🌍 XALQARO ILMIY-AMALIY KONFERENSIYA

Hurmatli professor-o‘qituvchilar, ilmiy tadqiqotchilar, mustaqil izlanuvchilar, magistrantlar va talabalar!

Sizlarni 2026-yil 25-aprel kuni bo‘lib o‘tadigan “Zamonaviy ilm-fan va ta’lim integratsiyasi: barqaror rivojlanish, innovatsiya va istiqbollar” mavzusidagi xalqaro ilmiy-amaliy konferensiyada ishtirok etishga taklif etamiz.

Mazkur konferensiya zamonaviy ilm-fan va ta’lim integratsiyasi, innovatsion rivojlanish, barqaror taraqqiyot masalalarini ilmiy jihatdan tahlil qilish, ilg‘or g‘oya va ishlanmalarni muhokama etish hamda amaliy yechimlar ishlab chiqishga bag‘ishlanadi.

📍 Manzil: London, Toshkent
📅 Konferensiya kuni: 25-aprel, 2026-yil
⏳ Materiallar qabuli: 24-aprel, 2026-yilgacha

✅ Konferensiya sho‘balari:
— Tabiiy fanlar, aniq fanlar va muhandislik-texnika taraqqiyoti
— Axborot texnologiyalari, sun’iy intellekt va raqamli innovatsiyalar
— Ijtimoiy fanlar, iqtisodiyot, huquq va boshqaruvning zamonaviy tendensiyalari
— Ta’lim, pedagogika, filologiya, madaniyat va san’atda innavatsion yondashuvlar
— Tibbiyot, qishloq xo‘jaligi, ekologiya, geografiya va barqaror rivojlanish masalalari

📌 Muhim eslatma:
Konferensiya an’anaviy tarzda o‘tkazilmaydi, balki faqat ilmiy maqolalar to‘plami shaklida tashkil etiladi.

📄 Maqola va tezislarga qo‘yiladigan asosiy talablar:
— maqolalar o‘zbek, rus, ingliz, qozoq, qirg‘iz va turk tillarida qabul qilinadi;
— hajmi 5 betdan kam bo‘lmasligi lozim;
— annotatsiya va kalit so‘zlar o‘zbek, rus va ingliz tillarida bo‘lishi shart;
— adabiyotlar ro‘yxati GOST uslubida rasmiylashtiriladi.

💳 To‘lov miqdori: 🇺🇿70 000 UZS - 🇺🇸5,75 USD - 🇷🇺443,15 RUB
Ushbu to‘lov elektron to‘plamga kiritish, tahririy-texnik tayyorlash va QR-kodli sertifikat rasmiylashtirish xizmatlarini qamrab oladi.

❤️ Ijtimoiy tashabbus:
Konferensiyaga tushgan maqolalardan undirilgan summaning 1 foiz qismi onkologik, gematologik hamda tug‘ma yurak nuqsoni bilan tug‘ilgan bolalarni sog‘lomlashtirish va qo‘llab-quvvatlash ishlariga yo‘naltiriladi.

📚 Maxsus imkoniyat:
Konferensiyada o‘z materiallari bilan ishtirok etgan barcha mualliflar Hamroh books nashriyotidagi barcha kitoblar uchun 20 foizlik chegirmaga ega bo‘ladilar.

🏅 Sertifikatlar: 2026-yil 28-aprel sanasida yuboriladi.
📩 Qabul qilinganlik haqida javob: 1 ish kuni ichida ma’lum qilinadi.

📨 Materiallarni yuborish uchun:
E-mail: academicsciencepublishing@gmail.com
Telegram: https://t.me/uniscience_2

🌐 Website: www.academscience.com

Ilmiy hamkorlikni kengaytirish, yangi g‘oyalarni ilgari surish va zamonaviy tadqiqot natijalarini ilmiy maydonga olib chiqish istagida bo‘lsangiz, ushbu konferensiyada faol ishtirok eting!

