5 ايام اجازه

الخميس.. الجمعه.. السبت.. الأحد... الإثنين... اجازه رسمية...

طلبه الامتياز يطبق لهم 14 يوم اجازه + الأعياد والاجازات الرسميه للدوله..

ف الايام دي اجازه لطلبه الامتياز ومش محسوبة من ضمن ال 14 يوم كمان

لعند يوم 3 مايو طلبه الامتياز اجازه... و متروحوش ومحدش يخاف انتوا اللوج بوك بتاعكم بيديكم الحق ده

شايفك يا ظريف ياللي جاي تقول احنا اصلا اخرنا يوم 30 هق هق...

اللي هيستفيد بيه أكتر هما طلبه الدور التاني... وكمان الطلبه اللي بدأوا ف نص 11 ومعهدهم قالت هيخلصوا 15/5 زي معهد اسكندريه..

1500 جنيه مكافئة بمناسبة حلول عيد الفطر المبارك للجميع العاملين بالتامين الصحي

سلام عليكم 🙋🏻‍♂️
هنتكلم اول بوست عن مراحل التكليف اقراء البوست للاخر ولو محتاج حاجة اسال تحت امرك براحتك 👌🏻
وهو مرحلة تسجيل البيانات 💻
هي مرحلة لتسجيل بياناتك الشخصية وتتمثل في 👇🏻
1/ اسم المعهد
2/ شعبتك
3/ اسمك
4/ المجموع التراكمي..
( هو مجموعك الكلي لسنة تانية فقط وبيكون موجود في استمارة نجاحك )
5/ رقم الخريج
( هو رقم بيظهر لوحدة على الموقع انت لازم تحتفظ بالرقم دا ضرورى علشان مش هتعرف تسجل الرغبات من غيرة )
6/ النوع..( ذكر او انثي )
7/ الحالة الاجتماعية..(اعزب او متزوج)
#ملحوظة...
المتزوج للبنات فقط وبيظهر ليهم خانة تانية او ما تختار متزوج بيقولك اكتبي رقم قسيمة الزواج ودا اهم حاجة علشان بتتوزعي على محل اقامتك وتقريبا اول رغبة بتجيلك علي طول 🤝🏻
8/ تاريخ الميلاد
9/ محافظة الميلاد ( اللى اتولدت فيها )
10/ محافظة السكن ( اللي عايش فيها حاليا )
11/ الرقم القومي
12/ اسم الام رباعي
13/ الهاتف لو موجود تليفون أرضى
14/ رقم المحمول الخاص بيك
15/ هتتاكد من كل حاجه كتبتها وتضغط حفظ 👏🏻
كدا انت خلصت وتستني تسجيل الرغبات في الميعاد اللي هتحددة الوزارة ان شاءلله
#ملحوظااااات_هامة ✍🏻
* الدور الاول والتانى هيسجلو مع بعض عادي
* كل حاجه ملهاش علاقة لا بتدريبك ولا بسحب الملفات
* الموقع والشرح دا خاص بالشعب الفنية ماعدا تسجيل طبي
* شعبة تمريض عام مالهاش دعوة بالكلام ده
* موقع الوزارة اللي هتسجل علية دا
http://mhealth.cu.edu.eg/Tamred/Tamred_fanysehyRes.aspx
* اعلان الوزارة من المفترض انة ينزل الاعلان بفتح الموقع خلال ال 10 ايام الجايين بس ربنا يسهل الحال السنة اللي فاتت فتح يوم 2/ 5
* هنتابع هنا وعلى جروب التليجرام والوتس علشان مش كل الناس بيوصل ليها بوستات الفيس
https://t.me/joinchat/S1754DwQkBiwDo68
* لينك جروبنا على فيسبوك 👆 ضيف اصحابك او شير للينك وكلة يستفيد لان جروب الوتس مكتفي
https://www.facebook.com/groups/775000153387468/?ref=share
وده لينك بيدج يوميات فني صحي وفنيه علي فيسبوك *
https://www.facebook.com/Technicians000

