‼️ Davlat grantida o'qiydiganlar uchun:

Umumiy qoidaga ko'ra, davlat grantida o'qiydiganlarning barchasi bazaviy 517 ming 880 so'm stipendiya oladi;

✨ Agar davlat grantida o'qiydigan talaba semestr yakunida barcha fanlardan "a'lo" (5) baho (reyting ko'rsatkichi 86 ball va undan yuqori) olsa, unda unga stipendiyaning bazaviy miqdori 20%ga oshirilgan holda, ya'ni hozirda 621 ming 456 so'm miqdorida stipendiya tayinlanadi.

@talimationuz — TAʼLIM DOIMO MUHIM!

⚡️O‘zbekistonda talabalar soni 1,2 mlnga yetdi

Bu yil davlat va xususiy OTMlarda kkinchi va undan yuqori kursda 950 ming nafar, birinchi kursda 250 ming nafar talaba tahsil oladi.

‼️ Oliy ta’lim bilan qamrov esa 42 foizga yetgan.

🎓 Talabalarning o‘zi ham yirik jamiyatga aylanib ulgurdi.

@talimationuz — TAʼLIM DOIMO MUHIM!

‼️E’lon!

2023-yil 8-sentabr kuni soat 11:00da Oliy ta’lim, fan va innovatsiyalar vazirligida quyidagi mavzular bo‘yicha amaliy seminar-trening o‘tkaziladi:

◀️Dual ta’lim shakli bo‘yicha modulli ta’lim dasturlari taqdimoti;
◀️O‘quv jarayonini tashkil etish;
◀️Mehnat bozori va professional ta’lim integratsiyasini ta’minlash;
◀️“O‘zbekistonda professional ta’lim” jurnali taqdimoti.

Mazkur seminarda professional ta’lim muassasalari rahbar xodimlari ishtirok etishi ko‘zda tutilgan.

@talimationuz — TAʼLIM DOIMO MUHIM!

⚡️ Talabalar to'lov-kontrakt olishidagi qiyinchiliklar

Talabalar to'lov-kontrakt olish maqsadida kontrakt.edu.uz sayti orqali onlayn ariza berayotganda "Shartnoma turini tanlash" degan band bor. Bunda yoki 2 tomonlama, yoki 3 tomonlama shartnomani tanlash so‘ralmoqda. Shu bo‘yicha izoh so‘rab, abituriyentlardan ko‘plab savollar kelib tushdi.

Bu juda oddiy.

2️⃣ Ikki tomonlama shartnoma — bu OTM va abituriyent o‘rtasida tuziladi. Boshqacha aytganda agar kontrakt yoki super-kontrakt pulini abituriyentning o‘zi yonidan to‘lamoqchi bo‘lsa, shu bandni tanlash kerak.

Bundan tashqari bankdan taʼlim krediti olmoqchi bo‘lsa yoki ota-onasining ishxonasidan oylik maoshidan to‘lamoqchi bo‘lsa ham ikki tomonlama shartnoma olish kifoya qiladi.

3️⃣ Uch tomonlama shartnoma — bu OTM, abituriyent va yana biror homiy tashkilot o‘rtasida tuziladi. Agar mabodo kontrakt yoki super-kontrakt pulini abituriyentning o‘zi emas, balki biror homiy tashkilot to‘lamoqchi bo‘lsa (balki keyinchalik o‘sha tashkilotga ishlab berish sharti bo‘lishi ham mumkin), unda uch tomonlama shartnoma degan bandni tanlash kerak. Uch tomonlama tanlanganda o‘sha homiy korxonaning (o'qiyotgan universitetning emas) STIR raqamlarini ham kiritish kerak bo‘ladi.

❌ Bankdan ta'lim krediti olmoqchi bo'lganlar yoki ota-onasining ishxonasidan oylik maoshidan to‘lamoqchi bo‘lganlar uch tomonlama shartnoma olmasin. Ular ikki tomonlama shartnoma olishi kerak.

@talimationuz — TAʼLIM DOIMO MUHIM!

⚡️O'qishini ko'chirgan talabalar hujjatlarini qaysi muddatgacha olib kelishlari kerak?

