✔️Ta'lim kreditlarini qaysi banklardan olsa bo'ladi?

Yangi tartib asosida beriladigan ta’lim kreditini qaysi banklardan olish mumkin degan savol bugungi kunda talabalar uchun juda dolzarbdir. Moliya Vazirligi e’lon qilgan ta’lim krediti ajratadigan banklar ro’yxatiga ko’ra quyidagi 11 ta bank hozidgi vaqtda ta’lim kreditini ajratadi:

🗣️Talaba yigitlarga 14%, xotin-qizlarga esa 0% dan kredit ajratuvchi banklar ro'yxati

🏦Agrobank
🏦Aloqabank
🏦Asakabank
🏦Ipoteka-bank
🏦MKBank
🏦Orient finans bank
🏦Turonbank
🏦Xalq banki
🏦O‘zmilliybank
🏦O‘zsanoatqurilishbank
🏦Qishloqqurilishbank
🏦Hamkorbank

Ushbu banklarning istalgan filialiga ta’lim krediti olish uchun murojaat qilish mumkin. Qanday hujjatlar talab etilishini bu yerda o'qishingiz mumkin.

Ta’ilim krediti uchun arizalar sentyabr oyidan boshlab qabul qilinadi.

@talimationuz — TAʼLIM DOIMO MUHIM!

⚡️ Maksimal ball to‘plab kontraktga kirgan talabalar grantga o‘tkaziladi

JIDUga 6 nafar talaba maksimal 189 ball to'plagan bo'lsa-da, kontrakt asosida o'qishga qabul qilingandi. Bu talabalar prezident tomonidan berilgan imtiyoz bo'yicha grantga o'tkaziladi. «Temurbeklar maktabi»ning ham kvotalarini alohidalashtirish ustida ish olib borilmoqda.

◀️O'zbekiston prezidenti Shavkat Mirziyoyevning topshirig'iga asosan ta'lim tashkilotlariga qabul qilish bo'yicha Davlat komissiyasining navbatdagi bayoni qabul qilindi. Bu haqda bosh vazir matbuot kotibi Bekzod Hidoyatov xabar berdi.

Unga ko'ra, Jahon iqtisodiyoti va diplomatiya universitetining «Xalqaro munosabatlar≫ yo'nalishi (o'zbek guruhi)ga eng yuqori - 189 ball to'plangan, ammo to'lov-kontrakt asosida tavsiya etilgan quyidagi abituriyentlar prezident tomonidan berilgan imtiyoz bo'yicha davlat granti asosida o'qiydi:

👉 Ahatova Aziza Shuhrat qizi;
👉 Abdulvohidova Muhayyoxon Lutfullo qizi;
👉 Xoʻjabekov Ubaydullo Ne'matovich;
👉 Ergasheva Muxlisa Azizbek qizi;
👉 Tilavoldiyev Sanjar Zafarjon o'g'li.

Eslatib o'tamiz, «Temurbeklar maktabi» bitiruvchilariga harbiy ta'lim muassasalarida o'zlari to'plagan ballarning 30 foizi miqdoridagi, boshqa OTMda esa 15 foizi miqdoridagi qo'shimcha ballar beriladi. Aynan shu toifadagi imtiyozli abituriyentlar sabab Jahon iqtisodiyoti va diplomatiyasi universitetiga o'qishga topshirgan 6 nafar abituriyent 189 ball to'plasa ham, kontrakt asosida o'qishga qabul qilingandi.

➡️ Qabul komissiyasi a'zosi, Bilim va malakalarni baholash agentligi raisi Majid Karimovning so'zlariga ko'ra, «Temurbeklar maktabi»ning ham kvotalarini alohidalashtirish ustida ish olib borilmoqda. Ma'lum qilinishicha, shunga o'xshash keyingi holatlarning ham oldini olish uchun muntazam ishlovchi tartib ishga tushirilyapti.

«Jahon iqtisodiyoti va diplomatiya universitetidan boshqa OTMda bunday muammo yo'q. Maksimal ball to'plab ham kontraktga o'qishga qabul qilinganlar aslida 6 nafar edi. Qoraqalpog'istonlik bir talabaning muammosini hal qildik. Qolgan 5 nafarining muammosi esa bugun yoki ertaga hal bo'ladi», degan u.

