🏴 نواعي علويــــــة 🏴

في رثاء أمير المؤمنين الإمام علي بن أبي طالب عليه السلام


أبوذيــــــــــــــات

يبويه منهو للهامه فطرها
ومثلها مهجتي والله فطرها
يبويه شالعمل ليلة فطرها ؟
إذا رحتْ وبقت داري خليه


يا ريت الأجل لَيَّه ولاجاك
عمت عيني ولا أسمع ولاجاك
شفت چم ضيم يابويه ولاجاك
يحيدر چم مُصاب وچم رزيه


نعـــــــــــــــي

تبچي العقيله وتجر حسرات
واتنادي يا قاضي الكلافات
قلبي شبع يا بويه آهات


اشتخفي يبو الحمله عَليَّه
تنظرلي وعينك جريه
چن نظرة اوداع ومنيه


بويه أحس بعيونك اوداع
ياحلو المعاني وحلو الأطباع
لا ترحل يبويه اجروحي اوساع


بعدي ترى ما طاب جرحي
وابليل المصايب غاب صُبحي
من يوم الضلع مكسور جنحي


لتغرب يبويه عَنَّه واتروح
مني تروحن ياعلي الروح
وليلي يبويه يبقى للنوح


ترحل وأنا بعدي بمصيبه
يَمداوي اقليبي وطبيبه
بعدك ترى زينب غريبه
_______
تمت بحمد الله تعالی
فاطمہ كريم
نسألكم الدعاء لتعجيل الفرج
يــــــــــا أبا عبـــــــــــــــدالله

•● نواعي في مصاب امير المؤمنين عليه السلام ليلة التاسع عشر ●•

#ليلة_١٩

● ابوذيات :

ولا واحد مجان المرتضى وصلاه
لان حبه اجر للمصطفى وصلاه
بشهر رمضان وابفرضه ووصلاه
على الهامه انطبر حامي الحميه

علي يامنجي كل مذنب واملاه
عجز كل حاسد لقدرك وملاه
يسيل الدم على المحراب واملاه
وضجت للدما كل البريه


يون ليش الفلك ويلي علامه
وتشيلون الولي خويه علامه
لوداع المرتضى بانت علامه
وحزنت للجره الجنه العليه
------------
● نعي :

اسم الله يبويه وسالم الراس
ياركن الهدايه ونور للناس
اعليك يالوالي الف لاباس
ياامشيد الشريعه امعلي الساس
ررايح يبويه و جيت محمول
اسم الله وبيدين الاهل مشيول
والدمع بمصابك اليوم مهمول

سالم يبويه وشفتك اشلون
كلْف المصاب وعميه لعيون
تبجيك اليتامى وبس ينوحون

ايس طبيبك والقلب ناح
وشفته يِصَفْق الراح بالراح
جرحك يبويه فتَّحْ اجراح
-------------------
● نعي الفراق :

صرخه ضجت وابفجر صاح المنادي
صرخه ضجت وادخلت في كل وادي
صرخه ضجت والعنت سيف المرادي

صرخه ضجت انهدت اركان الشريعه
صرخه ضجت وامتلت حزن الوسيعه
صرخه ضجت ياعظم هاي الفجيعه
صرخه ضجت علي ماتمم صلاته
صرخه ضجت قربت لحظة وفاته
صرخه ضجت اعلنت اخر حياته
-----------

● طور الجفيري :

سالم يبويه يا علي
ياخيمتي وشمعة هلي
سالم اريد ترد الي
وجرحك سالت الله يطيب

طيب يغالي كل جرح
مااقوى اشوفك منطرح
سالم وبالك منشرح
ابجاه ياربي الحبيب

انشلت يمينن الصوبك
وشلون بيده يضربك
ياويلي بويه عذبك
وبسيفه للهامه يصيب

دمع اليتامى لك همل
بويه يا خير لكل عمل
خوفي ونفقد كل امل
وادواك ضابع للطبيب
----------------
● نعي تغريد :

من صوبلك الهامه وهدم للهدى اركان
يابويه جمر بيه اشعل بالقلب نيران
اسم وسالم العيني واعليك الفلك حزنان
ياريف اليتامه اشلون وابهمه القلب حيران
انظر هامتك بويه والوجه انقلب الوان
عميه عيوني يالكرار رفعوا للفراق اذان

---------------

● نعي المصيبه :

انشلت يمينك يبن ملجم
لاركان الهدى اتهدم
ولهامة الكرار تجسم
ولقلوب الاهل تلجم
لصيامه خل ايتمم
تريد ايتامه اتيتم

