وعارف بعلاقتنا المهم شافني ليك زهجانه قال لي اشغل ليك اغنيه ممكن تروقي😹😹طبعا هو ظريف شديد😹قلت ليه اقفلها ما عندي مزاج قال لي مآب ممكن اقول ليك حاجه من أخ كبير يعني قلت ليه اتفضل قال لي مادام الزول الأمني بتحبيه هو عايزك ومكتفي بيك طووووز في باقي الناس ما عندك شغله بيهم😴طبعا هو فاهم ياسمين وأمها بعاملوني كيف😢 قلت ليه لكن انا انسانه وبحس م ممكن البعملو دا بالجد قال لي طنشي اي شي بضايقك طنشي😴وقعدنا اتونسنا لحدي ما وصلنا بالحد روق لي مزاجي شديد بالجد احمد دا راحه نفسيه ياخ🙂👋🏻طبعا أحمد دا

هو الوحيد الما بغير علي منو وسيم لأنو بثق فيه ثقه عمياء👋🏻🙂 المهم وصلنا جينا داخلين بيت ناس وسيم أحمد قال لي طنشي كويس😴قلت ليه طيب😇لقيناهم قاعدين كلهم سوا الا وسيم أحمد قال ليهم وسيم وين قالو ليه في غرفتو جينا طالعين ليه انا واحمد أمو قالت لي وسيم بغير في ملابسو خلي ياخد راحتو احمد اطلع ليه انت براك احمد قال لي طنشي براحه كدا عشان ما يسمعو😹😹هو طلع ليه وانا قعدت لكن من نظراتهم لي قلت ديل حياكلوني حياكلوني😹أمو قالت لياسمين انتي عارفه وسيم دا بعد دا الا نعرس ليه قالت ليها اي يا أمي قالت ليها لكن عايزين ليه وحده مننا ووضعها زي وضعنا وحده تهتم بيه وما بسببها هي يتضرب وحده تكون راقيه وبنت ناس وتوبها من توبنا عشان ما اي بنت تمسك فيه عشان قروشو نعرسها ليه نحنا عايزين وحده تجي من بيت أبوها شبعانه.
ياخ انا في اللحظه دي لساني اتجمد بس دموعي دي جات جاريه ماقدرت اتحمل قمت مشيت سريع سريع😭ياخ انا بكيت بكاء في الدنيا دي كرهت نفسي عشان مارديت ليهم عشان أظهرت ليهم اني ضعيفه😔زعلت من نفسي زعل أثبت لنفسي اني ما قويه وم عندي ثقه في نفسي بس لما أمر بموقف صعب بقعد ببكي😪وما بعرف ادافع لنفسي ولا ارد😪أبوي تعب فيني وخسر فيني قروش ورباني أحسن تربية ماعشان في النهايه أخلي ناس زي ديل يهينوني😢ومسحت دموعي ورجعت البيت خالتي شافتني قالت لي مالك زي الكنتي بتبكي كدا قمت حكيت ليها قالت لي الناس ديل مابخافو الله شايفين نفسهم أحسن ناس كأنو الدنيا دي مافيها غيرهم ما بستاهلو تزعلي نفسك عشانهم😪شجعت نفسي ومااشتغلت بيهم قلت الجايات أكتر🙂ما تزعلي نفسك يا أحلى موبي🙂بقيت ارضي في نفسي😹انا بتكلم مع نفسي كتير بالذات لما اكون زعلانه😹وسيم ضرب لي..قلت اسي حقول ليه مشيت ليه😪
وسيم:موبي وين انتي احمد قال لي انك قاعده تحت لما نزلت تحت ما لقيتك وياسمين قالت ماعارفاك مشيتي وين
أنا:(قلت في نفسي ماعارفاني ماشه وين يا حيوانه)😤رجعت البيت عشان خالتي ضربت لي قالت لي تعالي
سمسم:طيب تعاليني اسي اشتقت ليك
أنا:مابقدر اسي اصلا الزمن أتأخر بكره بجي بشوفك
سمسم:طيب؛صوتك مالو كدا في حاجه؟
أنا:لا مافي حاجه(سبحان الله البحبك بعرفك من نبرة صوتك)
سمسم:كنتي بتبكي صاح؟
أنا:بس اتذكرت قبيل لمن كنت واقع في الارض ومجروح😔
سمسم:يالله يا موبي نحنا قلنا شنو؟ازعل منك؟
انا:لا خلاص
سمسم:بطلي البكى الكتير دا انتي ما شافعه صغيره🙄
أنا:طيب حبطلو😔سمسم انا بحبك والله
سمسم:وانا بموت فيك
أنا:اوعدني انو ما حتتخلى عني مهما يحصل
سمسم:بوعدك ياروحي لكن انا المحتاج للحاجه دي موبي انا بطلب منك انو ما تتخلي عني لأي سبب😔
أنا:اوعدك لأنو غصبا عني ما حاقدر.
اني عشقتك واتخذت قراري..💗فلمن أقدم ياترى أعذاري🖤✨لا سلطة في الحب تعلو سلطتي..💗فالرأي رأيي والخيار خياري🖤✨هذه أحاسيسي فلا تتدخلي ارجوك..💗بين البحر والبحار🖤✨ظلي على أرض الحياة فإنني..💗سأزيد اصرارا على اصرار🖤✨

#سنموت_معا 😴💔
بقلم:نفحات محمود💙
-٨-
الصباح كان يوم الجمعه خالتي قالت لي خلينا نمشي نشوف وسيم طبعا فرحت فرح لأنو عايزه لي سبلة توديني ليه😹مشيت لبست ليك عبايتي لقيت من وسيم رساله هو اصلا مستحيل ما يرسل لي رساله الصباح🤭كتب لي فيها اذا مر يوم ولم أتذكر به أن أقول..صباحك سكر ورحت أخط كطفل صغير..كلاما غريبا على وجه دفتر..فلا تضجري من ذهولي وصمي ولا تحسبي أن شيئا تغير..فحين أنا لا اقول أحب فمعناه أنني أحبك أكثر♥✨أنا عايز اصبحك بوشك تعاليني سرييع.
ياخ الرساله دي فتحت لي نفسي من الصباح🤭مشينا ليك انا وخالتي لقينا أمو وياسمين ومياده ومعاهم بنات اهلهم كدا قاعدين وسيم شكلو في غرفتو جينا سلمنا أمو الا بتسلم لينا بطرف يدها انا وخالتي ما اشتغلنا بيها الشغله🙄أنا كنت عايزه اطلع لوسيم أمو قالت لي وسيم برتاح يعني ما تطلعي ليه اتغظت منها غيظه ما فضل لي الا اعضيها🙄لكن انا بعجبكم ما سكت رسلت رساله لوسيم قلت ليه حبيبي انا قاعده تحت🤭هو طبعا ما بستنى لازم يشوف موبي حبيبة قلبو🤭 قام نزل طوالي أمو من شافتو وسيم حبيبي ليه نزلت عايز حاجه🙄قال ليها جيت أسلم لموبي طبعا وااا حريقه فيكم😋أمو بقت تحمر لي عرفت اني كلمتو😀ولا اشتغلت بيها الشغله😹😹وسيم جاء سلم لي قلت ليه بقيت كيف قال لي بعد شفتك بقيت أحسن♥
طبعا هو ما بخجل عادي ممكن يقول لي أي حاجه قدام اي زول حتى لو كان أبو🤭أمو د

ي زعلت زعل قالت ليه وسيم اطلع ارتاح قال ليها والله انا كويس يا أمي جاء قعد جنبي في الكنبة وبقى يتونس معانا انا وخالتي🤭أقسم بالله انا قربت أنط فرحت فرح في الدنيا دي ياخ امي دي عيونها بقو حمر وياسمين ومياده وبنات اهلو اي وحده متغايظه أكتر من التانيه وانا الوضع عاجبني قاعده مرتاحه😹😹وأمو كل ما تحاول تكلمو يمشي هو بجيب ليه عذر بس بقى قاعد معانا وبنتونس🤭 شويه خالتي قالت لي خلينا نمشي انا زاتي حسيت انو عصرنا عليهم😹😹 قلت ليها خلاص طيب لما جيت ماشه قلت لوسيم خلي بالك من نفسك قدامهم طبعا ولا خجلت منهم اصلا كنت عايزه اغيظهم😹😹قال لي حاااضر من عيوني الاثنين🤭♥يلا كدا عصرها عليهم اكتر😹😹قمنا طلعنا مياده قامت مشت معانا لحدي الباب قالت لي عنت ما حتأدري تشيل وسيم لعنك واحد شرشوح طبعا هي بتتكلم كدا عربيها مكسر الحيوانه قلت ليها عليك الله امشي اتعلمي ليك عربي وبعدين تعالي اتكلمي معي حبيبتي وبعدين وسيم هو العايزني وميت فيني وما بقدر يستغنى عني وانتي شايفه بعيونك هو متعلق بي كيف🙄خليتها ليك خشمها ملح ملح😹😹وطلعت خليتها وفكيت ليك الضحكه ياخ ضحكت ضحك في الدنيا دي😹😹خالتي بتعاين لي ساي قالت لي والله أديتيهم في الصميم😹قلت ليها وووين انتي لسه ما شفتي شي😹😹مشيت خشيت الواتس طبعا عاملين لينا قروب كدا فيه انا وملاذ ورمانه وفيرجن وحكيت ليهم الحصل ياخ ضحكو ضحك اتعرصنا ليك فيهم جنس تعرصه😹😹قالو ليهم اديهم أكتر بالذات التركيه دي قلت ليهم والله التركيه دي اصبرو بس بعملو ليها بالدكوه😹😹قعدنا نضحك😹رمانه قالت لينا يا بنات أبوي قال الا اتزوج مؤيد وبقت تبكي😭😭هي طبعا ما عايزاه نحنا فرحنا ليها قلنا ليها والله يارمانه مؤيد دا كويس المشكله انو هو زاتو ما عايزها يعني عامل ليها زي ما أهل وسيم عاملين لي نظام هو دكتور وشغال في ماليزيا وشايفها ما مستواه ولو اتزوجو حتتعذب معاه عذاب لكن هو تاني ما فيه كلام ياخ الولد دا سمح سماح وزول فاهم يعني من عينة الأولاد الكبار العاقلين ديلك بس ياهم🤤طبعا سمسم لو عرف اني منبرشه فيه بقتلني😹😹المهم قلنا لرمانه اتوكلي واتزوجي حياتك بتبقى ورديه😹😹وهي لسه معنده😪
يوم السبت طبعا عندي جامعه😪قمت مشيت مع انو وسيم قال يوصلني لكن قلت ليه انا حامشي براي انت اقعد ارتاح🤭المهم مشيت من جيت خاشه كدا بباب الجامعه لقيت الولد الكنت انا واقفه بتكلم معاه ووسيم جاء ضربو قال لي موبي اها حبيبك بقى كيف بعد الضرب الضربو ليه ناس المواتر 😱طبعا انا اتفاجأت عرف كيف قلت ليه انت عرفت كيف؟بقى يضحك قال لي هو براه بدأ بالشينه👋🏻يلا أشربو.

#سنموت_معا 😴💔
بقلم:نفحات محمود💙
-٩-
انا الساعه الأديتو كف👋🏻أنا بس بكل قوتي شلت يدي وضربتو بس كنت بتذكر في منظر وسيم لما كان واقع في الأرض ومعوق ولما الاولاد كانو بضربو فيه😔الناس دي كلها بقت تعاين شوفو البنت ضربت الولد دا كف انا ما كنت منتبهه لأي شي بس غير الولد الواقف قدامي دا وبديت ليك فيه ضرب والناس يحجزو فيني وانا بقول ليهم خلوني ما تمسكوني خلوني اعلمو الأدب لأنو ما متأدب بس شغاله ألبعو ليك بشنطتي وفيها كتاب تقييل بس كتب الطب الكبيره دي انا اعجبكم😹😹الا جو ملاذ ورمانه وفيرجن حتى مسكوني وزحوني منو😹😹قلت ليه انت ما راجل لو راجل كان واجهت وسيم براك وما كان رسلت ليه ناس يضربو وما كان خليت بنت تضربك تف عليك💦 الولد دا لمن عينو مشت بالجنبة يستاهل الحيوان👊🏻وخجل نزل راسو طبعا انا قلت ليه الكلام دا قدام الناس كلهم بقو عارفين هو شنو تاني بقدر يتكلم ولت يرفع عينو👊🏻والله لو كان خلوني كان ضربتو أكتر كان مشي ما قدر يمشي😹😹لكن انا ما عملت ليه شي لو كان دا وسيم والله كان خلاه يشوف النجوم في عز النهار🤕✨ومشيت ليك مع البنات والناس دي كلها دي البنت الضربت الولد ما شفتوها والله ضربتو ضرب بقيت مشهوره عديل😹😹صحباتي بقو يشاكلو فيني قالو لي ليه تضربي الولد كدا عمل ليك شنو هو طبعا هم ما كانو عارفين لمن حكيت ليهم القصه اي وحده شالت ليها حجر وقالت ماشه تدقو😹😹انا الا وقفتهم قلت ليهم خلاص انا اديتو حقو بعد دا الشرطه بتجي تسجنا😹😹والعجب فيرجن دي شالت ليها كتاب كبير وعايزه تجري😹😹والله بالجد الصحبات الحقيقيات هم البقيفو معاك في اللحظات دي♥😋رمانه قالت لينا انو أبوها حدد عرسها حيكون بعد شهر وهي زعلانه زعل شغاله تبكي ساي لكن بالجد هي أبوها صعب الحاجه دي تحصل يعني تحصل كلمتو وحده وهي كانت متضايقه شديد لكن نحنا شجعناها وقلنا ليها مادام الله مقدر يحصل كدا معناها لخير وهي تقريبا كدا اقتنعت😋يعني حيكون عندنا عرس بعد شهر يا سلام♥طبعا نحنا فرحانين بالعرس دا فرح اخيرا حيكون في عرس من زمان نفسنا في حفله😋رمانه بقت تشاكل فينا قالت لينا ما همكم الا الحفله بس قلنا ليها ياخ معقوله انتي البتهمينا طبعا هي بتتحنك سريع😹😹أحمد صاحب وسيم ضرب لي قال لي وسيم قال بعد تخلصي محاضرات أجي ارجعك يعني حكون الشوفير بتاعك لحدي ما وسيم يبقى كويس😋قلت

ليه مافي داعي تتعب نفسك انا برجع براي مافي مشكله قال لي حرم بجيك بس خلصي أديني تلفون قلت ليه اسي انا ما عندي شي بس قاعده اتونس مع صحباتي الما عندهم مووضع ديل قعد يضحك قال لي خلاص بجي اسي😋قعدو يضربو فيني قالو لي ي وسخه طوالي تبيعينا بس👊🏻😹نحنا قاعدين كدا احمد جاء طوالي عرفتو على صحباتي بقى يعاني لي لملاذ ساي شكلها عجبتو الحيوانه😹😹هي ماركزت معاه كتير قلت ليه يلا احمد خلينا نمشي قال لي دقيقه دقيقه😹😹وبعاين لي لملاذ ساي كلنا لاحظنا انها عجبتو الا هي عامله فيها ما شغاله بيه😹قمنا طلعنا وماشين في الطريق احمد قال لي انتي البنت الطويله الصفراء دي صحبتك؟قلت ليه ايواا ملاذ😹قال لي أي دي طبعا فهمتو لكن عملت رايحه😹😹 المهم وصلني قدام بيت ناس وسيم ومشى طوالي🤭 لقيت بيتهم فاضي مافي زول بقيت بنادي في وسيم ما رد لي وبنادي وبنادي قمت طلعت غرفة وسيم قلت اشوفو دقيت الباب مافي زول فتح لي اصلا هو الباب كان فاتح قمت خشيت لقيت وسيم مافي وانا واقفه كدا مياده طلعت من الحمام الفي غرفة وسيم ولافه في نفسها منشفة بس انا مشيت ليها ولميت ليك فيها ضرب يا حقيره يا تافهه وهي بقت تضرب فيني الساعه اللميت ليها في شعرها الأشقر دا معطتو ليها معيط اصلا انا كنت مغبونه منها ضربتها ضرب شلت حقي كلو👋🏻

