⚡️Qachondan boshlab super-kontrakt uchun ariza yoziladi?

📌O'qishni ko'chirish imtihonlarida yetarli ball to'play olmagan talabgorlar oshirilgan kontrakt asosida o'qishlarini ko'chirishlari mumkin.

◀️O'tgan yili "super kontrakt" uchun arizalar kontrakt.edu.uz sayti orqali olingan edi. Katta ehtimol bilan bu yil ham shunday. Biroq abituriyent va "perevodchilar"ning ma'lumotlari saytga to'liq kiritib bo'linmagani sababli vazirlik bayonot berayotgani yo'q.

‼️Katta ehtimol bilan oliygohlarda dars jarayonlari boshlanganidan so'ng oshirilgan kontrakt uchun arizalar qabuli ham boshlanadi.

@talimationuz — TAʼLIM DOIMO MUHIM!

⚡️Xususiy oliygoh talabalari 3-kursdan boshlab qonuniy tarzda ishlashi mumkin

Hukumatning "Taʼlim darajasi yuqori bo‘lmagan maktablarga malakali o‘qituvchi-pedagoglarni jalb qilish chora-tadbirlari to‘g‘risida"gi (15.10.2021 646-son) qaroriga binoan, pedagogika yo‘nalishlarida kunduzgi kechki, sirtqi bo‘limlarining 3-kursida tahsil olayotgan talabalarga maktablarda dars berish huquqi berilgan.

‼️Ushbu tartib davlat va nodavlat OTM talabalari uchun birdek amal qiladi.

Avvalgi tartibga binoan talabalar 4-kursdan boshlab, maktablarda dars berishlari mumkin edi.

@talimationuz — TAʼLIM DOIMO MUHIM!

🎓 Ayrim talabalarga konraktining 50 foizi toʻlab beriladi: imtiyozdan foydalanish haqida 5 ta muhim maʼlumot

📝“Temir daftar”ga kiritilgan oilalar farzandlari hamda “Yoshlar daftariga” kiritilgan yoshlarga kontrakt pulining bir qismi qoplab beriladi. Kontraktning qancha qismi toʻlab beriladi? Imtiyoz qaysi OTMlarda amal qiladi? “Super kontrakt” ham toʻlab beriladimi? Qayerga murojaat qilish kerak? hudud24.uz quyidagi maqolada ushbu imtiyozdan foydalanish tartibini tushuntiradi.

◀️Xususiy universitetda oʻqiyotganlarga ham imtiyoz beriladimi?
Ha, “Temir daftar”ga kiritilgan oilalar farzandlari hamda “Yoshlar daftariga” kiritilgan yoshlar Oʻzbekistondagi har qanday, shu jumladan davlat, xususiy, xorijiy OTMlarda, texikum, kollejlarda oʻqiyotgan boʻlsa, kontrakt boʻyicha imtiyozdan foydalanishi mumkin.

⚡️Bundan tashqari, mazkur imtiyoz faqat bakalavr emas, magistratura bosqichida oʻqiyotganlarga ham beriladi. Bunda bakalavriatning kunduzgi, sirtqi va kechki shakli, magistraturaning faqat kunduzgi yoʻnalishi boʻlishi kerak.

◀️Kontraktning qancha qismi qoplab beriladi?
Kontraktning 50 foizigacha qismi, biroq BHMning 50 baravaridan oshmagan miqdorda qoplab beriladi.

ℹ️Masalan, talaba A ning kontarkt summasi 40 mln soʻm, uning kontrakti yarmi 20 mln soʻm boʻladi, lekin unga 20 mln soʻm emas BHMning 50 baravarigacha qismi qoplab beriladi, yaʼni 16 mln 500 ming soʻmgacha.

Talaba B ning kontrakti 20 mln soʻm, uning kontrakti yarmi 10 mln soʻm va uning kontrakti BHMning 50 baravaridan oshmaganligi uchun mana shu 10 mln soʻm toʻliq qoplab beriladi.

◀️“Super kontrakt” ham toʻlab beriladimi?
Yoʻq, “super” kontraktda yoki ikkinchi mutaxassislikda oʻqiyotganlarga ushbu imtiyoz qoʻllanilmaydi.