O'qishi ko'chirishga tavsiya etilgan talabalar aloqa xatini olganidan so'ng o'qishini ko'chirgan oliygoh tomonidan belgilangan muddatga qadar aloqa xatida ko'rsatilgan kerakli hujjatlarini olib kelishi shart.

➡️ Talaba hujjatlar yig'ma jildini o'z vaqtida taqdim etmasligi o'qishini ko'chirilishini rad etilishiga asos bo'ladi.

🎓 Kontrakt to'lovlarining to'lash muddatining oxirgi sanasi esa 1-noyabr etib belgilandi. Agarda siz ushbu vaqtga qadar hujjatingizni olib kelishga ulgurmasangiz ham kontrakt to'lovini to'lab qo'yishga ulguring. Bu orqali siz vaqtdan yutasiz.

Barcha oliygohlarda ish hajmiga qarab o'qishini ko'chirgan tabalardan hujjatlarni taqdim etish muddati har xil bo'lishi mumkin. Sababi o'qishi ko'chirilgan talabalar soni hamma joyda har xil.

@talimationuz — TAʼLIM DOIMO MUHIM!

⚡️Nodavlat oliygoh talabalariga davlat tomonidan moddiy yordam koʻrsatiladi

Hukumat qarori (№181 02.05.2023) bilan nodavlat oliy taʼlim tashkilotlarida tahsil olayotgan yetim va ota-onasining yoki boshqa qonuniy vakillarining qaramogʻidan mahrum boʻlgan talabalarga oziq-ovqat, kiyim-kechak va sanitariya vositalarini xarid qilish xarajatlarini moliyalashtirish tartibi toʻgʻrisidagi NIZOM tasdiqlandi.

Unga koʻra:

🏛 Oliygohlar – har yili 15-sentyabrga qadar joriy oʻquv yilida ijtimoiy taʼminot yordami uchun mablagʻ oluvchi talabalar soni hamda ularga toʻlanadigan ijtimoiy taʼminot yordami uchun mablagʻ miqdorini hisoblaydi va byudjetdan zarur mablagʻlar ajratilishi yuzasidan Oliy taʼlim, fan va innovatsiyalar vazirligiga soʻrovnoma kiritiladi;

🏛 Oliy taʼlim, fan va innovatsiyalar vazirligi – har yili 1-oktabrga qadar tashkilot tomonidan taqdim etilgan soʻrovnomalarga asosan amaldagi oʻquv yili uchun ijtimoiy taʼminot yordami toʻlovlariga sarflanadigan mablagʻlarni toʻliq hajmda ularning hisob varaqlariga oʻtkazib beradi.

📌 Ijtimoiy taʼminot yordami talabalarning davlat granti yoki toʻlov-kontrakt asosida taʼlim olayotganidan qatʼiy nazar davlat byudjeti mablagʻlari hisobidan toʻlanadi.

@talimationuz — TAʼLIM DOIMO MUHIM!

⚡️Markaziy bank bakalavriat va magistratura talabalari uchun maxsus stipendiya tanlovini e’lon qiladi

Mazkur tanlovda bank ishi, iqtisodiyot, buxgalteriya hisobi, moliya va axborot texnologiyalari yo‘nalishlari bo‘yicha quyidagi ta’lim muassasalarida bakalavriat (kunduzgi o‘qish shakli) so‘nggi bosqichida hamda magistratura yo‘nalishlarida ta’lim olayotgan talabalar tanlov asosida ishtirok etadi.

◀️Toshkent shahridagi Xalqaro Vestminster universiteti;
◀️Toshkent shahridagi Vebster universiteti;
◀️Toshkent shahridagi Singapur menejmentni rivojlantirish instituti;
◀️Toshkent davlat iqtisodiyot universiteti;
◀️Toshkent moliya instituti;
◀️Jahon iqtisodiyoti va diplomatiya universiteti;
◀️Toshkent shahridagi INXA universiteti;
◀️Mirzo Ulug‘bek nomidagi O‘zbekiston milliy universiteti.

