*‏🍃 (( همسة قبل النوم )) 🍃*

*👈 اسكب كل مايؤلمك وسط سجدة خفيفة في جوف الليل تزيل الوجع والهموم والذنوب*

⏰ *لا تنـس* ‼️

1⃣ *الوضوء*
2⃣ *قيام الليل*
3️⃣ *صلاة الوتر*
4️⃣ *نفض الفراش*
*5️⃣ *العفو عن العباد*
6️⃣ *قراءة أذكار النوم*
7️⃣ *⏱ضبط المنبه لصلاة الفجر .*
🌸

لا تحرم نفسك من ركعتين كلَّ ليلةٍ في شعبان!

قم بالليل وقف بين يدي الله، تتمرَّن على رمضان، وما تريده في ليلة القدر!
فإنما العلم بالتعلُّم!

اقرأ من المصحف إن شئت، اسجد وقل لله ما شئت، واطلب منه أن يجمع عليك شملك، ويكتبك في أهل الطّاعة والإيمان.

زد في الوقت كلَّ يوم، إما تطويلا في القراءة، أو زيادةً في عدد الرَّكعات..
فتدخلُ رمضان وأنت متهيِّءٌ للسباق بإذن الله.

#قيام_الليل_شرف_المؤمن
وهل يضيع المؤمن شرفه؟!

1⃣9⃣

رمضان آخر روقان 🎆🌜

تابع توصيات عملية 🍃

٢_قراءة قرآن .. بروقان..

رمضان هو شهر القرآن، وكتيييييير مننا لما بيسمع إن فيه ناس بتختم القرآن أكتر من مرة في رمضان، بيبقى عايز يعمل زيهم وأكتر منهم كمان

ولكن للأسف حرصه على الختم بيخليه يقرأ بسرعة، وياكل الحروف، ويضيّع التجويد، ويعطل العقل عن إنه يفهم، والقلب عن إنه يتدبر ولو آية واحدة !! لأن كل همه وقتها بيبقى نهاية الصفحة أو نهاية السورة !!

تسمعه وهو بيقرأ وكأنه في سبق و حد بيجري وراه !!!

يا أخي ده إنت لو بتقرأ خبر في جريدة هتركّز فيه وتقرأه باهتمام وتمعن أكثر من قراءتك للقرآن بالطريقة دي !

لو بتقرأ مذكرات الدراسة مش هتقراها بالشكل ده !!!

يا شباب .. لازم نعرف إن ختم القرآن مش مطلوب لذاته !! يعني مش هو الهدف !!

مش مطلوب إني أقعد ساعة واتنين وتلاتة كل اللي بعمله إني بقلب في صفحات ورق ورا بعض، وبعدين أقفل المصحف وأقول الحمد لله ختمت القرآن !!

✅ الهدف يا حبيب قلبي هو إنك تقرأ بتركيز وخشوع، وتحاول تفهم وتتدبر، وتعمل باللي فهمته، وبالتالي يأثر فيك القرآن ويغير
حياتك للأفضل طبعاً
كما قال تعالى :
{كتَابٌ أَنزَلْنَاهُ إِلَيْكَ مُبَارَكٌ لِيَدِّبِّرُوا آيَاتِهِ وَلِيَتَذَكَّرَ أُولُو الْأَلْبَابِ}

✅ يعني إنك تقرأ آية واحدة بتدبر وتأمل وفهم وتعمل بها أفضل من إنك تختم القرآن كله من غير ما تكون فاهم ولا واعي أي شئ من اللي بتقرأه !!
ولذلك كان بعض الصالحين يقول :
[ آية لا أتفهمها ولا يكون قلبي فيها، لا أعد لها ثوابا !]
✍ قال الإمام ابن القيم رحمة الله في مفتاح دار السعادة :
[ لو علم الناس ما في قراءة القرآن بالتدبر، لاشتغلوا بها عن كل ما سواها ؛ فقراءة آية بتفكر خير من ختمة بغير تدبر وتفهم، وأنفع
للقلب، وأدعى إلى حصول الإيمان وتذوق حلاوة القرآن ]
فمتخليش تفكيرك وهمّك كله في عدد الختمات، مش مهم هتختم كام مرة