___
تمت بحمد الله تعالى
بقلم : بنت الشمري

•● نواعي مصاب امير المؤمنين عليه السلام
ليلة العشرين من شهر رمضان ●•


#ليلة_٢٠


● ابوذيات

علي الجان العمر قربي ويمناي
اشوفه سالم احلامي ويمناي
اصفقت يسراي بالحسره ويمناي
واقولن يالولي اعليك شبديه

دمع عيني عليك اليوم وشله
وجرحك مانفعله اخياط وشله
يابويه خوفي لا ترحل ووشله
تشيل واجرع ابحزن واسيه
———-

● نعي
ايس طبيبه ومالقى ادواه
فطر اقليبي وبعد وجواه
والضوه البعيوني طفاه

اسمع ونينك روحي اتروح
راسي بدالك ليته مجروح
واشلون اشوفن طلعة الروح

سالم يبويه وروحي تفداك
وقلبي خديته بونك اوياك
دمعي يغالي بحرقه ناداك

حاوبني يوالي ورد عليه
مهموم القلب شايل اسيه
شبعانه روحي من الاذيه

عميه اعيوني وتنظر اشلون
واشلون اشوف امغير اللون
واتدير يالغالي بالعيون
———-
● نعي فائزي

ايس طبيبه ومالقى للغالي ادواه
مجروحه ويلي هامته والجرح اذاه


ايس طبيبه والقلب ناح وتفطر
ويقول للفرقه الولي جنه تحضر
ادموعه طاحت والدمع منه تعذر
مابيدي طب ولا دوه ولاحيله وياه

ضايع علاجه يالحسن مابيدي حيله
طبرات راسه وحالته الصعبه الهزيله
هالليله بس ومقترب موعد رحيله
اتزودوا منه المسا وثانتظروا فرقاه

يالعروةالوثقى ياحيدر سور الايتام
سالم يبويه يالولي وبطول الايام
اشلون عينك غمضت عن زينب تنام
غالي ابويه يا خلق والروح تفداه
————-
● نعي تغريد

ايلوج المرتضى الكرار وفطر قلبي بونينه
يالوالي فداك الروح. وعمري وباقي اسنينه
تجهر وحدك وونيت وداير عني ابعينه
مربوط وعلى الهامه. وربي وحده ايعينه
فطر قلبي ياحاله. وروحي بونه ارهينه
يابويه يابعد الروح ونك بيه سجينه
————-
تمت بحمد الله تعالى
بقلم : بنت الشمري
#ليالي_الأنين

|| نعي ليلة العشرين من شهر رمضان ||

#ليلة_٢٠

•وزن {البحر الطويل}
•طور : لفى عاشور { الشيخ المعاتيق}
▪ لسان حال السيدة زينب عليها السلام
.
.

يبويه لو يصح بدواك •• نظر عيناي لأفديها
بدليلي ومهجتي وروحي •• طبرْتك چان أداويها
وترد يابو الحسن لينه •• وأيتامك تباريها
ماتدري اشكثر يصعب •• مصابك ياعلي إعليها

آه ياحيدر آه ياحيدر آه ياحيدر آه
آه ياحيدر آه ياحيدر آه ياحيدر آه

حسافه من بعد عينك •• يتيمه أبقى يا حيدر
تظل الدمعه بعيوني •• إبحسرته قلبي يتفطر
بعد ماشوفن الأفراح •• وأظل بهمي أتحسر
أذوق إفراق أذوق آلام •• بعد عيناك أتيسر

آه ياحيدر آه ياحيدر آه ياحيدر آه
آه ياحيدر آه ياحيدر آه ياحيدر آه

دليلي ياعلي مجروح •• ومصابك يصعب إعليه
مصاب أمي شفت وحده •• إشسوى يا علي بيه
بعد قلبي يداحي الباب •• ما يحمل وداعيه
يبويه لو رحت عني •• اشيظل يابو الحسن ليه

آه ياحيدر آه ياحيدر آه ياحيدر آه
آه ياحيدر آه ياحيدر آه ياحيدر آه

أظل محزونه بفراقك •• وعيني عالحسن وحسين
أخافنهم يودعوني •• وياخذهم يبويه البين
وچم محنه بعد وامصاب •• يتانوني ينورالعين
وأحس بويه أظل وحدي •• يعاشرني الحزن وونين

آه ياحيدر آه ياحيدر آه ياحيدر آه
آه ياحيدر آه ياحيدر آه ياحيدر آه
〰〰〰〰
تمت بحمد الله تعالی
✍🏻 / فاطمہ كريم
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي كريم صالح
وأرواح المؤمنين والمؤمنات