‼️ Mandat e'lon qilingach, maksimal ball to'plab ham kontrakt asosida o'qishga kirgan abituriyentlar mavzusi va «Temurbeklar maktabi» bitiruvchilariga berilgan imtiyoz jamoatchilik etirozlariga sabab boʻlgandi. Kun.uz ham bu mavzuda bir qancha materiallar e'lon qilgandi.

@talimationuz — TAʼLIM DOIMO MUHIM!

📣 Super kontrakt asosida o'qishni ko'chirish muxlati tugamoqda

Oshirilgan kontrakt asosida o'qishini ko'chirmoqchi bo'lgan talabalar uchun muxlat tugamoqda. Oliygohlarning o'zi ham jarayonni to'xtatib qo'yish huquqiga ega.

📌 Oshirilgan kontrakt uchun shartnomalarni kontrakt.edu.uz sayti orqali yuklab olishingiz mumkin. Bir yillik oshirilgan kontrakt summasining 50%ini to'lagan talabgorlar uchun darslarda qatnashish imkoni beriladi.

☝️Agarda 15-oktabr qadar oshirilgan kontrakt summasini to'liq amalga oshirsangiz 10%lik chegirmaga ega bo'lasiz.

Shoshiling muxlat yakunlanmoqda. Davlat oliygohlar moddiy-texnik baza imkoniyati cheklanganligi sababi bilan xoxlagan vaqtda "perevod"chilarni qabul qilmaslik huquqiga ega.

@talimationuz — TAʼLIM DOIMO MUHIM!

‼️ ESLATMA

Talabaning shaxsiy yigʼma jildi belgilangan muddatda taqdim etilmaganda fuqaroning o‘qishini ko‘chirish va qayta tiklash haqidagi murojaatiga rad javobi beriladi!

📌 Asos: (Oʼzbekiston Respublikasi Vazirlar Mahkamasining 2017-yil 20-iyundagi 393-sonli qarori)

@talimationuz — TAʼLIM DOIMO MUHIM!

📣 Prezident grantining afzalligi nimada?

Har yili davlat OTMlari bakalavriatining kunduzgi taʼlim shakliga kirish imtihonlarida eng yuqori ball to‘plagan 200 nafar yoshlar uchun Prezident granti beriladi.

👀 Prezident grantiga daʼvogar bo‘lgan abituriyentlar davlat granti asosida o‘qishga qabul qilinadi.

Prezident granti sovrindorlari 1-kursda barcha fanlarni “aʼlo” baholarga o‘qisa, maʼnaviy-maʼrifiy va ilmiy-tadqiqot yo‘nalishlarida yutuqlarga erishgan bo'lsa, unda stipendiya tanlovida qatnashadi.

📌 O‘tkazilgan tanlov natijalariga ko‘ra g‘olib bo‘lgan talabalarga Prezident davlat stipendiyasi tayinlanadi va to‘lanadi.

Prezident granti uchun belgilangan stipendiya 2-kursning o‘quv yili boshidan oyma-oy to‘lanadi va shuning uchun unga umumiy shartlarda belgilanadigan stipendiya tayinlanmaydi.

⚡️ Agar grant sovrindori o‘quv semestri yakuniga ko‘ra kamida bitta fandan “aʼlo” baho olmasa, kelgusi o‘quv semestri mobaynida unga umumiy tartibda belgilanadigan stipendiya tayinlanadi.

Navbatdagi o‘quv semestri yakuniga ko‘ra barcha fanlar bo‘yicha o‘zlashtirish ko‘rsatkichi faqat “aʼlo” baho bo‘lganda, Prezident granti uchun belgilangan stipendiya qayta tayinlanadi va to‘lab boriladi.

‼️ O‘qish yakuniga qadar Prezident grantini uzluksiz olgan talabalar bakalavriat taʼlim yo‘nalishiga mos va turdosh mutaxassislik bo‘yicha magistraturaga kirish imtihonlarisiz qo‘shimcha davlat granti asosida talabalikka qabul qilinadi.

@talimationuz — TAʼLIM DOIMO MUHIM!

📣 Prezident maktabi bitiruvchilari qoʻshimcha kvotalar asosida talabalikka tavsiya etildi

O'zbekiston Respublikasi Prezidenti Shavkat Mirziyoyevning topshiriqlariga asosan ta'lim tashkilotlariga qabul qilish bo'yicha Davlat komissiyasining navbatdagi bayoni qabul qilindi.

