Yaqinda bir ezoterik opamizni vebinarlariga kirib qoldim…

Telegramdagi psixologik deb bilgan kanallarim orasida audiochat bo’layotgan ekan. Qiziqib kirdim. Gap so’zlardan na ilmiy na diniy bilimi yetarli bo’lmagan ayol bir nimalarni gapirayotgandi.

Gapini bo’lmay naqd 1 soatga yaqin eshitibman (yaxshiyam asablarim metindan ekan)

Keyin esa savol-javob qismida o’z fikrlariga nisbatan savollar bera boshladim:

💁🏻‍♂️: Assalamu aleykum opa, juda chiroyli o’zizga ishonch bilan gapirar ekansiz. Bitta narsani bilsam bo’ladimi, gapirgan gaplaringizni qaysi kitoblardan o’qigansiz? Qaysi faktlarga tayanib gapirayapsiz? Xafa bo’lmang, man shunaqa biroz skeptik odamman. Har bir jumladan faktlar qidiraman.
👩🏼: Bilasizmi, men hozir kitob o’qimay qo’yganman. Meni o’zi ongimga keladi shu ilmlarni ulashaman.
(O’zi shu joyidan bilvosa bo’lardi. Kitob bu hech qachon eskirmaydigan va eng qadrli ilm. Hozirgi zamonda faqat ahmoqlargina “kitob o’qimayman, hayotni o’zi manga o’rgatib qo’ygan” deydi. Lekin qiziqqonligim qurisin, yana savollar bera boshladim)

💁🏻‍♂️: Unda ongizga kelayotgan ilmlarni to’g’ri noto’g’riligini qayerdan bilasiz?
👩🏼: ….. (birnarsalar deb gapni aylantirdi)

💁🏻‍♂️: Yaxshi. Qaytalanish, aks ettirish qonuni deb qayta qayta aytayapsiz. Ularni qayerdan olib gapirayapsiz?
👩🏼: Siz “Sekret” kinosini ko’rib chiqing. Shu savollarizga javob topasiz.

💁🏻‍♂️: Man Sekret filmini ham ko’rganman, kitobini ham o’qiganman. U bizni dinimizga to’g’ri kelmaydiku…?
👩🏼: Siz nima kirvolib meni “kritikovat” qilayapsiz? Kimsiz o’zi?

💁🏻‍♂️: Man sizni “kritikovat” qilmayapmanku opa? O’ziz jonli efirda gapirgan gaplarizga nisbatan savol berayapman. Hali tanqid qilib yoki kamsitganim yo’qku sizni?
👩🏼: ….

💁🏻‍♂️: Sizga savol berishsa boshiz og’risa mana bu, mana bu masalada muammoyiz bor shuni hal qilishiz kerak deb tashlayapsiz. Ularni qayerdan olayapsiz? Nimaga asoslanib aytayapsiz bu gaplarni?
👩🏼: Boya qaysi kitoblarni o’qigansiz degandiz, Valeriy Sinelnikovni kitoblarida ham yozilgan bu narsalar.

💁🏻‍♂️: A Valeriy Sinelnikovni ham asarlari mumkinmasku. Uni kimligini bilasizmi o’zi? Ezoterik bo’lgan. Asosiy fikrlari boshqa din ta’limotlariga tayanadi. U biz uchun xatarliku?
👩🏼: Siz bilasizmi hozir “bo’lish ongidasiz”.

💁🏻‍♂️: Obboo u bo’lish ongi nima bo’ldi endi?🤯
👩🏼: Siz hamma narsalarni bo’layapsiz. Oq va qoraga ajratayapsiz. Sizni hali ongiz tayyor emas. Bu ilmlarni bilmisiz siz. Iymoniz sust hali sizni.

💁🏻‍♂️: Nima? Demak kim sizni gapizga qo’shilmasa iymoni sust bo’laveradimi? Nimaga asoslanib mani iymonimni darajasiga aniqlik bilan javob berayapsiz? Hali mani ko’rmagansiz, tanimisiz hamku.
👩🏼: ….. (birnarsa birnarsa)

💁🏻‍♂️: Qattan olasila shunaqa gaplarni a?😡
👩🏼: Sizga savolda, Valeriy Sinelnikovni kim yaratgan?

💁🏻‍♂️: Bu qanaqa savol? Nafaqat uni, balki olamdagi barcha mavjudotu mahluqotlarni Alloh yaratgan.
👩🏼: Yo’q siz aniq javob bering, Valeriy Sinelnikovni kim yaratgan? (Yana qanaqa aniqlik xohladi bu opa hayronman)

💁🏻‍♂️: Xop uniyam Alloh yaratgan. Iii chto?
👩🏼: Nimaga unda Alloh yaratgan insonni inkor qilayapsiz? Uni qabul qilmayapsiz?