🟢 المهم هو قلبك هيدخل فيه كام آية من القرآن ويتعلق بيها ؟؟؟

🟢 المهم هو هتقرّب من ربنا قد إيه بسب القرآن ؟؟؟

🟢 المهم هو حياتك كام حاجة هتتغير فيها بسبب القرآن ؟؟
عايزين نخرج من رمضان متعلقين بكل سورة من القرآن

فلو قولتلك انطباعك عن السورة ديه إيه؟، يكون في قلبك مشاعر ومعاني ناحيتها يكون فيه بصمات سابتها السورة على قلبك
يكون فيه آيات منها أصبحت شعارات تعيش بها حياتك



#يتبع غداً بإذن الله
#رمضان_آخر_روقان
#مصطفى_زايد
#افتح_لي_قلبك

https://bit.ly/3jlHlO7

‏يا لِعذوبة قول ابن رجب - رحمه الله-:
"فمن كان الله أنيسه في خلواته في الدُّنيا فإنه يُرجىٰ أن يكون أنيسه في ظلمات اللّحود إذا فارق الدُّنيا "
يارب حلاوة الأُنس بك!
قيام الليل أنسٌ للمستوحشين ووطنٌ للمغتربين.

#قيام_الليل

••

كثير من الناس إذا سمع السكينة والخشوع في الصلاة لا يقع في خاطره إلا تخيل الخشوع في القيام والتقيد بعدم الحركة، ويغفل عن لحظات من أكثر هيئات الخشوع بهاء وجلالًا، وهي التي تنفح هالة الإيمان حول المصلي، وفيها من ذوق الأدب أمام الله ما تتطامن له القلوب، وهي (لحظات الانتقالات بين الأركان) رفعًا وخفضًا بتمهل وتؤدة ووقار، فما أكثر ما ترى مصليًا يهجم مبعثرة أطرافه إلى السجود كأنما يرتمي منهكًا ويتقافز قائمًا كأنما هو محلول من عقال، ويركع كجارح يخطف طعامه مستوفزًا عجلان.

- إبراهيم السكران.

انتقل إلى رحمة الله الواسعة الرجل المُبارك م/ باسل محمد مؤنس مدير موقع إنَّه القرآن، نسأل الله أن يشفَّع فيه القرآن، ويجعل تلاواته ودروسه في ميزان حسناته ياربّ.

تم رفع كل الدروس التي قدمها م باسل مؤنس رحمه الله، تتضمن دروسه المرفوعة على تويتر.

• تجدون الروابط ساوند كلاود وتليجرام مرفقة في المنشور.
• نسأل الله أن يجعلها في ميزان حسناته وأن يشفع فيه القرآن ويجعله من أهل الفردوس الأعلى.
••

🌐ســاوند كـلاود
https://soundcloud.com/rifqahh/sets/sr7mjkmu59ii?si=374bae586c884e8a904da9ac19b4d067&utm_source=clipboard&utm_medium=text&utm_campaign=social_sharing

🌐تـليجرام
https://t.me/rifqahrecordings/742

🌐 تــلاوات 1
https://on.soundcloud.com/5SsSZ7YN1AVmWhtQ9

🌐 تــلاوات 2
https://on.soundcloud.com/XS8MVtPfS5JNugiB6

فتح باب التسجيل | برنامج وريد "استثنائي"
⏳التسجيل متاح لـ 24 ساعة، ثمّ يُعَطّل الرّابط.

بسم الله، هذا مسار خيرٍ أتاكم، رحلة قرآنيّة مختلفة، في ثنايا جزء عمّ وآياته وأحداثه وما حَوىٰ! وَريد يَمُدُّك بالحَياة، أهلًا بالوَريد مجدّدًا

جدّدوا النّوايا، وأخلصوا القصد، الخطىٰ الثّابتة تحتاج قلبًا ثابتًا، وروحًا توّاقةً، وسيرًا لله لا يَميل!

https://t.me/+tmirw7v6QLc2MDg0

اللى مش هيلحق التسجيل يكتب على اليوتيوب برنامج وريد و يتابع اللقاءات كلها مسجلة بفضل الله و لكن القناة فيها فعاليات اكتر أكيد، برنامج وريد مهم و جميل اللى يلحق مش يضيع الفرصة..

