⚡️ Magistraturaga hujjatlar qabuli o‘z yakuniga yetdi

2023/2024-o‘quv yili uchun davlat oliy ta’lim muassasalarining magistratura mutaxassisliklariga qabul bo‘yicha magistr.edu.uz elektron tizimi orqali onlayn 20 054 nafar abituriyent ariza yuborgan.

‼️ Hozirda kelib tushgan hujjatlar tuzilgan ishchi guruhi tomonidan ko‘rib chiqish jarayonida. Bunda abituriyentlarning bakalavriat diplomi ilovasidagi ballarning o‘rtacha ko‘rsatkichi hisoblanib, yuklangan til sertifikatlarining haqiqiyligi tekshirilmoqda.

Talabgorlar magistr.edu.uz platformasidagi shaxsiy kabinetlari orqali o‘z arizalarining bosqichma-bosqich ko‘rib chiqish holatini kuzatib borishlari mumkin.

➡️ Hujjatlar ishchi guruhi tomonidan to‘liq ko‘rib chiqilganidan so‘ng, yakuniy natija yuzasidan qo‘shimcha axborot beriladi.

@talimationuz — TAʼLIM DOIMO MUHIM!

⚡️ Bitiruvchi talabalarni ishga qabul qilishda sinov muddati qo'llash mumkinmi?

Sinov muddati uzog'i bilan uch oy muddatga xodimning ishga layoqatliligini tekshirib ko‘rish, mehnat shartnomasida kelishilgan ishni davom ettirishning maqsadga muvofiqligi haqida bir qarorga kelishi uchun tuziladi.

Biroq quyidagi shaxslar ishga qabul qilinganda dastlabki sinov belgilanmaydi (MK 129-modda):

👉homilador ayollar;
👉uch yoshga to‘lmagan bolasi bor ayollar;
👉korxona uchun belgilangan minimal ish joylari hisobidan ishga yuborilgan shaxslar;
👉o‘rta maxsus, kasb-hunar ta’limi muassasalarining hamda oliy o‘quv yurtlarining tegishli ta’lim muassasasini tamomlagan kundan e’tiboran uch yil ichida birinchi bor ishga kirayotgan bitiruvchilari.

❗️Bundan ko'rinadiki, talabalar OTMni bitirgach ishga 1-marotaba ishga kirayotganida sinov muddati belgilashga qonunan yo'l qo'yilmaydi.

@talimationuz — TAʼLIM DOIMO MUHIM!

🇬🇧 Ingliz tilidan milliy sertifikat Turkiyaning Kipr Fanlar Universitetida tan olinadi

Bilimni baholash agentligi tomonidan chet tilini bilish darajasini aniqlash test sinovlari doimiy ravishda rivojlantirib borilmoqda.

🤝 Buning uchun test formatini yanada takomillashtirish va xalqaro talablar doirasida shakllantirish yuzasidan bir qancha xorijiy tashkilotlar bilan yaqindan hamkorlik qilib kelinmoqda.

Shuningdek, chet tilini bilish darajasini aniqlash bo‘yicha milliy sertifikatni xorijiy universitetlar tomonidan tan olinishi yuzasidan bir qator ishlar amalga oshirilmoqda.

✔️ Natijada Turkiyaning Kipr Fanlar Universiteti (Kibris Ilim Üniversitesi –Cyprus Science University) tomonidan agentlikning ingliz tilini bilish darajasini baholash bo‘yicha milliy sertifikati rasman tan olindi.

Endilikda Bilimni baholash agentligi tomonidan beriladigan ingliz tilidan tegishli darajadagi milliy sertifikatga ega abituriyentlar Kipr Fanlar Universitetida tahsil olishlari mumkin.

@talimationuz — TAʼLIM DOIMO MUHIM!

☝️ Maqsadli intizom haqida

Intizomingiz darajasi, siz necha marta komfort zonangizga yo’q deganingiz bilan o’lchanadi.

Necha marta issiqqina o’rningizga yo’q dedingiz?

Necha marta fast food ga yo’q dedingiz?

Necha marta shirinlikka yo’q dedingiz?

Xulosa o’zingizdan!

@talimationuz — TAʼLIM DOIMO MUHIM!

📌 Stipendiyalar har oyning 5-sanasigacha talabalarga tashlab berilishi kerakmi?