#سنموت_معا 😴💔
بقلم:نفحات محمود💙
-١٠-
مياده بقت تقول لي عنا كان في غرفة وسيم عنا وسيم بنحب بعضنا عنا كان في حمامو وانا بشيل وبمعط فيها🤬وهي تضرب فيني وتصرخ ي وسيم تعالي سوفي دي عمل شنو فيني وانا اضرب ليك فيها ياخ بس حسيت نفسي بضربها قالت لي عنت واحد مجنون وسيم بحبني أنا انت ما بحبك وسيم وسيم بغش عليك لأنك شرشوح ياخ البنت دي غضبتني غضب في الدنيا دي وسيم جاء خاشي لقانا بنتشاكل جاء جاري فكانا ياخ انتو شفع دا شنو البتعملو فيه دا😪ليه بتعملو كدا مياده قالت ليه ماب دا ضربني ماب زول كعب عشان لأتني في الحمام حق وسيم وانا دخلت حمامك عشان حمام انا ما بصرف😭😭وسيم قال لي يعني ي مآب تضربيها الضرب دا كلو عشان بس هي خشت حمامي لأنو حمامها فيه عطل مآب انتي من متين يتتصرفي بالطريقه دي؟قلت ليه ما كدا انا قام سكتني قال لي تعالي نتكلم بره قال لمياده معليش وممكن تدخلي حمامي وقت ما عايزه تمام؟مياده بقت تعاين لي بنظره شريره كدا نظام وااا وقف معي انا😌ياخ انا زعلت زعل بالذات لما وسيم احرجني قدامها😭😭قمت طلعت معاه بره وزعلانه زعل😭مسكني من يدي قال لي موبي ابيت ارد ليه قال لي موبي برضو ما رديت ليه قام رفع لي راسي فوق قال لي لمتين حتفضلي تتصرفي تصرفات الأطفال دي اا؟قلت ليه دي ما تصرفات أطفال وبعدين هي تقعد في غرفتك ليه اصلا قال لي موبي نحنا عايشين في بيت واحد وهي حمامها ما بصرف مافيها حاجه لو خشت حمامي قلت ليه لكن هي قالت لي انك ما عايزني واني وحده شرشوحه وانك ما بتحبني؟قال لي طيب هو كدا يعني؟قلت ليه ما عارفه قال لي ما عارفه اني بحبك وميت فيك ولا ماعارفه اني متعلق بيك شديد ومن غيرك ما بعيش؟قلت ليه امممم قال لي طيب انتي ليه بتشتغلي بكلام الناس مش انتي عارفه دا كلو طيب ليه بتزعلي؟قلت ليه ما عارفه بس انا زعلت من كلامها قال لي مآب انا بقول ليك اسي بحبك وهي عارفه أمي وابوي وأختي عارفين وما خجلان اقول لأي زول والله يا مآب انا بس مستني أتخرج وأجيب قروشي بتعبي وبعدين حخلي الناس دي كلها تعرف انا بحبك قدر شنو♥قام قرب مني شديد قال لي بحبك ياخ انا في الساعه دي اتجمدت😹😹بقيت سامعه صوت دقات قلبو شدة ما هو قريب مني♥حسيت نفسي سحت عديل والله😹😹بالجد انا كنت فاركاه حايشاكلني لما شافني بضرب في مياده ولا يضربني ولا ما يتكلم معي تاني بالجد خفت شديد لكن بالجد سمسم بحبني وانا بحب سمسم بموت في سمسم بعشق سمسم♥♥♥✨
يسمو عني حين يراقصني كلمات...ليست كالكلمات..يأخدني من تحت ذراعي يزرعني في أحد الغيمات..والمطر الأسود في عيني يتساقط زخات زخات..يحملني معه يحملني لمسا وردي الشرفات..وأنا كالطفله في يده كالريشة تحملها النسمات♥✨
أمي ضربت لي قالت لي تعالي عشان بكره حيجو يتقدمو لاختك شلت حاجاتي ومشيت😭😭مع انو ما كان عندي مزاج امشي نهائي😭😭ما عايزه افارق وسيم😭لكن الحاجه الحلوه انو بقى كويس وتاني حيجي يوديني الجامعه كل يوم💃🏻وحشوفو كل يوم💃🏻💙المهم رجعت لناس أمي واستنينا يوم بكره دا لحدي ما جاء رهام خايفه خوف تخش وتطلع ومتوتره شغاله ترجف اول مره اشوف أختي متوتره كدا😹😹نظام هي العروسه وكدا😹يا زوله شويه كدا وكيمو وصل معاه أبوه واخوانو اثنين وأمو واختو وقعدنا معاهم جبنا ليهم العصير والعشاء والبارد والله مليناهم اكل😹😹شوية كدا الناس قالو يعملو عقد نحنا كلنا انخلعنا لأنو ما جاهزين لموضوع عقد وكدا لكن ابوي وافق قال خلاص نعمل عقد رهام دي لمن عايزه تبول في ملابسها😹😹كانت متوتره توتر وهم كمان ولا بستنو ضربو ليك للمأذون طوالي هو دقيقتين ولقينا معانا وعقدو لكن نحنا بكينا بكى دموع الفرح ياخ😭أختي الكبيره بقت بنت متزوجه وح

تمشي وتخلينا مع اني طوالي بتشاكل معاها وبتغالظ معاها لكن حافقدها والله😭😭أبوي دا لمن عيونو دمعت أول عرس ليه في البيت بالجد فرحه ياخ😭😭وحددو العرس طوالي بعد عرس رمانه الحمدلله انو ما بقى م عرس رمانه سوا🙂نحنا بقينا جايين اي زول سمع الزغاريط يجي يبارك طبعا انا ما بقصر بعرف ازغرت زغاريت😹😹امي طوالي ضربت لاخواتها والناس تخش وتطلع انا ماسكه تلفوني في يدي عشان عارفه انو سمسم حيضرب🤭سبحان الله طوالي ضرب لي قال ليها اهل العريس عملو شنو قلت ليه عقدو قال لي ياخ الف مبروووك وعقبالنا كدا🤭قلت ليه امين بصوت براحه طبعا وسيم من يجيب لي سيرة العرس بقعد اخجل😹😹قال لي دا شنو اسي قوليها عديل🙄قلت ليه خلاص اميييييييين قال لي ايواا كدا😹😹مااتكلمت معاه كتير عشان الضيوف وقفلت منو.
طبعا انا ما صدقت أخدت الفرصه طوالي وضربت لملاذ ورمانه وفيرجن قلت ليهم عقدو لرهام تجوني اسي😹😹هم زاتهم ماعندهم موضوع اي وحده شالت شنطتها وجاتني😹😹عقدنا اتونسنا للساعه ١٠ بليل بعدين اي وحده مشت بيتهم الا ملاذ قعدتها معي قلت ليها الليله الا تبيتي معي العده والحاجات الجايطه دي بنظمها معي منو؟😹😹طبعا العده دي هي ستها😹قعدنا نغسل في العده كدا احمد ضرب لي بقيت أغمز لملاذ قالت دي مالها الهبله دي🙄اصلا عايزه احركها

ليها😹😹رديت لأحمد قال لي معليش ضربت ليك في زمن متاخر لكن عايز أبارك ليك لأختك قلت ليه لالا مافي اي مشكله والله يبارك فيك وعقبالك كدا كمان🤭قال لي ياخ لسه نحنا صغار😹😹 وقعدت اتونس معاه قلت ليه طبعا معي الكان سألتني منها امس ملاذ بقت تقرص فيني😹😹أحمد قال لي لحدي بكره بتكون قاعده؟قلت ليه اي قال لي خلاص بكره حأجي ابارك لأختك😹😹

#سنموت_معا 😴💔
بقلم:نفحات محمود💙
-١١-
قعدنا أنا وملاذ بليل داك اتونسنا ونسه ما خلينا وسيم ما خلينا مياده الحيوانه😹😹ما خلينا زول😹الصباح ما كان عنيد مزاج امشي الجامعه نهائيا قلنا خلاص الليله ندك اليوم دا وطبعا ما بنقصر عملناها وقعدنا في البيت😹😹وسيم ضرب لي من الصباح قال لي انا واحمد بعدين حانجيكم عشان نبارك لاختك🤭ياخ انا فرحت فرح🤭طبعا وسيم أمي وأختي بعرفو واخواني عارفنو لكن ما عارفين علاقتنا وبابا نفس الشي عارفو لكن ما عارف علاقتنا😹يعني نظام جيران ناس خالتي وكدا يعني لو جاء ما حياخدو فيها حاجه حايقولو جاي يبارك وكدا اما احمد جاي عشان ملاذ😹😹مع اني ما عارفه عاجبو فيها شنو لكن يلا م حنك😹😹انا مشيت لبست لي لبسة كدا من امها واتمكيجت وقعدت ملاذ قالت لي أجي يا بنت أمي والله دا كلام قلت ليها انتي ما شغلتك😹😹امي شافتني قالت لي ي بنت ماشه لمنو ملاذ قالت ليها هي ما ماشه لزول هم الجاينها😹الحيوانه تصبر لي بس😹👊🏻أمي قالت لي الجايين ديل منو قلت ليها وسيم🤭أمي بقت تلبع فيني قالت لي جايين ضيوف وما بتكلميني اسي البيت دا مجوط كدا قلت ليها يا أمي البيت ما ضروري كفايه اني مجهزة نفسي🤭تاني ادتني لبعه😹😹قالت لي تقول جايه يخطبوك قلت ليها احتمال ما معروف😹😹وسيم شويه ودق الباب انا جري مشيت فتحتو😹دق الباب وجانا وانا جريت لي حفيانه😹😹مشيت فتحت ليهم الباب لقيتو هو واحمد قال لي الليله مالك حلوه كدا؟ولا عشان انا جاي😹😹حيوان خلاص الزول نهائي ما يبقى حلو عشانو🙄👊🏻قامو دخلو طبعا انا عامله فيها محترمه قدام ابوي واخواني وكأني ما بعرفو ولا حصل شفتو قبل كدا😹😹جو سلمو عليهم ومشو سلمو على أمي رهام بقت تحمر ليه ساي وما سلمت ليه عديل انا بقيت اقرص فيها عشان تسلم ليه كويس وهي لسه بتحمر ليه البنت دي مجنونه😹😹أحمد شغال يعاين لملاذ ساي وانا ووسيم بنكشف ليهم وبنغمز لبعض😹😹هم سلمو ومشو قعدو مع ناس ابوي ودقو ليك الونسه دي هاك يا الضحك هاك يا الهظار ياخ ونس ليك ابوي دا ضحك لمن بقى يضحك للضرس الاخير😹😹وسيم كان بقول لي لو قعدت مع ابوك دقيقتين حخليه يقرا لينا الفاتحه اسي حتى صدقت بالجد هو حنااااك😹😹💔قعدو ليك معانا أكتر من ساعتين قلت ليهم اجيب ليكم مخدات😹😹وبعد دا لما جو ماشين أبوي قال ليهم والله ما تمشو وسيم قال ليه يا حاج قول بسم الله الليله اهلنا بقفلو علينا الباب😹😹
بعد ناس وسيم مشو وملاذ كمان مشت😢مشيت نظمت البيت براي😭كان عندي حاجات قلت عايزه أشيلها من غرفة أمي لما جيت أشيلها لقيت أبوي قاعد مع أمي بتكلمو في موضوع قروش أبوي قال ليها نحنا وضعنا ماشي للأسوء وانا خسرت خسارات كتيره في المصنع ماعارف اعوضها كيف وعرس رهام القرب دا وغير قروش الجامعه بتاعة مآب والله انا خايف المصاريف دي تاني تبقى علينا صعبه😢 أمي قالت ليه ما تضايق نفسك ان شاء الله الامور كلها تتسهل قال ليها ما اتكلمي الأولاد عشان ما يضايقو😢ياخ انا بعد سمعت الكلام دا اتضايقت ضيق مشيت غرفتي وبكيت😭انا عارفه انو الأمور دي قدر من الله والظروف دي بتحصل عادي لكن سبحان الله انا من اتخلقت في الدنيا دي ما حصل يوم ظروفنا ساءت بالعكس وضعنا كويس الحمدلله لكن ما عارفه ليه اتعكست كدا😢وانا قاعده زعلانه كدا

وسيم ضرب لي قال لي عندي ليك خبر حلوو شديد قلت ليه شنو قال لي أحمد قال انو ملاذ عاجباه🤭قلت ليه كويس والله انا كنت ما معاه ولا حتى مركزه في كلامو😢
وسيم:موبي في شنو
أنا:شنو؟
وسيم:صوتك مالو كدا
أنا:مافي شي
وسيم:ما تكذبي علي انا بعرفك من صوتك في شنو
قمت حكيت ليه قال لي موبي ما تتضاقي كدا اي شي لخير وأبوكي حايحلا ان شاء الله😇لكن برضو انا ما اطمنت وحاسه انو مفروض اعمل شي عشان أساعدهم😢
الصباح وسيم جاني عشان يوصلني الجامعه اي شي يقولو لي بمشي فيه لمن هو احتار فيني قال لي انتي لسه بتفكري في الكلام الأمس؟😢قلت ليه اي😢قال لي ما تشيلي هم ركزي في قرايتك لأنو لما تقري وتجتهدي وتتخرجي حاتساعديهم وترفعي راسهم انتي اسي بس ركزي في قرايتك😇

#سنموت_معا 😴💔
بقلم:نفحات محمود💙
-١٢-
مشيت الجامعه وكنت متضايقه ما قادره اركز في شي صحباتي لاحظو لي قالو لي في شنو قلت ليهم مافي شي بس تعبانه شويه لكن ملاذ ما اقتنعت قالت لي انا امس خليتك كويسه الليله مالك؟😢اضطريت اني احكي ليها قالت لي نفس كلام وسيم قلت ليها ملاذ انا عايزه اشتغل😢قالت لي تشتغلي شنو انتي ما جاده ي بنت قلت ليها اشتغل اي شي ياخ😪قالت لي طيب وقرايتك حتقري كيف قلت ليها بقرا عادي ما مشكله اشوف لي شغل بالمساء قالت لي الناس بشهاداتهم ما لاقين شغل انتي في أولى وكمان عايزه تشتغلي وبالمساء؟والله دا كلام🙄قلت ليها انا بلقى وما كل الناس واحد احتمال الله يفرجها علي وألقى شغل قالت لي يعني انتي فاكره لو اشتغلتي وجبتي قروش حتعمل ليهم حاجه ولا اصلا هم حيرضو يشيلوها قلت ليها اي بشيلوها وعلى الأقل حساعدهم شويه😔قالت لي دي حاجه بترجع ليك🙄ملاذ زعلت مني شديد عشان هي خايفه على قرايتي لكن اعمل شنو انا مضطره ما عايزه اقعد كدا يديني مكتفه بس😔لكن قلت ما حكلم وسيم لأنو حايشاكلني اكيد عشان كدا مشيت أفتش شغل براي لفيت الدنيا دي كلها ما خليت محل وأي زول بقول لي خلي تلفونك وبمشي ما خليت مكاتب ما خليت شركات ما خليت شي وكتبت في الفيس ويييك😪وانا قاعده في البيت زهجانه ما عارفه حاتصرف كيف ضرب لي تلفون شلتو مخلوعه لمن التلفون عايز يقع مني لكن لحقتو😅الو منو معي؟قال لي مآب؟قلت ليه اي قال لي من بكره الساعه ٣ تجي تبدي شغلك في شركتنا حاتكوني السكرتيره بتاعة مدير الشركة🙂قلت ليه ا ا ا انت جادي؟قال لي أي ياخ انا فرحت فرح قلت ليه طيب بالنسبه للمرتب قال لي المرتب كويس ما تشيلي هم بكره تعالي وحتعرفي اي حاجه؟🙂انا احترت طبعا كيف يقبلوني في شركة كبيره كدا وكمان سكرتيرة المدير والمرتب وكويس وحأجي اشتغل من ٣ كانو الزول دا عارف انو عندي جامعه مع اني ما جبت ليه سيرة الجامعه🙄سبحان الله كيف دا😋لكن بس كان همي انو لقيت لي شغل كويس في شركة محترمه وبس😋بس ما عارفه حقول لناس بيتنا انا حاتأخر تاني عشان شنو🤕لكن ما مشكله بفكر لي في حل المهم انا لقيت شغغغل♥🤭وكمان حابدا من بكره♥🤭بالجد مزاجي اتحسن ياخ😋قمت طلعت من الغرفه قلت امشي اتونس مع ناس أمي شويه😋قعدنا نخطط لعرس ريهام وكدا مع انو أمي كانت شايلة هم والحزن ظاهر في وشها لكن ما تخافي انا حعوضكم عن اي شي ما حقصر منكم وأي شي حنتخطاه سوا وما شي حيغلبنا🙂♥
رجعت غرفتي لقيت مكتوب في شباك غرفتي(أحبك جدا وجدا وجدا وأرفض من نار حبك أن أستقيلا.وهل يستطيع المتيم بالعشق ان يستقيلا؟؟وما همني ان خرجت من الحب حيا وما همني ان خرجت قتيلا♥♥أطلعي بره أنا منتظرك ياخ جريت ليه جري شدة ما مبسوطه🤭قلت ليه قدرت كيف تخش غرفتي؟قال لي سر المهنه😹😹غليظ طبعا😹😹قال لي تعالي جايب لي حاجه امشي شوفيها قلت ليه وين؟قال لي قاعده في الكرسي قدام بتاع العربيه مشيت سريع سريع ياخ متشوقه شديد🤭لقيتو جايب لي شكولاتات كتيره🍫 ومعاهم شيبس واندومي🤤وخاتيهم لي في علبة وكاتب في العلبة وأخاف عليكي من الإكتئاب♥ يالله ياخ الاكتئاب يقتلني انا عندي حبيب زي دا أكتئب كيف مآب انتي حيوانه والله 😹ياخ والله فرحت فرح ما عرفت زاتو اعمل ليه شنو ولا شنو قلت ليه وسييم وفتحت ليه يديني قام صدق فتح يدينو قال لي ما تشكريني ما بيناتنا والله قمت حضنت الصندوق الجايب لي فيه الهدايا😹😹😹قعدت اضحك فيه قال لي كويس تاني شوفي زول يعمل ليك حاجه لما تكوني مكتأبة؟🙄قلت ليه ياخ انت الزول لما يكون معاك يكتئب كيف يعني معقوله وبقيت أجضم فيه😹😹
مشيت ليك صورت الهدايا قبل ما آكلها يعني لأنها اسي في خبر كان😹😹وختيتها في الفيس كتبت انا البنت الحبيبها جاب ليها الهدايا دي لما حس انها مكتئبه شوية انتو منو😹😹طبعا انتو عارفين حايكون ردموني قدر شنو مافي داعي اقول ليكم😹😹لكن حبيت اغيظهم بس😹😹طبعا ملاذ وفيرجن ورمانه ما بصبرو من شافو ليك البوست جو جاريين ضربو لي أي وحده عايزه يحكو ليها براها😹😹وانا قعدت اتدلع فيهم😹😹😹بقو ينبذو ليك فيني😹😹يا تافهه يا حيوانه طبعا هم حارقاهم الطقه الفاتتهم دي😹😹♥

