📣 Yangi odat o‘zlashtirib olish uchun 21 kun yetarli

🖌 21/90 chellenji ko‘pchilik orasida mashhur. Unga ko‘ra inson biror yangi odatni shakllantirishni istasa (har kuni kitob o‘qish, ertalab yugurish, shirinlik iste’mol qilmaslik) va 21 kun davomida buning uchun harakat qilsa, shunga ancha o‘rganib qoladi.

So‘ng yana 90 kun, ya’ni 3 oy yangi o‘rgangan odatini qo‘llasa, u keyingi hayotida doimiy hayot tarziga aylanib qoladi.

✏️ Bu odatni shakllantirishga yordam beradigan mobil ilovalar ham bor. Yoki oddiygina bloknotga rejalar tuzib, o‘zingiz uchun tartib shakllantirishingiz ham mumkin.

💬 Agar harakat qilib, 21 kun chellenj qilaman deb reja qilsangiz, qanday odatni o‘zlashtirishni xohlagan bo‘lardingiz?

@talimationuz — TAʼLIM DOIMO MUHIM!

📣 FOYDALI ODATLAR

Yaxshi odatlarga ega bo'lish - har qanday aqlli odamning orzuidir, ammo foydali odat nima?

Bu energiya va quvvat beradi, insonni maqsadga olib keladi va orzular ro'yobga chiqadi, hayotni uzaytiradi va har kungi ishonchni his qiladi, bu sizni kundalik stresslar ichida sizni ushlab turadigan biror narsa.

Hozir sanab o'tadigan odatlarni har bittasini intizom bilan hayotimga kiritganman:

✅kundalik ertalab mashqlar;
✅to'g'ri ovqatlanish;
✅kunni rejalashtirish;
✅kundalik gigiena protseduralari (ko'plab yuqumli kasalliklarning oldini olish);
✅to'liq nonushta (oshqozon-ichak kasalliklarining oldini olish);
✅faqat och bo'lganda ovqatlaning;
✅kuniga 8 stakan toza suvni ichish (miqdori alohida);
✅konservalangan va qayta ishlangan mahsulotlardan qochish;
✅uxlash va dam olish bir xil vaqtda;
✅har kuni yangi narsalarni o'rganish;
✅shaxsiy jurnalni yuritish.

©️Manba | @talimationuz — TAʼLIM DOIMO MUHIM!

📣 Chegirmali chiptalar uchun poyezdlarga qo‘shimcha vagonlar ulanadi – “O‘ztemiryo‘lyo‘lovchi” AJ

“O‘ztemiryo‘lyo‘lovchi” AJ “Toshkent — Urganch”, “Toshkent — Nukus”, “Toshkent — Samarqand”, “Toshkent — Qarshi” yo‘nalishida qo‘shimcha yo‘lovchi poyezdlar qatnovi joriy etilishini ma’lum qildi.

➡️ Qo‘shimcha yo‘lovchi poyezdlarga qo‘shimcha vagonlar ham ulanadi.

Talabalar qishki ta’til uchun chegirmali chiptalarni elektron tarzda xarid qilishlari mumkin.

⌛️СУ «Экспресc» tizimida profilaktika ishlari olib borilishi sababli 2023-yilning 12-dekabr kuni soat 12:00 dan 13:00 gacha eticket.railway.uz sayti va barcha chiptaxonalarida texnik tanaffus e’lon qilinadi.

Tizim 🔢🔢 dan keyin yana ishlashda davom etadi.

@talimationuz — TAʼLIM DOIMO MUHIM!

📣 Talabalar uchun poyezdlarga chegirmalar eʼlon qilindi

Respublika Oliy taʼlim muassasalarida tahsil olayotgan talabalarga qishki taʼtil mobaynida mahalliy yoʻnalishdagi qatnovlar uchun “Oʻztemiryoʻlchi” AJ tomonidan poyezd qatnovlariga chegirmalar eʼlon qilindi.

☝️2023-yilning 25-dekabridan 2024-yilning 7-yanvariga qadar davom etadigan ushbu chegirmalar oʻrnatilgan tartibda barcha mahalliy yoʻnalishdagi yoʻlovchi poyezdlarning temir yoʻl hujjatining toʻliq qiymatidan 50 foiz miqdorida amal qiladi.
Chiptalarni sotib olish uchun pasportingiz bilan temir yo‘l kassalariga tashrif buyurishingiz yoki elektron tarzda chipta xarid qilishda eticket.railway.uz saytidan foydalanishingiz mumkin!