‼️Unga ko'ra, Prezident, Ijod, Abu Ali ibn Sino, Mirzo Ulug'bek hamda Muhammad al-Xorazmiy nomidagi ixtisoslashtirilgan maktab bitiruvchilari O'zbekiston Respublikasi ta'lim tashkilotlariga qabul qilish bo'yicha davlat komissiyasining tegishli Bayoni bilan Davlat oliy ta'lim muassasalariga umumiy qabul kvotasidan tashqari qoʻshimcha kvotalar asosida talabalikka tavsiya etildi.

@talimationuz — TAʼLIM DOIMO MUHIM!

📣 Milliy sertifikat qanday imtiyoz beradi?

👉 Agar o'qituvchi milliy sertifikat imtihonida 80% yoki undan yuqori natijani qoʻlga kiritsa, oylik maoshiga 20% ustama qo'shib beriladi!

👉 Agar abituriyent 86% va undan yuqori natijani qo'lga kiritsa, tegishli fanidan kirish imtihonlarida maksimal ball beriladi. Ya'ni ona tili va adabiyot 1-blok fani bo'lsa 93 ball, 2-blok fani bo'lsa 63 ball. Shuningdek majburiy 10 talik testdan ham maksimal ball (11 ball) beriladi.

👉 Agar 60% dan 85% gacha natijani qo'lga kiritsa, foizga nisbatan proporsional ball beriladi. Ya'ni 80 foizlik natijani qo'lga kiritsa, unga 93 ballning 80%i (74,4 ball) beriladi!

👉 Agar ona tilidan majburiy fan sifatida (10 talik testga) tayyorlanayotgan abituriyent milliy sertifikat imtihonidan 60 foizdan yuqori natijani qoʻlga kiritsa, unga majburiy ona tilidan maksimal ball (11 ball) beriladi. Ya'ni milliy sertifikat majburiy fan uchun ham o'tadi!

@talimationuz — TAʼLIM DOIMO MUHIM!

‼️ "Temurbeklar maktabi"ga berilgan imtiyoz ham umumiy kvotadan chiqariladi

Bilimlarni baholash agentligi direktori Majid Karimovning ma'lum qilishicha, abituriyentlar maksimal ball olib kontraktga tushib qolmasliklari uchun alohida tizim ustida ishlanyapti.

👉 Eslatib o'tamiz, hozirgi tartib bo'yicha, "Temurbeklar maktabi"ni tugatgan o'quvchilarga harbiy OTMlarda 30 foiz, boshqa davlat OTMlarida esa 15 foiz ball qo'shib beriladi.

@talimationuz — TAʼLIM DOIMO MUHIM!

📣 Professional ta’lim muassasalariga kirish test sinovlari

2023-2024-o‘quv yili uchun professional ta’lim muassasalari (kollej va texnikum) ga kirish test sinovlari 2023-yil 26-29-sentabr kunlari 2 smenada o‘tkaziladi. Bunda test sinovlari:

1️⃣-smenada 08:00 dan 11:00 ga qadar;
2️⃣-smenada 15:00 dan 18:00 ga qadar bo‘lib o‘tadi.

📚 Test sinovi kasb va mutaxassislikka mos 2 ta fan va barcha test topshiruvchilar uchun majburiy bo‘lgan 3 ta fan (ona tili, matematika, O‘zbekiston tarixi) dan o‘tkaziladi.

⏳ Unda talabgorlarga mutaxassislik fanlaridan 30 tadan, majburiy fanlardan 10 tadan jami 90 ta test topshirig‘i va ularni ishlash uchun 3 soat vaqt ajratiladi.

📌 Test sinovlarida to‘plash mumkin bo‘lgan maksimal ball – 189 ball bo‘lib, har bir to‘g‘ri javob uchun:

🔹 1-mutaxassislik fanida — 3,1 balldan (jami 93 ball);
🔹 2-mutaxassislik fanida — 2,1 balldan (jami 63 ball);
🔹 majburiy fanlarda — 1,1 balldan (jami 33 ball) beriladi.

Talabgorlar test sinovida ishtirok etish uchun ruxsatnomani Bilimni baholash agentligining my.uzbmb.uz saytidan yuklab olishlari mumkin.

‼️ Talabgorlardan test sinovi o‘tkaziladigan hududga belgilangan vaqtdan kamida 1 soat oldin shaxsini tasdiqlovchi hujjat va test sinovida ishtirok etish uchun ruxsatnoma bilan kelishlari so‘raladi.

