🗂Ta'lim krediti olish uchun talab qilinadigan hujjatlar:

➖Ariza;
➖Pasport;
➖Kreditni qaytarish bo‘yicha ta’minot;
➖Ta’lim muassasasi bilan tuzilgan shartnoma.

‼️Ta'lim kreditlarini banklardan olish mumkun.

@talimationuz — TAʼLIM DOIMO MUHIM!

🇺🇿O‘zbekiston Respublikasi Huquqni muhofaza qilish akademiyasi magistraturasiga 2023/2024 o‘quv yili uchun tanlov jarayoni yakunlandi

O‘zbekiston Respublikasi Huquqni muhofaza qilish akademiyasi magistraturasiga tanlov jarayoni nihoyasiga yetdi.

☝️Mazkur tanlovlarda “Prokurorlik faoliyati”, “Korrupsiyaga qarshi kurashish”, “Inson huquqlariga oid xalqaro huquq” mutaxassisligi bo‘yicha ta’limning kunduzgi, shuningdek “Prokurorlik faoliyati” mutaxassisligi bo‘yicha ta’limning sirtqi shakli uchun jami 442 nafar nomzod ishtirok etdilar.

📌Nomzodlar to‘plagan ballari bilan o‘z pasport (ID-karta) raqami orqali quyidagi ro‘yxatda tanishishlari mumkin.

Tanlov yakuniga ko‘ra, ushbu mutaxassisliklar bo‘yicha nomzodlar to‘plagan ballarni umumlashtirish yakunlariga asosan eng yuqori natijalarga erishgan 45 nafar nomzod ta’limning kunduzgi shakli hamda 27 nafar nomzod esa ta’limning sirtqi shakli bo‘yicha 2023/2024 o‘quv yilida Akademiya magistraturasi tinglovchilari safiga tavsiya etildi.

Shuningdek, “Tergov faoliyati” mutaxassisligi bo‘yicha tanlovda ishtirok etgan jami 157 nafar nomzoddan 34 nafari o‘qishga tavsiya etilgani ma’lum qilinadi.

✔️Ta’limning kunduzgi shakliga tavsiya etilgan nomzodlar joriy yilning 4 sentyabr kuni soat 10:00 da Akademiyaga quyidagi hujjatlar bilan hozir bo‘lishi so‘raladi:

1️⃣Shaxsini tasdiqlovchi hujjatning asli (pasport yoki ID-karta);
2️⃣Tanlovga taqdim etgan diplomi va diplom ilovasining asli.

☝️Ta’limning sirtqi shakliga tavsiya etilgan nomzodlar Akademiyaga taklif etiladigan sana haqida qo‘shimcha xabar beriladi.

Akademiya jamoasi magistraturaga tanlovdan muvaffaqiyatli o‘tgan nomzodlarni tabriklab, ularga ilm-fan, ta’lim va amaliyot cho‘qqilarini egallashlarida ulkan zafarlar tilaydi.

@talimationuz — TAʼLIM DOIMO MUHIM!

1️⃣-sinfdan kompyuter savodxonligi, yuqori sinflarda moliyaviy savodxonlik darslari joriy etiladi

Yuqori sinfda o‘qitiladigan fanlar 16 tadan 11 taga qisqarishi e’lon qilindi.

☝️Oliygohga kirishga ishtiyoqi bor bo‘lgan 10-11 sinf o‘quvchilariga "kimyo – biologiya", "matematika – fizika", "matematika – chet tili", "ona tili va adabiyot – chet tili" fanlari ularning tanlovi asosida chuqurlashtirib o‘qitiladi.

Kasb-hunar egasi bo‘lish istagidagi o‘quvchilarga esa maktabning o‘zida tayyor mutaxassis bo‘lib yetishib chiqish imkoniyati yaratiladi.

‼️Maktabgacha va maktab ta’limi vazirligiga sentyabrdan boshlab ushbu tajribani salohiyati va tayyorgarligi bor 135 ta maktabda yo‘lga qo‘yish topshirildi. Kelgusi o‘quv yilidan kamida 1 mingta maktab ushbu tizimga o‘tkaziladi.

