وموسم التمر!

"وفضيلةُ النوم الخروجُ بأهلهِ
عن عالمٍ هو بالأذى مجبولُ"

أبو العلاء المعري

"واليا حصل لي منه فنجال دله
والله إن يبلش بي بلشة حنيف"

من الآخر يعني..

"لابارت الهقوات واخطنّ الأقدام
والريح هبت عكس درب السفينة

لانبكي الفايت ولانرثي أحلام
والغيظ لو هو كبر أجا كاتمينه

قدام يابيض المقادير قدام
ياماتزين لكل نفس حزينة

اما بعد ياذا الجلالة والإكرام
ياملّة داعي بسط راحتينه

الهمني السلوان عن ماضي الأيام
عن ماجرى بين الضنين وضنينه

العام أقول الله يعديك ياعام
واليوم أقول العام ماشفت زينه

شمس الحقايق بدّلت غيم الأوهام
والانتظار أنجب ليالِ الغبينة

يابنت كان الشك في خاطرك حام
ماكل علم مصدره من جهينه

وليا رفعتِ للوهم بيض الأعلام
حطي على قبر الرجاء ياسمينه

تستغربين إنه يحبّك وهو شام
مفروض لو ماشام تستغربينه

حنا حشام وعندنا شيمة حشام
لو هي تحب نفوسنا مانهينه

وانا ليا عدّوا نزيهين الأقلام
لقيت لي مع أول الطرش عينه

شوفيه يبقى شامخٍ مثل الأهرام
يصدّ لو قلبه تجاهك وعينه

ياهاجري وان بعتنا بأردى الأقيام
عنكم نروح وودكم حافظينه

كان أنت ناسينا تصحّيك الأيام
ترجع لنفسك لين تلقى يقينه

توسّطوا في وضعنا بعض الأقزام
وأنا ردي الجاه ديني و دينه

لو العرب سووا عنه بعض الأفلام
ماعنده إلا برد كفه وعينه"

- نجم الأسلمي

"مفروض لو ماشام تستغربينه"

"لو هي تحب نفوسنا مانهينه"

- الأنفه هذه والكبرياء هذا يعجبني جدًا جدًا جدًا

وله قصيدة أُخرى جميلة، يقول:

"كنت أول أطرد هوى بالي وحرزه مكين
بي عنفوان الشباب اللي يطول مداي

أطالع الدرب وإن شفت أوله ياسمين
أسوقها مانشدت اللي مع الدرب جاي

والقى بنصفه سراب و بأخر الدرب طين
وارجع وأعيد الخطأ من كبرياي وعياي

الين أدبتنا الليالي وعسفتنا السنين
بديت اسيطر على نفسي واخالف هواي

وان جيت وارد نشدت اللي هنا صادرين
جمعت لي كم راي .. وفوقهن جبت راي

واجنب اللي تبي نفسي ولو هو ثمين
ياما من المغريات اللي تركته وراي

أخاوي الصبر وإن الله مع الصابرين
الين أصبح الصبر اخو والصابرين خوياي"

بينه وبين الياسمين علاقة(:

له بيتين يقول:

"لقينا في ظلال الياسمينة
حيَّةٍ سمّ الحيايا في بدنها

يمكن الخيرة تحصِّلها دفينه
في ثيابٍ من نظرها فرّ منها!"

يبدو إنه رفيق السهرة لهذه الليلة

نظرياته رائعة، وأنا اؤيده وبقوّه..
يعجبني تفكيره ومنطقه، ماشاء الله

- وبالمناسبة اللكنة الحائلية هذه تلفت قلبي❤️-

"لابدّها ياسعود بتغيب شمسي
ذي سنّةٍ رب الخلايق فرضها.."

لازم أتعوّد إن العيد ماهوب عادة
كل يومين أجيب العيد؟ هذي عقوبة!

&

كنّي الِّي يبي الدّين وتطرّف زيادة
شجّعوه أهله شهرين ثم بلشوا به

هههههههههههههههههههههههههههههههه أضحكتني البيتين هذه

"أما والذي لايعلم الغيب غيره
ومن هو بالسر المُكتّم أعلمُ

لئن كان كتمان المصائب مؤلمًا
لأبلاغها عندي أشدُّ وآلمُ!

وبي كل مايبكي العيون أقلُّه
وإن كنت منه دائمًا أتبسَّمُ"

"لاتنكشف وأنت خيرة قوم ومعرَّب
الناس ماهي بحزن الناس مكلوفة"

‏"وبعضُ رجاءِ المرءِ ما ليس نائلًا
‏عناءٌ، وبعضُ اليأسِ أعفَى وأرْوَحُ"

‏" رَضِيتُ رِضَاءَ الْيَأْسِ، وَالْيَأْسُ رَاحَةٌ
‏وَأَتْعَبُ خَلْقِ اللهِ فِي النَّاسِ آمِلُ "..