🔝 TOEFLga tayyorgarlik ko'rish uchun eng yaxshi 10 ta manba

1️⃣ets.org
— Mashq qilish uchun bepul testlar.

2️⃣test-guide.com
— Har bir qism uchun bepul testlar, imtihon tavsifi va topshirish bo'yicha maslahatlar.

3️⃣edx.org
— Platformada TOEFL uchun bepul 6 haftalik tayyorgarlik kursi mavjud.

4️⃣YouTube kanali TOEFL TV rasmiy
— TOEFLning barcha qismlari bo'yicha maslahatlar va tahlillar.

5️⃣learn4good.com
— Test tavsifi, topshirish bo'yicha maslahatlar, amaliy topshiriqlar va lug'at.

6️⃣examenglish.com
— O'qish, tinglash, gapirish qismlari uchun bepul o'quv testlari.

7️⃣i-courses.org
— Imtihon uchun maslahatlar, bepul sinov sinovlari, imtihon tavsifi va TOEFL bilan bog'liq yangiliklar.

8️⃣graduateshotline.com
— Imtihonga tayyorgarlik ko'rish uchun bepul sinovlar, maslahatlar va kitoblar.

9️⃣toeflibtcourse.com
— Imtihon uchun foydali lug'at, amaliy topshiriqlar, test sinovlari, grammatik topshiriqlar va boshqalar.

1️⃣0️⃣TOEFL Pro Telegram kanali
— TOEFLga tayyorgarlik ko'rish uchun bepul materiallar.

@talimationuz — TAʼLIM DOIMO MUHIM!

📣 KUNDUZGI YO SIRTQI?
Essentializm, 1-qism.

"Kerakmas narsani qilmaslik ham - sanʼat"

Essentializm bu - eng muhim narsa sari harakat qilishdir. Uning ikkita sharti bor:

1.Oʻzi nima qilmoqchi ekanini toʻliq aniqlab olish.
2. Unga erishishda xalaqit beradigan barcha vaqtincha foyda beradigan ishlardan voz kechish.

Birinchi shart haqida: Siz kelajakda kim boʻlmoqchisiz? Qaysi ish qoʻlingizdan juda yaxshi keladi? Qaysi ish hayotingizga eng katta samara beradi?

Oʻsha narsani aniqlab oling. Bunda miflarga aldanib qolmang, masalan, institutga kirish - baxt, grandda oʻqish - muvaffaqiyat, shu ishda pul koʻp...

Bunda faqat oʻz qobiliyatingiz va qiziqishingizni hisobga olib tanlang, birov sizdan kutgan narsalarni emas

Ikkinchi qadam - keraksizidan voz kechish. Ishonavering, biz faqatgina hozir foydasi tegadigan, lekin kelajagimizdagi orzuimizdan bizni uzoqlashtirayotgan ishlar - siz oʻylaganidan yetarlicha koʻp va sezilmas.

Masalan, kimdir qaysidir fandan oʻqituvchi boʻlmoqchi. Deylik IELTS dan. U uchun asosiysi: IELTS dan yuqori baho olish va iloji boricha koʻproq taʼlim tajribasiga ega boʻlish (va pedagogikada qobiliyati boʻlish - bu ham tajriba bilan oshadi).

Uning qayerda oʻqishi, grand yo kontraktda, kunduzgi yo sirtqida oʻqishining umuman qizigʻi yoʻq.

Ustiga ustak, kunduzgi va kechkida oʻqiydigan talabalarning koʻpchiligiga oʻquv markazlarda ish berishmaydi. Nega? Chunki oʻqishga talabning qizigʻi - 14 dan 20 gacha, ayni institutda dars boʻlayotgan vaqtga toʻgʻri keladi. Talaba esa, yaxshi ish topa olmay, qanday qilib 4 yil umrini ketkazganini sezmay qoladi.

Agar u sirtqida oʻqib, boshidanoq ishga joylashganida oʻz kontraktini bemalol toʻlagan, keyingi yildan boyigan boʻlardi. Bilasizmi nega?

Chunki sirtqida oʻqish narxi bor yoʻgʻi 8mln soʻm! Va uni yil davomida 4 ga boʻlib toʻlash mumkin! 2 oyda 2 mln topa olmaydimi?

Keyingi yildan esa 5 mln soʻmdan ziyod oylikka chiqadi.

Ha, essentializmni oʻrganish koʻpchilikning vaqtini tejab qolgan va tezroq muvaffaqiyatga chiqargan boʻlar edi.

