👀Kontraktni bo‘lib to‘lash muddatlari qanday?

Talabalikka tavsiya etilgan abituriyentlar:

➡️ belgilangan to'lov miqdorining kamida 25% ni uchun 15-sentabrgacha (yoki Davlat qabul komissiyasi belgilagan muddatgacha)

Ikkinchi va undan keyingi bosqich talabalari:

➡️1-oktabrgacha (yoki OTM rahbariyati uzaytirgan muddatgacha);

Barcha kurs talabalari:

➡️belgilangan to'lov miqdorining kamida 50% 1-yanvargacha;

➡️75% 1-aprelgacha;

➡️100% 1-iyulgacha (yoki OTM rahbariyati uzaytirgan muddatlargacha);

➡️xorijiy fuqarolar uchun OTM rahbariyati belgilagan muddatlargacha;

@talimationuz — TAʼLIM DOIMO MUHIM!

🎓Talabalarga yotoqxonadan joy tarqatish davom etmoqda

✔️my.gov.uz portali orqali ko‘plab talabalar hujjat topshirgani quvonarli.

☝️31 avgust soat 21:00 holatiga ko‘ra talabalar turar joylariga joylashtirish uchun 12 728 ta yo‘llanma shakllantirildi.

Qolgan arizalarni ko'rib chiqish hali ham davom etmoqda.

👆Yotoqxonaga yo’llanma yuqoridagi rasmdagidek ko’rinishga ega.

@talimationuz — TAʼLIM DOIMO MUHIM!

💵 Hokimliklar talaba qizlarning kontraktini to‘lab berishi kerak. Kimlarniki to‘lanadi?

🎓 Har yili har bir viloyatdan jami 150 nafar xotin-qizlar kontrakti to‘lab beriladi. Ularning 40 tasi 1-kurs uchun, 100 tasi 2- va undan yuqori kurs bo‘lishi kerak.

👩 Qaysi toifadagi qizlar?

➡️“Ijtimoiy himoya yagona reyestri”da kam ta’minlangan deb e’tirof etilgan oilalardagi xotin-qizlar;
➡️yetim yoki ota-onasining qaramog‘idan mahrum bo‘lgan talaba xotin-qizlar;
➡️boquvchisini yo‘qotgan (turmush o‘rtog‘i vafot etgan), voyaga yetmagan farzandlarni yolg‘iz tarbiyalayotgan ehtiyojmand ayollar.

❌ Shu toifaga kirsa ham, lekin:

➡️ikkinchi mutaxassislikda;
➡️O‘zbekistondagi xorijiy, xususiy OTMlarda o‘qiyotgan xotin-qizlarning kontrakti to‘lab berilmaydi.

@talimationuz — TAʼLIM DOIMO MUHIM!

🚇 Imtiyozli transport kartalari

◀️Imtiyozli transport karta nima?
Imtiyozli transport karta o’quvchi, talaba, nafaqaxo’r va nogironlar uchun maxsus tarif xarid qilingan taqdirda 50% chegirma bilan imtiyoz evaziga yo’l haqi uchun to’lash imkonini beradi.

◀️Qanday turdagi imtiyozli transport kartalari mavjud?
Ayni paytda jamoat transportida - o'quvchi (yashil), talaba (sariq), nafaqaxo'r va nogironlar uchun ijtimoiy (qizil) imtiyoz evaziga yo’l haqi uchun to’lov amalga oshirish huquqiga ega bo'lgan yo'lovchilar uchun uch xil turdagi transport kartalari muomalaga kiritildi.

◀️Imtiyozli transport karta nima bilan farq qiladi?
Imtiyozli transport kartasi Foydalanuvchining shaxsiy ma'lumotlariga va jamoat transportida imtiyoz orqali foydalanish huquqini beruvchi hujjat raqamiga (maktab/litsey/ta'lim muassasidan olingan ma'lumotnoma, talaba guvohnomasi raqami, nogiron yoki nafaqaxo’r guvohnomasi) bog'liq.