◀️Kimga murojaat qilish kerak?
Kontrakt “Yoshlar daftari” jamgʻarmasi hisobidan toʻlab beriladi. Jamgʻarma tuman (shahar)larda hokim boshchiligidagi Vasiylik kengashi tomonidan boshqariladi. Kengashning ishchi organi esa tuman (shahar) yoshlar ishlari boʻlimi hisoblanadi.

‼️Shu sababli ariza yoshlar ishlari boʻlimiga beriladi.

Arizaga OTM bergan kontrakt nusxasi ilova qilinishi kerak.

Ariza berishning aniq muddati yoʻq, istalgan vaqtda berish mumkin.

◀️Ariza qancha vaqtda koʻrib chiqiladi?
Ariza berishdan avval, mahalladagi yoshlar yetakchisi bilan maslahatlashing va uni xabardor qilganingiz maʼqul.

Sababi Siz ariza berganingizdan soʻng 3 ish kunida arizangiz siz yashayotgan mahalladagi yoshlar yetakchisiga koʻrib chiqish uchun yuboradi.

📣Yoshlar yetakchisi 5 ish kunida kontraktni qoplash haqidagi tavsiyanoma yoki rad etish toʻgʻrisidagi xabarnoma yuboradi. Tavsiyanoma berish rad etilsa, u asoslantirilgan boʻlishi shart.

Yoshlar yetakchisi arizani 5 ish kunida koʻrib chiqmasa yoki tavsiyanoma berishni asossiz rad etsa, Vasiylik kengashi oʻz tashabbusi bilan kontrakt pulini oʻtkazib berishi mumkin.

✍️Vasiylik kengashi kontraktni qoplash haqida qaror qabul qilingandan soʻng 3 ish kunida uni OTM hisob raqamiga oʻtkazib beradi.

Shunda jami 11 ish kunida ariza koʻrib chiqilishi kerak.

☝️Arizani koʻrib chiqish natijasidan yoki qaysidur mansabdor, yoshlar yetakchisining harakatidan norozi boʻlsangiz hech ikkilanmay sudga, prokuratura, adliya organlariga murojaat qiling.

@talimationuz — TAʼLIM DOIMO MUHIM!

❓Qanday hollarda davlat talabani 50 foiz kontrakt pulini to‘lab berishi mumkin?

✅Vazirlar Mahkamasining 2021-yil 11-mart kunidagi 132-sonli “Yoshlarni ijtimoiy qo‘llab-quvvatlash bo‘yicha qo‘shimcha chora-tadbirlar to‘g‘risida”gi qaroriga muvofiq, mamlakatimizdagi professional va oliy ta’lim muassasalarida (davlat, xususiy yoki xorijiy OTM filiali) tahsil olayotgan “Temir daftar”ga kiritilgan oilalar farzandlarining, shuningdek, “Yoshlar daftariga” kiritilgan yoshlarning to‘lov-kontrakt summasining 50 foizigacha, ammo BHMning 50 baravaridan oshmagan miqdorda to‘lab berish belgilangan.

📌BHM – 330 ming so‘m (2022-yil 1-iyundan). 50xBHM=16 500 000 so‘m. Demak shungacha bo‘lgan miqdorda pul to‘lab beriladi.

⚠️Ushbu imtiyoz xususiy oliy taʼlim muassasalari talabalari uchun ham taalluqlidir!

@talimationuz — TAʼLIM DOIMO MUHIM!

👩Ikkalasi ham grantga kirgan egizaklar

Suratdagi qizlar — Fotima, Zuhra Rajabboyevalar, navoiylik. Ularning har ikkisi ham bu yil maktabni tugatib, grantga o‘qishga kirdi.

✔️Fotima O'zbekiston madaniyat va san’at institutiga, Zuhra Buxoro davlat pedagogika institutiga grantga kirgan.

📌Ularning otasi Rossiyada ishlaydi, lekin uzoqda bo‘lsa-da, o‘zi vaqti soatida o‘qiy olmagani uchun bolalari o‘qishi uchun sharoit qilib bergan. Onasi esa hamshira.

