አምላክ በእልልታ፥ እግዚአብሔር በመለከት ድምፅ ዐረገ።
ዘምሩ፥ ለአምላካችን ዘምሩ፤ ዘምሩ፥ ለንጉሣችን ዘምሩ።
መዝሙር 46:5-6

ወደ ልጅሽም ለምኚ ይቅር በላቸውም በዪው፤
በልብሶችሽም በላያችን ላይ ጋርጂ፤ የኃጢአታችንንም ግንብ አፍርሺ በአንድ ልጅሽም ክብር እኛን አክብሪ፤
በሃይማኖት ዘይትም ራሳችንን አለምልሚ...በሃይማኖት ደንጊያዎችም ዙሪያችንን እጠሪ፣ ገንቢ፣ ካቢ፡፡ ስለ እኛ አማልጂ ከዛሬ ዠምሮ እስከ ዘለዓለሙ አሜን ፡፡

በሦስተኛው ቀን ከሙታን ተለይቶ ተነሣ፣ የተሰበሰቡ ደቀ መዛሙርቱ ወዳሉበትም ገባ፣ በጽርሐ ጽዮንም ታያቸው፣ በአርባኛውም ቀን ወደ ማየ ሰማይ ባረገ ጊዜ የአብን ተስፋ ደጅ ጥኑ ብሎ አዘዛቸው ፣ በአምሳኛውም ቀን በእሳት አምሳል መንፈስ ቅዱስን ሰደደላቸው፣ በአገሩ ሁሉ ቋንቋ ተናገሩ

ቅዳሴ ዲዮስቆሮስ