Сугышны хуплаучы резолюциягә каршы чыгарга бердәнбер кеше кыюлык тапты. Мең кеше арасында. Ул да хатын-кыз, Фәүзия Бәйрәмова.

Шулкадәр оятсызларча эш ителде җыенда бу тавыш бирүләрдә.

Милли шура да сәер сайланылды. АКШ, Канада, Европа илләре сугышны кискен тәнкыйтьли, ә Милли Шурага кергән АКШ, Канада, Европада яшәүчеләре хуплый дип китереп чыгарды Казан. Делегатлар да шул ук хәлдә.

Исландиянең Фаградальсфьядль (татарчасы ничектер инде моның) янартавы "җанланган". Ялкын лавасы! Аллам, куркыныч та, матур да.

Кем курка, моны куя 😳
Кем курыкмый, моңа баса.🔥

Фаградальсфьядльнең татарчасының нинди вариантлары була ала?

Фәргатьнеңфланелькүлмәге?

Нәфис сүз остасы, алып бараучы Максим Галкин латыш телен өйрәнә башлаган.

Моны ул Русия аның чит илдә уза торган концертларында ниләр сөйләгәнен җентекле күзәтүе белән аңлатты. Читләр аңламасын, яки тәрҗемә итеп интексен дигәнне аңлата бу.

Хәлләр башлнгач, Галкин моның котычкыч хәл булуы турында актив сөйләде, язды. Аннары хатыны Алла Пугачева, ике баласы белән чит илгә чыгып китте. Башта алар Израильдә яшәде, хәзер алар Латвиядә. Галкин позициясе аркасында аңа куәт структуралары басым ясаганын, Русия буйлап планлаштырылган концертларларны уздыртмау фәрманнары өстән төшерелгәне турында сөйләде.

Кешеләр сезне аңламасын дип татар телее серле тел итеп кулланганыгыз бармы? Туган тел белүнең практик өстенлекләрен тормышыгызда булдымы? Булса, тәҗрибәгез белән уртаклашыгызчы.

Безнең Стив Джобс - Бәшир Рәмиев.

30 август, Татарстанның Суверенитет көненә Казандагы IT Park-ның яңа бинасын өлгертергә тырышалар. Аңа әлеге тел белән әйткәндә СССРдагы беренче IT белгече, советлар берлегендә беренче компьютер уйлап табучы Бәшир Рәмиев исемен бирделәр. Элмә тактасы барлыкка килгән, әмма интернетка чыккан фотода бинаның уң ягы күренми. Күңелдә шик бар, дәүләт татар телендә дә шундый ук зурлыкта элмә такта онытылып калмас бит?!

Ясалмаган булса, өлгертәсез әле. Ясалган булса, ул элмә тактаны да халыкка күрсәтегезче? Тынычланыйк🧐

Бәшир Рәмиев - даһи татар шагыйре Дәрдемәнднең оныгы❤️

«Реальное время» фотосы.

Нәрсә?! Чәршәмбе көнне Татарстанның иң талантлы укытучысы, шедевраль итеп эшләүче тәрҗемәче, югары дәрәҗәдәге журналистлар, атаклы галим өйләрендә тентү уздырганнан соң, бук эчендә казынырга яратучы аерым кешеләрнең (журналист, хәбәрче дип язарга кулым күтәрелми, нормаль профессионаллар рәтенә куярлык түгел ул җирбитләрне) пычрак язмаларын укыганнан соң айнып киленә бугай.

Абруйлы, намуслы, профессиональ кешеләргә нәҗес буялмас Аллаһ бирса, ә менә буклы кешеләрдән ис аңкып торачак, ерактан ук. Җәзасы да булыр иншАллаһ.

Тентү тәҗрибәсен узган кешеләр - Татарстанның, Казанның иң яхшы, үрнәкле кешеләре. Шәхесләр. Әгәр Казанны ямьле, рәхәт дип атыйлар икән, нәкъ менә шул кешеләр аркасында.