#سنموت_معا 😴💔
بقلم:نفحات محمود💙
-١٣-
طبعا الليله أول يوم لي في الشغل ك

نت متوتره شويه😅المهم الصباح وسيم جاني عشان يوصلني الجامعه طبعا اتفاجأت لقيت ليك مياده قاعده متربعه قدام الليله هي أول يوم ليها في الجامعه طبعا غيرت لون شعرها عملتو كبدي لكن برضو حتفضل الشقراء😹😹جيت اركب ورا لأنو ما حلوه اقول ليها قومي لي شفع نحنا😹😹عايزه اركب ورا كدا سمسم قال لمياده ارجعي ورا قامت نزلت وهي متغايظه كيف بقت تحمر لي وااا تستاهل😹😹 مشيت ركبت قدام بعزه ياخ🤤بعدين وسيم وصلني اول قال لي بعدين أجيك متين قلت ليه لالا ما تجيني قال لي ليه قلت ليه ماشه لملاذ😅قال لي طيب طبعا ما بقدر اقول لي حاشتغل🙄مشيت فرحانه كلمت ملاذ قلت ليها حاشتغل😋هي متضايقه ضيق وما عايزه وما عاجبها الموضوع قلت ليها لو سمسم سالك انا معاك قولي ليه اي😅بعد خلصت جامعه مشيت الشركة طوالي طبعا رهييبه والناس فيها سمحين سماح🤤مشيت وروني اعمل شنو يعني حاجات بسيطه احول التلفونات البتجي للمدير وأشوف ليه مواعيد الاجتماعات وكدا المهم سألت من المرتب الولد الكان ضرب لي قال لي ...قلت ليه انت جادي؟طبعا اتفاجأت المبلغ كبير😱قال لي اصلا نحنا شركتنا دي كل المرتبات فيها كبيره لأنها شركه ناجحه لكن ما عارفه حسيت بيه كذاب لكن فرحت شديد🤤مشيت قعدت كدا المدير ضرب لي قال لي تعالي مشيت ليه دقيت الباب كدا قال لي اتفضلي رفع راسو كدا ياخ الشياكه الجمال الكلام دا كيف لاحولاا ياخ سمح سماح🤤استغفر الله العظيم وسيم أحلى منو😅لكن بالجد عندو شبه من وسيم كأنو أخو ولا ببقى ليه قال لي انتي مآب؟قلت ليه اي شكلو زول عصبي شديد😪قال لي تعالي شيلي الحاجات دي والسجلات دي مشيت شلتها اشتغلت الكلام القالو لي ياخ كلام كتير بزهج الزول🙄والزمن اتأخر شديد وانا خفت والمغرب أذن اصلا دوامي كدا خلص شلت شنطتي وطلعت طبعا مواصلات مافي وانا واقفه بالساعات مافي حافله جات بالغلط ساي وقروشي ما كانت بتكفي عشان اركب لي حاجه بقيت ماشه برجليني وماشه والله تعبت تعب😢في بتاع عربيه كان بضرب لي بوري وانا ما شغاله بيه قلت دا زول عايز يعاكس بس ومشيت فجأه بتاع العربيه يطلع راسو من الشباك ويقول لي مآب تعالي اركبي اتلفت لقيتو دا وسيم😱طبعا احترت وسيم جابو هنا شنو مشيت ركبت معاه قال لي انتي جابك هنا شنو قلت ليه انت الجابك هنا شنو؟نحنا الاثنين اترددنا قال لي انا عندي صحبي ساكن بيجاي عيان جيت اشوفو وانتي مش قلتي ماشه لملاذ جيتي لحدي هنا كيف قلت ليه ما لقيت مواصلات قلت اتمشى قال لي ليه ما كلمتيني والزمن أتأخر اسي لو حصلت ليك حاجه في الطريق كان تكلميني انا بجوه قلت لو كلمتو كان قتلني😪وصلني بيتنا وقال لي خلي بالك من نفسك وما تتعبي نفسك حسسني كانو عارف اني شغاله طبعا خفت خوف قلت ملاذ بتكون كلمتو ولا شنو؟قلت ليه وسيم انت ملاذ الليله اتكلمت معاك؟قال لي لالا ليه قلت به ساي بس مجرد سؤال😅بقيت أمشي الشغل كل يوم والحمدلله اموري ماشه كويسه وبقول لناس بيتنا بمشي لرمانه عشان عرسها قرب اما نحنا وضعنا في البيت بقى أسوا😢اخواني الاثنين بقو شغالين برضو لكن ما قدرو يحلو مشاكل المصنع بتاعة أبوي😔انا شلت أول مرتب لي ومشيت ختيتو في حساب ابوي من غير ما يحس ولسه مافي زول عرف انو انا شغاله.
انا قاعده في الشغل فجأه الناس بتتكلم في قروش كتيره مسروقه وشنو وماعارفين السرقها منو جاء المدير قال يفتشو درج اي زول في الشركة دي وشنطتو ويقلبو الشركة دي كلها عشان يلقو القروش دي المدير كان زهجان شديد🤕جو قلبو اي محل وما لقو القروش بقو يفتشو في شنط البنات وفي الادراج وما لقو حاجه🤕جو يفتشو شنطتي طبعا والناس كلها واقفه البنت بقت تطلع الحاجات الفي الشنطة واحد واحد فجأه تطلع ليها ربطة قروش كبيرة من شنطتي .

#سنموت_معا 😴💔
بقلم:نفحات محمود💙
-١٤-
انا بقيت مخلوعه ودموعي جات جاريه😭 قلت ليهم والله دي ما انا انا ما سرقتهم😭والله ما عارفاهم جو كيف في شنطتي😭وبقيت ابكي كلهم بقو يقولو دي السرقتهم وانا أبكي قلت ليهم والله العظيم دي ما انا المدير قال لي انا جبتك في الشركة دي مع انو ما عندك اي مؤهلات والشغل دا ما بتستاهلي واديتك مرتب أكتر من البياخدو أي موظف في الشركة دي بس عشان وسيم لكن انتي ما بتستاهلي انا بعد سمعت الاسم دا وسيم بقيت ما شايفه قدامي حاسه راسي لافي وسيم وسيم هو الشغلني هو الخلاني اشتغل هنا يعني؟المدير قال لي شيلي شنطتك وامشي من هنا من غير رجعه انا شلت حاجاتي سريع سريع وطلعت لا قاردده امشي لا شايفه قدامي ياخ انا وقعت في موقف ما عارفه حاطلع منو كيف بس بفكر في وسيم كيف يعمل كدا من غير ما يكلمني😢طلعت من الشركة كدا لقيت ميادة خاشه الشركة بقت تعاين لي مآب انت جيت هنا ليه وانا ببكي وما شايفه قدامي بس فجأه جيت واقعه😭لما صحيت لقيت نفسي نايمه في سرير وميادة ووسيم فوق راسي لقيت نفسي في بيت ناس وسيم😱انا عايزه أقوم وسيم جاء مسكني قال لي ما تتحركي زحيت يدو مني واصلا مافيني حيل لقيت نفسي نمت تاني صحيت لقيت وسيم جنبي قال لي موبي انتي كويسه؟ما اتكلمت معاه جاء قعد

في الأرض ومسك يدي وعيونو كلها دموع أول مره في حياتي اشوف وسيم يدمع قال لي موبي انا آسف والله ما كان قصدي انا بس كنت عايز أساعدكم والله ما قصدي شي😢طبعا مياده حكت ليه انها شافني طلعت من الشركة واكيد المدير حكى ليه بموضوع السرقه قلت ليه وسيم لو سمحت ما تتكلم معي وانا ما محتاجه مساعده منك انا بعمل اي شي براي يعني انت اسي متخيل نفسك ساعدتني انت خليتهم يهينوني ويطلعوني حرامية وكمان يقولو اني مديني قروش أكتر من الناس القاعدين عشان خاطر عيونك انت كدا ساعدتني كيف؟😢قال لي والله يا موبي انا ما عارف انو دا كلو حصل معاك لكن ما خليتهم مشيت زفتها معاهم لو ما مصدقه امشي بتلقي الشركة فاضيه لا ما تتخيلو انو الشركة طلعت حقت ناس وسيم وهو لمن عرف مشى طلع اي زول من الشركة دي انا بقيت اعاين ليه كدا اتخيلو وسيم اليوم داك لما قلت ليه اني عايزه اعمل شي عشان اساعد ناس ابوي عرف اني حفكر اشتغل وبقى متابعني لحدي ما انا مشيت الشركة بتاعتهم ومشى اتفق مع مدير الشركة حتى الراتب كان بدي ليهم هم عشان يديني ليه واليوم داك لما طلعت من الشركة وما لقيت مواصلات هو كان لاحقني وعمل فيها جاء بشوف صحبو😢قال لي والله يا مآب شي يزعلك انا بشيلو من وجه الأرض بنهيه انتي فاهمه بقتلو؟مآب انا ما بتحمل زعلك دموعك دي ما بقدر اشوفها انا بموت لو شفت دمعة منك نازله انا صاح الزول القوي داك الما بتكسر دا مافي زول بقدر يخلي يتهز الزول القلبو حجر انتي الوحيده البتقدري تكسري الزول دا انتي الوحيده البتخلي دموعو دي تجري😢والله انا من غير ما احس لقيت دموعي دي جات جارية وحضنتو نحنا الاثنين بقينا نبكي😭
حين يسألونك عن الحب ♥قل لهم موت لذيذ😔💗 فلا يوجد عاشق الإ وبكى😔
اتخيلو انا قاعده في بيت ناس وسيم وأمو وأختو اتخيلو معي ماعارفه كيف بس انا قاعده معاه في الغرفه وما شغاله بأهلو حيفهمو عننا شنو😢وسيم قال لي انا حاطلع اخليك انتي انزلي عشان اوصلك البيت قلت ليه وسيم انا قال لي موبي اي شي حيتحلا انا حأحل اي شي بس انتي امشي نومي وارتاحي عشان الصباح عندك جامعه تمام؟قلت ليه كويس يا سلام على الناس البحبونا كدا ببسطونا وما بخلونا ننجرح بقيفو جنبنا مستعدين يعملو اي شي عشانا😔يا سلام على ناس زي ديل😔 الله ما يحرمني منك يا وسيم♥
مشيت لبست وطلعت لقيتهم ليك كلهم بعاينو لي لم جيت نازله ولا اشتغلت بزول بس البهمني انو وسيم معي مياده سألتني قالت لي مآب بقيت كيف قلت ليها كويسه تسلمي حبيبيه🙂هم ولا وحده فيهم كلفت نفسها تقول لي سلامتك ولا بقيتي كيف؟وسيم قال لي خلاص قلت لي أي وطلعنا مشينا وسيم وصلني البيت قال لي موبي اوعديني انك ما حتعملي حاجه من غير علمي انا حساعدك في اي شي لو حتى لو كانت الحاجه الغلط انا مستعد اقيف معاك في اي شي انتي ما تشيلي هم بس ما تعملي شي من غير علمي وأي شي حيتصلح♥

#سنموت_معا 😴💔
بقلم:نفحات محمود💙
-١٥-
الصباح أبوي كان بتكلم مع اخواني قال ليهم لقيت قروش في حسابي وشنو ما عارفه انا طوالي اتوترت قلت ما عارفه اعمل شنو ضربت لوسيم حكيت ليه قال لي انا عندي خطة ابوكي حيقبل القروش دي من غير ما يفتح خشمو قام مشى ضرب لأبوي قال لي القروش اللقيتها في حسابك دي رسلها ليك فاعل خير وقفل الخط😋ابوي جاء قال لينا الله فتحتها علينا القروش دي بتحل لينا مشاكلنا كلها الحمد لله ياخ ابوي دا فرح فرح انا انبسطت ليه شديد والله وسيم دا انا لو عملت ليه شنو داك ما بوفيه حقو ياخ😔الحمدلله مشاكل المصنع اتصلحت وابوي حيرجع يشتغل في المصنع وامورنا حتتسهل ان شاء الله🙂💗قاعده اتكلم مع نفسي كدا قلت لازم اتكلم مع مياده لأنها ساعدتني انا كنت فاكره انها لما تشوفني واقعه ولا حاتفكر تشيلني وتوديني لناس وسيم في البيت😋قلت لوسيم أديني رقم مياده قال ليها اها قمنا للمشاكل قلت ليه والله ما عايزه اشاكلها قال لي اها ليه قلت ليه عايزه اتكلم معاها عشان نبدا صفحه جديده♥🙂قال لي والله انا عارف انو موبي حبيبتي زوله طيبه ودا المتوقعو منك♥رسل لي الرقم وضربت ليها.
انا:مياده كيف معاك مآب
مياده:هلا مآب انت عايز مني ايه
انا:عايزه اقول ليك شكرا لأنك ساعدتيني واعتذر ليك على اي حاجه
مياده:تعتذر مني أنا؟
انا:ايواا
ميادة:يعني نحنا كدا صحاب؟
انا:اي😋ونبدا صفحه جديده طيب؟
ميادة:استفقنا بس يا مآب انت ما تضربني تاني وما تضرب شعري
انا:هههه طيب
بالجد البنت الشقراء دي طلعت ظريفه😹😹كلمت شلتي قلت ليهم اتصالحت مع البنت الشقراء قالو لي انتي خاينة ودخيلة ما تتكلمي معانا مادام صاحبتي الأتراك يا خاينه قلت ليهم والله البنت ظريفه حرام عليكم بكره بعرفكم عليها😹😹قالو لي اوعى ما تجيبيها لينا شفتي قلت ليهم بجيبها بجيبها😹
اليوم البعديه سقت معي ميادة الجامعه عشان اعرفها على شلتنا😋 طبعا وسيم كان مبسوط شديد عشان نحنا بقينا صحبات😋طبعا الجامعة دي كلها اتقلبت لما ميادة جات خاشة لكن صحي هي قنبله😹😹جيت عرفتها على ملاذ بقت تعاين ليها من فوق لتحت نهائيا ما قدرت تهضمها?

يبدأ من غيرك طوالي جيتك في الجامعه مآب أنا بحبك ورق الأشجار الطاير دا الظلام الكراسي دي اللمبات العربيه اللبس النحنا لابسنو بشهد على حبي ليك مآب أنا بحبك والله بحبك💗
ياخ انا تاني اقول شنو بس بعد الكلام دا😔بس انت يا وسيم ما اتحرم منك ويدوم حبنا لمن نموت قال لي يا مآب نحنا قلت ليه حانعيش سوا وحانموت سوا💗
بعد أن صرت حبيبتي صار الناس يؤخرون الوقت من عينيك🖤✨فيقولون:السنة الألف قبل عينيها♥✨والقرن العاشر بعد عينيها🖤✨بعد أن صرت حبيبتي أضعت ذاكرتي اللغوية نهائيا♥✨ونسيت كيف تهجى الحروف..وكيف تكتب..الا اسمك🖤✨بعد ان صرت حبيبتي لم أعد أتذكر من الأصوات الا صوتك..🖤✨ولم أتذكر من موانئ البحر الأبيض المتوسط سوا عيناك المكتظتين♥✨بالحزن والكحل وطيور النورس🖤✨
بعد خصلنا رومانسيات حتى فكرنا نرجع الحفله😹😹لقانا ليك في آخرها مشينا زنقناها ليك زنقه تمام وجينا مارقين😹😹😹كلهم بسألو فيني كنتو وين واتاخرتو كدا ليه قلت ليهم ياخ لو حكيت ليكم للصباح ما حانتهي عشان كدا اعملو رايحين😹😹😹اتغاظو مني غيظه😹😹مشينا باركنا للعرسان قلت لرمانه أضحكي شويه خلي الصر دا وانتي عروسه افرحي ي بنت جيت سملت للعريس قلت ليه خلي بالك منها البنت دي بقى يعاين لي كدا حلف كان يرد لي🙄ياخ غياظ طبعا احرجني احراج😹😹

