📣 Rasman: medinstitutlarni tugatayotgan talabalar shifokor bo‘lib ishlash uchun imtihon topshiradi

2024/2025-o‘quv yilidan barcha davlat va nodavlat tibbiyot OTMlarida 2 bosqichli davlat imtihonlarini o‘tkazish tizimi joriy etiladi.

1️⃣-bosqichda talabalar fundamental fanlar bo‘yicha yakuniy davlat imtihonlarini;
2️⃣-bosqichda klinik fanlardan imtihon topshiradi.

☝️ Dastlabki imtihonni muvaffaqiyatli topshirganlarga kursdan kursga o‘tishga, klinik bilimlarga oid sinovlarda yaxshi natija ko‘rsatganlarning esa amaliyotda shifokor bo‘lib ishlashiga ruxsat etiladi.

@talimationuz — TAʼLIM DOIMO MUHIM!

📊 Rivojlanishni xohlaysizmi? Unda harakat qiling!

📖 O'zingiz rivojlantirmoqchi bo'lgan qobiliyatingiz haqida o'qing!

👨‍🏫 Ustoz toping.

⏳Har kuningizni sarhisob qiling!

📓 Kundalik rejalar daftarini tuting!

😊 Yaxshi odatlarni shakllantiring!

👀 O'zingiz havas qiladigan odamlardan o'rnak oling.

✍️ Doimiylikka amal qiling!

@talimationuz — TAʼLIM DOIMO MUHIM!

❓ Nima uchun talabalarga, ayniqsa yigitlarga ijara berishni xohlashmaydi?

👉 Tajribadan ma’lumki, talabalar, ayniqsa yigitlar hech qachon kelishuvlarni bajarishmaydi. Eng ko‘p uchraydigan holat – 4 kishi turamiz deb 6-7, ba’zan 10 kishi bo‘lib ketishadi. Tekshirishga kelgan uy egasini “bu mehmon” deb aldashga urinishadi;

👉 Ijara berishdan maqsad daromad ko‘rish. Lekin talabalar bilan bu ham o‘ziga xos dahmaza. Deylik 4 kishi 300 dollarga yashaydigan bo‘lishsa, o‘sha 300 odatda chala-yarim undiriladi yoki nasiya bo‘ladi. Izlab borsangiz ikkitasi chiqadi va o‘zlariga tegishli 150 dollarni beradi (bersa uniyam). Yo‘g‘idan talab qila olmaysiz, berganiga hech nima deya olmaysiz, chunki beryaptida.

👉 Kommunal to‘lovlar ham to‘planib ketadi va ulardan keyin albatta qarzdorlik qoladi. Uyning ta’miri rasvo bo‘lishiku tabiiydek qaraladi;

👉 Alohida masala – tozalik! So‘nggi yillarda nafaqat yigitlar, hatto qizlar ham sarishtalikni deyarli butkul unutishyapti. Ko‘chada yurishlarini, kiyinishlarini ko‘rib, havasingiz keladi. Lekin ijara uy ostonasidanoq asabingiz buziladi. Poyabzallar, paypoqlar hidlanib qalashib yotgan, bir haftalik chiqindi to‘planib qolgan, suvarak bosib ketgan, uyda o‘rinlar yig‘ilmaydi. Yana ishlaydigan toifasi bo‘ladi. Ular charchoq tufayli hatto yotgan o‘rnidan turib so‘rashishni lozim topishmaydi;

👉 Muammolar xonadon doirasida qolmaydi. Albatta qo‘shnilar bezovta qilinadi, shikoyatlar tushadi. Milisiya ham tayyor.

Bu — talabalarga ijara uylar topib berish bilan shug‘ullanadigan kishining fikrlari.

‼️ Ijarada turadigan talaba tanishlaringizga yuboring. Balki bu yerdagi xatolar ular bilan ham sodir bo‘lgan bo‘lsa, to‘g‘rilab olishar.

@talimationuz — TAʼLIM DOIMO MUHIM!

🇯🇵 Yaponiya universiteti MEXT stipendiya dasturiga arizalar qabul qilmoqda

Yaponiyaning Tokio texnologiya instituti MEXT stipendiya dasturi uchun arizalar qabul qilmoqda.

◀️Unda butun dunyodan nomzodlar magistratura va PhD darajasi uchun ariza jo‘natishlari mumkin.

