"Taʼlimda nima gap?" Telegram kanalining 2025-yildagi statistikalari

@talimationuz

❗️Talabalar diqqatiga: Kontrakt muddati uzaytirildi!

Davlat komissiyasining tegishli bayoni bilan 2025/2026-o‘quv yilida oliy ta’lim tashkilotlarining quyidagi bakalavriat hamda magistratura talabalari uchun to‘lovlarni amalga oshirish muddati 2026-yil 31-yanvarga qadar (shu kuni ham) uzaytirildi.

❓Bu imkoniyat kimlar uchun?

➖ 1-bosqich talabalari: Ham bazaviy, ham “super-kontrakt” asosida o‘qishga kirganlar.
➖ Qoraqalpog‘istonlik yoshlar: Maxsus kvota (PF-213) bilan o‘qishga tavsiya etilgan 1-bosqich talabalari.
➖ O‘qishini ko‘chirganlar: Talabalar safini qayta tiklagan yoki o‘qishini ko‘chirgan (perevod) barcha talabalar.

❓To‘lov miqdori qancha bo‘lishi kerak?

1️⃣ Oddiy kontrakt: Bir yillik summaning kamida 50 foizi.
2️⃣ Super-kontrakt: Bir yillik summaning kamida 50 foizi.

Eslatma: 2-bosqich va undan yuqori kurs talabalari uchun kontrakt muddatini uzaytirish vakolati bevosita OTM rektorlariga berilgan.

@talimationuz — TAʼLIM DOIMO MUHIM!

#Tayinlov

Vazirlar Mahkamasining tegishli qarori bilan Xoliqulov O‘tkir Mirzakamolovich Olmaliq davlat texnika instituti rektori etib tayinlandi.

O‘. Xoliqulov tayinlovga qadar Olmaliq davlat texnika instituti o‘quv ishlari bo‘yicha prorektori lavozimida faoliyat yuritgan.

@talimationuz — TAʼLIM DOIMO MUHIM!

⚡️ “O‘zbekiston – 2030” strategiyasi: oliy ta’limda muhim maqsadlar

“O‘zbekiston – 2030” strategiyasining 7-maqsadi doirasida oliy ta’lim bilan qamrovni kengaytirish hamda oliy ma’lumotli mutaxassislar tayyorlash sifatini oshirish ko‘zda tutilgan.

📋 Asosiy yo‘nalishlar va ko‘rsatkichlar:

🔹 yoshlarni oliy ta’lim bilan qamrab olish darajasi — kamida 50 foiz;
🔹 umumiy o‘rta ta’lim muassasalarini oliy ma’lumotli pedagoglar bilan ta’minlash — 100 foiz;
🔹 xalqaro akkreditatsiyadan o‘tgan ta’lim dasturlari — 200 taga yetkaziladi;
🔹 TOP-500 reytingiga kirgan xorijiy OTMlar bilan kamida 50 ta qo‘shma (ikki diplomli) ta’lim dasturi;
🔹 10 ta OTMni dunyoning nufuzli TOP-1000 (QS, THE, ARWU) reytinglariga kiritish;
🔹 OTMlarda ilmiy tadqiqotlar samaradorligi va ilmiy salohiyat — 70 foiz;
🔹 bitiruvchilarning mutaxassisligi bo‘yicha ishga joylashishi va 1–3 yil davomida ishlashi — 70 foiz.

📝 Strategiya loyihasi bo‘yicha fikr va takliflaringizni bildiring!

🌐 uzbekistan2030.uz
🌐 regulation.gov.uz

@talimationuz — TAʼLIM DOIMO MUHIM!

❓Bahorgi semestr uchun o‘qishni ko‘chirish va qayta tiklash bo‘yicha arizalar qachondan qabul qilinadi?

✅ Vazirlar Mahkamasining 578-son qarori (13.09.2025-y.) bilan tasdiqlangan nizomga muvofiq, bahorgi semestr uchun oliy ta’lim tashkilotlari talabalari o‘qishini ko‘chirish (qayta tiklash) bo‘yicha arizalarni qabul qilish muddatiga o‘zgartirish kiritilgan.

Endi ariza topshirish muddati har yili 10-yanvardan 20-yanvargacha (20-yanvar kuni ham) amalga oshiriladi.

2 ta uzrli sababga ko‘ra respublikaning bir oliy ta’lim tashkilotidan ikkinchisiga o’qishni ko’chirish yoki o’qishni tiklash bo‘yicha arizalar Oliy ta’lim, fan va innovatsiyalar vazirligining transfer.edu.uz yoki yagona interaktiv davlat xizmatlari portali — my.gov.uz orqali onlayn qabul qilinadi.

Talab etiladigan hujjatlar:
➖akademik ma’lumotnoma yoki transkript nusxasi;
➖o‘qishni ko‘chirish sabablarini tasdiqlovchi hujjatlar.

Muhim eslatmalar:
❗️Bahorgi semestr oldidan bir oliy ta’lim tashkilotidan boshqasiga “o‘qishni ko‘chirib tiklash” bo‘yicha arizalar qabul qilinmaydi.
❗️ Ariza topshirish jarayonida kiritilayotgan maʼlumotlar va yuklanadigan hujjatlarni yuborishdan oldin diqqat bilan tekshirib chiqish soʻraladi. Sababi ariza yuborilgandan soʻng uni tahrirlash imkoni mavjud emas.

Arizalar belgilangan tartibda oliy ta’lim tashkilotlari, tegishli vazirlik va idoralar tomonidan 21-yanvardan 10-fevralgacha ko‘rib chiqiladi va natijasi yuzasidan talabgorlarga ma’lum qilinadi.

@talimationuz — TAʼLIM DOIMO MUHIM!

