🏢 Ўзбекистонда Н.И. Пирогов номидаги Россия миллий илмий-текшириш тиббиёт университетининг филиали очилади

✅ Вазир Михаил Мурашко бошчилигидаги Россия Федерацияси Соғлиқни сақлаш вазирлиги делегациясининг мамлакатимизга ташрифи доирасида Ўзбекистонда Н.И. Пирогов номидаги Россия миллий илмий-текшириш тиббиёт университетининг филиалини очиш масаласига алоҳида эътибор қаратилмоқда.

🔻Айни пайтда ушбу филиални Чилонзор тиббиёт коллежи биносида очиш кўзда тутилмоқда.

@tashoits

‼️ Сочларингизни иссиқ сув билан ювманг!

❎ Кўпчилик соч ювишда қўпол хатога йўл қўяди ва сочларни жуда иссиқ сув билан ювишади, бу эса ёғ безларини фаоллаштиради ва сочларнинг тез ёғланишига сабаб бўлади.

🔷 Энг яхшиси, бошни илиқ ёки иссиқроқ сув билан ювиш керак. Айнан шу ҳарорат бош терисини яхши тозалашга ва қон айланишини яхшилашга ёрдам беради.

💠 Жараён охирида сочни совуқ сув билан ювиш мақсадга мувофиқдир, бу эса соч илдизларини қон билан таъминланишини рағбатлантиради ва сочларни ялтиратади.

@tashoits

ЎЗБЕКИСТОН ДУНЁНИ “COVID-19”ГА ҚАРШИ КУРАШ БЎЙИЧА ТАЖРИБА АЛМАШИШГА ЧОРЛАМОҚДА

Пойтахтимиздаги “Hilton Tashkent City” меҳмонхонасида “Пандемия даврида соғлиқни сақлаш: “COVID-19”га қарши курашда тажриба ва ютуқлар” мавзуида биринчи халқаро илмий-амалий анжуман ўз ишини бошлади.

Тадбир Соғлиқни сақлаш вазирлиги, СЭОЖСХ, “Progressive Medical Service” МЧЖ томонидан ташкил этилган бўлиб, унда иштирокчилар онлайн ва офлайн тарзда қатнашмоқда.

Анжуманда юртимиз ҳамда АҚШ, Германия, Буюк Британия, Россия, Австрия, Жанубий Корея каби қатор мамлакатлардан тиббиёт соҳасининг етакчи мутахассислари ҳамда Жаҳон соғлиқни сақлаш ташкилотининг Ўзбекистондаги ваколатхонаси раҳбари Лиан Куппенс, ЮНИСЕФнинг юртимиздаги ваколатхонаси раҳбари Мунир Мамедзаде, АҚШ Касалликларни назорат қилиш ва олдини олиш марказининг Марказий Осиё бўйича минтақавий директори Дэниел Сингер ва Германиянинг халқаро ҳамкорлик жамияти (GIZ) лойиҳаси раҳбари Корнелия Бекер иштирок этмоқда.

@tashoits

«Коронавирус кўрсатди, ортиқча вазни бор одамларни сақлаб қолиш қийин бўлди» — президент янги топшириқ берди

❇️ «Сурхондарёлик бир аёл Ҳиндистонда жигар кўчираман деб оғир аҳволда қолибди. Қизи телевидениеда йиғлаб чиқди. Менинг кўзларимга ёш келди. Шу куниёқ ҳаммани оёққа турғиздим ва керакли ёрдамни бердик. Сурхондарёда бундай беморлар камми?» – деди Шавкат Мирзиёев.

🔘 Топшириққа кўра, ССВ масъуллари вилоятдаги тиббиёт ходимлари билан бирга телевидениеда ҳафтасига камида 1 соат чиқиш қилиб, соғлом турмуш тарзини тарғиб қилишади.

@tashoits

❓Қандай қилиб бош оғриғидан қутулиш мумкин?

📌Стресс ёки жисмоний зўриқишдан кейин пайдо бўладиган бош оғриғини бир нечта оддий усуллар билан тўхтатиш мумкин:

🌬Хонани яхшилаб шамоллатинг. Ётиб, кўзингизни юминг. 15 дақиқа давомида тинч ёки қоронғи хонада шу ҳолатда бўлиш оғриқни йўқотишга ёрдам беради

❄️Совуқ компресс. Совуқ сув солинган идишга бир неча томчи ялпиз ёки бир ош қошиқ лавандани солинг, сочиқни намлаб, сўнг пешонангизга қўйинг.

