عماد متعب :
عيب يا عبد الله يا جمعة اللي عملته ده، انت استفزيت جمهور الأهلي بعد السوبر الأفريقي وزعلوك وقعدت تعيط، راجع تستفزهم تاني يبقي تستاهل اللي يحصلك، انت كسبت بطولة روح احتفل مع جمهورك، لكن انت مالك ومال المنافس، لو متعرفش مين الاهلي خش ابحث والتاريخ هيقولك ومسير الوقت هيعرفك مين الاهلي وهتعرف حجمك كويس يا عبد الله

الكلية والتكليف واجتماع النهاردة ..س و ج

#_ هيا الكلية هتلغى التكليف؟؟
مفيش حاجة اسمها يلغى التكليف .. تكليفك مفيش قوة تقدر تلغيه غيرك .....انت اللى بتختار تكمل فى التكليف وانت بتدرس ولا تسيبه خالص ولا تعمل حفظ وظيفة لحد ما تخلص دراسة .(حفظ الوظيفة ليه شروط هقولهالك فى الكومنتس)
بمعنى انك بتخلص معهدك والامتياز وبتستلم الشهادة .....وبتمشي فى إجراءات التكليف لحد ما تستلمه ....دا اتجاه اهو لوحده ...
ولو هتكمل كلية بنفس شهادة التخرج بتاعة المعهد هتروح تقدم للكلية .. دا مسار ودا مسار تانى مش هيأثروا على بعض ...فهمت؟!
#_ طب هو الكلية بعد ما اخلصها ليها تكليف تانى ؟!
حسب الكلام اللى اتقال فى الاجتماع النهاردة أن الكلية ملهاش تكليف لا ليك ...ولا لبتوع ثانوى ...
#_ طب انت متأكد أن الكلية مبتلغيش التكليف ؟!
يبنى لما هما بيطلبوا وانت بتقدم للكلية موافقة جهة العمل ...يبقا بيتلغى ازاى بس الله يباركلك
#_ طب هو انا اكمل فى الكلية ليه لما هطلع اسمي فني بردوا بس بالانجليزي ؟!
بص ...انت لو داخل لاسم .. فمتدخلش....شفنا ناس كتير اسمهم دكاترة وخريجين طب وحمير ولا يفهموا حاجة .. ...الفكرة مش فى الاسم ....انت لو اسمك استشارى وانت حمار اصلا يبقا ملهاش لازمة .....ولو بتفهم وفاهم جدا فى شغلك مش هيقولوا انك مش فاهم عشان فنى .... ...انما لو داخل عشان تتعلم اكتر وتفهم اكتر فى مجالك فده السليم.....من وجهة نظرى ...الكلية على ااقل اعتبار هتفتحلك المجال الأكاديمي وأنك تكمل دراسات عليا من ماجستير ودكتوراة فلسفية فى تخصصك وتحاضر فى كليتك كمان .... وده ميمنعش انك تحارب على مسمي افضل يليق بيك بس تكمل الاول فى الكلية وتقدم ....مش تقول والله منا لاعب عشان فيه عيل غلس بيلعب قصادك . فاهمني.
#_ صحيح ايه الدكتوراة الفلسفية دى ؟!
بص دا مسماها ...عشان يبينلك أنها دراسة أكاديمية بتهتم بالمجال البحثى والفسلفي ومش شهادة مهنية ....ودى اسمها لكل الكليات من طب وهندسة وكله ....مش زى منتا ما فاكر أنها دراسات فى الفلسفة
#_ طيب ١٥ الف دول كتير اوى نعمل ايه ؟!
والله لو الطلبة وقفت كلهم سوا هتتغير وهتقل ودا اللى حصل السنة اللى فاتت لما غلوها بردوا ل١٥ الف والطلبة المقيدة امتنعت عن الدفع فنزلوها برضوا .
#_ طيب هو انا هستني تلت سنين عشان ادخل الكلية ؟!
لا بتدخل فى السنة الدراسية اللى بعد الامتياز علطول
#_ طيب هو الكلية كام سنة ؟!
حسب كلام الاجتماع النهاردة ٤ وانت بتدخل على سنة تانية علطول ...يعنى هتقعد فيها ٣ سنين .
#_ طيب النهاردة قالوا كلام مهين وبتاع ...واحنا بنتهان فى المعهد من العميد والدكاترة ...انا كرهت المعهد والكيان اللى الكل بيعتبرنا نكرة فيه ده ...لو رجع بيا الزمن مش داخل المخروب .
..بص ...احنا حاليا قدام جيل جديد خالص من فئة الفنيين ...جيل بيفهم وطموح وداخل بمجموع كبير وعنده طاقة كبيرة جدا وعزة نفس ....جيل بيغير وهيغير كتير اوى فى المجال .....بس فيه مشكلتين ...
الأولى أن المعروف عن الفنيين والمعهد عموما أنه ب٥٠ فى المية وخريجينه ميفهموش ولا دارسين وواخدينها خبرة وعاملين فيها استشاريين وهما بلح ...ودا حقيقة اكيد معظم اللى دخل المجال شافها فى معظم الناس الكبار (معظم ها ) .
فالناس عندها اصلا صورة وحشة عنك من غير ما تعرفك ...
المشكلة التانية والأخطر .....اننا نفسنا مش عارفين ده ....مش عارفين اننا مش زي الفنيين القدامى ..... اننا تعليمنا احسن ودماغنا احسن وجوانا اكتر منهم ....
مش مصدقين اننا نقدر نغير فى المنظومة ونقدر نطور مجالنا نفسه ...
فعلا كيانك ضعيف ومتهان بس المفترض انك انت اللى بتغير النظرة الدونية دى ليه ....بتعاملك انت .....انت اللى. بتعمل قيمة لنفسك .....احنا لسه طلبة وبنقعد مع استشاريين فى مجالنا وبنتكلم ونتناقش وفعلا بنغير نظرة الناس لينا جدا .....لسه من يومين كنا بنتخانق على الكلية مع استشاري أشعة ....بس لما فهمته المعهد بقا عامل ازاى دلوقتى واننا فعلا لازم يبقا لينا كلية نكمل فيها اقتنع جدا وبقا مؤيد لفكرة الكلية ...
انت اللى مفروض تعمل قيمة لكيانك مش العكس ...لانك بادىء من ضعف ورايح لقوة ...
انا خلصت رغى عشان زهقت واللى عنده أسئلة فى التعليقات