#مجالس_استشهاد_امير_المؤمنين
#شور_لمولاي_علي_ع


سر الحياة برسمك = يا علي مولا
فاق العوالم علمك = يا علي مولا
عبدك دخيل عيونك = يا علي مولا
بعرش الله مخطوط اسمك = يا علي مولا

-- قادر مناصر == علي علي
-- كحل النواظر == علي علي
-- ارزق دليلي يسير عليك ، ،
-- مُحيي المقابر == علي علي

- لمنه جوه ايدك == ابو يحب ولده ،
- بشر من خيرك == كل لحم زنده ، ،
_________________________________
يسرح خياله الشافك = يا علي مولا
بيا چلمه الم اوصافك = يا علي مولا
اگعد واگوم بأسمك == يا علي مولا ،
لا فتى يبقه اخلافك == يا علي مولا

-- معنى الحقيقة == علي علي
-- بساعه ودقيقه == علي علي
-- فزز غفلتي ودليني بيك
-- الدين وطريقه == علي علي

- انحر اذنوبي == بلمسه من ايدك ،
- كلشي بيامي == يا علي يريدك ،
_________________________________
منطيني كلشي وكلشي = يا علي مولا
حته استقامة رمشي = يا علي مولا ،
هنياله گلبي يحبك = يا علي مولا ،
يطوف بضريحك نعشي = يا علي مولا

غاضب محاسب == علي علي ،
بدمعاتي كاتب == علي علي ،
هوّن عليه بُعد الوصال ، ،
لعيوني حاجب == علي علي

مؤنس ايامي == العندي بس منك ، ،
تخلص حروفي == السولفت عنك ، ،
_________________________________
يسرح على اسمك بالي = يا علي مولا
عبدك واجيتك خالي = يا علي مولا
ارزقني عطف چفوفك = يا علي مولا
منك نجاح افعالي = يا علي مولا ،

عيني اعله عينك == علي علي
دليني وينك == علي علي ، ،
خفف عليه الحمل الثگيل ، ،
من ضي جبينك == علي علي ،

يابعد حيلي == تريدك اسنيني ،
ما عفتك طيفك == نايم بعيني ،
_________________________________

- علي مهدي المالكي ، ،

#مجالس_استشهاد_امير_المؤمنين
#نزله_للامام_علي_ع


بقل اعوذ ابرب الناس = يبدي بكيفه ،
بسم رب الخلق عباس = بسمل سيفه ، ،
بحيدر حار امري == شكتب ما أدري ،
بسمل سيفه == بسمل سيفه ،
_________________________________
بس يهز راسه الشمس تصرخ سلاماً
ترجف الكاع الحدر جدمه احتراماً
الجيش يتخربط قعوداً وقياماً
في جبين الدين موضوعاً وساماَ

- تارس عيون الحرب ليل = فارس خيبر
- امفحط الخياله والخيل = زلمه امعتبر ،
بيك اعدل ظهري = شكتب ما أدري ،
بسمل سيفه == بسمل سيفه ،
_________________________________
اخجل اكبال اسمه ولحد مستحاتي ،
ترجف ايدي وييبس الساني ولهاتي ،
من بعدني اتراب احبك ولمماتي ، ،
شحچي عن الشبع اطيور الفخاتي ،

- ايقرب بسيفه المسافات = دار الكوكب ،
- لو احچيلك ع الكرامات = بالبدايه اتعب
ما كلني قهري == شكتب ما أدري
بسمل سيفه == بسمل سيفه ،
_________________________________
هلا يابو حسين يا صرح الشهامه ، ،
انت قائد ع اليتامه وع النشامه ، ،
الدين فوگ چفوفك ينام بسلامه ، ،
انحطت الجنه اعله مودك بالقيامه ،

- بكلهن ادخيلك يمولاي = يا سلطاني ،
- عشگك امن الله بده وياي = حب رباني
يرخصلك عمري = شكتب ما أدري ،
بسمل سيفه == بسمل سيفه ،
_________________________________
يا ربيع الروح يا طيب الخواطر ، ،
بسمك اترس مسمعي اتكحلي ناظر ،
باچر الياخذني ويذبني اعله باچر ،
يالتحاچي الموته بحظان المگابر ،

- صيتك بكل معركه يعيش = ما يتغير ،
- الطكه منك موش بالريش = تكطع منحر
يالرافع قدري == شكتب ما أدري
بسمل سيفه == بسمل سيفه ،
_________________________________

- علي مهدي المالكي ، ،

#نعي في مصاب امير المؤمنين علي عليه السلام
لسان حال السيدة زينب عليها السلام

يبوالحسنين ياحامي الحميه
بويه بياوضع جابوك اليه
مخضب بالدمه بسيف المنيه
يريت البيك بويه يصير بيه
ولاشوفك جريح بهالمسيه
يبويه منين اجتني هالرزيه