💆‍♀️Бошингизни енгил массаж қилинг. Енгил силаш ҳаракатларини пешонадан бошлаб бошнинг орқа томонига, қулоқларгача давом эттиринг. Сўнг елкаларни массаж қилинг.

@tashoits

💰 1 июлдан минимал пенсия ва нафақалар миқдори оширилади

Президент фармонига кўра, 2021 йилнинг 1 июлидан бошлаб белгиланган ёшга доир энг кам пенсия миқдорида ва ундан кам пенсия олувчи шахсларга пенсияни базавий ҳисоблаш миқдорининг 20 фоизи (49 минг сўм) миқдорида қўшимча тўлов жорий этилади.

Шунингдек, келгуси ойдан бошлаб бир қатор пенсия ва нафақалар миқдори оширилди.

@tashoits

ОИВ инфекцияси касаллигининг клиник кечиши.
Касалликнинг клиник кечиши бошка юқумли касалликлардаги сингари бир неча даврларга бўлинади.
Касалликнингяширин даври - бу давр ОИВ инфекциясини юқтириб олгандан кейин хеч қандай клиник белгиларсиз 8-12 ҳафта, хатто 5-10 йилгача давом этиши мумкин. Бу давр эпидемиологик жихатдан энг хавфли давр хисобланади, чунки бу пайтда вирус қонда сезиларли даражада бўлмагани учун, ОИВ билан зарарланган одам муайян вақтгача вируснинг таъсирини сезмайди ва касалликни ўзи ҳам билмаган ҳолда бошқаларга юқтириб юриши мумкин.
Меъёрда ишлаб турган иммунитет тизими (касалликка қарши кураш қобилияти) йиллар давомида вируснинг тажовузини босиб туради, лекин вирус, вақт ўтиши билан, қонда кўпайиб, аста-секин иммунитет тизимини издан чиқаради, пировардида организм вирусга қарши курашиш хусусиятини йукотади. Бундай шароитда вирус организмда қаршиликсиз кўпайиб боради. Кўп йиллар давомида сақланган мувозанат бузилиб, маълум даражага етгандан сўнг ОИТС касаллиги бошланади.
ОИВ инфекциясининг дастлабки клиник кўриниши гриппга хос белгилар билан кечади. Бунда кам қувватлиқ иштаханинг пасайиши, кўп терлаш, тана ҳароратининг кўтарилиши, лимфа безлари, жигар, талоқнинг катталашуви кузатилади. Бўғинларда оғриқ бемор терисида ҳар-хил тошмалар пайдо бўлади, йўтал, сабабсиз ич кетиш бошланади ва бу ҳол узоқ муддат давом этиши мумкин. Қон ОИВ инфекциясига текширилганда мусбат натижа кузатилади. Бемор турли касалликларга берилувчан бўлиб қолади ва бу ҳолат тез-тез қайталаниб туради. Бу холат бир-икки хафта ичида ўз-ўзидан ўтиб кетиши ва беморда 8-10 йил давомида хеч қандай аломатлар юзага чиқмаслиги мумкин. Бу юқорида айтилганидек зўриқиб ишлаб турган иммун тизимининг вирус билан курашиши натижасидир. Иммун тизими сусайиб боргани сари, инсон организмида мавжуд бўлган ёки ташқи муҳитдан доимий равишда тушиб турган бошқа микроорганизмлар иммунитет назоратидан холи бўлгани учун кескин кўпая бошлайди ҳамда ҳар бири ўзига хос белгиларни намоён этади. Масалан, нафас йўлларига инфекция тушган бўлса, йўтал, хансираш, хазм йўлига инфекция тушса, қоринда оғриқ ич бузилиши, кўнгил айниши каби белгилар намоён бўлади. Ҳар бир беморда ички ҳолати ёки ташқи мухит билан бўлган мулоқотига боғлиқ равишда турли белгилар юзага чиқиши мумкин, демак беморларда намоён бўлган белгилар ёки шикоятларига қараб унинг ОИВ инфекцияси билан касаллангани ҳақида хулоса қилиб бўлмайди. Беморнинг ОИВ инфекциясини юқтириб олганини аниқлаш учун албатта унинг қонини лаборатор тахлилдан ўтказиш зарур.

