📣 Davlat oliygohlari xususiylashtiriladi

Oʻzbekiston Respublikasi oliy taʼlim tizimini 2030-yilgacha rivojlantirish konsepsiyasida tajriba tariqasida davlat ulushining 51 foizdan kam boʻlmagan qismini saqlab qolgan holda ayrim davlat oliy taʼlim muassasalarini (oliy harbiy taʼlim muassasalari bundan mustasno) davlat tasarrufidan chiqarish va xususiylashtirish, ularda korporativ boshqaruv tamoyillarini joriy etish belgilangan.

‼️ Bundan tashqari institut maqomidagi oliygohlarning mavjud quvvati bosqichma-bosqich oshirilib, universitet maqomiga o'zgartiriladi.

@talimationuz — TAʼLIM DOIMO MUHIM!

💲 Kontraktni 4 qismga bo‘lib to‘lash imkoni bormi? Bizdan kamida 50% to‘lov qilishni talab qilishmoqda.

✅ JAVOB: Ha, 4 ga bo‘lib to‘lash mumkin.

Prezidentning 2020-yil 2-martdagi PF-5953-son Farmoniga hamda Vazirlar Mahkamasining 2021-yil 18-avgustdagi 527-son qaroriga binoan respublika OTM talabalariga o‘qish uchun yillik to‘lovning to‘liq miqdorini teng ulushlarda to‘rt qismga bo‘lish yo‘li bilan o‘tkazishga ruxsat berilgan.

◀️Bunda muddatlar quyidagicha:

👉 25% qismini — 1-kursga tavsiya etilganlar 15-sentyabrgacha, ikkinchi va undan keyingi bosqich talabalari uchun 1-oktyabrgacha;

👉 50% qismini — 1-yanvargacha;

👉 75% qismini — 1-aprelgacha;

👉 100% qismini — 1-iyulgacha.

Bundan xulosa qilish mumkinki, 1-kurslardan dastlab 50% to‘lov talab qilish amaldagi tartibga zid. 1-kursga tavsiya etilganlar kamida 25% to‘lovni 15-sentyabrga qadar amalga oshirishlari lozim, shunda ularni talabalikka qabul qilish haqida buyruq chiqadi.

➡️ kontrakt.edu.uz sayti orqali yuborgan arizangiz tasdiqlansa, 4 ga bo‘lib to‘lash imkoni va muddatlari haqida maʼlumot chiqadi. Mana shu yerdan ham ko‘rib olsangiz bo‘ladi.

‼️ ESLATMA: bo‘lib to‘lash imkoniyati super-kontrakt uchun ham amal qiladi. Lekin super-kontraktda o'qimoqchi bo'lganlar dastlab 50% to'lovni amalga oshirishlari kerak. Shundan keyingina ularni talabalikka qabul qilish to'g'risida buyruq chiqadi. 25% qoidasi faqat oddiy kontraktga taalluqli.

@talimationuz — TAʼLIM DOIMO MUHIM!

🎓 Talaba bo'lib ham ishlash mumkinmi?

Albatta, siz bir vaqtning o'zida ishlashingiz va talaba bo'lishingiz mumkin.

👉 Buni bajarishga yordam beradigan ba'zi maslahatlarni Ravshanjon Raxmatullayev dan oldik:

1️⃣ Vaqtingizni tartibga soling.
— O'qish, ish va dam olish vaqtini ko'rsatadigan jadval yarating. Ushbu jadvalga rioya qilishga harakat qiling.

2️⃣ Qulay ish vaqti.
— Agar siz o'zingizning ish jadvalingizni tanlashingiz mumkin bo'lsa, unda siz uchun qulay vaqtda ishlashga imkon beradigan ishni qidiring.

3️⃣ Dam olishni unutmang.
— Ish va o'qish ko'p vaqt va kuch talab qilishi mumkin, shuning uchun dam olishni unutmang. Yonib (charchab) ketmaslik uchun muntazam ravishda dam oling.

4️⃣ O'qish uchun bo'sh vaqtingizdan foydalaning.
— Agar ishda bo'sh vaqtingiz bo'lsa, undan o'qish uchun foydalaning. Bundan tashqari, ishdan oldin yo'lda yoki jamoat transportida o'qishingiz mumkin.