🚝 Chegirmalar SV /VIP klass vagonlari va yuqori tezlikda harakatlanuvchi “Afrosiyob” elektropoyezdlariga nisbatan qoʻllanilmaydi.

@talimationuz — TAʼLIM DOIMO MUHIM!

📣 1-kurs starostalar bilan dekanatda bo'lgan suhbatdan parcha.

@talimationuz — TAʼLIM DOIMO MUHIM!

📣 1-kurs va o‘qishini ko‘chirishga tavsiya etilganlar uchun toʻlov-kontrakt mablagʻlarini toʻlash muddati 25-dekabrga qadar uzaytirildi

Davlat komissiyasining tegishli bayoni bilan, ko‘pchilik abituriyentlar va ularning ota-onalari hamda oliy taʼlim muassasalari rahbarlarining murojaatlarini inobatga olib, 2023/2024-o‘quv yilida oliy taʼlim muassasalari bakalavriati va magistraturasiga to‘lov-kontrakt, jumladan, tabaqalashtirilgan to‘lov-kontrakt asosida talabalikka tavsiya etilgan abituriyentlar, o‘qishi ko‘chirilgan (ko‘chirib tiklangan) va qayta tiklangan talabalar o‘qishi uchun to‘lov haqini o‘tkazish hamda talabalar safiga qabul qilishni rasmiylashtirishning so‘nggi muddati 2023-yilning 25-dekabri (shu kuni ham) etib belgilandi.

‼️Eslatma: amaldagi tartibga ko‘ra, ikkinchi va undan yuqori bosqich talabalar kontraktini to‘lash muddati OTM rahbari tomonidan uzaytirilishi mumkin.

@talimationuz — TAʼLIM DOIMO MUHIM!

📣 Talaba-o‘quvchilar uchun aviachiptalarga chegirmalar e’lon qilindi

“Uzbekistan Airways” AJ tomonidan qishki ta’til arafasida o‘rta maxsus, professional va oliy ta’lim muassasalari talaba-o‘quvchilari uchun mahalliy yo‘nalishlar aviachiptalari tarifidan 50% chegirma beriladi. Chegirma 2023-yil 23-dekabrdan boshlab 2024-yil 7-yanvarigacha amalga oshiriladigan aviaqatnovlar uchun amal qiladi.

Aviachiptani 50% chegirma bilan hoziroq aviakompaniya agentlari va Toshkent shahri, Yakkasaroy tumani, Shota Rustaveli ko‘chasi, 9-uy manzilida joylashgan Uzbekistan Airways Sales filialida xarid qilish mumkin.

🛫 Xabarni uyiga samolyotda ketmoqchi boʻlgan talaba tanishlaringizga yuborib qoʻying. 😎

@talimationuz — TAʼLIM DOIMO MUHIM!

📣 13-dekabr kuni reja-grafik bo‘yicha boshlang‘ich ta’lim o‘qituvchilari uchun diagnostika testi o‘tkaziladi

Boshlang‘ich ta’lim o‘qituvchilari uchun hududlar bo‘yicha diagnostika testlari quyidagi vaqtlarda o‘tkaziladi:

Qoraqalpog‘iston Respublikasi va Toshkent shahri — 9:00-10:00 ga qadar;

Andijon viloyati — 10:00-12:00 ga qadar;

Buxoro viloyati — 12:00-13:00 ga qadar;

Jizzax viloyati — 13:00-14:00 ga qadar;

Qashqadaryo viloyati — 14:00-17:00 ga qadar;

Navoiy va Sirdaryo viloyatlari — 17:00-18:00 ga qadar;

Namangan, Samarqand, Surxondaryo, Toshkent, Farg‘ona va Xorazm viloyatlarida 14 dekabr kuni o‘tkaziladi.

@talimationuz — TAʼLIM DOIMO MUHIM!

📣 Qishda o‘quvchi qizlar maktabga shimda borishi mumkin

Bu qonunchilikda belgilangan.

👉Tegishli tartibga ko‘ra, ob-havo sharoitidan kelib chiqib, o‘quvchilar maktab formasining nimchasini yoki kostyumini, ko‘ylakning yengi uzun yoki kalta shaklini ixtiyoriy ravishda kiyishlari mumkin.