GRANT YOKI MUTAXASSISLIK?
Essentializm, 2-qism — davomi shu blogda @maqsadliuz

@talimationuz — TAʼLIM DOIMO MUHIM!

⚡️ O‘zbekistonda chekka hududda yashovchi yoshlar uchun onlayn maktab tashkil etildi

"Mirzo Ulug‘bek" onlayn maktabi tog‘li va chekka hududlarda yashovchi o‘quvchilarning yaxshiroq ta’lim olishi uchun mo‘ljallangan. Hozircha bu onlayn maktabda Jizzax, Samarqand va Surxondaryoning olis hududdagi 3 ta maktabi o‘quvchilari matematika va ingliz tilidan qo‘shimcha ta’lim oladi.

📌 Loyiha test-sinov jarayonida ijobiy natijalar olingandan so‘ng Respublikaning boshqa tog‘li va chekka hududlaridagi ta’lim muassasalariga joriy etilishi rejalashtirilgan.

Faqat savolli jihat: tog‘li va chekka hududdagi yoshlar darslarda onlayn qatnashishi uchun internet sifati talabga javob berarmikin? Dars payti chiroq o‘chib qolmasligiga-chi?

@talimationuz — TAʼLIM DOIMO MUHIM!

📣 Oliy taʼlim, fan va innovatsiyalar vazirining buyrugʻi (09.10.2023) bilan akademik litseylar yо‘nalishlari va bloklariga qarab bir pedagog xodimga tо‘g‘ri keladigan о‘quvchilar soni nisbatining normativlari tasdiqlandi

Adliya vazirligidan roʻyxatdan oʻtgan raqami: 3463

@talimationuz — TAʼLIM DOIMO MUHIM!

❓ O‘qituvchilarni 1 yillik sinov muddati bilan ishga olish qachondan boshlanadi?

Oldinroq Maktab vazirligi tomonidan maktablarni malakali kadrlar bilan ta’minlash maqsadida pedagoglarni sertifikatlash tizimi yo‘lga qo‘yilishi haqida xabar berilgandi.

📌 Ya’ni, ishga kirayotgan pedagog 1 yil davomida o‘qituvchi-stajyor sifatida faoliyat yuritib, shu muddatda sertifikat olishi kerak bo‘ladi.

Faqat bu tartib qachondan amalga kiritilishi, sertiifkat olish talablari va ololmagan, lekin yangi ishga kirgan o‘qituvchilarga qanaqa chora ko‘rilishi haqida aniq ma’lumot berilgani yo‘q.

@talimationuz — TAʼLIM DOIMO MUHIM!

📣 Qishki "perevod"ga kimlarga ruxsat beriladi?

Xuddi yoz oyidagi kabi qishda ham o‘qishni ko‘chirish mumkin. Faqat bir davlat OTMidan boshqasiga.

Kimlarga ruxsat bor:

➡️ talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish uchun;
➡️ davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirish uchun (tegishli vazirlik (idora) rahbarining tavsiyasi asosida).

Hududiy ishchi guruhlarga quyidagi hujjatlar taqdim etiladi:

➖ o‘qishni ko‘chirish bo‘yicha ariza (ariza blankasi hududiy ishchi guruhi tomonidan beriladi va talaba tomonidan joyida to‘ldiriladi);
➖ talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
➖ pasport nusxasi;
➖ yuqorida qayd etilgan uzrli sabablarni asoslovchi tegishli hujjatlar.

Qishki "perevod" uchun arizalar dekabr-yanvar oylarida olinadi.

@talimationuz — TAʼLIM DOIMO MUHIM!

📣 Talaba "5"ga o‘qimasa, stipendiya berilmaydimi?

Ma’lumki, grant asosida o‘qishga kirgan talabalarga standart 517 880 so‘mlik stipendiya to‘lanadi.

📌 Lekin o‘quv semestri yakuni bo‘yicha fanlardan o‘zlashtirish ko‘rsatkichlarining 30 foiz va undan ortiq qismi "qoniqarli" baho (71 foizdan past) bo‘lgan talabalarga keyingi semestr davomida stipendiya to‘lanmaydi.

Shuning uchun ham grantda o‘qiydiganlar stipendiya olishni xohlasa, hech bo‘lmasa 30 foiz dasturni 71 foizdan yuqori o‘zlashtirishi kerak.