◀️Imtiyozli transport kartani qayerdan sotib olish mumkin?
Hozirgi vaqtda imtiyozli transport kartalarini faqat "Toshyo’lovchitrans" UKning oylik yo’l chiptalari savdo shahobchalarida xarid qilish mumkin. Kartaning narxi 10 000 so'm.

◀️Imtiyozli transport kartani olish uchun qanday hujjatlar kerak?

imtiyozli transport kartasini olish uchun quyidagi hujjatlarni taqdim etishingiz kerak:

👉Talabalarga- pasport va talabalik guvohnoma nusxasi;
👉Nafaqaxo'rlarga- pasport va nafaqaxo'r guvohnomasi nusxasi;
👉O'quvchilarga- ota-onalardan birining pasportining nusxasi,maktab/licey/ta'lim muassasidan olingan ma'lumotnoma, o'quvchining tug'ilganlik haqidagi guvohnoma nusxasi.

◀️Imtiyozli transport kartasi uchun tarifni qanday sotib olish mumkin?

Tegishli tarifni bir necha usulda tanlashingiz va sotib olishingiz mumkin:

👉«АТТО» mobil ilovasi orqali
👉atto.uz saytining shaxsiy kabineti orqali
👉«Toshyo’lovchitrans» AJ ning savdo shahobchalari orqali

Shuni ta'kidlash kerakki, agar yo'lovchi transport kartasi balansini to'ldirgan va tarif rejasini sotib olmagan bo'lsa, yo'l davomida pul oddiy transport kartadan yechib olingani kabi yo'l haqi uchun 1400 so'mdan yechiladi.

◀️«АТТО» imtiyozli transport karta balansini qanday to'ldirish mumkin?

👉АТТО» transport karta balansini ATTO, MyUzcard, Payme, Upay, Apelsin va boshqa elektron to'lov tizimlarining mobil ilovalari orqali to'ldirish mumkin.
👉O'z-o'ziga xizmat ko'rsatuvchi infokiosklari orqali «АТТО» tizimiga ulangan o'z-o'ziga xizmat ko'rsatuvchi infokiosklari joylashuvi to'g'risidagi ma'lumotlar to'ldirish bo'limida ko'rsatilgan.
👉"Toshyo’lovchitrans" UKning barcha oylik yo’l chiptalari savdo shahobchalari orqali to’ldirish mumkin.

@talimationuz — TAʼLIM DOIMO MUHIM!

🏫 500 ta maktabda Prezident va ixtisoslashgan maktablar o‘quv dasturi joriy etiladi

Kelgusi besh yilda ushbu tizim barcha maktablarda joriy qilinadi.

🇺🇿 Respublika bo‘yicha 500 ta maktabda Prezident va ixtisoslashgan maktablar o‘quv dasturi, baholash tizimi joriy etiladi. Bunda, Prezident va ixtisoslashgan maktablar ularga “tayanch maktab” bo‘ladi.

👉 Bir yilda ularning ishi baholanib, yangi tizimni samarali qo‘llagan o‘qituvchilarga 40 foizgacha ustama beriladi (bunga kelgusi yilda 250 milliard so‘m ajratiladi).

✔️ Maktabgacha va maktab ta’limi vaziri viloyat hokimlari bilan birga, kelasi yildan ushbu 500 ta maktabning har biriga 3 tadan maktabni biriktirib, yangi tizimni yo‘lga qo‘yadi.

Bu ishlar orqali yana 1,5 mingta maktabga Prezident va ixtisoslashgan maktablar metodikasi, muhiti kirib boradi.

📣 Kelgusi besh yilda ushbu tizim barcha maktablarda joriy qilinadi. Shu bilan birga, bu yilda maktablarda dars berish uchun xorijdan 500 nafar “til egalari” olib kelindi.

Viloyat hokimlari bir hafta muddatda ularning uy-joy masalasini hal qilib beradi. Vazir yangi tizim joriy qilinadigan maktablar ko‘payishini hisobga olib, kelgusi yilda yana 1,5 ming mutaxassis olib keladi.