Darslarning mazmuni ham o‘zgarishi ta’kidlandi. Bunda 1-sinfdan kompyuter savodxonligi, yuqori sinflarda moliyaviy savodxonlik darslari joriy etiladi.

📌Shuningdek, bu yil maktab darsliklariga byudjetdan 920 milliard so‘m ajratildi, boshlang‘ich sinflar uchun to‘liq yangi darsliklar ishlab chiqildi.

Boshlang‘ich sinflar uchun tayyorlangan darsliklarning ikkinchi qismini ham to‘liq hajmda chop etishga topshiriq berildi.

@talimationuz — TAʼLIM DOIMO MUHIM!

🧑‍💻Test sinovlarida abituriyentlar past ball olishining asosiy sababi nima?

Test natijalariga ko‘ra, 193 ming 421 nafar abituriyent talabalikka tavsiya etilgan. Ammo testga kirgan abituriyentlarning salkam yarmi 56,7 ballni ham to‘play olmagan. Xo‘sh, abituriyentlarning test sinovlaridagi past ko‘rsatkichlari sababi nimada?

✔️Mazkur savol yuzasidan Bilim va malakalarni baholash agentligi direktori M.Karimov quyidagilarni ma’lum qildi:

👉OTMlar uchun tayyorlanadigan test mezonlari har yili soddalashtirilsa soddalashtiriladiki, takomillashtirilmaydi, – deydi M.Karimov. – Umuman, dinamikani olib qaraydigan bo‘lsak, yildan-yilga o‘tish ballari va ko‘rsatkichlar pasayib bormoqda. Bu past ko‘rsatkichlarning asosiy sababi uchun maktablarni ayblamoqchi emasman. Juda ko‘p holat abituriyentning o‘ziga bog‘liq. O‘rganish jarayonlarida shunga guvoh bo‘ldikki, aksariyat abituriyentlar test sinovlari boshlanganiga yarim soat bo‘lmasdan turib chiqishni boshlaydi.

‼️Joriy yil bitiruvchilarda 56,7 ball olgan abituriyentlar 30 foizdan ziyodroqni tashkil etmoqda. 56,7 balldan kam to‘plagan abituriyentlarning 70,5 foizi avvalgi yillarda o‘qishni tugatganlar degan taxmin ham mavjud. Oldingi yillarda test jarayonini ozgina filtrlash maqsadida sinovlarni takomillashtirish, talablarni oshirish holatlari ham bo‘lgan. Ammo so‘nggi yillarda barcha savollar soddalashtirilgan tartibda tuzilmoqda. Abituriyentlar past ball olishining asosiy sabablari mutaxassislar ishtirokida o‘rganilishi, chuqur tahlil qilinishi lozim.

@talimationuz — TAʼLIM DOIMO MUHIM!

⚡️Yuqori ball olmagan barcha abituriyentlar xususiy universitetga imtihonsiz talabalikka qabul qilinadi

Abituriyentlardan talab qilinadigan hujjatlar:

1. Rektor nomiga ariza;
2. Pasport nusxasi (asli ko‘rsatilgan holda);
3. Diplom yoki attestat (ilovasi bilan birga) asl nusxasi;
4. Til bilish darajasini tasdiqlovchi sertifikat asli; (agar bo‘lsa)
5. 3,5x4,5 foto 12 ta;

◀️Hujjatlar shu yilning 30-avgustiga qadar onlayn shaklda yagona internet portal orqali va unversitetning hududiy bo‘limlarida qabul qilinadi.

Prezidentning 2022-yil 18-iyuldagi PQ-323-sonli qarori bilan foizsiz kredit orqali kontrakt summasi to‘lanishi mumkin va o‘qish muddati tugagandan so‘ng yettinchi oydan boshlab 7 yil davomida qaytariladi.

mandat.uzbmb.uz saytiga o‘qishni ko‘chirish bo‘yicha ma’lumotlari joylashtirilgan barcha talabgorlar o‘qishni IMTIHONSIZ "perevod" qilishlari mumkin.

‼️Bundan tashqari kontrakt summasini 4 ga bo‘lib to‘lash mumkin.