@talimationuz — TAʼLIM DOIMO MUHIM!

📣 2023-yilning 2-yarmida bo‘lib o‘tadigan chet tili imtihonlari ma'lum qilindi

Chet tilini bilish darajasini aniqlash test sinovlari oktyabr, noyabr va dekabr oylarida tashkil etiladi.

👨‍💻Test sinovi uchun talabgorlarni ro‘yxatga olish my.gov.uz sayti orqali onlayn tarzda amalga oshiriladi.

Ro‘yxatdan o‘tishda talabgorlar o‘zlariga qulay bo‘lgan hududni tanlagan holda mazkur hududda test sinovlarida ishtirok etishlari mumkin.

‼️Oktyabr oyidan boshlab chet tilini bilish darajasini aniqlash test sinovlarida har bir bo‘lim uchun alohida vaqt belgilanadi va test materiallari alohida tarqatiladi.

@talimationuz — TAʼLIM DOIMO MUHIM!

🌀 Telegram story kanallarga joylashtirish imkoniyatini taqdim etdi. Ushbu xususiyatni faollashtirish uchun premium obuna ilovasi talab qilinadi.

➡️ Kanalni qo'llab-quvvatlash — https://t.me/talimationuz?boost

@talimationuz — TAʼLIM DOIMO MUHIM!

📣 Maktab va bogʻchalarga tarqatilgan yod preparati isteʼmoli toʻxtatildi

Bu haqida Oʻzbekiston Respublikasi Sogʻliqni saqlash vazirligi “Koʻrsatma xati” eʼlon qilindi.

@talimationuz — TAʼLIM DOIMO MUHIM!

📌 Alifbo islohoti — 4 ta harfning yangi shakli loyihasi eʼlon qilindi

5-iyul kuni Shavkat Mirziyoyev toshkentlik saylovchilar bilan saylovoldi uchrashuvida “ziyolilarimiz, keng jamoatchiligimiz bilan bamaslahat, lotin yozuviga asoslangan alifbomizni takomillashtirish boʻyicha ishlarni yakuniga yetkazishimiz zarur” deya taʼkidlagan edi.

‼️ Ayni daqiqalarda Alisher Navoiy nomidagi Toshkent davlat oʻzbek tili va adabiyoti universitetida “Lotin yozuviga asoslangan oʻzbek alifbosini takomillashtirish masalalariga bagʻishlangan respublika ilmiy-nazariy konferensiya” boʻlib oʻtmoqda.

Konferensiyada taklif sifatida Ishchi guruh tomonidan 28 ta harf, 1 ta harflar birikmasi va tutuq belgisidan tarkib topgan takomillashtirilgan alifbo loyihasi eʼlon qilindi. Bu haqda OʻzA muxbiri xabar bermoqda.

Bunda quyidagi 4 ta harf shaklini biroz oʻzgartirish taklif etilmoqda:

Oʻ => Õ õ

Gʻ => Ğ ğ

Ch => C c

Sh => Ş ş

Konferensiya ishi davom etmoqda.

@talimationuz — TAʼLIM DOIMO MUHIM!

📣 Lotin yozuviga asoslangan o‘zbek alifbosi loyihasi

28 ta harf, 1 ta harflar birikmasi va tutuq belgi.

@talimationuz — TAʼLIM DOIMO MUHIM!

📣 Talabalar turar joylarini qurish ishlari qanday ketmoqda?

Talabalar uchun turar joy barpo etish boʻyicha 7 ta muhim fakt!

1️⃣Vazirlar Mahkamasi tomonidan tasdiqlangan dasturga koʻra, 2026-yilga qadar respublika boʻyicha 100 ming oʻringa moʻljallangan talabalar turar joyi quriladi.

2️⃣Dastur qabul qilingandan buyon 26 171 oʻrinli 55 ta yotoqxona qurilib, foydalanishga topshirildi.

3️⃣Birgina 2023-yilda respublika miqyosida 38 633 oʻrinli jami 85 ta talabalar turar joyini bunyod etish boʻyicha loyihalar amalga oshirilmoqda:
👉 55 tasi (24 621 oʻrinli ) davlat-xususiy sheriklik;
👉 30 tasi (14 012 oʻrinli) oliygoh va byudjet mablagʻlari, investitsiya dasturi asosida.