🗣️Institutda matematika, fizika, kimyo, mashinasozlik, axborot va kommunikatsiya muhandisligi, sanoat muhandisligi va iqtisodiyoti, kompyuter fanlari, arxitektura va qurilish muhandisligi, ijtimoiy va gumanitar fanlar kabi akademik soha va mutaxassisliklar mavjud.

Bunda, oldingi ta’lim yo‘nalishi bo‘yicha hujjat topshirish talab qilinadi. Nomzodlar 35 yoshdan oshmagan, a’lo darajadagi ilmiy yutuqlarga ega bo‘lishlari, ingliz tilini bilishlari kerak.

☝️ Bundan tashqari, eng so‘nggi ta’lim bosqichida 3,00 shkalasi bo‘yicha GPA kamida 2,30 bo‘lishi zarur.

🗣️ Qabul qilingan talabalar o‘qish to‘lovlaridan to‘liq ozod etilib, magistratura uchun oyiga 147 ming yen ($980), PhD uchun 148 ming yen ($990) miqdorida stipendiya ajratiladi. Bundan tashqari, borish-qaytish aviachipta xarajatlari qoplab beriladi.

Dastur uchun onlayn ariza berish jarayoni mavjud emas. Nomzodlar kerakli hujjatlar bilan universitetga pochta orqali ariza topshirishlari kerak.

@talimationuz — TAʼLIM DOIMO MUHIM!

📣 Matematika, fizika, kimyo, biologiya hamda ona tili va adabiyot fanlaridan onlayn olimpiadalarga start beriladi

Joriy yilning 1-6-oktyabr kunlari matematika, fizika, kimyo, biologiya hamda ona tili va adabiyot fanlaridan onlayn olimpiadalarga start beriladi.

✅ Foydalanuvchilarga qulaylik yaratish maqsadida oo.uzedu.uz tizimida tashkil etiladigan onlayn olimpiadalarda ro‘yxatdan o‘tgan o‘quvchilarni maktab tomonidan tasdiqlanishi bekor qilindi. Endilikda istalgan foydalanuvchilar tizimdan ro‘yxatdan o‘tib onlayn olimpiadalarda ishtirok etishlari va o‘z bilimlarini sinab ko‘rishlari mumkin.

Onlayn olimpiadalarda kun davomida soat 10:00 dan 19:00 ga qadar ishtirok etishingiz mumkinligini ma'lum qilamiz.

📥 Olimpiada natijalari va QR-kodli ishtirokchi sertifikatlarini o‘quvchilar soat 23:00 dan keyin tizimda ko‘rishlari va yuklab olishlari mumkin bo'ladi.

Ushbu onlayn olimpiadada reyting shakllantirilmaydi.

‼️ Onlayn olimpiadalarda ishtirok etish mutlaqo bepul.

@talimationuz — TAʼLIM DOIMO MUHIM!

📌 1-kurslarga eslatma: ularga shartnomasiz ham 2 oylik ijara to'lab beriladi

1-bosqich kunduzgi taʼlim shakliga qabul qilingan talabalar ijara xonadonida turganda ularga ham ijara summasining bir qismi to‘lab beriladi.

❌ Bunda 1-bosqich talabalaridan sentyabr va oktyabr oylari uchun ijara shartnomasi talab etilmaydi.

✔️ Toshkent shahrida –BHMning 1 baravari — 330 ming so‘m;

✔️ Qolgan hududlarda – BHMning yarim baravari — 165 ming so‘m miqdorida to‘lab beriladi.

❗️ To'lab berilarkan deb shartnoma qilmay yuraverish ham yaxshi emas. Hamma harakatni qilib qo'ygan ma'qul.

@talimationuz — TAʼLIM DOIMO MUHIM!

📣 Kontraktni 4 qismga bo‘lib to‘lash imkoni bormi? Bizdan kamida 50% to‘lov qilishni talab qilishmoqda.

✅ JAVOB: Ha, 4 ga bo‘lib to‘lash mumkin.

Prezidentning 2020-yil 2-martdagi PF-5953-son Farmoniga hamda Vazirlar Mahkamasining 2021-yil 18-avgustdagi 527-son qaroriga binoan respublika OTM talabalariga o‘qish uchun yillik to‘lovning to‘liq miqdorini teng ulushlarda to‘rt qismga bo‘lish yo‘li bilan o‘tkazishga ruxsat berilgan.

