***
Qulluq qil demasman,
Yurt tuprog'in o'p.
Unga Qullar emas,
Fidolar kerak.
Uning sen-u mendek shoirlari ko'p,
Buyuk elga endi daholar kerak.

Qaddingni baland tut!
Bo'lma serta'zim!
Cho'qqi bo'lolmasang,
Mahkam qoya bo'l!
Pillapoya bo'ldim,
Senga azizim,
Sen ham gal kelganda
Pillapoya bo'l...

©Erkin Vohidov

@Taqdir_bitiklari ☕️

Juma ayyomingiz muborak aziz dindoshim! 🕌🌙

Yaqinlaringizni Sayyidul Ayyom bilan qutlang🌙

@Taqdir_bitiklari ☕️

@Superxotira 🧠

Bu dunyodagi eng og'ir ish – o'zingni tergash. Sud qilib, hukm chiqarish – o'zgalarni sud qilishdan ko'ra ming karra qiyinroq.
Agar o'zingni to'g'ri sud qila bilsang, demak, chindan ham donishmand odam boʻlib chiqasan.

©Antuan de Sent-Ekzyuperi "Kichkina shahzoda"

@Taqdir_bitiklari ☕️

12 yoshli jajji o‘quvchim Zebo shoir Muhammad Yusuf she‘rini o‘qibdi.

Ajoyib, menga yoqdi. O‘zi shu qizchada "talant" bor. 😊

@Taqdir_bitiklari ☕️

Bugun shanba. Soat 14:40.

Yurtimizga qish kelmoqda!
Gaz zapravkada navbat kutib turibman. Miyamda bir fikr aylanyapti:

– Dushanba kuni ishimga kech qolmay yetib olsam...

@Taqdir_bitiklari ☕️

Xurshid Rasulov qo‘shiqlarini judayam yaxshi ko‘raman. Ayniqsa buni:

Nega sendan kechib bo‘lmaydi.

Qo'lim tegsa so'ladiganday
Gulim seni quchib bo'lmaydi.
Tegsam birga bo'ladiganday
Nega sendan kechib bo'lmaydi?

Yuragingga solmoqqa g'ulu
Kechaman deb ont ichdim suluv.
Qasamlardan kechish mumkin-u,
Nega sendan kechib bo'lmaydi?

Ko'zim yumsam ko'zlaring aksi
Jilolanar parilar raqsi.
Yaxshimiding, shunchalar yaxshi?
Nega sendan kechib bo'lmaydi?

Kechib ketsam sahroga, qirga,
Osmon qulab tusharmi yerga?
Birga bo'la olmasak, birga
Nega sendan kechib bo'lmaydi?

Sehring zo'rmi ont-u, qasamdan
Qaytarmay tur shasht-u sazamdan.
Juda oson kechding A'zamdan,
Nega sendan kechib bo'lmaydi?

🎵Xurshid Rasulov qo‘shig‘idan

@Taqdir_bitiklari ☕️

Jajji qizchaning kutilmagan javobidan ichim negadir muzlab ketdi...

P.S: Bu tuyg‘uni hamma ham anglayvermaydi. Unga ko‘zingiz tushganda yuragingiz jimirlab ketadimi, demak siz haqiqiy farzandsiz!

@Taqdir_bitiklari ☕️

Qachonki qizlar uchrashuvga chiqish uchun pardoz qilishsa..)

@Taqdir_bitiklari ☕️

Bolaligimda televidiniyada yangi yil haftaligini orziqib kutardim.

Chunki, har kun elflar, qorbobo va yangi yil haqidagi sehrli multik va kinolar namoyish etilardi.

Hozir o‘ylab qarasam, televizorni bunday o‘tirib ko‘rganimga ham yillar bo‘libdi (futboldan tashqari). Negadir yangi yil ham bolalikdagidek emas...

Eh, o‘shal damlar, o‘shal damlar!

@Taqdir_bitiklari ☕️

Kattalar hech qachon oʻzlaricha biron narsani tushuna olmaydilar, ularga hadeb hijjalab tushuntirib beraverish esa oxir-oqibat bolalarning ham joniga tegib ketadi.