Xabaringiz bor O‘zbekiston Respublikasi Prezidenti tomonidan imzolangan tegishli qarorga ko‘ra, 2022-yil 1-maydan “Temir daftar”, “Yoshlar daftari” va “Ayollar daftari”ga kiritilgan fuqarolarga va oilalarga tegishli jamg‘armalar mablag‘lari hisobidan ko‘rsatiladigan moddiy yordamlar, mehnat organlari tomonidan to‘lanadigan ishsizlik nafaqasi va stipendiyalar hamda jazoni o‘tab ozodlikka chiqqan fuqarolarga to‘lanadigan moddiy yordam pullari har oyning 5-sanasiga qadar moliyalashtirilishi belgilangan.

❌ Bu yerda talabalarga to'lanadigan stipendiyalar emas, Iqtisodiy taraqqiyot va kambag‘allikni qisqartirish vazirligi tomonidan nochor va ishsizlar uchun ta'sis etilgan yordam puli stipendiyasi nazarda tutilgan.

Davlat oliy ta'lim muassasalarida buxgalterlar Vazirlar Mahkamasining 2014-yildagi 245-son qaroriga asosan oylik va stipendiya tayinlaydilar. Ya'ni har oyning 5-sanasigacha OTM xodimlariga avvalgi oy ishlagani uchun oylik ish haqqi tashlab beradilar, har oyning 20-sanasigacha esa talabalar uchun joriy oyning stipendiyasi tashlab beriladi.

⭕️ Masalan hozir sentabr, 5-sentabrga qadar xodimlar uchun avgust oyligi tashlab berilishi shart, buxgalterlar 5-sentabrga qadar faqat shu xodimlarni oyliklarini vaqtida tashlab berish bilan shug'ullanadilar. Shundan so'ng buxgalterlar 20-dekabrga qadar talabalarga sentabr oyi stipendiyasini tashlab berish bilan shug'ullanadilar. Shu tartibda har oy davom etaveradi.

◀️Stipendiyalar nega kechikadi?
Stipendiya kechikishining asosiy sabablaridan biri bu dekan o'rinbosarlari talabalarning vedmost qog'ozlarini o'z vaqtida buxgalteriyaga taqdim etmasligi hamda talabalar o'z vaqtida kontrakt to'lamasligidir. Har oy dekan o'rinbosarlari buxgalteriyaga stipendiyali kontrakt to'laganlar to'g'risida ma'lumot kiritib boradi, barcha fakultetlarda ushbu ma'lumotlar to'liq jamlanmaguniga qadar stipendiyalar tayinlanmaydi, shu tariqa har oyning 1-sanasidan 20-sanasigacha bo'lgan oraliqda dekan o'rinbosarlaridan stipendiyali kontrakt to'laganlar va akademik qarzdor bo'lmaganlar, chetlashtirilmaganlar haqida umumlashgan ma'lumot kelishini kutishadi.

Oylik va stipendiya tushurib berish nozik masala bo'lib juda katta hujjatbozlik va ko'p mehnat talab qiladi, shuning uchun bu amaliyot 1 oyda 1 marotaba o'tkaziladi. Shu sababli bo'lim boshliqlari tabellarni dekan o'rinbosarlari esa vedmostlarni kadrlar bo'limi va buxgalteriyaga o'z vaqtida yetkazishlari muhim ahamiyatga egadir.

@talimationuz — TAʼLIM DOIMO MUHIM!

📣O‘tish ballini 89,2 foiz talabgor to‘plolmadi – bu yilgi «perevod» mavsumi haqida

Davlat oliy ta’lim muassasalariaro o‘qishni imtihonsiz ko‘chirishga faqat 2 holatda: talaba turmush qurganda turmush o‘rtog‘ining doimiy yashash joyiga, talabaning ota-onasi yoki turmush o‘rtog‘ining ish joyi o‘zgarganda o‘qishni ko‘chirishga ruxsat beriladi.

📌 «Perevod» uchun minimal ball 1 yil oldingi o‘tish ballidan anchayin past

Lekin imtihon asosida istalgan xorijiy va mamlakat ichidagi xususiy OTMda o‘qiyotgan talabalar o‘qishini davlat OTMga ko‘chirish mumkin. Ular buning uchun o‘tish ballini to‘plasa yetarli. O‘tish balli esa bir yil oldingi kirish imtihonlaridagi o‘tish balliga qaraganda ancha pastroq.

