Рамазан ае, хуш килдең!

Аллаһ Тәгалә чистарынырга, тәүбә итәргә мөмкинлек биргәненә шөкер. Сугыш афәтләрен күргәннәргә, якыннарының үлем ачысын татыган кешеләргә ярдәм ит, сусыз, ризыксыз кешеләрне ризыкландыр, нахакка гаепләнеп төрмәләрдә утыручыларны азат ит, калебебезне пакьландыр, дәүләт җитәкчеләренең күңелләренә мәрхәмәт, шәфкатьлек сал!

Дуслар, кемнең нинди кәефләр, Рамазанга нинди планнар?

Мин югалып язам, Телега канал алай эшләргә тиеш түгел лә... ☺️

Нәкъ шулай! Взяла у @ekiyet

Менә исем бренд булса да була икән. Тукай исеме белән кәнфитләр җитештергәннәр. Әле ифтарда ашау менә дигән дип ассызыкланган. Маркетинг!

Тукай вафатыннан соң "Тукай җырлары" дигән китаплар, пластинкалар чыккан. Гәрчә аның җырлары булмаган. Әмма иң сатылган, керемле товар булган. Татарның исемендә оста акча эшләү. Шагыйрь вафатыннан соң маркетологлар Тукай исемле сабын да чыгарганнар. Шулай ук поп товар булган. Тукай рәсеме ясалган футболка, толстовкалары, кружкалар, букчалар кебек мерчлары да булгандыр әле😂

(сәясәтчеләрне санамаганда бүген кем мондый бренд дәрәҗәсенә җитә ала? Сәйдә Мөхәммәтҗанова? Камилә Вәлиева?)

Конфеты "Тукаев" производства фабрики Ибрагимовых "Альфа" очень вкусные и сладкие. В особенности, это самые подходящие конфеты для чаепития на ифтарах и после таравиха в рамазане.

#реклама

Ибраһимовлар кәрханәсе “Альфа” фабрикасының эше булган “Тукаев” кәнфитләре гаять ләззәтле вә татлыдыр. Хосусан, рамазанда ифтар вә тәравих чәйләрендә куллану өчен иң муафыйк кәнфиттер.

#шәхесләребез

Ну вәт. Жириновский вафат. Бүгенгесе - рәсми.

"Татары, вон в Монголию!"

Хәтерлибез.

Яшисе бар...

Zолым үтәр. Исән булсак - яшисе бар.
Бик күпләрнең күзләренә карыйсы бар.
Күкрәк каккан империя колларының
Алда әле сәрхүшлектән айныйсы бар!

Zолым беткәч - нәтиҗәсен татыйсы бар,
Кемнәрнеңдер *батырлыгын" таныйсы бар,
Яралысын, югалганын, тотылганын,
Дус-дошманын, шәхитләрне саныйсы бар.

Дөньясына өр-яңача карыйсы бар,
Алга таба ни кыласын аңлыйсы бар.
Яңа шартлар кысасыннан кысылмыйча
Җайлашасы, вазгыяткә ярыйсы бар.

Zолым тынып, без тынмасак - таңнар туар.
Дары исен, кан тапларын яңгыр юар.
Кемнең тәндә, кемнең җанда яра калыр,
Кемдер исә кешелеккә өмет җуяр.

Zәхмәттән соң элеккечә агар сулар.
Кемнәрнеңдер илдәшләре тынын буар.
Гавам кабат, гадәтенчә, баштанаяк
Үзе белгән мәшәкатькә кереп чумар.

Таңнар һаман офыкларны канга буяр,
Ирләр елкы, бәрән чалыр, корбан суяр.
Яшь киленнәр күмәчкә дип камыр куяр.
Яшәешнең ләззәтеннән кем соң туяр?!

Шаулап торсын тук игеннәр тулы кырлар,
Яңграп торсын шат авазлар, моңлы җырлар.
Насыйп булсын сыйланырга - нинди сый бар,
Гөрләп үтсен күркәм мәҗлес - сабантуйлар!

Күге аяз, тамагы тук, өсте бөтен,
Имин булсын җир йөзендә кыз һәм уллар!
Дәрман бирсен сулар һава, эчәр сулар,
Кунакларга сәфәр дәшсен олы юллар!

Бу  zәхмәтләр кайчан бетәр? кайчан тынар?
Кем вөҗданын саклап калыр, кемнәр сынар?
Кемнәр газиз җанын корбан, фида кылар?
Шул сорауга җавап эзли гаҗиз уйлар...