☝️Bu yil maktablarni kompyuter sinflari bilan jihozlashga respublika budjetidan 320 milliard so‘m ajratilib, maktablarga 40 mingga yaqin kompyuterlar olib berildi. Yangi o‘quv yilida ushbu maqsadlar uchun respublika budjetidan 200 milliard so‘m, viloyat hokimlari ham yana 200 milliard so‘m ajratadi.

@talimationuz — TAʼLIM DOIMO MUHIM!

🫠Maktab direktorlari va o‘rinbosarlarining oyligi oshiriladi

Maktab ta’limida boshqaruv tizimi o‘zgaradi. Joriy yilda direktorlikka nomzodlarni o‘qitish va bilimini baholashni amalga oshiruvchi “Direktorlar maktabi” tashkil qilindi. Maktabda ta’lim jarayonlari Birlashgan Arab Amirliklari va boshqa nufuzli xorijiy hamkorlar tajribasi asosida yo‘lga qo‘yiladi.

📣Endi, direktorlikka nomzodlar faqat sertifikati bor va zaxiraga kiritilgan kadrlar orasidan tanlanadi va muddatli kontrakt asosida ishga olinadi. Direktorlar va o‘rinbosarlari har besh yilda bir marta sertifikatsiyadan o‘tadi. Sertifikatsiyadan o‘ta olmagan direktorlar bilan tuzilgan mehnat shartnomalari bekor qilinadi.

Kelgusi yildan sertifikatsiyadan o‘tgan direktorlar oyligi 50 foizga, o‘rinbosarlar ish haqi esa 30 foizga oshiriladi. Bunda, kelgusi yil budjetida 500 milliard so‘m nazarda tutiladi.

👨‍🏫Pedagogika yo‘nalishidagi oliygohlar alohida yondashuv asosida rivojlantiriladi. Buning uchun, Oliy ta’lim vazirligida pedagogik ta’limga mas’ul vazirning birinchi o‘rinbosari lavozimi kiritiladi. Vazirlikda pedagogik ta’lim bo‘yicha alohida Kengash tuzilib, unga pedagogika oliygohlari rektorlari kiritiladi.

Toshkent va Chirchiqdagi Pedagogika universitetlarida o‘qituvchilar Prezident maktabi dasturi asosida tayyorlanadi. Bu oliygohlar pedagogika yo‘nalishidagi institutlar uchun “tayanch oliygoh” bo‘ladi.

🗣️Kelgusi o‘quv yilidan kadrlar yetishmaydigan, og‘ir maktablar oldindan tanlanib, ular uchun maqsadli davlat buyurtmasi joriy qilinadi. Ya’ni, kelasi yillardagi talabni hozirdan aniqlab, zarur mutaxassisliklar bo‘yicha muallimlarni oldindan tizimli tayyorlash yo‘lga qo‘yiladi. Maqsadli buyurtma asosida o‘qituvchilarni tayyorlash to‘liq davlat grantiga o‘tkaziladi.

@talimationuz — TAʼLIM DOIMO MUHIM!

📌 Nodavlat umumta’lim tashkilotlaridagi o‘qituvchilar soni 5 mingdan oshdi

Bu ko‘rsatkich 2017-2018-o‘quv yilining mos davriga nisbatan solishtirilganda 5,5 barobarga oshgan.

◀️ 2022-2023-o‘quv yili boshida nodavlat umumta’lim tashkilotlarida faoliyat yuritayotgan o‘qituvchilar soni 5 014 nafarni tashkil etgan.

Statistika agentligi ma’lumotlariga ko‘ra, ushbu ko‘rsatkich 2017-2018-o‘quv yilining mos davriga nisbatan solishtirilganda 5,5 barobarga oshgan.

Yillar kesimida nodavlat umumta’lim tashkilotlarida faoliyat yuritgan o‘qituvchilar soni:

➡️2017-2018-yilda – 917 kishi;
➡️2018-2019-yilda – 1 633 kishi;
➡️2019-2020-yilda – 2 353 kishi;
➡️2020-2021-yilda – 2 859 kishi;
➡️2021-2022-yilda – 3 578 kishi;
➡️2022-2023-yilda – 5 014 kishi.