2⃣0⃣

رمضان آخر روقان 🎆🌜

تابع قراءة قرآن .. بروقان..


✅ عايزك تقف مع آيات القرآن.. تفهم وتخرج بتوصيات، وبعدها تطبق عملي في حياتك .. يعني تخلي القرآن هو خُلقك وفعلك

❎ مش تقرأ {وبالوالدين إحسانًا} ، وتطلع تقول لأمك وأبوك إنتو دقة قديمة ومش بتفهموا حاجة ..!!

❎ مش تقرأ ﴿وَعَاشِرُوهُنَّ بِالْمَعْرُوفِ} ، وبعدها تطلع تزعق لزوجتك وتهملها وتعاملها أسوأ معاملة ..!!

❎ مش تقرأ {فامشوا فِي مَنَاكِبِهَا وَكُلُوا مِن رِزْقه}، وبعدها تخرج تجري على الدنيا جري الوحوش وتتكالب عليها

❎ مش تقرأ {إِنْ مَعَ الْعُسْرِ يُسْرًا ﴾، وانت لسه قاعد حزين ومهموم وشايل مشاكل الدنيا كلها فوق كتافك !!

❎ مش تقرأ ﴿ هُوَ عَلَيَّ هَيِّنٌ }، وترجع تقول ده مرضي صعب وملهوش علاج !! أنا فقير ومستحيل هقدر أتجوز !!

❎ مش تقرأ {قل اللهُ يُنجِيكُم مِّنْهَا وَمِن كُلِّ كَرَّب}، وتسئ الظن بالله في كل أزمة تقع فيها وتقول أنا ضعت خلاص !!

فين بقى أثر القرآن في حياتك ؟؟
فين كل الختمات اللي قرأتها ؟؟!

انسی بقى كل اللي فات
وإبدأ حياة جديدة تماماً مع القرآن ..

وهنقسم النصائح في موضوع القرآن إلى ٤ عناصر :

• أولاً : القراءة

⭐️ لو عرفت تخلي القرآن هو رقم واحد في أولوياتك في رمضان قبل أي شئ تاني فافعل .. خليه شغلك الشاغل أطول وقت ممكن في الشهر ده.. خليه صاحبك ورفيقك في كل زمان ومكان .. أكثر حاجة تركز
عليها طول رمضان هي القرآن ..

⭐️ خصص وقت مناسب للقراءة ، وليكن مثلاً بعد كل صلاة .. المهم تحاول إنه وقت يكون ذهنك فيه صافي ومهيئ نفسياً زي ما اتفقنا
وأي حد بيزهق بسرعة، ممكن يوزع الكمية اللي هيقراها على أوقات الصلوات الخمس لو خصص (١٥) دقيقة بعد كل صلاة ..هيكون قرأ على آخر اليوم ٧٥ دقيقة، وده وقت كويس جداً للمشغولين .

⭐️ جدد وضؤك لو تقدر قبل ما تبدأ قراءة، واستخدم السواك، وحاول تستقبل القبلة ، وابدأ بالاستعاذة ثم البسملة، واستحضر في نيتك فضل وثواب قراءة القرآن .

#يتبع غداً بإذن الله
#رمضان_آخر_روقان
#مصطفى_زايد
#افتح_لي_قلبك

https://bit.ly/3jlHlO7

2⃣1⃣
رمضان آخر روقان 🎆🌜
تابع قراءة قرآن .. بروقان..

⭐️ حرك لسانك أثناء القراءة، لأن قراءة العين لا تجزئ، وخلّي صوتك وسط، لا عالي أوي فتتعب وتشوش على اللي حواليك، ولا
منخفض أوي فتمل وتنام، وكذلك سرعتك وسط، لا سريعة أوي ولا بطيئة أوي .