5️⃣ Yordam so'rashdan qo'rqmang.
— Agar siz o'qish yoki ishlashda qiynalayotgan bo'lsangiz, o'qituvchilar yoki hamkasblaringizdan yordam so'rashdan tortinmang.

6️⃣ Maqsadlaringiz haqida unutmang.
— Maqsadlaringizga erishish uchun ishlayotganingizni va o'rganayotganingizni unutmang. Ulardan chalg'itmaslikka harakat qiling va doimo ularga qarab harakat qiling.

7️⃣ Qadriyatlaringizga mos bo'lgan insonlar bilan bo'ling.
— Siz yoningizdagi odamlarga juda e'tiborli bo'lishingiz kerak. Qanday xarakterdagi insonlar bilan ko'p vaqt o'tkazsangiz siz shu inson kabi fikrlay boshlaysiz. Uning fikrlari sizga ko'chishni boshlaydi. Shuning uchun sog'lom fikrlaydigan va doim olg'a intiladigan insonlar bilan birga bo'ling.

8️⃣ Amaliyot juda muhim.
— Siz oliy ta'lim muassasasida o'qigan bilimlaringizni tezda amaliyotda qo'llashingiz mumkin. Yoki aksincha ish jarayonida qiynalgan narsalaringizga universitetda javob topishingiz mumkin.

Ushbu ma'lumotlar siz uchun foydali bo'ldimi?
Izohlarda albatta bu haqida yozib qo'ying...

@talimationuz — TAʼLIM DOIMO MUHIM!

📊 Rivojlanishni xohlaysizmi? Unda harakat qiling!

📌O'zingiz rivojlantirmoqchi bo'lgan qobiliyatingiz haqida o'qing!
📌Ustoz toping!
📌Har kuningizni sarhisob qiling!
📌Kundalik rejalar daftarini tuting!
📌Yaxshi odatlarni shakllantiring!
📌O'zingiz havas qiladigan odamlardan o'rnak oling
📌Doimiylikka amal qiling!

@talimationuz — TAʼLIM DOIMO MUHIM!

❓ 1-yo‘nalishga kirolmagan lekin undan keyingilariga kirganlar ham super qilsa bo‘ladimi?

O‘tgan yili 1-yo‘nalishga emas, undan keyingilariga kirgan talabalarga 1-yo‘nalishga super qilishga ruxsat berilgandi. Lekin bu yil Qabul komissiyasining bunga oid bayonoti chiqqani haqida xabar berilmadi.

⚡️ Biroq X.Xudoyberdiyevga ko‘ra, bu toifadagi talabgorlar uchun ham super-qilishga ruxsat berish ko'rib chiqilyapti.

Agar siz ham shunday turdagi super-kontraktni tanlagan bo‘lsangiz, hozircha kutib turganingiz ma’qul. Shartnomalar olish boshlandi, agar ruxsat berilsa, yaqin orada 1-yo‘nalish super-kontrakti uchun ham shartnomalar ochilishi mumkin.

@talimationuz — TAʼLIM DOIMO MUHIM!

⚡️Rasman: 1-kurslarga shartnomasiz ham 2 oylik ijara to'lab beriladi

1-bosqich kunduzgi taʼlim shakliga qabul qilingan talabalar ijara xonadonida turganda ularga ham ijara summasining bir qismi to‘lab beriladi.

❌ Bunda 1-bosqich talabalaridan sentyabr va oktyabr oylari uchun ijara shartnomasi talab etilmaydi.

✔️ Toshkent shahrida –BHMning 1 baravari — 330 ming so‘m;

✔️ Qolgan hududlarda – BHMning yarim baravari — 165 ming so‘m miqdorida to‘lab beriladi.

@talimationuz — TAʼLIM DOIMO MUHIM!

📆 Ertaga kollej va texnikumlarga qabul yakunlanadi

2023-yil 10-avgust kuni professional ta’lim muassasalari (kollej va texnikumlar) ga abituriyentlarni onlayn ro‘yxatga olish boshlangan edi.

🖥 Abituriyentlarni ro‘yxatga olish Bilimni baholash agentligining my.uzbmb.uz saytida “Professional ta’lim muassasalariga qabul” bo‘limi orqali amalga oshirilmoqda.

10-sentabr — professional ta’lim muassasalariga abituriyentlarni onlayn ro‘yxatga olishning so‘nggi kuni hisoblanadi.