@talimationuz — TAʼLIM DOIMO MUHIM!

🇺🇿O‘zbekistonda maksimal ball to‘plasa-da, kontraktga kirgan abituriyentlar to‘g‘risida ma’lumot berildi

📌2023 yil 23 avgust kuni Axborot va ommaviy kommunikasiyalar agentligida “2023/2024-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari yakunlari” mavzusida matbuot anjumani bo‘lib o‘tdi. Matbuot anjumanida 189 ball olgan abituriyentlar to‘g‘risida ma’lumot berildi. Bilim va malakalarni baholash agentligi rahbari Majid Karimov bu masala davlat komissiyasi tomonidan ko‘rib chiqilishini bildirib o‘tdi.

🗣️“189 ball olgan abituriyentlar soni 61 ta bo‘ldi. Bundan tashqari, Temurbeklar maktabi bitiruvchilariga OTMga kirishda 15 foiz qo‘shib beriladi. Shu sababli ularning balli 189 balldan yuqori bo‘ldi. Kimga imtiyoz beriladi, kimga alohida kvota beriladi... Bularning vakolati Bilimni baholash agentligida ham emas, Oliy ta’lim vazirligi vakolatida ham emas. Birinchi navbatda ta’lim muassasalariga qabul qilish davlat komissiyasi bor. Bu ana shu komissiya vakolatidagi vazifa. Agar imtiyoz berilsa, o‘sha asosida ishlaymiz, berilmasa, inobatga olmaymiz. 189 eng maksimal ball, bu ballni olgan hech qaysi abituriyent e’tibordan chetda qolmaydi. Bu masalani davlat komissiyasi ham ko‘radi. 189 ball olib kontraktga kirsa, bu juda katta muammo. Bu o‘rganiladi. Balki Temurbeklar maktabi ham alohida parametrga kirgizilar. Bu qizlarimiz baland ball olib, nohaqlikka duch keldi, degani emas. Biz ham bu narsani tahlil qilib, davlat komissiyasiga taklif sifatida kirgizamiz”, — deydi Bilim va malakalarni baholash agentligi rahbari Majid Karimov.

‼️Shuningdek, maksimal ball olgan abituriyentlarga prezident granti berilishi haqida Oliy ta’lim, fan va innovasiyalar vazirligining qabul jarayonlarini tashkil etish bo‘limi boshlig‘i Abdusamat Mamanazarov ma’lumot berdi. Unga ko‘ra, har yili eng yuqori natija qayd etgan 200 nafar abituriyentlarga prezident granti beriladi. Bu bo‘yicha tahlillar olib borilyapti.

“Albatta, 189 ball olgan abituriyentlar ajratilgan kvotalarga tushsa kerak. Sababi hozir tahlillar o‘z yakuniga yetmadi”, — deydi Abdusamat Mamanazarov.

@talimationuz — TAʼLIM DOIMO MUHIM!

⚡️Birinchi kurs talabalariga ham ijara summasi to‘lab beriladimi?

✍️Ma’lumki, O‘zbekiston Respublikasi Vazirlar Mahkamasining 2021 yil 24 sentyabrdagi “Ijara huquqi asosida yashayotgan talabalar tomonidan to‘lanadigan ijara to‘lovlarini qoplab berish tizimini joriy etish chora-tadbirlari to‘g‘risida”gi qaroriga ko‘ra, 2021 yil 1 maydan boshlab yotoqxona bilan qamrab olinmagan va o‘ziga, shu jumladan ota-onasi (qonuniy vakillari)ga tegishli bo‘lmagan uyda ijara huquqi asosida yashaydigan davlat oliy ta’lim muassasalari talabalarining 60 foiziga ular tomonidan to‘lanadigan oylik ijara to‘lovining 50 foizi O‘zbekiston Respublikasi Davlat byudjeti hisobidan qoplab berilishi belgilab qo‘yilgan.