‼️Kontrakt asosida o‘qiydigan talabalar esa shartnoma pulini stipendiyalik qilib to‘lashsagina, ularga ham stipendiya beriladi. Biroq a’lo baholarga semestrni tugatan kontraktda o‘qiydigan talabalarga ham oyiga 100 ming so‘mdan sal ko‘proq stipendiya to‘lanadi.

@talimationuz — TAʼLIM DOIMO MUHIM!

📣 15-oktabr — o‘zbek tili va adabiyot fanidan milliy sertifikat uchun ro‘yxatdan o‘tishning so‘nggi kuni

2023-yil 9-oktabr kuni o‘zbek tili va adabiyot fanini bilish darajasini baholash test sinovlari uchun talabgorlarni ro‘yxatga olish boshlangan edi.

📌 Ro‘yxatga olish my.uzbmb.uz saytining “Milliy sertifikat” bo‘limi orqali amalga oshirilmoqda va 15-oktabr (to‘lov qilish 16-oktabr) ga qadar davom etadi.

Shu sababli test sinovida ishtirok etish istagini bildirgan talabgorlar 15-oktabr kuni (shu kuni ham) ga qadar ro‘yxatdan o‘tishlari lozimligini eslatib o‘tamiz.

📆Test sinovi barcha hududlarda tashkil etiladi va 2023-yil 29-oktabr (yakshanba) kuni bo‘lib o‘tadi.

@talimationuz — TAʼLIM DOIMO MUHIM!

📣 Osonroq yashash uchun nima qilish kerak?

1️⃣Oʻtmishingizni tinch qoʻying, hozirni buzmang.
2️⃣Oʻzgalar nima deb oʻylashi sizni qiziqtirmasin.
3️⃣Vaqt deyarli hammasini davolaydi. Vaqtga biroz vaqt bering.
4️⃣Oʻzingizdan boshqa hech kim sizning baxtingizga sababchi boʻla olmaydi.
5️⃣Hayotingizni boshqalar hayoti bilan taqqoslamang.
6️⃣ Juda koʻp oʻylashni bas qiling. Hamma savollarning javobini darrov bilishingiz shartmas.
7️⃣Tabassum qiling. Sizda muammo bor degani, bir oʻzingiz butun dunyo tashvishlarini olib yuribsiz degani emas.

@talimationuz — TAʼLIM DOIMO MUHIM!

📣 Davlat OTMlariga kirishda maksimal ball olish uchun IELTS balli necha bo'lishi kerak?

O'zbekistonda OTMga kirishda maksimal ball olish uchun IELTS sertifikati eng kamida B2 daraja (5,5 dan 6,5 ballgacha) bo'lishi kerak.

🎓Magistraturaga ham B2, faqatgina filologiya yo'nalishlari uchun C1 daraja kerak bo'ladi.

Ma'lumot uchun: Imtihonda 7 balldan yuqori olganlarning imtihon xarajatlarini davlat qoplab beradi.

@talimationuz — TAʼLIM DOIMO MUHIM!

⌛️ Bugun — super-kontrakt uchun chegirmaning oxirgi kuni

Oliy ta'lim vazirligi 15-oktyabrgacha super-kontraktni to‘laganlarga 10 foizlik chegirma berilishini ma'lum qilgandi.

Super-kontraktning qanday turlari bor?

1️⃣talabalikka tavsiya etilmagan abituriyentlarga ro‘yxatdan o‘tishda tanlangan 5 ta yo'nalishdan istalgan birida o'qish;

2️⃣ro‘yxatdan o‘tishda tanlangan 2-, 3-, 4- yoki 5-bakalavriat ta’lim yo‘nalishlaridan biriga talabalikka tavsiya etilgan, biroq to‘plagan bali tanlangan birinchi bakalavriat ta’lim yo‘nalishida to‘lov-kontrakt asosidagi o‘tish balidan past bo‘lgan abituriyentlarga tanlangan birinchi bakalavriat ta’lim yo‘nalishida o'qish imkoni bor.

Bunda, abituriyentlarning kirish imtihonlari natijalariga ko‘ra to‘plagan ballari asos sifatida qabul qilinadi.

3️⃣56,7 balldan kam to'plaganlarga belgilangan super-kontraktning 2 baravarini to'lab o'qish imkoni ham berilgan.

@talimationuz — TAʼLIM DOIMO MUHIM!

❓ O'tgan yilgi kirish imtihonlarida maksimal ball qancha bo'lgan?

