ፋይዳ ለልማታዊ ሴፍቲኔት ተጠቃሚዎች

ባሳለፍነው ሳምንት ከ80 የሀገሪቷ ክልል ከተሞች ከተውጣጡ አመራሮች እና ተወካዮች ጋር የፋይዳ ዲጂታል መታወቂያ ለልማታዊ ሴፍቲኔት ተጠቃሚዎች ያለው ጠቀሜታ እና በጋራ ስለሚሰሩ ስራዎች ዙሪያ የውይይት መድረክ ተካሔደ።

በውይይቱም ፋይዳ ዲጂታል መታወቂያ ልማታዊ ሴፍቲኔት ተጠቃሚዎችን በተሳለጠ መልኩ ከመለየት ጀምሮ መሰረታዊ አገልግሎቶችን እንዲያገኙ የሚያስችል ሁኔታ ከመፍጠር አኳያ እና፣ የተጠቃሚዎችን አስተማማኝ እና ሁሉን አቀፍ የመረጃ ቋት ለማቋቋምና አካታችነትን ለማሳደግ፣ እንዲሁም በተቋማቱ መካከል የስርዓት ትስስር ለመፍጠር ይረዳ ዘንድ ወደ ስራ ለማስገባት የሚደረግ ሒደት ላይ ያተኮረ ውይይት ተካሒዷል።

#Fayda #DigitalID #rPSNP #ፋይዳምዝገባ #ፋይዳለኢትዮጵያ

የፋይዳ ዲጂታል መታወቂያ ትግበራ የነዋሪዎችን ሰብዓዊ መብቶች ለማስከበር ጠቀሜታው የጎላ መሆኑ በኢትዮጵያ ሰብዓዊ መብት ኮሚሽን እና በብሔራዊ መታወቂያ ፕሮግራም እየተካሄደ ባለው መድረክ ተገልጿል።

ከተለያዩ የህብረተሰብ ክፍሎች፣ የመንግስት እና መንግስታዊ ያልሆኑ ተቋማት በተሳተፉበት በዚህ መድረክ፣ ፋይዳ መታወቂያ ነዋሪነት መሰረት ያደረገ፣ ለእንግልት የማይዳርግ የምዝገባ ስርዓት በመዘርጋቱ አካታችነቱ የተረጋገጠ የመታወቂያ ስርዓት መሆኑ ተገልጿል፡፡

የፋይዳ መታወቂያ በተለያዩ ምክንያቶች ተፈናቀሉ የህብረተሰብ ክፍሎች፣ ለስደተኞች፣ ለፍልሰተኞች እና መሰል ተጋላጭ ወገኖች ያለውን ተደራሽነት በማስፋት ሰዎች አገልግሎት ለማግኘት ማንነታቸውን ማረጋገጥ የሚችሉበትን የመታወቂያ ስርዓት መሆኑ ተነስቷል።

በተቋሙ እየተተገበሩ ያሉ የሙከራ ትግበራዎች ተጠናክረው መቀጠል እንዳለባቸው፤ እንዲሁም የተለያዩ አገልግሎት ሰጪ አካላት የግንዛቤ አድማስን በማስፋት እና ክፍተቶችን በመሙላት የተተገበሩ ጅማሮዎችን አጠናክሮ መቀጠል እንደሚገባ ተገልጿል፡፡

#ፋይዳ #አካታች #ፋይዳለኢትዮጵያ #Fayda #DigitalID

በማህበራዊ ሚዲያዎቻችን ይከተሉን ፡ ፌስቡክ  X | ሊንክዲን | ቴሌግራም | ዩቲዩብ | ቲክቶክ |