4️⃣Joriy yil yakunigacha davlat dasturida belgilangan 18 ming oʻrinli talabalar turar joylari qurib bitkaziladi. Jumladan, o‘tgan 9 oy davomida jami 9 014 oʻrinli 21 ta talabalar turar joyi foydalanishga topshirildi. Shundan:
👉 11 tasi (4 942 oʻrinli) davlat-xususiy sheriklik;
👉 10 tasi (4 072 oʻrinli) oliy taʼlim muassasasi mablagʻlari hisobidan qurilgan.

5️⃣ Yil yakuniga qadar yana 9 469 oʻrinli 20 ta talabalar turar joyi qurib, foydalanishga topshiriladi. Xususan, ularning:
👉 12 tasi (5 429 oʻrinli) davlat-xususiy sheriklik;
👉 5 tasi (2 400 oʻrinli) oliy taʼlim muassasalari mablagʻlari;
👉 3 tasi (1 640 oʻrinli) investitsiya dasturi asosida.

6️⃣Hozirda 25 569 oʻrinli 54 ta talabalar turar joyini qurish ishlari olib borilmoqda.

7️⃣115 ta davlat oliygohida jami 324 ta talabalar turar joyi mavjud boʻlib, ularning sigʻimi 117 646 oʻrinni tashkil etadi.

@talimationuz — TAʼLIM DOIMO MUHIM!

📣 1-kursga tavsiya etilganlar uchun toʻlov-kontrakt mablagʻlarini toʻlash muddati 15-oktabrga qadar uzaytirildi

Davlat komissiyasining tegishli bayoni bilan, ko‘pchilik abituriyentlar va ularning ota-onalari hamda oliy taʼlim muassasalari rektorlarining murojaatlarini inobatga olib, 2023/2024-o‘quv yilida oliy taʼlim muassasalari bakalavriati va magistraturasiga to‘lov-kontrakt, jumladan, tabaqalashtirilgan to‘lov-kontrakt asosida talabalikka tavsiya etilgan abituriyentlar o‘qishi uchun to‘lov haqini o‘tkazish hamda talabalar safiga qabul qilishni rasmiylashtirishning so‘nggi muddati 2023-yilning 15-oktabri etib belgilandi.

‼️Eslatma: amaldagi tartibga ko‘ra, ikkinchi va undan yuqori bosqich talabalar kontraktini to‘lash muddati OTM rahbarining buyrug‘i bilan uzaytirilishi mumkin.

@talimationuz — TAʼLIM DOIMO MUHIM!

📌 Toshkent kimyo-texnologiya institutining "Ijtimoiy-siyosiy fanlar" kafedrasi katta o'qituvchisi Hamroyev Sanjar Samiyevich tomonidan kuni kecha AQSHda bo'lib o'tgan Birlashgan Millatlar Tashkiloti Bosh Assambleyasining 78-sessiyasidagi Davlatimiz rahbarining nutqiga #MUNOSABAT

📹 HD Formatda ko'rish ➡️ https://youtu.be/vH1MPEoL7zM

@talimationuz — TAʼLIM DOIMO MUHIM!

📣 Talaba oliy ta’lim muassasasidan quyidagi hollarda chetlashtirilishi mumkin:

👉 o‘z xohishiga binoan;
👉 o‘qishning boshqa ta’lim muassasasiga ko‘chirilishi munosabati bilan;
👉 salomatligi tufayli (tibbiy komissiya ma’lumotnomasi asosida);
👉 o‘quv intizomini va oliy ta’lim muassasasining ichki tartib-qoidalarini buzganligi uchun;
👉 bir semestr davomida darslarni uzrli sabablarsiz 74 soatdan ortiq qoldirganligi sababli;
👉 o‘qish uchun belgilangan to‘lov o‘z vaqtida amalga oshirilmaganligi sababli (to‘lov-kontrakt bo‘yicha tahsil olayotganlar uchun);
👉 talaba sud tomonidan ozodlikdan mahrum etilganligi munosabati bilan;
👉 vafot etganligi sababli.

Harbiy xizmatni o‘tash, salomatligini tiklash, homiladorlik va tug‘ish, shuningdek bolalarni parvarish qilish ta’tillari davrida talabaga Oliy va o‘rta maxsus ta’lim vazirligi tomonidan tasdiqlangan tartib asosida akademik ta’til berilishi mumkin.