➡️2023-yilgi imtihonda barcha test topshiruvchilar uchun majburiy 3 ta fandan imtihon:

📌Ona tili (o‘zbek, rus, qoraqalpoq v.b. tillar) x 10 ta;
📌Matematika x 10 ta;
📌O‘zbekiston tarixi x 10 ta;
📌30 ta savol uchun 1.1 balldan jami 33 ball.

➡️Bakalavriat ta’lim yo‘nalishiga mos bo‘lgan 2 ta fan:

📌1-fan: 30 ta savol x 3.1 ball = 93.0 ball
📌2-fan: 30 ta savol x 2.1 ball = 63.0 ball
📌60 ta savoldan jami 156,0 ball.

⚡️Umumiy 2023/2024-o‘quv yili qabulida abituriyentlarga 5 ta fan bo‘yicha jami 90 ta test topshirig‘i berilgan va bunda to‘plash mumkin bo‘lgan maksimal ball – 189 ball bo'lgan.

‼️Eslatma o‘rnida, 2024-yilgi kirish imtihonlari uchun maksimal ball, baholash mezonlari Qabul komissiyasi tomonidan alohida tasdiqlanadi.

@talimationuz — TAʼLIM DOIMO MUHIM!

📣 Kirish imtihonlari uchun fanlar majmuasi nega o'quv yili boshida chiqarilmaydi?

Kirish imtihonlarida qaysi yo‘nalishda qaysi fandan imtihon olinishi belgilanadigan fanlar majmuasini Oliy ta’lim vazirligi e’lon qilishi kerak.

O‘tgan yili bu majmua dekabr oyi oxirida tasdiqlanib e’lon qilingan.

📌Qonunchilikda imtihon fanlari majmuasi Oliy ta’lim, fan va innovatsiyalar vazirligi tomonidan tasdiqlanadi hamda imtihon sinovlari boshlanishidan kamida 6 oy oldin e’lon qilinadi, deyilgan.

‼️Ya’ni "kamida 6 oy oldin", undan oldinroq, masalan, sentyabrda yangi o‘quv yili boshlanishi bilanoq e’lon qilish ham mumkin. Abituriyentlar ham shu paytdan tayyorgarlik boshlashadi, aslida. Yilning o‘rtasida e’lon qilinib, ba'zi yo‘nalishlarda fanlar o‘zgarib ketsa, kimga qiyin — abituriyentga qiyin bo‘ladi.

@talimationuz — TAʼLIM DOIMO MUHIM!

📣 2024-yil uchun doktorantura va mustaqil izlanuvchilikka hujjat qabul qilish muddati uzaytirildi!

O‘zbekiston Respublikasi Vazirlar Mahkamasining tegishli topshirig‘i bilan 2024-yil uchun doktorantura va mustaqil izlanuvchilikka hujjat qabul qilish muddatlari joriy yil 10-noyabrga qadar, kirish imtihonlarini tashkil etish 30-noyabrga qadar uzaytirildi.

📌Ilmiy tadqiqot bilan shug‘ullanuvchilarning xorijiy tillarni bilish darajasini belgilovchi milliy yoki unga mos darajadagi xalqaro sertifikatlarni olish uchun Bilim va malakalarni baholash agentligi tomonidan qo‘shimcha tarzda joriy yilning 21-22-oktabr kunlari imtihon o‘tkaziladi.

👉2024-yil uchun oliy ta’limdan keyingi ta’limning barcha shakllariga qabul hujjatlari joriy yil 10-noyabriga qadar (shu kun ham kiradi) qabul qilinadi. Kirish imtihonlari esa 30-noyabrga qadar uzaytirilgan.

@talimationuz — TAʼLIM DOIMO MUHIM!

📣 Maktablarda kuzgi taʼtil 4-noyabrdan boshlanadi

Oʻzbekiston maktablarida kuzgi taʼtil 4-noyabrdan boshlanadi. II chorak oʻqishning birinchi kuni 10-noyabrga toʻgʻri keladi.

📌Vazirlar Mahkamasining 2017-yil 15-martdagi 140-son qaroriga muvofiq, umumiy oʻrta taʼlim tashkilotlarida kuzgi taʼtil 4-noyabrdan boshlab 6 kalendar kun etib belgilangan.

2023-yilgi oʻquv yili 1-chorak oxirgi oʻqish kuni 3-noyabrga toʻgʻri keladi.

@talimationuz — TAʼLIM DOIMO MUHIM!

📣 Maktablarda kuzgi ta’til qachondan boshlanishi aniq bo‘ldi

Maktab o‘quvchilari uchun kuzgi ta’til 4-noyabrdan boshlanadi.