‼️ Masalan, 2022 yilda Toshkent tibbiyot akademiyasi «Davolash ishi» yo‘nalishida o‘tish balli 159,4 ball bo‘lgan bo‘lsa, bu yil o‘qishni ko‘chirish uchun sog‘liqni saqlash sohasi yo‘nalishlarida belgilangan minimal o‘tish balli 129 ball etib belgilangan.

🗣️ Yoki ta’lim yo‘nalishida o‘tish balli 94 ball etib belgilangan, aksar ta’lim yo‘nalishlarida esa o‘tish ballari bundan anchayin baland bo‘ladi. Toshkent davlat pedagogika universitetining «Tarix» yo‘nalishida o‘tish balli 159,1 ball, o‘zbek tili va adabiyoti yo‘nalishida esa 125,7 ball bo‘lgan. Ta’lim yo‘nalishida o‘tish balli 94 balldan pastroq bo‘lgan yo‘nalishlar ham bor, lekin talabgir yo‘nalishlarda ball anchayin baland bo‘lgan.

@talimationuz — TAʼLIM DOIMO MUHIM!

📌 To'lov kontraktidan davlat grantiga o'tgan talabalar

@talimationuz — TAʼLIM DOIMO MUHIM!

📣 Oliy ta'lim muassasalaridagi yana bir global muammolardan biri: Kursdan-kursga o'tgani haqidagi buyruq kech chiqishi!

Har yili barcha OTMlarda yangi o'quv yili boshlanishi bilan talabalardagi eng katta muammo bu tizimlarda avvalgi kursi ko'rsatilishi.

‼️ Masalan kontrakt.edu.uz da kerak bo'lsa noyabrgacha sizni kursingiz bir kurs past qilib ko'rsatiladi, bunda ta'lim krediti yoki ishxonadan pul o'tkazishda muammolar tug'iladi, proyezdnoy olish uchun guvohnoma kerak bo'ladi, guvohnomaga keyingi kursni pechatini urish uchun esa siz keyingi kursga ko'chirilganingiz haqida buyruq chiqishi kerak bo'ladi. Yoz ichi OTMdagilar 1 kun vaqt ajratib buyruq chiqarib qo'yishni iloji yo'qmi?

@talimationuz — TAʼLIM DOIMO MUHIM!

📌 O‘tish ballini 89,2 foiz talabgor shu minimal ballga ham yetolmaganlar

O‘tish balli ancha past bo‘lgani sabab bir yildan keyin xususiy yoki xorijiy OTMda o‘qib turib, o‘qishini ko‘chirish niyatida bo‘ladiganlar yetarlicha bo‘ladi. Masalan, bu yil xorijiy va xususiy OTMdan davlat OTMga o‘qishni ko‘chirish uchun 54,2 ming kishi ariza topshirgan. Ularning 41,1 ming nafari Bilimlarni baholash agentligi tomonidan o‘tkazilgan imtihonda qatnashgan.

👀 Lekin testda ishtirok etganlarning 89,2 foizi o‘qishni ko‘chirish uchun belgilangan minimal ballarni to‘play olmagan. Faqat 4,3 ming nafar talabgor o‘tish ballini to‘plab davlat OTMda o‘qish imkoniga erishgan. Lekin 4,3 ming soni ham kichkina raqam emas. Bu – davlat shuncha shaxsning oliy ta’limda o‘qishi uchun sharoit qilib berishi kerakligini anglatadi.

O‘qishni ko‘chirish imtihonlari ham xuddi kirish imtihonlari kabi shaffof imtihon tarzida o‘tkazilayotgani yaxshi, albatta. Lekin har ikkala holatda OTMga kirish va o‘qishni ko‘chirishdagi ballarda katta farq bo‘lishi qanchalik to‘g‘ri? Ballar o‘rtasida sezilarli farq bo‘lishi bir yil oldin yuqori ball to‘plab davlat OTMga o‘qishga kirgan talabalarga nisbatan adolatsizlik bo‘lmaydimi? Agar hammasi shu tartibda davom etsa, o‘qishga kirib bir yildan keyin ko‘chirish uchun talabgor bo‘ladiganlar soni oshib borishiga sabab bo‘lmaydimi?

‼️ Masalan, Bilim va malakalarni baholash agentligi tahlillariga ko‘ra, ayrim xususiy universitetlardan mingdan oshiq talabgor o‘qishini davlat OTMga ko‘chirish uchun ariza bergan.

Bundan tashqari, OTMda qancha talabgor o‘tish ballini to‘plab «perevod» qilishini, qancha talabaga o‘qish joyi ajratishlari kerakligini oldindan prognoz qilish va ularga sharoit qilish imkoni mavjudmi?

