#foydali

​​​CTRL + A dan Z gacha bo'lgan kombinatsion funksiyalarni o'rganamiz!

😀 Kompyuter klaviaturasidagi Ctrl tugmasi bilan bog'liq amallar ish faoliyatimizda juda as qotadi.

Orangizda hechbo'lmasa Ctrl+C va Ctrl+V amallarini ishlatadiganlar albatta topiladi. Lekin boshqa harflar bilan amalga oshiriladigan funksiyalarni bilasizmi?

Keling, @Talimuz✅️ kanalidan olib shular haqida ma'lumot beramiz:

• Ctrl+A = Barchasini belgilash;
• Ctrl+B = Matnni qalin qilish;
• Ctrl+C = Matnni nusxalash;
• Ctrl+D = Duplikat qilish (PowerPoint’da obektlarni ikkitalash);
• Ctrl+E = Matnni markazga joylash;
• Ctrl+F = Izlash;
• Ctrl+G = Guruhlash (PowerPoint’da);
• Ctrl+H = O’rniga qo’yish (Word);
• Ctrl+I = Kursiv yozish;
• Ctrl+J = Matnni sahifa eni bo’yicha yoyish (Word);
• Ctrl+K = Giper havola yaratish (Word, Telegram);
• Ctrl+L = Matnni chapga joylash;
• Ctrl+M = Yangi slayd (PowerPoint);
• Ctrl+N = Yangi sahifa (ko’p dasturlarda);
• Ctrl+O = Ochish (ko’p dasturlarda);
• Ctrl+P = Chop etish (ko’p dasturlarda);
• Ctrl+Q = Chiqib ketish (ko’p dasturlarda);
• Ctrl+R = Matnni o’ngga joylash;
• Ctrl+S = Saqlash (ko’p dasturlarda);
• Ctrl+T = Yangi vkladka ochish (Chrome);
• Ctrl+U = Matnni ostiga chizish;
• Ctrl+V = Joylash (Вставить) (ko’p dasturlarda);
• Ctrl+W = Barcha oynalarni yopish (ko’p dasturlarda);
• Ctrl+X = Ko’chirib olish (Вырезать) (ko’p dasturlarda);
• Ctrl+Y = Oxirgi amalni qaytarish (Ctrl+Z ni teskarisi);
• Ctrl+Z = Oxirgi amalni bekor qilish (ko’p dasturlarda).

Boshqalarga ham ulashing!

@talimationuz — TAʼLIM DOIMO MUHIM!

⚡️ 3 yil o‘qib bakalavr darajasini olish mumkin bo‘ladi

Amaldagi qonunchilik bo‘yicha ta’lim sohasidagi ayrim yo‘nalishlarda 3 yil o‘qib diplom olish imkoni bor.

🎓 Fevral boshida e'lon qilingan qarorga ko‘ra esa:

➖ professional ta’limdan so‘ng oliy ta’limni davom ettirish imkoniyatlarini yanada kengaytiriladi;

➖ 3 yillik ta’lim dasturlari asosida amaliy bakalavriat bo‘yicha kadrlar tayyorlash yo‘lga qo‘yiladi.

🔔 Izoh: hozircha aynan qaysi yo'nalishlar 3 yillik bo'lishi ainq emas.

@talimationuz — TAʼLIM DOIMO MUHIM!

👀 Kundalik hayotingizdan pozitiv energiya olib xursand boʻlish sirlari

▶️ Har kuni kun davomida boʻlib oʻtgan ijobiy narsalarni, voqealarni eslab yozib qoʻying.

▶️ Sovuq xabarlardan (TVda , internetda urush, zoʻravonlik, tabiiy ofatlar, qisqasi koʻngil choʻktiruvchi) uzoqroq yuring!

▶️ Faqat yaxshi xabarlar oʻqishga, tinglashga intiling! 

▶️ Hayotdan noliydigan, giybatchi, noshukur insonlar bilan kamroq iloji boʻlsa umuman gaplashmang!

▶️ Hayotingizdagi har bir qiyinchilikka kulib, dars, saboq deb qabul qiling. Har bir ishda hikmat bor.

▶️ Hayotga kulib boqing! Oʻz-oʻzidan yoʻllaringiz ochilib ishlaringiz yurishib ketganini sezmay qolasiz!