▫️https://t.me/academic_research_publisher

❗️Toshkent shahrida “Boshqarma boshlig‘i stipendiyasi” joriy etildi

Toshkent shahridagi kasbiy ta’lim muassasalarida tahsil olayotgan iqtidorli o‘quvchilarni qo‘llab-quvvatlash hamda ularning ilm-fan, kasb-hunar va ijodkorlikka bo‘lgan intilishlarini rag‘batlantirish maqsadida “Boshqarma boshlig‘i stipendiyasi” joriy etildi.

Mazkur tashabbus yoshlarning tashabbuskorligini oshirish, ularni Vatanga sadoqat va milliy qadriyatlar ruhida tarbiyalash hamda kelajakda yetuk mutaxassis bo‘lib yetishishiga xizmat qiladi.

❓Kimlar ishtirok etishi mumkin?

Tanlovda Toshkent shahridagi kasbiy ta’lim muassasalarining (kollej va texnikumlar) kunduzgi ta’lim shaklida tahsil olayotgan o‘quvchilari ishtirok etishlari mumkin.

Eslatma, tanlov tartibi va talablari bo‘yicha batafsil ma’lumotlar bilan maxsus tasdiqlangan Nizom orqali tanishishingiz mumkin.

@talimationuz — TAʼLIM DOIMO MUHIM!

⚡️ 16 yoshga toʻlgan bitiruvchilar pasport (ID karta) olishi kerak

Maʼlumki, abituriyentlarning oliy taʼlim muassasalariga kirish uchun tegishli hujjatlarni onlayn topshirish uchun bitiruvchilarning pasport (ID karta) maʼlumotlarini ABITUR elektron dasturiga kiritish talab etiladi. Shuning uchun 16 yoshga toʻlgan har bir bitiruvchi oʻz vaqtida pasport (ID karta) olishi zarurligini eslatib oʻtamiz.

Ushbu jarayonda bitiruvchilarga yanada qulaylik yaratish maqsadida Maktabgacha va maktab taʼlimi vazirligining elektron maʼlumotlar bazasi Bilim va malakalarni baholash agentligining ABITUR elektron dasturi bilan integratsiya qilingan.

❗️Hurmatli ota-onalar, aziz bitiruvchilar!

Farzandingizning konstitutsiyaviy huquqidan foydalangan holda, 16 yoshga toʻlgan farzandlaringizni oʻz vaqtida pasport (ID karta) olishini taʼminlashingizni, maktab maʼmuriyatidan esa bitiruvchilarning pasport (ID karta) maʼlumotlarini elektron bazaga kiritib, ularni kelgusida oliy taʼlim muassasalariga hujjat topshirishida zarur koʻmak berishingizni soʻraymiz.

Maʼlumot uchun: Pasport (ID karta) olish uchun hududiy ichki ishlar organlarining Migratsiya va fuqarolikni rasmiylashtirish boʻlimlariga murojaat etishlari zarur.

@abituriyentga_xos — Bu sizga xos!

🎯 "GRANT OVCHILARI" UCHUN: QAYSI YO'NALISHLARDA TEKIN O'QISH IMKONIYATI ENG YUQORI? (Aniq statistika)

Abituriyentlar diqqatiga! Agar sizning yagona va asosiy maqsadingiz qanday qilib bo'lmasin Davlat granti (byudjet) asosida o'qishga kirish bo'lsa, qaysi sohaga davlat eng ko'p tekin joy ajratishini aniq bilishingiz shart.

Umumiy hisobda bakalavriat bosqichi uchun o'rtacha 34 000 — 35 000 ta davlat granti ajratiladi. Lekin bu o'rinlar hamma universitet va yo'nalishlarga teng taqsimlanmaydi.