➖ OTMga kutilmagan tarzda yuk tushmasligi va avvalroq talaba bo‘lganlarga nisbatan adolatsizlik bo‘lmasligi uchun bularni ham bir o‘ylab ko‘rish kerakdir balki.

@talimationuz — TAʼLIM DOIMO MUHIM!

⚡️ O‘zbekistonda Amerika universiteti ochiladi

2024-yilda ochilishi kutilayotgan Amerika texnologiyalar universitetida sog‘liqni saqlash, injiniring, arxitektura va dizayn kabi yo‘nalishlarda kadrlar tayyorlanishi kutilyapti.

🤝 Bu bo‘yicha Shavkat Mirziyoyev Arizona davlat universiteti bilan hamkorlikda tashkil etilgan “Cintana” kompaniyasi rahbari Duglas Bekker bilan muhokama olib bordi.

‼️ Ma’lumot uchun: Arizona universiteti top 500 talik OTMlar ro‘yxatida.

@talimationuz — TAʼLIM DOIMO MUHIM!

📣 Nodavlat oliygohlar haqida!

So'nggi vaqtda xususiy oliygohlar soni kun sayin ortib bormoqda. Ko'pchilik ushbu oliygohlarda o'qish qanchalik ishonchli ekanligi haqida so'rashadi, bugun manashu mavzuga to'xtalamiz.

09.08.2023 yil holatiga ko'ra, Respublikada 80 dan ziyod nodavlat oliygohlar litsenziya asosida faoliyat olib bormoqda.

◀️Xo'sh xususiy oliygohlarning davlat oliygohlaridan farqi nimada?

🏛 Nodavlat oliygohlarning davlat oliygohlaridan afzalliklari:

👉Xususiy oliygohlarda ta'lim sifati davlat oliygohlaridan kamida 2 barobar yuqori
👉Xorijlik o'qituvchilar, yuqori malakaga ega noyob pedagoglar
👉Darslarning asosan chet tilida olib borilishi
👉Bakalavr daraja bilan birgalikda chet tili o'rganish imkoniyati
👉Ayrim oliygohlari ta'lim davrida IELTS darajasini ham kafolatlaydi
👉Zamonaviy o'quv auditoriyalari va zamonaviy sharoit-muhit
👉Qattiqqo'l o'quv tizimi
👉O'qishga kirishning nisbatan osonligi
👉Deyarli ta'lim davrida ish topish, ayniqsa xorijiy davlat yoki xorijiy kompaniyalardan ish topishning osonligi

🏛Nodavlat oliygohlarning davlat oliygohlaridan kamchiligi:

👉Kontrakt summalarining yuqoriligi (hozirgi raqobat narxlarni keskin tushirmoqda)
👉Ta'lim yo'nalishlarining nisbatan kamligi
👉Davlat oliygohiga o'qishni ko'chirish imtihon asosida bo'lishi
👉Qattiqqo'l ta'lim tizimi (ayrim talabalar buni kamchilik deb hisoblashadi)

☝️ Aslida moliyaviy imkoniyati ko'targan kishilar nodavlat oliygohlarda o'qiganlari yaxshi. Sababi u yerdagi ta'lim tizimi sizni o'sishingizga majbur qiladi. Sohangizni va til o'rganasiz. Xorijiy va mahalliy yirik kompaniyalarga ishga kirishga oliygohlarning o'zi sizga ko'maklashadi. Xullas nodavlat OTMlarda o'zaro raqobat borligi sababli ham ular talaba va sharoitlarni juda yuqori qilishga harakat qiladi. Agarda moliyaviy imkoniyatingiz ko'tarsa xususiy oliygohlarda o'qing, ko'tarmasa davlat oliygohlarida.

⚠️ XULOSA: Nodavlat OTMlarda tahsil olayotgan talabalar qo'rqmay tahsilni davom ettiring. Sizga yaratilgan imkoniyatlardan unumli foydalanib, har bir daqiqani g'animat biling va shaxsiy karyerangiz uchun harakat qiling.

@talimationuz — TAʼLIM DOIMO MUHIM!

👀 Talabalar uchun davlat tashkilotlarida ish haqi to‘lanadigan stajirovka tizimi joriy etiladi

“Oʻzbekiston – 2030” strategiyasini 2023-yilda sifatli va oʻzi vaqtida amalga oshirish chora-tadbirlari toʻgʻrisidagi” Prezident qarori (PQ–300-son, 11.09.2023-y.) qabul qilindi.