عسه الصابك يبويه نشلت ايده
يطبرك ليش ياروح العقيده
انت الچنت ياحيدر تفيده
يجازيك بحقد تالي ومكيده
يطبرك ياعلي الطبره الشديده

يريتك ياعلي تكوم بسلامه
بشهر رمضان وتمم صيامه
اجانه العيد يابدر الامامه
لا تفجع علي گلوب اليتامه
منك تدري محتاجه ابتسامه

سيد زيد الفحام
__________________

في رثاء امير المؤمنين علي عليه السلام


انت الچنت تضوي الارض وتلالي
معقوله تسكن بالگبر يالغالي
.......
عجيبه المثلك يجرحوه يبوالايتام والفقره
الأكل من چفك وتكسيــه يجازيك بأشد طبره
السبب موبيك ياحيدر السبب معروف بالبذره
ابن ملجم ردت تهديــه لچن مانفعته العِشِره

بسيفه اللعين يجازي عطفك تالي
معقوله تسكن بالگبر يالغالي
.......

مثل گلبك علي هيهات واحد بالبشر شايل
ينزف جرحك وتوصيه ابنك يرحم الفاعل
هذا اللي طبر راسك تعرفه الحاقد القاتل
لچن عفوك وسع فعله رؤوف بحاله تتنازل

شايل سماحه بيها ذاهل بالي
معقوله تسكن بالگبر يالغالي
.........

حنين عله اليحبونك ورؤوف عله اليبغضونك
لأن تنفع جميع الناس عدوانك يحسدونك
علي واسمك يهز الگاع من حگهم يخافونك
لذلك بالصلاه عرفوا بغدرهم اي يطبرونك

يلوحك دنيئ وانت دومك عالي
معقوله تسكن بالگبر يالغالي
............

آني ام الخدر زينب عفاني شلون وتحمّل
اشوفك ياعلي مجروح شيبك بالدم مغسّل
ما تگدر علي تنهض وانت الفارس الاكمل
عجيبه اللي قلع خيبر عله چتاف البشر يُنقل

يابويه محرابك يريدك خالي
معقوله تسكن بالگبر يالغالي
..........

اجانه العيد لا ترحل يتامه تريدك وفقره
تكسيهم تباريهم عُمُر ويّاهم وعِشِره
بعد من يسأل عليهم علي ياوالد العتره
ابابك ياعلي الايتام اطلع الهه منتظره

وياك اموت الموت هم يحلالي
معقوله تسكن بالگبر يالغالي

سيد زيد الفحام
________________________

ميمر / في مصاب امير المؤمنين علي عليه السلام

ماعوف ابويه الكرار. اني وعلي خلوني
ماريد اعيش بليّاه. بنفس الگبر دفنوني
......................

آنه العشت وي حيدر وعاش وياي
وردة بوسط صحره وعلي چان الماي
وشلون اعيش بلا علي انطوني الراي

خلوا النعش ساعه وياي يخواني لتبعدوني
ماريد اعيش بليّاه. بنفس الگبر دفنوني
......................

ريّض يشيّال النعش وسمعني
ها يالحسن ياخويه لا تفجعني
ابچي عله ابويه الراح لا تمنعني

اشبع بواچي وآهات وي والدي عوفوني
ماريد اعيش بليّاه. بنفس الگبر دفنوني
......................

تدرون حيدر من زغر ربّاني
مثل الاميره عله العرش خلّاني
بس هوه عندي وماكو حيدر ثاني

ريت الاجل خذني وياه ولا ابقه بين ضنوني.
ماريد اعيش بليّاه. بنفس الگبر دفنوني
......................

گاللها يختي عليچ خوفي تموتين
عوفي النعش راح الابو حامي الدين
آنه الحسن يازينب وهذا حسين

يم الخدر هذا الصار حكم الله بي يعيوني
ماريد اعيش بليّاه. بنفس الگبر دفنوني
......................

شالوا نعش والدها زينب ويلاه
لطمت على الراس العقيله لفرگاه
راح وگلب زينب نعه وراح وياه

يالشلتو نعش الكرار ويّه النعش اخذوني
ماريد اعيش بليّاه. بنفس الگبر دفنوني
......................

من بعدك اظلم ياعلي صار البيت
وياك اموت بهالمسيه تمنّيت
يالرحت عني لگبرك وماردّيت

عدواني بويه ودنياي بمصيبتك فجعوني
ماريد اعيش بليّاه. بنفس الگبر دفنوني

سيد زيد الفحام
_______________________

في رثاء امير المؤمنين علي عليه السلام

حيدري آنه بولائي
حبك بروحي ودمائي
يبقه بس ليك انتمائي
ياعلي. ياعلي
......................