#سنموت_معا 😴💔
بقلم:نفحات محمود💙
-١٧-
رمانة مشت مع راجلها وخلتنا حنرجع بيوتنا بعد الرقيص الرقصناه ليها دا كلو😹😹لكن لسه متضايقه😢والله بقينا شايلين ليها هم ياخ بس الله يسعدها😇يلا بعد عرس رمانة حانجهز لرهام جبنا الحاجات وجهزنا البيت وأهلنا جو نزلو عندنا اي زول جر شنطتو وجاء حيكون في جر هواء مبالغه😤حنتعب تعب نحنا😭😭
المهم أنا قاعده في المطبخ بنظف في الخضره فجأه اتذكرت اليوم داك لما وسيم قال لي انو احمد معجب بملاذ وانا ما كنت منتبهه لكلامو جريت جري لمن وقعت صينية الخضره😹😹أمي هرجت فيني كدا لما قالت بس شالت السفنجه رمتها فيني لكن ما ضربتني😹😹بعدين مشيت خليتها ضربت لوسيم قلت ليه انت ليه تاني ما ذكرتني انا اليوم داك ما كنت مجمعه قال لي كنت عايزك تتذكري براك غياظ خلاص🙄قلت ليه طيب اسي نحنا نعمل ليهم شنو قال لي والله القصه كلها عند صحبتك احمد اصلا عايزها لكن هي قلت ليه خلاص خليها علي😋طبعا انا الحاجات دي بعرفها انتو عارفين😹😹قلت ليها يا ملاذ اسي تعاليني في البيت قالت لي ليه قلت ليها يا غبيه انتي ماعارفه عرس رهام قرب تعالي ساعدينا الا يشحدوك يعني🙄قالت لي خلاص جايه😹😹طبعا انا منتظراها ليك بالكلام😹😹من جات مسكت فيها واجيب ليها لكلام بفوق وبتحت وبالجنبة ما خليت شي😹😹في النهايه قالت لي انتي عايزه توصلي لأحمد صاح؟قلت ليها لالا منو القال قالت لي انا ما غبيه على فكره واحمد ما عايزاه انا ما عايزه اربط ياخ قفلت نفسي قفل البنت دي غبيه🙄هي زاتها بتلقى زي احمد وين وحده وبايره ياخ اتغظت منها كيف😤قلت لينا قومي من وشي عليك الله قومي🙄لكن انا ووسيم ما حانخليهم فكرنا نقربهم من بعض♥😇
عرس رهام قرب ونحنا كل يوم شغالين وسيم بقى يساعدنا ووقف مع أخواني وابوي وقفة رجال ما قصر معاهم في شي الصيوان والكراسي والحاجات دي كلها جابها هو حتى ابوي قال لينا والله انا خجلان منن عديل كدا وسيم قال ليه انت لو خاتيني محل ولدك ما بتخت فيها حاجه نحنا واحد ياخ حبو حب الناس ديل😹😹انا بس واقفه بتفرج وهو كل شوية يغمز لي نظام امورنا ظبطت😹ومياده برضو قاعده معانا في البيت وبتساعدنا قلت لأبوي دي أخت وسيم قال ماشاء الله ناس وسيم ما قصرو والله😇مشيت شلت صينية العصير مودياها للناس في الصالون وسيم كان ماشي وراي جاء هبشني من نصي قال لي هوا دا والصينينه عايزه تقع😱مسكتها بعد تعب لكن ضربتو ضرب لمن قال بس😹😹الحيوان قام لوا لي يدي قلت الليله حيكسرها جيكسرها قال لي ما عيب عليك تضربي راجلك قلت ليه ما عيب قال لي يعني ما بتحني عليه قلت ليه نهائي قال لي ما يعني ما بتحبيه؟ومسكني من نصي وجراني عليه تاني اجاوب كيف بس سكت ساي قال لي ما بتحبيه؟قلت ليه بحبو بصوت براحه😹قال لي وهو بموت فيك😇بس فجأه تظهر لينا رهام في وشنا ياخ انا قربت ابول في ملابسي بقيت بزح في وسيم مني وهو ما عارفها ورانا وازح فيه وهو يمسكني اقوى من أول ورهان بتعاين لينا ساي😹قلت ليه وسيم رهام ورانا براحه كدا فكاني براحه براحه قال لي ياخ كنتي حتقعي الا انا مسكتك اعملي حسابك المره الجايه😹😹انا طوالي عايزه انسحب امشي ووسيم طوالي عمل مارق رهام قالت ليه وسيم دقيقه عايزاك الليله كتمت😹😹انا شلت الصينينه واتخارجت وقفت بعيد عايزه اسمعهم الشمار حارقني لكن عارفه انها حاتشاكلو😹😹قالت ليه وسيم انا عايزه اعتذر ليك من كل الحصل مني انا الصينينه دي لمن عايزه تقع مني شنو رهام تعتذر؟وكمان من وسيم لا الكلام دا ما بخارج معانا قالت ليه انا بالجد كنت بكرهك عشان ما حسيت انك الممكن تسعد مآب واانا مآب دي بحبها شديد مابرضى فيها كنت بقول انك شماسي وبتاع لعب نهائي ما جادي

?😹فيرجن بقت تتكلم ليها بالانجليزي وهي ردت ليها شكلهم اتفاهمو😹😹اما رمان ما حبتها خاالص😹😹 لكن هي بقت تخش في الجو شويه شوية بالجد انتو عارفين انا لقيت انو البنت التركية دي ما كعبة😅بس عندها نفسيات شكلو😹😹زوله كيوت ياخ😅يعني البنت الشقراء بقت من شلتنا👭💚ورمان عزمتها على عرسها كمان😹😹
جاء يوم عرس رمان أنا وملاذ ومياده وفيرجن قاعدين نتمكيج في الكوفير مع رمان طبعا وسيم وصلنا ومنتظرنا ليك بره😋قاعدين يمكيجو فيني قام وسيم خشى لينا في الكوفير قلت ليه خاشي لينا ليه قال ليه والله زهجت براي قلت اجي اكشف للبنات😋قمت جدعت فيه الكبايه قال لي كانت حتجي في راسي قلت لي المره الجايه بجيبها عديل عشان تكسرو ليك😹😹قعد يقول للبنت البتمكيج فيني البدره دي ما ظابطه صلحيها عديل الروج دا كتري البنت بقت تضحك قالت ليه طيب تعال مكيجها بدلي قال ليها اي عليك الله 😹😹خلصنا مكياج وطلعنا مع العروسه راجلها جاها في الكوافير طبعا رمان طلعت قمر بس انا قعدت ازعرت دا شغلي طبعا😋رمان كانت صاره وشها نهائيا ما عايزه تضحك الا نحنا شغالين نقرص فيها حتى تبتسم بالغصب والعجب هو ابتسامه ساي كدا ما بظهرها انا قلت الا كان رجل آلي ولا حاجه😹😹جيت اركب مع ناس رمان وسيم قال لي تعالي اركبي معاي مشيت ركبت معاه بقينا انا ووسيم في عربيه برانا والباقين مع رمان يا زول فجأه وسيم يمشي ليك بشارع تاني قلت ليه ي ولد ماشي وين الصالة ما بيجاي قال لي نحنا ما ماشين العرس ماشين محل تاني

#سنموت_معا 😴💔
بقلم:نفحات محمود💙
-١٦-
قلت ليه وسيم لا خلينا نمشي العرس عليك الله لأني ما عايزه اخلي رمان براها😭قال لي هي ما براها معاها ملاذ ومياده وفيرجن ديل كلهم قلت ليه طيب نحنا ماشين وين قال لي اسي حتعرفي قلت ليه طيب ما نتأخر😭😭قال لي أي كلها دقيقتين بس كنت متوتره شديد لأني خفت ما الحق الحفله😭😭فجأه وسيم يقيف لينا في محل كدا مافيه ولا شوية ضوء ومحل هادئ انا ما فاهمه اصلا المحل دا وين خفت خوف بس بقيت ماسكه ليه في يدو😅شوية وكل ما نتقدم شوية نور بفتح نمشي لقدام نور بفتح لما المحل كلو بقى عباره عن انوار يا سلام بس لو شفتو المنظر بعقد🤤كان في كرسين وسط الأنوار وسيم مسك يدي وجر الكرسي وقعدت فيه وهو قعد في الكرسي التاني ومسك يدي لقاها متجمده قال لي انتي خايفه كدا ليه؟قلت ليه ماعارفه😭😭قال لي طيب اهدي شويه بس مافي شي تمام؟اسي حنرجع🙂
وسيم:موبي انتي عارفه انا جبتك هنا ليه؟عشان المحل دا ما فيه زول غيرنا مافي زول حيسمع نحنا حانقول شنو مافي زول حايقاطع لينا كلامنا انا وانتي بس وانا جبتك في الزمن دا عشان دا الزمن المناسب نحنا نتكلم فيه🙂💗
انا:نتكلم عن شنو؟
وسيم:موبي انتي في حاجات كتيره فاكره اني ما عارفها وحتى انتي قاعده تخبيها عني
انا:حاجات شنو🙂💔
وسيم:مثلا أمي وأختي وتعاملهم معاك كيف؟انا ملاحظ لتصرفاتهم معاك وعارف كيف بضغطو عليك وانتي ساكته
أنا:وسيم انا ما بهمني كلامهم وقاعده اتجاهلو اصلا🙂💔
وسيم:حتى لو بتتجاهلي انتي بشر وهم ما مفروض يعملو كدا بالنسبة لأمي هي أمي والله بسألني منها عشان كدا انا اتكلمت معاها براحه
أنا:قلت ليها شنو😱
وسيم:قلت ليها موبي دي مرة ولدك المستقبليه عامليها كويس وماعايز اشوف تصرف ما ياهو معاها
أنا:طيب وهي قالت ليك شنو
وسيم:طبعا انتي عارفه حاتكوني ردة فعلها شنو
انا:امم صاح😔
وسيم:انتي ما تشيلي هم هي مش أمي لو بموافقتها ولا ما بموافقتها انا غيرك ما عايز غيرك مافي وحده حتبقى مرتي💗انا قلبي بقى يدق ويدق لما قال لي مرتي بقيت استوعب في الكلمة مرتي💗يالله انتو عارفين لما تكوني بتحبي زول وميته فيه ويبقى راجلك راجلك وأبو اولادك يالله🤤💗
وسيم:موبي انا نفسي تكوني مرتي عيونك دي اعاين ليها كدا لمن أشبع أشبع من ضحكتك من ابتسامتك اختك قدامي كدا واقعد اعاين ليك أسوقك معي الشغل واختك قدامي في التربيزه وأعاين ليك ما عايز اكل ولا أشرب ولا اعمل اي شي بس عايز اعاين ليك ومتأكد اني ما حاشبع من شوفتك موبي انتي عارفه انا اول شي الصباح لازم أصبح بوشك انتي عارفه انا كل يوم لازم أفوت المحاضرة الأولى عشان اجيك واشوفك وبقول ليك انو محاضرتي متأخره لما انتي تضربي لي وتقولي لي انا خلاص خلصت محاضرات انا لسه بكون عندي حاجات كتيره عايز اعملها بس بخليها كلها وبجيك عشان اقدر اشوفك تتذكري اليوم الكنت بتكلمم مع مياده وقالت لي جايه السودان وانتي سألتني منها وزعلتي انا ما كنت بتكلم معاها كنت فاتح التلفون بس عشان تفتكري اني بتكلم كنت عايز اشوف الغيرة في عيونك لأني ما قاعد اشوفها ولما مياده جات وانا بقيت اسلم عليها بالحضن كنت عايز اشوفك بتغيري علي لما اليوم البعديه ما جيتك وقلت ليك انشغلت مع مياده من صحيت من النوم قفلت غرفتي علي وما خليت زول يخش عارفه ليه عشان ما صبحت بوشك وماعايز اشوف وش اي زول الا وشك انتي اول💗وما كنت مشغول مع مياده ولا اي شي بس كنت عايز اشوف الغيره في عيونك💗🙂وما استحملت اني ما اشوفك وانو يومي

لكن انت أثبت لي انو كلامي دا كلو غلط انا الليله عرفت انك بتستاهل مآب لأنو الوقفه الوقفتها معاها دي ما بعملوها الا الرجال♥وانا اسي بوصيك على مآب خلي بالك منها وما تزعلي قال ليها والله حأختها في عيوني قالت ليه عارفاك ما بتقصر♥ومشت ياخ انا جريت ليك لوسيم وحضنتو بالجد فرحت شديد لأنو اختي دي هي الكانت واقفه في علاقتنا دي وماراضيه وسيم قال لي كدا ظبطت اهلك كلهم قلت ليه فضل اهلك انت😔مسكني من يدي قال لي حبيبتي ما تشيلي هم ولا تتضايقي عشان زول وما مهم اصلا انهم يحبوك كفايه انك ماليه قلبي انا؟قلت ليه لكن انا كان نفسي اهلك يكونو بحبوني وشايفني البنت المناسبه ليك؟قال لي انتي حتتزوجيني انا ولا حتتزوجي اهلي؟حاتعيشي معي انا ولا مع اهلي؟قلت ليه معاك انت قال لي خلاص يلا اعملي رايحه منهم..
مشيت قعدت مع البنات اتونسنا كدا فجأه رمانه ضربت لينا طبعا ياداب رجعت من شهر العسل😋ياه اشتقنا ليها شوق فتحنا اسبيكر عشان نتكلم معاها كلنا فجأه هي بقت تبكي نحنا قلنا بتكون مشتاقه لينا وكدا🤭قالت لينا يا بنات انا عايزه أطلق😭😭

#سنموت_معا 😴💔
بقلم:نفحات محمود💙
-١٨-
قلنا ليها ليه في شنو انتي متين اتزوجتي عشان تقولي كدا؟قالت لينا خلاص ما بقدر اتحملو😭😭قلنا ليها عمل ليك شنو قالت لينا ضربني كلنا بقينا مخلوعين😦قلنا ليها بصوت واحد ضربك؟كيف يعمل كدا هو حيوان ولا شنو قالت لينا هو اصلا كارهني وماعايزني انا ابقى معاه ليه اصلا😭😭وقال لي كل يوم حاضربك لاني ماعايزك فهمتي؟ياخ انا ليه اواصل مع زول ماعايزني ليه😭قلنا ليها خلاص اهدي شويه نحنا اسي حانجيك عشان نفهم الموضوع براحه قالت لينا خلاص ما تتأخرو😭😭مياده قالت لينا رمانه مالو؟ليه ببكي؟قلنا ليها راجلها ضربها؟قالت لينا شنوو ليه ضربو رمانه؟😭😭فيرجن قالت لينا الليله حانوري الرجاله دي كيف ندقو دق لمن يعرف الله كم والله كلنا قلنا الليله ما حانخلي من محلنا دا ومشينا لرمانه في بيت ناس أمها لقينا ليك البنت لمن وشها مورم وبتبكي حضنتنا بقت تبكي معانا😭😭قالت لينا دا كلو عشان انا ماعايزه قلت لأبوي ما عايزه بس هو قال الا اعرس اها دا نهاية العملو ابوي😭😭قلنا ليها خلاص ما تبكي هو ما يستاهل دموعك وخلينا ليه نحنا بنعرف نأدبو قالت لينا انا منتظره ابوي يجي بس وكلمو وحاطلق طوالي مستحيل اقعد ولا دقيقه معاه😭😭أمها قالت ليها انتي متين اتزوجتي شهر ما تميتي كيف تتطلقي اسي الناس يقولو شنو قالت ليها انا مابعرف بس عايزه أطلق😭نحنا قعدنا معاها كدا عشان نفرق ليها بعدين مشينا قلنا ليها بعد ابوك يجي ورينا قال شنو ومشينا.
وسيم جاء وركبنا معاه انا ومياده من وشي طوالي عرفني زعلانه قال لي مالك؟قلت ليه ما في شي قال لي عيونك واقعه وما طبيعيه في شنو؟قلت ليه بس تعبانه شويه مياده قالت ليه مآب ما تعبان بس زعلان عشان راجلها ضرب رمان ورمانه عايز يطلق😭 وسيم قال لي صاح؟قلت ليه اي قال لي انتي ما تتضايقي اصلا في بداية اي زواج بحصل فيه كدا لكن بعدين حيتفقو وما تتدخلو بيناتهم لأنو كدا حتخربوها زيادة خلوهم بتغاهمو براه وهو حتى لو ماعايزها مصيرو يرضى بيها عشان كدا ما تشيلي هم😇قلت ليه يعني اسي حتى نحنا حيحصل معانا كدا؟😔قال لي مآب انتي غبيه؟يعني متوقعه اني ممكن في يوم ارفع يدي عليك؟والله اقطعها قبل ما توصلك وبعدين نحنا البيناتنا اكبر من انو يحصل معانا كدا ما تختي كدا في بالك قلت ليه طيب🙂مياده قالت لينا احم احم انا هنا👋🏻😀قعدنا نضحك وسيم قال لي والله نسيناك عديل😹😹قعدنا نتونس وانا بضحك مع مياده طبعا هي كلامها بضحك عشان العربي بتاعها😹😹وسيم رسل لي رساله ونحنا قاعدين قال لي نفسي أبوس ضحكتك دي لكن كيف؟قعدت اضحك😹😹اتلفت لقيتو سرحان فيني مياده قالت ليه وسيم حيعمل بينا حادث حانموت انا قعدنا نضحك في كلامها😹😹وسيم قال ليها انتي عارفه الحلل الوحيد شنو تاني ما تركبي معانا عشان لو في موت نموت برانا😹😹قالت ليه وسيم بطل ما اتقول حانموت انا مااتقول😹😹قام وصلني بيتنا قال لي خلي بالك من نفسك ولا اله الا الله خشيت بيتنا مبسوطه بالجد روقت معاه🙂لقيت ابوي واخواني ورهام وأمي قاعدين بتونسو في موضوع العرس جيت سلمت ليهم وقعدت معاهم رهام قالت ليهم بعد عرسي عرسو مآب دي قلت ليها هيي اتلمي انا ماعايزه اي عرس👊🏻أبوي قال ليها خلي بنتي تخلص جامعه أول بعدين بعرس ليها أحسن زول رهام قالت ليه ابوي رايك شنو في وسيم انا بقيت اقرص فيها غياظه خلاص🤬👊🏻قالت ليه يعني افترض لو جاء قال عايز مآب ابوي قال ليها والله اعقد ليهم طوالي ياخ انا في لحظه كدا بقيت ماقادره اتكلم بقيت أتذكر في الكلام والله اعقد ليهم طوالي والله اعقد ليهم طوالي والله اعقد ليهم طوالي يالله!اعقد ليهم اعقد ليهم؟يعني مآل مرة وسيم يا سلام بقيت ساعه كامله سرحانه😹😹رهام جات خلعتني قالت لي انتي صدقتي ولا شنو😹😹أبوي قال ليها والله وسيم دا زول كويس شديد ومحترم زي أدبو دا انا ما لقيت ولو قال عايز بنتي دي انا بتشرف والله🙂ياخ