👨‍💻 Shu sababli professional ta’lim muassasalarida tahsil olish istagini bildirgan abituriyentlar ertaga 23:59 ga qadar ro‘yxatdan o‘tishlari mumkinligini eslatib o‘tamiz.

@talimationuz — TAʼLIM DOIMO MUHIM!

❓ Oʻqishini koʻchirgan talabalar qaysi hollarda taʼlim krediti olishi mumkin?

Bazaviy (oddiy) toʻlov-kontrakt asosida oʻqishini koʻchirgan boʻlsa, bemalol taʼlim krediti olishi mumkin. Agar tabaqalashtirilgan toʻlov-kontrakt (super-kontrakt) asosida oʻqishini koʻchirgan boʻlsa, unda taʼlim krediti berilmaydi.

✅ Quyidagilarga taʼlim krediti beriladi:

⏺Xorijdan oʻqishini koʻchirib, imtihonda oʻtish balidan yuqori ball olgan boʻlsa;
⏺Oʻzbekistondagi xorijiy oliygohlar, filiallar va nodavlat-xususiy OTMlardan oʻqishini mos va turdosh yoʻnalishga koʻchirib, imtihonda oʻtish balidan yuqori ball olgan boʻlsa;
⏺bir davlat OTMidan boshqasiga oʻqishini uzrli sabablar bor boʻlgan holatda mos va turdosh yoʻnalishga oʻqishini koʻchirgan boʻlsa;
⏺yoʻnalishi va OTMni oʻzgartirmagan holda faqat taʼlim shaklini (kunduzgidan sirtqiga va h.k.) yoki taʼlim tilini (oʻzbekdan rusga va h.k.) oʻzgartirgan boʻlsa.

❌ Quyidagilarga taʼlim krediti berilmaydi:

◀️Xorijdan oʻqishini koʻchirib, imtihonda oʻtish balini toʻplay olmagan boʻlsa;
◀️Oʻzbekistondagi xorijiy oliygohlar, filiallar va nodavlat-xususiy OTMlardan oʻqishini koʻchirib, imtihonda oʻtish balini toʻplay olmagan boʻlsa;
◀️Oʻzbekistondagi xorijiy oliygohlar, filiallar va nodavlat-xususiy OTMlardan oʻqishini mos va turdosh boʻlmagan yoʻnalishga koʻchirgan boʻlsa;
◀️bir davlat OTMidan boshqasiga oʻqishini uzrli sabablar yoʻq boʻlgan holda koʻchirgan boʻlsa;
◀️bir davlat OTMidan boshqasiga oʻqishini mos va turdosh boʻlmagan yoʻnalishga oʻqishni koʻchirgan boʻlsa;
◀️bir OTM ichida boshqa yoʻnalishga uzrli sabablar yoʻq boʻlgan holda yoki mos va turdosh boʻlmagan yoʻnalishga oʻqishini koʻchirgan boʻlsa.

@talimationuz — TAʼLIM DOIMO MUHIM!

🤖 Yaponiyada darslarga kelmagan talabalarni qiziqtirish uchun loyiha ishlab chiqildi, uning o'rniga robotlar darslarga qatnaydi.

Robot dars paytida talaba o'rniga o'tiradi. Unda planshet mavjud bo'lib, talaba uyda o'tirganda, noutbuk orqali darslarga bemalol qatnashishi mumkin.

@talimationuz — TAʼLIM DOIMO MUHIM!

⏳ Ingliz tilida vaqtni boshqarish bo'yicha 8 ta qiziqarli podkast ️ ️

1️⃣The Productivity Show — mualliflar vaqtni boshqarish va mahsuldorlik haqida yozadigan ta'lim platformasidan podkast.

2️⃣Take Back Time — uy egasi, eng ko'p sotilgan muallif va biznes murabbiyi vaqtni sodda va amaliy boshqarish bo'yicha podkastni olib boradi, bu esa yanada samarali bo'lishga yordam beradi.

3️⃣Time Management Ninja — vaqtni rejalashtirish bo'yicha maslahatlar va lifexaklar bilan 20 ta epizod.

4️⃣Time Management Tips — samarali ishlash uchun vaqtni boshqarish bo'yicha maslahatlar va texnikalar.