Bunda muddatlar quyidagicha:
➡️25% qismini — 1-kursga tavsia etilganlar 15-sentyabrgacha, ikkinchi va undan keyingi bosqich talabalar uchun 1-oktyabrgacha;

➡️50% qismini — 1-yanvargacha;

➡️75% qismini — 1-aprelgacha;

➡️100% qismini — 1-iyulgacha.

Bundan xulosa qilish mumkinki, 1-kurslardan dastlab 50% to‘lov talab qilish amaldagi tartibga zid. 1-kursga tavsiya etilganlar kamida 25% to‘lovni 15-sentyabrga qadar amalga oshirishlari lozim.

✔️ Kontrakt.edu.uz sayti orqali yuborgan arizangiz tasdiqlansa, 4 ga bo‘lib to‘lash imkoni va muddatlari haqida maʼlumot chiqadi. Mana shu yerdan ham ko‘rib olsangiz bo‘ladi.

‼️ESLATMA: bo‘lib to‘lash imkoniyati super-kontrakt uchun ham amal qiladi. Lekin super-kontraktda o'qimoqchi bo'lganlar dastlab 50% to'lovni amalga oshirishlari kerak. Shundan keyingina ularni talabalikka qabul qilish to'g'risida buyruq chiqadi. 25% qoidasi faqat oddiy kontraktga taalluqli.

@talimationuz — TAʼLIM DOIMO MUHIM!

📣 Qaysi fanlardan qachon milliy sertifikat imtihoni bo‘ladi?

📌 O‘zbek tili va adabiyoti — 29-oktyabr kuni (ro‘yxatdan o‘tish 16-oktyabrgacha);

📌 Qoraqalpoq tili va adabiyoti — 19-noyabr kuni (ro‘yxatdan o‘tish 30-oktyabr-5 noyabr);

📌 Rus tili va adabiyoti — 24-dekabr kuni (ro‘yxatdan o‘tish 4-10-dekabr kunlari);

📌 Biologiya — 19-noyabr kuni (ro‘yxatdan o‘tish 30-oktyabr-5 noyabr);

📌 Tarix — 3-dekabr kuni (ro‘yxatdan o‘tish 13-19-noyabr kunlari)

📌 Fizika — 3-dekabr kuni (ro‘yxatdan o‘tish 13-19-noyabr kunlari);

📌 Matematika — 24-dekabr kuni (ro‘yxatdan o‘tish 4-10-dekabr kunlari);

📌 Geografiya — 2024-yil yanvar oyida;

📌 Kimyo — 2024-yil yanvar oyida imtihon bo‘ladi.

@talimationuz — TAʼLIM DOIMO MUHIM!

❓ Nima uchun talaba ilmiy talabalar konferentsiyalarida nutq so'zlaydi?

☝️ Talabalarning ilmiy konferensiyalarda ishtirok etishi butunlay ixtiyoriydir.

💰Konferentsiyalarda ishtirok etish va ishingizni nashr qilish uchun siz to'lovlar va materiallarni nashr qilish uchun to'lov to'lashingiz kerak bo'ladi.

👨‍🏫 Shuning uchun o'qituvchilar ularni unda ishtirok etishga majburlay olmaydi. Va printsipial jihatdan, ilmiy faoliyat majburiy o'quv rejasiga kiritilmagan va alohida baholanadi.

Biroq, bu faoliyatni foydasiz deb atash qiyin, buning sabablari ko'p. Biz ushbu postda ulardan ba'zilari haqida gaplashamiz.

1️⃣ Ilmiy-tadqiqot va tajriba-konstruktorlik ishlari (dissertatsiya) natijalarini aprobatsiya qilish

2️⃣ Notiqlik sifatlarini rivojlantirish

3️⃣ Yangi tanishlar

4️⃣ Ilmiy nashrda hech qanday qiyinchiliklar bo'lmaydi

5️⃣ Tanqidni tinglash qobiliyatini shakllantirish

6️⃣ Obro'-e'tibor

7️⃣ Kuchli aloqalar

🎓 Ilmiy konferensiyalarda ishtirok etish talabalar uchun foydalidir, chunki bu ularga ko'nikmalarni rivojlantirish va bo'lajak hamkasblar va ish beruvchilar bilan aloqa o'rnatish imkonini beradi.

@talimationuz — TAʼLIM DOIMO MUHIM!