بعالم الذر آنه ياحيدر عشگتك
روحي صاحت ياعلي منها وعرفتك
تمسّكت بيك وابد ما لحظه عفتك
ومن صرت بالدنيا نذروني لخدمّتك
جرحك بگلبي لهيبه
ياعلي وعشت المصيبه
يطبرك الحاقد عجيبه
ياعلي ياعلي
....................

آنه لوما شفتك بعيني الزغيره
ما يهم شفتك علي بعين البصيره
الله وصّه بحبك وماعدنه غيره
والله وجهي لغير وجهك ما اديره
دمّك الطاهر نزيفه
يرفض اصحاب السقيفه
لا تظن نهجك اعيفه
ياعلي ياعلي
......................

تصوّرتها الحاله وبروحي المشاعر
چني بالمسجد اصلّي وياك حاضر
لن ابن ملجم اجه ولسيفه شاهر
گتله لا تطبر ابونه لا يكافر
ما سمع صوتي وتعدّه
صابك ودمّك تبدّه
ماگدرت ابروحي اردّه
ياعلي ياعلي
.....................

من طحت مخضوب مولاي بدمائك
"فزت" تهتف ياعلي اسمع ندائك
تخضّب بدم راسك الطاهر ردائك
ردت بالدم تختم لربك وفائك
چني بالمسجد اشوفك
طايح وبالروح اطوفك
ابچي ما اگدر اعوفك
ياعلي ياعلي
..................

تغيّر الكون وصياح الناعي اسمعه
ركّزت جبريل هذا بصوته ينعه
انهدمت اركان الهداية ويجري دمعه
يصيح جرحوا حيدر وگلبي يفجعه
بليلة القدر العظيمه
چم يتيم وچم يتيمه
انفجعوا بهاي الجريمه
ياعلي ياعلي
.......................

بهذا حالك شفتك تصد عاليتامه
تندعيلك ياعلي تگوم بسلامه
رغم جرحك وجهك يشع ببتسامه
وكل يتيم دموعه تحچي مو كلامه
تنزف وعينك عليهم
ايدك تلامس اديهم
ضاگت الاكوان بيهم.
ياعلي. ياعلي

سيد زيد الفحام
___________________

قصيده في مصاب امير المؤمنين علي عليه السلام

نحتاج لأمانك. يالماكو بحنانك
ياحيدر دخيلك. لا يفرغ مكانك
.........

ياعلي أرحمنه مو وكت المنيه
بويه لا تفجعنه ياحامي الحميه
اقسم عليك بكسر ضلع الزچيه
لا تودعنه وتغيب بهالمسيه
من يعطف علينه ويغمرنه بحنينه
لا تحچي برحيلك لا يفرغ مكانك
.............

يالچنت كل ليله تفطر وانه يمك
لكن الليله فطرت بفيض دمك
راسك المجروح من تحچي يلچمك
ما اريد ابچي اخاف يزود همك
دمعي المابچيته بعيونك لگيته
بويه واندعيلك لا يفرغ مكانك
..............

انشلّت يمينه الطبر راسك يحيدر
من كثر نزف الدمه لونك تغيّر
جرحك براسك لچن جارحني اكثر
وگلبي من هذا الجرح ذاب وتفطر
ياريت ابدالك. يجرالي الجرالك
حيره واشتكيلك. لا يفرغ مكانك
.............

بويه لوما شوف وجهك اعمي عيني
شلون عني تغيب وتفارگ حنيني
ريت بتراب الگبر ادفن سنيني
ولااسمعك تحچي كلمة ماتجيني
يابدر الليالي لا ترحل يغالي
خليني بديلك. لا يفرغ مكانك
..............

بويه ياحيدر اجت ليك اليتامه
تندعيلك ياعلي تگوم بسلامه
عليها صار اليوم چن يوم القيامه
بويه اجاها العيد وتريد ابتسامه
مجتمعه عله بابك. مفجوعه بمصابك
ما تلگه مثيلك. لا يفرغ مكانك
................

شلون بيه ياعلي لو فارگتني
آنه زينب بويه ونت الدللتني
شلون ماشوفك بعد يالعوّدتني
والله بوداعك يحيدر عذبتني
رايح من اديه. ما ترجع عليه
لا تفجع خليلك. لا يفرغ مكانك

سيد زيد الفحام
___________________

ليلة عشرين من شهر رمضان حال مولاتي زينب عليها السلام

( دارمي )

طور ملا باسم مشتاگه للعباس روحي الحزينة .....