@talimationuz — TAʼLIM DOIMO MUHIM!

🚀 O'qish va yodlashni tezlashtiruvchi texnikalar

Ta'lim oluvchilar uchun eng katta qiyinchiliklardan biri - bu ko'plab ma'lumotlarni qisqa vaqt ichida o'rganish va yodda saqlashdir. Quyida samarali o'qish va yodlash uchun bir nechta usullar keltiriladi:

▶️ Pomodoro texnikasi: 25 daqiqali o'rganish orqali diqqatni jamlash va dam olish vaqtlarini belgilash mumkin.

▶️ Feynman usuli: Murakkab mavzularni oddiy tilda tushuntirish orqali o'rganish.

▶️ Mnemonik qoidalar: Yodlashni osonlashtirish uchun xotiraga yordam beruvchi qisqa va yodda qolarli so'zlar yoki jumla yaratish.

▶️ Kartochkalar: Asosiy tushunchalar yoki atamalarni tez-tez takrorlash uchun kartochkalar yaratish.

▶️ O'qish guruhlari: Bilimlarni muhokama qilish va tushunishni chuqurlashtirish uchun tengdoshlar bilan birgalikda guruh tashkil qilish.

👍 Bu usullardan foydalanish o'qish jarayonini yanada samarali va oson qiladi, shuningdek, imtihonlarga tayyorgarlik ko'rishda yordam beradi.

@talimationuz — TAʼLIM DOIMO MUHIM!

#davlat_dasturi2024

⭐️ “Besh tashabbus olimpiadasi” doirasida mukofot jamg‘armasi 600 million so‘m bo‘lgan tanlov va musobaqalar o‘tkaziladi

2024-yil 1-martdan boshlab mahalla, ta’lim muassasalari, korxona va tashkilotlar tizimida xorijiy tillar (“Ibrat farzandlari”) bo‘yicha tanlovlar, kibersport musobaqalari va “Zakovat” intellektual o‘yinlari tashkil etiladi.

💸 Mukofot jamg‘armasi: 600,000,000 so‘m

@talimationuz — TAʼLIM DOIMO MUHIM!

❓ O‘quvchi qancha og‘irlikdagi sumkani ko‘tarishi mumkin?

✅ Tadqiqotlarga ko‘ra, bola taqadigan sumkaning og‘irligi uning tana vaznining 10 foizidan oshmasligi kerak.

Masalan, O‘zbekistonda bolalar 7 yoshda maktabga chiqishadi va bu paytda ularning o‘rtacha tana vazni 23 kgni tashkil qiladi. Demak, ular uchun o‘rtacha 2,3 kgli sumka ko‘tarish me’yor hisoblanadi.

👦 10 yoshli bola (4-sinf o‘quvchisi) esa o‘rtacha 32 kg bo‘ladi. Uning sumkasi esa 3,2 kg atrofida bo‘lishi kerak.

Doimiy og‘ir sumka bilan maktabga qatnash bolaning orqa va bo‘yin qismida og‘riq, yelkasida esa noqulaylik hissiga sabab bo‘lishi, charchoq kuchayishiga olib kelishi mumkin.

@talimationuz — TAʼLIM DOIMO MUHIM!

⚡️Ikkinchi xorijiy til maktablarda nechanchi sinfdan qo‘shiladi?

Maktab vazirligiga ko‘ra, ikkinchi til (fransuz, koreys, yapon tili kabi bir til) 5-sinfdan boshlanadi.

5-9-sinflarda til bo‘yicha bazaviy bilim va nutqiy ko‘nikmalar, 10-11-sinflarda esa o‘qish va yozish ko‘nikmasi shakllantiriladi.

@talimationuz — TAʼLIM DOIMO MUHIM!

Maktab direktori lavozimida ishlash uchun qanday talablar qo'yilgan?

☝️Maktabgacha va maktab ta’limi vazirining 2023-yil 29-avgustdagi 270-son buyrug‘i bilan direktorlarining malaka tavsiflari belgilangan.

Unga ko‘ra nomzod:

▶️ kamida bakalavr darajasidagi oliy ma’lumotga ega bo‘lishi;
▶️ menejerlik sertifikatiga ega bo‘lishi;
▶️ ta’lim sohasida kamida 5 yillik pedagogik stajga ega bo‘lishi lozim.