💁🏻‍♂️: Opa siz qiziqmisiz? Man Alloh yaratgan narsani inkor qilmayapmanku. Uni ilmini inkor qilayapman. U Sinelnikovga nisbatan hech qanaqa adovatim yo’q. Shunchaki ilmi to’g’ri emas deyapman.
👩🏼: Bo’ldi men siz bilan gaplashgim kemayapti. O’zi erkaklar bilan ishlamayman, gaplashmayman. O’chiraman hozir efirni.

💁🏻‍♂️: Mayli to’xten, sizga bitta savolimni bervoli boshqa savolim yo’q.
Siz ayttizki, Valeriy Sinelnikovni Alloh yaratgan, nega uni inkor qilayapsiz? Nega uni qabul qilmayapsiz dediz to’g’rimi?
👩🏼: Xa.

💁🏻‍♂️: Unda sizga bitta savol, shaytonni ham Alloh yaratgan. Uni ham qabul qilishimiz, har bir gapiga qo’shilishimiz kerakmi?
👩🏼: …. (EFIR O’CHIRILDI)


Fikrlaringizni bildiring!
P.s. U opani shaxsiyatini muhokama qilmagan holda ism familiyasini berkitdik. Barcha ma’lumotlari bizga ma’lum!
▶️ @taskin_markaz

Internetda ochiq manbalarda ma’lumotlar ko’p bu haqida…

https://24smi.org/celebrity/101819-valerii-sinelnikov.html

Bir necha kun oldin salkam 6 yildan beri ko’rmagan kursdoshim qo’ng’iroq qildi…

- Do’stim yaxshimisiz? Man *falonchiman. Bezovta qilmadimmi?
- Iye xa do’stim tanidim. Qanaqasiz? Bemalol.
- Shu disez sizga bitta masalada telefon qilayotgandim. Keliniz bilan azgina…. Endi ayollarni bilasizuu. Haligii…

Men ko’p do’stlarim asosan oilaviy masalada, er-xotin kelishmovchiliklarida murojaat qilishgani uchun navbatdagi shu kabi muammolardan bo’lsa kerak deb o’ylab turgandim.

- Haligiii. Qanaqa tushuntirsam ekan, xullas keliniz bitta psixologda o’qiyotgan edi. Darslarini eshitib yurgandi.
- Xo’sh? (Ishqilib men o’ylagan narsa bo’lmasinda degan hayol o’tdi)
- Ohirgi paytlarda g’alati gaplarni gapiradigan bo’lib qoldi. Agressiv, o’zini tutishlari, gap so’zlari adekvat emas. Gapi gapiga to’g’ri kelmay qoldi. Keyin o’zimni bir tanish psixiatrim bor edi. Uni qabuliga olib bordim. Ayolim bilan suhbatlashib ayoliz “ezoterika” degan narsaga o’ralashib qolgan. Shuni ta’siri dedi. Sizdan so’ramoqchi bo’lganim do’stim, bu narsalar rostanam odamni miyasiga shu darajada ta’sir qilishi, psixikasini buzish darajasigacha olib borishi mumkinmi? Hozir ayolimni ruqiya o’qiydigan domlaga olib borib dam ham soldirayapmiz. Lekin nima qilishni bilmayapman?

U do’stimga kerakli tavsiyalarni berib go’shakni qo’ydim.

Endi sizga savol, deyarli har kuni shu kabi voqealarni eshitsangiz, siz qanaqa holatga tushar edingiz?

Oliy ong, chakralar, turli xil kodlarni hayotingizga ta’siri, astral olam, ruhingiz boshqa olamda qolib ketgan kabi gaplar bilan insonlarni ongini chalkashtirishgacha borishmoqda. Bu kabi ma’lumotlarga ko’p qiziqaversa, bora bora atrofdagi voqelikni real baholashda buzilish kuzatila boshlaydi. Bu esa vaqt o’tib ruhiy buzilishlar, psixik kasalliklarga eshik ochadi.

Shizofreniyaga moyilligi bor insonga bu kabi g’oyalar qanchalik ta’sir qilishini endi tasavvur qilib ko’ring…

Vahima kasaliga chalinganlarni qay holatga tushirib qo’yishiniku gapirmasa ham bo’ladi.

Eslatib o’taman, biz ezoterikani 100% inkor etmaymiz! Ezoterika bu insonni ichki dunyosiga yo’nalgan ilmdir. Ilm-fan tomonidan isbotlanmagan, qo’l bilan ushlab, ko’z bilan ko’rib bo’lmaydigan holatlar o’rganiladi asosan. Va bu ilmlar har bir millat, elatni o’z diniy qarashlaridan kelib chiqib o’rganiladi. Biz musulmonlar farishtalar, shayton va boshqa shu kabi masalalarni o’z dinimiz e’tiqodiy masalalaridan kelib chiqqan holda o’rganamiz, iymon keltiramiz. Xuddi shunday har bir dinda ruh, jon, yondosh olamlar haqida turli qarashlar bor. Va bu ularni e’tiqodini bir bo’lagi sanaladi. Bizdagi aksariyat ezoterika namoyondalarining xavfli tomoni shundaki, ulardagi ma’lumotlar har xil diniy ta’limotlar, boshqa dinlarning ibodatlari, boshqa dinlarning qarashlariga tayanganidir! Siz texnika deb o’ylaydigan amaliyotlar aslida boshqa bir dinning ibodati bo’lishi mumkin !!!
Boshqa din qarashlariga ishonch bildirish bu o’sha dinga iymon keltirish bilan barobardir!