زينب تجر حسرات يم راس ابوها

واساها بالونات والدمعه اخوها

............
............

تحاچي الحسن بهداي وترد للحسين

ياخويه ابونه اليوم مايفتح العين

مارد عليّه اجواب ومسكن الونين

جوها الحسن وحسين ويصبروها

............
............

مترادي حامي الجار واييس طبيبه

يختي الجرح مسموم ماصحله طيبه

كون الدوى ينباع بعيوني اجيبه

لطمت وجيهه ام عون من خبروها

............
............

جسّه الطبيب وگال كتبو الوصيه

وياكم الكرار بس هل مسيه

يازينب افگدناه حامي الحميه

الطبره صعبت حيل ماطيبوها

............
............

صيحة گلب مفجوع صاحت يحيدر

للفرگه ياكرار يابويه مگدر

والدنه طيف الموت عد راسه يفتر

لزينب يبو الحملات روحك نعوها

............
............

گطّع انياط الحيل ناعي المصايب

چودر بنص الروح ليل النوايب

صوبلي لب احشاي فگد الحبايب

عافيتي يالماشين مني خذوها

............
............

ياعلي تبدي انوب رحلة عذابي

طبرتك فكت باب بويه لمصابي

حاچيني ياكرار وانعم جوابي

بالطبره روحي اوياك هم صوّبوها

............
............

أم محمد الحجاج / العبادي

١٦ / رمضان ١٤٤١

الموافق
١٠ / ٥ / ٢٠٢٠

اشتياق علي لفاطمه عليهم السلام

ياعشـــگ للوحه      علي حنت روحه
وصل حده الشوگ   گلبه طـگ عالزهره
چان كاتم ضــيمه   العشك مابي شيمه
علي زلمه وحوك     بس يحب من زغره
مشكله اليفگدله محبوب
الناس ماتفتهمه چندوب
الماتهطره الخيل   اسم زهره ايهطره


اصوابه ماهــماله     چان شاغــل باله
اضن محسن صار   الجنه شيخ اعليهه
انحسدتو اثنينكم    الباب فرق بينكم
علي والزهراء        سالفه شيگضيهه
علي تدري بالـــــزجيه
الورده صارت مزهريه
لم جروح البيك     وستعد لاگيهه


فاطمه اتگول!!!

وكحـــه يادنيانه     قـــصرت ويانه
علي ايدگ بيبان     وناس تحرگ بابه
يطعم ابجيــراني    وفرهدو بستاني
شيل يابو حسين     دنيـــــتك نصابه
بس تعال العرش مملوك
تلگه حته ايتامك املوك
مايجوع الفقير     وشحلات اثيابه    


وبعد زينب لازم    ماتغثهه الوادم
گلهه تهتم ليش     خيمتچ نمونه
گلـــــهه لاتتأخر     ملتقانه الكوثر
لو نريد ابيوت     من ذهب يبنونه
عايشين ابديره  صـلفه
شنهي هوه الماي وسفه
عالناس احنه اهواي    وهمه الشويونه

*شاكر الصيمري*

وي زينب ايتامك بچو
لاتمـشي وي الي مشو  
لاتجفي گـــلبي ادخيلك
من حيلي فدوه الحيلك


حيلي رك وي الفجر   للباب اگومن ونهطر
شبيهه روحي انشدهت وكلشي صفن
غير الحگ عالــدمع    چفي عالگصه انطبع
من شفت شيباته بالدم نگــــــــــــطن
هايبويه عيوني ماشبعن حــــنينك
طشرو عشگ امي ونباگت سنينك
واصل الدم يابو زينب لحد عينك
نشفته بيدي وماگــــطع
دمك مسحته وهم رجع
گـــــابلتك وابچــــيلك
لاتجفي گلبي ادخيلك


بيك فك ريجه الصبح   روحك ترافه وتنجرح
والبگه من عـمرك ابعمر اليتيم
مره دافــــــن فاطمه    ومره كل راسك دمه
مرّتين اتردلي وتشبعني ضيم
امسك امــن الموت مو من الكلام
بويه اذا تمشي عليه اقره السلام
الباب والمــــحراب ناتجهن خيام
صار العـــــمر سفرة ألم
يوم بسبي ويوم بخيم
اسمع چلمتي اشكيلك
لاتجفي گلبي ادخيلك


ساكت وعينك حچت    اختنگ كلما بچت
ضام چلمة بويه وين اتوسلك
بويه يالكـــــــلك دفو   تدري بيتامك غفو
لو بعدهم كاضـــين الباب الك
گـــلبي كسرين انكسر والدنيا تفتر
توها راحت فاطمه ويلحگها حيدر
دللـــــــوني اثنينهم ياگـلبي شصبر
كلما اچــــذبها العيون
ارجع وگولن مايجون
كلــــهم طفو وي ليلك
لاتجفي گلبي ادخيلك