⭐️ للقرآن هيبة ووقار، فاستحضر في قلبك إن ده كلام الله، يعني ربنا الملك الجليل بيكلمك وبيخاطبك إنت، هل هتسمع لكلامه بقلبك ؟؟ ولا هتغفل وتسرح وتفكر في غيره؟؟

⭐️ ومن تعظيم القرآن في قلبك إنك إذا بدأت قراءة متحاولش تلتفت لأي حد، ماتقطعش قراءتك بالكلام مع فلان وفلان .. ولو حد عايز يكلمك، شارور له بإيدك واعتذر له
ومن عدم احترامك لكلام ربك إنك تقرأ آيتين وبعدين تبص على الفيس والتويتر و... وبعدين ترجع تقرأ آيتين، وبعدها تمسك الموبايل وهكذا
عظم کلام ربك اللي بتقرأه علشان تلاقي له تأثير في قلبك

⭐️ ياريت لو تشتري مصحف جيب صغير يكون معاك في شنطتك على طول، لأن عن تجربة ناس كتير، إحساسك وإنت ماسك المصحف في إيدك وبتقرأ فيه
غير وإنت ماسك الموبايل وبتقرأ منه خاااااااااااااالص !!
ولو عايز تقرأ من الموبايل ، فاقفل الشبكة والنت زي ما قولنا قبل كده علشان تعرف تركّز ومفيش حاجة تقاطعك

⭐️ لازم تكون واثق وإنت بتقرأ إن القرآن هو طريق التغيير الأكيد وفيه الحل لكل مشاكل حياتك ..جرب تسقط الآيات على حياتك واللى بيحصلك وتشوف فيها الحل لمشاكلك أو لأي شئ متعسر قدامك
لازم تغيّر نظرتك للمصحف على إنه مجرد كتاب بتاخد حسنات لما تقرأه !!! إنسى النظرة دي تمااااما !!

✅ ربنا عزوجل قال عن القرآن {رُوحًا مِنْ أَمْرِنَا} .. فإبدأ اتعامل مع القرآن على إنه هو اللي هيرجع لك روحك هو اللي هيحيي قلبك .... هو اللي هيصلح أمور حياتك كلها

✅ ربنا عزوجل قال عن القرآن إنه {شفاء لما في الصدور}، فابحث وإنت بتقرأ عن السعادة والراحة .. ابحث عن أمراض قلبك اللي تعباك، وهتلاقي دواها وشفاءها في آيات القرآن .

✅ ربنا قال عن القرآن إنه "نور" و "هدى"، فحاول تخلي آياته تنوّر لك قلبك وتهديك وترشدك للطريق الصح في حياتك..

📝 جرب كده وإنت بتقرأ القرآن يكون جنبك ورقة وقلم وكل خاطرة تجيلك أو حاجة تفهمها من الآيات تسجلها..دي من أهم النقط اللي هتحببنا في القرآن وتحسّن علاقتنا به..
اقرأ الآية ، وأقف شوية عندها تشوفها بتتكلم عن إيه ؟؟ وحاول وطلع الدروس المستفاده منها على قد ما فهمت وحسيت، واطلع من الدروس دي بواجبات عملية وحاول تطبقها في حياتك

🟢 جرب تكتب عن إحساسك ناحية الآيات .. الآية دي فرحتك وبشرتك، والآية دي خوّفتك، والآية دي شوّقتك، ودي زوّدت يقينك ودي رجعت لك الأمل .. وهكذا

🤎 جرب كده تعمل الحاجات دي وبإذن الله هتستمتع بكل آية وكل لحظة مع القرآن ..
اعمل كده في كل مرة تقرأ فيها القرآن وشوف النتيجة هتبقى رائعة إزاى
هتدوق حلاوة القرآن بجد وهتعرف ساعتها إن القرآن ميتشبعش منه أبدًا كما قال سيدنا عثمان رضى الله عنه:
[والله لو طهرت قلوبكم ، ما شبعت من كلام ربكم ]

📢وطبعا لازم تصبر على الفهم والتدبُّر .. مفيش حاجة بتيجي من أول مرة بسهولة فاصبر وبإذن الله هتلاقى أثر القرآن في قلبك وفي القرب من ربنا والحياة بمعانى إيمانية جميلة إنت مكنتش حاسس بيها قبل كده

