قصیده لاامام علی ع💫
لسان السیده زینب الکبری ع


یلبیدك عــلی ردیت شمس الکون،،
اتوصی جای بآولادك عله ام عـون،،
♦️ــــــــــــــ✨ــــــــــــ♦️
یبعد المــا یشوفن غیـــرك اعیونی،،
علـــه اخیتــه توصی کافل اظعونی،،
مثـــل لونــك یحیدر انبهت لــونی،،
حسن و حسین والعباس ایسمعون،،

ام مهدی مجدم✍🏻
♦️ــــــــــــــ✨ــــــــــــ♦️
يـسمعون الـوصيه وحـيلهم بـايد
يـديرون بنضرهم واحـد الـواحد
شـيصير بحالـهم لو فـگدوا الوالد
يــبويه شـلون بيه وبـيهم اشلون

✍️ام محمد التميميه
♦️ــــــــــــــ✨ــــــــــــ♦️
يبـويه شـلون بــيه وبـيهم اخواني
مـن اعـاين حـالهم تتـزايد احزاني
ومـن هسه انحلت يالوالي ابداني
وبيه شلون شخصك من يشيعون
ام منتظر لأسدي
♦️ــــــــــــــ✨ــــــــــــ♦️
بـيه شـلون شخصك من يشلونه
وبـتراب الـنجف بـاچـر يــدفنونه
بـــيوم الــعيد ايــتامك يــــمرونه
شگــللـهم يــبويه مــن يـــنشدون

        ✍️علويه ام فاضل
♦️ــــــــــــــ✨ــــــــــــ♦️
شـگللهم يـحيدر  گـلي ايتامك
لونـشدوا عليك وذكروا ايـامك
يالمغطي عـليهم چنت بـنعامك
وكل العيد اليمر چانوا يفرحون

✍️ام محمد التميميه
♦️ــــــــــــــ✨ــــــــــــ♦️

تــفرحـــه الـيتامه مـن تـلاگـيها
بيدك يلولي بحب تمسح اعـليها
بـعبابتك لامـها كـلها ومـساويها

بجالك ياعلي الفقره يعيدون

    ✍️ ام منتظر لأسدي
♦️ــــــــــــــ✨ــــــــــــ♦️
──────⊱◈◈◈⊰───

تمت باقلام شاعرات رابطة للطفوف

"شهادة الأمير علي(ع)"

لـو رايـح أخبـرك أول أحزانـي
يا بويـه اليتيمـه بفگدك اتعانـي
ــــــــــــــــــــــــــــــــــــــــــــــــــــــ
بعـد جرحك يحـيدر تكثر جروحـي
أبشـرك لو رحـت ما ينـگطع نوحـي
أنا تمنيـت گبـلك تنـقبض روحـي

أموتن گبلك آنـي وموتي ما جانـي
ـــــــــــــــــــــــــــــــــــــــــــــــــــــ
مو سهلة اليوادع تدري مو سهله
ترا بنيـتك يبويـه المدمع اتهـله
والفارگ حبيـبـه المگبره أهونله

أحسـن مـن حياته العالم الثانـي
ــــــــــــــــــــــــــــــــــــــــــــــــــــــ
يالساكـن كياني وساكـن الناظـر
هم تعلم رحيلك چم گـلب فاطـر
وﷲ دمـوع زينـب تكسر الخاطـر

شيـريـد الزمـن من زغـري عادانـي
ــــــــــــــــــــــــــــــــــــــــــــــــــــــــ
أنا تمنيت هذا العيـد ما شوفـه
أعيـشن يا فرح ودموعـي مذروفـه
من چفوفي حيدر شايل چفوفـه

ريـت اوياه ماخـذ حتى ذرعانـي
ــــــــــــــــــــــــــــــــــــــــــــــــــــــ
انهض شوف بنتك شنهو حالتـها
تنحب يالصميده وتجري دمعـتها
هـاي الچانت اتسليك شوفتـها