📌Maktab vazirligiga ko'ra, maktab o‘quvchilari uchun I chorakning so‘nggi kuni 3-noyabrga to‘g‘ri kelib, 4-noyabr kuni kuzgi ta’tilning ilk kuni sanaladi.

Ta’til 6 kalendar kun, ya’ni 9-noyabrgacha davom etadi. II chorak esa 10-noyabrdan boshlanadi.

@talimationuz — TAʼLIM DOIMO MUHIM!

‼️ Agar sizga kimdir bu xususiy, buning diplomi o‘tmaydi, menga davlat oliygohi diplomi kerak desa, mana bunday yo‘l tuting:

1️⃣ O‘sha rahbar yoki mansabdor shaxsdan asos so‘rang, qonuniy asosi bormi, qaysi qaror, qaysi qonun yoki qonunosti hujjati asosida bu gapni gapirmoqda.

2️⃣ Tabiiyki, birinchi savolga javob yo‘q, shunda siz o‘sha mansabdor shaxsga yozma murojaat qiling, qonun bo‘yicha u sizning murojaatingizga 15 kun ichida javob qaytarishi kerak.

3️⃣ Bu savolga odatda javob berilmaydi, berilgan taqdirda ham qonuniy asos yo‘q bo‘lsa, nima deb javob beradi?

4️⃣ O‘zingiz tahsil olayotgan xususiy oliygohdan o‘sha mansabdorga rasmiy xat qilishlarini so‘rang, bu ikki tomonlama ish bo‘ladi.

5️⃣ Hech qanday javob berishmasa, sudga murojaat qilib rahbarni javobgarlikka torting, chunki u o‘z vazifasini suiiste’mol qilmoqda.

P.S. O‘z huquqlaringizni talab qilishni o‘rganing, ho‘kiz tug‘ibdi desa, ishonib ketavermang. Haqqingizni talab qilishni o'rganing.

📣 Ma'lumot uchun: Ushbu tavsiya O'zbekistonda ro'yxatdan o'tgan litsenziyaga ega nodavlat oliygoh talabalariga tegishli.

@talimationuz — TAʼLIM DOIMO MUHIM!

📣 Rasman: Milliy ingliz tili sertifikati (CEFR) imtihonlari sanalari e'lon qilindi

📆 Imtihonlar tez orada 2023-yil 21-22 oktyabr kunlari bo'lib o'tadi.

Sertifikatlash ballarining 60% majburiy blokdan, 85% va undan koʻpi esa asosiy fandan ozod qilinadi.

✍️ Roʻyxatdan oʻtish: https://my.uzbmb.uz/login yoki https://my.gov.uz/oz/service/559 sayti orqali 7 oktyabrgacha

💰Narxi: 445 500 so'm va omonat 8 oktyabrgacha

@talimationuz — TAʼLIM DOIMO MUHIM!

❓ Nima uchun talabalarga, ayniqsa yigitlarga ijara berishni xohlashmaydi?

👉 Tajribadan ma’lumki, talabalar, ayniqsa yigitlar hech qachon kelishuvlarni bajarishmaydi. Eng ko‘p uchraydigan holat – 4 kishi turamiz deb 6-7, ba’zan 10 kishi bo‘lib ketishadi. Tekshirishga kelgan uy egasini “bu mehmon” deb aldashga urinishadi;

👉 Ijara berishdan maqsad daromad ko‘rish. Lekin talabalar bilan bu ham o‘ziga xos dahmaza. Deylik 4 kishi 300 dollarga yashaydigan bo‘lishsa, o‘sha 300 odatda chala-yarim undiriladi yoki nasiya bo‘ladi. Izlab borsangiz ikkitasi chiqadi va o‘zlariga tegishli 150 dollarni beradi (bersa uniyam). Yo‘g‘idan talab qila olmaysiz, berganiga hech nima deya olmaysiz, chunki beryaptida.

👉 Kommunal to‘lovlar ham to‘planib ketadi va ulardan keyin albatta qarzdorlik qoladi. Uyning ta’miri rasvo bo‘lishiku tabiiydek qaraladi;

👉 Alohida masala – tozalik! So‘nggi yillarda nafaqat yigitlar, hatto qizlar ham sarishtalikni deyarli butkul unutishyapti. Ko‘chada yurishlarini, kiyinishlarini ko‘rib, havasingiz keladi. Lekin ijara uy ostonasidanoq asabingiz buziladi. Poyabzallar, paypoqlar hidlanib qalashib yotgan, bir haftalik chiqindi to‘planib qolgan, suvarak bosib ketgan, uyda o‘rinlar yig‘ilmaydi. Yana ishlaydigan toifasi bo‘ladi. Ular charchoq tufayli hatto yotgan o‘rnidan turib so‘rashishni lozim topishmaydi;

👉 Muammolar xonadon doirasida qolmaydi. Albatta qo‘shnilar bezovta qilinadi, shikoyatlar tushadi. Milisiya ham tayyor.