PS. Такая красивая девушка, но пришлось использовать слово дерьмо 3 раза😂☺️

Туган көнең котлы булсын, Татарстан!

Бүген, 32 ел элек Суверенитет турында Декларация кабул ителде. Татарстан тарихында бик мөһим документ. Оныттырырга тырышалар, ә без онытмыйк. Мәрхүм Фәндәс Сафиуллин 30 август бәясенә төшермәгез, "Кая инде ул мөстәкыйллегегез? Нәрсә белән аерыла республика башкалардан?" дигән сүзләргә кушылмагыз, кимсетмәгез, кимселмәгез, 30 август мөмкин кадәр урамга чыгыгыз, матур киенегез, дусларыгыз белән очрашыгыз, котлашыгыз, дия иде. 30 август аны очратсам, шундый кауна идем. «Минем яраткан журналистым» дип килеп кочаклый, «Быел бакчада алмалар өлгерде, ничек сыйлыйсы икән?!" сине дияр иде. Тәки килеп чыкмый иде. Галишан абый Нуриәхмәт, мәрхүим Илдус Садыйк, Яшел Үзәннән милли хәрәкәт абыйсы гел очрый иде... Һәм дусларым, танышларымның җылы кочакларына чуму, көлешүләр, Кабанда йөрүләр. Акыллы, чибәр, ихлас татарларым...

Котлы булсын! Котлашыйк бу бәйрәм белән!

Журналист Сафроновны прокурор 24 елга төрмәгә утыртырга сорый. Журналист. Дәүләткә хыянәт иткән өчен, имеш. Кеше үтерүче, җәзалаучы түгел, көчләүче түгел, угры түгел, маньяк, педофил түгел... журналист бит ул.

Коточкыч вакыйгаларга шаһитбыз... Бу кадәр басым Русия тарихында юк иде.

Журналист Иван Сафронов 22 елга утыртылды. Тагын 500 мең сум штраф түләү хөкеме дә чыгарылды. Утырып чыкканнан соң да ике ел дәвамында иреге чикләнәчәк. Алай да була икән. Коточкыч.

Шәп. Нәни чактан картлыкка - бер мизгел.

Ә бүген, 9 сентябрь, Камал театрында - "Зәңгәр шәл", димәк яңа театраль сезон башлана. 117нче сезон. Озын гомерле бул, яраткан театрым! Уңышлы спектакльләр булсын, һәрбер кеше - асылташ. Исән-сау, бәхетле булыгыз.

Сагынам. Яратам! Хәерле сәгатьтә!

Ну и какой же потрясающий ролик!❤️

Британия патшалыгыннан соңгы хәбәрләр: 74 яшьлек Чарльз патша булып игьлан ителүенең документлары имзаланган. Һәм дә бу патшаның да татарлар белән элемтәсе бар бит!

2010 елда әле шаһзадә булган Чарльз Польшадагы Крушиняны татар авылында булды, татар мәчетен күрде, татар ризыкларыннан сыйланды. Сүз уңаеннан, итле пәрәмәч пешергәннәр аның килүенә. Димәк патша татарлар белән таныш.

Польшаның Биелосток өлкәсендәге Крушиняны - татар авылы. Ул Белорусия белән Польша чигендә урнашкан. Бу җирләр татарларга 1679 елда бүләк ителә. Католиклар җирендә татарлар ислам динен саклап калды. Крушиняны авылындагы мәчет тарихи, аңа XIX гасыр башында ук нигез салынган. Польшада 3 меңләп мөселман татар яши.

Татарлар Польша, Литва, Белорусия җирләренә XIV гасырда ук килә башлый, аларны патшалар иң яхшы атлы гаскәри буларак чакырта. Батыр яугирләр дип тарихка кереп кала татарлар. Аларга рәхмәт йөзеннән морзалар дәрәҗәсе бирелә һәм яхшы җирләр бүләк ителә. Польшада берничә татар авылы бар.

