#soʻragan_edingiz

❓ Ona tili va adabiyot fanidan milliy sertifikat natijalari qachon e’lon qilinadi? Natijalari kechiksa, ro‘yxatdan o‘tishga ulgurmay qolamizmi?
Bundan tashqari, natijadan norozi bo‘lib apellyatsiyaga murojaat qilgan abituriyentlar ro‘yxatdan o‘tishga qanday ulguradi?

✅ Javob:
Milliy sertifikat natijalari 23-iyunga qadar e’lon qilinadi. Agar abituriyent natijadan norozi bo‘lib apellyatsiya bersa va apellyatsiya jarayoni yakunlangunga qadar OTMlarga ro‘yxatdan o‘tish muddati tugab qolsa ham, xavotirga o‘rin yo‘q.

Apellyatsiya natijasida sertifikat bali o‘zgargan taqdirda, bu ma’lumot qabul tizimida avtomatik ravishda yangilanadi. Hatto ro‘yxatdan o‘tish muddati yakunlangan bo‘lsa ham, yangilangan natija bazada hisobga olinadi.

📌 Demak, apellyatsiya sababli yoki natijalar kechroq e’lon qilingani tufayli sertifikat ballaringiz yo‘qolib qolmaydi va qabul jarayonida inobatga olinadi.

@talimationuz — TAʼLIM DOIMO MUHIM!

❗️ Endi xorijiy va nodavlat OTMlaridan davlat OTMlariga o‘qishni ko‘chirish bo‘yicha imtihon natijasi bir hafta ichida maʼlum qilinishi kerak
 
Hukumat qarori (299-son, 11.06.2026 y.) bilan “Xorijiy va nodavlat oliy ta’lim tashkilotlaridan talabalar o‘qishini davlat oliy ta’lim tashkilotlariga ko‘chirish bo‘yicha davlat xizmati ko‘rsatish”ning ma’muriy reglamenti tasdiqlandi.
 
🏛 Reglamentga ko‘ra, Bilim va malakalarni baholash agentligi (Agentlik) ushbu sohada vakolatli davlat organi hisoblanadi.
 
📝 Ariza beruvchi har yili 15-iyuldan 5-avgustga qadar YAIDXP yoki Agentlikning maxsus elektron platformasi yoxud davlat xizmatlari markazlari orqali ariza beradi.
 

— Quyidagilar arizani rad etishga asos bo‘ladi:
 
🔹 so‘rovnomada nazarda tutilgan hujjatlar yoki ma’lumotlar to‘liq taqdim etilmagani;
 
🔹 so‘rovnomada noto‘g‘ri yoxud buzib ko‘rsatilgan ma’lumotlar aniqlangani;
 
🔹 belgilangan miqdordagi to‘lov o‘z vaqtida amalga oshirilmagani.
 

🗒 Ariza va unga ilova qilingan hujjatlar ishchi organ tomonidan har yili 15-iyuldan 6-avgustgacha ko‘rib chiqiladi hamda arizani qabul qilish yoki rad etish to‘g‘risida qaror qabul qilinadi.
 
📜 Bu haqda ariza beruvchiga YAIDXP yoki maxsus platforma orqali xabarnoma yuboriladi.
 
⏭️ O‘qishni ko‘chirish bo‘yicha QR-kodli imtihon natijasi vakolatli organ tomonidan har yili imtihonlar yakunlangandan so‘ng 1 hafta ichida ariza beruvchiga yuboriladi.

@talimationuz — TAʼLIM DOIMO MUHIM!

#Qabul2026 #Abituriyent2026 #Statistika

Davlat oliy va kasbiy ta’lim tashkilotlariga qabul uchun onlayn ro‘yxatdan o‘tgan abituriyentlar statistikasi
13-iyun soat 18:22 holatiga ko‘ra davlat oliy va kasbiy ta’lim tashkilotlariga qabul uchun jami 138 313 nafar abituriyent onlayn ro‘yxatdan o‘tdi (batafsil yuqoridagi infografikada).

Eslatma: onlayn ro‘yxatdan o‘tish O‘zbekiston Respublikasi Yagona interaktiv davlat xizmatlari portali hamda Agentlikning my.uzbmb.uz saytida amalga oshirilmoqda. Onlayn ro‘yxatdan o‘tishning 1-bosqichi 25-iyunga qadar (shu kuni ham) davom etadi.

📽 Onlayn ro‘yxatdan o‘tish bo‘yicha videoyo‘riqnoma bilan bu yerda tanishish mumkin.