چنت سلوى ومُصابك بويه سلانـي
ــــــــــــــــــــــــــــــــــــــــــــــــــــــ
هاي آخر مسيه البينك وبينـي
يوليني الدهر من تمشي يولينـي
هم مرتاحه حسبالك يخلينـي

بعـد لوعة الطف ولوعـة إخوانـي
-------------------&---------------------
بقـلم: اميـر الزبــيدي

وآويلاه يابالحسن

حكهه الشيعه من تلطم تنوح عليك
كل الكون يالكرار ظل ينعيك
$$$$$$$$$$$$$$$$$
موقف ألمانه من الهظم ماهاد
بعد النبي بيك اشعملو الاحقاد
ماصدكنه حيدر بالحبل ينكاد
ياوسفه الثعالب سيدي تاذيك
$$$$$$$$$$$$$$$$$
شكد شايل صبر ياغانمه ودستور
من الزهره من شفت الضلع مكسور
المتن ازرك وخدهه بالحقد مسطور
تحس ارماح مو نظرات صارن بيك
$$$$$$$$$$$$$$$$$
والاعظم مصابك جبل حسره وهم
اركان الهدايا حكهه تتهدم
وعيون الوحي ظلن يسيلن دم
جبرائيل يهتف بالسمه ناعيك
$$$$$$$$$$$$$$$$$
لون الحزن اسود مثل لون الليل
بيته اصبح كلبنه والدموع اسيل
مصابك ياعلي مولاي هد الحيل
شما نلطم يغالي عليك مانوفيك
$$$$$$$$$$$$$$$$$
اليتامه تصيح جرحك بالكلب ماطاب
وكفت ياعلي تنعاك يم الباب
وي طوس اللبن جابت دمع سجاب
وكل ايتيم يجذب حسرته متانيك
$$$$$$$$$$$$$$$$$
من حان ألاجل جبريل لمن صاح
بعد ماظل رجه راعي الحميه راح
كلشي ايهل دمه لجله وبده بنياح
كاس الموت ياوسفه علي يرويك
$$$$$$$$$$$$$$$$$
ولجلكم من لبسناها ثياب السود
لان نعرف رضاكم من رضا المعبود
علي ملينه لمته يضهر الموعود
يرضينه بظهوره بعد مايرضيك
$$$$$$$$$$$$$$$$$
الخادم عبدالمعين الشمري

حان الوداع ابين زينب والوصي حيدر
گلها لتجرين الدمع لا ينشف الكوثر
يالدمعتج معصومه
يازينب المهظومه
          . . . . . . . . . . . . .
مصحف الباري علي ومحور سطوره
وزينب الحوراء بنته يعني سوره
صاح زينب حيدره وسلمها دوره
راد بالطف زينب اتجسد حضوره

سلمها هيبة مظهره البي يرهب العسكر
ونهج البلاغة ابكلمه منّه ابّالها اتفسر
ابكلمه الف معلومه
يازينب المهظومه
          . . . . . . . . . . . . .

أي ايگلها عينج لا تهل يبني يبنيتي دمعات
انتي اذا تبجين الج تبجي السماوات
انتي سوره والمواقف بيج آيات
انتي دستور الصبر خط بيج صفحات

معناها دستور الصبر لمن يعد ناسه
بس انتي لازم يعتنيج ومنحني راسه
يل بالصبر مفهومه
يازينب المهظومه
          . . . . . . . . . . . . .

اتگله من اتگلي هيدي تهيج جمره
بويه بخلافك دليلي ابيش اصبره
ابكل ركن بالبيت عندي وياك ذكره
ابطبرتك حيلي تطبّر ميت طبره

ما يگوه حيلي اعله الصبر واعصابي منهاره
فكرة وداعك ياعلي اتوج بالكلب ناره
نار التظل مظرومه
يازينب المهظومه
          . . . . . . . . . . . . .