Stipendiatlarga qo‘yiladigan talablar:

◀️o‘quv jarayonida (so‘nggi o‘quv yili natijalariga ko‘ra) yuqori reyting ko‘rsatkichiga ega bo‘lishi (86% dan yuqori);
◀️davlat tilini mukammal bilishi;
◀️xorijiy tillarni (rus va ingliz) bilishi, eng kamida V2 darajasida.

Qo‘shimcha ustunlik beriladi:

◀️ASSA va boshqa xalqaro sertifikatlar;
◀️Python (numpy, pandas, matplotlib) dasturlash tilida ishlay olishi;
◀️Data parsing (beautiful soup, selenium) dasturida ishlay olishi;
◀️Power BI, Qlik platformalarida ishlay olishi;
◀️IELTS 7.0 darajasi;
◀️sohaga oid xalqaro yoki respublika olimpiadasi g‘olibi yoki sovrindorlari.

‼️Hujjatlar joriy yil 13 sentyabrga qadar qabul qilinadi. Qo‘shimcha ma’lumotlarni OTMning rektorati orqali olishingiz mumkin.

@talimationuz — TAʼLIM DOIMO MUHIM!

⚡️Namangan davlat universiteti tomonidan aloqa xatlari 7-sentabr sanasidan berila boshladi

Namangan davlat universitetiga Xorijiy va nodavlat oliy ta`lim muassasalaridan o'qishini ko'chirish bo'yicha yetarli ball to'plagan talabalar ertaga 7-sentabr sanasidan ta'lim yo'nalishlari kesimida fakultet dekanatlariga murojaat qilib, aloqa xatlarini olib olishlari mumkin.

➡️Aloqa xatlarini olish uchun talabalar fuqarolik passportlari bilan kelishlari so'raladi.

@talimationuz — TAʼLIM DOIMO MUHIM!

✔️ Rasman: O‘zbekistonda magistraturada kontrakt bo‘yicha o‘qiyotgan barcha talabalarning o‘qishi davlat tomonidan to‘lanadi faqat qizlar

Magistraturaga kontrakt bo‘yicha o‘qishga kirgan talabalarga o‘qish uchun to‘lov-kontrakt summasi byudjetdan to‘liq qoplanadi.

‼️Qizlar 15.09 ga qadar rektorga murojaat qilishlari kerak.

@talimationuz — TAʼLIM DOIMO MUHIM!

⚡️Talabalar uchun taʼlim krediti rasmiylashtirishda yengillik

"Xalq Banki" haftaning dam olish kunlari ham (9-10 va 16-17-sentyabr) taʼlim krediti uchun arizalarni barcha filiallar boʻylab qabul qilishini maʼlum qildi.

@talimationuz — TAʼLIM DOIMO MUHIM!

⚡️Xususiy oliygohda tahsil olayotgan xotin-qizlar uchun foizsiz taʼlim kredit ajratish tartibi

Prezidentning 2022-yil 18-iyuldagi PQ-323-sonli qaroriga koʻra, toʻlov-kontraktda oʻqiyotgan xotin-qizlarga joriy yildan boshlab imtiyozli foizsiz taʼlim krediti beriladigan boʻldi.

◀️Kredit kimlarga beriladi?
✅Oʻzbekistondagi barcha oliy taʼlim muassasalari talabalariga (davlat, xususiy va xorijiy OTMlar filiallari);
✅Oʻrta maxsus va professional taʼlim muassasalari oʻquvchilariga (texnikum, kasb-hunar kolleji va h.k.).

◀️Qaysi taʼlim shakliga beriladi?
✅Kunduzgi;
✅Sirtqi;
✅Kechki.

Masofaviy taʼlimga berilmaydi.🙅🏻‍♀️

◀️14 foizda berilar ekan-ku, nega foizsiz deyilyapti?
✅Toʻgʻri, taʼlim krediti aslida 14 foizlik stavkada beriladi. Ammo bu foiz qismini xotin-qizlar toʻlamaydi, davlat toʻlab beradi. Aniqrogʻi Moliya vazirligi huzuridagi Taʼlim kreditini moliyalashtirish jamgʻarmasi tomonidan qoplanadi. Xotin-qizlar faqat taʼlim kreditining asosiy qismini toʻlaydi xolos.

