فعلاً ٫ مثل ما قال سعد علوش:

واحدٍ ما يقول بـ كل يوم ٫ شلووون؟
أبتلع يوم من عمره و لا ذاقه . . .

‏يا بعد وجه الصباح و يا صباحي
‏من بداية مشرقه لـ آخر غروبه .

‏قلت أبختار و أخترتك غلط و أنخذلت
‏كنت أبيك الحياة .. و صرتي التجربة .

‏- نواف التركي

‏تعدّيت شرهات الضمير ٫ و تركت الناس
‏و لا زال لـ آخر مشهد في صدري إحساسه

‏و لا زلت يا عودٍ جْدوده غلاظ يْباس
‏ليانك يخفّي ساسك ٫ و يكشفك باسه

‏إذا ما تميّلك القصيده و لا الإحساس
‏تحرّيت لي غيثٍ يميّلك نسناسه

‏لأن الأجدر بـ عاشقك يا الفارع الميّاس
‏يحبّ و -يصايد خاطرك- رافعٍ رأسه .

‏الرحمة و الحياء هما أكثر صفتين
يمنعان المرء من أن يؤذي غيره .



مساكم الله بالخير ✋🏻

‏القصايد سلوة النفس و الإبداع ذوق
‏و كل بيتٍ يلفت العين يسلم شاعره 🫡

الاحظ غربتي حتى على مدهالي و مرباي
مثل: غربة حديث المطّلع في حضرة الأمي

وش أنسب حل مع قسوة زمانٍ ما أحترم مبداي؟
حمس قلبي على صاج الصبر لين أحترق دمي ٫

تضيع الضيعه اللي ما تبي فيها رجاحة رأي
لا شفت أحلامك يكبّر عليها الوقت و يسمّي :(

#قصيدة_الليلة


‏ليه اكف الدموع؟ و كلها من نصيبه
‏معه يا حلو مشكلتي , و يا حلو حلّي

‏جعل ربي يجيب الدعوه اللي تجيبه
‏كان يا كبر حظي فيك يا الدمعه اللي

‏تأخذ الحزن مني لـ الدروب الرحيبه
‏من شعور المقصر لـ أنشراح المصلي

‏جيت دربي خضر و غصون قلبي رطيبه
‏و صعبه أروح كلي مثل ما جيت كلي

‏كل ما قلت وينك؟ قال افا يا الحبيبه !
‏من لقى فيك روحه ٫ ما يروح متخلي

‏قلت و الحب؟ قال الحب أنا عندليبه
‏أجمعي كل عمري ٫و انثريه و تجلي !

‏كل لحظة تسلي ٫ في غيابك كئيبه
‏و كل لحظه كئيبه ٫ في وجودك تسلي .


- العنود الواصليه 👏

‏الصباح تدريبٌ يومي على البهجة .

صباح الخير جميعاً
و يوم سعيد عليكم يارب 🤍

أتركوني فـ الصغار من الأمور .. مغيّب
‏و أذخروني لا احتمى ضرب السنين القشره

‏ودك إن اللي يحز الخاطر من قريّب
‏ما يجي بينك و بينه سَلم و لا عشره

‏صرت مثل الطيّب اللي في محل الطيّب
‏ورعهم يخطي عليه و مستحي لا يشرهه.

وعليكم السلام ورحمة الله وبركاته
مساء الخيرات يا مرحبا 🤍

ما فيه داعي تغلّى و أنت عارف غلاك
روحي معك ملّت الشكوى من إهمالها

إن ما لقيت أي عذر تقدّمه عن جفاك ٫
أرسل 'أحبك' أحبك ٫ عذر بلحالها .

‏مؤخراً صرت أتجنب الكثرة بـ كل أشكالها ٫
في الشعور ٫ و الكلام ٫و المعرفة ٫ و الصداقات ٫ أحتاج أمضي حياتي كلها و أنا أعرف حدودي
و أحميها جيدًا و لا أتخطاها.

أكره ما في أيامك يا الأسبوع 'الأثنين'
يوم أختلط حزني و خوفي و بوحي

أبي الوصال و لا أدري أجيه من وين؟
و أبي الفراق و مستحي من جروحي .

‏أنا / بدويٍ مرهفٍ يحزن على ٫ حنّة حوار
‏و يشوف حتى جرّة البل ترسم بـ عينه قلوب

‏- محمد الرويبخ

‏لا تلقيت الهبايب و فكيت الزرار
‏ليت صدري يتّسع دام فـ الدنيا سعه

‏الحزن كنه على الصدر باني له مطار
‏شغلته لـ الحزن يستقبله و يودّعه

‏و الوصل مدخل رقبته بـ حبل الانتحار
‏جيت أحاول فيه قدام يلقى مصرعه

‏لكن المجنون صابه فـ الأعصاب إنهيار
‏ضاع في زهرة شبابه . . و ضيعني معه !

#قصيدة_الليلة



‏القلوب يريبها طول الجفى و الليل دوبه
‏يتهادى عطره الحسّاس و أحظى بـ إهتمامه

‏كل وجهٍ قد طويت أوراق ماضيه بـ صعوبه
‏تحمل الأنسام بالغ شوقه و وافر سلامه

‏وين أبهرب و الثواني واقفه ٫ شبه مغصوبه
‏عدني يا ليل شرهاتك و أعديك الملامه

‏الضمير الحي ما تسكن من اللهفه حروبه
‏تربكه حتى نسانيس الهواء مدري علامه

‏من ترك لي صورةٍ فـ البال ماهيب محجوبه
‏يتشجر في زوايا القلب وده و أحترامه

‏يدري إني كل ما تأخذني الخطوات صوبه
‏مستعد أرضي غرور الغرة اللي فوق شامه

‏يا رهيف الحس كيف أصد و الصده عقوبه
‏و أنت يغري عودك بـ ميله و يغري بـ إستقامه

‏لا تسيل الدمعة العذبة و أسيل من العذوبه
‏الدموع تكبّل العشاق و تزيدك وسامه

‏أهيفٍ لو تبتسم تسلب من الرجال ثوبه
‏أبتسم و أقول لك لله در الإبتسامه

‏من تخيّر دربك المهجور عن باقي دروبه
‏لاقيٍ بـ عيونك الثنتين مضياف و كرامه

‏لا تلومه لو تشوف الصمت ذنبٍ من ذنوبه
‏وش يقول اللي يشوف إحساسه أكبر من كلامه؟

‏واحدٍ مهما تضيق بـ عينه الأرض الرحوبه
‏ما يبين في عيون الناس ضعفه و أنهزامه.

‏صباحٍ شعاعه مثل لمعة سيوف مطير
‏تشوف المهابه فيه و الرزق عند الله .



صباح الخير ☀️