ايگلها نقبل بالوداع الما نريده
الباري قدّر هالامر واحنه عبيده
انتي من الآل بنت اول شهيده
ياشبيهة فاطمه ونفس العقيده

امج تودع المصطفى بقوة عقيدتها
وانتي يزينب هسه اصبحتي شبيهتها
حدر الظلع ملجومه
يازينب المهظومه
          . . . . . . . . . . . . .

راح اودعج ويّه اخوتج راح تبقين
اوداعي هيّن من اقيس اوداع الحسين
باجر ابعاشر محرم من تمرّين
انتي التقدمين مهره للميادين

بيدج تقدميله المهر لو حانت الساعه
أصعب من اوداعي يزينب ساعة اوداعه
لا ميتكرر يومه
يازينب المهظومه
          . . . . . . . . . . . . .

عله زينب دامعه ومشبوحه عينه
بهالوضع حيدر علي سكّن ونينه
غمض اعيونه الحسن واسبل ادينه
حسين گام الوالده وقبّل جبينه

من بعده المن تلتجئ ناس اللي معتازه
كل اليتامه حضروا ايشيعون الجنازه
كلها ابحزن مالومه
يازينب المهظومه
          . . . . . . . . . . . . .

خادم اهل البيت عليهم السلام
عمار العيساوي الكربلائي

قصيدة شجاعة زينب ع••||


يازينب يازينب
يازينب يازينب


زينب الحره العفيفه الطاهره
من حچيهه مثلت كل حيدره
يزيد طاح گبالهه من الرعب
يامره زينب اتلحگچ يامره

رغم ذاك الحزن فوگ متونها
ورجفت كل الحدو بضعونها

يازينب يازينب

•••••••••••••••••••••••••••••••••••••••••••••••

فخر فاطم والزجيه امعتبره
وبالقصر وگفتهه سبع الگنطره
شالت احزان الطفو ف متونهه
صابره اعله لصار بالكون وجره

هاي اخت عباس وخت حسينها
وبالعلم من طاحو امحزمينها

يازينب يازينب

•••••••••••••••••••••••••••••••••••••••••••••••

شگد عضميه وفاهمه بت النبي
ماكسرهه السير لا حادي اجنبي
وبالشجاعه چنهه عباس الگمر
أنه بنته الهاشمي والطالبي

عنبر ابكل صوتهه لطيح زلم
ومن سترهه الگاع غطهه بهدم

يازينب يازينب

•••••••••••••••••••••••••••••••••••••••••••••••

مخدره ومهيوبه زينب عالكفر
شامخه بزود الهواشم والگمر
هايه بت الشرف مامنهه مثيل
من جلالتهه القصر كله انسطر

يمهه راس حسينهه وكفالهه
راس طگ ابراس من خيالهه

يازينب يازينب

•••••••••••••••••••••••••••••••••••••••••••••••

وشرد اوصفنچ بعد يالعالمه
هيبة الله وسيرتچ من فاطمه
صابره بزود وعلم عگبه خوتچ
وتبدي منچ مرحلتهه الملحمه

هجت القاده بزلمهه وشارده
چن علي وعباس زينب راده

يازينب يازينب

•••••••••••••••••••••••••••••••••••••••••••••••

چلمة الله وبيچ لازم تنحچي
والزلم من خوفهه شبعت بچي
الشام وهل شام منچ حايره
لشرف كله عليچ حاط ومنتچي