Shuningdek, qishki o‘qish davrida o‘quvchi qizlarga yagona maktab formasiga mos shim kiyishga ruxsat beriladi.

@talimationuz — TAʼLIM DOIMO MUHIM!

📣 Yaxshi xabar! 14-dekabrdan havo isiydi

Ertaga, 14-dekabrdan boshlab respublikaning asosiy qismida kunduzgi harorat ancha ko‘tarilib, minusdan plyusga o‘tadi. Lekin kechqurunlari minus darajadagi sovuqlar davom etadi.

❄️ Bundan tashqari, dekabr oyi oxirigacha boshqa qor ham yog‘masligi mumkin.

@talimationuz — TAʼLIM DOIMO MUHIM!

📣 Yangi yil arafasida o‘zbekistonliklar qancha kun dam oladi?

Ish haftasining turidan qat’i nazar, barcha xodimlar joriy yil oxiri va yangi yil avvalida qatorasiga 3 kun – 30-31-dekabr va 1-yanvar kunlari dam olishadi.

Yangi 2024-yil avvalidagi ish va dam olish kunlari o‘zgarishi mumkin. Bu – “2024-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi prezident farmoni qabul qilingach ma’lum bo‘ladi. Hali bu farmon chiqmadi.

‼️Eslatib o‘tamiz, OTMlarda qishki ta’til 25-dekabrdan boshlanib, 2024-yilning 7-yanvarigacha davom etadi.

@talimationuz — TAʼLIM DOIMO MUHIM!

📣 Kontrakt pulidan 12% qaytarib olish bo'yicha to'liq videoqo'llanma

Nodavlat oliy ta'lim muassasasi talabalari to'lagan kontraktidan 12% miqdorida daromad soligʻini masofadan qaytarib olishi mumkin.

Buning uchun soliq organi yoki qaysidir tashkilotga borish shart emas, uyda o'tirib ham buni bajarish mumkin)

@talimationuz — TAʼLIM DOIMO MUHIM!

📣 Talabalar uchun chegirmalarni hisobga olgan holda, qo‘shimcha aviaqatnovlar joriy etiladi

O'zbekiston havo yo'llari OTM, professional va kasb-hunar talabalari uchun taqdim etilgan chegirmalarni hisobga olgan holda, qo‘shimcha aviaqatnovlar joriy etilishini ma`lum qildi:

☝️Toshkent – Buxoro – Toshkent – 23, 25, 26, 29-dekabr;
☝️Toshkent – Nukus – Toshkent – 23, 24, 29-dekabr;
☝️Toshkent – Termiz – Toshkent – 23, 25-dekabr;
☝️Toshkent – Farg‘ona – Toshkent – 25-dekabr;
☝️Toshkent – Urganch – Toshkent – 25, 26, 27, 28, 29-dekabr;
☝️Toshkent – Qarshi – Toshkent – 27-dekabr;
☝️Toshkent – Namangan – Toshkent – 29-dekabr.

"Uzbekistan Airways Sales filialida, aviakompaniya agentlaridan va veb-saytda parvozlar jadvali bilan tanishishingiz hamda aviachiptalarni xarid qilishingiz mumkin. Talabalar uchun mo‘ljallangan chegirmali aviachiptalarni xarid qilish uchun Uzbekistan Airways Sales filialiga yoki aviakompaniya agentlariga murojaat qilishingiz va davlat universitetida o‘qiyotganingizni tasdiqlaydigan hujjat yoki QR kodga ega bo‘lishingiz kerak." - deyiladi kompaniya axborotida.

@talimationuz — TAʼLIM DOIMO MUHIM!

📣 Chet tili imtihoni natijalari e’lon qilindi

2023-yil 25-noyabrdan 7-dekabrga qadar bo‘lib o‘tgan chet tilini bilish darajasini aniqlash test sinovi natijalari e’lon qilindi.

👨‍💻Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.

Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

‼️Eslatma: o‘z natijasidan norozi bo‘lgan talabgorlar test natijalari e’lon qilingan kundan boshlab 3 kun ichida (15-17-dekabr) my.gov.uz sayti orqali apellatsiya shikoyati berishlari mumkin.

@talimationuz — TAʼLIM DOIMO MUHIM!

📣 Qishki "perevod"ga oz qoldi! Kimlarga ruxsat beriladi?

Xuddi yoz oyidagi kabi qishda ham o‘qishni ko‘chirish mumkin. Faqat bir davlat OTMidan boshqasiga.