Qizlar yaqin orada ikki hududda o‘qishni boshlashadi.

@talimationuz — TAʼLIM DOIMO MUHIM!

🎓 4-sentyabrdan o‘quv yili boshlanishi esingizdami?

O‘quv yili boshlanishiga allaqachon tayyorgarlikni boshlab yuborgandirsiz. O‘qish joyingizga borib oldingizmi?

👀 Yangi o‘quv yili boshlanishiga oid qanday savollar sizga qiziq? Kommentlarda yozib qoldiring, biz javob beramiz.

📌 Aytgancha, Toshkentda metroga yaqin joylashgan qator OTMlarda dars boshlanish vaqtlari o‘zgargan.

📝Ro‘yxatni ko‘rish.

@talimationuz — TAʼLIM DOIMO MUHIM!

⚡️ Magistratura uchun yana bir marta qabul bo‘ladimi?

Davlat OTM magistraturasiga 17,1 ming kvota ajratilgan edi. Biroq atigi 6,3 ming abituriyent talabni bajarib talabalikka qabul qilindi. Yana 11 mingga yaqin kvota bo'sh qolyapti.

📌Davlat OTM magistraturasiga qabul natijalari e'lon qilindi. Unga ko'ra, hujjat topshirgan 20 mingdan oshiq talabgordan 9 074 nafarining hujjati belgilangan talab darajasida bo'lmagani sababli asoslantirilgan holda rad etilgan, talab darajasida bo'lgan 10 980 nafar talabgor arizasi tanlovda ishtirok etgan.

Shundan 6,3 ming nafar abituriyent magistraturaga talabalikka qabul qilindi:

➡️davlat granti-3238 nafar;
➡️to'lov-kontrakt-3155 nafar.

🗣️Bu yil magistratura uchun ajratilgan kvota 17.1 mingta edi.

Ajratilgan kvotaning 11 mingga yaqini bo'sh qoldi. O'tgan yili bunday vaziyatda qishki qabul ham tashkil etilgan. Biroq hozircha bu yil qishki qabul bo'lish- bo'lmasligi aniq emas.

@talimationuz — TAʼLIM DOIMO MUHIM!

⚡️Rasman: 1-kurslarga shartnomasiz ham 2 oylik ijara to'lab beriladi

1-bosqich kunduzgi taʼlim shakliga qabul qilingan talabalar ijara xonadonida turganda ularga ham ijara summasining bir qismi to‘lab beriladi.

❌ Bunda 1-bosqich talabalaridan sentyabr va oktyabr oylari uchun ijara shartnomasi talab etilmaydi.

✔️ Toshkent shahrida –BHMning 1 baravari — 330 ming so‘m;

✔️ Qolgan hududlarda – BHMning yarim baravari — 165 ming so‘m miqdorida to‘lab beriladi.

@talimationuz — TAʼLIM DOIMO MUHIM!

👀 Talabalar eslatib o'tamiz nomdor stipendiyalar ro'yxatini

➡️Nomdor stipendyalar kimga beriladi?

Bakalavriatning oxirgi 2 kursida o‘qiydigan, o‘zlashtirishi a’lo (ko‘pi bilan 25 foizi "yaxshi"), ijodiy ishlarda qatnashadigan talabalar uchun beriladi.

➡️Qaysi yo‘nalishda qaysi stipendiya?

📌texnika yo‘nalishlarida — Beruniy;
📌tibbiyot yo‘nalishlarida — Ibn Sino;
📌gumanitar yo‘nalishlarda — Navoiy;
📌tasviriy va amaliy san’at, dizayn yo‘nalishlarida — Kamoliddin Behzod;
📌tabiiy yo‘nalishlarda — Ulug‘bek;
📌kinematografiya yo‘nalishida — Xudoybergan Devonov;
📌tarix va geografiya yo‘nalishlarida — Bobur;
📌jismoniy tarbiya va sport yo‘nalishlarida — Pahlavon Mahmud;
O‘zbekiston xalqaro islom akademiyasida — Imom al-Buxoriy;
📌Qoraqalpog‘iston OTMlarida — T.Qaipbergenov va I.Yusupov;
📌barcha yo‘nalishlarda — I.Karimov nomli stipendiyalar beriladi.