⭐️ حاول تتفاعل مع القرآن ..تتفاعل مع الآيات زي ما حبيبك النبي صلى الله عليه وسلم كان بيتفاعل معاها يعني أثناء القراءة هتعدي عليك آيات رحمة وآيات فضل وآيات نعيم أقف عندها وارفع يديك واسأل ربك إنه يرزقك من فضله
وهتعدي عليك آيات وعيد وعذاب وتخويف أقف عندها واستعيذ بالله من عذابه واسأل ربك النجاة والسلامة

⬅️ لما تمرّ بآية عن الصادقين أو المتقين، تقول "اللهم اجعلني منهم"

- لما تقرأ ( سَبِّح اسْمَ رَبِّكَ الأَعْلَى)، تقول "سبحان ربي الأعلى"

- لما تقرأ (فَبِأَيِّ آلَاءِ رَبِّكُمَا تُكَذِّبَانِ )، تقول "ولا بشيء من نعمك ربنا نكذِّب، فَلَكَ الحمد"

- لما تقرأ (أَلَيْسَ ذَلِكَ بِقَادِرٍ عَلَى أَن يُحْيِيَ الْمَوْتَى)، تقول بَلَى قادر
(أَلَيْسَ اللهُ بِأَحْكَمِ الْحَاكِمِينَ) ، تقول "بلي" .. وهكذا .

⬅️ ولو مريت على قصة من قصص السابقين أقف عندها وشوف هما عملوا إيه ؟ شوف إيه العبرة والموعظة منها ؟ وليه ربنا ذكر القصة دي وخلّدها في كتابه ليوم الدين ؟

⬅️ ولما تمرّ على اسم من أسماء الله الحسنى، فاعرف إن ربنا عزوجل بيعرفنا بنفسه .. أقف مع الموضع اللي اتذكر فيه وعيش معناه بقلبك
وشوف الاسم ده ممكن يغير إيه في حياتك
وخليك على يقين تام إن القرآن هو أكتر حاجة ممكن تعرفك بربنا عزوجل .. فتدبر في الآيات اللي بتوصف المولى تبارك وتعالى وعظمته
وقدرته وحكمته ورحمته وكرمه

⭐️ كرّر الآيات اللي تلاقيها لامست قلبك مرة واتنين وعشرة..كرر الآيات اللي بتأثر فيك لحد ما قلبك يلين، ويا سلام لو عصرت عينيك
علشان تبكي وتخشع لكلام الله اللي لو نزل على جبل هيخشع ويتشقق من خشية الله !

#رمضان_آخر_روقان
#مصطفى_زايد
#افتح_لي_قلبك
https://bit.ly/3jlHlO7

2⃣2⃣
رمضان آخر روقان 🎆🌜
تابع قراءة قرآن .. بروقان..

ثانياً التفسير:

🟢 لازم تخصص وقت ثابت يوميًا تقرأ فيه في التفسير علشان تفهم اللي إنت هتقرأه واللي هتسمعه في التراويح ..بجد متعة ولذة جميلة جداً إنك تفهم القرآن وتتذوق معانيه وتعرف بعض من أسراره التي لا تنتهي
وكل التفاسير هتلاقيها موجودة على النت، وأوصيك بكتاب (زبدة التفاسير)من أفضل الكتب المبسطة في التفسير

🟢 لو مش بتحب القراءة في الكتب و بتحب تسمع وعايز تشغل وقتك بحاجة مفيدة اسمع دروس تفسير القرآن البسيطة السهلة زي دروس الدكتور محمد علي يوسف أو الدكتور أحمد عبد المنعم وغيرهم كثير

ثالثاً : الحفظ :

🟢 جرب تحفظ ولو آيتين كل يوم، بس إنت واظب واستمر .

🟢 الأفضل طبعاً إنك تحفظ مع حد سواء في مسجد أو مع أصحابك أو حتى مع اخواتك في البيت علشان تشجعوا بعض، ويبقى في إلتزام
بجد بأجزاء ومواعيد محددة !!