انا فرحت فرح جريت غرفتي جري بقو يشغلوها لي خجلت شكلها😹😹قلت عايزه اضرب لوسيم اوريه أبوي قال عنو شنو🤭جاني اتصال من رمانه ومدخلانا في مكالمه جماعيه كلنا عشان تحكي لينا الحصل😔قالت لينا أبوي ضرب لمؤيد وخلاه يجي واتكلم معاه وهو اعتذر مني وابوي قال لي خلاص ارجعي مع راجلك وانا ماعايزه ارجع😭😭قلنا ليها خلاص مادام اعتذر منك انتي حاولي خلي يحبك وقربي منو عشان ما تخربو علاقتكم مع بعض قالت لينا خلاص ان شاء الله🙂
قفلت منهم كدا عايزه اضرب لوسيم خشت لي مياده سلمت لي قالت لي يا مآب ياسمين وخالتي عايز يفرق انت من وسيم عايز يعرس لوسيم بنت خالتي آيه قلت ليها شنوو انتي جاده؟قالت اي آيه دي واحد كعب كانت قاعده مع وسيم لما كان عيان وانتي جيتي لقيتوه قاعد مع ناس خالتي عرفت انو ديل البنات الكانو قاعدين لما وسيم اتضرب وانا مشيت ليه وكانو بحمرو لي هي وحده منهم😭ياخ قلت ليه العذاب دا ما عايز يخلينا نطلع من مشكله نخش في مشكله تانيه ليه بس😭😭ليه انا ووسيم حظنا زفت كدا😭
أحبك جدا وأعرف اني اعيش بمنفى وانت بمنفى💔وبيني وب

#سنموت_معا 😴💔
بقلم:نفحات محمود💙
-١٩-
مياده قالت لي ما تخاف يا مآب خالتي ما بقدر يفرق انت ووسيم قلت ليها ان شاء الله😭ضربت لوسيم حكيت ليه قال لي انا ما سمعت بكلام زي دا لكن حتى لو أمي فتحت لي السيره دي بطلع بخلي ليها البيت👋🏻🙄قلت ليه لا خلاص احتمال مياده فهمت غلط قال لي يمكن لكن انتي ما تختي في بالك كدا تمام؟قلت ليه طيب لكن لسه ما مرتاحه😔حاسه انو في شي حيفرق بيناتنا انا ووسيم لكن ما عارفه شنو😔شوية كدا احمد ضرب لي بقى يتكلم معي في موضوع ملاذ قلت ليه والله يا احمد البنت دي رأسها قوي قوي ماعارفاها هبله ولا شنو قال لي انا بس عايزها بهبالتها دي قلت ليه والله ماعارفه اتصرف كيف لكن اسمعني انت حاول تلفت ليها نظر قال لي كيف قلت ليه حسسها انك بتعرف بنات وانو انت مافاضي ليها خليها تغير عليك وكدا🤭👋🏻قال لي لكن المشكله انا زاتي ما بلاقيها كتير ياخ قلت ليه خلي الموضوع دا علي حاتلاقيها كتير وبعدين انا عندي عرس رهام وهي كل يوم بتجينا وانت تعال مع وسيم قال لي خلاص ظابط🙂الحنة بتاعة رهام بكره رمانة جات طبعا ما اتوقعناها تجي وكمان لابسه توب😹نحنا شغالين نضحك فيها ساي وبالكعب العالي ماقادره تمشي😹😹قعدنا نجهز حاجات الحفله وسيم جاب معاه احمد زي ما اتفقنا🤭احمد بقى يعاين ليك في ملاذ ساي رسلت ليه رساله قلت ليه ما تركز معاها كتير كدا بتقوي راسها أكتر قال لي كويس بعد خلصنا حاجاتنا قعدنا كلنا كدا نتونس حتى اخواني جو قعدو معانا بقت قعده سمحه خلاص😹😹رسلت رسالة لأحمد قلت ليه اعمل فيها جاك تلفون من بنت وقوم وارجع تاني عمل نفس ما قلت ليه😹😹اي الو سامعك رنا معليش قبيل ما قدرت ارجع ليك مع اللخمه وكدا وقام والله طلع خطير لمن جابت ليها رنا😹😹ملاذ بقت تعاين ليه ساي قمت ضربتها بيدي قلت ليها سرحانه وين قالت لي لالا مافي شي قمت غمزت لوسيم😹😹قام احمد رجع قعد معانا وعامل فيها ما مركز معاها بقى يهبش في تلفونو وهي تعاين ليه😹😹ياخ ملاذ دي انا بفهمها الزول لما يركز معاها كتير بتفتري عليه ناقشاها كويس😹😹وسيم واحمد قامو عشان يمشو قلت ليهم بكره بدري قالو لي قبل الفنان زاتو😹ملاذ قالت لي هو عامل فيها بحبني انا وبتكلم مع رنا وفلانه وعلانه قلت ليها وانتي الغايظك شنو مش قلتي ما عايزاه يعني يقعد يحنسك ولايشوف ليه وحده تانيه؟🙄قالت لي اصلا كلهم واحد اه ما حنك🙄طبعا حاسه بيها متغاظه غيظه😹😹بقيت اغني ليها بغير عليها لما تسلم على الناس وليه يلمسو اديها ما يشاورو كدا وخلاص😹😹قالت لي الجن ولا النفسيات🙄👋🏻قلت ليها سمح😹😹نحنا بليل دا مشينا جلبطنا وشوشنا واتجهزنا للحفله للصباح ما نمنا😹😹بكره جاء والبيت جايط والناس تخش وتطلع وسيم ما جاء ولا ضرب وانا بضرب ليه ما برد لي لحدي ما زمن الحفله قرب انا مشيت الكوفير مع رهام ولبسنا وجهزنا ولسه وسيم ما ضرب لمن خفت وقلبي بقى يدق بسرعه كانو في حاجه حتحصل😭😭ضربت لأحمد سالتو منو قال لي والله انا زاتي ماعارفو وين وبضرب ليه عشان نجي الحفله وهو ما عايز يرد حيرني قعدت ابكي قلت اكيد في شي😭😭قلت لأحمد عليك الله امشي ليه في بيتهم شوفو مالو قال لي خلاص حامشي ليه اسي مشينا الحفله والناس تبارك للعروسه وانا ماشه ما حاسه بنفسي بس منتظره احمد يضرب لي بس شويه احمد خشى علي رديت ليه قلت ليه في شنو قال لي وسيم دا في البيت مافي قالو اتشاكل مع أمو وادتو كف وطلع خلا البيت وما عارفنو مشى انا خلاص بقيت ما قادره اقعد في الأرض اتوترت شديد بقيت ابكي😭😭 قلت اكيد أمو جابت ليه سيرة آيه بنت خالتو عشان كدا طلع وخلا البيت واكيد بكون اتكلم معاها وقال ليها انا ما عايز آيه عشان كدا أدتو كف😭😭 احمد قال لي ياسمين هي الحكت لي الكلام دا وما عارف شي تاني😭قلت ليه انا حاطلع افتشو قال لي تفشي وين ما حتلقيه وبعدين حفلة اختك كيف تمشي وتخليها انا حامشي اشوفو وين وبديك تلفو

ممكن أرد على اي شي الا الكلام الحلو وبالذات لو كان من وسيم يالله بحس نفسي كانو بقيت تمثال ما بقدر اتحرك ولا اتكلم😹😹
أحمد شغال يعاين لملاذ ساي عجبتو شديد😹😹أنا كل شويه بقرصو عشان ما يعاين ليها وهو بس فاتح خشمو ويعاين غاظني كيف😹😹قلت ليه احمد خلي العوراه ما تعاين ليها كدا🙄وسيم بقى يلذ فيه عشان يمشي يتكلم مع ملاذ انا قلت ليه ما تمشي اصبر شويه وسيم قال ليه امشي اسي وتاني بعدين امشي اتكلم معاها قام مشى بقيت اشاكل في وسيم قلت ليه م كان تخلي يمشي ياخ قال لي انا زول خبره🤭بس اصبري وشوفي الحيحصل شنو✌🏻احمد مشى ونحنا مراقبنهم
أحمد:دي انتي ولا دا قمر؟
ملاذ ضحكت ليه لكن ماردت قال ليها رايك شنو اخذ صورة مع القمر دا؟
قالت ليه طيب واتصورو وسيم

بقى يصفر😹😹قال لي شفتي الخبره دي كيف قلت ليه ياخ انت خطير عديل😹😹قال لي ياخ انتي شفتي شي😹✌🏻
بعدين الحفله بدت من الموووت🤤 احمد بقى يرقص مع ملاذ وهي ما اتضايقت منو نهائ شكلها خطتنا نجحت😹😹نهاية الحفله رهام ماشه ودعناها وأمي بقت تبكي طبعا كالعاده لازم تدخل دموعها في اي شي😹😹وانا بقيت اسكت فيها قلت ليها ما تبكي عشان ما تخربي ليها فرحتها خليها تمشي مبسوطه مع راجلها💙رهام جات ودعتنا انا دموعي عايزه تجري بس ماسكاها غصب قالت لي حارتاح من وشك الحامض دا حامشي واخليكم بايرات واا بقت تكاوي فينا😹😹قلت ليها اطمني بلحقك قريب دا😹✌🏻وسيم أبو ضرب ليه قال لي تعال البيت سريع امك قالت عايزه تقتل نفسها قالت عشان انت طلعت من البيت وما رضيت تتزوج آيه هو ودعني عادي قال لي موبي انا حامشي لأني نعست شديد قلت ليه طيب امشي بعد دا وطلع
في بيت وسيم.
جاء لقى أبوه وأختو وامو بقت تصرخ خلوني انا عايزه اقتل نفسي اعيش ليه ولدي الولدتو وتعبت فيه وربيتو في النهايه يجي يعمل معي كدا عشان البنت المقطعه دي اقول لي عرس بنت اختي حلاة الدنيا عليها يقول لا عايز الا البنت الشرشوحه دي ياخ انا اعيش ليه وسيم قال ليها ما اتقولي عنها شرشوحه لأنها ما كدا قالت ليه انت ما بهمك أمك يحصل ليها شنو بس بتهمك البنت الحيوانه عشان كدا انا زاتي ما عايزه اعيش في الدنيا دي بعد السمعتو منك دا وجرت على المطبخ شالت ليها سكينه وقربتها من بطنها وقالت عايزه تطعن نفسها ياسمين عامله فيها بتبكي يا أمي لا عليك الله ما تعملي كدا وهي تقول ليها اعيش ليه انا مافي داعي اعيش اصلا وسيم قال ليها أمي عليك الله ما تعملي كدا خلي البتعملي فيه دا عليك الله قالت ليه هو انت بهمك؟والله العظيم لو ما رجعت البيت ورضيت تتزوج آيه بنت خالتك انت اقتل نفسي قال ليها انا ممكن ارجع البيت لكن مستحيل أتزوج بنت اختك دي مستحيل وانا غير مآب ما بعرس والله وجيبي السكينه دي خليني انا بقتل نفسي وارتاح مادام القصه بقى فيها قتل وبتاع جيبي السكينه دي وشال السكينه من يد أمو بالغصب وقال عايز يقتل نفسو ياسمين بقت تصرخ وامو تصرخ وتحاول تقلع منو السكينه.

#سنموت_معا 😴💔
بقلم:نفحات محمود💙
-٢٢-
في النهايه لمن لقتو مصر شديد وخافت انو يطعن نفسو لأنها عارفه ولدها مجنون💦😭قالت ليه خلاص ياخ عرسها مش مآب دي عرسها حتى خت السكينه من يدو🤬قال ليها قدام أبوي وأختي بقول ليك يا أمي انا غير مآب ما عايز وما كل مره تقولي لي عرس آيه لو المره الجايه فتحتي لي الموضوع دا والله اطفش محل تفتشوني ما تلفوني وطلع أبوه لحقو قال ليه انت بتعمل كدا ليه على أساس انت العاقل وبعدين انت عارف أمك دي شنو عارف حركاتها يعني هي لو غلطت انت تعمل زيها قال ليه أبوي انا ما صغير عشان هي تختار لي البنت الحاتزوجها أنا بختارها بنفسي وأصلا انا اخترتها وخلاص وما عايز زول يدخل ف حياتنا انا ومآب طبعا أم وسيم لسه بتفكر تعمل ليها حاجه عشان تفرفنا😔
ملاذ كانت قاعده معي وبتتكلم مع أحمد بالتلفون بتضحك ساي انا زهجت شديد لأنو ما كان عندي موضوع شلت التلفون قلت لأحمد أضرب ليها بعدين وقفلتو بقت تنبذ فيني ليه تقفلي وليه تشيلي قلت ليها على أساس بتكرهي وما عندك ليه حاجه شايفاك أمس اتصورتي معاه وكمان أديتو رقمك اتطورنا😹😹قالت لي ياخ والله ما كدا لكن هو زول ظريف ياخ وكيوت وبعدين اسي انا بتكلم معاه كصديق بس ما اكتر🙄قلت ليها صديق؟ايوا ظابط😹وكمان انا بعرفك يا ملاذ انتي مستحيل تشكري ليك زول ساي😹😹قالت لي ياخ خلاص قفلي مني وقومي من هنا👋🏻😤طردتني المعفنه عشان تتكلم معاه😹😹
الصباح مشينا الجامعه ومن هناك انا مشيت لمياده في جامعتهم الي هي جامعة ناس وسيم قعدنا نتونس مع بعض ووسيم كمان قعد معانا ميادة كانت زهجانه قلت ليها مالو الحلو زهجان الليله؟قالت لي يا مآل أنا زعلان كتير جابو دكتور جديد وصعب دكتور حقار صعب شديد دكتور ما حبيتو وبصرخ فينا😭😭 قلت ليها ما تشتغلي بيه كتير ولا اتضايفي نفسك بسببو بعدين طلعنا سوا انا وهي ووسيم لقينا الدكتور بتاع ناس ميادة قالت لي مآب دا الدكتور قلت ليه احااا سمح كدا؟وسيم قال لي احم بتشاغلي قدامي؟طبعا ما انتبهت ليه😹😹قلت ليه احسن اشاغ

فاضيه ليه الاهبل قال شنو ملاذ انتي هنا؟معليش ما انتبهت ليك😹😹😹قلت ليها ياملاذ انتي زعلانه كدا ليه هو بهمك في حاجه؟قالت لي لالا قلت ليها طيب مالك قالت لي ياخ انسي وسيم قبيل قال ليك شنو😹😹
في بيت رمانه.
قاعده تشتغل في المطبخ مؤيد جاء قال لي هاك خيطي لي الزراره بتاعة القميص دا شالتو منو خيطتو ليه مشت جهزت الغداء وختتو ليه قال ليها تعالي اتغدي قالت ليه ما عايزه😔هو بقى يعاين ليها وياكل قام حنى عليها قال لي رمانه معليش عشان ضربتك قالت ليه ما مشكله قال ليها انتي مرتي وما مفروض اعاملك بالطريقه دي وحتى لو انا ما عايزك ما مفروض اعاملك كدا قالت ليه ما مشكله انت في النهايه راجلي انا ما مفروض اتضايقك قال لي انا بوعدك ما أمد يدي عليك تاني قالت ليه كويس🙂

#سنموت_معا 😴💔
بقلم:نفحات محمود💙
-٢١-
قاعده في الجامعه مع البنات بنتونس في موضوع وسيم وكلهم فرحانين لي🤭رمانه قالت لينا انو امس مؤيد اعتذر منها فرحنا ليها شديد قلنا ليها اكيد حايصلح معاملتو معاك♥مياده متفقه معانا نلاقيها بره الجامعه خلصنا محاضرات ومشينا ليه