◀️Toʻlash qachondan boshlanadi?
✅Taʼlim kreditining asosiy qismi talabaning rasmiy oʻqish muddati tugagandan soʻng ettinchi oydan boshlab (yaʼni olti oy oʻtib) 7 yil davomida qaytariladi. Masalan, 7 mln soʻm taʼlim krediti olinsa, oʻqishni tugatgandan soʻng, 6 oy oʻtgach 7 yil mobaynida oyma-oy 83 ming soʻmdan toʻlab boriladi.

◀️Qanday hujjatlar kerak?
1️⃣bankka ariza;
2️⃣shaxsni tasdiqlovchi hujjat;
3️⃣taʼlim muassasasi bilan toʻlov-kontrakt shartnomasi;
4️⃣talabaning doimiy daromad manbaiga ega boʻlgan oila aʼzolari va boshqa uchinchi shaxs birgalikda qarz oluvchi sifatida taʼlim krediti qaytarilishining taʼminoti boʻyicha hujjat.

‼️“Ijtimoiy himoya yagona reestri”ga kirgan oilalarning xotin-qizlariga ajratiladigan taʼlim kreditlari uchun garov va kafilliklar talab etilmaydi.

@talimationuz — TAʼLIM DOIMO MUHIM!

‼️ Dars davomida talabalarga quyidagilar taqiqlanadi

Xalq ta’limi vazirining 2022-yil 28-iyuldagi “Umumiy ta’lim muassasalarining ichki tartibi va odob-axloq qoidalari to‘g‘risida”gi 246-son buyrug‘iga asosan o‘quvchilar:

❌dars paytida gapirish, ovqatlanish, saqich chaynash nomaqbul;
❌qog'oz va boshqa keraksiz narsalarni ofisda qoldiring;
❌darslar tugagunga qadar oʻqituvchilarning ruxsatisiz taʼlim muassasasi hududini tark etish;
❌yozma ish va oraliq nazoratni bajarishda tashqaridan yordam so'rash;
❌boshqa talabalar tomonidan tayyorlangan topshiriqlar yoki yozma ishlarni topshirish;
❌telefondan foydalaning (smartfon, planshet va boshqa gadjetlar), uni stol ustiga qo'yib bo'lmaydi.

@talimationuz — TAʼLIM DOIMO MUHIM!

📣 Kontraktni 4 qismga bo‘lib to‘lash imkoni bormi? Bizdan kamida 50% to‘lov qilishni talab qilishmoqda.

✅ JAVOB: Ha, 4 ga bo‘lib to‘lash mumkin.

Prezidentning 2020-yil 2-martdagi PF-5953-son Farmoniga hamda Vazirlar Mahkamasining 2021-yil 18-avgustdagi 527-son qaroriga binoan respublika OTM talabalariga o‘qish uchun yillik to‘lovning to‘liq miqdorini teng ulushlarda to‘rt qismga bo‘lish yo‘li bilan o‘tkazishga ruxsat berilgan.

Bunda muddatlar quyidagicha:
➡️25% qismini — 1-kursga tavsia etilganlar 15-sentyabrgacha, ikkinchi va undan keyingi bosqich talabalar uchun 1-oktyabrgacha;

➡️50% qismini — 1-yanvargacha;

➡️75% qismini — 1-aprelgacha;

➡️100% qismini — 1-iyulgacha.

Bundan xulosa qilish mumkinki, 1-kurslardan dastlab 50% to‘lov talab qilish amaldagi tartibga zid. 1-kursga tavsiya etilganlar kamida 25% to‘lovni 15-sentyabrga qadar amalga oshirishlari lozim.

✔️ Kontrakt.edu.uz sayti orqali yuborgan arizangiz tasdiqlansa, 4 ga bo‘lib to‘lash imkoni va muddatlari haqida maʼlumot chiqadi. Mana shu yerdan ham ko‘rib olsangiz bo‘ladi.

