

O‘tgan kuni 15 nafar odam kelib, “har birimiz 1000 dollardan beramiz, ‘X variant’ bormi?” deb so‘radi. Javob esa doimgidek – YO‘Q. Meni pulga uchib, “ha” deb qo‘yadi, deb o‘ylashadimi, bilmadim...

Yana bir holat: Eltuz’da men haqimda maqola chiqqan kuni, go‘yoki jiyanini o‘ylayotgan “g‘amxo‘r tog‘a” ko‘rinishda bir “maxsus odam” ham yuborilgandi (juda katta ehtimol bilan).

Adolat yuzasidan bir narsani alohida aytish kerak: turli “ehtimoliy qo‘llanmalar”, umuman, har qanday qo‘llanma faqatgina bazasi bor, fundamental bilimga ega yoki mavzuni tizimli o‘rganganlarga ma’lum darajada yordam berishi mumkin.

👉 @TESTLIDER