📣 Oliy ta’limdan keyingi ta’lim uchun hujjat topshirish boshlandi

Kecha, 15 sentabrdan boshlab oliy ta’limdan keyingi ta’lim (doktorantura) uchun hujjat topshirish boshlandi.

📆 2024 yil 1-chorak uchun oliy ta’limdan keyingi ta’limning barcha shakllari bo‘yicha hujjatlar joriy yil 15 sentabridan 15 oktyabriga qadar yagona elektron tizim orqali qabul qilinadi.

Bunda, stajyor-tadqiqotchilik ishlab chiqarishdan ajralgan holda tegishli ixtisoslik bo‘yicha ilmiy va ilmiy-ijodiy izlanishlarni olib borish va falsafa doktori (PhD) ilmiy darajasini olish uchun izlanuvchini tayyorlash shakli hisoblanadi.

📌 Tayanch doktorantura — falsafa doktori (Doctor of Philosophy) ilmiy darajasiga da’vogar izlanuvchilar uchun ishlab chiqarishdan ajralgan holda tashkil etiladigan oliy malakali ilmiy va ilmiy-pedagog kadrlar ixtisosligi bo‘yicha oliy ta’limdan keyingi ta’lim shakli.

Doktorantura fan doktori (Doctor of Philosophy) ilmiy darajasiga da’vogar izlanuvchilar uchun ishlab chiqarishdan ajralgan holda tashkil etiladigan oliy malakali ilmiy va ilmiy-pedagog kadrlar ixtisosligi bo‘yicha oliy ta’limdan keyingi ta’lim shaklidir.

🗣️ Mustaqil izlanuvchilik — falsafa doktori (PhD) yoki fan doktori (DSc) ilmiy darajalariga da’vogar izlanuvchilar uchun ishlab chiqarishdan ajralmagan holda tashkil etiladigan oliy malakali ilmiy va ilmiy-pedagog kadrlar ixtisosligi bo‘yicha oliy ta’limdan keyingi ta’lim shakli.

@talimationuz — TAʼLIM DOIMO MUHIM!

‼️ Rezyumeni qanday tuzish kerak? 9 professional rezyume qoidalari!

🚩 kerakli pozitsiyani aniq ifoda eting
— Kerakli pozitsiyaning nomi eng muhim nuqtadir. Rezyumening taqdiri uni qanday shakllantirishingizga bog'liq.

🚩 ish haqi to'g'risida oldindan qaror qabul qiling
— "Daromad darajasi" maydonida siz murojaat qilgan aniq pul miqdorini ko'rsatish yaxshiroqdir.

🚩 hazildan ushlanong
— Rezyume - bu biznes hujjati. Uni tuzayotganda istehzo, hazil va kinoyadan qoching.

🚩 qisqa bo'ling
— Rezyumeni epik romanga o'xshatmang: rezyume bitta sahifaga, ko'pi bilan ikkitasiga to'g'ri kelishi kerak.

🚩 ortiqcha shaxsiy ma'lumotlarni o'chirib tashlang
— O'zingizning xavfsizligingiz uchun rezyumeda shaxsiy ma'lumotlarni – pasport raqamini, yashash va ro'yxatdan o'tishning aniq manzilini va boshqalarni ko'rsatmang.

🚩 ijtimoiy tarmoqlardagi profillaringizga havolalar kerakmi yoki yo'qligini baholang
— Rezyumeda har doim ham o'z sahifangizga havola berishga arzimaydi — ish beruvchi u erda juda ko'p narsalarni bilib olishi mumkin.

🚩 imlo xatolari uchun rezyumeni tekshiring
— Rezyumeda grammatik xatolar va xatolar bo'lmasligi kerak-bu ish beruvchida juda salbiy taassurot qoldiradi.

🚩 ma'lumotlarning ishonchliligi va dolzarbligini tekshiring
— Rezyumeni tuzishda halol bo'ling. Muayyan dasturlarni bilish, ma'lum ko'nikmalarga ega bo'lish-bularning barchasi juda tez tekshiriladi.

🚩 rezyumega fotosuratiz bo'lishi kerak
— Rezyumeda fotosuratga ega bo'lish shart emas, lekin agar siz uni qo'shishga qaror qilsangiz, esda tuting: rasmda faqat bitta odam bo'lishi kerak — siz, yuzingiz aniq ko'rinishi kerak.