◀️Mazkur qonun endigina talabalikka tavsiya etilganlar uchun ham amal qiladimi?
Oliy ta’lim, fan va innovasiyalar vazirligi ma’lumotlariga ko‘ra, talabalikka tavsiya etilganlar davlat OTMlarining talabalar turar joyiga joylashishi uchun Davlat xizmatlari markazi yoki Yagona interaktiv davlat xizmatlari portali — my.gov.uz orqali elektron ariza yuborishlari mumkin. Bunda birinchi bosqich talabalaridan sentyabr va oktyabr oylari uchun ijara shartnomasi talab etilmaydi.

☝️Shuningdek, joriy yildagi yangi tartibga ko‘ra, talabalarga oylik ijara to‘lovining bir qismi ijara summasidan qat’i nazar Toshkent shahrida – bazaviy hisoblash miqdorining bir baravari (330 ming so‘m), qolgan hududlarda – bazaviy hisoblash miqdorining yarim baravari (165 ming so‘m) miqdorida amalga oshiriladi.

Har bir oliy ta’lim muassasasida “Talabalar turar joylari va ijara xonadonlari bo‘yicha ma’lumotlar markazi” tashkil etilgan bo‘lib, unda talabalar turar joylari hamda ijara xonadonlari haqida ma’lumotlar olish imkoniyati yaratilgan. Joriy yilda mazkur markazlarimiz yordamida talabalarni o‘z vaqtida turar joy (yotoqxona yoki ijara uylari) bilan ta’minlanishi nazoratga olingan.

@talimationuz — TAʼLIM DOIMO MUHIM!

⚡️Yotoqxona to‘lovida kimlarga imtiyoz berilishi mumkin?

✅ Yotoqxona to‘lovi bo‘yicha imtiyozni oliy ta’lim muassasalari Kengashi belgilaydi va bu imtiyoz quyidagi shakllarda berilishi mumkin:

😇yotoqxona to‘lovlaridan butunlay ozod etiladi

👉ko‘z kasalliklari bo‘yicha 1-2-guruh nogironligi borlar;
👉chin yetimlar (ota-onasining har ikkisi vafot etganlar) va yetimlar (ota-onalaridan biri vafot etganlar);
👉mehribonlik uyi tarbiyalanuvchilari;
👉hamda ijtimoiy himoyaga muhtoj talabalar.

😇umumiy to‘lovdan 50 foiz chegirma beriladi

👉umumiy kasalliklar bo‘yicha 2-guruh nogironlari;
👉vazifasini namunali bajarayotgan talabalar Kengashi raisi, qavat sardori hamda yotoqxona kutubxonasi uchun mas’ul talabalarga.

@talimationuz — TAʼLIM DOIMO MUHIM!

🎓Magistraturaga oʻqishga kirgan talaba qizlar uchun kontrakt pullarini toʻlash tartibi quyidagicha

Bu yil magistraturaga kontraktga kirgan talaba xotin-qizlar — 2,1 ming. Ularning hammasiga kontrakt to'lab beriladi.

➡️Magistraturada tahsil olayotgan talaba qizlar 15-sentabrgacha oʻz oliy taʼlim muassasasi rektoriga ariza topshirishlari lozim. Ushbu sanadan keyin taqdim etilgan arizalar koʻrib chiqilmaydi.
➡️Talabalardan toʻplangan arizalar tegishli Oliy taʼlim vazirligiga yuboriladi.
➡️15-oktabrga qadar oliy taʼlim muassasalari rektorlari talablarga javob beradigan abituriyentlarga kontrakt pullarini toʻlash toʻgʻrisida buyruq oladi.

@talimationuz — TAʼLIM DOIMO MUHIM!

✔️13,5 ming nafarga yaqin abituriyent qo‘shimcha qabul parametrlari doirasida talabalikka tavsiya etildi

Talabalikka tavsiya etilgan abituriyentlarning:

🔸180 ming nafarga yaqini — umumiy qabul parametrlari doirasida;
🔸13,5 ming nafarga yaqini — imtiyozga ega abituriyentlar uchun ajratilgan qo‘shimcha qabul parametrlari doirasida tavsiya etilgan.

