Binance በ Twitter ገፃቸው እንደተናገሩት..

የባይናንስ🙂 የመጀመሪያ ደረጃ ምርመራ እንደሚያሳየው የተፈጠረው security ችግር የአንድ የሲስተም ባለሙያ (DevOps engineer) ላፕቶፕ በመጠለፉ (hack በመደረጉ) የተከሰተ ሊሆን ይችላል። ይህም hacker ወደ ሲስተሙ በመግባት ያልተፈቀዱ የገንዘብ ማውጣት (withdrawal) ትዕዛዞችን እንዲያስተላልፍ አስችሎታል። ይሁን እንጂ የዋሌት ሚስጥራዊ ቁልፎች (private keys) እንዳልተሰረቁ አረጋግጠናል። ምርመራው ሙሉ በሙሉ እንዳለቀ እና ሁሉም መረጃዎች እንደተረጋገጡ ዝርዝር ቴክኒካዊ መግለጫ የምናጋራ ይሆናል።

​አጠቃላይ የደረሰው ጉዳት ወደ 6.3 ቢሊዮን ዶላር አካባቢ ይገመታል። ከብሎክቼይን አጋሮቻችን ጋር በመተባበር የተወሰዱትን ሀብቶች ለማገድ (freeze ለማድረግ) በሰራነው ስራ እስካሁን ወደ 3 ቢሊዮን ዶላር የሚጠጋ ገንዘብ በብሎክቼይን ላይ እንዳይንቀሳቀስ ታግዷል። ባይናንስ የደረሰውን ኪሳራ በሙሉ ከራሱ የአደጋ ጊዜ ፈንድ (SAFU fund) እና ከኩባንያው ካዝና ይሸፍናል። የተጠቃሚዎች ገንዘብ ምንም ስጋት የለበትም (User funds are safe)። የማስተካከያ ስራው እንደተጠናቀቀም አዲስ የሀብት ማረጋገጫ (Proof of Reserves) ይፋ እናደርጋለን።

​እንደ አስቸኳይ የጥንቃቄ እርምጃ ባይናንስ የሚከተሉትን አድርጓል❗️

✔️​የደህንነት ፍተሻው እስኪጠናቀቅ ድረስ ገንዘብ ማስገባት (deposit) እና ማውጣት (withdrawal) ለጊዜው አቁሟል ​ችግር የተፈጠረበትን አድራሻ ፍቃድ ሰርዟል ​ገንዘቡን ተከታትሎ ለማስመለስ ከህግ አስከባሪዎች እና ከብሎክቼይን የደህንነት ተቋማት ጋር እየሰራ ይገኛል።

​ቡድኖቻችን ይህንን ችግር በአስተማማኝ እና በተሟላ ሁኔታ ለመፍታት ቀን ከሌሊት እየሰሩ ነው። የእነዚህን ወንጀለኞች ማንነት ለማረጋገጥ እና ለህግ ለማቅረብ ከህግ አስከባሪ አጋሮቻችን ጋር በቅርበት እየሰራን እንገኛለን።

✅✅ Credit Moneyvortex channel ✅✅

የብሎክቼይን ደህንነት ተቋም የሆነው TRM Labs ይፋ እንዳደረገው ከዚህ የ6.36 ቢሊዮን ዶላር የባይናንስ ጥቃት ጀርባ በሰሜን ኮሪያ መንግስት የሚደገፈው የLazarus Group ልዩ ክፍል የሆነው TraderTraitor የተባለው የሀከሮች ቡድን እንዳለበት በከፍተኛ እርግጠኝነት አረጋግጧል። ምንም እንኳን ምርመራው ገና ስላላለቀ ባይናንስ በይፋ ስማቸውን ባይጠራም የጥቃቱ አፈጻጸም ግን የሰሜን ኮሪያ ሀከሮች የሚታወቁባቸውን ግልጽ ምልክቶች ያሳያል፦

​ከBybit ጥቃት ጋር ተመሳሳይ የሆነ ስልት መጠቀማቸው የሲስተም ባለሙያን (DevOps engineer) ላፕቶፕ በመጥለፍ የውስጥ የገንዘብ ማዘዣ ሲስተሙን መቆጣጠር ይህ ቡድን በየካቲት 2025 በBybit ላይ ለፈጸመው የ1.5 ቢሊዮን ዶላር ስርቆት እና በ2022 በRonin Network ላይ ለፈጸመው የ625 ሚሊዮን ዶላር ጥቃት የተጠቀመበት ራሱ መንገድ ነው። ሚስጥራዊ ቁልፎችን (private keys) በቀጥታ ለመስበር ከመሞከር ይልቅ ሀከሮቹ ለወራት ያህል የውሸት የስራ እድሎችን ወይም ቫይረስ የተጫነባቸውን ሶፍትዌሮች በመላክ የኩባንያውን ኢንጂነሮች በማታለል (social engineering) ይጠልፋሉ።

​ቀድሞ የታቀደና በብዙ ብሎክቼይኖች የተፈጸመ ጥቃትም በመሆኑ አጥቂዎቹ በ20 ደቂቃ ውስጥ ብቻ በ10 የተለያዩ ብሎክቼይኖች (Ethereum, Bitcoin, Solana, Tron, XRP Ledger, Arbitrum, Base, Optimism, Avalanche እና Polygon) ላይ የነበረን ገንዘብ አውጥተዋል። በEthereum ላይ ብቻ አስቀድመው ያዘጋጇቸውን 50 EIP-7702 ትዕዛዞች በመጠቀም የባይናንስን የራሱን ዋሌት (Binance 14 እና Binance 16) ወደ ራሳቸው አድራሻ ገንዘብ የሚያሸሽ (sweeper) አድርገው ቀይረውታል። ይህን ያህል የተቀናጀና ውስብስብ ስራ መስራት የሚችለው ተራ የግል ሀከር ሳይሆን በመንግስት የሚደገፍ ትልቅ ቡድን ነው።
​ገንዘቡ እንዳይታገድ የተደረገ ፈጣን ውሳኔም እንደ Tether እና Circle ያሉ ተቋማት የተሰረቀውን USDT እና USDC በደቂቃዎች ውስጥ እንደሚያግዱት (freeze እንደሚያደርጉት) ስላወቁ ሀከሮቹ በፍጥነት ሲሰሩ ነበር። ወዲያውኑ የተሰረቀውን USDT በAave ፕላትፎርም ላይ እንደ ማስያዣ (collateral) በማስገባት ማንም ሊያግደው የማይችለውን WETH (Wrapped Ether) ተበድረው አውጥተዋል።

​ምንም እንኳን ከ2.7 እስከ 3 ቢሊዮን ዶላር የሚጠጋ ስቴብልኮይን (stablecoins) እና ሌሎች ቶከኖች በብሎክቼይን ላይ እንዳይንቀሳቀሱ ቢታገዱም፣ ሀከሮቹ ግን ማንም ሊያግደው (freeze ሊያደርገው) የማይችለውን ከ420,000 በላይ ETH እና 18,270 BTC (በአጠቃላይ ወደ 2.4 ቢሊዮን ዶላር የሚጠጋ ሀብት) ይዘው በማምለጥ በራሳቸው ዋሌት ውስጥ አስቀምጠውታል።

እናንተስ ምን ታስባላቹ ሰሜን ኮሮያ ናት ወይስ ሌላ የ Hacker ቡድን ይኖራል👀

ምንጭ TRM Labs