اليفگد امن الدنيا أب   حگه لو عــــمره نحب
اه شيكض گــلبه من يشتاك اله
ليله يتگــــــلب سهر    اجفونه يعصرهن عصر
كل صبح ماجاب ابوه بي لاهله
الله لاينطيك يالــــــــــــجارح حنانه
روحي امانه وخــــــذ ياربي الامانه
البيت فاهي ابلا علي وخالي مچانه
شماســولف بطاري علي
الحايط يرد صوتي الي
رايح ترا خليــــــــــلك
لاتجفي گلبي ادخيلك


شابگــه اثيابك وون     نايم اگبالي واحن
هسه يگعد هسه يشفه گلبي رف
يطلع ويدخل عليك   الحسن مفجوع بيك
هازينب جـــــــرحه مابطل نزف
شهگ شهگه وضل يأشرلي ابيمينه
گلي چلمة وغمضاها اگــبالي عينه
شدي حيلچ بويه زينــب للضعينه
شلت ايده بس مابي نفس
والبيت بالبـــــويه انترس
باوعلي انه اومــــيلك
لاتجفي گلبي ادخيلك

*شاكر الصيمري*

نعي

جاءت مولاتنا زينب وأخواتها دخلن على أمير المؤمنين عليه السلام حين نظرت لابيها وراته على تلك الحال الراس مطبور والشيب مخضوب وهو على فراشه يتصبّر ويتجلّد والألم بادي عليه نادت مولاتنا زينب عليها السلام وا اباه واعلياه رق قلب امير المؤمنين عليه السلام لحالها وجرت عيناه وبكى اخوتها لبكائها ولسان حال الشاعر يصف ذلك الموقف وكأني بها قالت ......


من شاف زينب اجته صاح ويلاه

وانكسر گلبه عليهه وجرت عيناه

يوم اطبرو هامته ماناده احاه

بس من اجن يمه بناته جذب حسرات

............
............

شافن دماه يسيل والشيبِ مخضوب

من شدة الضربه او وجعها بوهن يلوب

وين العمامة ياعلي والراس مصيوب

يالماتنام الليل نايم يبو الحملات
............
............

تمسح الدم ام عون عن وجه ابوها

وحنّت او انّت وبچّت حتى اخوها

سمعو بچيهه اخوانها وكلهم اجوها

يم العقيلة گعدو يهلّون دمعات

............
............



عاينت راسه وشافت الطبرة شديده

وحالة ابوها من الالم صعبه ومچيدة

التفت صوب الحسن واشرله بيده سكت العقيلة يبو محمد والبنات

............
............

صار البچه والنوح وي ام عون حنّه
سمعوها صاحت ياوسف يابو المحنّه

تفسر الصخر ونّتهه ويلي شلون ونّه
حي بعده حامي الجار شسوي لومات

............
............

أم محمد الحجاج/ العبادي

١٦/ رمضان ١٤٤١

الموافق
١٠ / ٥/ ٢٠٢٠

زينب تجر حسرات يم راس ابوها

بالونه والدمعات واساها اخوها

............
............

تحاچي الحسن بهداي وترد للحسين

ياخويه ابونه اليوم مايفتح العين

مارد عليّه اجواب ومسكن الونين

جوها الحسن وحسين ويصبروها

............
............

مترادي حامي الجار واييس طبيبه

يختي الجرح مسموم ماصحله طيبه

كون الدوى ينباع بعيوني اجيبه

لطمت وجيهه ام عون من خبروها

............
............

جسّه الطبيب وگال كتبو الوصيه

وياكم الكرار بس هل مسيه

يازينب افگدناه حامي الحميه

الطبره صعبت حيل ماطيبوها

............
............

صيحة گلب مفجوع صاحت يحيدر

للفرگه ياكرار يابويه مگدر

والدنه طيف الموت عد راسه يفتر

لزينب يبو الحملات روحك نعوها

............
............

گطّع انياط الحيل ناعي المصايب

چودر بنص الروح ليل النوايب

صوبلي لب احشاي فگد الحبايب

عافيتي يالماشين مني خذوها

............
............

ياعلي تبدي انوب رحلة عذابي

طبرتك فكت باب بويه لمصابي

حاچيني ياكرار وانعم جوابي

بالطبره روحي اوياك هم صوّبوها

............
............