©Фәнил Гыйләҗев

Рэпер Face - иноагент. Минюст карары. Юләр канунны ничек кабул итүен Face (Иван Дремин) үзенең постында язып чыкты, бусы исә хикәяләрендәге язу. Иноагентларга сәлам!

Face-ка әйтергә кирәк әле, татар клавиатурасын урнаштырсын! "Салам" түгел, сәлам яки башкортча сәләм дип язсын😂

Иван Дремин - Уфа егете. Юрий Дудьнең соңгы чыгарылышында ул фронтовик бабасы турында сөйли һәм татар яугире, татар шагыйре Наҗар Нәҗмине дә искә ала. (Карадыгызмы?)

Face илдән чыгып китте. Ул да мөһаҗир. Иленнән, туганнарыннан мәҗбүри аерылган шәхес.

Татарлар нык эшчән халык, мал таба белә, тырыш ул, дөньясын ялт итеп кора, чисталык вә пөхтәлек, төгәллек белән башкара барысын да. Әмма белем җитми һәм киң караш юк. Менә шушы сызып ата бөтен матур сыйфатларны.

Менә хакимияттәгеләр яшьләрне (татарларны, милли җанлыларын әйтәм) кыйнап булса да яхшы университетларда укытырга тиеш (иде). Аннары очкычка төяп илләрне күрсәтергә кирәк иде. Анталья, Кемер, Дубай да Шарм-Әлшәйхлар түгел. Берлин, Берн, Мюнхен, Нью Йорк, Монреаль, Вена, Һелсинки, Стокгольм, Амстердамлар һәм башка алга киткән, әмма тыныч кына, берсенә дә һөҗүм итмичә, үз көченә таянып, башкаларга да үз тапкан малын сатып, корылган тормышны күрсәтеп кайтыр идем. Ичмасам, иреклек "чире" тияр иде.

А не вот это все...

Nokia ширкәте Россиядә эшчәнлеген туктата. Финляндия ширкәте. Бәләкәй генә ил, ә кесә телефоннарын чыгара иде. Алар җитештергән телефоннар иде бит башлыча башта. Кесә телефоннары сатуга чыга башлаганда Nokia иде. Минем дә беренче телефоным Nokia3310 иде. Шундый уңайлы! СөбханАллаһ. Аннары аларны башка ширкәтләр узып китте.

Менә Россиядә телефон түгел, гади кайчы да җитештерелми. Бүген чит илләргә чыгып киткән яки чемоданнарын тутырып юлга чыгып китәм дип утыручы талантлы күпме яшьләр бар, потенциалы берсенә дә кирәкмәде. Мин үземне дә кирәксез итеп хис итәм. Тулы бер буын бу дәүләткә кирәкмәде. Ничектер эленеп калды минем чор кешеләре.

Дәүләткә безнең кебек кешеләр кирәкмәгәнен аңлый, белә идем, әмма без аларга кирәклеген белеп эш итә идем. Хәзер тәмәке көйрәтеп читтән генә карап утырасы килә.

PS. Мин гел пессемист түгелмен, ләкин монда гел шундый булып күренәм бугай. Токсичная)))

Нурлан Сабуров - оятсыз бәндә. Беренче чыгышыннан соң миңа аның турында язучылар булды. Куркадыр дип акладым. Һәр кеше курка дидем, сәбәпләре бардыр дип акладым.

Авыз ачмау хәерлерәк шул.

PS: стендапер Нурлан Сабуров АКШта чыгыш ясаганда бер кыз кан таплы күлмәктән чыкты. Украинадагы хәлләргә ишарә белән, фикереңне әйт дип сорады. Сабуров җавабы - 😡😡😡.

Кичә бер татар җырчысы блн сөйләштек. Аңларга тели. Ике яктан да күп мәгьлүмат, ди. Ике якта да пропаганда, ди. Аңлыйм. Бик аңлыйм аны. Кешенең кулында барлык пазл кисәкләре бап, әмма тулы картина чыкмый кайчак, туры килми кисәкләр. Озак сөйләштек. «Концерт кую да авыр, урынсыз» ди. Ахыр чиктә "Татар-башкорт кырыла. Тукталсын иде" диде.