@talimationuz — TAʼLIM DOIMO MUHIM!

🇬🇧 “O‘zbekistonda IELTS'ga til bilish darajasini emas, bilimni baholash sifatida qaralyapti” - ekspertlar «IELTS'maniya» haqida

“IELTS'siz o‘qishga kirolmayman, ishga joylasholmayman, sertifikatsiz oyligim kam bo‘ladi yoki oshmaydi” — ingliz tilini o‘rganayotgan ko‘pchilik yoshlarda shunday o‘y-fikr hukmron. Bu o‘zi ijobiy holatmi? Yoki buning salbiy jihatlari bormi? Kun.uz mavzu yuzasidan soha mutaxassislari bilan suhbat tashkil etdi.

◀️ Bugun inglizchani o‘rganayotgan yoshlardan bu tilni o‘zlashtirishdan maqsadini so‘rasangiz, ularning aksariyati IELTS olishim kerak, deb javob berishadi. Bu sertifikat yoshlarning hayotida o‘zi qanchalik ahamiyatga ega? Kun.uz mavzu atrofida kichik so‘rovnoma o‘tkazdi.

Yoshlar nega IELTS'dan yuqori ball olishga harakat qiladi?

📣Kun.uz so‘rovnomasida qatnashgan til o‘rganuvchilar IELTS sertifikati ularga o‘qish va yaxshi joyga ishga kirish uchun kerakligini bildirdi, ularning ko‘pchiligi 7 va undan yuqori ball olishni istashini aytdi. Ular IELTS'dan oladigan ballari oldlariga qo‘ygan maqsadlariga erishishga qanchalik bog‘liqligi haqidagi savolimizga quyidagicha javob berishdi.

➡️Agar men past ball oladigan bo‘lsam, o‘qituvchi bo‘la olmayman bu sohada. O‘qituvchi bo‘lish uchun yaxshigina natija kerak. O‘quvchi ham, masalan, o‘zim ham xohlamayman past ball olgan o‘qituvchida o‘qishni.
➡️Ba’zi chet el universitetlari yuqori balli IELTS sertifikatlarini talab qiladi. Yaxshi oliygohga topshirishim uchun muhim ahamiyatga ega.
➡️Qanchalik yuqori ball olsam, maqsadlarimga shunchalik tezroq erisha olaman deb o‘ylayman.
➡️Yuqori ball olsangiz, yaxshiroq joyda ishlash imkoni bo‘ladi.
➡️Katta rol o‘ynaydi. Masalan, Vestminster universitetiga grantga kirishim uchun 7 balldan yuqori bo‘lishi kerak. Aynan shuning uchun ham katta ahamiyatga ega.

Respondentlar orasida IELTS — oddiy bir sertifikat” ekanini, ingliz tilini esa shunchaki o‘zi uchun o‘qishini aytganlar ham bo‘ldi.

👉 “IELTS balliga qarab grant belgilashning o‘zi xato”

@talimationuz — TAʼLIM DOIMO MUHIM!

⚡️Rasman: Kontrakt 4 mlndan 7 mln so‘mgacha arzonlashtirildi

Ko‘plab ota-onalarning to‘lov-kontrakt narxlari borasida bildirgan murojaatlarini inobatga olib, Xalqaro Nordik universiteti xorijiy hamkorlar bilan o‘zaro kelishgan holda kontraktlarni 30% gacha arzonlashtirdi.

Kontrakt chegirmasi bakalavr yo‘nalishlari (barcha bosqich kunduzgi va sirtqi) talabalari uchun amal qiladi.

📎Kvotalar chegaralangan! Shoshiling!

