#hokim_yordamchisi

СУҲБАТ САВОЛЛАРИ

1. Бюджет тақчиллиги билан бюджет профицити нима?

Бюджет тақчиллиги (дефицити) — давлат харажатлари унинг даромадларидан кўп бўлган ҳолат. Яъни, маблағ етишмайди.

Бюджет профицити — давлатнинг даромадлари харажатларидан ортиқ бўлган ҳолат. Яъни, бюджетда ортиқча маблағ мавжуд бўлади.

2. Иш ҳақи меҳнатнинг оғирлиги ва унумдорлигига боғлиқ бўлиши керак деган фикрга қўшиласизми? Фикрингизни изоҳланг.

Ҳа, бу фикрга қўшиламан. Иш ҳақи ходимнинг бажараётган иши оғирлиги, масъулияти ва меҳнат унумдорлигига мос бўлиши керак. Бу одилликни таъминлайди ва меҳнатга рағбатни оширади. Ким кўпроқ, самарали ва малакали меҳнат қилса, шунга яраша ҳақ олиши керак.

3. Маҳаллабай тизим деганда нимани тушунасиз?

Маҳаллабай тизим — ҳар бир маҳалланинг муаммолари ва эҳтиёжларини алоҳида ўрганиш, тўғридан-тўғри ишлаш, аҳоли билан шахсан мулоқот қилиш ва индивидуал ёндашувни назарда тутувчи бошқарув усулидир. Бу орқали муаммоларни тезкор ва самарали ҳал қилиш мумкин бўлади.

4. Инвестициялар ва инвестиция фаолияти давлат томонидан қайси усуллар билан қўллаб-қувватланиши мумкин?

Давлат инвестицияларни қуйидаги усуллар билан қўллаб-қувватлайди:

➖Солиқ имтиёзлари бериш;
➖Ер участкалари ва бинолар ажратиш;
➖Лойиҳаларни молиялаштиришда ёрдам бериш;
➖Инфратузилмани ривожлантириш;
➖Бюрократик тўсиқларни камайтириш ва ҳуқуқий кафолатлар яратиш.

5. Масъулияти чекланган жамият, хусусий корхона ҳамда оилавий корхона ўртасидаги фарқни тушунтиринг.

Масъулияти чекланган жамият (МЧЖ) — бир ёки бир нечта муассис томонидан ташкил этилади. Муассислар фақат ўз улуши миқдорида жавобгар бўлади. Юридик шахс ҳисобланади.

Хусусий корхона — якка шахс ёки жисмоний шахс ташкил этади. Эгаси барча мажбуриятларга шахсан жавоб беради.

Оилавий корхона — бир оила аъзолари томонидан ташкил этилади. Уларда оилавий меҳнат ва ўзаро ишонч асосида фаолият юритилади.


@test_bsa_uz

SUHBAT SAVOLLARI:

1. #hr_savollari

2. #hokim_yordamchisi

3. #siyosiy_savollar

4. #yoshlar_yetakchisi

5. #Ijtimoiy_himoya

6. #xotin_qizlar_faoli

7. #Iqtisodiyot_moliya_vazirligi

#hokim_yordamchisi

СУҲБАТ САВОЛЛАРИ

1. “Маҳаллабай” ишлаш тизими тўғрисида тушунча беринг.

“Маҳаллабай” ишлаш — давлат бошқарувининг янги услуби бўлиб, у ҳар бир маҳалланинг ўзига хос муаммоларини жойида ҳал қилишга қаратилган. Бу тизим орқали маҳаллада яшовчи аҳолининг ижтимоий-иқтисодий ҳолати ўрганилади, аниқланган муаммоларга тегишли ташкилотлар билан ҳамкорликда ечим топилади.

2. Маҳалла тўғрисида комплекс маълумотлар базаси (паспорти)ни шакллантириш тартибини тушунтиринг.

Маҳалла паспорти — маҳалланинг барча асосий кўрсаткичларини ўз ичига олган маълумотлар базаси ҳисобланади. Унга қуйидагилар киритилади:

-аҳоли сони, ёши, жинси, бандлик ҳолати;
-кам таъминланган, ногиронлиги бўлган, ишсиз шахслар;
-маҳалладги инфратузилма ҳолати (йўл, электр, сув, газ, мактаб, боғча);
-мавжуд иш ўринлари ва янги лойиҳалар.

Паспортни шакллантириш ҳоким ёрдамчиси бошчилигида, сектор раҳбарлари ва маҳалла фаоллари ҳамкорлигида амалга оширилади.

3. Ҳоким ёрдамчилари томонидан маҳалладаги муаммоларни ҳал этиш қандай тартибларда амалга оширилади?

Муаммоларни ҳал этишда қуйидаги босқичлар амалга оширилади:

- хонадонбай юриш орқали аҳоли муаммоларини аниқлаш;
- муаммоларни электрон тизимга киритиш ва таснифлаш;
- секторлар ва тегишли идоралар билан келишилган ҳолда чора-тадбирлар режасини ишлаб чиқиш;
- молиялаштириш ва назорат бўйича масалаларни ҳал қилиш;
- бажарилишини назорат қилиш ва натижаларни баҳолаш.

4. Ҳоким ёрдамчисининг фаолият йўналишларига нималар киради?

Ҳоким ёрдамчиси қуйидаги асосий йўналишлар бўйича фаолият юритади:

- аҳолининг ижтимоий ҳимоясини таъминлаш;
- ишсизларни касбга ўқитиш ва бандлигини таъминлаш;
- тадбиркорлик ва оилавий бизнесни ривожлантириш;
- маҳаллада янги иш ўринлари яратиш;
- аҳоли даромадларини ошириш ва қашшоқликни камайтириш;
- ижтимоий ҳимоя ягона реестрини тўлдиришда иштирок этиш.

5. Ҳудудларда ҳоким ёрдамчилари аҳолини ўзини ўзи банд қилишни ташкил этиш бўйича қандай чора-тадбирларни амалга ошириши лозим?

Аҳолининг қобилияти ва имкониятларини ўрганиб, ҳунармандчилик, хизмат кўрсатиш, деҳқончилик ва уй шароитида ишлаш йўналишларини аниқлаш;

Касб-ҳунар ўқув марказлари орқали малака оширишни ташкил этиш;

Асбоб-ускуналар ва бошқа зарур воситалар билан таъминлаш бўйича лойиҳаларга йўналтириш;

Микрокредитлар ва грантлар ажратишда кўмаклашиш;

Тадбиркорликка оид маслаҳатлар бериш ва фаолиятни расмийлаштиришга ёрдам бериш.

@test_bsa_uz