@talimationuz — TAʼLIM DOIMO MUHIM!

📣 O‘zbekistonda eng ko‘p oylik maoshni qaysi kasbdagilar olyapti?

2023-yilning 1-yarmida eng ko‘p maoshni moliya va sug‘urta sohasi xodimlari olgan. O‘rtacha 12,4 mln so‘m. Keyingi o‘rinda esa axborot va aloqa yo‘nalishida ishlovchilar, ular o‘rtacha 9,5 mln so‘m olishadi.

👩‍⚕️ Eng kam maoshni esa doimgiday ta’lim va tibbiyot xodimlari oladi: ta’lim sohasidagilar o‘rtacha 3 mln, tibbiyot sohasidagilar esa 2,8 mln so‘m oladi.

@talimationuz — TAʼLIM DOIMO MUHIM!

📣 Qaysi fanlar ikki guruhga bo‘lib o‘qitiladi?

Qonunchilikka ko‘ra, malakali o‘qituvchilar yetarli bo‘lgan quyidagi hollarda sinfdagi o‘quvchilarni ikki guruhga bo‘lib o‘qitishga ruxsat etiladi:

◀️o‘quvchilar soni 25 nafar va undan ziyod bo‘lgan umumiy o‘rta ta’lim muassasalarining I — XI sinflarida "Chet tili" fani;

◀️ayrim fanlarga ixtisoslashtirilgan umumiy o‘rta ta’lim muassasalarida ixtisoslashgan fanlar;

◀️V — XI sinflarda "Informatika va axborot texnologiyalari";

◀️VIII — XI sinflarda "Jismoniy tarbiya";

◀️V — IX sinflarda "Texnologiya";

◀️X-XI sinflarda "Chaqiruvga qadar boshlang‘ich tayyorgarlik" fanlari;

◀️ta’lim tili o‘zbek tili bo‘lmagan umumiy o‘rta ta’lim muassasalarining II — XI sinflarida "O‘zbek tili" fani;

◀️ta’lim tili rus tili bo‘lmagan umumta’lim muassasalarining II — XI sinflarida "Rus tili" fani.

@talimationuz — TAʼLIM DOIMO MUHIM!

📣 Kontrakt uchun foizsiz kredit. Ta’lim krediti bo‘yicha muhim savollarga javoblar (1-Savol)

◀️Ta’lim krediti qay tartibda ajratiladi?

Talabalarga ta’lim krediti ajratish uchun Iqtisodiyot va moliya vazirligi huzurida Ta’lim kreditini moliyalashtirish jamg‘armasi tashkil qilingan.

Mazkur jamg‘arma orqali ajratilgan kreditlar foizi Markaziy bank asosiy stavkasi miqdorida belgilanadi, bugungi kunda 14 foiz.

Jamg‘arma kreditlarni banklar orqali ajratadi. Kredit ajratadigan banklar ro‘yxati Iqtisodiyot va moliya vazirligi saytida e’lon qilinadi.

Boshqa ta’lim kreditlarning foiz stavkasi, ularni olish, qaytarish tartibini banklar mustaqil belgilaydi.

@talimationuz — TAʼLIM DOIMO MUHIM!

📣 Kontrakt uchun foizsiz kredit. Ta’lim krediti bo‘yicha muhim savollarga javoblar (2-Savol)

◀️Kreditlar kimlarga ajratiladi?

Ta’lim krediti o‘qish muddati bir yil va undan ko‘p bo‘lgan barcha OTMlarda, texnikum va kollejlarda kunduzgi, sirtqi va kechki ta’lim shaklida o‘qiyotganlarga beriladi.

Bunda ta’lim tashkilotining davlatniki yoki xususiyligining ahamiyati yo‘q, shuningdek, O‘zbekistondagi xorijiy ta’lim muassasalarida o‘qiyotganlarga ham ta’lim krediti ajratiladi.

“Super kontrakt”ni to‘lash uchun ta’lim krediti berilmaydi.

@talimationuz — TAʼLIM DOIMO MUHIM!

📣 Kontrakt uchun foizsiz kredit. Ta’lim krediti bo‘yicha muhim savollarga javoblar (3-Savol)

◀️Kredit olish uchun qanday hujjatlar talab qilinadi?

