السلام الداخلي بين التواضع و التعليّ
و الرضى بابه بعيد دروب عن باب الضعافه

- محمد بن ماجد 👏

مشكلتكم تبون الواحد صالح 100٪؜ أو طالح 100٪؜

تقبلوا صراع الخير و الشر في الإنسان
و انه قد يذنب و يطيع الله بـ نفس اللحظة ..

‏دارت ليالي مزوحك ٫ و الهوى يوم دار
‏عرَّضت بارد نسيمة — كل جرحٍ ندي .

من فرحتي في وصالك يوم طلّيتي
حتى حدود الفضاء ما تاسع أجنحتي

لا أنا تمسّكت فيك و شفت عافيتي
و لا تخلّصت منك و شفت مصلحتي :(

حوار يساعد على الحياة:

- أنت شلونك؟
- أحبك ولله الحمد .

أنا البارحة بغيت أعبّر و لا الله راد
يا كثر الكلام اللي كتبته و لا أرسلته :(

ما عاد عندي من سمان المعاذير
غير الخطوط اللي على بطن كفّي

دربك شفوف و درب غيرك مقادير
و أنا ما أعرف أعاتب أعرف اقفّي

باقي عشان أنساك عمر و مشاوير
و الخطوتين اللي معي ما تكفّي

‏مضى لي زمن مانيب طيب يا أبو بسام
‏تخاطفني سهوم الهواجيس يومياً

‏على فكري الخصب و على أحساسي اللوام
‏و على رأسي الصلب و على قلبي الليّن

‏يمر الشعور المر ما هو مرور أكرام
‏مثل قسوة التأيب في خلوة الدّين

‏على هامش أحداث الحياة أحسب الأيام
‏و لو ماني بـ مزعوج من شيءٍ معيّن

‏سقى الله يوم إن العمر رحلة أستجام
‏قبل يصغر الحلم و قبل يكبر الهيّن

‏و هـ الحين احس أيام عمري ما غير أرقام
‏تساوت بـ عيني كلها قشر و مزّين

‏رمادي شعور أشوف الأشياء بدون ألهام
‏ما كني يا أبو بسام بسّام و حنيّن

‏ما عاد أبتهج حتى بـ طق المطر لـ الجام
‏و ما عاد أتلذذ بـ أي حاجه نهائياً

‏لو أتصنع الضحك و لو أحارب الأوهام
‏ملامح حياتي شاحبه و التعب بيّن

‏ليا صار هذا واقعي و الشهر عن عام
‏لو إنك مكاني يا صديقي وش تزيّن؟

فاقِد الدهشة كائنٌ ميّت !

فعلاً ٫ مثل ما قال سعد علوش:

واحدٍ ما يقول بـ كل يوم ٫ شلووون؟
أبتلع يوم من عمره و لا ذاقه . . .

‏يا بعد وجه الصباح و يا صباحي
‏من بداية مشرقه لـ آخر غروبه .

‏قلت أبختار و أخترتك غلط و أنخذلت
‏كنت أبيك الحياة .. و صرتي التجربة .

‏- نواف التركي

‏تعدّيت شرهات الضمير ٫ و تركت الناس
‏و لا زال لـ آخر مشهد في صدري إحساسه

‏و لا زلت يا عودٍ جْدوده غلاظ يْباس
‏ليانك يخفّي ساسك ٫ و يكشفك باسه

‏إذا ما تميّلك القصيده و لا الإحساس
‏تحرّيت لي غيثٍ يميّلك نسناسه

‏لأن الأجدر بـ عاشقك يا الفارع الميّاس
‏يحبّ و -يصايد خاطرك- رافعٍ رأسه .

‏الرحمة و الحياء هما أكثر صفتين
يمنعان المرء من أن يؤذي غيره .



مساكم الله بالخير ✋🏻

‏القصايد سلوة النفس و الإبداع ذوق
‏و كل بيتٍ يلفت العين يسلم شاعره 🫡

الاحظ غربتي حتى على مدهالي و مرباي
مثل: غربة حديث المطّلع في حضرة الأمي

وش أنسب حل مع قسوة زمانٍ ما أحترم مبداي؟
حمس قلبي على صاج الصبر لين أحترق دمي ٫

تضيع الضيعه اللي ما تبي فيها رجاحة رأي
لا شفت أحلامك يكبّر عليها الوقت و يسمّي :(

‏ليه اكف الدموع؟ و كلها من نصيبه
‏معه يا حلو مشكلتي , و يا حلو حلّي

‏جعل ربي يجيب الدعوه اللي تجيبه
‏كان يا كبر حظي فيك يا الدمعه اللي

‏تأخذ الحزن مني لـ الدروب الرحيبه
‏من شعور المقصر لـ اأنشراح المصلي

‏جيت دربي خضر و غصون قلبي رطيبه
‏و صعبه أروح كلي مثل ما جيت كلي

‏كل ما قلت وينك؟ قال افا يا الحبيبه !
‏من لقى فيك روحه ٫ ما يروح متخلي

‏قلت و الحب؟ قال الحب أنا عندليبه
‏أجمعي كل عمري ٫و انثريه و تجلي !

‏كل لحظة تسلي ٫ في غيابك كئيبه
‏و كل لحظه كئيبه ٫ في وجودك تسلي .


- العنود الواصليه 👏

‏الصباح تدريبٌ يومي على البهجة .

صباح الخير جميعاً
و يوم سعيد عليكم يارب 🤍

أتركوني فـ الصغار من الأمور .. مغيّب
‏و أذخروني لا احتمى ضرب السنين القشره

‏ودك إن اللي يحز الخاطر من قريّب
‏ما يجي بينك و بينه سَلم و لا عشره

‏صرت مثل الطيّب اللي في محل الطيّب
‏ورعهم يخطي عليه و مستحي لا يشرهه.