‼️Unga koʻra 2023-yil noyabriga qadar Vazirlar Mahkamasining “Yoshlar daftari”ga kiritilgan talabalar uchun davlat tashkilotlarida ish haqi to‘lanadigan stajirovka tizimini joriy etish to‘g‘risida”gi qarori loyihasi ishlab chiqish vazifasi belgilandi.

Mazkur qarorda quyidagilar nazarda tutiladi:

➡️ “Yoshlar daftari”ga kiritilgan talaba yoshlarning davlat tashkilotlarida amaliyot o‘tagan vaqtida subsidiya ajratish;

Amaliyotni davlat oliy ta’lim muassasalarining o‘quv rejalariga muvofiq amaliyotni o‘tash dasturi asosida amalga oshirish;

‼️ Davlat oliy ta’lim muassasalari bilan birgalikda bitiruvchilarning amaliyot davridan keyin ish o‘rinlariga joylashishlariga ko‘maklashish.

@talimationuz — TAʼLIM DOIMO MUHIM!

🔝 Top universitetlar ham foyda evaziga rivojlangan

◀️2005 yillardan buyog‘ini bir tahlil qilsak, kontrakt narxlari tartibsiz o‘zgargan, aynan bir qonun-qoidasi yo‘q. 2007 yilda Yuridik universitetda kontrakt birdaniga 2 barobar oshirilganini yaxshi eslayman.

◀️2019 yilda kontraktlar ilk marta eng kam oylik ish haqiga bog‘landi, shunga mutanosib tarzda oshiriladi, deyildi. Va o‘sha yili kontraktlar 18 foizga oshirildi, ammo ish haqi 10 foizga oshgan edi va ko‘pchilik shu miqdorni kutgandi.

Rosa to‘polon bo‘lgandi. 2020 yilda o‘zgarmadi, darslar onlayn bo‘lgani uchun chegirma ham qilindi. 2021 yilda esa 10 foizga oshdi va vaksina olganlarga 10 foiz chegirma berishdi. Shundan keyin miqdor oshgani yo‘q.

◀️2019 yilda pedagogika yo‘nalishlarida kontrakt 5 mln 900 ming atrofida bo‘lgan bo‘lsa, hozirda 6 mln 400 mingdan ziyodroq. Farq – 500 ming so‘m atrofida.

Narx ushlab turish ortidan butunlay noto‘g‘ri yo‘lga kirib ketdik. OTMning xarajati va foydasi uchma-uch bo‘lib qolyapti, foyda yo‘q. Davlatdan pul so‘ralsa, qancha sarflayapsan, deydi, 10 so‘m desa, talabadan 6 so‘m olyapsan, qolgan 4 so‘mni beraman, deydi. Foyda yo‘q.

‼️ Bunaqada universitet yoki institut qanday rivojlanadi? Biz havas qiladigan, andoza olishga urinayotgan top universitetlar ham foyda evaziga rivojlangan. To‘g‘ri, ular daromadining asosiy qismini kontraktlar emas, ilm bilan bog‘liq, lekin ilmdan foyda qiladigan darajaga chiqib olish uchun ham sarmoya kiritish kerak.

Eng katta xarajat oylik maoshlar bo‘lib, eng katta daromad kontraktlardan bo‘lgandan keyin, albatta, bular bir-biriga bog‘liq. Kontraktlardan tushgan mablag‘ oylik maoshga yo‘naltiriladi.

◀️Talabalar 4 yildan beri deyarli bir xil summa to‘layaptimi, o‘qituvchining ham oyligi oshmaydi. Inflatsiya, narx-navo masalasi bor. Talaba uchun yaxshi, lekin o‘qituvchiga yomon. Oxirgi vaqtlarda shaxsan men tanigan o‘nlab ilmli professorlar xususiy oliygohlarga o‘tib ketdi.

@talimationuz — TAʼLIM DOIMO MUHIM!

💲 Markaziy Osiyo davlatlari stipendiyalari miqdori taqqoslandi

Asia-Plus nashri 2023-2024 o‘quv yilida Markaziy Osiyo davlatlari talabalarining stipendiyalarini taqqoslab ko‘rdi. Ma’lum bo‘lishicha, eng ko‘p stipendiyani qozog‘istonlik talabalar oladi. Eng kamini qirg‘izistonliklar.