📊 Davlat granti eng ko'p ajratiladigan TOP-5 soha (qabul statistikasi va tasdiqlangan kvotalar asosida):

1️⃣ Ta'lim va Pedagogika (Mutlaq yetakchi)
• Ajratiladigan o'rtacha grant: ~9 500 ta o'rin.
• Asosiy yo'nalishlar: Matematika, ona tili, xorijiy tillar, fizika va kimyo o'qituvchiligi.
• Fakt: Davlat eng ko'p byudjet o'rinlarini kelajak o'qituvchilari uchun beradi. Jami grantlarning salkam 28-30% qismi aynan shu soha hissasiga to'g'ri keladi.

2️⃣ Muhandislik, Ishlab chiqarish va Qurilish
• Ajratiladigan o'rtacha grant: ~8 200 ta o'rin.
• Asosiy yo'nalishlar: Mashinasozlik, energetika, arxitektura, transport tizimlari.
• Fakt: Bu yerda grant ko'p, lekin raqobat pedagogikaga nisbatan ancha past (chunki fizika va matematikani mukammal biluvchi abituriyentlar kamroq). Texnika universitetlari grant ovchilari uchun ajoyib "nishon" hisoblanadi.

3️⃣ Axborot texnologiyalari (IT)
• Ajratiladigan o'rtacha grant: ~3 500 ta o'rin.
• Asosiy yo'nalishlar: Dasturiy injiniring, sun'iy intellekt, axborot xavfsizligi.
• Fakt: IT sohasiga davlat buyurtmasi yildan-yilga keskin oshib bormoqda. Matematika va informatikadan tayyorgarligi kuchli bo'lganlar uchun davlat grantiga kirish ehtimoli juda yuqori.

4️⃣ Sog'liqni saqlash (Tibbiyot)
• Ajratiladigan o'rtacha grant: ~3 100 ta o'rin.
• Asosiy yo'nalishlar: Davolash ishi, pediatriya, farmatsiya.
• Fakt: Garchi grantlar soni ko'pdek tuyulsa-da, hujjat topshiradiganlar soni favqulodda ko'pligi (bir o'ringa ba'zan 20 kishi) hisobiga, bu yerda o'tish ballari doim eng maksimal darajada saqlanib qoladi (grant uchun minimum 165+ ball).

5️⃣ Qishloq xo'jaligi va Tabiatdan foydalanish
• Ajratiladigan o'rtacha grant: ~2 500 ta o'rin.
• Asosiy yo'nalishlar: Agrar soha, veterinariya, o'rmon xo'jaligi, suv xo'jaligi.
• Fakt: Eng past o'tish ballari bilan davlat grantini yutib olish mumkin bo'lgan "yashirin" soha. Bitta grant o'rniga talabgorlar soni boshqa sohalarga nisbatan eng kam ko'rsatkichni tashkil qiladi.

⚠️ Yangi tizimni unutmang: Endi kvotalar universitetlar (OTM) uchun emas, aynan sohalar (yo'nalishlar) uchun umumiy ajratilmoqda. Ya'ni, siz yuqori ball to'plasangiz, qaysi universitetni tanlaganingizdan qat'i nazar, davlat grantini o'zingiz bilan "olib ketasiz" (Davlat granti — talabaga tamoyili).

👇 Siz asosan qaysi sohaga tayyorgarlik ko'ryapsiz va maqsadingiz aynan byudjetmi yoki kontrakt bo'lsa ham rozi bo'lasizmi? Fikrlaringizni izohlarda yozing!

@abituriyentga_xos — Bu sizga xos!

❗️5 yil staji bor xotin-qizlarga tavsiyanoma olish uchun ariza berish haqida batafsil

📝 Tavsiyanoma olish uchun arizalarni Yagona portal orqali (https://my.gov.uz/uz/service/1433 ) yoki Davlat xizmatlari markaziga borgan holda ariza topshirish mumkin. Arizalar 31-mayga qadar (shu kuni ham) qabul qilinadi.

❗️Ma’lumot uchun: mutaxassisligi bo‘yicha kamida 5 yil mehnat staji mavjud, biroq oliy ma’lumotga ega bo‘lmagan xotin-qizlarga to‘lov-kontrakt asosida o‘qishga qabul qilinishi uchun qo’shimcha 500 ta kvota beriladi.