Jumladan:

🔹nogironligi bo‘lgan shaxslar — 3,5 ming nafar;
🔹 “Mehribonlik” uyi va Bolalar shaharchasining bitiruvchilari bo‘lgan chin yetimlar, SOS — bolalar mahallalari va oilaviy bolalar uylari bitiruvchilari, shuningdek, vasiylikka, homiylikka yoki oilaga tarbiyaga olingan (patronat) yetim bolalar — 261 nafar;
🔹muddatli harbiy xizmatni o‘tab, harbiy qism qo‘mondonligining tavsiyanomasiga ega bo‘lganlar — 4,2 ming nafar;
🔹harbiy xizmatchilarning farzandlari — 2,1 ming nafar;
🔹ichki ishlar organlari xodimlarining farzandlari — 720 nafar;
🔹ehtiyojmand oilalardagi xotin-qizlar — 1,9 ming nafar;
🔹kamida 5 yil ish stajiga ega xotin-qizlar — 351 nafar.

@talimationuz — TAʼLIM DOIMO MUHIM!

‼️Super-kontraktda o‘qimoqchi bo‘lgan abituriyentlar nimalarni bilishi kerak?

Tabaqalashtirilgan kontrakt to‘lovi abituriyentga qancha ball yetmay qolganiga bog‘liq.

➡️1,05 ballgacha yetmagan abituriyentlar uchun – bazaviy to‘lov-kontrakt miqdorining 1,5 barobari;

➡️1,06 balldan 2,05 ballgacha yetmaganlar uchun – bazaviy to‘lov-kontrakt miqdorining 2,0 barobari;

➡️2,06 balldan 3,05 ballgacha yetmaganlar uchun – bazaviy to‘lov-kontrakt miqdorining 2,5 barobari;

➡️3,06 balldan 4,05 ballgacha yetmaganlar uchun – bazaviy to‘lov-kontrakt miqdorining 3,0 barobarini to‘laydi.

➡️4,05 balldan ko‘proq yetmay qolgan, lekin 56,7 balldan kam to‘plamagan abituriyentlar ko‘proq pul to‘laydi. Ular belgilangan bazaviy kontrakt miqdorining ma’lum baravarini to‘lash orqali talaba bo‘lishlari mumkin. Bu miqdor yo‘nalishlarga qarab farqlanadi.

O‘tgan 2022-yilda super-kontrakt narxlari stipendiyasiz shartnoma puli miqdori asosida hisoblangan.

☝️Eslatib o‘tamiz: hali yangi o‘quv yili uchun kontrakt miqdorlari tasdiqlanmadi. Kontrakt miqdori tasdiqlangach, super-kontrakt pullari ham tasdiqlanadi. So‘ng abituriyent o‘zi o‘qimoqchi bo‘lgan OTMga super-kontrakt bo‘yicha murojaat qiladi.

@talimationuz — TAʼLIM DOIMO MUHIM!

📌AQShda bir bolani o‘quv qurollari bilan to‘liq ta’minlash qancha turadi

AQShda ota-onalar farzandlarining joriy yilning 28 avgustidan boshlanadigan ta’lim jarayoniga faol tayyorgarlik ko‘rmoqda. Kazinform muxbiri bolani Amerika maktabining birinchi sinfiga tayyorlash uchun qancha mablag‘ talab qilinishini o‘rganib chiqdi.

🇺🇸AQShda o‘quvchilar uchun yagona talab - bu majburiy tibbiy ko‘rikdan o‘tish va kerakli emlashlarni olishdir, ularsiz bolalarning o‘qishiga ruxsat etilmaydi. Maktabga kirishdan oldin ota-onalarga sotib olinishi kerak bo‘lgan o‘quv qurollari ro‘yxati taqdim etiladi.