‼️ESLATMA: bo‘lib to‘lash imkoniyati super-kontrakt uchun ham amal qiladi. Lekin super-kontraktda o'qimoqchi bo'lganlar dastlab 50% to'lovni amalga oshirishlari kerak. Shundan keyingina ularni talabalikka qabul qilish to'g'risida buyruq chiqadi. 25% qoidasi faqat oddiy kontraktga taalluqli.

@talimationuz — TAʼLIM DOIMO MUHIM!

✔️ Markaziy bank talabalar uchun stipendiya tanloviga arizalar qabul qilmoqda

Markaziy bank talabalar uchun stipendiya tanloviga arizalar qabul qilmoqda. Bu haqda regulyator matbuot xizmati xabar berdi.

🗣️ Unda bakalavriat (kunduzgi o‘qish shakli) so‘nggi bosqichida hamda magistratura yo‘nalishlarida bank ishi, iqtisodiyot, buxgalteriya hisobi, moliya va IT yo‘nalishlari bo‘yicha ta’lim olayotgan quyidagi OTM talabalari ishtirok etishi mumkin:

🫥Toshkentdagi Xalqaro Vestminster universiteti;
🫥Toshkentdagi Vebster universiteti;
🫥Toshkentdagi Singapur menejmentni rivojlantirish instituti;
🫥Toshkent davlat iqtisodiyot universiteti;
🫥Toshkent moliya instituti;
🫥Jahon iqtisodiyoti va diplomatiya universiteti;
🫥Toshkentdagi INHA universiteti;
🫥Mirzo Ulug‘bek nomidagi O‘zbekiston milliy universiteti.

🗣️ Nomzodlar so‘nggi o‘quv yili natijalariga ko‘ra yuqori reyting ko‘rsatkichiga ega bo‘lishi (86% dan yuqori), davlat tilini mukammal bilishi kerak. Shuningdek, rus va ingliz tillarini kamida B2 darajasida bilish talab qilinadi.

Bundan tashqari, quyidagilarga ega bo‘lgan talabalarga ustunlik beriladi:

🫥ASSA va boshqa xalqaro sertifikatlar;
🫥Python (numpy, pandas, matplotlib) dasturlash tilida ishlay olish;
🫥Data parsing (beautiful soup, selenium) dasturida ishlay olish;
🫥Power BI, Qlik platformalarida ishlay olish;
🫥IELTS 7 darajasiga ega bo‘lish;
🫥Sohaga oid xalqaro yoki respublika olimpiadasi g‘olibi yoki sovrindorlari.

Tanlovda ishtirok etishni xohlovchi nomzodlardan hujjatlar joriy yilning 13-sentabrigacha qabul qilinadi.

@talimationuz — TAʼLIM DOIMO MUHIM!

⚡️ Avgust oyida 21 ta xususiy maktabga litsenziya berilgan

"Litsenziya" axborot tizimi ma'lumotlariga ko'ra, bu borada eng katta ulush Toshkent shahri hisobiga to'g'ri keladi - 7 ta.

Keyingi o'rinlarda Farg'ona viloyati (4 ta), Andijon viloyati (3 ta), Toshkent viloyati (2 ta) hamda Namangan, Xorazm, Sirdaryo, Surxondaryo va Qashqadaryo viloyatlari (1 tadan) o'rin olgan.

@talimationuz — TAʼLIM DOIMO MUHIM!

⚡️ O‘zbekiston va qo‘shni davlatlardagi talabalar qancha stipendiya oladi?

Talabalarning asosiy daromad manbalaridan biri stipendiya hisoblanadi. Darsdan keyin ishlash, uydagilardan pul olish qatorida stipendiya bilan oylik xarajatlarning ma’lum qismini qoplash mumkin.

◀️O'zbekistonda stipendiya qanday to'lanadi?
Davlat granti, shuningdek, stipendiyali to'lov-kontrakt asosida kunduzgi ta'lim shaklida o'qiyotgan talabalarga bazaviy stipendiya beriladi. Semestrni faqat "a'lo" (86 foizdan yuqori) tarzda yakunlagan talabalarning stipendiyasiga 20 foiz qo'shiladi.