محشورين الآن ما بين " سحب الملف من معهدك " و " عمل اجراءات تراخيص المزاولة " .... تعالوا نحكي

- اول خطوة بتعملها إنك بتشوف اليوم اللى هتنزل فيه لسحب الملف بتاعك .. وبعدها بتعرف ايه المطلوب من معهدك " كل معهد وله طلباته "

- سحبت الملف على خير وعايز تعمل حاجه تاني ؟! .. بتنزل النقابة الفرعية اللي في بلدك عشان تعمل ترخيص مزاولة المهنة وتشوف طلباتهم ايه " بيبقي فيه اختلاف طفيف بين النقابة واختها في المحافظة التانيه "

- في حاجتين هتسمع عنهم " ترخيص المزاولة " وده اجبارى ولازم تعمله ، وحاجه تانى كده اسمها " كارنيه النقابة " وده إجبارى لشعبة تمريض عام فقط .. انما الشعب الفنية براحتها تجيبه او لأ (( انا موظف بقالى 3 سنين الا اسابيع قليلة حتي الان مستخدمتش كارنيه النقابة لا أنا ولا حتي حد من دفعتي .. بيقولوا له مميزات و و و و ، بس على الجانب الاخر الكارنيه ده بفلوس وبيحتاج تجدده بفلوس كل سنة .. وجهة نظرى الخاصة بيا انه ملوش اى لازمه معاك ومش هتستخدمه فوفر فلوسك .. ومعلومة اضافية السنة اللى فاتت كانت فى دوشه ودربكه فاجبروا مل الشعب الفنية انهم يعملوا الكارنيةلو لم تخونني ذاكرتي 😅 )) .. هرجع واقول شعبة تمريض عام لازم تعمل كارنية النقابة

- زمان كنت ممكن تعمل التراخيص وكارنية النقابة في المقر الرئيسي فى القاهرة (( وده له ميزة انه بيطلعلك فى نفس اليوم )) ، او انك تعمله فى النقابة اللى في محافظتك (( وده عيبه انه بيتاخر شهر لانهم بيجمعوا ليك ولغيرك وبيسفروهم على دفعات )) .. التكاليف متقاربة جدا تكاد تكون واحده لو عملتها هنا او هناك .... المطلوب منك لو سحب ملفك تروح تسال ينفع اعمل الاجراءات ناو ولا لا ، لان بنسبة كبيرة جدا للظروف الحالية كل طالب هيخلص فى محافظته ((( السنة اللى فاتت لما فتحوها للكل ف مصر ، الاعداد كانت كارثية وكانت موجة كورونا الاول .. كان منظرهم متلف ورجعي جدا انهم يسمحوا للكل يخلص فى القاهرة ، اتمنى متتكررش حفاظا ع الارواح فى الوضع اللى احنا فيه )) .......... مش هتستلم الوظيفة الا لما تعمل ترخيص المزاولة اتفقنا ؟

- مصاريف الكارنية ومزاولة المهنة لطلاب تمريض " أغلى شويتين " من الشعب الفنية .. مش حابب اقول أرقام بس حبيت اوضح المعلومة دي

- وغالباً شعبة اشعة هى الشعبة الوحيدة ، اللى بيطلوا منهم كشف طبي لما بيعموا ترخيص المزاولة ..

- فيش وتشبيه او (( اصل الحالة الجنائية )) .. ده بتعمله من المركز او قسم شرطة .. يقال انكم هتحتاجوا 3 السنة دي ، كل سنة كان بيبقي مطلوب منكم 2 بس .... المهم الفيش بيتوجه وله صلاحية كمان ، يعنى لما تروح هناك هيقولك هتوجه لمين الفيش ؟؟ .. ((( هنحتاج واحد لوزارة الصحة وتقوله هعمل بيه استخراج مزاولة مهنة )))) ، والتانى لسه مش دلوقت لما يجيي وقته نتكلم عليه (( هيكون لمقر عملك)) ... والتالت جابوا البدري 😅😅 " بهزر ، التالت لسه اتاكد من المعلومة وابلغكم حاضر "