📃 Hujjatlar qabuli 15-sentyabrga qadar davom etadi. Ikkilanishga hojat qolmadi, hoziroq ro‘yxatdan o‘ting ⬇️

https://admission.nordicuniversity.org

▶️ Hujjat topshirish uchun video qo‘llanma

⏺Bakalavr
⏺Magistratura
⏺O‘qishni ko‘chirish

Qo‘shimcha ma'lumot olish uchun:

🔥 +998555084400
💻 @nordikedu    

🌐 Web-site 🕊Telegram 📱Instagram 📺YouTube 📱Facebook 📹 Tik-tok

‼️Talabalar to‘lov shartnomasini onlayn olishi mumkin

Talabalikka tavsiya etilganlar to‘lov-shartnoma uchun oliy ta’lim muassasasiga borishi shart emas. Buni maxsus portal orqali onlayn amalga oshirish mumkin.

👉Barcha talabalar, shu jumladan, birinchi kursga tavsiya etilgan talabalar ham yangi o‘quv yilining birinchi kunidan boshlab shartnomalarni elektron shaklda onlayn olishi mumkin.

📝Buning uchun Oliy ta’lim, fan va innovatsiyalar vazirligining maxsus elektron portalida ro‘yxatdan o‘tish talab etiladi. Shuningdek, ushbu portal orqali «super-kontrakt» uchun ham ariza qoldirish va shartnoma rasmiylashtirish mumkin.

Qonunchilikka ko‘ra, talabalarga kontrakt to‘lovini qismlarga bo‘lib to‘lash imkoniyati ham berilgan:

Jumladan:

➡️kontraktning kamida 25 foizini I kurslar 15-sentabrgacha (yoki Davlat qabul komissiyasi belgilagan muddatgacha) hamda II va undan keyingi kurslar 1-oktyabrgacha (yoki OTM rahbariyati uzaytirgan muddatgacha);

➡️kontraktning kamida 50 foizi 1 yanvargacha, 75 foizi 1 aprelgacha va 100 foizi 1 iyulgacha (yoki OTM rahbariyati uzaytirgan muddatlargacha);

➡️xorijiy fuqarolar OTM rahbariyati belgilagan muddatlargacha.

Super-kontraktni to‘lash muddati va miqdorlari Davlat qabul komissiyasi tomonidan (o‘quv yilining birinchi yarmi uchun), qolgan qismi OTM rahbariyati tomonidan belgilanadi.

@talimationuz — TAʼLIM DOIMO MUHIM!

📌 Oliy ta’lim mutaxassisliklari bo‘yicha turdosh ta’lim yo‘nalishlari ro‘yxati tasdiqlandi

Bir oliy ta’lim muassasasi doirasida oliy ta’limning mos va turdosh yo‘nalishlari hamda mos mutaxassisliklari bo‘yicha talabalar o‘qishini ko‘chirish va qayta tiklash shu oliy ta’lim muassasasi rektorining buyrug‘i asosida amalga oshiriladi.

Quyidagi hollarda talabalar o‘qishini ko‘chirish va qayta tiklash talabani qabul qilayotgan oliy ta’lim muassasasi bo‘ysunadigan vazirlik (idora) qarori asosida amalga oshiriladi:

➡️oliy ta’limning mos va turdosh yo‘nalishlari hamda mos mutaxassisliklari bo‘yicha bir vazirlik (idora) doirasida boshqa oliy ta’lim muassasasiga;

➡️oliy ta’limning mos va turdosh yo‘nalishlari hamda mos mutaxassisliklari bo‘yicha turli vazirlik (idora) doirasida bir oliy ta’lim muassasasidan boshqa oliy ta’lim muassasasiga.

@talimationuz — TAʼLIM DOIMO MUHIM!

💳 Talaba va o'quvchilar uchun transport kartalari tariflar

Tarif rejalari Vazirlar Mahkamasining 9-oktabr 2020-yildagi 643-sonli qaroriga muvofiq amalga oshirildi. Avtomatlashtirilgan transport to'lov tizimi operatori tarif rejalarini texnik va moliyaviy amalga oshiradi.