#الحاج_صاحب_البيدج

توضيح 🙋🏻‍♂️
بًخِصّوٌصّ آلَتٌکْمًلَةّ فُيَ کْلَيَةّ عٌلَوٌمً صّحًيَةّ 👨🏻‍⚕️
آوٌلَآ:_
الكليه هتقبل دفعه 2020 ثانويه عامه بس هتكون اسمها كليه تكنولوجيا العلوم الصحية التطبيقية المسمي الوظيفي تكنولوجي

كليه تكنولوجيا العلوم الصحية التطبيقية مش تعليم اكااااديمي دا تعليم تقني مهني وٌهّآتٌبًقُيَ مًنِ ضمًنِ آلَکْلَيَآتٌ آلَتٌکْنِوٌلَوٌجّيَآ آلَلَيَ آتٌکْلَمً عٌنِهّآ وٌزٍيَر آلَتٌعٌلَيَمً آلَعٌآلَيَ
#الدليل ان الخريج بيتخرج تقني(تٌکْنِوٌلَوٌجّيَ) وليهم دراسات علياماجستير تقني و دكتوراه تقنيه فى الفلسفة
ثًآنِيَآ:_
الكليه هتبقي 4 سنوات.. ومفيش سنه امتياز ليك وملهاش تكليف لانها هتتبع التعليم العالي
الكليه تكنولوجيا العلوم الصحية التطبيقية هيبقي فيها برنامج خاص المنوفيه وبني سويف للمعهد الفني الصحي بمصاريف 15000 الف سنويا 👌