Менә шундый тарих. Татарлар ❤️

Гаҗәеп рәвештә иноагентлар исемлеге тулылана. Кемне алма - шәхес, күпсанлы аудиториянең йолдызы, кешеләргә тәэсир итү көченә ия булучы талант вә акыл иясе.

Шулкадәр тинтәкләр булырга кирәк бит әй үзләренә каршы эшләр өчен!? Чынында рәхмәт яугырлары.

Кем ишетмәде, Максим Галкин да хәзер иноагент❤️

Максим Галкинны иноагент дип игълан итүнең дәвамы - бүген интернет йолдызына Алла Пугачева әйләнде.

❤️

Красовский, Кеосаян, Газманов, Холмогоров, Соловьевлар һәм башкаларга повесткалар килми дә килми. Телевизор аша миңгерәйтелгәннәр, хәерче бичаралар китәчәк.

Ә бер чаттагы хатын энесенең аудиосын җибәрә: "Апа, мин бит балачага булып солдат буларак Чечен сугышына эләктем. Икенче сугыш. Анда Путин иде. Хәзер картаеп киләм, өч кыз әтисе. Тагын Путинның сугышына повестка көтәм. Ник болай соң ул?"

Мин дә белмим ник болай соң...

Татар имамнарын ишеттек, фәтваларны күрдек. Аңладык. Миндә башка сораулар.

Дәррау кул күтәрткән татар конгрессы әфәнделәре, сездән дә ниндидер гамәл көтәсеме? Авыл, шәһәр саен татар ир-егетләрен озаткан хатыннарның күз яшьләре өчен сез җаваплы. Әллә аларны озату татарча булсын дип гармуннар белән "Герман җырын" сузып җырлауларны оештырачаксызмы? "груз 200" белән кайтучыларның йортларына килә торган юатучылар делегацияләре булдырылырмы? Уен-көлкеле сабантуйлар урынына Федераль үлем-китем сабантуйлары планга кертеләчәкме? Халкым минем дип пафослы итеп эндәшерлек татарлар калырмы?

Конгресс төбендә мобилизациягә каршы чыккан бер егетне богаулап автозакка тыкканны конгрессчылар күзәттеме икән? Васил әфәнденең йөгереп чыгып: "Энем, борчылма, үзем китәм" дигәне күзгә чалынмады.

Бәлки, күрмәгәнмендер...

Кичә, бүген Оренбург-Казахстан, Әстерхан-Казахстан чикләрендә зур чакрымнарга сузылган чиратларларда татар-башкорт егетләре, ирләре күп. Алар мобилизациядән кача. Грузия чигендә торучылар бар. Анда да татарлар шактый. Төркиягә күпләр билет ала алмады, чөнки кыйммәт. Татар тырыш булса да, акчасы чамалы аның. Кыргызстанга урнашып тилмерүчеләр бар. Иртәгә дә китәчәкләр, чикләр ябылганчы...

Татар конгрессы оештырган чараларга йөргән йөзәрләгән татар ханым, әфәнделәр, качам дип сакланып калган егетләргә булышырга кирәк. Конгресс оештырмас моны, ышанмыйм. Файдалы мәгьлүмат бирү, фатир табу, документларны юллаганда, эш табуда да булышыйк. Гап-гади иттереп каршы алып кочаклау да мөһим аларга! Кем кайсы илдә тора, килүче татар-башкортка ярдәм кулыгызны сузыгыз, зинһар!

Хәтта ватник булса да, алары да безнең татар бит...

1552 ел. 12 октябрь Казан ханлыгы җимерелгән көн. Татар дәүләтенең юк ителүенә 470 ел.

Быел Татарстан, Казан хакимияте Хәтер көнен уздырырга рөхсәт бирмәде. Булмас ул. 1989 елдан бирле уздырылган матәм чарасы быел булмый. 33 тапкыр узды, җитте дигәннәрдер...