Lekin o'quv semestri yakuni bo'yicha fanlardan o'zlashtirish ko'rsatkichlarining 30 foiz va undan ortiq qismi «qoniqarli» baho (71 foizdan past) boʻlgan talabalarga keyingi semestr davomida stipendiya to'lanmaydi.

➡️Oliy ta'lim, fan va innovatsiyalar vazirligi Kun.uz'ga bergan ma'lumotga ko'ra, ayni paytda talabalarga to'lanadigan bazaviy stipendiya miqdori - 517 880 so'mni tashkil qiladi.

Barcha fanlar bo'yicha faqat «a'lo» o'zlashtirish ko'rsatkichiga (reyting ko'rsatkichi 86 ball va undan yuqori) ega boʻlgan talabalar uchun stipendiya - 621 456 so'm.

➡️Bundan tashqari, iqtidorli talabalar uchun nomdor stipendiyalar ham ta'sis etilgan.

👉 Prezident stipendiyasi - 2 191 541 so'm;
👉 Beruniy, Ibn Sino, Navoiy, Ulug'bek, Imom al-Buxoriy, Bobur, Pahlavon Mahmud, Toʻlepbergen Qaipbergenov, Ibroyim Yusupov, Islom Karimov va Kamoliddin Behzod nomli davlat stipendiyalari - 1 461 028 so'm;

Ro'yxatda ko'rinib turibdiki, eng qimmat stipendiya - prezident stipendiyasi.

◀️Qo'shni davlatlarda stipendiya miqdori qancha?

🇰🇿Qozog'iston (2023 yil, yangi o'quv yili holatiga ko'ra):

🔵pedagogika va sogʻliqni saqlash yoʻnalishi talabalari uchun stipendiya - 67 200 tenge (1 mln 777 ming so'm);

🔵oliy o'quv yurtlari talabalari uchun (sog'liqni saqlash va pedagogika yo'nalishlari bundan mustasno) - 41 898 tenge (1 min 108 ming so'm);

🔵texnik va kasb-hunar ta'limi dasturlarida o'qiyotgan talabalar uchun - 32 681 tenge (864 ming so'm);

🔵magistratura talabalari uchun - 94 024 tenge (2 min 486 ming so'm) stipendiya belgilangan.

🇰🇬Qirg'iziston
Qirg'izistonda (2022 yilgi ma'lumot) talabalarning qancha stipendiya olishiga oid ma'lumotni faqat pedagogika universitetlari talabalari uchun belgilangan miqdorini topa oldik.

Unga ko'ra, 2022 yilgi o'quv yili holatiga ko'ra, pedagogika OTMlarining:
🔴1-kurs talabalari uchun1000 som (137 ming so'm);
🔴2-kurs talabalari uchun 2 000 som (274 ming so'm);
🔴3-kurs talabalari uchun 3 000 som (411 ming so'm);
🔴4-kurs uchun 4 000 som (548 ming so'm) belgilangan.

Bundan tashqari, Qirg'izistonda ham faol talabalar uchun prezident stipendiyasi beriladi.

➡️Bu stipendiya faol talabalarga bir martalik miqdorda 50 ming som (2021 yilgi miqdori - 6,8 mln so'm) to'lanadi.

🇹🇯 Tojikiston
2022 yilgi ma'lumotga ko'ra, Tojikistonda talabalar oladigan o'rtacha yuqori miqdordagi stipendiya 368 somoni (405 ming so'm) hisoblanadi.

👉Ma'lum boʻlishicha, bir talaba oyiga o'rtacha 1,5 ming somoni xarajat qiladi. Beriladigan stipendiya uning oylik xarajatlarining faqat bir haftasini qoplashi mumkin.

Tojikiston va Qirg'izistonga oid ma'lumotlar asosan 2022 yilga tegishli bo'lsa-da, ochiq ma'lumotlar asosida Qozog'iston talabalari eng yuqori stipendiya oladi, deb xulosa qilish mumkin.

@talimationuz — TAʼLIM DOIMO MUHIM!