🟢 أقرأ من حفظك في صلاتك وجدّد مع كل حفظ .. لأن من أفضل الطرق اللي الكل جربها في التلذذ بالقرآن وتثبيت حفظه في نفس الوقت، هي الصلاة به

رابعاً : السماع

🟢 حمّل القرآن على موبايلك بصوت الشيخ اللي بتحبه، وأوصيك بالشيخ ماهر المعيقلي، ولو مش مركّز أو مش لك نفس إنك تقرأ، خلّي
الموبايل شغال قرآن على طول وعيش بقى مع الجمال والمتعة .
جرب كده تخلي الهاند فري دايما في ودانك شغالة قرآن صدقني هتبقى مدمن قرآن وهتنسى الأغاني وتكرهها

🟢 لما تكون تعبان ومخنوق ومكتئب ومش عارف تعمل إيه، جرب كده تدخل أوضتك وتطفي النور وتشغل قرآن، واقعد اسمع كده، وشوف بعدها راحتك واطمئنان قلبك ونفسيتك هتبقى شكلها إيه ! هتدعيلي بإذن الله

٣_صيام ....بروقان

📢الصيام عبادة ملائكية .. بتخليك شبه الملائكة یعنى بتتجرد وتترك كل متع الدنيا الأساسية، مفيش أكل ولا شرب ولا شهوة .

✅ والصيام عبادة فيها كل معاني الحرّية، بيحرر فيها الإنسان روحه من قبضة الطين اللي بتجذبه لشهوات الأرض، يعني الصيام بيخليك حر، مش أسير ولا عبد لأي شهوة مهما كانت، بيخليك عبد خالص لله.

✅ والصيام الحقيقي يعني إمتناع عن كل حاجة تغضب ربنا سواء فعل أو قول أو حتى نيّة لا ترضي الله .

✅ الصيام الحقيقي يعني اخلاص ومراقبة وحب وتعظيم وامتثال وحمد وشكر وقمة العبودية لله عزوجل .

🤎 الصيام الصح = إنك تصوم بقلبك قبل جوارحك .

🤎 ف القلب الصائم : قلب صايم عن التعلق بالدنيا، معرض عن الهمم الدنيئة والأفكار التافهة طلباً للنعيم الأعلى والراحة الدايمة في
الآخرة ..

🤎 القلب الصائم قلب مشغول وبيفكر في الآخرة، وإيه اللي هيقوله لربنا عزوجل لما يقف بين إيديه ؟؟

وخد شوية النصايح دي لعلها تنفعك بإذن الله:

🍴اتسحر سحور خفيف علشان بطنك متتعبكش أثناء الصيام، وفي نفس الوقت حاول يكون مُغذي وبيديك طاقة علشان تقدر تبذل مجهود في شغلك وعبادتك وإنت صايم
_زي إيه ؟؟
زي الألياف اللي موجودة في أغلب الخضروات والفاكهة وأشهرهم التمر.. وياريت بلاش الحوادق الشديدة زي الجبنة الحادقة
والمخللات، أو الحاجات اللي فيها سكريات شديدة زي الكنافة والبسبوسة والقطايف علشان جسمك بيحرقها بسرعة وهتعطشك جامد جدا !!

🍴بلاش كلام كتير مع أي حد، علشان اللي بيتكلم كتير لازم هيغلط كتير، وخلّي لسانك مشغول بذكر الله أفضل !!

🍴أي حد ينرفزك أو يحاول يستفزك أو يغضبك فامسك نفسك، واوعى تتكلم وترد عليه، واسكت خالص خالص
زي ما النبي ﷺ قال : ( إذا غضب أحدكم ؛ فليسكت ) .. ولو هترد، تقول زي ما النبي ﷺ علمنا : " إني صائم" ...

🍴بلاش خروج كتير إلا للضرورة، علشان تحافظ على صيامك من الفتن اللي في كل مكان حواليك، وكمان علشان متخرجش في الحر فتتعب وتعطش، وتعرف توفر طاقتك ومجهودك بقدر الإمكان للطاعة والعبادة .