✅ BU MUHIM: tavsiyanoma oldim, degani o‘qishga kirdim, degani emas. Buning uchun siz yetarli darajada balandroq ball to‘plashingiz ham kerak. Ushbu tavsiyanomani olgan xotin-qizlar mabodo o‘qishdan yiqilsa, yana bitta imkoniyatga ega bo‘ladi va barcha yiqilgan tavsiyanomalilar orasida baland ball olgan 500 kishi kontraktga o‘qishga kiradi.

❗️ESLATMA: 2024 hamda 2025-yillarda tavsiyanoma olgan, lekin o‘qishga kira olmagan xotin-qizlar yana hujjat topshirishi shart emas. Chunki 5 yil staj tavsiyanomasining amal qilish muddati 3 yil.

❗️2023-yilda berilgan tavsiyanomalar muddati tugadi, ular yangi tavsiyanoma olishi kerak.

‼️ESLATMA-2: O‘tgan yillarda tavsiyanoma olib, o‘qishga kirgan xotin-qizlarning tavsiyanomasi esa o‘z kuchini yo‘qotgan, yaʼni kuygan bo‘ladi.

ℹ️ Tavsiyanoma olish uchun talabgorlar quyidagi mezonlarning BARCHASIGA muvofiq kelishi kerak:

➖ o‘rta maxsus yoki professional ta’lim bo‘yicha mutaxassislikka ega bo‘lishi;
➖ tavsiyanoma olgunga qadar oliy ta’lim olmaganligi yoki olmayotganligi;
➖o‘rta maxsus yoki professional ta’lim mutaxassisligi bo‘yicha kamida 5 yillik mehnat stajiga ega bo‘lishi.

Talabgorlar tomonidan taqdim etilgan ariza va hujjatlar tuman (shahar) Ishchi guruhlari tomonidan o‘rnatilgan tartibda 1-7-iyun kunlari ko‘rib chiqiladi va tavsiyanoma berish yoki tavsiyanoma berishni rad etish to‘g‘risida xulosa qabul qilinadi.

‼️TAVSIYANOMA BALL QO’SHIB BERMAYDI‼️

@talimationuz — TAʼLIM DOIMO MUHIM!

Ehtiyojmand oilalardagi xotin-qizlar uchun tavsiyanoma haqidagi ayrim savol-javoblar:

❓Savol: Xotin-qizlar tavsiyanomasi bilan grantga kirgan talabalar 4 yil davomida grantda o’qiydimi yoki kelgusi yilda grant taqsimoti natijasida kontraktga tushib qolishi ham mumkinmi?

✅ JAVOB: Tavsiyanoma natijasida qo’shimcha grant o’rniga tavsiya etilgan talaba xotin-qizlar 4 yil (yoki butun o’qish davrida) davomida grantda o’qishadi. Ular o’zlashtirishidan qat’iy nazar, grant taqsimotida qatnashmaydi.

❓Savol: Ijtimoiy reyestrda turgani uchun tavsiyanoma olgan xotin-qizlar o’qishga kirgandan keyin reyestrdan chiqib ketsa, granti bekor bo’lmaydimi?

✅ JAVOB: Yo’q, tavsiyanoma olgandan keyin bo’ladigan o’zgarishlar grantga va o’zi umuman talabaning o’qishiga ta’sir o’tkazmaydi. Ya’ni xotin-qizlar tavsiyanoma asosida grantga o’qishga kirib bo’lgandan keyin Ijtimoiy reyestrdan chiqib ketsa ham, granti saqlanib qolaveradi.

❓Tavsiyanoma bilan kechki yoki masofaviyga topshirsa ham imtiyoz beriladimi?