‼️ Bizning talabalar bu stipendyalarni qolga kiritishi zarur.

@talimationuz — TAʼLIM DOIMO MUHIM!

⚡️Talabalar uchun Toshkentga qo'shimcha avtobus qatnovi yo'lga qo'yilmoqda

🗣️2023 yilning 3 sentyabr kuniga qadar Toshkentga qatnovchi qo'shimcha avtobuslar qatnovi yo'lga qo'yilmoqda.

Qatnovlar quyidagi yo'nalishlar uchun mavjud:
◀️Urganch-Toshkent;
◀️Xiva-Toshkent;
◀️Buxoro-Toshkent;
◀️Toshkent-G'ijduvon;
◀️Toshkent-Qorako'l;
◀️Toshkent-Shofirkon.

📣 Shuningdek, Vobkent, Jondor va Olot tumanlaridan.

@talimationuz — TAʼLIM DOIMO MUHIM!

😇 4-sentyabr kuni Maktabgacha va maktab ta’limi 2023-2024-o‘quv yilining ilk dars soatlari boshlandi

🏫 Bugun, 4-sentyabr kuni Maktabgacha va maktab ta’limi vazirligi tizimidagi 10 ming 160 ta maktabda 2023-2024-o‘quv yilining ilk dars soatlari boshlandi.

⚡️Joriy o‘quv yilida 700 ming nafardan oshiq bolajonlar umumta’lim maktablarining 1-sinfiga qabul qilindi.

‼️Umumta’lim maktablarida o’tkazilgan “Birinchi qo‘ng‘iroq” tadbirlarida 6,5 mlndan ortiq o‘quvchilar ishtirok etdi.

@talimationuz — TAʼLIM DOIMO MUHIM!

Kun surati

‼️Talabalik sizga o‘z aravangizni o‘zingiz tortishni, odamlar bilan muomala qilishni, mustaqil qaror qabul qilishdan tortib mustaqil bozor qilishgacha o‘rgatadi. Xullas, mustaqillik muborak, talabalar.

@talimationuz — TAʼLIM DOIMO MUHIM!

👀 Talabalar ustiga qulab tushgan tom

Bugun, 4-sentyabr kuni Samarqand davlat universiteti Kattaqo‘rg‘on filialida faollar zalida o‘tkazilayotgan tadbir vaqtida binoning tom qismi talabalar ustiga qulab tushgan.

‼️Hozircha vafot etganlar yo‘qligi aytilmoqda. Birlamchi ma’lumotlarga ko’ra, 3 nafar qiz jarohat olgan.

@talimationuz — TAʼLIM DOIMO MUHIM!

💲Kontrakt narxlari qachon e’lon qilinadi?

‼️JAVOB: bilmadim.

🧐Ammo haligacha 2023-yil uchun to‘lov-kontrakt miqdorlari eʼlon qilingani yo‘q. Ota-onalar va talabalar qancha pul topishi kerakligi haqida bilishmaydi. Qancha mol-qo’y sotish kerak, qancha qarz olish kerak, hozircha aniq emas. Banklardan taʼlim krediti ham olisholmayapti. Umuman olganda to‘lov-kontrakt bilan bog‘liq butun tizim to‘xtab turibdi.

Tasavvur qilyapsizmi, yuz minglab talabalar butun boshli yangi o’quv yilini kontrakt narxini bilmasdan boshlayapti.

➡️Mana bu ham yana bir bor davlat hamma narsaning tepasida turishi, bir hovuch masʼul amaldorlar hamma narsani boshqarishi kerak, degan tamoyil naqadar noto‘g‘ri ekanligining yaqqol isboti. Jumladan, oliy taʼlimda.