©Antuan de Sent-Ekzyuperi "Kichkina shahzoda"

@Taqdir_bitiklari ☕️

– Xoʻsh, “qoʻlga oʻrgatish” degani nima?
– Bu allaqachonlar unut boʻlib ketgan tushuncha, – deb tushuntirdi Tulki. – Bu degani – rishta bogʻlamoq demakdir.
– Rishta bogʻlamoq?
– Xuddi shunday, – dedi Tulki. – Hozir sen men uchun dunyodagi oʻzingga oʻxshagan yuz ming bolaning birisan, xolos. Hozircha sen menga kerak emassan, men ham senga kerak emasman. Men ham senga hozir dunyodagi yuz minglab tulkining biriman, xolos. Ammo bordi-yu sen meni qoʻlga oʻrgatsang, ikkimiz bir-birimizga kerak boʻlib qolamiz. Sen men uchun dunyodagi yagona odamga aylanasan. Men ham sen uchun dunyoda yagonaga aylanaman...

©Antuan de Sent-Ekzyuperi "Kichkina shahzoda"

@Taqdir_bitiklari ☕️

So‘zlar bir-birimizni anglashimizga halaqit beradi xolos.

©Antuan de Sent-Ekzyuperi "Kichkina shahzoda"

@Taqdir_bitiklari ☕️

– Siz chiroylisiz, lekin ichingiz bo'm-bo'sh. Fido bo'lishga arzimaysiz...

©Antuan de Sent-Ekzyuperi "Kichkina Shahzoda"

@Taqdir_bitiklari ☕️

– Odamlar bir haqiqatni unutdilar, – dedi Tulki, – ammo sen aslo yodingdan chiqarma: Kimniki qoʻlga oʻrgatgan boʻlsang, uning taqdiriga xamisha javobgarsan.

©Antuan de Sent-Ekzyuperi "Kichkina shahzoda"

@Taqdir_bitiklari ☕️

***
Togʻlarni vahima bulutlar bosdi.
Soylarda
Sel oqdi
Oʻynab toshlarni.
Bogʻlar
Gulli bagʻrin
Olamga yozdi –
Orzular chulgʻadi
Telba boshlarni.

Yurakning toʻlgʻongan mamlakatida
Maysalar koʻkardi
Ruhimni oʻrab...
Sen hamon sevgining halokatida
Turibsan –
Kuzakdan jonimni soʻrab.

©Usmon Azim

@Taqdir_bitiklari ☕️

Aslida televizor ko‘rmayman umuman, kino ham deyarli (futboldan tashqari). Ammo bir serial bor-ki, qalbimdan chuqur o‘rin egallab ulgurgan.

Undagi obrazlar ham, xarakterlar ham juda ma‘qul kelgan menga. Barchasi o‘ziga xos. Unda siyosat ham, ibrat ham, do‘stlik ham, sevgi ham yuqori saviyada ko‘rsatilgan. Qanchalik jiddiy bo‘lmasin, yumor ham ko‘p uchrab turadi. Bu esa komik filmlardagidan-da kulguliroq bo‘ladi.

📽 Serial nomi: "Qashqirlar makoni"

@Taqdir_bitiklari ☕️

Juma ayyomingiz muborak aziz dindoshim! 🕌🌙

Yaqinlaringizni Sayyidul Ayyom bilan qutlang🌙

@Taqdir_bitiklari ☕️

Oʻlgin deding - yerga koʻmding -
Ildiz boʻldim.

Koʻkka otding - yoʻq boʻl deding
Yulduz boʻldim

Tilim kesding - tilim aytdi
Rost kalima...

Qiyin boʻldi senga shoʻrlik
Dushmanim-a?!

Dushmanim-a toshlar otib
Toʻymaydursan.

Tuproq boʻlay, desam, nega
Qoʻymaydursan?..

©Usmon Azim

@Taqdir_bitiklari ☕️

– Xayr, yaxshi qol... – dedi u.
– Xayr, yaxshi bor, – dedi Tulki. – Mana senga aytmoqchi boʻlgan sirli gapim: faqat koʻngil koʻzigina ochiq, eng asosiy narsani koʻz bilan koʻrolmaysan.
– Eng asosiy narsani koʻz bilan koʻrolmaysan, – deb takrorladi Kichkina shahzoda, bu hikmatni eslab qolish uchun.

©Antuan de Sent-Ekzyuperi "Kichkina shahzoda"

@Taqdir_bitiklari ☕️