@tashoits

📌 Доимий чарчоқни келтириб чиқарувчи 5 сабаб

❇️ Кўп миқдорда углевод истеъмол қилиш. Қонда қанд миқдорининг ошиши меъда ости безига қондаги қанд миқдорини камайтириш учун кўпроқ инсулин ишлаб чиқариши кераклиги ҳақида хабар беради. Ушбу кўтарилиш ва тушиш сизни "чарчатиб қўяди".

❇️ Ҳаракатсиз ҳаёт тарзи. Ҳаракатсизлик ҳам энергиянинг пасайиб кетишига олиб келиши мумкин.

❇️ Уйқунинг етишмаслиги. Уйқунинг етишмаслиги чарчоқнинг энг аниқ сабабларидан биридир.

❇️ Озиқ-овқат маҳсулотларига сезгирлик. Энг кенг тарқалган аллерген маҳсулотлар бу - сут маҳсулотлари, тухум, соя ва маккажўхори.

❇️ Калория миқдори етарли эмас.
Сиз кам калорияли маҳсулот истеъмол қилсангиз, метаболизм жараёни энергияни тежаш учун секинлашади, бу эса чарчашга олиб келиши мумкин.

@tashoits

❓Қуёшдан ҳам аллергия бўлиш мумкинми?

🔆 Қуёш ҳам аллергияни келтириб чиқариши мумкин. У қизил тошмалар, дерматит кўринишида намоён бўлади. Бундан ташқари, турли хилдаги қуёш нуридан ҳимояловчи крем ва суртмалар ҳам аллергияни юзага келтириши мумкин. Бундай пайтларда шифокор бу воситалардан фойдаланмасликни тавсия этади.

🔘 Агар инсон қуёшга чиққанида тўсатдан аксира бошласа, бу аллергия бўлмаслиги ҳам мумкин. Бу ёруғликда аксириш рефлекси бўлиб, у асосан 18-35 фоиз инсонлардагина кузатилади ва ирсий касаллик ҳисобланади. Кўзнинг тўр пардасига тушган ёруғлик учбурчак нервларининг шохларидан бирини безовта қилади ва аксириш жараёни бошланади.

@tashoits

📌 Тилга қараб ташхис қўйиш мумкин

👅 Тил организмнинг – кўзгуси. Унга қараб сизни қайси касаллик безовта қилаётганини билиш мумкин.

1️⃣ Қулупнай-қизил рангли тил. Авитаминоз, инфекцион касалликларда, айниқса, темир ва В12 витамини етишмовчилигида кузатилади.
2️⃣ Оқ караш босган тил. Ачитқи инфекцияси, кандидоз ва қон босими ортганда кузатилади.
3️⃣ Сариқ караш билан қопланган тил. Аёлларда климакс даври тилда ачишиш ҳиси билан боради, овқат ҳазм қилиш тизими ва жигар касалликларида кузатилади.
4️⃣ Оғриқли ярали тил. Стоматитда кузатилади ва асосан болаларда учрайди.
5️⃣ Оч пушти рангли тил. Соғлом тил кўриниши.
6️⃣ Кулранг рангли тил. Овқат ҳазм қилиш тизими касалликларида кузатилади.

@tashoits

❓Қандли диабет билан оғриган одам омега-3 ёғ кислотасини қабул қилиши мумкинми?

💊 Омега ёғ кислотасини қандли диабетда ҳам, қон босими бор инсонларда ҳам қўллаш мумкин. Аммо бу шарт дегани эмас.

🥗 Омега кислотасини озиқ-овқат маҳсулотлари кўринишида истеъмол қилиш жуда фойдали, аммо уни қўшимча восита сифатида қабул қилиш ҳали ўз тасдиғини топмаган.

🦪 Шунинг учун ҳам, энг яхшиси, ҳафтада икки маротаба етарли миқдорда балиқ маҳсулотларини истеъмол қилиб туришдир. Унинг миқдори 200 граммдан кам бўлмаслиги керак.

@tashoits