Mustaqillik, mustaqillik va yana mustaqillik! Oliy taʼlim rivojlanishi uchun eng birinchi mana shu kerak. Men ishonaman, bozor iqtisodiyoti qonuniyatlari va sog‘lom raqobat taʼlimni Hukumat yoki vazirlikdagi masʼullardan yaxshiroq boshqara oladi. Davlatning ishi esa, o‘yin qoidalarini aniq belgilab, bozordagi o‘yinchilar uchun sharoit yaratib berishdan iborat. Bo‘ldi. Boshqasi ortiqcha.

📌Buni tezroq tushunib yetmasak, yana uzoq yillarga kechikamiz. Yurtimizda Oksford va Kembridj haqida orzu qilish tugul, TOP-500 likdagi darajaga mos universitetlar ham yaqin 50 yilda chiqmasligi mumkin (mingtalikka bir amallab kirvolsa bo’ladi).

@talimationuz — TAʼLIM DOIMO MUHIM!

🚌 Toshkentda qo‘shimcha 7ta avtobus yo‘nalishlari tashkil etildi. Qanday yo‘nalishlarda harakatlanadi?

Joriy yilning 4-sentabridan Toshkentda qo‘shimcha 7ta avtobus yo‘nalishlari tashkil etildi. Bu haqda “Toshshahartransxizmat” matbuot xizmati xabar berdi.

◀️Xususan, poytaxtdagi ta’lim maskanlarida yangi o‘quv yili boshlanishi sabab, jamoat transporti xizmatlaridan foydalanuvchi yo‘lovchilar soni ortadi.

👉Shuning uchun, ko‘rsatilayotgan transport xizmatlari sifatini oshirish hamda yo‘lovchilar tashish uzluksizligini ta’minlash maqsadida Toshkentdagi avtobus yo‘nalishlari soni 167taga yetkazilib, kunlik ishga chiqarilayotgan avtobuslar soni 1700taga oshirilmoqda.

Yo‘lovchilardan kelib tushgan murojaatlar asosida, 4-sentabrdan poytaxtda qo‘shimcha 7ta yangi avtobus yo‘nalishlari tashkil etilmoqda hamda ular quyidagi yo‘nalishlarda harakatlanadi:

🗣️Bundan tashqari, “Toshshahartransxizmat” matbuot xizmati sentabr oyidan kunlik tashilishi kutilayotgan yo‘lovchilar soni haqida ma’lumot berdi.

‼️Avtobuslar soni 1700ta oshirilishi natijasida yo‘lovchilar sig‘imi 131 mingtaga (2 barobar), qatnovlar soni 22,5 mingga (2 barobar) hamda yo‘lovchilar soni 800−850 mingtaga (2 barobar) oshishi kutilmoqda. Shu bilan birga, oraliq interval 8−10 daqiqani tashkil etishi mumkin.

Umumiy uzunligi 42 km bo‘lgan 13ta ko‘chada alohida avtobus yo‘lagi tashkil etilib ushbu yo‘laklardan harakatlanuvchi 125ta yo‘nalishlarda harakat muntazamligi ta’minlanadi.

@talimationuz — TAʼLIM DOIMO MUHIM!

‼️Yurtimizdagi bir qator banklarning qisqa "Call"-markazi raqamlari:

☎️ Xalq banki – 1106;
☎️ O'zmilliybank - 1344;
☎️ TBS bank – 1150;
☎️ Asakabank – 1152;
☎️ O'zSQB – 1180;
☎️ Infinbank – 1214;
☎️ Agrobank – 1216;
☎️ Turonbank – 1220;
☎️ Ipoteka-bank – 1233;
☎️ Tenge Bank – 1245;
☎️ Qishloqqurilishbank – 1254;
☎️ Hamkorbank — 1256;
☎️ Davrbank – 1284;
☎️ Mkbank – 1285;
☎️ Trastbank – 1287;
☎️ Anorbank – 1290;
☎️ Ziraat Bank – 1293;
☎️ Ipak yo'li banki – 1296;
☎️ O'zmilliybank – 1344.

👀 Talabalar uchun Ta'limda nima gap? adminlaridan qulaylik.

@talimationuz — TAʼLIM DOIMO MUHIM!