ا قعدنا ناكل اصلا لما نتلم كلنا أول شي لازم نعملو الأكل😹😹بقينا نسال فيها انتي ما كان عندك حبيب قبل كدا وشنو قالت لينا مياده كان بحب في تركيا بس هنا ما بحب قلنا ليها ليه اولاد السودان مالهم😹😹قالت لينا معفنين اولاد ما حبيت انا قعدنا نضحك فيها😹😹قلنا ليها لو جاك عريس سوداني يتواففي؟قالت لينا انا ما بوافق ابدا😹سوداني ما بحب وما بعرس😹😹من مياده مشينا لفيرجن قالت لينا انتو خليكم في نفسكم ما عندكم شغله بي طبعا محرجة شديد😹😹جينا لملاذ قعدنا نشغلها ليها قالت لينا انا سنجل ومرتاحه وما عايزه اربط😹✌🏻قعدت اغمز ليها قلت ليها ما عايزه تربطي قلتي لي ايواا ظابط😹😹
رجعت بيتنا مشيت عملت اكل لوسيم ووديتو ليه في شقتو قال لي والله جاء في وقتو ياخ الجوع عايز يقتلني😹😹قلت ليه انت شكلك ما حتقدر تقعد براك نهائ😹😹قال لي لالا اسي الأكل الجبتي دي بقعد معي أسبوع بدبر حالي قعدت اضحك فيه😹😹والله حنني ياخ مسكين بقى مشرد😹😹وكلو عشاني انا😭😭قال لي حجيب لي شغاله تغسل لي ملابسي دي وتنظف البيت شوفي وسخان كيف قلت ليه لا ما تجيب انا بعمل ليك😭😭قعد يضحك😹😹قال لي انا بخليها تجي لمن اكون في الجامعه ولما اجي يلقاها مشت ما تخافي ما حاتكون قاعده لما انا اكون في😹قلت ليه لو كدا معليش قال لي اي فاهمك فاهمك😹ضربتو في كتفو قلت ليه غلييظ🙄ختيت ليه الأكل وهو وصلني وكان بكره عرس رهام كلمت وسيم قلت ليه عليك الله تعال عايزاك تكون جنبي قال لي ان شاء الله حجي والمره دي بس ما تحصل حاجه😔قلت ليه ان شاء الله ياخ.
أمي كانت شايله هم لرهام وزعلانه عشان حاتفارقنا والله بالجد حاتخلي لينا البيت شين😭😭
ف بيت وسيم.
أمو بتتكلم مع أختها الي هي أم آيه
أختها:اها كلمتي وسيم بموضوع العرس
هي:اي كلمتو والله
أختها:طيب وقال شنو ان شاء الله وافق
هي:معقوله ما يوافق هو بلقى زي آيه وين كلها ادب واحترام وجمال♥
أختها:انتي عارفه يا كوثر آيه دي بنتي الوحيده وبحبها شديد ما عايزه افرط فيها واعرس ليها الزول المناسب وهي زاتها متعلقه لوسيم شديد وقالت انا غير ود خالتي ما عايزه.
هي:والله انا مبسوطه ليهم وكمان هم لايقين على بعض ياخ
أختها:خلاص سرعو في الموضوع عشان نجهز للعرس
هي:خلاص ان شاء الله ما عندكم مشكله انا حاتكلم مع وسيم
بعد ما مشت بقت تتكلم مع بنتها ياسمين.
كوثر:ياخ اخوك دا ختاني في موقف مع خالتك مع عارفه اتصرف كيف
ياسمين:ياخ البنت الما نافعه دي نفسي اعرف أخوي عايز منها شنو
كوثر:ياخ دي الله يقتلها جابت لينا الأذى في البيت دا🤬
ياسمين:اسي الحلل شنو يا أمي
كوثر:اصبري أنا بتصرف معاه أخوكي دا🙂
من جانب تاني..
رمانة جات من الجامعه خشت غرفتها بقت تغير في ملابسها فجأة مؤيد جاء خاشي البيت بقى يعاين ليها من بره الغرفه بعد ما غيرت ملابسها بقت تعاين لنفسها في المرايه وتقول والله انا ما شينه ليه طيب مؤيد بكرهني كدا يعني عشان هو غني وعايش بره ولا عشان شنو ما قادره افهم😔مؤيد من غير ما يشعر لقى نفسو بضحك😹لما هي عايزه تطلع هو عمل فيها ياداب جاي خاشي الغرفه قالت ليه حمدلله على السلامه قال ليها الله يسلمك مشت سريع المطبخ بقت تجهز في الغداء هو غير وجاء لقاها في المطبخ مشى حضنها من ورها هي لمن اتخلعت لقتو هو قالت لي مؤيد فكني قال ليها على فكره انا راجلك يعني لو ما عارفه قالت ليه لكن انت بنفسك قلت ما عايزني اسي الجد شنو؟قال ليها اي ما عايزك وللآن ما عايزك لكن انتي في النهايه مرتي وعندي حقوق مفروض تديني ليها قامت فكت يدينو قالت ليه عايزه اجهز الغداء ما تلهيني🙄
جاء عرس رهام رمانه وراجلها جو داخلين ياخ منورين حلوين حلا مع بعض🤤المره دي وسيم وأحمد جو أول ناس😹😹 الحمدلله انو ما حصلت حاجه🙂وسيم من شافني جاء قريب مني زح لي شعري من وشي وهمس لي أذني انتي بتجيبي الحلاوه دي من وين؟ياخ انا الساعه القلبي وقف🙈بالجد انا

ل قدامك ولا وراك؟قال لي ولا واحد اقعدي بأدب بس🙄لكن الدكتور ما شلل هو سمح لكن كبير علي للأسف 😹😹عمرو بكون زي٣١ ولا ٣٢ كدا.
وسيم وصلني البيت ورجع شقتو قلت ليه انت ما حترجع بيتكم قال لي موبي والله ما عندي نفس ارجع كدا احسن قلت ليه طيب البتشوفو انت احسن اعملو.
خشيت بيتنا كدا كنا قاعدين الا انا وأمي بس رهام يا حليلها😭😭وأخواني وأبوي مافي فجأه الباب يدق مشيت فتحتو لقيت أم وسيم😱انا بقيت فاتحه الباب مستغربه دي الجابها لينا شنو عايزه شنو قالت لي يعني ما عايزه تخليني اخش بيتكم ولا شنو قلت ليها لالا العفو اتفضلي قامت خشت وانا لسه مستغربه قالت لي أمك وين قلت ليها جوه مشت لأمي أمي جات سلمت عليها وانا مشيت جيت ليها مويه قلت ليها اتغضلي قالت لي ان

ا ما جيت اشرب جيت اتكلم معاكي ومعى أمك.
انا يدي لمن بقت ترجف أمي قالت ليها اتفضلي انا جيت قعدت جنب أمي قالت لأمي انا عايزه اقول ليك حاجه وحده خلي بنتك دي تبعد من ولدي لأنو ولدي ما حايعرسها وهو من كان صغير عايز بنت خالتو آيه عشان ما يغش بنتك ساي هو عرس ما بعرسها ما تحلمو وخلي بنتك دي تبعد عن ولدي لأنو نحنا عايزين نعرس ليه هي شغاله تتلصق فيه ما عايزه تخليه عشان شنو عشان القروش؟انا مستعده اكتب ليكم شيك فاضي اكتبو فيه المبلغ العايزنو بس لو سمحتي خليها تبعد عن ولدي قروش انا بديكم اي شي عايزنو بديكم انا دموعي بقت تجري ما قدرت أرد ليها أمي قالت ليها لو سمحني نحنا ما قلنا ليك محتاجين لقروشكم دي ولا شحدناك عشان تجي تدينا وبنتي ما جاريه ورا ولدك هو الجاري وراها انا اتدخلت قلت ليها وسيم بحبني وانا بحبو وانتي العايزه تعرسي ليه بنت اختك وهو ما عايزها قالت لي ياخ خلي عندك شوية كرامه انا ام وسيم ما عايزاك تبقي مرة ولدي لأنك ما من مستوانا كدا فهمتي؟وقامت فوق عايزه تمشي آخر مره بقول ليك ابعدي عن ولدي وطلعت.
انا من البكاء ما شايفه قدامي حسيت الأرض دي بتلف بي بعد الكلام السمعتو دا أمي قالت لي دا نهاية الزول لما يعاين فوق في النهايه بقع بقع وانتي وقعتي؟قلت ليها يا أمي انا وسيم بحبو وهو بحبني ونحنا الاثنين ما حانخلي بعض بس أمو ما عايزاني لكن وسيم قال لي انا ما حاشتغل بأمي وحأجي اتقدم ليك أمي قالت لي ياخ كفايه وسيم وسيم ياهو بسببو جو هانونا بسببو قالو نحنا شحادين وجارين ورا ولدها عشان القروش دي ياها نهاية تعبنا فيكم أسي ابوكي لو كان قاعد وسمع الكلام دا والله كان وقع من طولو لأنو ما قصر منكم في شي انتي واخوانك وفي النهايه يجو يهينو في بيتو ويقولو انو عايز قروش وانو شحاد دي تربيتنا ليك من يوم الليله ما اسمع اسم وسيم في البيت دا ولا بتشوفي شي ما بعجبك بكلم ابوكي واخوانك يجو يربوك براهم لكن لو سمعت بس اسمو ولا انك بتتكلمي معاه ولا ماشه تشوفي بتشوفي مني تصرف تاني يا مآب انا بقيت ابكي قلت ليها عليك الله يا أمي ما تعملي فيني كدا والله وسيم دا انا بحبو شديد ومابقدر اعيش من دون

و عليك الله ما اتقولي الكلام دا قالت لي دا اخر كلام عندي وما بعيدو تاني.

#سنموت_معا 😴💔
بقلم:نفحات محمود💙
-٢٣-
ياربي أنا اعمل شنو انا مابقدر أتخلى عن وسيم ما في حلل بالجد ضربت لملاذ حكيت ليها قلت احتمال تفكر معي قالت لي يا مآب نحنا كلنا عارفين وسيم بحبك قدر شنو وأمو عايزه تخرب بيناتكم بس لكن اسي انتي ما عندك حلل الا ما تتكلمي مع وسيم تاني لأنو لو اتكلمتي معاه أمك حتعمل ليك مشكله وبعدين والله يا مآب الكلام القالتو ام وسيم دا حار مافي زول بقدر يتحملو على فكره هي طلعتك انتي الجاريه ورا ولدها وانتي الما عندك كرامه وانكم شحادين هي طلعتكم كدا😔بالجد حسيت انو كلام ملاذ صاح😭😭😭قعدت افكر في الموضوع وأفكر وسيم يضرب لي افصل المكالمة تاني يضرب لي افصلها ياخ انا راسي ملخبط ما فاهممه شي ما عايزه افارق وسيم انا ما بقدر اعيش من غيرو والله ما بقدر😭😭قاعده افكر وابكي دموعي دي ملت السرير حسيت انو كل ما انا ووسيم نفتح طريق بتقفل تاني نفتح طريق يتقفل ليه حبنا دا قسى علينا كدا😔انا قاعده كدا فجأه اسمع ليك صوت وسيم في بيتنا بنادي مآب مآب أمي بتتكلم معاه اطلع بره ياخ مآب دي تاني ما عايزاك خليها في حالها وتاني ما تضرب ليها قال ليها شنو كيف يعني ما عايزاني وينها انا عايز اشوفها مآب وانا خايفه اعمل شنو اطلع ليه كيف والله ما قادره اشوفو وأمي تقالع فيه ياخ اطلع قلت ليك مآب دي تاني ما عايزاك انت ما بتفهم بس فجأه يخش غرفتي القى ليك في وشي وأمي جات لحقتو قال لي مآب دا كلام شنو كيف ما عايزاني دا شنو الكلام القالتو لي أمك دا وانا بضرب ليك بتفصلي الخط في وشي دا كلام شنو؟أمي بتحمر لي ساي يا ربي انا اتصرف كيف قلت ليه وسيم اطلع مافي حاجه قال لي والله ما طالع من هنا لو ما قلتي لي في شنو؟قلت ليه وسيم مافي حاجه عليك الله امشي قال لي يعني الكلام القالتو لي أمك دا صاح؟افهم كدا انا؟أمي هزت لي براسها قولي اي قلت ليه اي ما عايزاك انت يا وسيم واطلع من حياتي جاء قعد جنبي ومسك يدي مآب

قال ليها لو ما اعتذرتي من الناس ديل والله اطلقك يا كوثر وأرجعك لحالتك القديمه تاني القروش دي تحلمي بيها حلم🤬ياسمين بقت تبكي جات قالت ليه بابا عليك الله ما تعمل كدا في أمي عليك الله قال ليها ياسمين ما تفتحي خشمك دا عشان ما اديك كف انتي كمان انا خليتكم على كيفكم لكن تاني بعرف أقبل عليكم وانتي البسي توبك دا وامشي اعتذري سريع من الناس ديل😪وطلع خلاها هي بقت تصرخ وتضرب في وشها وقاعده في الارض قالت انا كوثر محمد أحمد امشي اعتذر من الناس ديل هم مجانين انا ما بعتذر ما بعتذر ياسمين جات قعدت جنبها قالت ليها أمي عليك الله ما تعملي في نفسك كدا خلاص وبعدين انتي لو ما اعتذرتي أبوي وبتعرفيه فكرت في الموضوع كدا عاينت بيجاي وبيجاي وقامت لبست توبها وطلعت😹😹😹جات لينا بيجاي🤬
أنا زهجانه مشيت غيرت ملابسي سريع وقعدت امعط في شعري اقسم بالله زعلانه زعل😭😭وأمي لسه بتهرج بهناك وبتجوط وسيم ضرب لي قال لي ما تضايقي نفسك انا بوعدك حتتسهل ان شاء الله بس انتي قولي يارب قلت ليه يارب تتحل😭😭أم وسيم جاتنا ووشها مورم وشكلها باكيه لمن نحنا احترنا فيها🤥قالت لأمي انا اسفه وبتمنى توافقي مآب تتزوج ولدي وهي شغاله تحمر لي لكن ما حنك المهم هي جات اعتذرت🖤💃🏻وان شاء الله أمي تقتنع😭😭أبوي قال ليها هدى خلاص المرة جات اعتذرت منك ما تحطمي سعادة بنتك عشان حاجه زي دي أمي سكتت ساي وجات ماشه انا قلت معناها ما حاتوافق😭😭تاني وقفت اتلفتت ورا قالت لأبوي أضرب للجماعه قول ليهم وافقنا انا في الساعه دي طرت انا وملاذ قعدنا نضرخ وزغرتنا ياخ فرحنا فرح💃🏻😚جري ضربت لوسيم عشان أفرحو😹😹قال لي عليك الله سمعينا زغروته ياخ😹😹قمت زغرت ليه قال لي كأنو ما انتي العروسه حيوان خلاص😹😹
وسيم قال عايز عقد أبوي قال خلاص نعقد وبعدين حددو العرس براكم👋🏻😚طبعا ضربت لصحباتي كلهم مادام الموضوع بقى فيه عقد وكدا رمانه وراجلها ورهام وراجلها جونا طبعا من ضربنا ليها عشان العقد قطعو شهر العسل وجو😹😹يا حليلها ياخ😹ياخ انا كنت متوتره توتر ما كتت متخيله انو لما يجي اليوم دا حكون خايفه كدا😹سبحان الله انتو عارفين المشكله وين اي بنت تعرف انو وسيم حيعقد خلاص بتتشل طبعا هو معجباتو كتار😹😹احياااا حريقه فيهم🔥طبعا انا بحب المغارظ دي حب😹😹عجبني ليهم😹😹💔بعد العقد وسيم جاء قال لي مبروك يا عروسه وان شاء الله نتهنى يارب♥ياخ انا خجلانه خجل وما مصدقه حاسه كأنو دا حلم بالجد ما مصدقه😭😭حاسه كيف كيف يعني وسيم بقى راجلي واااي😭ما مصدقه والله ما مصدقه وسيم حبيبي بقى راجلي😭انتو عارفين قدر شنو الاحساس دا حلو زول بتموتي فيه من غيرو ما بتعيشي♥يومك ما بعدي الا تتكلمي معاه♥بتحسي انو في شي ناقص لو ما شفتيه بتحكي ليه اي شي عنك♥عارف كل كبيره وصغيره عنك♥بتتنفسيه بتموتي في ضحكتو وابتسامتو♥

#سنموت_معا 😴💔
بقلم:نفحات محمود💙
-٢٦-
زول يحب أغلاطك وما بهمو انو انت تكون مثالي بس يحبك زي ما انت♥وفي النهايه يبقى راجلك في أحلى من كدا شعور؟بالجد مافي♥قلت لوسيم:معاك يبقى الزمن حاضر 💫💜يجي العالم قريب مني💫💜ويكون أجمل بعيد منك💫💜يموت صوتي يغيب فرح الزمان يكمل💫💜قال لي:إتوهطي الروح والعروق💫💜أنا أصلي غيرك ما بكون💫💜يا المارقة من جواي سنا💫💜وارتاحي بقدر الفرح💫💜الجاني منك وجابني ليك💫💜وخليكي في كل الظروف مطمنه💫💜أنا اصلي غيرك ما بكون💫💜وسيم خت صورتنا بتاعة العقد بروفايل وكتب لم يبقى سواك بذاكرتي🖤✨لم يبقى سواك بوجداني🖤✨قد ماتت كل نساء الأرض🖤✨وبقيتي أنتي بفنجاني🖤✨
بالجد انتو ما عارفين الفرحه الأنا عايشاها بدعي الله الفرحه دي ما تخلص ونفضل عايشنها دايما يا رب وتكبر وتكبر وما تنتهي💙
بعد مرور شهر..
أنا خلصت أولى وأجزت ووسيم كمان أتخرج واتوظف وحددنا زواجنا💍🖤مع انو أم وسيم ما كانت موافقه وقالت لوسيم لو اتزوجت البنت دي تاني ما تعتبرني أمك وهو ما اشتغل بكلامها💔😢ملاذ وأحمد علاقتهم اتطورت وخطبو💍💜رمانه وراجلها كمان علاقتهم اتحسنت وبقو يحبو بعض وهو بقى يعاملها كويس🙂💗رهام أختي حامل حاتجيب لينا بيبي😚💗وأنا حابقى خاله💃🏻😚أما المفاجأه الكبيره ميادة بقت تحب الدكتور الكانت بتكرهو😹😹وأمورهم بقت واضحه هو زاتو زول ظريف يعني ما زي ما كنا فاكرين😹😹
يوم عرسي🌛🌜
ياخ انا من الصباح مقلقه اخش واطلع اخش واطلع😭😭ما عارفه حاسه كيف لكن بالجد حاسه بإحساس غريب😭😭يعني انتي يا مآب حاتكوني متزوجه لالالا واي😭😭ملاذ جاتني قالت لي بعد دا نمشي الكوفير عشان الزمن ما يتأخر قلت ليها شنوو؟ما قادره بطني بتوجعني واي😭قالت لي مالك يا بنت في شنو قلت ليها ماعارفه بس بطني بتوجعني😭😭انا لمن أخاف طوالي بطني بتوجعني😭مشت عملت لي حاجه سخنه شربتها لكن لسه بتوجعني😭ملاذ قالت لي انتي كدا بالطريقه دي في العرس يتطلعي شينه دي شنو الحركات دي خليها طبيعيه عشان تطلعي نايرة ي بنت💗😚قلت ليها طيب حاضر😭مشينا الكوفير لبست فستان ملكي طبعا نفسيات😚💗وطلعي فيني خطير