Qoʻshimcha talablar:

▶️ Oʻzbekiston Respublikasining “Maktabgacha taʼlim va tarbiya toʻgʻrisida”gi, “Taʼlim toʻgʻrisida”gi, “Davlat fuqarolik xizmati toʻgʻrisida”gi, “Bola huquqlarining kafolatlari to‘g‘risida”gi Qonunlardan toʻliq xabardor boʻlishi;
▶️ xorijiy tillardan birining boshlang‘ich bosqichini va axborot kommunikatsiya texnologiyalaridan foydalanishni bilishi;
▶️ Davlat tilini bilish (rus, ingliz va boshqa chet tillarini bilish ustuvorlik beradi).

@talimationuz — TAʼLIM DOIMO MUHIM!

⚡️Telefondan voz kechgan maktabga 300 mln so‘m beriladi

▪️ Bu yangilikni Toshkent viloyati hokimi Zoir Mirzayev viloyat maktablari uchun ilgari surgan.

Hokim "Telefonsiz maktab" tashabbusini ilgari surdi.

"Telefonsiz maktab" degan tashabbusni amalga oshirgan maktabga 300 million so‘m pul beraman. Gap-so‘zsiz. Men pul beraman, shu ishni qilganlarni rag‘batlantirmoqchiman. Pulni qanday sarflash maktabning ixtiyorida.

❕ Eslatma: O'zbekiston qonunchiligiga ko'ra, o'quvchilar maktabga kirishdan oldin telefonlarini o'chirishlari, undan dars vaqti foydalanmasliklari kerak.

@talimationuz — TAʼLIM DOIMO MUHIM!

▶️​7 usul orqali testlarni to‘g‘ri ishlashni o‘rganing!

Imtihon asosan 4 variantli test ko‘rinishida bo‘lishini hisobga olib, sizlarni shu turdagi testlarni to‘g‘ri ishlash usullari bilan tanishtirib o‘tamiz.

1️⃣ Testdagi savol va savol sharti bilan yaxshilab tanishing.
Savoldan tashqari, savolning qo‘shimcha sharti bo‘lishi mumkin. Savolning shartiga yaxshilab e’tibor bering. Javob variantlarga to‘g‘ridan-to‘g‘ri sakramasdan, sharti bilan yaxshilab tanishing. Savolning biroz chalg‘ituvchi shartlari bo‘lishi mumkin.

2️⃣ Avvaliga oson savollarga javob bering.
1-qadamdan so‘ng, oson savollarga javob berib chiqing. Bu sizga imtihonning savollari, formati va qiyinchiligi bilan tanishib chiqish imkonini beradi. Eng muhimi esa test boshlanishi bilanoq bir qancha savollarga to‘g‘ri javob berishingiz, o‘zingizga ishonchni keskin oshiradi.

3️⃣ Javoblarni xayolda topishga harakat qiling.
Savolni o‘qing va javob variantlarini qo‘lingiz yoki bir parcha qog‘oz bilan berkitib, xayolingizda eng yaxshi javob nima bo‘lishi mumkinligini o‘ylang. O‘xshash variantlar odatda chalg‘itib yuboradi. Oldindan o‘ylab olsangiz, shunday chalg‘ib qolishdan saqlanasiz.

4️⃣ Har bir javob variantini o‘qing.
Hamma variantlarni o‘qing. Javob to‘g‘ri ko‘rinishi mumkin, lekin siz topgan javobdan ham to‘liqroq va aniqroq javobni tashlab ketayotgan bo‘lishingiz mumkin.

5️⃣ “Chiqarib tashlash” usulidan foydalaning.
Agar savol sizga qiyin tuyulsa va to‘g‘ri javobni bilmasangiz, noto‘g‘riligi aniq bo‘lgan javoblar ustidan ruchkada chizib tashlang. Qolgan variantlar orasidan javobni belgilashingiz, to‘g‘ri javobni topishingiz ehtimolligini oshiradi.

6️⃣ “Barcha javoblar to‘g‘ri” shaklidagi savollar
Aytaylik, “barcha javoblar to‘g‘ri” degan javob varianti bor. 2 ta javob to‘g‘riligini bilsangiz, “barcha javoblar to‘g‘ri” degan variantni tanlayvering.