O‘qish uchun birinchi sinf o‘quvchisi quyidagilarni sotib olishi kerak:

◀️maktab sumkasi - 9 dollardan 29 dollargacha;
◀️12 ta №2 qora qalamdan iborat to‘plam - 4 dan 8 dollargacha;
◀️har birida 24 dona bo‘lgan ikkita rangli qalamlar qutisi - 12 dan 24 dollargacha;
◀️keng uchli 8 rangli flomasterlarning bitta to‘plami - 6 dan 20 dollargacha;
◀️bir to‘plam yelim-qalam (kattasi) - 7 dan 18 dollargacha;
◀️ko‘k, qizil, sariq va yashil rangdagi, ikkita cho‘ntakli to‘rtta papka - 10 dan 15 dollargacha;
◀️ikki quti salfetkalar - 8 dan 36 dollargacha;
◀️ikki to‘plam o‘tkir uchli qora markerlar - 18 dollardan 46 dollargacha;
◀️spiralsiz ikkita bloknot - 8 dan 16 dollargacha;
◀️insholar uchun bitta qalin daftar - taxminan 6 dollar;
◀️o‘lchami bir gallon (4,5 litr)ga teng bo‘lgan quti - 6 dan 24 dollargacha;
◀️o‘lchami bir kvart (0,94 litr)ga teng quti - 6 dollardan 14 dollargacha;
◀️ikki to‘plam qalin rangli qog‘ozlar - 14 dan 24 dollargacha;
◀️bir to‘plam nam salfetkalar - 6 dan 13 dollargacha;
◀️ikki flakon qo‘lni tozalash vositasi - 5 dan 13 dollargacha;
◀️ikki juft naushnik - 18 dan 42 dollargacha;
◀️bitta qalam qutisi - 8 dan 15 dollargacha.

➡️Dastlabki hisob-kitoblarga ko‘ra, aytish mumkinki, agar siz eng past narxlarda tovarlar sotib olsangiz, Amerika maktabida birinchi sinf o‘quvchisi uchun barcha kerakli o‘quv qurollarini sotib olish taxminan 150 dollarga tushadi. O‘rtacha xarajat 230 dollar bo‘lishi mumkin va maksimal xarajat taxminan 360 dollargacha ko‘tarilishi mumkin.

Aholining ijtimoiy himoyaga muhtoj qatlamlari uchun xayriya yordami diniy va jamoat tashkilotlari tomonidan o‘quv qurollarini bepul taqdim etadi. Biroq, bunday yordam cheklangan va barcha muhtojlar uchun yetarli emas.

‼️Shuni ta’kidlash kerakki, Amerika davlat maktablarida ta’lim bepul, biroq ota-onalar ma’lum xarajatlarni o‘z zimmalariga olishlari kerak. Jumladan, farzandlarining ovqatlanishi uchun kuniga 5,25 (nonushta - 2 va tushlik - 3,25 dollar), oyiga 105 dollar sarflashadi. Biroq, agar ota-onalarning daromadi past deb hisoblansa, bolalar bepul yoki arzonlashtirilgan ovqat olish huquqiga ega.

@talimationuz — TAʼLIM DOIMO MUHIM!

🤝Prezident granti uchun qancha abituriyent da’vogarlik qilmoqda?

O‘zbekistonda bu yil 302 nafar abituriyent Prezident granti uchun da’vogarlik qiladi. Bu yil o‘tish balli 186.8 ballni tashkil qildi.

✋Qarorga ko‘ra, OTMga kirish imtihonlarida respublika bo‘yicha eng yuqori ball to‘plagan abituriyentlarning 200 nafari Prezident grantiga da’vogar bo‘ladi.

mandat.uzbmb.uz saytidagi ma’lumotlarga ko‘ra, 198-o‘rindan 302-o‘ringacha abituriyentlar bir xil — 186,8 ball to‘plagan, shu sababli barchasi Prezident grantiga da’vogarlik qiladi.

Endi ular garchi kontraktga kirgan bo‘lsa ham, davlat granti asosida o‘qiydi.

👆Ma’lumot uchun, ushbu 302 nafar da’vogar Prezident stipendiyasiga teng miqdorda 200 AQSh dollarigacha stipendiya olishi mumkin.

@talimationuz — TAʼLIM DOIMO MUHIM!

👀Qabul-2023: eng yomon natija ko‘rsatgan maktab bitiruvchilari qaysi hududlarda ekani ma’lum bo‘ldi

O‘zbekistonda 2023 yilda maktabni bitirgan abituriyentlarning test sinovida ko‘rsatgan natijalari jadvali e’lon qilindi. Huquqshunos Xushnudbek Xudoyberdiyev mazkur jadvalga tushuntirish berdi.