#يتبع غداً بإذن الله
#رمضان_آخر_روقان
#مصطفى_زايد
#افتح_لي_قلبك

https://bit.ly/3jlHlO7
.

﴿إِن تُعَذِّبۡهُمۡ فَإِنَّهُمۡ عِبَادُكَۖ وَإِن تَغۡفِرۡ لَهُمۡ فَإِنَّكَ أَنتَ ٱلۡعَزِیزُ ٱلۡحَكِیمُ﴾ [المائدة ١١٨]

م.باسل مؤنس رحمه الله

بفضل الله تم عمل بوت أرشيفي لكل ما قدمه م. باسل مؤنس رحمه الله يتضمن ( تلاوات - مجالس - أدعية ) وغيرها من الأقسام..
سـائلين المولى أن يجعلها في ميزان حسناته

🌐 البوت:
@BaselMoanesBot

🌐 رابط للنسخ:
https://t.me/BaselMoanesBot

انشروه يا كرام

اختير وقت الضحى لصلاة ركعتين لأنه وقت غفلة، فمن الناس من يسعى في كسب قُوته؛ وهم المحتاجون، ومنهم من يضيعه في لهو أو نوم؛ وهم المستغنون، ومن قواعد الشريعة: أن العمل يعظم مع الغفلة عنه.

صلاة الأوّابين، فَكُن سباقاً لِربكَ أواباً 🤍

2⃣3⃣
رمضان آخر روقان 🎆🌜

تابع صيام .. بروقان..

🍴كل ما تحس بجوع أو عطش أو تعب وإرهاق، صبر نفسك إنك بتعطش النهارده علشان تتروي يوم العطش الأكبر وتهرب من عطش النار.. النبي ﷺ قال إن صيام يوم واحد بيبعدك عن النار ٧٠ سنة
فلو يوم الصيام ١٦ ساعة، يبقى كل ساعة صيام بتبعدك "٤ سنين" عن نار جهنم.. فـ صبر نفسك

🍴وكل ما تحس بجوع أو عطش أو تعب وإرهاق، إفتكر قول الله عزوجل في الحديث القدسي : ( يَدَعُ شهوته من أجلِي ) و بص للسما وابتسم وقول في سرك " كله من أجلك ياربي، هستحمل علشانك ياربي بس إنت ترضى وتتقبل يا حبيبي يا الله" وساعتها هتلاقي كل التعب راح واختفى بفضل الله

🤎 وكل ما تقابلك فتنة ونفسك تميل لها .. أغاني، أفلام، مواقع، بنات، غيبة،نميمة، مال حرام .. إلخ قاوم وجاهد نفسك وشهوتك
وافتكر كلمة "من أجلي" .. وقول لنفسك هصبر وهستحمل، وكل حاجة هتهون علشانك يا ربي

🍴قبل المغرب تكون في المسجد، ومعاك تمر تفطر عليه وتفطَّر عليه الناس و طبعا تصلّي المغرب الأول جماعة، وبعدين تروح تكمل أكل في البيت

4⃣ صلاة .. بروقان..

🤎 الصلاة هي حياتك، هي راحتك، هي سعادتك، هي قرة عينك، صلتك بربك، وعلشان كده لازم تكون محافظ عليها على أكمل وجه
علشان تقربك من حبيبك عزوجل

⬅️ وربنا سبحانه وتعالى شَرَع الصلاة تقريبًا في كل أمور الحياة ..فهنلاقي عندنا صلاة التوبة وصلاة الاستخارة وصلاة العيد وصلاة
الاستسقاء وصلاة الكسوف والخسوف وصلاة الجنازة وصلاة قضاء..وده أكبر دليل على أهمية الصلاة وتأثيرها واحتياجنا لها في كل حاجة في حياتنا

⬅️ والنبي ﷺ كان إذا حصل له أي أمر أو أفزعه في أي وقت، لجأ إلى الصلاة

وإنت كمان لو تعبان أو مهموم، قوم صلي

🤎 لما تكون تايه ومش عارف تعمل إيه وتروح فين ؟؟!
أول وأهم حاجة تعملها إنك تلجأ لربك ومولاك وتقوم تصلي وتحكيله .. حتى لو مش عارف إنت هتقول إيه
بالظبط ! صدقني هترتاح جدًا وتلاقي الدنيا نوّرت.