5️⃣The Systemize Your Life Podcast — odat kuchi vaqtingizni boshqarishda sizga qanday yordam berishi haqida podkast.

6️⃣It’s About Time — vaqtni boshqarish bo'yicha maslahatlar, samaradorlikni oshirish strategiyalari va har hafta amaliy tavsiyalar.

7️⃣Before Breakfast — vaqtni boshqarish strategiyalari haqida qisqa epizodlar.

8️⃣Taking Your Time — vaqtni boshqarish bo'yicha maslahatlar va strategiyalar. Bu erda siz bor vaqtingizdan maksimal darajada foydalanish nimani anglatishini bilib olasiz.

@talimationuz — TAʼLIM DOIMO MUHIM!

🤔 Super-kontraktda 2-3-4-5-yoʻnalishlardan birini tanlasa bo‘ladimi?

Hozirgi vaqtda faqat tanlangan birinchi yo‘nalishga super-kontrakt uchun imkoniyat berilgan.

🤔 Biroq o‘tgan yili Davlat qabul komissiyasi qaroriga koʻra, tanlagan beshala yoʻnalishiga ham oʻqishga kira olmagan abituriyentlar istalgan beshta yoʻnalishdan birini tanlab, super-kontraktda oʻqishiga ruxsat beril super kontraktda oʻqishiga ruxsat berilgan edi.

@talimationuz — TAʼLIM DOIMO MUHIM!

❓ 56,7 balldan kam to‘plaganlar ham super-kontraktda o’qishi mumkinmi?

✅ JAVOB: Ha, mumkin.

Buni biz shartli ravishda “super-muper kontrakt” deb nomlaganmiz. 56,7 balldan kam to’plaganlar super-kontraktning 2 barobarini to‘lashi kerak.

Masalan, abituriyent moliya yo‘nalishiga topshirib, 40 ball to‘plagan, yaʼni 56,7 balldan kam. Demak, u kamida 182 mln 598 ming so‘m to‘lashi kerak (2 x 91.299.300).

‼️Ayrimlar so‘ramoqda. Masalan, abituriyent 54 ball oldi. Kirish bali esa 57 ball bo‘ldi. Shunda 3 ball yetmagan bo‘lsa, 4 ballik shkala doirasida super-kontrakni kamroq to‘laydimi? Yo‘q va aslo yo‘q!

56,7 balldan kam to‘plandimi, tamom, bunaqada ikki karra ko‘proq super-kontrakt to‘lanadi. Kirish baliga qancha yetmagani ahamiyatsiz.

📌 Yanada osonroq hisoblash uchun, mana bu yerdagi faylda ko’rsatilgan miqdorlarni 2 ga ko’paytirsangiz super-muper kontrakt narxi kelib chiqadi.

*️⃣ Aytgancha, 15-oktyabrgacha 100% to’lov qilinganda beriladigan 10% lik chegirma super-muperga ham taalluqli.

@talimationuz — TAʼLIM DOIMO MUHIM!

‼️Super-kontraktda o‘qimoqchi bo‘lgan abituriyentlar nimalarni bilishi kerak?

Tabaqalashtirilgan kontrakt to‘lovi abituriyentga qancha ball yetmay qolganiga bog‘liq.

➡️1,05 ballgacha yetmagan abituriyentlar uchun – bazaviy to‘lov-kontrakt miqdorining 1,5 barobari;

➡️1,06 balldan 2,05 ballgacha yetmaganlar uchun – bazaviy to‘lov-kontrakt miqdorining 2,0 barobari;

➡️2,06 balldan 3,05 ballgacha yetmaganlar uchun – bazaviy to‘lov-kontrakt miqdorining 2,5 barobari;

➡️3,06 balldan 4,05 ballgacha yetmaganlar uchun – bazaviy to‘lov-kontrakt miqdorining 3,0 barobarini to‘laydi.

➡️4,05 balldan ko‘proq yetmay qolgan, lekin 56,7 balldan kam to‘plamagan abituriyentlar ko‘proq pul to‘laydi. Ular belgilangan bazaviy kontrakt miqdorining ma’lum baravarini to‘lash orqali talaba bo‘lishlari mumkin. Bu miqdor yo‘nalishlarga qarab farqlanadi.

O‘tgan 2022-yilda super-kontrakt narxlari stipendiyasiz shartnoma puli miqdori asosida hisoblangan.