Kredit olish uchun banklarga quyidagi hujjatlar beriladi:

📌 ariza;
📌 shartnoma (kontrakt) va unga ilova qilinadigan hisob varaqasi/fakturasi (mavjud bo‘lganda).
shartnomada o‘qishni tamomlashning muddati va bir yil uchun to‘lov miqdori ko‘rsatilgan bo‘lishi lozim;
📌 garov va kafillik bo‘yicha hujjat.
📌 “Ijtimoiy himoya yagona reyestri”ga kirgan oilalarning farzandlariga garov va kafillik talab etilmaydi;
📌 “Ijtimoiy himoya yagona reyestri”ga kiritilganligini tasdiqlovchi ma’lumotnoma (reyestrga kiritilganlar uchun);
📌 bankning ichki hujjatlarida belgilangan boshqa hujjatlar.

Mazkur hujjatlar bilan bir vaqtda pasport yoki ID-karta ko‘rsatiladi (mazkur hujjatlarning nusxalarini arizaga qo‘shib topshirgan ma’qul).

Arizani istalgan vaqtda berish mumkin, aniq cheklovlar mavjud emas.

@talimationuz — TAʼLIM DOIMO MUHIM!

📣 Texnikumlarga kirish imtihonlarining ikkinchi kun natijalari e’lon qilindi

👨‍💻 Talabgorlar o‘z natijalarini my.uzbmb.uz sayti orqali shaxsiy kabinetidan bilishlari mumkin.

27-sentyabr kuni 61 ta binoda ikki smenada o‘tkazilgan test sinovlarida jami 27 ming nafardan ziyod abituriyent ishtirok etdi.

@talimationuz — TAʼLIM DOIMO MUHIM!

📣 2023/2024-oʻquv yili uchun kollej va texnikumlarga kirish test sinovlari toʻrtinchi kuni bo‘lib o‘tmoqda

Imtihonlar ikki smenada: 1-smena 08:00 dan 11:00 gacha, 2-smena 15:00 dan 18:00 gacha oʻtkazilmoqda.

@talimationuz — TAʼLIM DOIMO MUHIM!

📣 Kontrakt uchun foizsiz kredit. Ta’lim krediti bo‘yicha muhim savollarga javoblar (4-Savol)

◀️Ariza qancha muddatda ko‘rib chiqiladi?

Ariza 5 ish kunida ko‘rib chiqilib, kredit ajratish yoki rad etish haqida qaror qabul qilinadi. Ariza rad etilganda uning sababi ko‘rsatilishi kerak.

Kredit berish ma’qullanganda, talaba va bank o‘rtasida bir yillik kontraktni to‘lash haqida shartnoma tuziladi.

Keyingi o‘quv yili uchun kredit olishda talaba o‘sha yil uchun shartnomani olib keladi va qo‘shimcha kelishuv tuzilib, kredit ajratiladi.

@talimationuz — TAʼLIM DOIMO MUHIM!

📣 Kontrakt uchun foizsiz kredit. Ta’lim krediti bo‘yicha muhim savollarga javoblar (5-Savol)

◀️Kredit foizi qancha?

Kredit Markaziy bankning asosiy stavkasi miqdorida, ya’ni 14 foiz miqdorda ajratiladi. Barcha xotin-qizlar uchun esa kredit foizlari jamg‘armaning o‘zi tomonidan qoplanadi. Bu degani xotin-qizlarga kredit FOIZSIZ ajratiladi.

@talimationuz — TAʼLIM DOIMO MUHIM!

📣 Kontrakt uchun foizsiz kredit. Ta’lim krediti bo‘yicha muhim savollarga javoblar (6-Savol)

◀️Kredit naqd ko‘rinishda beriladimi?

Kredit talabaning plastigiga yoki naqd ko‘rinishda o‘ziga berilmaydi, kredit OTM shartnomasida yoki hisob varaqasi/fakturasida ko‘rsatib o‘tilgan hisobvarag‘iga mablag‘ o‘tkazish yo‘li bilan amalga oshiriladi.

Kredit kontrakt miqdorini to‘rtga bo‘lib o‘tkaziladi. Masalan kontrakt 20 mln bo‘lsa, har chorakda 5 mlndan o‘tkaziladi.

Kontraktni har yarim yilda yoki birdaniga to‘lash kerak bo‘lsa, talabaning yozma arizasiga asosan kontrakt 2 ga bo‘lib yoki birdaniga to‘lanishi mumkin.

@talimationuz — TAʼLIM DOIMO MUHIM!