Unutmang, har xil din ortidan yugurgan odam aslida dinsizdir!

*Haqiqiy psixologlar sizga dindan dars bermaydi! Muammoyingizni yechishda sizga diniy ibodatlar bilan bog’liq vazifalar bermaydi. Sizni e’tiqodingizga, diniy qarashlaringizga aralashmaydi.
Hatto shukronalik, istig’for aytish bilan bog’liq sizga berilayotgan vazifalar ham psixologiyadan emas.
▶️ @taskin_markaz

Kechagi postimizdan manfaat o’rniga xato qidirganlar, bu postni yaxshilab o’qib, vaziyat qanchalik jiddiy ekanligini xis qiling!

Biz ham indamasak, hamma bilganini qilaversa, qanaqa ayanchli oqibatlarga olib kelishi mumkin ahir bu kabi vaziyatlar.

Gap insonlarni dindan chiqib ketishi, oilasi buzilishi, psixikasiga jiddiy zarar yetib hatto, “jinni” bo’lib qolishi haqida ketayapti. Bu maynavozchilik emas. Qanchadan qancha insonlarni butun boshli hayoti, taqdiri haqida gap ketayapti…

Maqsadimiz shunchaki, xalqqa to’g’ri noto’g’rini ko’rsatish, tushuntirish! Kimga ergashish esa har kimni o’z erki !

​​#kinoterapiya #кинотерапия 🎭

🎥 Кинотерапия - инсоннинг бирор бир психологик холатга кириб уни жонли равишда хис қилишига бевосита имкон берувчи терапия турларидан биридир.
Кинотерапиянинг асосий маъноси - хар бир томошабин (мижоз)нинг онг остидаги инстинктлари ва хоҳиш истакларини юзага чиқаришда мавзуга мос фильмдан фойдаланиш тушунилади.
Шу сабабли хам кинотерапияда таҳлилнинг асосий объекти фильмнинг ўзи эмас, балки айнан ўша фильм томошабинни қай томонлама таъсирлантирди ва нималарни ҳис қилганлигига эътибор қаратилади.

Фильм инсоннинг ич-ичида яширинган психик элементларни очиб беради. Томошабин шахсий комплексларини кўришни ва тушунишни бошлайди. Шу орқали ҳаётда қарор қабул қилишни ва ўз қарорларини эркин бажаришни ўрганади.
Кинотерапия - инсонга ўз ички дунёсини кўришга ва дунёқарашини кенгайтиришга имкон беради.


Кинотерапиянинг мақсадлари:

✅ Мижознинг айнан ўша дамдаги эмпатияси ва муаммони четдан кўриши.
✅ Ўзини, ўз мақсадларини, эхтиёжларини ва психологик муаммоларини англаб етиши ва қайта кўриб чиқиши.
✅ Ўз-ўзини кузатиш қобилиятини ривожланиши ва вазиятга объектив баҳо бериш қобилияти шаклланиши.
✅ Ўз ички дунёсини оча билиш, ҳис-туйғуларини ифода этишда самимийликни ривожлантириш ва бошқа одамлар билан контактда уларнинг ҳис-туйғуларини ҳис қила билиш, ҳамдардлик қобилиятларини ривожлантириш.
✅ Маънавий ўсиш.

✅ Ижобий фикрлашни шакллантириш ва ўз мотивларининг кўп қирраларини кўриш қобилиятини шакллантириш.

Кинотерапия - бу ўз-ўзини англашнинг ижодий жараёни хисобланиб, шу орқали ўз хатти ҳаракатларини онгли равишда коррекция қилиш имконини беради.

© Психолог Наимжон Азимов ♻️


Азизлар энди бизнинг каналда #kinoterapiya хештеги остида психологик ахамиятга эга бўлган, маънавий ўсишингизда ёрдам берадиган фильмлар жойланиб борилади.

P.s. Wifi борлар буёғига хар куни мазза қилиб фильм томоша қилишингиз мумкин)))

Каналимизга аъзо бўлиш 👇🏻👇🏻👇🏻
▶️ @kinoterapiya_uz

Кунлардан бир кун шогирд Устоздан сўради:

- Яхши томонга ўзгаришларни узоқ вақт кутиш керакми?

- Агар кутсанг, унда узоқ вақт! - жавоб берди Устоз.

▶️ @taskin_markaz