✅JAVOB: Yo’q, tavsiyanoma faqat kunduzgi yo’nalishga va faqat birinchi tanlangan yo’nalishga o’tadi. Shu sababli beshta yo’nalishdan birini tanlayotganda birinchi yo‘nalishga kunduzgi ta’limni tanlash kerak. Agar birinchi yo‘nalishga kechki yoki masofaviy tanlansa, unda imtiyozli kvotaga da’vogarlik qila olishmaydi. Ya'ni tavsiyonama kuyadi.

@talimationuz — TAʼLIM DOIMO MUHIM!

❗️O‘zbekiston universitetlari diplomlari xalqaro miqyosda tan olinadi

London shahrida yakunlangan “Education World Forum 2026” doirasida O‘zbekiston oliy ta’lim tizimi uchun tarixiy kelishuv rasman tasdiqlandi.

Oliy ta’limda sifatni ta’minlash milliy agentligi dunyoning eng nufuzli INQAAHE (International Network for Quality Assurance Agencies in Higher Education) xalqaro tarmog‘iga to‘liq a’zo bo‘ldi.

❓Bu nima degani va talabalarga qanday foydasi bor?

➖ O‘zbekiston milliy akkreditatsiya tizimi xalqaro standartlarga muvofiq deb topildi. Endilikda mamlakatimizda akkreditatsiyadan o‘tgan universitetlar diplomlarining xalqaro miqyosda tan olinishi imkoniyati keskin kengayadi;

➖ Bitiruvchilarning chet elda ta’limni davom ettirishi (Master/PhD) hamda rasmiy mehnat faoliyatini olib borishi sezilarli darajada osonlashadi;

➖ Universitetlarimizning nufuzli xalqaro reytinglarda yuqorilashi hamda xorijiy OTMlar bilan qo‘shma ta’lim dasturlarini kengaytirish uchun mustahkam huquqiy asos yaratiladi.

ℹ️ Ma’lumot uchun, INQAAHE dunyodagi 140 dan ortiq davlatlarning ta’lim sifatini baholash agentliklarini birlashtirgan eng yirik xalqaro tarmoq hisoblanadi.

@talimationuz — TAʼLIM DOIMO MUHIM!

‼️Qabul boshlanishiga 6 kun qoldi
#abituriyent

Qabul jarayonlari “avval test, so‘ng tanlov” tamoyiliga muvofiq quyidagi ikki bosqichda amalga oshiriladi:

1️⃣ Birinchi bosqich:

abituriyentlar 5-iyundan 25-iyunga qadar (25-iyun kuni ham) test sinovi topshirish uchun ro‘yxatdan o‘tadi. Bunda abituriyentlar faqat test sinovi topshiriladigan fanlar majmuasi, ta’lim tili va test topshirish hududini hamda kirish imtihonlari tarkibida kasbiy (ijodiy) imtihon bo‘lsa, ushbu imtihonni topshiradigan oliygohni tanlaydi;

Ya’ni birinchi bosqichda universitet yoki institut tanlanmaydi. Abituriyentlar faqat qaysi fandan, qaysi tilda, qaysi hududda test topshirishini belgilaydi xolos. "Men Yuridik universitetga topshirdim, men Tibbiyot universitetiga topshirdim" degan gaplar birinchi bosqichda bo‘lmaydi.

✅ Imtihonlar iyul–avgust oylarida o‘tkaziladi.

2️⃣ Ikkinchi bosqich:

abituriyentlar test sinovlari to‘liq yakunlanganidan so‘ng 15 kun davomida oliy ta’lim muassasasi, bakalavriat ta’lim yo‘nalishi va ta’lim shaklini tanlaydi.

Ya’ni o‘zining olgan baliga qarab, testlar o‘tib bo‘lgandan keyin, qaysi oliygohning qaysi yo‘nalishiga topshirishini tanlaydi. O‘ylab olish, tahlil qilish uchun 15 kun vaqt bo‘ladi.

❓O‘qishga kira olmaganlar nima qiladi?