☝️Eslatib o‘tamiz: hali yangi o‘quv yili uchun kontrakt miqdorlari tasdiqlanmadi. Kontrakt miqdori tasdiqlangach, super-kontrakt pullari ham tasdiqlanadi. So‘ng abituriyent o‘zi o‘qimoqchi bo‘lgan OTMga super-kontrakt bo‘yicha murojaat qiladi.

@talimationuz — TAʼLIM DOIMO MUHIM!

❔ Nima uchun talabalarga, ayniqsa yigitlarga ijara berishni xohlashmaydi?

📣 Tajribadan ma’lumki, talabalar, ayniqsa yigitlar hech qachon kelishuvlarni bajarishmaydi. Eng ko‘p uchraydigan holat – 4 kishi turamiz deb 6-7, ba’zan 10 kishi bo‘lib ketishadi.

Tekshirishga kelgan uy egasini “bu mehmon” deb aldashga urinishadi;

📣 Ijara berishdan maqsad daromad ko‘rish. Lekin talabalar bilan bu ham o‘ziga xos dahmaza. Deylik 4 kishi 300 dollarga yashaydigan bo‘lishsa, o‘sha 300 odatda chala-yarim undiriladi yoki nasiya bo‘ladi.

Izlab borsangiz ikkitasi chiqadi va o‘zlariga tegishli 150 dollarni beradi (bersa uniyam). Yo‘g‘idan talab qila olmaysiz, berganiga hech nima deya olmaysiz, chunki beryaptida.

📣 Kommunal to‘lovlar ham to‘planib ketadi va ulardan keyin albatta qarzdorlik qoladi. Uyning ta’miri rasvo bo‘lishiku tabiiydek qaraladi;

‼️ Alohida masala – tozalik! So‘nggi yillarda nafaqat yigitlar, hatto qizlar ham sarishtalikni deyarli butkul unutishyapti. Ko‘chada yurishlarini, kiyinishlarini ko‘rib, havasingiz keladi. Lekin ijara uy ostonasidanoq asabingiz buziladi.

Poyabzallar, paypoqlar hidlanib qalashib yotgan, bir haftalik chiqindi to‘planib qolgan, suvarak bosib ketgan, uyda o‘rinlar yig‘ilmaydi. Yana ishlaydigan toifasi bo‘ladi. Ular charchoq tufayli hatto yotgan o‘rnidan turib so‘rashishni lozim topishmaydi;

📲 Muammolar xonadon doirasida qolmaydi. Albatta qo‘shnilar bezovta qilinadi, shikoyatlar tushadi. Milisiya ham tayyor.

💬 Bu — talabalarga ijara uylar topib berish bilan shug‘ullanadigan kishining fikrlari.

💬 Agar siz yoki sizning do'stlaringiz ijarada yashovchi talabalar bo'lsangiz, bu tashvishlarni yodda tutib, yaxshi muloqot qilishga, kelishuvlarni bajarishga va qo'shnilarga e'tiborli bo'lishga harakat qilish foydali bo'lishi mumkin.

☝️ Ta'lim haqiqatan ham muhim va bu barcha ishtirokchilar uchun ijobiy va hurmatli yashash muhitini yaratish juda muhim.

@talimationuz — TAʼLIM DOIMO MUHIM!

✅2023-2024 yil “Super kontrakt” narxlari va to'lash tartibi

◀️Qoʻshimcha kontrakda oʻqish uchun necha ball olish kerak?
Farqi yoʻq. Testga kirgan boʻlsa, kifoya. 1 ball olgan boʻlsa ham, qoʻshimcha kontraktda oʻqishi mumkin. Faqat narxi baliga qarab farq qiladi.

◀️Qoʻshimcha kontrakda oʻqishni xohlaganlar qachon ariza berish kerak?
Oʻqishga kira olmagan abituriyentlar qoʻshimcha kontraktda oʻqish uchun test natijalari eʼlon qilingandan boshlab 1 oy ichida ariza berishi kerak.

◀️Ariza qayerga beriladi?
Qoʻshimcha kontraktda oʻqish istagida boʻlganlar OTM rektori nomiga ariza beradi.

