⚡️20 ta davlat universitetlari yopilishi rejalashtirilmoqda

Bu haqida Oliy ta’lim fan va innovatsiyalar vaziri Qo‘ng‘irotboy Sharipov ma’lum qildi.

"Prezident topshirig‘iga asosan bitiruvchilarini 5-10 foizgina ish bilan ta’minlagan, talabga javob bermaydigan davlat universitetlar yopiladi. Hozirda ushbu OTMlar ro'yxati shakllantirilmoqda.

@talimationuz — TAʼLIM DOIMO MUHIM!

📚 Abituriyentlar uchun diqqatni jamlash bo‘yicha TOP 5 maslahat!

🎯 1. Maqsad qo‘ying
Aniq maqsad bo‘lsa, diqqatni jamlash osonroq bo‘ladi. Har bir dars oldidan o‘zingizga maqsad qo‘ying: “Bugun shu mavzuni to‘liq o‘zlashtiraman!”

📵 2. Chalg‘ituvchi narsalardan uzoq bo‘ling
Telefon, ijtimoiy tarmoqlar va boshqa chalg‘ituvchi narsalarni o‘chirib qo‘ying yoki “Do Not Disturb” rejimini yoqing.

⏳ 3. Pomodoro usulidan foydalaning
25 daqiqa davomida faqat darsga e’tibor qarating, keyin 5 daqiqa dam oling. 4 ta blokdan so‘ng, 15-20 daqiqalik tanaffus qiling.

💧 4. To‘g‘ri ovqatlaning va yetarlicha suv iching
Aqliy mehnat uchun miya to‘yimli ovqat va suvga ehtiyoj sezadi. Yong‘oq, qora shokolad va mevalar diqqatni oshirishga yordam beradi.

🛌 5. Yetarlicha uxlashni unutmang
Kam uxlagan odamning diqqatni jamlashi qiyinlashadi. Har kuni 7-8 soat sifatli uyquga e’tibor bering!

🎓 Darslaringiz unumli bo‘lsin! Sizning maqsadingizga yetishishingizga ishonamiz! 💪🔥

#DarsgaDiqqat #AbituriyentlarUchun #FoydaliMaslahatlar

@talimationuz — TAʼLIM DOIMO MUHIM!

⚡️Harbiy qismlar qo‘mondonligining tavsiyanomasiga ega bo‘lgan talabalar kontraktining 35% miqdori to'lab beriladi

❓O‘zbekiston Respublikasi Qurolli Kuchlari safida muddatli harbiy xizmatni o‘tagan, harbiy qismlar qo‘mondonligining tavsiyanomasiga ega bo‘lgan, O‘zbekiston Respublikasi oliy ta’lim muassasalariga to‘lov-kontrakt shakli asosida o‘qishga qabul qilingan talabalarning to’lov-kontrakt miqdorining 35% O’zbekiston yoshlar ittifoqi tomonidan to’lab berish bo‘yicha arizalar qabul qilinish boshlandi.

📌Arizalar Oliy ta’lim muassasalarining boshlang‘ich tashkilot yetakchilari tomonidan qabul qilinadi.

@talimationuz — TAʼLIM DOIMO MUHIM!

🥲 Bir oilada qiz bola dunyoga kelsa, "Xafa bo‘lmang, keyingisi o‘g‘il bo‘ladi!", deb yupatishadi ota-onalarni.

Aslini olganda esa qiz bola har qanday o‘g‘ilning o‘rnini bosishi mumkin, agarda...

Agarda uning orzulariga qo‘l-qanot bo‘lsangiz, maqsadlariga erishishi uchun yordam bersangiz, qiz bolani ilmli qilsangiz, u ham millatning rivojiga o‘z hissasini qo‘sha oladi!

Qadrli ota-onalar, qizlaringizga, ularning orzulariga befarq bo‘lmang, va'dangizni bajaring. Ularni o‘qiting!

📌 Profi University - Think out of the box!

@talimationuz — TAʼLIM DOIMO MUHIM!

Prezident bugun tadbirkor yoshlarni qo‘llab-quvvatlovchi 3 ta katta hujjatga imzo chekdi.

1️⃣ Birinchi hujjatga muvofiq, Yoshlar agentligi huzurida Yoshlar tadbirkorligini rivojlantirish jamg‘armasi tashkil etilib, unga 100 million dollar mablag‘ ajratildi.

Endi tashabbuskor yoshlarning startap loyihalariga 2 milliard so‘mgacha investitsiya kiritiladi.

2️⃣ Ikkinchi qaror bilan oliygoh bitiruvchilari bandligini ta’minlash bo‘yicha yangi tizim yaratilmoqda. Buning uchun Milliy bankka 100 million dollar resurs beriladi.