Bu — talabalarga ijara uylar topib berish bilan shug‘ullanadigan kishining fikrlari.

‼️ Ijarada turadigan talaba tanishlaringizga yuboring. Balki bu yerdagi xatolar ular bilan ham sodir bo‘lgan bo‘lsa, to‘g‘rilab olishar.

@talimationuz — TAʼLIM DOIMO MUHIM!

❓ IT kasiblardan biri - dizaynerlikdir.

Sen ham frilanser bo'la olasan

😏Bu gapni aytish oson, shunaqa emasmi? Frilans, IT'da biznes qilish, uyda o'tirib pul topish — keng tarqalgan gaplardan biri. Xo'sh, frilanser bo'lish qiyinmi? Yo'q!

Yana osongina javob berdim. Keling, unda qiyin savolga o'tamiz — Frilanser bo'lish uchun nima qilish kerak?

1️⃣Biror IT-sohasini o'rganing.
IT'da biznes qilish uchun IT-sohasini o'rganing. Masalan, dasturlash, grafik dizayn, 3D model yaratish, kopirayting & marketing shular jumlasidan. Sohangiz uchun kamida 3 oy ajratsangiz, ushbu sohada mayda buyurtmalar olib, bajarsangiz bo'ladi.

2️⃣Portfolio yarating
Xohlagan mijozga yozsangiz, birinchi o'rinda sizdan portfolio so'raydi. Portfolio — sizning qilgan ishlaringiz jamlanmasi. Odatda bular kichik sayt yoki telegram-kanal bo'lishadi. Uning ichiga ishlaringizdan eng saralarini tashlang va mijozga ko'rsating. Portfolio mijozning ishonchini oqlashda katta ahamiyatga ega.

3️⃣Frilans-birjalardan ro'yxatdan o'ting
Biror IT-sohani o'rgandik, portfolio yaratdik, ammo yana bir narsa bor — frilans birjalardan ro'yxatdan o'tish. Frilans-birjalar — mijozlar va bajaruvchilar bitta joyga yig'ilgan platforma. Ko'p hollarda bu sayt bo'ladi.

Frilans-platformalar — fl.ru, upwork.com, kwork.com, weblancer.net, freelance.ru

Bor-yo'g'i 3 qadam orqali frilansga kirishimiz mumkin. Hali ham o'ylayapsizmi? O'ylashga vaqt yo'q, frilanserlik tomon harakat qiling va agar dizayn soha o'rqali frilansga kirmoqchi bo'lsangiz @DarmanovCreate blogida dizayni o'rganishingiz mumkin va shu bilan birga frilanserning hayoti haqida umuniy tushuncha o'lishingiz mumkin bo'ladi.

‼️@DarmanovCreate'da ko'rishguncha do'stlar!

@talimationuz — TAʼLIM DOIMO MUHIM!

📣 Qaysi fanlardan qachon milliy sertifikat imtihoni bo‘ladi?

📌 O‘zbek tili va adabiyoti — 29-oktyabr kuni (ro‘yxatdan o‘tish 16-oktyabrgacha);

📌 Qoraqalpoq tili va adabiyoti — 19-noyabr kuni (ro‘yxatdan o‘tish 30-oktyabr-5 noyabr);

📌 Rus tili va adabiyoti — 24-dekabr kuni (ro‘yxatdan o‘tish 4-10-dekabr kunlari);

📌 Biologiya — 19-noyabr kuni (ro‘yxatdan o‘tish 30-oktyabr-5 noyabr);

📌 Tarix — 3-dekabr kuni (ro‘yxatdan o‘tish 13-19-noyabr kunlari)

📌 Fizika — 3-dekabr kuni (ro‘yxatdan o‘tish 13-19-noyabr kunlari);

📌 Matematika — 24-dekabr kuni (ro‘yxatdan o‘tish 4-10-dekabr kunlari);

📌 Geografiya — 2024-yil yanvar oyida;

📌 Kimyo — 2024-yil yanvar oyida imtihon bo‘ladi.

@talimationuz — TAʼLIM DOIMO MUHIM!