◀️Qoʻshimcha kontraktning narxi qancha?
Qoʻshimcha toʻlov-kontrakt miqdori amalda oʻrnatilgan toʻlov-kontrakt miqdoriga nisbatan quyidagi miqdorlarda belgilanadi:

↪️1-toifa: Kirish chizigʻiga 4 ball yetmaganlar nisbatan ancha arzon kontrakt toʻlaydi Jumladan:

☑️1 ballgacha yetmagan abituriyentlar uchun - 1,5 barobar;
☑️1.1 balldan 2 ballgacha yetmaganlar uchun - 2,0 barobar;
☑️2.1 balldan 3 ballgacha yetmaganlar uchun - 2,5 barobar;
☑️3.1 balldan 4 ballgacha yetmaganlar uchun - 3,0 barobar.

💬 Masalan, kirish bali 140 boʻlgan deylik. 139 ball toʻplagan abituriyent kontraktning 1,5 barobarini toʻlaydi. Masalan, asli 10 mln soʻm kontrakt boʻlsa, 15 mln soʻm toʻlasa kifoya. 138,9 ball olgan abituriyent esa 2 barobarini toʻlaydi, yaʼni 20 mln soʻm. Va h.k.

↪️2-toifa: 56,7 balldan koʻp toʻplagan, lekin kirish chizigʻiga 4 balldan koʻproq yetmay qolgan abituriyentlar kontrakt summasining 10 baravaridan oshiq miqdorda toʻlaydi.

💬Masalan, yana oʻsha kirish 140 ball boʻlgan yoʻnalishni misol olsak, 135,9 balldan kam 56,7 balldan koʻp toʻplaganlar 2-toifaga tushadi. Joriy yilda 2-toifa uchun narxlar hali tasdiqlanmadi. Oʻtgan yildagi narxlarni quyidagi manzildan koʻrib olishingiz mumkin. Shuningdek, joriy yildan super-kontrakt narxlarini OTMlar oʻzlari belgilashadi.

↪️3-toifa: 56,7 balldan kam toʻplaganlar 2-toifadagi super-kontrakt miqdorining 2 barobarini toʻlab oʻqishlari mumkin. Masalan, oddiy super-kontrakt 15 barobar boʻlsa, 56,7 balldan kam toʻplaganlar 30 barobar toʻlab, super-muper kontraktda oʻqishi mumkin.

◀️Qoʻshimcha kontrakt har yili toʻlanadimi yoki bir marta?
Bir marta toʻlanadi. 1-oʻquv yilini tugatgandan soʻng keyingi yillarda el qatori oddiy kontraktni toʻlab oʻqishadi.

◀️Magistraturada ham qoʻshimcha qabul bormi?
Ha, bor. Faqat magistraturada bakalavrga oʻxshab tabaqalashtirilgan qimmat kontrakt toʻlanmaydi, oddiy kontrakt narxi qancha boʻlsa, qoʻshimcha qabul qilingan magistrlar ham shuncha toʻlashadi.

◀️Super-kontraktni boʻlib-boʻlib toʻlasa boʻladimi?
Yoʻq, ming afsuski hozirgi qoidalar boʻyicha super-kontraktni toʻliq toʻlash talab etiladi. 100% toʻlangandan keyingina buyruq chiqariladi. Lekin boʻlib-boʻlib toʻlash imkoniyatini yaratish kerak, menimcha.

◀️Super-kontrakt uchun taʼlim krediti olsa boʻladimi?
Yoʻq, super-kontrakt uchun taʼlim krediti berish amaldagi qonunchilikda belgilanmagan.

‼️ESLATMA: 10 yoki 20 barobar degani bu eng kam oylik ish haqiga nisbatan emas, oʻsha yoʻnalishdagi kontrakt narxiga nisbatan. Yaʼni kontrakt 10 mln soʻm boʻlsa, 15 barobar boʻlganda qoʻshimcha kontraktda 150 mln soʻm toʻlanadi.

@talimationuz — TAʼLIM DOIMO MUHIM!

🇬🇧Xalqaro Nordik universiteti talabalari uchun yana bir xushxabar!

🖇 Universitetimiz Amerika Qo‘shma Shtatlaridagi bir necha universitetlar bilan yaqin hamkorlikni yo‘lga qo‘ydi.

Buning ilk samarasi sifatida 2024-yil yanvar oyidan ilk exchange dasturlari boshlanishini ma'lum qilamiz.

