الحمدلله بعد الجد تأتي الثمار وأنا ثماري راها فليميساج تاعكم كي تفهمو وتلقاو راسكم  سواء في متابعة فردية او في دورة  🥰😭💗 تعلمت بزاف من هذه الرحلة لي كانت في فترة قصيرة و جيت نعلمكم ثان 💗 يعني خلال العطلة الناس ترتاح انا بديت مباشرة نخطط ونقسم روحي على ألفين باه نلحق نفيدكم على انستغرام ونقدملكم اشياء جديدة ومفيدة ولي معندهمش انستا خممت فيهم وخططتلهم لمحتوى على يوتيوب مجاني وخطط مشابهة للمتابعة لي نديرها لكي نفيد كامل الناس ماشي فقط المدفوع 💗💗 ناهيك عن دورة الجبر لي جبت فيها شهر قبل وانا نخططلها ونسهر معاها ونجاوب على جميع التساؤلات لي تجي نوعا ما صعبة فيها ولكن هذا الشيء كامل باه تكون خدمتي متقونة 💗

كاين البعض طلبوا مني دورات انجليزية فاتخيلوا قررت نديرها في اسبوع راكم تتخيلوا؟ وتكون متقونة ومتحوفة بكلش وهنا وش تستنتجوا بلي المهم تبداو وديروا خطوة ماتبقاوش تخمموا بلا ماتنفذوا طرأت في راسكم فكرة ازدموا فيها واتقنوها!!! طرأت في بالكم تكملوا مادة وتديوا 20 اتعبوا واقراولها هكذ الدنيا تمشي بالزديم والخطوة لولة مبعد كلش يلحق 🌸😔❤ واذا في بالكم جاني كلش بالساهل لا! راني بديت كيفكم مزيرو فقط انا سعيت وهل ياترى ملقيتش منتقدين؟؟؟ لقيت آلاف منهم كاين لي قاتلي من نيتك نخلي استاذ طول وعرض ونجي نقرا عندك معندكش مستوى 🥲😂 بلا ماتعرف لبنادم ذاك شحال عندو من شهادة فالانجليزية ووش راه تاعب على روحو ووين حتى يخدم 🙂 كاين لي هدرت باه تهدر وقالت اكل خليتو اليوتيوب ورحتوا تحوسوا على دراهم 🥲 خاوتي رانا نقراو ونتعبوا باه ننعموا بالحياة الهنيئة ونفيدوا ناس ربي سبحانو و قال بلي المال زينة الحياة! وكيفاه تقول هدرة لا اساس لها وتقارن كامل الناس وتقول كيف كيف! المهم وكاين بزاف امثلة حبيت نقوللكم كون تسمعوا لكلمة الناس ماراح ديروا والو راح تربحوا الشعر 🥰💖 ديروا كيما درت انا وطنشوا المهم ديروا لي في راسكم وعلبالكم نيتكم صافية مع ربي وكملوا كيما انا راني مكملة فيها وماسمعت احتى انتقاد بل شفت لعدد الطلاب الهائل لي استفاد و عطالي رأي جميل صريح بكل مصداقية ثم نعرف بلي ابدعت ووصلت رسالتي 💗
Keep going
مهما كان نحب نشوفكم كامل فالمستقبل لاباس عليكم 🥰🥰

الهدرة لي واحد ماقالهالكم 🌸💖

دورات الإنجليزية كل وحدة يعني ماشاءالله كان عليها اقبال كبير خصوصا ethics و safety 🌸🌸 لهذا قبل مانبداها 3 افريل راح نغلق التسجيلات 🫶🏻

Pov:
حياتي حاليا غير دورات الإنجليزية نرقد بيهم نوض بيهم 😭😂😂🔑

تعديل:
دورات الإنجليزية راح يكونوا على تلغرام في قناة خاصة نحب نقري بالمخططات ونشرح بالدارجة باه مام لي ميعرفش اطلاقا يلايم نقاط وليس على يوتيوب احبابي وبقى غير هذا الأسبوع للتسجيل 💗🌸

ماشفتوهش؟ 🥹💗

Guys rani chwi busy ng3od bk njawbkom kaml fl privée yek mnsitkomch💗🥹