🗣️Unga ko‘ra, joriy yilgi maktab bitiruvchilarining 36 foizi 56,7 balldan kam to‘plagan. Maktab ta’limi eng yaxshi hududlar: Buxoro, Navoiy hamda Toshkent shahri bo‘lsa, maktab ta’limi eng yomon hududlar: Andijon, Toshkent viloyati hamda Surxondaryo.

Mandat saytidagi ochiq ma’lumotlarga ko‘ra, joriy yilda jami abituriyentlarning salkam yarmi (49,4 foiz) o‘tish balining eng quyi chegarasi bo‘lgan 56,7 balni ham to‘play olmagani aytilgandi. Ma’lum bo‘ldiki, 56,7 balldan kam to‘plagan abituriyentlarning 70,5 foizi avvalgi yillarda o‘qishni tugatganlar, 29,5 foizi joriy yilgi bitiruvchilar bo‘lgan.

❓Joriy yilda maktablarni tugatgan 359 ming 790 nafar yoshlar testga kirgan. Shularning 36 foizi (129 ming 609) 56,7 balldan kam to‘plagan. 2023 yilda eng yomon ko‘rsatkich, Andijon viloyatida (41,9 foiz), eng yaxshi ko‘rsatkich esa Buxoro viloyatida (27,1 foiz) qayd etilgan.

‼️Ya’ni Buxoroda joriy yili maktabni tugatgan o‘quvchilarning 72,9 foizi 56,7 balldan ko‘proq natija ko‘rsatgan. Maktab bitiruvchilarining o‘rtacha bali 76,1 balni tashkil qilmoqda. Ushbu natijalar hududlar kesimida ta’lim sifati qayerda yaxshiligini ham ko‘rsatadi.

@talimationuz — TAʼLIM DOIMO MUHIM!

📣Rasman: Sentyabrdan 10-11-sinf o‘quvchilari o‘zi xohlagan fanlarni tanlab o‘qiydi

✅2023/2024 o‘quv yilidan boshlab bosqichma-bosqich umumiy o‘rta ta’lim muassasalarida yangi o‘quv dasturlari amaliyotga kiritiladi.

Bunda 10–11-sinf o‘quvchilarining qiziqish va qobiliyatiga mos bo‘lgan ixtisoslashgan dasturlar asosida bilim berish amaliyoti joriy qilinadi.

👉10–11-sinflardagi 14 ta majburiy fanlar takomillashtirilgan yangi o‘quv reja asosida o‘quvchilarga 8 ta majburiy fan va 2 ta tanlov fan (kimyo-biologiya, matematika fizika, tarix-huquq, ona tili va adabiyot-chet tili)ni tanlash imkoniyati yaratiladi.

@talimationuz — TAʼLIM DOIMO MUHIM!

☄️ Energiyani yo'qotadigan narsalar

➡️o'tmishdagi xatolaringizni eslash;
➡️biz bo'lmagan odam bo'lishga harakat qilish;
➡️atrofingizdagi hammaga o'z qadringizni isbotlashga harakat qilish;
➡️biz nazorat qila olmaydigan narsalarni boshqarishga harakat qilish.

@talimationuz — TAʼLIM DOIMO MUHIM!

🫠Talabalikka tavsiya etilgan abituriyentlarning 48 foizdan ziyodi ayollar

✅ Joriy yilda oliy ta’lim muassasalarining bakalavriat ta’lim yo‘nalishlariga o‘qishga kirish uchun 948 491 nafar abituriyent onlayn ro‘yxatdan o‘tdi. Bunda:

🙋🏻‍♂️erkaklar — 419 327 nafar (44,2 %) ni;
🙋🏻‍♀️ ayollar — 529 164 nafar (55,8 %) ni tashkil etdi.

👨‍🎓Test sinovi natijalariga ko‘ra 193 421 nafar abituriyent talabalikka tavsiya etilgan bo‘lib, ularning:

🔹 100 491 nafari (52 %) — erkaklar;
🔹 92 930 nafari (48 %) — ayollar hissasiga to‘g‘ri keladi.