7️⃣ Har bir savolga javob bering.
DTM tizimida noto‘g‘ri javoblarga jarima berilmaydi, ya’ni noto‘g‘ri javob uchun ball ayirib tashlanmaydi. Shunday ekan, barcha savollarga javoblarni belgilang. To‘g‘ri javoblarni topish ehtimolingiz oshadi.

Maslahatlarimiz sizga ma'qul bo'lgan bo'lsa, do'stlaringiz va yaqinlarizga ham ulashing.

@talimationuz — TAʼLIM DOIMO MUHIM!

🏛 Oliy ta'lim vazirligiga bog'liq bo'lgan davlat xizmatlari...


1️⃣ Oliy, o‘rta maxsus va professional ta'lim to‘g‘risidagi hujjatlarning dublikatini berish - havola

2️⃣ Talaba oʻqish joyidan maʼlumotnoma olish (oliy taʼlim muassasasidan) - havola

3️⃣ Oʻqish joyidan maʼlumotnoma olish (akademik litsey va professional taʼlim muassasalaridan) - havola

4️⃣ Oliy taʼlim muassasalari talabalari uchun akademik maʼlumotnoma (transkript) olish - havola

5️⃣ Nodavlat taʼlim xizmatlarini koʻrsatish faoliyati uchun litsenziya (oliy, oliy taʼlimdan keyingi taʼlim va professional taʼlim xizmatlari) - havola

6️⃣ Kadrlar malakasini oshirish va ularni qayta tayyorlash faoliyatini boshlaganlik yoki tugatganlik haqida xabarnoma - havola

7️⃣ Maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlari pedagog kadrlarini attestatsiyadan oʻtkazish (oʻrta maxsus va professional taʼlim tashkilotlari) - havola

8️⃣ Davlat oliy taʼlim muassasalarining talabalarini talabalar turar joyiga joylashtirish - havola

9️⃣ Oliy ta'lim olganlik haqidagi diplom ma'lumotlarini qo‘shish yoki tahrirlash uchun ariza yuborish - havola

1️⃣0️⃣ Talabalar turar joyiga joylashish uchun ariza yuborish (1-kurs talabalari uchun) - havola

1️⃣1️⃣ Talabalar turar joyiga navbatni tekshirish (1-kurs talabalari uchun) - havola

1️⃣2️⃣ O‘rta maxsus va professional ta'lim muassasalarini tugatganligi to‘g‘risidagi diplom ma'lumotlarini qo‘shish yoki tahrirlash - havola

1️⃣3️⃣ Talabaning hisoblangan stipendiyalari haqida maʼlumot olish - havola

@talimationuz — TAʼLIM DOIMO MUHIM!

⚡️ Chet tili imtihoni sanalari e’lon qilindi

✅ Chet tilini bilish darajasini aniqlash bo‘yicha mart oyida bo‘lib o‘tadigan test sinovi sanalari e’lon qilindi. Unga ko‘ra:

📝 test sinovining yozma qismi — 3-mart kuni;

🎤 gapirish ko‘nikmasini baholash imtihonlari — 4-7- va 11-12-mart kunlari bo‘lib o‘tadi.

📱 Talabgorlar imtihon joyi, kuni va aniq vaqtini my.gov.uz saytining “Mening arizalarim” bo‘limidan bilishlari va ruxsatnomani yuklab olishlari mumkin.

6️⃣ Talabgorlardan test sinoviga belgilangan vaqtdan kamida bir soat oldin shaxsini tasdiqlovchi hujjat (pasport yoki ID-karta) bilan kelishlari so‘raladi.

@talimationuz — TAʼLIM DOIMO MUHIM!

👩‍⚕️ Janubiy Koreyada shifokorlar qabul kvotasi oshishiga qarshi ish tashladi

Ular hukumatning tibbiyot OTMlarida qabulni ko‘paytirishiga qarshi ish tashlashdi.

Janubiy Koreya tibbiyot oliygohlariga qabulni yiliga 2 mingtagacha ko‘paytirishni (ayni paytda 3 0 58 talaba qabul qilinadi) va shuning bilan 2035-yilgacha aholi qarishiga qarshi tura olish uchun mehnat bozoriga qo'shimcha 10 ming shifokorni qo‘shishni reja qilgan.