🇰🇿Qozog‘istonda maxsus stipendiyalar

Qozog‘istonda talabalar o‘z mutaxassisligidan kelib chiqib stipendiya olishadi.

◀️Pedagogika va tibbiyot yo‘nalishi talabalariga 67 200 tenge (145 dollar yoki 1,8 mln so‘m) miqdoridagi stipendiyalar ajratiladi.
◀️Texnik va kasbiy yo‘nalishdagi talabalarga 32 681 tenge (70 dollar yoki 856 ming so‘m) miqdorida stipendiya beriladi.
◀️Qolgan talabalar 41 898 tenge (90 dollar yoki 1,1 mln so‘m) miqdorida stipendiya oladi.

🇺🇿O‘zbekistonda 3 turdagi stipendiya bor

O‘zbekistonda talabalar yangi o‘quv yilida uch turdagi: prezident, asosiy va shaxsiy stipendiyalarni olishi mumkin.

◀️Prezident stipendiyasi miqdori qariyb 2,2 million so‘mni (180 dollar) tashkil etadi. U a’lo baholarga o‘qigan va faol talabalarga tanlov asosida beriladi.
◀️Asosiy stipendiyani o‘qish semestrida 30 foizdan kam «yaxshi» va «qoniqarli» baholarga ega bo‘lgan talabalar oladi. Uning miqdori 621 ming so‘mni (51 dollar) tashkil etadi.
◀️Shaxsiy stipendiyalar mashhur shaxslar – Abu Rayhon Beruniy, Ibn Sino, Alisher Navoiy, Ulug‘bek, Imom Buxoriy, Bobur, Pahlavon Mahmud, To‘lepbergen Qayipbergenov, Ibrohim Yusupov, Islom Karimov va Kamoliddin Behzod nomi bilan atalgan. Uning miqdori qariyb 1,5 million so‘mni tashkil etadi va tanlov asosida beriladi.

🇹🇯Tojikistonda to‘rt turdagi stipendiya bor

Tojikistonda stipendiya universitet va institutlarda budjet asosida va kunduzgi bo‘limda ta’lim olayotgan talabalarga beriladi. Tojikiston Ta’lim va fan vazirligi ma’lumotlariga ko‘ra, talabalar 4 turdagi: oliy, o‘rta va qoniqarli, shuningdek, prezident stipendiyasini oladi.

◀️Prezident stipendiyasi Tojikistondagi eng oliy stipendiya bo‘lib, mablag‘ prezident jamg‘armasidan ajratiladi. U faqat a’lo baholarga o‘qigan talabalarga beriladi. Uning miqdori 1130 somoniyni (103 dollar yoki 1,3 mln so‘m) tashkil qiladi.
◀️Oliy stipendiya semestrni «a’lo» baholar bilan tugatgan talabalarga beriladi va uning miqdori 448 somoniyni (41 dollar yoki 501 ming so‘m) tashkil qiladi.
◀️O‘rtacha stipendiyani semestrni yaxshi va a’lo baholar bilan yakunlagan talabalar oladi. Uning miqdori 324 somoniyni (29 dollar yoki 355 ming so‘m) tashkil qiladi.
◀️Bir semestrda 20 foizgacha qoniqarli baho olgan talabalarga qoniqarli stipendiya beriladi. Ikki semestr ketma-ket o‘qishni qoniqarli baholar bilan tugatgan taqdirda, bunday stipendiya berilmaydi. Uning miqdori 120 somoniyni (11 dollar yoki 135 ming so‘m) tashkil qiladi.

Universitet va institutlarda kontrakt asosida ta’lim olayotgan talabalarga stipendiya berilmaydi.

🇰🇬Qirg‘izistonda stipendiyalar miqdori kam

Qirg‘izistonda stipendiya to‘lashning butunlay boshqacha tizimi mavjud. Ushbu mamlakat Ta’lim va fan vazirligi qaroriga ko‘ra, a’lochi talabalarga 1600 qirg‘iz so‘mi (18 dollar yoki 220 ming so‘m) miqdorida stipendiya ajratiladi.

◀️Biroq abituriyentlarni pedagogik mutaxassisliklar bo‘yicha o‘qishga rag‘batlantirish maqsadida yuqori miqdorda stipendiya ajratiladi. Xususan, bu yo‘nalishda 1-kurs talabalariga 1000 qirg‘iz so‘mi (11 dollar yoki 134 ming so‘m), 2-kurs talabalariga 2000 qirg‘iz so‘mi (22 dollar yoki 268 ming so‘m), 3-kurs talabalariga 3000 so‘m (33 dollar yoki 404 ming so‘m) va 4-kurs talabalariga 4000 qirg‘iz so‘mi (44 dollar yoki 538 ming so‘m) miqdorida stipendiya beriladi.