Mabodo abituriyentlar oliygohlarga kira olmasa, o’tgan yildan boshlab oltinchi yo’nalishni tanlash imkoni ham beriladi. Bunda tanlagan beshta yo’nalishiga o’qishga tavsiya etilmagan yoki testga kirib, yo’nalish tanlash esidan chiqqan abituriyentlar fanlar majmuasi to’g’ri keladigan va bali yetadigan oltinchi yo’nalishni ham tanlashi mumkin bo’ladi.

Shuningdek, o’qishga kira olmagan abituriyentlar testda to‘plagan bali bilan kollej va (yoki) texnikumni tanlashi mumkin. O‘qishga kira olmaganlar uchun kollej yoki texnikum tanlashga OTMlarga qabulning yakuniy natijasi (mandat) e’lon qilinganidan so‘ng yana 10 kun muddat beriladi.

@talimationuz — TAʼLIM DOIMO MUHIM!

❗️Qabul boshlanishiga sanoqli kunlar qoldi

Prezident farmoniga ko‘ra, 2024/2025-o‘quv yilidan boshlab qabul jarayonlari “avval test, so‘ng tanlov” tamoyiliga muvofiq quyidagi ikki bosqichda amalga oshiriladi:

1️⃣ Birinchi bosqich: abituriyentlar 5-iyundan 25-iyunga qadar (25-iyun kuni ham) test sinovi topshirish uchun ro‘yxatdan o‘tadi. Bunda abituriyentlar faqat test sinovi topshiriladigan fanlar majmuasi, ta’lim tili va test topshirish hududini hamda kirish imtihonlari tarkibida kasbiy (ijodiy) imtihon bo‘lsa, ushbu imtihonni topshiradigan oliygohni tanlaydi;

✅ Imtihonlar iyul–avgust oylarida o‘tkaziladi.

2️⃣ Ikkinchi bosqich: abituriyentlar test sinovlari to‘liq yakunlanganidan so‘ng 15 kun davomida oliy ta’lim muassasasi, bakalavriat ta’lim yo‘nalishi va ta’lim shaklini tanlaydi.

Ya’ni o‘zining olgan baliga qarab, testlar o‘tib bo‘lgandan keyin, qaysi oliygohning qaysi yo‘nalishiga topshirishini tanlaydi. O‘ylab olish, tahlil qilish uchun 15 kun vaqt bo‘ladi.

@talimationuz — TAʼLIM DOIMO MUHIM!

❗️10-iyundan akademik litseylarga qabul boshlanadi

10-iyun sanasidan boshlab 2026/2027-oʻquv yili uchun akademik litseylarga my.edu.uz portali orqali hujjatlarni qabul qilish boshlanadi. Qabul 10-iyulgacha (shu kuni ham) davom etadi.

Toshkent davlat yuridik universiteti qoshidagi akademik litseylari uchun hujjatlar https://litsey.uzbmb.uz sayti orqali qabul qilinadi.

Abituriyentlar roʻyxatdan oʻtish jarayonida tizimga ID karta yoki tug‘ilganlik haqida guvohnoma ma’lumotlarini kiritishlari va quyidagi hujjatlarni elektron shaklda (PDF, JPEG) yuklashlari lozim:

🔹 3,5x4,5 cm oʻlchamdagi 1 ta rangli fotosurat;
🔹 O‘qishga imtiyozli kirish huquqini beruvchi hujjatlar — fan olimpiadasi gʻolibi ekanligini tasdiqlovchi diplom, chet tili va umumtaʼlim fanlarni bilish darajasi toʻgʻrisidagi milliy yoki xalqaro sertifikat (mavjud boʻlsa).

Abituriyentlar roʻyxatdan oʻtishda:

➖ oʻzlari tanlagan uchtagacha akademik litseyning bittadan mos yoʻnalishini tanlashi (bunda taʼlim tili bir xil boʻlishi kerak);

➖ qaysi chet tilidan kirish test sinovini topshirishini belgilaydi.

Abituriyent oʻzi tanlagan hududda tashkil etiladigan kirish test sinovlarida ishtirok etadi.

@talimationuz — TAʼLIM DOIMO MUHIM!