📌O‘qishni ko‘chirish bo‘yicha test sinovida ishtirok etgan talabgorlarning natijalari (oliy ta’lim tashkilotlari va davlatlar kesimida)

👨‍🎓 Joriy yilda o‘qishni ko‘chirish bo‘yicha test sinovlarida ishtirok etgan 41 122 nafar talabgorning 4 433 nafari (10,8 %) o‘qishni ko‘chirish uchun talabni bajargan bo‘lsa, 36 689 nafari (89,2 %) talabni bajara olmagan.

📈 Ularning 18 543 nafari O‘zbekistondagi xorijiy va nodavlat OTMlardan davlat OTMlariga o‘qishni ko‘chirish istagini bildirgan bo‘lib, 3 ta OTM talabalari 100 foizlik natija ko‘rsatgan bo‘lsa, 29 ta OTM talabalarining birortasi minimal talabni bajara olmagan.

✅ Yuqori natija qayd etgan OTMlar:

🔹PDP University — 100 % (2 nafardan 2 nafari);
🔹Toshkent shahridagi INHA universiteti — 100 % (2 nafardan 2 nafari);
🔹MMFI milliy tadqiqot yadro universiteti federal davlat avtonom oliy ta’lim muassasasining Toshkent shahridagi filiali — 100 % (1 nafardan 1 nafari);
🔹Buxoro psixologiya va xorijiy tillar instituti — 51,2 % (41 nafardan 21 nafari);
🔹O‘zbekistondagi Sharda universiteti — 43,9 % (57 nafardan 25 nafari).

ℹ️ Talabgorlarning 22 579 nafari xorijiy mamlakatlardagi OTMlardan o‘qishni ko‘chirish istagini bildirgan bo‘lib, Janubiy Koreya (42,9%), Latviya (42,9%) va Polsha (42,9%) davlatlaridan o‘qishni ko‘chirayotgan talabalar yuqoriroq natija qayd etgan.

▶️ O‘qishni ko‘chirish bo‘yicha eng ko‘p arizalar Qirg‘iziston (12 472 nafar), Tojikiston (4 836 nafar), Qozog‘iston (2 968 nafar) va Rossiyada (2 135 nafar) tahsil olayotgan talabalardan kelib tushgan.

@talimationuz — TAʼLIM DOIMO MUHIM!

😅Maktabda hamma bolalar 5 bahoga o'qisin, deb 5 raqamini osmonga uchirishdi...

Natijani esa o'zingiz ko'ring👆

@talimationuz — TAʼLIM DOIMO MUHIM!

😇Bugun 732 ming nafardan ortiq bola 1-sinfga qadam qoʻydi

2023/2024 oʻquv yilida 732 mingdan ortiq maktab yoshidagi bolalar 1-sinfga oʻqishga bordi.

☝️O‘tgan yili 1- sinfga oʻqishga 702 ming nafar bola qabul qilingan edi.

@talimationuz — TAʼLIM DOIMO MUHIM!

💲Ta'lim krediti haqida eng muhim ma'lumotlar

To‘lov shartnoma asosida o‘qiyotganlar uchun ajratiladigan ta’lim krediti faqat davlat OTMlari talabalariga emas, balki xususiy OTMlar talabalariga ham ajratiladi.

◀️Kredit olish imkoniga kimlar ega?
Respublikadagi oliy, o‘rta maxsus va professional ta’lim muassasalari, shu jumladan xususiy va xorijiy oliy, o‘rta maxsus va professional ta’lim tashkilotlari hamda ularning filiallari talabalari. O‘qishini "perevod" qilganlar ham kredit ololishi mumkin.

📄Bunda talaba kontrakt qog‘ozini (OTM bilan tuzilgan kontrakt shartnomasi) bankka topshiradi va bir yillik kontrakt summasiga teng kredit ola oladi.

❌ Lekin super-kontrakt uchun kredit berilmaydi.

Ta’lim kreditining asosiy qarzi talabaning rasmiy o‘qish muddati tugagandan so‘ng yettinchi oydan boshlab 7 yil davomida qaytariladi. Kreditni muddatidan oldinroq ham to‘lab qo‘ysa bo‘ladi.

@talimationuz — TAʼLIM DOIMO MUHIM!