#Июль22, 23 #кожуунНаадым #Танды
Чеңи-чок даараарынга шеверлер мөөрейиниң түңнелдери

Бирги черни Арыг-Бажындан Анжела Сергеевна Ооржак, ийиги черни Межегейден Айлаң Очур-ооловна Ондар база үшкү черни Азияна Михайловна Тюлюш олар чаалап алганнар.
Шеверлер мөөрейинге идепкейлиг киржилгези база бедик мергежили дээш Роза Сандый-ооловна Оюнга, Раиса Сандый-ооловна Оюнга, Дина Шуруновна Кууларга, Аржаана Васильевна Монгушка, Снежана Саяновна Холбаажыкка, Тамара Николаевна Оюнга, Оксана Одаг-ооловна Монгушка тускай шаңналдарны тывыскан.

#Июль22, 23 #кожуунНаадым #Танды
Таңды кожууннуң Наадымынга тураскааткан республика чергелиг хүреш маргылдааларының түңнелдери.

Тыва Арат Республиканың тургустунганындан бээр 101 чыл болганы-биле холбаштыр Таңды кожууннуң Наадымынга 101 мөге хүрешкен. Аңаа Эрзин кожууннуң төлээзи, Тыва Республиканың Начын мөгези Баасан Баткар шүүлгеш, мотоцикл-биле шаңнаткан. Тес-Хем кожууннуң төлээзи, Тыва Республиканың Чаан мөгези Сайын-Белек Тюлюш үжүүрлешкеш, шары-биле шаңнаткан. Хүреш маргылдаазының үшкү, дөрткү черлерин Таңды кожууннуң төлээзи Тайлун Оюн база Чөөн-Хемчиктиң мөгези Мөңге-Эртине Куулар тус-тузунда чаалап ап, кайызы-даа 15 муң рубль шаңналдарга база кожуун чергелиг "Начын мөге" атка төлептиг болганнар.

#Июль22, 23 #кожуунНаадым #Танды
Тыва национал хөл-шыдыраага маргылдааның түңнелдери.

Маргылдааларга ниитизи-биле 13 ойнакчы киришкеннер. Херээжен аразынга бирги черни Бай-Хаак ортумак ниити-билиг школазының башкызы Чинчи Көгүй-Маадыровна Бүрбү чаалап алган. Ийиги база үшкү черлерни Кочетово сумунуң ФАП-тың акушери Солаңгы Петровна Оюн болгаш Бай-Хаак ортумак школазының 9-классчызы Хандыжаана Анатольевна Өндүр чаалап алганнар.
Эр улус аразынга Владимир Константинович Балчий тергиин шыдыраа ойнакчызы болган, ийиги черге Алдын Александрович Куулар, үшкү черге Даш-оол Кыстаевич Ондар олар төлептиг болганнар.