🎓Abituriyentlarning test sinovida to‘plagan ballariga e’tibor qaratilsa, ayollar erkaklarga nisbatan yuqoriroq ball to‘plagan holda talabalikka tavsiya etilganini ko‘rish mumkin.

🟢 Talabalikka tavsiya etilgan abituriyentlarning o‘rtacha o‘tish bali davlat granti asosida:

👉 erkaklarda — 112,4 ballni;
👉 ayollarda — 125,1 ballni;

🔵 to‘lov-kontrakt asosida:

👉 erkaklarda — 88,9 ballni;
👉 ayollarda — 98,5 ballni tashkil etgan.

📈 Erkaklar va ayollarda o‘rtacha o‘tish ballarining bunday farq qilishi ular ro‘yxatdan o‘tishda tanlagan ta’lim yo‘nalishlari va ulardagi o‘tish ballari bilan bog‘liq.

▶️Ta’lim sohalari bo‘yicha foiz hisobida olinganda:

🔸“Ijtimoiy ta’minot” (91,7 %), “Tillar” (88,5 %) va “Ta’lim” (78,7 %) sohalariga ayollar;
🔸“Transport xizmatlari” (93,5 %), “Arxitektura va qurilish” (84,8 %) va “Axborot-kommunikatsiya texnologiyalari” (75,3 %) sohalariga erkaklar ko‘proq talabalikka tavsiya etilgan.

⬇️Abituriyent (erkak va ayol) larning ta’lim sohalari kesimida talabalikka tavsiya etilish ko‘rsatkichlari bilan quyidagi rasmda tanishish mumkin.

@talimationuz — TAʼLIM DOIMO MUHIM!

⚡️Talaba-yoshlar uchun ajoyib yangilik!

Bu ajoyib tashabbusga o'xshaydi! “MAAB Innovation” MChJ tomonidan taqdim etilayotgan “Roommate” ilovasi oliy o‘quv yurtiga kirayotgan talabalar uchun o‘z universitetidan mos ijaraga turar joy va potentsial xonadoshlarni topish uchun qulay platformani taqdim etadi.

🌐Ushbu innovatsion ilova yordamida yashash uchun joy izlayotgan talabalar oʻz universitetidagi boshqalar bilan bogʻlanib, ijaraga uyni baham koʻrish uchun mos xonadosh topishlari mumkin.

✅Ushbu tashabbus talabalar uchun munosib turar joy topish jarayonini osonlashtirish va universitet talabalari oʻrtasida hamjamiyat hissini rivojlantirishga qaratilgan.

📱Ilovani yuklab olish: Android | iOS

@talimationuz — TAʼLIM DOIMO MUHIM!

🏠 Yangi talabalar turar joyi foydalanishga topshirildi

‼️Bugun Samarqand iqtisodiyot va servis institutida 240 o‘rinli davlat-xususiy sheriklik asosida qurilgan yangi talabalar turar joyining ochilish marosimi bo‘lib o‘tdi.

☝️Unda institut faollari, ota-onalar hamda talabalar ishtirok etdi. Yangi binoda dars tayyorlash uchun alohida xonalar, kutubxona, karaoke zali, kompyuter xonasi, qizlar hamda yigitlar uchun alohida sport xonalari mavjud bo‘lib, unda talabalar bo‘sh vaqtlarini mazmunli o‘tkazishlari mumkin.

📌Shuningdek bugun 375 o‘rinli talabalar turar joyining taqdimoti ham o‘tkazildi. Taqdimot ishtirokchilariga yotoqxonaning avvalgi va hozirgi holati, talabalar uchun yaratilgan sharoitlar namoyish etildi. Qayd etilganidek, turar joy sport maydoniga katta o‘zgartirishlar kiritilgan bo‘lib, futbol maydoni to‘liq sun’iy chim bilan qoplangan. Mashg‘ulotlar o‘tkazish uchun qo‘shimcha sport jihozlari o‘rnatilib, binoning hovli qismi obodonlashtirilgan.

@talimationuz — TAʼLIM DOIMO MUHIM!