Kimlarga ruxsat bor

➡️ talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish uchun;
➡️ davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirish uchun (tegishli vazirlik (idora) rahbarining tavsiyasi asosida).

Hududiy ishchi guruhlarga 20-dekabrdan boshlab quyidagi hujjatlar taqdim etiladi:

➡️ o‘qishni ko‘chirish bo‘yicha ariza (ariza blankasi hududiy ishchi guruhi tomonidan beriladi va talaba tomonidan joyida to‘ldiriladi);
➡️ talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
➡️ pasport nusxasi;
➡️ yuqorida qayd etilgan uzrli sabablarni asoslovchi tegishli hujjatlar.

Qishki "perevod" uchun arizalar dekabr-yanvar oylarida olinadi.

@talimationuz — TAʼLIM DOIMO MUHIM!

📣2024-yilning 1-yarmidagi chet tili imtihonlari sanalari e'lon qilindi

2024-yilda chet tilini bilish darajasini aniqlash test sinovlari yanvar, fevral, mart, aprel va may oylarida tashkil etiladi.

📱Test sinovida ishtirok etish uchun talabgorlarni ro‘yxatga olish my.gov.uz sayti orqali onlayn tarzda amalga oshiriladi.

💵 To'lov - 459 ming so'm.

@talimationuz — TAʼLIM DOIMO MUHIM!

📣 Ertaga bugungidan yaxshiroq bo'lishning 16 ta qoidasi.

🔢Televizor ko'rmang, kitob o'qing.
🔢Hech nimaga qaramay oldinga intiling, fikrdamas amalda ham!
🔢Yaxshi g'oya xayolga kelsa, darhol yozib qo'ying.
🔢Kechikyapsizmi, bu haqida ogohlantirib qo'yish yo'lini toping.
🔢Birovlarning orzularini ustidan kulmang.
🔢Sizga pand bergan insonlardan ogoh bo'ling, ular o'zgarishi qiyin.
🔢Ota-onangiz bilan ko'proq vaqt o'tkazing, kun kelib ular mavjud bo'lmasligi, siz esa hech nimaga ulgurmaslingiz mumkin.
🔢Xush muomala zabt etish xususiyatiga ega. Xushmuomala bo'lishni o'rganing.
🔢Xatolaringizni tan olishni o'rganing, aks holda o'ziga bino qo'ygan haykalga aylanib qolasiz.
🔢Hayotdan nolishdan to'xtang! Stop, sizning nolishlaringiz hammasini faqat chigallashtiradi.
🔢G'iybat qilmang.
🔢Juda tushunarsiz va yoqimsiz vaziyatlarda uxlang, yodda tuting, hammasi o'tkinchi.
🔢Juda jiddiy vaziyatlarda ham insonlarning shaxsiyatiga tegmang, vaziyat unutiladi, so'z esa esda qoladi.
🔢Rost gapiring, shunda hech narsani eslab qolishga to'g'ri kelmaydi.
🔢Kun boshida siz uchun eng yoqimli ishlarni bajaring, kun oxirida charchoq ham sizni sevgan ishlardan chalg'ita olmaydi.
🔢Hech kim hech qachon hech kimning oldida qarzdor emas!

@talimationuz — TAʼLIM DOIMO MUHIM!

📣 Intizomli boʻlishga harakat qilamiz

1. Soat 7:00 da ertalabki oʻqiladigan va siz uchun foydali boladigan duolardan joʻnataman

2. Soat 10:00 da dars tayyorlash jarayonimni va talabalar hamda abituriyentlar uchun foydali maslahatlar haqida post joylayman

3. Soat 13:00 da Shaxsiy rivojlanish, va bir nechta motivationsion video (soʻzlar) boʻyicha post joʻnataman

4. Soat 18:00 da Milliarderlar maslahati va Muvaffaqiyat sirlari haqida post yuboraman

5. Soat 21:00 da uxlashdan oldinga duoni joylayman

Intizom va shaxsiy rivojlanish boyicha foydali kontentga qiziqayotgan bo'lsangiz MAQSADLI INTIZOM blogimga obuna bo'lishni unutmang.

@talimationuz — TAʼLIM DOIMO MUHIM!

📣 Onlayn olimpiadalar tizimidan foydalanish bo‘yicha yo‘riqnoma

Eslatib o’tamiz, 15-26—dekabr kunlari Matematika, Fizika, Kimyo, Biologiya, Ingliz tili va Ona tili va adabiyot  fanlaridan onlayn olimpiadalarga bo’lib o’tmoqda.