Qirg‘izistonda prezidentlik stipendiyasi ham bor. U faol talabalarga, ammo yiliga bir marta, 50 ming qirg‘iz so‘mi (566 dollar yoki qariyb 7 mln so‘m) miqdorida beriladi.

@talimationuz — TAʼLIM DOIMO MUHIM!

📣 Talabalar bilan ijara shartnomalari qanday tuziladi

Unga ko‘ra, ko‘chmas mulk ijara shartnomalarini 2 xil usulda hisobga qo‘yish mumkin.

👉 Ijara shartnomalarini hisobga qo‘yish sayti orqali
Bunda ijaraga beruvchi platforma orqali “Talabalar ijarasi” bo‘limini tanlab “Ijaraga oluvchi talaba to‘g‘risida ma’lumot” oynasiga ijaraga oluvchi talabaning JShShIRni kiritganda uning ma’lumotlari avtomatik shakllanadi.

Keyingi jarayonda “Qo‘shish” tugmasi orqali talaba bilan birga turgan boshqa talabalar dasturga kiritiladi.

📲So‘ngra “Telefon raqami” qatoriga ijaraga oluvchi talabaning telefon raqami kiritilib, “Tasdiqlash kodini yuborish” tugmasi bosiladi.

Talabaning telefoniga SMS orqali kelgan 5 xonali raqam “Tasdiqlash kodi” qatoriga yozilib “Tasdiqlash” tugmasi bosiladi.

👉 “Soliq” mobil ilovasi orqali
Ilovaning “Ijaraga berish” undan so‘ng “Talabalar uchun ijara shartnoma” bo‘limi orqali talabalar bilan tuzilgan ko‘chmas mulk ijara shartnomalari hisobga qo‘yiladi.

Unda ijaraga beruvchi jismoniy shaxs tomonidan talabaning shaxsiy identifikatsiya raqami kiritilganda uning maʼlumotlari avtomatik shakllanadi.

👌 Talabalar “Face ID” yoki telefon raqamiga SMS orqali keladigan 5 xonali raqamni kiritish orqali ijara shartnomasini tasdiqlashi mumkin.

🗣️ Ijara shartnomalarini hisobga qo‘yishda talabalardan elektron raqamli imzo talab etilmaydi.

Talabalar bilan tuzilgan ijara shartnomalari hisobga qo‘yilganda ushbu ma’lumotlar Oliy va o‘rta maxsus ta‘lim vazirligi bazasida shakllanadi.

☝️ Bu esa oylik ijara to‘lovining bir qismini qoplab berishda oliy o‘quv yurtlariga qulaylik yaratadi.

Shuningdek, soliq to‘lovchining uy-joylarni talabalarga ijaraga berishdan olingan daromadlariga jismoniy shaxslardan olinadigan daromad solig‘i solinmaydi.

Uy-joyni ijaraga beruvchilar shartnomani portal orqali davlat hisobiga bepul qo‘yishi mumkin.

‼️ Bu ijaraga beruvchining majburiyati hisoblanadi va shartnoma tuzilgan kundan 3 kundan kechiktirmay amalga oshirilishi kerak.

@talimationuz — TAʼLIM DOIMO MUHIM!

⚡️UBS’ni tanlashga besh sabab!

Kontrakt qimmatligi, DTM ballingiz pastligi va ish bilan o‘qishga ulgurmaslik kabi muammolar bilan o‘zingizni qiynashni bas qiling va “University of Business and Science”ga keling!

❓ Nega deysizmi?

➖ Universitet diplomi davlat miqyosida tan olinadi
➖ Oliygohda sirtqi ta’limning o‘zida 180 ta grant ajratilgan
➖ Uyingizga yaqin, qulay hududda joylashgan
➖ Zamonaviy va ta’lim sifati yuqori, eng muhimi, malakali ustozlar saboq beradi
➖ Iste’dodingizni namoyon qilish, quvnoq do‘stlar davrasida talabalik zavqini his qilish

✅ Hoziroq hujjatlaringizni topshiring, qabul tugashiga oz qoldi!