ن قلت ليه طيب😭😭ملاذ جاتني قالت لي انتي وين من قبيل الناس دي كلها بتسأل عنك وامك من قبيل بتسأل مآب وين ورهام كمان قلت ليها وسيم يا ملاذ😭😭قالت ليه وسيم مالو كمان خير؟حكيت ليها الحصل قالت لي أضربي لأحمد سريع خلينا نلاقيه ونمشي معاه سوا بالجد حست بي لأني ما كنت حاقدر اقعد في الأرض اصلا😭😭ضربنا لأحمد وطلعنا سريع عشان نحصلو نحنا جاريين في الشارع بفساتينا وشعرنا ومكياجنا وأي زول يعاين لينا والبتكلمو كلام ما كويس والبشاغلو ونحنا جاريين لحدي ما حصلنا احمد احمد قال لينا وسيم دا قاعد في شقتهم قلنا ليه عرفت كيف قال لينا مافي محل تاني يمشي ليه انا متاكد انتو الحقوني بس وبقينا ماشين معاه ركبنا عربيه ووصلنا سريع احمد بقى يدق في الباب الشقه ويدق ويدق نحنا لمن خفنا قلنا حاصله ليه حاجه ولا مافي انا بقيت ابكي😭😭ملاذ قالت لي مآب ما تبكي خلاص حنتلقاه فجأه وسيم فتح الباب انا بس لقيت نفسي في حضنو وببكي😭😭

#سنموت_معا 😴💔
بقلم:نفحات محمود💙
-٢٠-
وسيم بقى يحنس فيني قال لي موبي انا كويس ما حاصله لي حاجه ما تبكي خلاص

وبقى يمسح لي في دموعي😭قلت ليه انا خفت عليك افتكرت حصلت ليك حاجه😭قال لي انا كويس هدا انتي شايفاني قدامك ما تبكي قلت لي ليه ما كلمتني طيب😭قال لي ما حبيت اخرب ليك عرس اختك وازعلك ساي ي روحي🙂دخلنا جوه واتكلمنا احمد وملاذ مشو خلونا برانا وطبعا احمد حيتسفيد من الفرصه دي😹😹قعدنا انا ووسيم نتكلم سألتو حصل شنو؟
وسيم:كلام مياده طلع في محلو وأمي جات فتحت معي مووضع آيه
أنا:قالت ليك انها عايزه تزوج ليك آيه يعني؟
وسيم:اي وانا قلت ليها ما بعرسها
انا:طيب انت عملت شنو لما هي ادتك كف؟😢
وسيم:ما عملت شي انتي أمي بتعرفيها بس الا الزول يعمل ليها الحاجه العايزاها
أنا:وسيم ما تكذب علي قالت ليك شنو
وسيم:موبي ياخ خلاص انا ما عايز أزعلك حبيبي
أنا:وسيم قول لي ياخ
وسيم:مآب بصراحه أمي دي بس الحاجه المزعلاها انك في حياتي وهي ما عايزاك وبدت تنبذ فيك وانا ما رضيت وضربتني كف
انا:(بديت ابكي بالجد زعلت شديد والله😭😭)يعني هي للدرجه دي ما بتجيني خلاص لو كدا انت امشي بطريق وانا بطريق وما تزعل أمك بسببي😢
وسيم:(غط لي خشمي بيدو)ما اتقولي كدا عليك الله يا مآب انتي عارفه قدر شنو انا بحبك والله مش أمي دي ما موافقه نحنا حنتزوج ولو الدنيا كلها وقفت في وشنا بخطفك وبجري بيك وما بهمني زول
أنا:(حضنتو شديد)الله ما يحرمني منك يا وسيم والله انا بحبك كتير كتير كتير
وسيم:وانا بحبك اكتر💗
أنا:اسي انت حتقعد في الشقه دي كدا؟
وسيم:اي حاقعد ما حارجع بيتنا مادام هم ما راضين بيك انا اقعد معاهم ليه؟
في جانب تاني..
أحمد وملاذ قاعدين سوا😹😹واحمد عامل فيها شغال رسايل بالتلفون وما فاضي ليها وهي تعاين ليه ساي😹😹واحمد يعاين ليها بالجابس هي ما عارفاه😹قالت ليه لو سمحت الساعه كم يلا ما رد ليها عامل فيها ما سامعها سكتت مسافه تاني قالت ليه معليش الساعه كم عشان انا نسيت تلفوني في البيت قال ليها ااه ملاذ انتي هنا؟معليش ما انتبهت ليك والله قالت ليه ما حنك قال ليها الساعه اسي ١٠ ونص قالت ليه تمام شكرا هو بقى كاتم الضحكه ما قادر يضحك😹😹😹😹
يلا نرجع لي انا ووسيم💗
أنا:طيب انت حاتغسل ملابسك كيف حتاكل كيف وانت براك؟😢
وسيم:منو القال ليك اني براي شويه كدا ومرتي حتجي تسكن معي
أنا:مرتك منو؟
وسيم:انتي يا موبي الله!
أنا:كيف يعني انا؟
وسيم:يا روحي نحنا مش مفروض نتزوج بعد دا؟
أنا:شنو وسيم انت ما جادي
وسيم:ما جادي كيف يعني نحنا حنفضل كدا بس عايزين نزين حبنا دا بزواج ونجيب لينا اولاد حلوين يملو علينا حياتنا عشان نكمل حبنا دا
أنا:لكن نحنا بنقرا
وسيم:انا السنه دي حاتخرج وطوالي حاشتغل وانتي حتمشي تانيه ونتزوج طوالي تمام؟بس شويه كدا وأجي لأبوك
أنا:ياخ انا من الفرح لمن دموعي دي جات جاريه والله😭😭يالله اخيرا انا ووسيم تاني مافي شي حايفرقنا حانكون مع بعض وحانكمل بعض♥
وسيم:والله يا موبي انا عايزك تبقي مرتي وتكلمي لي حياتي وتلونيها لي وأكمل نص ديني بيك انتي واجيب اولادي منك دي♥
أريدك أنثى لأن الحضارة أنثى🖤✨لأن القصيدة أنثى🖤✨وسنبلة القمح أنثى🖤✨وقارورة العطر أنثى🖤✨وباريس بين المدائن أنثى🖤✨وبيروت نبقى برغم الجراحات أنثى🖤✨فباسم الذين يريدون أن يكتبو الشعر كوني امرأة🖤✨وبإسم الذين يريدون أن يصنعو الحب كوني امرأه🖤✨
رجعت البيت لقيت الحفله انتهت وأمي بتهرج كنتي وين والناس دي كلها تسأل منك يعني ما خاته لينا اعتبار وكمان تفوتي حفلة اختك دي ما اختك الوحيده كنتي وين ما عرفت اقول ليها شنو مشيت خليتها بتتكلم لقيت رهام برضو تهرج انا اختك وما تحضري حفلة حنتي وتمشي قمت حكيت ليها اصلا هي بقت تحب وسيم وم عندها معاه مشكله😹😹قالت لي أحسن انك مشيتي شفتيه لأنو زول كويس والله وقلت ليها انو حيجي يتقدم لي ياخ فرحت فرح بقت تبوس فيني قالت لي الله يخليكم لبعض ياخ🖤🙂
ملاذ ضربت لي بقت تحاكي في احمد لي الحيوان المتخلف قايلني انا

مالك انتي في شنو حاصل عليك شنو في زول قال ليك حاجه؟انتي مستحيل تقولي لي انا كدا انا عارفك قلت ليه مافي زول قال لي اي حاجه الكلام دا طلع مني أنا قال لي ما بصدق مستحيل فكيت يدي منو قلت ليه وسيم خليني في حالي انا ما عايزاك فهمت؟ياخ انا ما عارفه قلت كدا ليه وليه عملت كدا😭😭أمي جات قالت ليه لو سمحت اطلع من غير مطرود يعني؟عشان ما أنادي لابوها واخوانها يجو يطلعوك بالقوه وسيم بس شغال يعاين لي ويعاين في عيوني انا دموعي جات جاريه وهو دموعو جات جاريه😭بس شغالين نعاين لبعض والله وسيم دا عيونو كلها بس عبارة عن حب لي لكن الله ما كاتب لينا هو بعاين لي لحدي ما طلع😭😭💔
بكلمة واحدة لفظتها ونحن عند الباب💔..فهمت كل شئ فهمت من طريقة الوداع💔..ومن جمود الثغر والأهداب💔..فهمت أني لم أعد أكثر من بطاقة تترك تحت الباب💔..فهمت يا سيدتي أنك فرغت من قراءة الكتاب💔..
أمي جات قالت لي كدا كويس واوعى تتكلمي معاه فهمتي؟اتمنيت الأرض تتشق وتبلعني ولا اقول لحبيب قلبي الكلام دا ياخ كرهت نفسي كرهت اليوم الخلاني اقول فيه الكلام دا لوسيم😭انا غبيه والله غبيه😭😭وسيم بكون فهم شنو اكيد بكون صدق ياربي اعمل شنو😭قعدت اضرب في السرير واضرب في يدي لمن قعدت أنزف😭😭والله مافي زول بقدر يفهم حبنا مافي زول بقدر يفهم الفي قلوبنا💔..ولا حتى أقرب الناس لينا حنفضل ننذف بجوه💔..وقلوبنا تصرخ وما في زول حايحس بينا💔.. لأنو الحب هو السبب هو السبب في كل الأوجاع النحنا بنمر بيها💔..مرات الزول يتمنى لو ما كان عندو قلب💔.. ولا حب في يوم عشان ما يتعذب العذاب دا كلو💔
وسيم طلع مننا وبقى يضرب في عربتو وكسر الزجاج ويقول ما عايزاني قالت ما عايزاني😭😭مآب ما عايزاني ما عايزاني😭بالجد الحب هو البدمر الإنسان💔..هو البدمرنا وبخلينا ما فاهمين شي💔.. بدمر قلوبنا وبخلينا نتوجع💔😔
أنا بقيت اضرب لوسيم عشان اقول ليه الحقيقه واقول ليه انو أمي كانت جنبي عشان كدا قلت ليك الكلام دا وهو ما برد لي ضربت ليه قريب ٢٠ مكالمه وهو ما برد ياخ انا خفت عليه خوف في الدنيا عشان انا عارفه وسيم قدر شنو بحبني ومتعلق بي خفت يعمل في نفسو حاجه😭انا جسمي برجف وقلبي بدق بسرعه حاسه نفسي هبطت شلت تلفوني وكتبت ليه رساله قلت ليه فيها الكلام القالتو لينا أمو كلو انا بكتب في الرساله وأصابعي دي كلها بترجف😭😭ما عارفه كتبتها كيف بس كتبتها ورسلتها ليه منتظراه يرجع لي لكن مافي نتيجه ما قادره اعمل اي شي انا😭😭ضربت لملاذ قلت ليها اضربي لوسيم ضربت ليه وما برد ليها ملاذ كلمت احمد برضو هو ما رد لأحمد انا خوفي زاد واتوترت اكتر😭😭بقيت قاعده على اعصابي😭😭فجأه وسيم يخش لي مكالمه رديت ليه سريع سريع قبل ما يرد لي قلت ليه وسيم انت ليه بتعمل فيني كدا كنت حتقتلني قلبي كان حيطلع من محلو ليه خوفتني عليك كدا ليه بس😭😭

#سنموت_معا 😴💔
بقلم:نفحات محمود💙
-٢٤
وسيم:انا كويس يا روحي مافي شي
أنا:ليه ما كنت بترد لي حرام عليك😢
وسيم:معليش
انا:طيب انت مصدقني؟والله ما قلت كدا قاصده
وسيم: موبي انا بعرفك أكتر من نفسك وكنت حاسي اني الكلام دا وراه حاجه وقبل ما انتي ترسلي لي الرساله دي عرفت انو أمي قالت ليك حاجه وهي اعترفت لي وحكت لي الكلام الانتي قلتي لي كلو وانا اسي بعتذر ليك على الكلام القالتو ليك أمي دا كلو😢
أنا:انا ما زعلت بس أمي ما عارفه اقول ليها شنو
وسيم:انا بكره حجيكم في البيت واعتذر منها
انا:انت جادي؟
وسيم:اي وانا جاي عشان حاجه تانيه برضو
أنا:حاجه شنو؟؟
وسيم:جايي آخد مرتي موبي انا قررت عشان اشيل المشاكل دي كلها من طريقنا وعشان أمي تاني ما تقدر تتدخل ولا تعمل لينا مشكله ونخلي حبنا ينتصر انو نتزوج في أقرب فرصه وبكره حأجيكم♥🙂انا بقيت ابكي وابكي دموع الفرح دي حلوه ياخ😭😭نحنا قريب ساعه بنبكي في التلفون فرحانين ياااخ فرحانين بس نفسنا نصرخ ونقول نحنا فرحانييبين♥♥مشيت ضربت لملاذ قلت ليها تعاليني من أسي واقعدي معي لبكره لأنو وسيم حيجي يتقدم لي ملاذ بقت تصرخ في التلفون وانا بقيت أصرخ معاها قالت لي م مصدقه اخيرا حترتاحو من المشاكل دي ياخ🙂قلت ليها بس ان شاء الله أمي اتوافق وما يكون عندها مشكله قالت لي حاتوافق ان شاء الله🙂قالت لي انا عندي ليك خبر حلو قلت ليها شنو قالت لي انا وأحمد ربطنا♥قلت ليها يا معفنه يا كلبه😹😹قلتي لي صديق بس؟اصلا انا عارفاها حبتو لكن بتتدلع بس😹😹لكن فرحت ليهم ياخ حلوين مع بعض الله يسعدهم♥🙂🌸ياخ انا كنت متوتره توتر يوم بكره دا حيجي وانا حكون لسه متوتره😭😭ياخ خايفه خايفه شديد وفي نفس الوقت مبسوطه بس لو أمي وافقت وكلهم وافقو تاني انا ما عايزه اي شي من الدنيا دي والله😭😭وما قدرت أكلم أمي بشئ والمشكله اني خايفه من المفاجأه دي حتستقبلها كيف😔💔لمن جاء بكره وسيم ضرب لي من الصباح قال لي نحنا حانجيكم المساء عشان ابوكي وأخوانك بكونو قاعدين قلت ليه طيب ملاذ قالت لي البسي ليك حاجه حلوه واتمكيجي قلت ليها كدا أمي بتشك في الموضوع قالت لي

اها عايزه تطلعي بشكلك دا بعدين أمي جات سألتنا قالت لينا انتو ما عندكم جامعه ولا شنو؟قلنا ليها الليله الدكاتره لغو المحاضرات عشان كدا ما مشينا قالت لينا كويس انا مشيت لبست واتمكيجت وبقينا قاعدين منتظرين ناس وسيم انا من الخوف لمن حسيت نفسي حقع بس الله يمضي اليوم دا على خير😭😭ملاذ مشت المطبخ عملت عصير جاهز ختتو أمي قالت ليها العصير دا لشنو قالت ليها بس ساي هي شاكة في الموضوع انا اتغطيت بالملايه وعملت فيها نايمه عشان ما تشوفني لابسه ومتمكيجه لأنو كدا حتعرف😢شوية كدا ملاذ جات جاريه قالت لي وسيم جاء ومعاه أبوه واحمد ووسيم لابس بدلة بتجنن واحمد برضو واي🤤🤤قلت ليها دا ما وقت انبراشك امشي ودي ليهم العصير أمي جات خاشه بقت تصرخ فيني يعني انتي عارفه انو هم جايين ليك عشان كدا لابسه ومتجيهه وكمان ما مشيتي الجامعه وانا اقول دا كلو عشان شنو قلت ليها أمي انا اسفه لكن وسيم جاي يتقدم لي على سنة الله ورسوله وانا موافقه جات عايزه تضربني الا ملاذ مسكتها قالت لي عايزه دا؟بعد أمو نبذتنا ومسحت بينا الأرض على جنازتي ما بتعرسي الولد دا وأسي انا حامشي اكلمهم يمشو من هنا مسكناها انا وملاذ قعدناها قلت ليها أمي عليك الله ما تمشي ليهم ديل ضيوف ما تقولي ليهم شي عليك الله عشاني يا أمي ما اتقولي ليهم حاجه قامت طلعت ليهم وانا خايفه😭😭قلت لملاذ امشي شوفي الحيحصل شنو ملاذ مشت شالت العصير ودتو ليهم وكشفت وجات توريني الحصل قالت لي أمك مشت قعدت معاهم ساي ما فتحت خشمها قلت ليها الحمد لله اها وقالو حاجه قالت لي اي أبو وسيم قال نحنا جايين نطلب يد بنتك مآب لولدها وسيم أبوكي قال ليه نحنا نلقى زي ولدك وين بس لو بنتي وأمها وأخوانها موافقين تاني مافي مشكله🙂أنا قلبي دا لمن حسيت بيه حايقيف😭شوية كدا وليد اخوي جاني في الغرفه قال لي الجماعه ديل جو يطلبوك رايك شنو موافقه🙂خجلت خجل من أخوي بالجد اللحظه دي محرجه ياخ😹😹بقيت منزله راسي تحت قال لي ما تعملي فيها خجلانه موافقه ولا لا😹😹غياظ خلاص قلت ليه موافقه قال لي انتي اصلا لمن مجهزه نفسك😹😹قال لي خلاص أطلعي للناس ديل ياخ انا في اللحظه دي حسيت انو اي شي ظبط ملاذ بقت تزعرت😚لبست لي طرحه وطلعت ليهم وسيم بقى يعاين لي يالله انا من نظرة وسيم النظره المليانه حب ديك وحنيه🤤يالله!سلمت على أبو وأحمد وجيت سلمت ليه هو يدينو ديل بس عبارة عن تلج❄كنت فاكره نفسي بس خايفه لكن هو زاتو طلع خايف😹😹جيت قعدت أبوي قال خلاص مادام البنت وافقت تاني مافي مشكله أمي قالت ليه لكن انا ما وافقت فجأه الصمود سيطر علينا كلنا بقينا ساكتين ونعاين لأمي انا دموعي جات جاريه عرفت انو أمي حتخربها وحتفتح موضوع أم وسيم😭😭وسيم يعاين لي وانا بعاين بالجد نظراتو كلها خوف ما فضل ليه الا يمشي يبوس رجلين أمي ويقول ليها ما تفارقيني عن