🎓 Talaba uchun tariflar

🚌 — T (Avtobus talaba uchun):
◀️5 kun — 10000 so'm
◀️10 kun — 20000 so'm
◀️15 kun — 30000 so'm
◀️20 kun — 40000 so'm
◀️30 kun — 60000 so'm

🚌➕🚇 — TM (Avtobus, metro talaba uchun):
◀️5 kun — 14000 so'm
◀️10 kun — 28000 so'm
◀️15 kun — 42000 so'm
◀️20 kun — 56000 so'm
◀️30 kun — 83000 so'm

👨‍🎓 O'quvchi uchun tariflar

🚌 — O (Avtobus o'quvchi uchun):
◀️5 kun — 10000 so'm
◀️10 kun — 20000 so'm
◀️15 kun — 30000 so'm
◀️20 kun — 40000 so'm
◀️30 kun — 60000 so'm

🚌➕🚇 — O'M (Avtobus, metro o'quvchi uchun):
◀️5 kun — 14000 so'm
◀️10 kun — 28000 so'm
◀️15 kun — 42000 so'm
◀️20 kun — 56000 so'm
◀️30 kun — 83000 so'm

🗣️ Talaba va o'quvchilarga yuboringlar

@talimationuz — TAʼLIM DOIMO MUHIM!

☄️Metro halqa yo‘lining 19ta bekatlariga nom berildi

✔️Hukumat qaroriga (349-son, 09.08.2023 y.) ko‘ra “O‘zbekiston mustaqilligining o‘ttiz yilligi” yer usti metro halqa yo‘lining “Do‘stlik – Qo‘yliq” yo‘nalishi 1–14 bekatlariga, “Chilonzor” yo‘lining “Olmazor – Sergeli” yo‘nalishi 1–5 bekatlariga (jami 19 ta bekat) nom berildi.

@talimationuz — TAʼLIM DOIMO MUHIM!

‼️Toshkentda avtobus va metro yo'lkira narxlari o'zgarishi kutilmoqda

📌Jamoat transport vositalarida naqd pulda va bank kartasi orqali to'langanida yo'lkiraning bir martalik narxi 2000 so'm, transport kartasi orqali to'lov qiluvchi yo'lovchilar uchun esa 1600 so'm qilib belgilanishi mumkin.

⚡️Yo'lovchi 1 soat ichida avtobusga chiqsa, birinchi to'lovda 1 600 so'm, ikkinchisida 400 so'm to'laydi, keyingilarida yo'lkira bepul bo'ladi.

@talimationuz — TAʼLIM DOIMO MUHIM!

👌 Magistraturada ham super-kontrakt bormi?

O'tgan yili qabul komissiyasi C1, B2 sertifikati bor, ammo kvota doirasida talaba bo'lolmaganlarga belgilangan bazaviy to'lov-kontraktning 1.5 baravaridan oshmagan miqdordagi to'lov asosida magistraturada o'qish imkoniyatini bergandi.

❕Bu yil qanaqa boʻlishi aniq emas.

Faqat kutib turilsa, o'qishlar boshlangach, o'tgan yilgi amaliyot takrorlanishi mumkin.

‼️Eslatma: bu usulda talaba bo'ladigan, ya'ni kvotaga ilinmay tabaqalashtirilgan kontrakt to'lab o'qiydigan xotin-qizlarning kontrakt pullari qoplanmaydi.

@talimationuz — TAʼLIM DOIMO MUHIM!

⚡️Qachondan boshlab super-kontrakt uchun ariza yoziladi?

📌O'qishni ko'chirish imtihonlarida yetarli ball to'play olmagan talabgorlar oshirilgan kontrakt asosida o'qishlarini ko'chirishlari mumkin.

◀️O'tgan yili "super kontrakt" uchun arizalar kontrakt.edu.uz sayti orqali olingan edi. Katta ehtimol bilan bu yil ham shunday. Biroq abituriyent va "perevodchilar"ning ma'lumotlari saytga to'liq kiritib bo'linmagani sababli vazirlik bayonot berayotgani yo'q.

‼️Katta ehtimol bilan oliygohlarda dars jarayonlari boshlanganidan so'ng oshirilgan kontrakt uchun arizalar qabuli ham boshlanadi.

@talimationuz — TAʼLIM DOIMO MUHIM!