Bank Oliy ta’lim vazirligi va Savdo-sanoat palatasi bilan birgalikda oliygoh bitiruvchilarining tashabbus va g‘oyalarini loyihaga aylantirish bo‘yicha yangi bank xizmatlari paketlarini joriy etadi.

3️⃣ Uchinchi hujjatga ko‘ra, Aloqabank yoshlarning biznes loyihalarini qo‘llab-quvvatlovchi tayanch “yoshlar banki”ga aylantirilib, bunga 200 million dollar ajratildi.

Bank o‘zini o‘zi band qilgan yoshlar loyihalari uchun 100 million so‘mgacha 7 yil muddatga imtiyozli mikroqarz ajratadi.

“Aloqa venchur” jamg‘armasi orqali startaplarga 50 mingdan 1 million dollargacha sarmoya kiritilib, mahsulot va xizmatlarni ichki va xalqaro bozorlarda sotish, biznes hamkor topish, qo‘shimcha investitsiyalar jalb qilishga ko‘maklashiladi.

@talimationuz — TAʼLIM DOIMO MUHIM!

Реакциялар очиқ

⚡️O‘quv markazlarida xorijiy tillarni o‘rganadigan yoshlarga xarajatlari “2+6” shaklida qoplab beriladi

Endi, xorijiy tillardan “C1” darajasiga ega boʻlgan yoshlar tashabbus koʻrsatib, olis va chekka hududlarda chet tillariga ixtisoslashgan oʻquv markazlarini ochsa, ularga 120 million soʻmgacha foizsiz ssuda beriladi.

Shuningdek, mehnat bozoriga til biladigan yoshlar kirib kelishini ragʻbatlantirish uchun xususiy oʻquv markazlarida xorijiy tillarni oʻrganadigan yoshlarga xarajatlari “2+6” shaklida qoplab beriladi.

Bunda oʻquv xarajatlarining dastlabki 2 oyi oʻquvchilarning oʻz mablagʻidan, qolgan 6 oyi davlat hisobidan toʻlab beriladi.

@talimationuz — TAʼLIM DOIMO MUHIM!

📚🎓 Abituriyentlarning mashhur yolg‘onlari

📖 “Kitob o‘qiyapman”
(Aslida esa telefon titkilab yoki TikTokda vaqt o‘tkazyapti.)

⏰ “Ertaga ertalab 5:00 da turib dars qilaman”
(Budilnikni o‘chirib, yana 10 soat uxlash mode ON.)

🧐 “O‘qish oson ekan, hamma testlarni yechdim”
(Aslida esa, 10 ta savoldan 9 tasini “otpravka” usulida belgiladi.)

🚫 “Imtihonga hech qanday shpargalka olib kirmayman”
(Keyin esa qo‘llar, yenglar, qog‘ozcha va hattoki oyog‘iga ham yozib olganini payqash mumkin.)

😎 “Men umuman stressga tushmayman”
(Imtihon kuni: “Yo‘q, men hamma narsani unutdim!”)

🏋️‍♂️ “O‘qishga kirishim bilan sport bilan shug‘ullanaman”
(Aslida esa: “Bugun dam olib, ertaga boshlayman…” Va bu reja har kuni takrorlanadi.)

🎓 “Men faqat davlat grantida o‘qiyman”
(Natijalar chiqqandan keyin: “Xususiy ham yaxshi ekan-ku…”)

🤓 “O‘qishga kirsam, hamma narsani o‘rganaman”
(Aslida esa, sessiya oldidan: “Kimda dars konspektlari bor?” )

🤭 Siz ham shunday yolg‘onlarni ishlatganmisiz? Kommentda o‘z versiyalaringizni yozib qoldiring!

@talimationuz — TAʼLIM DOIMO MUHIM!

😂 Sizlar ham keyingi semestrdan zo’r o’qishga har semestrda va’da berasizlarmi?

@talimationuz — TAʼLIM DOIMO MUHIM!

6 mln so‘mlik vazir ustamasi uchun test sinovlari qachon va qay tartibda o'tkazilishi ma'lum bo'ldi

Maktabgacha va maktab taʼlimi vazirining tegishli buyrugʻi bilan joriy yilda Vazir jamgʻarmasi hisobidan har oylik ustama olish uchun 1-bosqich (test) sinov jarayonlari 25-fevral kuni oʻtkazilishi belgilandi.

Test sinovlari belgilangan quyidagi hududiy manzillarda “test.uzedu.uz” platformasi orqali real vaqt rejimida onlayn oʻtkaziladi.

Bunda nomzodlarning oʻzi dars beradigan umumtaʼlim fani boʻyicha bilim darajasi baholanadi. Test sinovlari (40 ta) uchun 100 daqiqa vaqt ajratiladi. Har bir toʻgʻri javob uchun 2,5 ball beriladi.