Yaqin kunlarda yanada batafsil ma'lumotlar bilan yana bo'lishamiz!

Work and travel dasturi ham ........😎

🔔 Exchange dasturida qatnashish talablari va kerakli hujjatlar ro‘yxati tez orada e'lon qilinadi.
📏📏📏📏

📃 Eslatib o‘tamiz, hujjatlar qabuli davom etmoqda.⬇️

https://admission.nordicuniversity.org

▶️ Hujjat topshirish uchun video qo‘llanma

⏺Bakalavr
⏺Magistratura
⏺O‘qishni ko‘chirish

Qo‘shimcha ma'lumot olish uchun:

🔥 +998555084400

💻 @nordikedu

🌐 Web-site 🕊Telegram 📱Instagram 📺YouTube 📱Facebook 📹 Tik-tok

🗣️ Talabalar uchun to‘lov-shartnoma (super-kontrakt uchun ham) berish boshlandi

Shartnoma olish uchun kontrakt.edu.uz platformasidan ro‘yxatdan o‘tish hamda ariza yuborish talab etiladi.

👉 7 sentabrdan boshlab 1-kursga talabalikka tavsiya qilingan hamda 2- va undan yuqori kursda kontraktda o‘qiyotgan talabalarga to‘lov-shartnoma berish boshlandi.

Shartnoma olish uchun kontrakt.edu.uz platformasidan ro‘yxatdan o‘tish hamda ariza yuborish talab etiladi. Ariza oliy ta’lim muassasasi tomonidan 2 kunda ko‘rib chiqiladi. Ariza tadsiqlangach, talaba shaxsiy kabineti orqali elektron shartnomani yuklab olishi mumkin.

📣 Shu bilan birga, tanlangan 5 ta yo‘nalishga kira olmagan abituriyentlar ham super-kontraktda (tabaqalashtirilgan kontrakt to‘lovi) o‘qish hamda shartnoma olish uchun ariza berishi mumkin.

Hozircha, amaldagi qonunchilik bo‘yicha, faqat o‘zi tanlagan birinchi yo‘nalishga super-kontrakt uchun ariza yuborish imkoniyati mavjud. Ikkinchi va undan keyingi yo‘nalishlari bazada ko‘rinmaydi.

🤔 Qayd qilinishicha, 5 ta yo‘nalishga ham kira olmaganlar, istalgan birini tanlab super-kontrakt tuzishga rasman ruxsat berilishi kutilmoqda. Agar abituriyent birinchi yo‘nalishga emas, ikkinchi yoki undan keyingi biror yo‘nalishga super-kontrakt tuzmoqchi bo‘lsa, u holda ariza bermasdan, kutib turish tavsiya qilinmoqda.

Shu bilan birga, birinchi yo‘nalishga kira olmagan, lekin ikkinchi va undan keyingilardan birortasiga o‘qishga kirganlar ham birinchi yo‘nalishiga super-kontrakt tuza olmaydi. Kontrakt.edu.uz sayti orqali faqat o‘qishga kirgan universitetining oddiy kontraktini olishi mumkin.

‼️ Ammo keyinchalik birinchi yo‘nalishga ham super-kontraktda o‘qishga ruxsat berilishi mumkin.

@talimationuz — TAʼLIM DOIMO MUHIM!

⚡️ Talabalar uchun har oy 2 mln so‘mdan to'lanadigan yangi stipendiya joriy etildi

Yangi ta’sis etilgan ekologiya vaziri stipendiyasi 2023-yil 1-sentyabrdan talabalarga to‘lana boshlanadi. 

🌳 Stipendiya ekologiya, atrof-muhitni muhofaza qilish, o‘rmonchilik, “yashil” iqtisodiyot va gidrometeorologiya va boshqa talab yuqori bo‘lgan yo‘nalishlaridagi eng iqtidorli talabalari uchun mo‘ljallangan.

Bunda to‘lov-kontrakt asosida ta’lim olayotgan talabalarning bir yillik to‘lov-kontrakt summasi qoplangan holda, har oyda BHMning 3 baravarida – 990 ming so‘m, davlat granti asosida ta’lim olayotgan talabalarga har oyda BHMning 6 baravarida – 1 mln 980 ming so‘m stipendiya tayinlanadi.

@talimationuz — TAʼLIM DOIMO MUHIM!