Milliy sertifikat imtihonlari uchun ruxsatnomalar e'lon qilindi

Biologiya, tarix va fizika fanlaridan milliy sertifikat imtihonlari 2026-yil 17–18–19-yanvar kunlari o‘tkaziladi.

📝 Test sinovlarida ishtirok etuvchi talabgorlar ruhsatnomani my.gov.uz veb-saytidagi “Mening arizalarim” bo‘limi orqali yuklab olishlari mumkin.

📍 Ruxsatnomada test sinovi o‘tkaziladigan sana, vaqt va manzil ko‘rsatilgan. Talabgorlardan belgilangan vaqtda yetib kelish so‘raladi.

⏰ Test sinovi o‘tkaziladigan binolarga kirish:

1-smena: 07:00– 08:30
2-smena: 13:00 – 14:30

🪪 Talabgorlar test sinovi o‘tkaziladigan binolarga shaxsini tasdiqlovchi hujjat (pasport yoki ID-karta) asosida kiritiladi.

❗️ Belgilangan vaqtdan kech kelgan talabgorlar test sinoviga kiritilmaydi. Qo‘shimcha imtihon o‘tkazilmaydi.

@talimationuz — TAʼLIM DOIMO MUHIM!

❗️Qishki “perevod” uchun arizalar qabuli davom etmoqda

Vazirlar Mahkamasining 578-son qarori (13.09.2025-y.) bilan tasdiqlangan nizomga muvofiq, bahorgi semestr uchun OTM talabalari o‘qishini ko‘chirish (qayta tiklash) bo‘yicha arizalarni qabul qilish muddatiga o‘zgartirish kiritilgan.

🗓️ Endi ariza topshirish muddati har yili 10-yanvardan 20-yanvargacha (20-yanvar kuni ham) davom etadi.

📪 2 ta uzrli sababga ko‘ra respublikadagi bir OTMdan ikkinchisiga o’qishni ko’chirish yoki o’qishni tiklash bo‘yicha arizalar transfer.edu.uz sayti yoki yagona interaktiv davlat xizmatlari portali — my.gov.uz orqali onlayn qabul qilinadi.

📄 Talab etiladigan hujjatlar:

➖akademik ma’lumotnoma yoki transkript nusxasi;
➖o‘qishni ko‘chirish sabablarini tasdiqlovchi hujjatlar.

ℹ️ Muhim eslatmalar:

🔹 Bahorgi semestr oldidan bir OTMdan boshqasiga “o‘qishni ko‘chirib tiklash” bo‘yicha arizalar qabul qilinmaydi;
🔹 Ariza topshirish jarayonida kiritilayotgan maʼlumotlar va yuklanadigan hujjatlarni yuborishdan oldin diqqat bilan tekshirib chiqish soʻraladi. Sababi ariza yuborilgandan soʻng uni tahrirlash imkoni mavjud emas.

📩 Arizalar belgilangan tartibda OTMlar, tegishli vazirlik va idoralar tomonidan 21-yanvardan 10-fevralgacha ko‘rib chiqiladi va natijasi yuzasidan talabgorlarga ma’lum qilinadi.

❗️Ma'lumot uchun, o‘qishni ko‘chirishga asos bo‘luvchi 2 ta uzrli sabab mavjud. Bular:

➡️ talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish istagidagilarga;
➡️ davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirmoqchi bo‘lganlarga (tegishli vazirlik (idora) rahbarining tavsiyasi asosida).

@talimationuz — TAʼLIM DOIMO MUHIM!

❗️Askarlarga muddatli harbiy xizmat davrida harbiy qismning o’zida oliygohga kirish imtihoni topshirish imkoni beriladi, kontraktga kirsa, foizsiz taʼlim krediti ajratiladi

Bunda test sinovlaridan muvaffaqiyatli oʻtib, talabalikka qabul qilingan askarlar muddatli harbiy xizmat yakunlanishi bilan oliygohda oʻqishni boshlaydi.

Shuningdek, yoshlarga quyidagi imtiyozlar taqdim etiladi:

➖ harbiy qismlardagi asosiy yoʻnalish va mutaxassisliklardan kelib chiqib, askarlarni kasbga tayyorlash boʻyicha 3-6 oylik dasturlar ishlab chiqiladi. Dasturni yakunlagan askarlar malaka imtihonidan oʻtkazilib, ularga kasb sertifikati beriladi;

➖ har yili 5 ming askar saralab olinib, “Bir million dasturchi” va “Besh million sunʼiy intellekt yetakchisi” dasturlari doirasida oʻqitiladi;

➖ shu bilan birga, armiyadan qaytib, oliy oʻquv yurtlarida tahsil olmoqchi boʻlgan yoshlarga xorijiy til va fan sertifikati olish xarajatlari qoplab beriladi;

➖ armiyadan qaytgan yoshlar oliygohlarga kontraktga o’qishga kirsa, foizsiz taʼlim krediti ajratiladi;

➖ muddatli harbiy xizmatni o’tab bo’lgandan so’ng, tadbirkorlik bilan shugʻullanish istagida bo’lgan yoshlarning kredit xarajati 6 foizi davlat tomonidan qoplanadi;

➖ davlat tashkilotlariga ishga kirmoqchi boʻlgan yoshlar uchun Boshqaruv samaradorligi agentligi tomonidan oʻtkaziladigan test ballariga 10 foizlik imtiyoz berish amaliyoti joriy qilinadi;

➖ xususiy sektorda faoliyat yuritmoqchi boʻlgan yoshlarga kasbni egallash va sertifikat olish xarajatlari toʻlab beriladi.

@talimationuz — TAʼLIM DOIMO MUHIM!