⚡️Xususiy oliygoh talabalari 3-kursdan boshlab qonuniy tarzda ishlashi mumkin

Hukumatning "Taʼlim darajasi yuqori bo‘lmagan maktablarga malakali o‘qituvchi-pedagoglarni jalb qilish chora-tadbirlari to‘g‘risida"gi (15.10.2021 646-son) qaroriga binoan, pedagogika yo‘nalishlarida kunduzgi kechki, sirtqi bo‘limlarining 3-kursida tahsil olayotgan talabalarga maktablarda dars berish huquqi berilgan.

‼️Ushbu tartib davlat va nodavlat OTM talabalari uchun birdek amal qiladi.

Avvalgi tartibga binoan talabalar 4-kursdan boshlab, maktablarda dars berishlari mumkin edi.

@talimationuz — TAʼLIM DOIMO MUHIM!

🎓 Ayrim talabalarga konraktining 50 foizi toʻlab beriladi: imtiyozdan foydalanish haqida 5 ta muhim maʼlumot

📝“Temir daftar”ga kiritilgan oilalar farzandlari hamda “Yoshlar daftariga” kiritilgan yoshlarga kontrakt pulining bir qismi qoplab beriladi. Kontraktning qancha qismi toʻlab beriladi? Imtiyoz qaysi OTMlarda amal qiladi? “Super kontrakt” ham toʻlab beriladimi? Qayerga murojaat qilish kerak? hudud24.uz quyidagi maqolada ushbu imtiyozdan foydalanish tartibini tushuntiradi.

◀️Xususiy universitetda oʻqiyotganlarga ham imtiyoz beriladimi?
Ha, “Temir daftar”ga kiritilgan oilalar farzandlari hamda “Yoshlar daftariga” kiritilgan yoshlar Oʻzbekistondagi har qanday, shu jumladan davlat, xususiy, xorijiy OTMlarda, texikum, kollejlarda oʻqiyotgan boʻlsa, kontrakt boʻyicha imtiyozdan foydalanishi mumkin.

⚡️Bundan tashqari, mazkur imtiyoz faqat bakalavr emas, magistratura bosqichida oʻqiyotganlarga ham beriladi. Bunda bakalavriatning kunduzgi, sirtqi va kechki shakli, magistraturaning faqat kunduzgi yoʻnalishi boʻlishi kerak.

◀️Kontraktning qancha qismi qoplab beriladi?
Kontraktning 50 foizigacha qismi, biroq BHMning 50 baravaridan oshmagan miqdorda qoplab beriladi.

ℹ️Masalan, talaba A ning kontarkt summasi 40 mln soʻm, uning kontrakti yarmi 20 mln soʻm boʻladi, lekin unga 20 mln soʻm emas BHMning 50 baravarigacha qismi qoplab beriladi, yaʼni 16 mln 500 ming soʻmgacha.

Talaba B ning kontrakti 20 mln soʻm, uning kontrakti yarmi 10 mln soʻm va uning kontrakti BHMning 50 baravaridan oshmaganligi uchun mana shu 10 mln soʻm toʻliq qoplab beriladi.

◀️“Super kontrakt” ham toʻlab beriladimi?
Yoʻq, “super” kontraktda yoki ikkinchi mutaxassislikda oʻqiyotganlarga ushbu imtiyoz qoʻllanilmaydi.

◀️Kimga murojaat qilish kerak?
Kontrakt “Yoshlar daftari” jamgʻarmasi hisobidan toʻlab beriladi. Jamgʻarma tuman (shahar)larda hokim boshchiligidagi Vasiylik kengashi tomonidan boshqariladi. Kengashning ishchi organi esa tuman (shahar) yoshlar ishlari boʻlimi hisoblanadi.

‼️Shu sababli ariza yoshlar ishlari boʻlimiga beriladi.

Arizaga OTM bergan kontrakt nusxasi ilova qilinishi kerak.

Ariza berishning aniq muddati yoʻq, istalgan vaqtda berish mumkin.

◀️Ariza qancha vaqtda koʻrib chiqiladi?
Ariza berishdan avval, mahalladagi yoshlar yetakchisi bilan maslahatlashing va uni xabardor qilganingiz maʼqul.