Гап-гади барысы да кебек…

Мин туган районда бер тарих бар. Аерым бер кеше, гаилә, нәсел, авыл тарихы. Аны миңа Әнинең дусты, ахирәте сөйләде. Бергә гомер иткән кешеләр, әмма аның антисталинистка икәнен белмәдем. Коймак пешергән арада ничектер бабасы турында сүз катты. Репрессия корбаны булып чыкты. Сталинга карата мөнәсәбәтен нинди дип сорагач, кыска, аңлаешлы итеп: "Балам, Сталин - иблис" диде.

Бабасы - тегүче һәм шул ук вакытта авыл мулласы булган. НКВД этләре кулга алырга килгән, авыл халкы аны саклап калган. Могҗиза. Әмма икенче тапкыр килгәндә алып кала алмаганнар. Богаулар белән алып киткәннәр. Әмма бөтен авыл җәүяләп елый-елый аны башка авылга кадәр озата барган.

Атып үтергәннәр, билгеле.

Авылдашлар, татарлар өчен горурланып тыңладым. Горурлыктан күз яшьләре тыгылган иде. Тулы бер авыл бер кешене якларга тырышканнар. Никадәр авыр заман булган югыйсә.

Бүген исә хәбәрләрдән татар исемле кешенед үз кызы өстеннән полициягә хәбәр иткәнен укырга туры килә. Кызы дәүләт сәясәтен кабул итмәве, башка төрле фикерле булганы атасының күңеленә ярамаган.

Менә моннан гарьләнеп еларлык.

Сәфәрче, блогер, ютюбер Антон Птушкинга Русиягә 2072 елга кадәр килүне тыйганнар.

Тагын 50 ел этләр этләрчә яшәргә җыеналар икән. Ну, ну…

Андрей Бедняковка (шулай ук "Орел и решка" аша таныш ютюбер) да Русиягә керү тыелган. 50 елга😂 Туган җирләре Украинаны яклап язганга күрә шундый җәза.

Бөтен Русия йолдызлары -җырчы, КВН уенчыларына да чәпәгез инде. Тула белән Орелдагы ишелеп барган йортларны күрми калып үкенеп ятсыннар әйдә!

Әгәр Мәскәү тотса якаңнаң... Моның шундый икәнен белә идек тә соң кебек, шикелле, әмма күз буяу өчен булса да "Каршы" дигән төймәгә бассалар да, матуррак, күңеллерәк, кешечәрәк күренер иде.

Ркаил абый, Рамил әфәнде, Айдар абыйлар бар иде бит анда...

Татарстан Дәүләт шурасы депутатлары Русиянең Украинага каршы сугышын хуплап чыкты. Мөрәҗәгатьне депутат Эмиль Хөснетдинов укыды. Аны җиде депутат – Артур Абделҗанов, Юрий Камалтынов, Олег Коробченко, Хафиз Миргалимов, Алсу Нәбиева, Эмиль Хөснетдинов, Эдуард Шәрәфиев әзерләгән. Татарстан парламентының мөрәҗәгатен Русия президенты Путинга юлладылар.

Татарстанда бүген сәяси кырда менә шундыйрак хәлләр... Сездә нинди фикерләр?

40 яшь тулар алдыннан шикләнү бар иде, әмма бернинди куркыныч түгел икән. Әмма 41не инде безгә якын булган территориядә сугыш шартларында каршы алуым сәер тойгылар тудыра. Миңа сабак, шөкер итәрлек исемлек артты гына, Аллаһ Тәгаләгә рәхмәт әйтерлек сәбәпләр күбәйде.

Иң зур казанышым - ул үз тирәмдә туплаган мохит. Кешеләрне сайлый белүем дип әйтәсе килә, әмма тәккәббер булыр. Аллаһ яхшы кешеләрне юлымда очраттыра. Ничә еллар дәвамында кадерле, яраткан кешеләрем, дусларым - барысы да кешелеклек сынавын узды. Бер-беребезгә, булган принципларга тугры калдык. Без үзгәрмәдек. Ничек булдык, шулай калдык. Аллага шөкер.

Рәхмәт котлауларга. Сау булыйк, имин булыйк.

Анджелина Джоли - актриса һәм озак еллар буена хәйриячелек белән шөгыльләнүче шәхес. Ятим килеш бер-бератлы карамакка алган балалары да үсеп бетте. Әлеге вакытта Украинада икән. Әле кафеда күреп алалар аны, әле вокзалда. Кешеләр белән аралаша.

Матур кеше. Принцесса Диана урынына калган кеше. Исән булса, ул да сугыш барган илгә килергә курыкмас иде.