Test sinovi natijalariga koʻra, maksimal ballning 80 foizi yoki undan yuqori natija koʻrsatgan nomzodlar keyingi bosqichga yoʻl oladi.

Nomzod pedagoglar ushbu havola orqali o‘z JSHSHIR (jismoniy shaxsning shaxsiy identifikasiya raqami)ini kiritib, 1-bosqich sinovi uchun tayyorlangan namunaviy test savollari bilan tanishishi mumkin.

@talimationuz — TAʼLIM DOIMO MUHIM!

⚡️Savol: Xususiy universitet diplomi boshqachami?

Javob: Yo'q, davlatniki bilan bir xil!

Ko'pchilik abituriyentlar xususiy oliygohlarning diplomi boshqacha bo'ladi, davlat universitetlarinikidan farq qiladi deya xato fikrlashmoqda.

Aslida, davlat tomonidan qonuniy litsenziya asosida faoliyat olib borayotgan xususiy oliygohlar o'z bitiruvchilariga davlat namunasidagi diplomni taqdim etishadi. Masalan, ushbu rasmda Farg'onadagi xususiy oliygohlardan biri - Qo'qon universitetining diplomi keltirilgan.

Eslatib o'tamiz, “Taʼlim toʻgʻrisida”gi qonunning 31-moddasiga asosan, litsenziyaga ega nodavlat oliy ta'lim muassasalarining diplomi Oʻzbekistonda tan olinadi.

@talimationuz — TAʼLIM DOIMO MUHIM!

⚡️Savol: Aloqa xatini olgach necha kunda hujjatlarni taqdim etish kerak?

Javob: O'qishi ko'chirishga tavsiya etilib, aloqa xatini olgan talabgorlar 10 ish kuni yoki oliygoh tomonidan belgilangan muddat ichida tegishli hujjatlarini o'qishini ko'chirgan ta'lim muassasasiga taqdim etishi shart.

Talabaning shaxsiy yigʼma jildi belgilangan muddatda taqdim etilmaganda fuqaroning o‘qishini ko‘chirish va qayta tiklash haqidagi murojaatiga rad javobi beriladi!

@talimationuz — TAʼLIM DOIMO MUHIM!

❗️Endi taʼlim tili oʻzbek tili boʻlmagan sinf bitiruvchilari ham davlat tilidan imtihon topshiradi

Maktabgacha va maktab ta'limi vaziri Hilola Umarovaning tegishli buyrug‘i bilan, umumiy oʻrta taʼlim muassasalarida yakuniy davlat attestatsiyasi oʻtkaziladigan fanlar roʻyxati va imtihon oʻtkazish shakllari, umumtaʼlim fanlari hamda xorijiy tillarni bilish darajasini baholovchi milliy va xalqaro tan olingan sertifikatlar roʻyxati tasdiqlandi.

Unga koʻra, 9-sinf oʻquvchilarining yakuniy davlat attestatsiyasi quyidagi fanlardan bo‘ladi:

📚Ona tili va adabiyoti (taʼlim oʻzbek tilida olib boriladigan sinflar uchun) fanidan – yozma;
📚Davlat tili (taʼlim tili oʻzbek tili boʻlmagan sinflar uchun)dan – yozma;
📚Matematikadan – yozma;
📚Oʻzbekiston tarixidan – yozma/ogʻzaki;
📚Jismoniy tarbiyadan – amaliy shaklda oʻtkaziladi.

11-sinf oʻquvchilarining yakuniy davlat attestatsiyasi quyidagi fanlardan bo‘lib o‘tadi:

📚Ona tili va adabiyoti (taʼlim oʻzbek tilida olib boriladigan sinflar uchun) fanidan – yozma;
📚Davlat tili (taʼlim tili oʻzbek tili boʻlmagan sinflar uchun)dan – yozma;
📚Matematika (asosiy) / matematika (chuqurlashtirilgan)dan – yozma;
📚Tarixdan – yozma.

Oʻquvchining tanlovi boʻyicha:

📚Ona tili va adabiyoti (ta'lim qoraqalpoq, rus, qozoq, turkman, tojik, qirgʻiz tilida boʻlgan sinflar uchun), Biologiya, Fizika, Kimyo, Davlat huquq asoslari, Geografiya fanlaridan – yozma;
📚Chet tilidan – yozma/ogʻzaki shaklda oʻtkaziladi.

❗️Ma’lumot uchun, 2025-yilidan boshlab taʼlim o‘zbek tilida olib borilmaydigan umumiy o‘rta ta’lim muassasalarining 11-sinf bitiruvchilari uchun ham davlat tilidan yakuniy nazorat imtihonlarini topshirish majburiy bo‘ladi.

@talimationuz — TAʼLIM DOIMO MUHIM!