✅ وفي رمضان عندك صلوات الفرائض
والنوافل اللي تقدر تكون بها من
السابقين إلى الله عزوجل لو أقمتها حق
إقامتها .

وخد شوية النصايح دي لعلها تكون سبب في استمتاعك بالصلاة واقامتها حق اقامتها بإذن الله:

🕌 علشان تروح للصلاة بقلب مشتاق، لازم تحب الصلاة، وتعرف قيمتها وأهميتها في حياتك وفضلها وثوابها عند الله، وتعظم قدرها في قلبك، لو عرفت قدر الصلاة وحبيتها مش هتبطل صلاة !، وياريت لو تقرأ كتابي ( جرب تقرّب ) هيفيدك في الموضوع ده بإذن الله .

🕌 الخشوع في الصلاة هو روح الصلاة، و الخشوع ببساطة هو إنك تلاقي في قلبك لين ورقة وهدوء .. إن ييجي في قلبك خوف من النار وشوق للجنة .. إن الآيات اللي بتقرأها تلامس قلبك وتحس بالحنين والقرب من ربنا

وطبعاً موضوع الخشوع كبير ويطول شرحه هنا فأنصحك بكتابي ( جنّة الدنيا ) هتلاقي فيه شرح بسيط لكيفية الخشوع، ووسائل عملية للوصول الخشوع في الصلاة بإذن الله

🟢 وعلى ما تحمل الكتاب وتقرأه هذكرلك بعض النقاط اللي ممكن تساعدك على الخشوع بفضل الله:

1⃣ من أهم وسائل الخشوع في الصلاة إننا نزرع حب الله في قلوبنا، لحد ما يبقى شجرة متفرعة في كل مكان في قلبك

ولما حب الله يملا قلوبنا ، ساعتها هتتغير صلاتنا جذرياً !

🤎 ساعتها هتجري على الصلاة جري لأنك رايح لحبيبك..
🤎 ساعتها هتنتظر معاد الصلاة بالدقيقة لأنه معاد مقابلة حبيبك..معاد اللقاء والقرب ومناجاة حبيبك
🤎 ساعتها هتحضّر قلبك وعقلك وتركز بكل طاقتك وتبقى حاسس بكل كلمة بتقولها لحبيبك وكل حركة بتعملها
🤎 ساعتها مش هتمل ولا هتزهق ولا هتتعب مهما طال اللقاء بينك وبينه لأن مشاعر الحب بتطغى على كل ده
🤎 ساعتها بس هتفهم ليه فيه ناس بتقف تصلّي بالساعات يومياً وبتبقى في عالم تاني أثناء الصلاة ..
طيب ... نزرع حب ربنا في قلوبنا إزااااي ؟؟
الجواب بكل بساطة : بإننا ......

#يتبع غداً بإذن الله
#رمضان_آخر_روقان
#مصطفى_زايد
#افتح_لي_قلبك

https://bit.ly/3jlHlO7
.

📌 محاضرة ( *فقه الصيام* )
للشيخ *علاء حامد*

ركان الصيام و شروط وجوب صيام رمضان

ما هى أركان الصيام ؟

هل يجب صيام شهر رمضان على كل المسلمين ؟

و كيف يثبت دخول شهر رمضان ؟

و هل يجب أنوي الصيام كل ليلة أم تكفى نية واحدة ؟

#تبسيط_الفقه
#الفقه_الميسر
#فقه_الصيام 1⃣
دورة فقه الصيام من كتاب الفقه الميسر (الدرس الأول)
م علاء حامد

*محاضره مهمه جداااااااا* وفى ناس كتير معندهاش *الفقه* بخصوص *الصيام*

# *ابعتوها لغيركم* وجعله الله في ميزان حسناتكم 🍃

*لا تَجلِس فارِغًا* ..
🌿🌿

اسْتَغفِر، سَبّح، هَلّل، كَبّر، حَوقِل

صل على النبى ﷺ

*لاتَغفَل* .