مآب😔
يا أجمل

أجمل ألواني♥✨هل أرحل عنك وقصتنا أحلى من عودة نسيان؟♥✨أحلى من زهرة غاردينيا في عتمة شعر أسباني♥✨يا حبي الأوحد لا تبكي فدموعك تحفر وجداني♥😔إني لا أملك في الدنيا الا عينيك وأحزاني♥😔أأقول أحبك يا قمري؟♥✨ااه لو كان بإمكاني😔♥

#سنموت_معا 😴💔
بقلم:نفحات محمود💙
-٢٥-
أمي قالت ليه بعد القالت أمك لينا تجي بكل عين بارده عشان تتقدم لبنتي🙄والله دا كلام يعني فاكر نحنا ممكن نرضى كلهم بقو متفاجئين أمو قالت لينا شنو أمي قالت ليهم لو سمحتو اطلعو شرفتونا أبوي قال ليها ما تتدخلي دا كلام رجال ما عندي دخل فيه أبو وسيم قال لأبوي معليش شكلنا أزعجناكم وطلعو ياخ وسيم دا وهو بعاين لي اتمنيت أموت بس ولا أمر باللحظه دي😭😭جو البيت اتعكر فجأه وكلنا قاعدين متضايقين طبعا بعد أمي حكت ليهم انو أم وسيم جات وسمعتنا كلام انا خلاص قنعت من أنو انا ووسيم نتزوج بس أبوي واخواني ما قالو حاجه بس خلو أمي هي البتتكلم وانا البكى شرطني😭😭ملاذ بقت تسكت فيني.
وسيم طلع بره مع أبو حكى ليه كلام أمو وانها كارهاني ياخ الراجل دا زهح من مرتو زهج هي فعلا بتزهج والله🙄من محلو داك مشى لمرتو وأداها كف طااخ في وشها👋🏻😱قال ليها ياخ انا زهجت منك ومن عمايلك ياخ اي مشكله بتحصل انتي السبب فيها ودا ولدك بدل تخلي يكون مع البنت البحبها تحاولي تفرقي بيناتهم ياخ اسي ولدك دا لو اتأزم ولا نفسياتو خربت حايكون السبب منو انتي
طبعا أبو وسيم دا بحب وسيم شديد وأي شي ولا وسيم♥قال ليها انا استحملتك أكتر من اللازم انتي وافقتي تتزوجيني برضو عشان القروش وأمي برضو كانت رافضه لي قالت لي المره دي عايزه تاكل قروشك بس وانا ما سمعت كلامها واتزوجتك عشان حبيتك يا كوثر لكن انتي ما بتستاهلي الحب دا😪اذكرك انتي كنتي كيف اذكرك؟انتي كنتي كدا ولا يوم كنتي بتحلمي تكوني في الوضع دا اذكرك بماضيك؟هي بقت تبكي وتبكي😭😭 قالت ليه مجدي كفايه لحدي هنا قال ليها بقت ليك حاره؟تمشي تنبذي الناس وتقولي هم شحادين ولما الزول يتكلم عنك تقولي كفايه ياخ انتي الكفايه كرهتينا البيت دا زاتو ياخ😪بقت تعتذر منو وتلمس رجلينو وهو يزح منها

طبعا بعد سمنت شويه😹😹يعني مستحيل كان اعرس بحالتي الأولى دي😹والمكياج طلع خرافي يعني بصراحه طلعت حلووووووه💗😚ملاذ ختت فيني كمون قالت لي عشان ما يسحروك قلت ليها بس بقيتي زي الحبوبات😹😹قالت لي كتر خيري انا الفكر فيك🙄بعدين طلعنا لقينا وسيم واقف ياخ انا لمن شفتو خوفي دا كلو انتهى في لحظه فرحت شديد😚لكن وسيم بالبدلة دي والشعر يالله ياخ حظي بيه والله حظي طالع منوور شديد وحلووو حيااا انا من جمالو😚💗أنا بقيت واقفه بعاين ليه وهو بعاين لي مافي واحد فينا قادر يتحرك😹😹ملاذ كانت واقفه جنبي واحمد واقف جنب وسيم ملاذ مسكتني من يدي عشان نمشي واحمد الا لذ وسيم حتى جاني😹😹بقينا واقفين قدام بعض كدا😭وسيم قال لي انا بحلم؟ولا دا كلو حقيقي؟قلت ليه كلو حقيقي قال لي يعني ما حاصحى بعد شوية وألقى انو دا حلم وانك ما واقفه قدامي بالفستان الأبيض؟قلت ليه لالا قال لي طيب أقرصيني عشان أصدق😹😹جاء احمد قرصو قرصة حاره قال ليه اها كدا صدقت؟يلا خلينا نمشي لأنو الزمن اتأخر😹😹وسيم بقى ماسكني من يدي وماشين كل شوية يقول لي طالعة حلوه وانا اسكت تاني يقول لي طالعة حلوه واسكت لحدي ما ركبنا العربيه😹نحنا قعدنا ورا وهم قدام انا ركبت ووسيم دخل لي باقي فستاني هو طويل شديد😹😹وسيم ركب جمبي شال يدي وحضنها بيدو شديد لقاها بااارده❄وهو كمان يدوو باارده❄قال لي انتي ليه خايفه كدا؟قلت ليه انت برضو ليه خايف كدا؟قال لي موبي انا اول مره في حياتي اكون متوتر كدا احساس الفرح مع التوتر مع الخوف مع المفاجأه مع حاجات كتيره كدا بس كلو ملخبط مع بعض😹😹قلت ليه وسيم انا حاسه نفسي حابكي😭قال لي موبي قولي بسم الله كدا حتخربي الميكاب بتاعك كدا حايقولو العروسه طلعت شينه ماتخافي طيب انا جنبك حبيبي بس خليكي ماسكه في يدي وبعدين نحنا اليوم دا كنا منتظرنو من زمان صاح؟🙂هزيت ليه براسي قال لي طيب ماتفكري في اي شي بس فكري فينا انا وانتي وانو بعدين حانكون سوا حانعيش حياتنا سوا ولسه راجينا كتير حنعملو سواا💗

فيه الجامعه وانا مشيت معاك اي ولد يعاين ليك بضربو وانتي زعلتي مني شديد وقلتي لي انا غلطانه عشان خليتك تجي معي😹😹أنا عملت دا كلو عشان بغير عليك ما عايز زول عينو تجي عليك انا بغير من النظره البتجي من غيري دي☹تتذكري لما كنت بقول ليك انا متمني نحنا نعيش سوا ونموت سوا؟ما عشان انا عايز افارقك ولا انا مستعجل للموت عشان انا نفسي حياتنا نقضيها مع بعض وحتى الموت لما يجي ما بقدر يشيل واحد مننا يشلنا سوا عشان مافي واحد فينا يتعذب💔مآب أنا بحبك💗البطاقة الأنا شايلاها وقع منها خاتم رفعتو لقيتو خاتم فضة ومنحوت فيه بحبك💗فجأه سمعت اصوات العاب ناريه رفعت راسي شفتها مشكلة في السماء بحبك يا مآب💗ياخ فرحت فرح لقيت وسيم في وشي شال الخاتم من يدي وباسني ليه قال لي بحبك بحبك بحبك قمت حضنتو شديددددد قلت ليه انا البحبك وانا البموت فيك💗قام شالني وبقى يدور بي وبقول لي بححببك وانا بقول ليك انا بحبببك ونصرخ💜

#سنموت_معا 😴💔
بقلم:نفحات محمود💙
-٢٧-
جينا نازلين من العربيه ووسيم مسك يدي والناس دي كلها تعاين لينا ومنتظرننا☹احساس مبالغه ما ادري كيف😹ياخ احساس نحنا خاشين والناس كلهم بعاينو لينا احساس وااو وانا مع وسيم تاني عايزه شنو بس☹💗 جينا خاشين بأغنية كملت بيك انا نص ديني♥والناس تبارك لينا ورقصنا في اغنية شايلين معانا الريدة زاهر وسوسنها💗بالجد انا حسيت انو التوتر كلو زح مني وبقيت طبيعيه ورقصنا بالجد كانت فرحه لينا وبتمنى ما تنتهي🙌🏻💗بعدين لما جينا نمشي مياده وأيمن حبيبها وملاذ وأحمد ورمانه ومؤيد ورهام وكمال وفيرجن وحبيبها اي واحد ركب مرتو في عربيتو ومشو معانا😹😹قالو لينا الليله ما بنخليكم برانا😹وسيم شاميهم ليك شديد وصلنا الفندق بقينا قاعدين كلنا في الاستقبال مؤيد قال لينا يا جماعه اها تشربو شنو؟ياعرسان تشربو شنو؟وسيم قال ليه نحنا بنشرب برانا انتو اي زول يمشي يشرب في بيتو🙄بقو يضحكو😹😹أحمد قال ليه العايزين تعملو دا بتعملو بتعملو ما تستعجل كدا تافه خلاص😹😹قعدنا نتونس اصلا انا ما كنت عايزاهم يمشو لأني خايفه😭البنات عافني بقو يخففو جو عشان الخوف يزح مني وسيم كل شويه يقول ليهم قومو وهم يكترو الونسه😹😹كمال قال ليه نحنا عايزين نتونس معاكم عشان عارفين انو مآب دي انت لو شلتها تاني ما بترجعها رهام قالت ليه وسيم ياخ مافي للشلاقة دي انتو لاحقين قعدو يضحكو😹😹طبعا وسيم شماهم كيف قام فوق قال ليهم انتو ما خليتو لي خيار غير دا قام شالني كلهم بقو يصرخو ويصفرو😹وسيم شالني وجرا بي😹😹الناس دي كلها بقت تتفرج وتصرخ😹ياخ خجلني خجل☹وصلنا غرفتنا وسيم فتح الباب وخشينا قام نزلني وقفل الغرفه ياخ الغرفه دي مزينة بطريقة حلوه شديد عبارة عن ورود وقلوب ياخ مبالغه💜🌜 صلينا وشكرنا الله ودعينا انو يديم علينا الفرحه دي🙌🏻💗عايزه أقلع فستاني ماقدرت ليه براي وسيم ساعدتني غيرت ملابسي وبقيت قاعده في السرير هو خش الحمام بغير طلع لقاني قاعده قعد في

الأرض ومسكني من يديني لقاني خايفه شديد وجسمي متلج❄بقى يعاين لي وانا منزله راسي تحت☹قال لي موبي انتي خايفه مني؟قلت ليه همم قال لي انا وسيم حبيبك معقوله الخوف دا كلو داعي شنو يا روحي؟☹قلت ليه ماعارفه قال لي ما تخافي مني وانا ما حأجبرك على حاجه اي شي حايكون على كيفك انتي تمام بس اتوكلي وماتخافي تمام؟ وبعدين انتو عارفين الحصل شنو😹😹
الصباح..🌅
أحس انو في زول بهبشني في وشي بحاجه صحيت لقيت وسيم شايل ورده في يدو وبهبشني بيها قال لي كفايه نوم انا اشتقت ليك☹بالجد انا كنت تعبانه شديد وجسمي مكسر ما قادره اقوم😭وسيم مشى جاب الفطور وبقى يأكلني بيدو يالله انا من الدلع دا💗
بعد فطرنا انا مشيت نمت ووسيم كان صاحي
أنا:حبيبي انت ما عايز تنوم وسيم: عايز اعاين ليك بس انا ما صدقت انك بقيتي مرتي عشان أشبع عيوني بيك💗☹
أنا:بس تعب العرس حايأثر عليك
وسيم:التعب كلو حيمشي بس لما اعاين في الجمال دا
موبي انتي ما عارفه انا فرحان قدر شنو ياخ💗
أنا:الله يديم علينا فرحتنا دي وما نشوف شر🙂
وسيم:آمين وما في زول يحسدنا عليها🙌🏻
قعدنا يومين في الفندق بالجد كانو أحلى يومين انا قضيتهم في حياتي ياخ انا اول مره زول يدلعني الدلع الأوفر دا زي ما وسيم عمل☹💗أنا بس كان علي أنوم الأكل بأكلني هو الشراب بشربني هو بشيلني ما بخليني أمشي في الأرض اصلا يالله على العيشه الأنا عايشاها معاه دي يالله ما تخرب علينا فرحتنا دي☹🙌🏻
طبعا قافلين تلفوناتنا نحنا الاثنين ووسيم ماسكهم عندو قال لي عشان مافي زول يزعجنا😋بعدين جهزنا حاجاتنا عشان نسافر تركيا ياخ انا كنت مبسوطه كيف عشان من زمان نفسي أشوفها😋استغليت الوضع وشلت ملابسي كلها بناطلين😹😹وسيم ما سألني انا لمن احترت فيه قال لي اسي انتي بقيتي مرتي وأي لبس بتلبسيه انا راضي بيه لأني حكون معاك عشان كدا ما عندي مانع لا في اللبس لا في المكياج أعملي اي شي انتي نفسك فيه حبيبي انتي مرة وسيم وعندك حق تعملي العايزاه وتتدلعي زي ما عايزه عشان اي شي مسموح🙂💗 ياخ انا فرحت منو فرح بستو في خدو قال لي لا م كدا لكن البوسه دي كانت زمن كنا ياداب بنحب بعض لكن اسي نحنا اتزوجنا يعني الا أعلمك؟قام جراني على الحيطه ومسكني من نصي وباسني في خشمي قال لي كدا😋
وصلنا تركيا.
وسيم خلاني واقفه قال لي حامشي أجيب عربيه وأجي خليك واقفه هنا👋🏻وأنا واقفه جاتني بنت صغيره أدتني ودره وجرت كنت عايزه اقول ليها دي من منو لكن ما لحقتها الورده فيها ورقة مكتوب فيها أمشي قدام خطوتين بعدين اتلفتي يمين عملت كدا لقيت طفل صغير مد لي شوكولاتة فتحتها أكلتها في نهايتها في ورقة مكتوب فيها اتلفتي ورا اتلفت لقيت واحد مد لي بطاقة كدا مزخرفة حلوة شديد فتحتها مكتوب فيها تتذكري أول يوم لمن شفتك في حلتنا انتي كان جيتي لخالتك واتشاكلنا وانا نبذتك قلت دي شنو البنت الشافعه دي😹😹بعد زمن لقيت نفسي حبيت البنت الشافعه دي زاتها☹💗لقيت نفسي مابقدر اعيش من دونها💗تتذكري لمن

أول يوم نزلتي

#سنموت_معا 😴💔
بقلم:نفحات محمود
-٢٨-
مشينا الفندق طبعا مبالغه😭ياخ بلدهم بتجيب النفسيات والله😭😭وسيم عندو خالتو ساكنه هنا أم مياده وقالو نجي نقعد معاهم يلا وسيم ما رضى قال لي كدا ما حنقدر نآخد راحتنا نمشي ليهم زياره بس لما نجي مسافرين🙂قلت ليه طيب البتشوفو انت💙🙂انا من مشيت اتجدعت بي السرير ونمت طبعا السرير واااي حلوو شديد😋♥كنت تعبانه ياخ😭صحيت الصباح لقيت وسيم ما قاعد جنبي لما اتخلعت بنادي فيه وسيم وسيم😭جاء خاشي واحد ولابس قناع في وشو وشايل صينية الفطور و معاها ورده🌹😋جاء جنبي وطلع القناع قال لي اشتقتي لي ؟حضنتو قلت لي ليه مشيت خليتني خفت😭قال لي مشيت أجيب الفطور للحلو دا🤤قعدنا نفطر وهو بأكلني بيدو🤤بعد خلصنا قال لي ألبسي عشان نطلع فرحت شديد مشيت لبست سريع سريع لبست لي بنطلون ومعاه تنكا طويله كدا شويه وعملت ميكاب وطلعت جزء من شعري بره الطرحه وشلت شنطتي وحبيبي معي وماسكني من يدي🤤لفينا ما خلينا مطعم أكلنا بقلاوة وبرك🤤 ومشينا السينما حضرنا فلم بعدين جينا قعدنا في حديقة كدا شفت البوظه قلت لوسيم عايزه بووظه😭طبعا انا بموت فيهاا😋✌🏻قال لي طيب حامشي أجيبها ليك وأجي شفت أطفال حلويين واي كيوت🤤بلعبو كورة مشيت العب معاهم والناس تعاين😹😹وسيم جاء لقاني بلعب معاهم قعد يضكد فيني😹😹جاب بوظه كتيره وهم جو جاريين عليهو اي واحد شال بوظه بعدين أداني بتاعتي ومشينا قعدنا قال لي انا اتزوجت لي شافعه😹ضربتو في يدو قال لي احلى شافعه لكن😹😹أنا بقيت اعاين في الأطفال شافني بعاين ليهم بقى يعاين معي يالله قدر شنو هم كيوت🤤
وسيم:في يوم من الأيام حيبقى عندنا زيهم
أنا:ان شاء الله🙂
وسيم:حايكونو بشبهوك وقطعه منك🤤
أنا:لا يشبهوك انت
وسيم:يشبهوك انتي عشان يكون عندهم الجمال العندك🤤
أنا:يشبهوك انت عشان يكون عندهم نفس حنيتك😚
وسيم:هو الدنيا دي كلها فيها أحن منك؟يا حلو انت
أنا:قعدت أضحك😹
وسيم:الضحكه الحلوه دي حتقتلني يوم🤤موبي sevmek