أم محمد الحجاج / العبادي

١٦ / رمضان ١٤٤١

الموافق
١٠ / ٥ / ٢٠٢٠

ياهو،،،،،، ياهو بيكم عل جرح يصبر ليالي
يا هو،،،،،،ياهو متئكد يظل كل عمره غالي
بس ابو الحسنين،،،،،بس ابو الحسنين
ياهو،،،،،ياهو


انته بس انته تضل غالي وغلاتك
ياهو من هاي الخلگ يحمل صفاتك
الله بس يعرف انته شگد علاتك
تذكر الوادم لمن تدعي بصلاتك


ياهو،،،،،، ياهو كل عام النذكره بحرگ دمنه
ياهو ،،،،، ياهو بس عليه تنزل كل دمعنه
بس ابو الحسنين،،،،،بس ابو الحسنين


خيبر اختل من سمع جته القياده
جته أفواج وسرايا بلا عباده
من جهب حيدر علينه بلا اراده
انفتحت ابواب السمه بيد السياده

ياهو،،،،،،،ياهو بيده انتفح خيبر بل بدايه
ياهو ،،،،،،ياهو أحفاده مشن بل طف سبايه
بس ابو الحسنين،،،،،،بس ابو الحسنين


انته اول شخص يفدي النبي بروحه
من نمت بفراشه حته اتخف جروحه
اسمك اشعلوه يحيدر من يلوحه
منذكر اسمك جن عطر منه يفوحه

ياهو،،،،،،،،،،ياهو خله الناس تتحير ابئمره
ياهو،،،،،،،،،،ياهو اسمه من تذكره شعلوه قدره
بس ابو الحسنين،،،،،،بس ابو الحسنين


واحد وعشرين رمضان امنجانه
بيه نتفقد علي ونفگد حنانه
من سمعنه انطبر رأسه وبمچانه
بل مكان البيه يتقبل دعانه


ياهو،،،،،،،،ياهو بل مسجد يصلي برأسه طبره
ياهو،،،،،،،،ياهو خله الناس تأخذ منه عبره
بس ابو الحسنين ،،،،،،بس ابو الحسنين


قلم: حسين علي الدليمي⁦✍️

#ليالي_استشهاد_الامام_علي_ع
عظم الله اجوركم

ابوذيات نعي للأمام علي ع

ساعت من طبر راسه جراحاه
وي دمه جرت حسره وجراحاه
كبل ماينطبر حيدر جراحاه
جثيره ابكَلبه من الناصبيه
......................
إهتِف ياوحي الامه وله انصاب
عزاء انطبر عالهامه ولي انصاب
حيدر بالصلاه دَنك وال انصاب
راسه وسال دمه اعله الوطيه
.......................
صَد بعيونه للتربه ترابى
وحط ابجرحه بالمسجد ترابى
فزعله ابنه الحسن يسمع تراباه
وكَع مجروح راح ايضيع فيه

ياسر العارضي

|| موطن هيبتي ||

في استشهاد امير المؤمنين عليه السلام
#ليلة_٢١

• طور : سور البنيته ملا باسم
.


موطن اماني .. بغربه نفاني


يا والدي ساعة وداعك قلبي رف مذبوح
وطير الامل ودعني يابويه بجنح مجروح
عني غفيت وغمضت عينك بعيد تروح
طفوا نهاري ولي شمس وجهك بعد مااتلوح
منبع حناني. بغربه نفاني
————-

يا بويه جاوب دمعتي واسقيني بالنظرات
جفت ورود امْحَنِّتك وانقطعن الشجرات
تمطر سما عينك بُعد وأَتبلل بحسرات
وأتلحف ابغربة قلب وتتشرد النبضات
قاسي زماني بغربه نفاني
—————
ليلة وداعك امطرت غربه والم واحزان
يابويه جن دار الفلك وماحولي اي انسان
جمرة رحيلك سعّرَت بفادي لك نيران
فاس الالم ضلعي حطب يابويه والشريان
حزنك كساني بغربه نفاني
————
بويه يموطن هيبتي وياضحكتي بدنياي
تنفيني منها دنيتك ما تحضنك عيناي
غربه اعيش بغيبتك وبيتي احس منفاي
ياباالحسن صدلي النظر اشلون اقبلت بعداي
قلبك جفاني. بغربه نفاني
_____

غايب يوالي وزنينبك مطرت سماها اهموم
اشلون الحياة ابلاعلي سقف الفرح مهدوم
ذبحتني بويه امصيبتك واقليبي ظل ملجوم
صبح ونهار بغيبتك ماشفته جن معدوم
همك كفاني ابغربه نفاني
————
تمت بحمد الله تعالى
بقلم : بنت الشمري
#ليالي_الأنين