- هسيبلك فى اول كومنت الطلبات اللى بتجيبها لاستخراج مزاولة المهنة للسنة اللى قبلكم .. (( هيكون فيه اختلاف صغير وده طبيعي ))

- اكسب وقت وهات ملف مسوغات " مصوغات " التعيين .. بيتباع فى مكتبات معينة لو ملقتهوش وانت من اسيوط ، هتلاقيه عندى ب 10ج في مكتبة ميدو اللى عند المعهد بتاعنا 🤍 .. عبارة عن ملف ورقي وجواه 9 ورقات تقريبا " اقرارات وحاجات كتير كده ، مهم جدا الملف ده " .. بيتباع من 10 ل 15 ج تقريبا

- طلاب الدور التانى لو هيقدروا يسحبوا الملف بتاعهم مع طلاب الدور الاول " مظنش عشان مخلصوش امتياز " ... يحاولوا ينجزوا الحاجات دي معاهم عادي

- لو عندك معلومة تفيدك غيرك ومتاكد منها بخصوص الاجراءات دي او الطلبات ، قولها فى كومنت او ابعتهالى خاص .. بفرح لما اللاقي مساعدات مش بتقمص ع فكرة مادام صحيحة ❤

- كده يبقي سحبنا الملف وبعدها خلصنا ورق التراخيص نقعد بقي في البيت ونشم نفسنا .. لحد ما نلاقي بوست من ميدو عند فتح موقع تسجيل البيانات والرغبات باذن الله

- هنزل البوست واقفل عشان النهاردة ليلة وترية لعل وعسي تكون ليلة القدر ، نأجل الرد لو في اسئلة لبعد السحور باذن الله .. متنساش تدعيلي انا 💜 ، ولفقيدنا احمد جلال بالرحمة والمغفرة والعتق من النيران ودخول الجنة باذن الله ..

اتمنى اكون وفقت وسهلت الكتير عليكم .. دمتم بخير يا طيبين ❤

بشكل رسمي...
امتحانات الترم الثاني الفرقه الاولي يوم 15/6/2021
وامتحانات الترم الثاني الفرقه الثانيه 5/7/2021 لطلبة المعهد الفني الصحي

بوست التجنيد 💀💀
*مواليد شهر ١ الي شهر ٦ بيقدموا في شهر ٧ وبتلبس جيش في شهر ١٠
*مواليد شهر ٧ الي ١٢ بيقدموا في شهر ١٠ وبتلبس جيش في شهر ١
*طب انا هتوظف الأول ولا التعيين الأول 🤔🤔
والله ع حسب احنا السنه الي فاتت اتعينا في نص شهر ٨ ف لحقنا اتعيينا شهرين ونص قبل ما ندخل الجيش
بس بإذن الله هتلحقوا تتعينوا قبل الجيش 💖
*طب انا خدمات طبيه صح 🤗🤗
للأسف ي صديقي😥 معظم دفعه السنه الي فاتت داخليه مش حربيه وانا اولهم طبعا💔😑
بس الدنيا كويسه في الداخليه متقلقوش 🚓🚔
*طب احنا عملنا موقف من التجنيد والنقابه اخدت مننا الأصل نعمل اي 🤔🤔
عادي ي صديقي تعمل موقف من التجنيد جديد هتروح بنفس الطلبات ل نفس المكان الي عملت فيه موقف من التجنيد وهتعمل واحد جديد للوظيفه
*تعرف الموقع هيفتح امتا عشان نتوظف ونخلص🙆‍♂️🙆‍♂️
والله ي صديقي اي حد بيقولك اي ميعاد بيكدب عليك لأن الميعاد بأيد الوزاره فقط وهم باردين اوي بصراحه
*طب انت تتوقع ايه انجز😒
اتوقع الشهر ده بإذن الله هيفتح وهيفتح تسجيل بيانات ورغبات مع بعض
متقلقش هتتعين والله وهتدخل الجيش برضو 💔😂😂