🇬🇧 Toshkentda ingliz tilini qayerdan o‘rganish mumkin: bolalar va kattalar uchun 15 ta o‘quv markazlari (1-qisim)

➡️Alpha Academy
— Darslar rus va oʻzbek tillarida (asosan ingliz tilida) olib boriladi. Bolalar alohida yoki guruh bo'lib o'qishlari mumkin.

💰Narxi (oyiga): 525 000 so‘m.
📍Manzil: Sayram 43.
☎️ Murojaat uchun telefon raqami: (+998) 95−199−1996.

➡️Boston Academy
— Mashg'ulotlar faqat ingliz tilida, sertifikatlangan o'qituvchilar bilan olib boriladi.

💰Narxi (oyiga): 400 000 so‘m.
📍Manzil: Qurilish, 3.
☎️ Murojaat uchun telefon raqami: (+998) 90−111−7767.

➡️Cambridge
— Darslar ingliz tilida olib boriladi. Bolalar Britaniya ta'lim tizimiga amal qilishadi, o'qituvchi bilan bepul qo'shimcha darslar. Onlayn darslar mavjud.

💰Narxi (oyiga):
— 4 yoshdan oshgan bolalar uchun: 440 000 so‘m;
— 13 yoshdan oshgan bolalar uchun: 550 000 so'm.
📍Manzil: Irrigator, 3 (Darxon).
☎️ Murojaat uchun telefon raqami: (+998) 78−777−7774.

➡️Everest
— Darslar rus va oʻzbek tillarida olib boriladi. Speaking klublari, treninglar va ochiq leksiyalar mavjud.

💰Narxi (oyiga): 400 000 so‘m.
📍Manzil:
— Birlik, 78;
— Alisher Navoiy, 37;
— Labzak, 55;
— Osiyo, 84A;
— Bunyodkor shoh ko‘chasi, 52;
— Niyozbek, 1.
☎️ Murojaat uchun telefon raqami: (+998) 95−144−9050.

➡️HONG KONG Academy
— Darslar ingliz tilida olib boriladi. Guruh va individual darslar mavjud.

💰Narxi (oyiga): 540 000 so‘m.
📍Manzil:
— Alisher Navoiy, 69;
— Furkata, 14a.
☎️ Murojaat uchun telefon raqami: (+998) 95−144−5252.

➡️I Can
— Darslar rus va ingliz tillarida mini-guruhlarda olib boriladi.

💰Narxi (oyiga): 1 000 000 so‘m (30 yoshdan)
📍Manzil: Niyozbek Yo‘li.
☎️ Murojaat uchun telefon raqami: (+998) 97−140−4908.

➡️Inter Nation
— Darslar rus va ingliz tillarida olib boriladi. Bolalarni xalqaro darajadagi o'qituvchilar, yakshanba kungi mahorat darslari va treninglar, Co-Working Zone kutmoqda.

💰Narxi (oyiga): 780 000 so‘m (14 yoshdan)
📍Manzil:
— Istiqbol, 14. Vestminster universiteti;
— Shahrisabz, 1;
— Mustaqillik Shox, Oloy massivi, 5;
— Afrosiyob, 16;
— Bunyodkor 52/2. KFC;
— Amir Temur, 86. Qozog‘iston kinosi;
— Islom Karimov 8/1. sobiq UzBowling;
— Yangi Sergeli, 21 “B” uy.
☎️ Murojaat uchun telefon raqami: (+998) 78−777−7707.

➡️Mr. Gordon’s Academy
— Mashg'ulotlar rus va ingliz tillarida, ona tilida so'zlashuvchilar bilan olib boriladi.

💰Narxi (oyiga): 1 200 000 so‘m (5 yoshdan)
📍Manzil: Afrosiyob, 41.
☎️ Murojaat uchun telefon raqami: (+998) 97−021−3000.

‼️Kurs narxlari nashr vaqtida amal qiladi.

📣 Sizga kontent qanday keldi? Ikkinchi qismini intiqlik bilan kutyapsizmi? 100ta reaksiya to'plasak 2-qismini qilamiz!

@talimationuz — TAʼLIM DOIMO MUHIM!