@talimationuz — TAʼLIM DOIMO MUHIM!

— Hurmatli abituriyentlar! 2026-2027-o‘quv yilida davlat oliy ta’lim tashkilotlariga o‘qishga kirish uchun onlayn ro‘yxatdan o‘tdingizmi?

❓Agar ro’yxatdan o’tmagan bo’lsangiz, muammo nimada?

Shu post ostiga savollaringizni yozishingiz, ma’lumot olishingiz mumkin.

@talimationuz — TAʼLIM DOIMO MUHIM!

#soʻragan_edingiz

❓ Savol: SAT sertifikati asosida qo‘shimcha davlat grantiga qabul qilingan talaba grantdan bakalavriatning butun o‘qish davri davomida foydalanadimi yoki grant faqat birinchi o‘quv yili uchun beriladimi?

✅ Javob: SAT sertifikati asosida qo‘shimcha davlat grantiga qabul qilingan talabalar grantdan bakalavriatning butun ta’lim davri davomida foydalanadilar. Mazkur grant faqat birinchi o‘quv yili bilan cheklanmaydi.

Biroq, ushbu imtiyoz SAT sertifikati asosida birinchi tanlov (birinchi ustuvor yo‘nalish) bo‘yicha o‘qishga tavsiya etilgan abituriyentlarga nisbatan qo‘llaniladi.

@talimationuz — TAʼLIM DOIMO MUHIM!

❗️“Perevodchilar” uchun yaxshi yangiliklar! #perevod

Endilikda xorijiy va nodavlat OTMlardan davlat OTMlariga talabalar o‘qishini ko‘chirish (perevod) jarayoni alohida davlat xizmati sifatida yo‘lga qo‘yiladi.

Vazirlar Mahkamasi yangi ma’muriy reglamentni tasdiqladi. Unga ko‘ra, perevod qilish uchun arizalar:

▪️my.gov.uz (YAIDXP) orqali
▪️Bilim va malakalarni baholash agentligining maxsus platformasi orqali
▪️Davlat xizmatlari markazlari orqali qabul qilinadi.

Har yili 15-iyuldan 5-avgustgacha (shu kuni ham) hujjatlar topshiriladi.

❓Yangi tartibda nimalar bor?

➖ Ariza topshirish to‘liq elektronlashtiriladi.

➖ Arizaning holatini onlayn kuzatish mumkin bo‘ladi.

➖ Imtihon natijalari QR-kod bilan himoyalangan elektron hujjat ko‘rinishida beriladi.

➖ Chet tili yoki umumta'lim fanlaridan milliy yoki xalqaro sertifikatga ega bo‘lganlarga tegishli fanlardan tabaqalashtirilgan yoki maksimal ball beriladi.

@talimationuz — TAʼLIM DOIMO MUHIM!

🔄 “Perevod” qilish tartibi bo‘yicha kengroq tushuntirish
#perevod

Tushuntirishlarning asosi: 2022-yil 15-iyundagi PQ-279-son Prezident qarori.

1️⃣ Bir davlat OTMdan boshqa davlat OTMga o‘qishni ko‘chirish

Bunday holda faqat 2 ta vaziyatda ruxsat beriladi:

1) talaba oila qursa va turmush o‘rtog‘i doimiy yashaydigan hududdagi OTMga ko‘chmoqchi bo‘lsa;

2) davlat xizmatchisi ish yuzasidan boshqa hududga ko‘chsa va turmush o‘rtog‘i yoki voyaga yetmagan farzandining o‘qishini o‘sha hududga ko‘chirmoqchi bo‘lsa (ishga kirgan vazirlik xati asosida).

❌ Boshqa hududga ham, o‘z hududidagi boshqa OTMga ham shu qoida ishlaydi.

Masalan, SamDU talabasi Samarqand tibbiyot universitetiga ko’chiraman desa ham, Toshkent tibbiyot universitetiga ko’chiraman desa ham shu 2 ta sabab kerak.

2️⃣ Xorijdan o‘qishni ko‘chirish

Bunda o‘tgan yilgi tartib saqlanib qolgan:

1) mos va turdosh yo‘nalishga test yoki ijodiy imtihon topshiradi hamda o‘tish balini to‘plash talab etiladi.