Sababi Siz ariza berganingizdan soʻng 3 ish kunida arizangiz siz yashayotgan mahalladagi yoshlar yetakchisiga koʻrib chiqish uchun yuboradi.

📣Yoshlar yetakchisi 5 ish kunida kontraktni qoplash haqidagi tavsiyanoma yoki rad etish toʻgʻrisidagi xabarnoma yuboradi. Tavsiyanoma berish rad etilsa, u asoslantirilgan boʻlishi shart.

Yoshlar yetakchisi arizani 5 ish kunida koʻrib chiqmasa yoki tavsiyanoma berishni asossiz rad etsa, Vasiylik kengashi oʻz tashabbusi bilan kontrakt pulini oʻtkazib berishi mumkin.

✍️Vasiylik kengashi kontraktni qoplash haqida qaror qabul qilingandan soʻng 3 ish kunida uni OTM hisob raqamiga oʻtkazib beradi.

Shunda jami 11 ish kunida ariza koʻrib chiqilishi kerak.

☝️Arizani koʻrib chiqish natijasidan yoki qaysidur mansabdor, yoshlar yetakchisining harakatidan norozi boʻlsangiz hech ikkilanmay sudga, prokuratura, adliya organlariga murojaat qiling.

@talimationuz — TAʼLIM DOIMO MUHIM!

❓Qanday hollarda davlat talabani 50 foiz kontrakt pulini to‘lab berishi mumkin?

✅Vazirlar Mahkamasining 2021-yil 11-mart kunidagi 132-sonli “Yoshlarni ijtimoiy qo‘llab-quvvatlash bo‘yicha qo‘shimcha chora-tadbirlar to‘g‘risida”gi qaroriga muvofiq, mamlakatimizdagi professional va oliy ta’lim muassasalarida (davlat, xususiy yoki xorijiy OTM filiali) tahsil olayotgan “Temir daftar”ga kiritilgan oilalar farzandlarining, shuningdek, “Yoshlar daftariga” kiritilgan yoshlarning to‘lov-kontrakt summasining 50 foizigacha, ammo BHMning 50 baravaridan oshmagan miqdorda to‘lab berish belgilangan.

📌BHM – 330 ming so‘m (2022-yil 1-iyundan). 50xBHM=16 500 000 so‘m. Demak shungacha bo‘lgan miqdorda pul to‘lab beriladi.

⚠️Ushbu imtiyoz xususiy oliy taʼlim muassasalari talabalari uchun ham taalluqlidir!

@talimationuz — TAʼLIM DOIMO MUHIM!

👩Ikkalasi ham grantga kirgan egizaklar

Suratdagi qizlar — Fotima, Zuhra Rajabboyevalar, navoiylik. Ularning har ikkisi ham bu yil maktabni tugatib, grantga o‘qishga kirdi.

✔️Fotima O'zbekiston madaniyat va san’at institutiga, Zuhra Buxoro davlat pedagogika institutiga grantga kirgan.

📌Ularning otasi Rossiyada ishlaydi, lekin uzoqda bo‘lsa-da, o‘zi vaqti soatida o‘qiy olmagani uchun bolalari o‘qishi uchun sharoit qilib bergan. Onasi esa hamshira.

Qizlar yaqin orada ikki hududda o‘qishni boshlashadi.

@talimationuz — TAʼLIM DOIMO MUHIM!

🎓 4-sentyabrdan o‘quv yili boshlanishi esingizdami?

O‘quv yili boshlanishiga allaqachon tayyorgarlikni boshlab yuborgandirsiz. O‘qish joyingizga borib oldingizmi?

👀 Yangi o‘quv yili boshlanishiga oid qanday savollar sizga qiziq? Kommentlarda yozib qoldiring, biz javob beramiz.

📌 Aytgancha, Toshkentda metroga yaqin joylashgan qator OTMlarda dars boshlanish vaqtlari o‘zgargan.

📝Ro‘yxatni ko‘rish.

@talimationuz — TAʼLIM DOIMO MUHIM!