@talimationuz — TAʼLIM DOIMO MUHIM!

📣 Tegishli ma’lumoti va kasb tayyorgarligi bo‘lmaganlarga pedagog sifatida ishlash taqiqlanadi

Vazirlar Mahkamasining “Oliy ta’lim muassasalariga pedagog xodimlarni tanlov asosida ishga qabul qilish tartibi to‘g‘risidagi nizomni tasdiqlash haqida”gi qarori loyihasi e’lon qilindi.

Qaror loyihasida pedagog xodimlar toifasi, lavozimlari tanlov bo‘yicha egallanadigan pedagog xodimlar va tanlov qatnashchilariga qo‘yiladigan malaka talablari tanlov asosida ishga qabul qilish tartibi, shartlari va muddati, mehnat shartnomasi (kontrakt)ni tuzish, o‘zgartirish va to‘xtatish tartibi hamda vacancy.edu.uz platformasi orqali arizalar topshirish sxemalari tasdiqlanmoqda.

❌Quyidagi shaxslarga pedagog sifatida faoliyat olib borish taqiqlanadi:

➖tegishli ma’lumoti va kasb tayyorgarligi bo‘lmagan;

➖sudning qaroriga asosan muayyan huquqdan mahrum qilingan;

➖sud tomonidan muomalaga layoqatsiz yoki muomala layoqati cheklangan deb e’tirof etilgan;

➖psixiatriya yoki narkologiya muassasalarida hisobda turgan;

➖pedagoglik faoliyatini amalga oshirishga to‘sqinlik qiladigan kasallikka chalingan.

Mazkur bandning 2, 4 va 5 xatboshilarida keltirib o‘tilgan holatlar bartaraf etilganda pedagog sifatida faoliyat olib borishiga ruxsat beriladi.

👉 OTT rahbariga oliy ta’lim tashkiloti (fakultet) kengashida ko‘rib chiqish uchun pedagog xodimlarning egallab turgan lavozimlariga muvofiqligi to‘g‘risidagi masalani kiritish huquqi beriladi.

Oliy ta’lim tashkiloti (fakultet) kengashida pedagog xodimning egallab turgan lavozimiga muvofiqligi to‘g‘risidagi masalani ko‘rib chiqishdan oldin uning faoliyati oliy ta’lim tashkiloti rahbarining buyrug‘i bilan tasdiqlanadigan komissiya tomonidan o‘rganiladi. Kengash qarori asosida pedagog xodimni egallab turgan lavozimidan ozod qilishga uning o‘quv-uslubiy, ilmiy-tadqiqot va ma’naviy-ma’rifiy (tarbiyaviy) yo‘nalishlarda amalga oshirgan ishlari qoniqarsiz deb topilgan taqdirda u bilan tuzilgan mehnat shartnomasi belgilangan tartibda bekor qilinadi.

@talimationuz — TAʼLIM DOIMO MUHIM!

📣 Milliy gvardiya xodimi bo'lish uchun qayerda o'qish kerak?

👮‍♀️Buning uchun Milliy gvardiya Harbiy-texnik institutida o'qish mumkin. Institut kursanti bo'lish uchun bir qancha talablarga javob berish kerak.

1️⃣Yoshlar o‘zlarining yashash joyidagi mudofaa ishlari bo‘yicha bo‘limlarga ariza bilan, harbiy xizmatchilar tarkibidagi nomzodlar o‘z xizmat o‘tash joyiga bildirgi bilan murojaat qiladi. Nomzodlardan arizalar (bildirgilar) qabul yilining 1-fevralidan 1-apreligacha qabul qilinadi.

2️⃣Keyin nomzodlarni dastlabki tanlash o'tkaziladi. Bu 2 bosqichda bo'ladi. 1-bosqichda hujjatlar o'rganiladi, suhbat, tibbiy ko'rik, 2-bosqichda individual-psixologik o‘rganish, jismoniy tayyorgarlikni ko'rish, takror tibbiy ko'rik bo'ladi.

3️⃣Keyin yana bir bosqich bor. Bunda hujjatlar ko'riladi, nomzod bilan AKT savodxonligi bo'yicha suhbat, diktant o'tkaziladi.

4️⃣Va nihoyat, test.

@talimationuz — TAʼLIM DOIMO MUHIM!