Sirtqi ta’lim yo‘nalishlari

📥 Hujjat topshirish: Onlayn (qabul.ubsu.uz) va oflayn (qabul ofisida)

☎️ Murojaat uchun: +998781132626, +998907894242

🗺 Manzil: Namangan shahri, Zarbdor MFY, Beshkapa ko‘chasi, 111-uy

📄 Litsenziya (№041778, 05.10.2022-y)

Telegram: @ubsuzbekistan

📌 Qaysi kursdan boshlab talabalari ham maktablarda dars berishlari mumkin?

Hukumatning "Ta’lim darajasi yuqori boʻlmagan maktablarga malakali oʻqituvchi-pedagoglarni jalb qilish chora-tadbirlari toʻgʻrisida"gi (15.10.2021 646-son) qaroriga binoan, pedagogika yoʻnalishlarida kunduzgi, kechki, sirtqi boʻlimlarining 3-kursida tahsil olayotgan talabalarga maktablarda dars berish huquqi berildi.

@talimationuz — TAʼLIM DOIMO MUHIM!

📣 “O‘ZBEKISTON-2030” STRATEGIYASI TASDIQLANDI.
PF-158
2023-yil 11-sentabr

@talimationuz — TAʼLIM DOIMO MUHIM!

📣 Ikkinchi mutaxassislikka kirganlar uchun ham taʼlim krediti berilishi boshlanibdi

Bu haqda obunachilarimiz xabar berishdi. Mazkur maʼlumotni Iqtisodiyot va moliya vazirligi masʼullaridan tekshirdim, ular ham tasdiqlashdi.

📌 Taʼlim krediti berish jarayoni ilk boshlangan vaqtlarda ikkinchi mutaxassislikka taʼlim krediti berilmas edi. Ammo keyinchalik talabalardan kelgan so‘rovlarning ko‘pligi sabab bunga ruxsat berilibdi.

‼️ Shunday qilib, ikkinchi mutaxassislikka kunduzgi, sirtqi va kechki taʼlimga o‘qishga kirgan talabalar banklarga taʼlim krediti olish uchun murojaat qilishlari mumkin.

@talimationuz — TAʼLIM DOIMO MUHIM!

👀 Rasman: Sentyabrdan 10-11-sinf o‘quvchilari oʻzi xohlagan fanlarni tanlab o‘qishi kerak

2023/2024 o‘quv yilidan boshlab bosqichma-bosqich umumiy o‘rta ta’lim muassasalarida yangi o‘quv dasturlari amaliyotga kiritildi.

📣 Bunda 10–11-sinf o‘quvchilarining qiziqish va qobiliyatiga mos bo‘lgan ixtisoslashgan dasturlar asosida bilim berish amaliyoti joriy qilingan.

10–11-sinflardagi 14 ta majburiy fanlar takomillashtirilgan yangi o‘quv reja asosida o'quvchilar 8 ta majburiy fan va 2 ta tanlov fan (kimyo-biologiya, matematika fizika, tarix-huquq, ona tili va adabiyot-chet tili)ni tanlaydi.

💬 Siz 10-11-sinf o'quvchisi bo'lsangiz, fanlarni tanlab o'qiyapsizmi?

@talimationuz — TAʼLIM DOIMO MUHIM!

💲Ta'lim krediti haqida eng muhim ma'lumotlar

To‘lov shartnoma asosida o‘qiyotganlar uchun ajratiladigan ta’lim krediti faqat davlat OTMlari talabalariga emas, balki xususiy OTMlar talabalariga ham ajratiladi.

◀️Kredit olish imkoniga kimlar ega?
Respublikadagi oliy, o‘rta maxsus va professional ta’lim muassasalari, shu jumladan xususiy va xorijiy oliy, o‘rta maxsus va professional ta’lim tashkilotlari hamda ularning filiallari talabalari. O‘qishini "perevod" qilganlar ham kredit ololishi mumkin.

📄Bunda talaba kontrakt qog‘ozini (OTM bilan tuzilgan kontrakt shartnomasi) bankka topshiradi va bir yillik kontrakt summasiga teng kredit ola oladi.

❌ Lekin super-kontrakt uchun kredit berilmaydi.

Ta’lim kreditining asosiy qarzi talabaning rasmiy o‘qish muddati tugagandan so‘ng yettinchi oydan boshlab 7 yil davomida qaytariladi. Kreditni muddatidan oldinroq ham to‘lab qo‘ysa bo‘ladi.

@talimationuz — TAʼLIM DOIMO MUHIM!