‼️Belgilangan muddatlarda fanlarni o‘zlashtira olmagan (akademik qarzdor bo‘lgan) talaba oliy ta’lim muassasasi rektori buyrug‘i bilan kursdan qoldiriladi.

Akademik qarzdorligi tufayli kursdan qoldirilgan talaba to‘lov-kontrakt asosida o‘qishini quyi kursdagi o‘quv semestri boshidan boshlashi mumkin.

@talimationuz — TAʼLIM DOIMO MUHIM!

❓ Oʻqishini koʻchirgan talabalar qaysi hollarda taʼlim krediti olishi mumkin?

Bazaviy (oddiy) toʻlov-kontrakt asosida oʻqishini koʻchirgan boʻlsa, bemalol taʼlim krediti olishi mumkin. Agar tabaqalashtirilgan toʻlov-kontrakt (super-kontrakt) asosida oʻqishini koʻchirgan boʻlsa, unda taʼlim krediti berilmaydi.

✅ Quyidagilarga taʼlim krediti beriladi:

⏺Xorijdan oʻqishini koʻchirib, imtihonda oʻtish balidan yuqori ball olgan boʻlsa;
⏺Oʻzbekistondagi xorijiy oliygohlar, filiallar va nodavlat-xususiy OTMlardan oʻqishini mos va turdosh yoʻnalishga koʻchirib, imtihonda oʻtish balidan yuqori ball olgan boʻlsa;
⏺bir davlat OTMidan boshqasiga oʻqishini uzrli sabablar bor boʻlgan holatda mos va turdosh yoʻnalishga oʻqishini koʻchirgan boʻlsa;
⏺yoʻnalishi va OTMni oʻzgartirmagan holda faqat taʼlim shaklini (kunduzgidan sirtqiga va h.k.) yoki taʼlim tilini (oʻzbekdan rusga va h.k.) oʻzgartirgan boʻlsa.

❌ Quyidagilarga taʼlim krediti berilmaydi:

◀️Xorijdan oʻqishini koʻchirib, imtihonda oʻtish balini toʻplay olmagan boʻlsa;
◀️Oʻzbekistondagi xorijiy oliygohlar, filiallar va nodavlat-xususiy OTMlardan oʻqishini koʻchirib, imtihonda oʻtish balini toʻplay olmagan boʻlsa;
◀️Oʻzbekistondagi xorijiy oliygohlar, filiallar va nodavlat-xususiy OTMlardan oʻqishini mos va turdosh boʻlmagan yoʻnalishga koʻchirgan boʻlsa;
◀️bir davlat OTMidan boshqasiga oʻqishini uzrli sabablar yoʻq boʻlgan holda koʻchirgan boʻlsa;
◀️bir davlat OTMidan boshqasiga oʻqishini mos va turdosh boʻlmagan yoʻnalishga oʻqishni koʻchirgan boʻlsa;
◀️bir OTM ichida boshqa yoʻnalishga uzrli sabablar yoʻq boʻlgan holda yoki mos va turdosh boʻlmagan yoʻnalishga oʻqishini koʻchirgan boʻlsa.

@talimationuz — TAʼLIM DOIMO MUHIM!

⚡️Rasman: Endilikda Oʻzbekistonda IELTS BEPUL oʻqitiladi

1000 ta GRANT ajratiladi!

Grantning umumiy miqdori 2.8 milliard so'm!

— Respublika miqyosida Registon ta’lim loyihasi yoshlarga "Registon IELTS Granti" tanlovini e’lon qiladi. Ushbu Grant orqali Respublika bo‘ylab 1000 nafar yoshlarni mutlaqo bepul o‘qitish rejalashtirilgan.

Hujjatlar shu yilning 22-oktyabrga qadar onlayn shaklda yagona internet portali orqali qabul qilinadi.

✅ Ushbu loyihada Respublikamizda tahsil olayotgan barcha yoshlar ishtirok etishi mumkin.

🏆 Grant g'oliblari “Registon IELTS Granti" g‘oliblik guvohnomasi, maxsus Grant, shuningdek, esdalik sovg‘alar va maxsus mukofotlarga ega bo‘lishadi.

👉 Batafsil ma'lumot

📑 Shuningdek, tanlovda ishtirok etgan nomzodlarning barchasiga maxsus QR-kodli sertifikatlar onlayn topshiriladi.

© Manba

@talimationuz — TAʼLIM DOIMO MUHIM!