آلَشُروٌط:_
آلَسِنِ لَآ يَذِيَدٍ عٌنِ 30 سنة
لم يمر على التخرج 10 سنين
موقف التجنيد
موافقة جهة العمل
التقدير لا يقل عند جيد
اجتياز المقابلة الشخصية
.
______________________~~~~
نيجي للاتجاة الاخر وهى الدراسة التخصصية بالمعاهد الفنية الصحية واللى هتتغلى خالص او تستمر وهتكون بنفس الشروط والمصاريف
بعد ما تم تنفيذ قرارات مجلس الوزراء اللى عمل الغلط مع النقابة العامة للعلوم الصحية ولغي الشعب التمريضية وبقت تمريض عام فقط ومايدخلهاش بتوع ثانوى عام
ولغي 7 شعب من المعهد واقتصر على 5 شعب فقط
ولو تم استكمال الدراسة فى المعهد هتقدم وتصرف مبالغ كبيرة علشان تبقي مالكش لازمة قد الدنيا وللاسف اللى بيقدم عاوز يعيش دور الدكتور والمنظرة والفشخرة لان مش حاسس الفلوس اللى ابوة بيصرف علية بيها جايبها اذاى

ذكريات عيد الاضحي ❤️❤️اشتقنا ❤️🌺

الشات الخاص بينا لاي استفسارات 😁😁

جماعه بالنسبه لنتيجه سنه تانيه اخر الشهر ده أن شاء الله ولو حد عنده سؤال كلمونا علي رسايل البيدج او في التعليقات

وذي ما قولنا من فتره طويله رسمياً إعادة تعيين الحاصلين على بكالريوس العلوم الطبيه وخريجي الدراسات التخصصيه تحت مسمى تكنولوجي عالي في شعبة تخصصه
واستحداث مجموعه نوعيه جديده تضم الاثنين وهي مجموعه تكنولوجيا العلوم الصحيه
انتهى الموضوع بالخساير لجميع الاطراف 😐

جماعه بلاش اي كلام وخلاص رجاءا التكليف مالهوش علاقه بالكليه اساسا مستحيل حد يلغي تكليفك غيرك حتي تقدر تشتغل وانت بتدرس اساسا الموضوع بعيد تماما ان دخلت الكليه من بعد الثانوي علطول اها ملهاش تكليف لكن ان دخلتها بعد المعهد بتشتغل بتكليف المعهد عادي جدا

رسمياً.... بعد تأخر تعليق الدراسة في مصر عن باقي الدول التي ظهرت بها حالات كورونا..
قرار رئاسي بتعليق الدراسة ١٥ يوماً بدءً من الأحد الموافق ١٥ مارس

جماعة!
اللي مبيصليش يصلي
اللي بيغتاب يبطل
اللي بيعق والديه يبرهم
اللي بياكل ربا يبطل
اللي بيشرب خمر أو مخدرات يبطل
اللي مصاحبة واللي مصاحب يخافوا ربنا
اللي مش محجبة تتحجب والمحجبة نص نص تظبط حجابها
اللي بيغش في البيع والشرا يتقي الله
اللي بيكذب يمسك لسانه
بلاش أغاني بلاش أفلام بلاش مسلسلات
بلاش أي حاجة متحبش تشوفها في صحيفتك يوم القيامة
الجماعة بتوع الفن داي مش ناقصة والله غضب ربنا علينا كفاية اللي احنا فيه
اللي مقضاش اللي عليه من رمضان وصلوات يقضيها
اللي بيعمل طاعة يزود
واللي بيستغفر 100 يخليهم 1000

إياك يخدعك الشيطان:
يقول: ترجع إلى الله في وقت الشدائد وبقية عمرك بعيد عنه، ألا تستحي ؟!
فتظل تسوّف التوبة وتؤجلها بتلبيس الشيطان حتى تموت على غير توبة.
وربّك قد يبتليك بشدة لترجع إليه « فلولا إذ جاءهم بأسُنا تضرّعوا »

الشيخ عمرو شاهين