2) o‘tish balini to‘play olmasa, super-kontrakt shartlari asosida o‘qishini ko‘chirishga ruxsat beriladi;

3) xorijdan mos va turdosh bo‘lmagan yo‘nalishga o‘qishni ko‘chirishga ruxsat berilmaydi.

‼️ Test o’tgach, har bir talabaning hujjati qayta tekshiriladi. Kimdir “xorijda o’qiyapti” degan soxta hujjat tayyorlagan bo’lsa, natijalar bekor qilinadi va prokuraturaga soxta hujjat tayyorlash fakti yuzasidan murojaat etiladi.

3️⃣ O‘zbekistondagi xorijiy va nodavlat OTMlardan o‘qishni ko‘chirish

Bunda ham o‘tgan yilgi tartib saqlanib qolgan:

1) mos va turdosh yo‘nalishga test yoki ijodiy imtihon topshiradi hamda o‘tish balini to‘plash talab etiladi.

2) o‘tish balini to‘play olmasa, super-kontrakt shartlari asosida o‘qishini ko‘chirishga ruxsat beriladi;

3) mos va turdosh bo‘lmagan yo‘nalish uchun esa bir martalik “super-kontrakt” to‘lab, imtihonsiz ko‘chirishi mumkin.

4️⃣ Davlat OTMdan nodavlat OTMga o‘qishni ko‘chirish

Buni davlat hozircha nazorat qilmaydi, buning tartibini nodavlat OTMlar o‘zi mustaqil belgilaydi. Nodavlat OTMga o‘qishni ko‘chirish mumkin yoki mumkin emasligini o‘sha OTMning o‘zidan aniqlashtiring.

5️⃣ Nodavlat OTMdan nodavlat OTMga o‘qishni ko‘chirish

Buni ham davlat hozircha nazorat qilmaydi, tartibini nodavlat OTMdan aniqlashtirish kerak.

6️⃣ Xorijdan nodavlat OTMga o‘qishni ko‘chirish

Buni ham davlat hozircha nazorat qilmaydi, tartibini ko‘chirmoqchi bo‘linayotgan nodavlat OTMdan aniqlashtirish kerak.

7️⃣ Bir davlat OTM ichida bir yo’nalish yoki fakultetdan boshqa yo’nalish yoki fakultetga o‘qishni ko‘chirish

Ushbu masala OTM rektori tomonidan hal qilinadi, ariza ham rektor nomiga yoziladi. Bunda ko’chirilayotgan yo’nalishning mos va turdoshligi, ko’chirilish sababi, OTM imkoniyatlari va boshqa faktorlar inobatga olinishi mumkin.

8️⃣ Bir OTM va hatto bir yo’nalish doirasida ta’lim shaklini yoki tilni o’zgartirish

Ushbu masala ham OTM ma’muriyati tomonidan hal qilinadi. Bunda ham ko’chirish maqsadi, OTMning imkoniyati (masalan, auditoriya sig’imi, professor-o’qituvchilari soni va hk) va boshqa faktorlarga qaralishi mumkin. Masalan, kechki, sirtqi yoki masofaviydan kunduzgiga o’tkazish deyarli imkonsiz, bu haqda o’ylamasa ham bo’ladi. Lekin kunduzgidan ko’chirish odatda muammosiz hal bo’ladigan masala.

@talimationuz — TAʼLIM DOIMO MUHIM!

Biz “Talimda nima gap?” Jamoasi mana bir necha yildirki sizlarga foydali ma’lumotlar, eng so’nggi yangiliklarni ulashib bormoqdamiz.

Izohlarga e’tibor qaratishga, ko’proq so’ralgan va sizni qiynayotgan savollarga batafsil post ko’rinishida javob berishga harakat qilmoqdamiz.

Sahifalarimizni kuzatib boring va bizni qo’llab - quvvatlash uchun izohlarda faol bo’lishni va mehnatimizni reaksiyalar orqali baholab borishingizni so’raymiz!

Biz bilan birga ekanligingiz uchun tashakkur.

@talimationuz — TAʼLIM DOIMO MUHIM!

#Qabul2026 #Abituriyent2026 #Statistika

Davlat oliy va kasbiy ta’lim tashkilotlariga qabul uchun onlayn ro‘yxatdan o‘tgan abituriyentlar statistikasi

15-iyun soat 6:40 holatiga ko‘ra davlat oliy va kasbiy ta’lim tashkilotlariga qabul uchun jami 154 819 nafar abituriyent onlayn ro‘yxatdan o‘tdi (batafsil yuqoridagi infografikada).