Ish tashlagan shifokorlar tibbiyot ta’lim muassasalari keskin o‘sadigan kvotaga bardosh berolmasligini iddao qilmoqda. Ularning fikricha, raqamlar oshishi davlat tibbiy xarajatlarini ko‘paytiradi xolos. Xuddi hozirgi vaziyatdagidek ko‘proq talaba o‘qigani bilan baribir shifokorlar dermotologiya, plastik jarrohlik kabi talab yuqori sohalarga o‘zlarini uraveradi, pediatriya, akusherlik va tez tibbiy yordam kabi kam maosh to‘lanadigan sohalarda mutaxassislar yetishmovchiligi saqlanib qolaveradi.

@talimationuz — TAʼLIM DOIMO MUHIM!

#Bilasizmi

Oʻqishga kirishda 41 imtiyoz bor

🔠 Davlat qabul komissiyasining 2022-yil 29-dekabrdagi 10-son majlis bayoni bilan “Davlat OTMlariga kirish uchun berilgan imtiyozlarning yagona REYESTRI” tasdiqlangan.

Reyestrdan 41 ta imtiyoz turi oʻrin olgan:

1. Imtihonsiz qoʻshimcha davlat granti asosida talabalikka tavsiya etish boʻyicha imtiyozlar (15 ta);
2. Imtihonsiz bazaviy toʻlov-kontrakt asosida talabalikka tavsiya etish boʻyicha imtiyozlar (4 ta);
3. Tegishli fan boʻyicha imtihondan ozod etilib, maʼlum miqdorda ball berish boʻyicha imtiyozlar (5 ta);
4. Toʻplangan ballga nisbatan qoʻshimcha ball berish boʻyicha imtiyozlar (2 ta);
5. Qoʻshimcha kvota doirasida tanlovda ishtirok etish boʻyicha imtiyozlar (12 ta);
6. Qoʻshimcha imtiyozlar (3 ta).

Shuningdek, reyestrda imtiyozlar tasnifi, imtiyoz berilishiga masʼul vazirlik va idoralar, imtiyoz beriladigan abituriyentlar toifasi hamda imtiyoz berilishida huquqiy asos boʻladigan normativ-huquqiy hujjatlar nomlari keltirilgan.

@talimationuz — TAʼLIM DOIMO MUHIM!

⚡️O‘zbek tili va adabiyot fanidan o‘qish tavsiya etilgan adabiyotlar ro‘yxati

✅ Ma’lumki, Bilimni baholash agentligi tomonidan umumta’lim fanlaridan, jumladan, o‘zbek tili va adabiyot fanidan milliy sertifikat imtihonlari o‘tkazib kelinmoqda.

📱 O‘zbek tili va adabiyot fanidan milliy sertifikat imtihonida ishtirok etish istagini bildirgan talabgorlar test sinoviga puxta tayyorgarlik ko‘rishlari uchun mustaqil o‘qish tavsiya etilgan adabiyotlar ro‘yxati e’lon qilingan.

📚 Unda 40 ta badiiy adabiyot ro‘yxati keltirilgan bo‘lib, ushbu adabiyotlar 2024-yilda o‘tkaziladigan o‘zbek tili va adabiyot fanidan milliy sertifikat imtihonlariga tayyorgarlik ko‘rish uchun tavsiya sifatida taqdim etilgan.

✍️ Mustaqil o‘qish uchun tavsiya etilgan badiiy adabiyotlar ro‘yxati bilan yuqoridagi pdf faylda tanishish mumkin.

@talimationuz — TAʼLIM DOIMO MUHIM!

⚡️Maktab o‘quvchilariga 21-martdan bahorgi ta’til beriladi

Bu tegishli qonunchilikda belgilangan. Unga ko‘ra, bahorgi ta’til — 21-martdan boshlab 7 kalendar kun hisoblanadi.

❕Ta’tilning oxirgi kuni bayram (ishlanmaydigan) kunga to‘g‘ri kelib qolgan taqdirda, dars mashg‘ulotlari keyingi ish kunidan boshlab davom ettiriladi.

@talimationuz — TAʼLIM DOIMO MUHIM!