Eslatma: onlayn ro‘yxatdan o‘tish O‘zbekiston Respublikasi Yagona interaktiv davlat xizmatlari portali hamda Agentlikning my.uzbmb.uz saytida amalga oshirilmoqda. Onlayn ro‘yxatdan o‘tishning 1-bosqichi 25-iyunga qadar (shu kuni ham) davom etadi.

@talimationuz — TAʼLIM DOIMO MUHIM!

❗️Akademik litseylarga qabul boshlandi

10-iyun sanasidan boshlab 2026/2027-oʻquv yili uchun akademik litseylarga my.edu.uz portali orqali hujjatlarni qabul qilish boshlandi. Qabul 10-iyulgacha (shu kuni ham) davom etadi.

Talabgorlar roʻyxatdan oʻtish jarayonida tizimga ID karta yoki tug‘ilganlik haqida guvohnoma ma’lumotlarini kiritishlari va quyidagi hujjatlarni elektron shaklda (PDF, JPEG) yuklashlari lozim:

➖ 3,5x4,5 cm oʻlchamdagi 1 ta rangli fotosurat;
➖ O‘qishga imtiyozli kirish huquqini beruvchi hujjatlar — fan olimpiadasi gʻolibi ekanligini tasdiqlovchi diplom, chet tili va umumtaʼlim fanlarni bilish darajasi toʻgʻrisidagi milliy yoki xalqaro sertifikat (mavjud boʻlsa).

Tizimga shaxsiy ma’lumotlar kiritilganda, tug‘ilganlik to‘g‘risidagi ma’lumotlar FHDYO organi bazasidan, maktab va shahodatnoma to‘g‘risidagi ma’lumotlar esa Maktabgacha va maktab ta’limi vazirligining e-shahodatnoma.uz axborot tizimi orqali avtomatik tarzda olinadi.

📝 Yo‘nalish tanlash tartibi: Ro‘yxatdan o‘tishda abituriyentlarga uchtagacha akademik litseyning ta’lim tili bir xil bo‘lgan bittadan mos yo‘nalishini (barcha tanlangan litseylarda ta'lim tili bir xil bo'lishi shart) tanlash imkoniyati beriladi.

Abituriyentning to‘plagan ballari u tanlagan birinchi akademik litseyga yetarli bo‘lsa, u yerga o‘qishga qabul qilinadi va uning natijalari o‘sha litseyda e’lon qilinadi. Bunday holatda uning ikkinchi va uchinchi litseylar tanlovida ishtirok etishiga ruxsat etilmaydi.

Agar ballari birinchi va ikkinchi litseylarga yetmay, uchinchi litseyga yetarli bo‘lsa, uning natijalari faqat uchinchi akademik litsey yo‘nalishida e’lon qilinadi.

ℹ️ Talabgorlar roʻyxatdan oʻtishda qaysi chet tilidan kirish test sinovini topshirishini belgilaydi hamda oʻzi tanlagan hududda tashkil etiladigan kirish test sinovlarida ishtirok etadi.

@talimationuz — TAʼLIM DOIMO MUHIM!

#Qabul2026 #Abituriyent #Statistika

Akademik litseyga qabul boʻyicha arizalar statistikasi

Akademik litseyga qabul boʻyicha jami 12 108 ta ariza kelib tushdi.
Ma’umotlar 17-iyun soat 18:05 holatiga ko‘ra

📌Arizalar onlayn tarzda my.edu.uz platformasi orqali qabul qilinadi.

@talimationuz — TAʼLIM DOIMO MUHIM!

#Qabul2026 #Abituriyent2026 #Statistika

Davlat oliy va kasbiy ta’lim tashkilotlariga qabul uchun onlayn ro‘yxatdan o‘tgan abituriyentlar statistikasi
19-iyun kuni soat 18:17 holatiga ko‘ra davlat oliy va kasbiy ta’lim tashkilotlariga qabul uchun jami 371 429 nafar abituriyent onlayn ro‘yxatdan o‘tdi (batafsil yuqoridagi infografikada).

Eslatma: onlayn ro‘yxatdan o‘tish O‘zbekiston Respublikasi Yagona interaktiv davlat xizmatlari portali hamda Agentlikning my.uzbmb.uz saytida amalga oshirilmoqda. Onlayn ro‘yxatdan o‘tishning 1-bosqichi 25-iyunga qadar (shu kuni ham) davom etadi.

@talimationuz — TAʼLIM DOIMO MUHIM!