حضرتج بالشام ضل عنونها
ونتي شجرة هاشم وميزانها

يازينب يازينب

•••••••••••••••••••••••••••••••••••••••••••••••
خادم الحسين ع
مهند العايدي

مسجد ومحراب . طايح ابو تراب
يا ناس شنكول . كلي بهل مصاب
.................... . .....................
.................... . .....................
منهو يكلي بهل خبر . بويه زينب ادللي
طايح عل لكاع عمر . طايح أبويه علي
عزتني سمه بهل خبر . صبرتني مو دللي
صيحون يا ناس خراب طايح ابو تراب
.......
ثلاث تيام دمه نازف . ما يوصفه اي علاج
كلي تعبانه اشوفج . بنيتي لدعائج احتاج
لا يروح ارد اكله . بعد المن عكبك اشتاك
طايح بمحراب . طايح ابو تراب
................
طايح على الكاع وما يوصفه اي طبيب
يون على حسين. يكله اوليدي الحبيب
وحسين يبجي ويصيح. كلي مثلك منين اجيب
طحت بهل مصاب طايح ابو تراب
...............................
كلمات الشاعر علي لفته خضير

الماعنده اخو كلشي يلچمه
بيمن يفرغ ادري همه
يسولف لخيته كون يمه
والحادي ماخذهن خواته

ما بيك حيل ادگوم يا خويه
لو بيك چا مريت ماطايح
گتله اعله هونك من توادعنه
گلالي عمري شو احس رايح
تچايه اريد وادري يفزعلي
العباس يفزع دون اي صايح

تالي العطش ذباح الرياگ
بس چفه ضاگ وهو ماضاگ
مارايحه او تفكيري بس بيك
شيسوي كون الگلبه يشتاگ

هسه وين شو نسيت
بيا نويه اني زينب
_____
مذبوح ماخلاني اودعه
لفراگكم لميت دمعه
طاري الجفه ينراد جرعه
والذبح غير كل حلاته

مذبوح وسفه او طايح گبالي
بجفاك ضلت شابحه عيوني
سرفنت اديك او ادري گاصدني
بالخيم عنك خويه نشدوني
مدري شجاوب مدري ما احجي
فارگت لونك يابعد لوني


العنده گلب ملچوم ملچوم
من العتاب ايطيح ويگوم
ماعنده ادين اتلگت الگاع
تسرفن اليه چفوف وهدوم

امشي وين ابلا اخوتي
وين اروح اني زينب
________
عندي گلب ومجرح البال
مثل ابوفاضل ماكو رجال
امشي بدونه صعبه تنگال
والكافل ايعزني ابغلاته

ودعتك اوعينك علي تربي
فدوه اگلك خويه بس سدهن
اتراب خاف ايطيح بعيونك
والله خلقهن ماكو من عدهن
ارسومك الحلوات متغيره
وسفه الترب لاعب لعب بيهن


لونك او طولك ضال بالبال
صعب مره وبدون رجال
خويه الطواري تهدم الحيل
ورسومك الحلوات تنگال

غبت عنك انت طايح
وين اروح اني زينب
______
اعتاب الي ومرسال وديت
ويه الهوه للغالي دزيت
بديت فص العين بديت
مارد علي مو من صفاته

مابيه حيل او اعتذر خويه
ردي عليج اوجب من الواجب
صار الفراگ اومن توادعنه
عمري شباب اوهل صرت شايب
ام عون انتي اختي وعيوني
هل مره تعله العين عالحاجب

فدوه الچفوف اوفدوه لعيون
مابيه حيل افراگچ شلون
خويه الچفه ينرادله اوداع
ام عون خويه صعبه تمشون

وين رحتي وسفه خويه
انه كافل انتي اخيتي
______
ستار العبودي

امشي الوحدي تحيرت
اركض عالتل ماردت
وتعثر ليش

ردت اشوفه اكثر خفت
مو يمي ليش تلفتت
يتبعني الجيش

درب ماينگضي بركضه لخوي المنذبح هسه
قبل الخيل اريد اوصل قبل لتسحگه وترفسه
بلكي الله يهب عطره لخوي الخيل ماتوصل
فجئه اوعاينت سلاب اخذ نحره گطع نفسه

تانيت تجينه سويه بچينه
لگينه اليذبحك يخوزر علينه
اگبالي ضربهن رقيه او سكينه
______
اركض بدمعي چلبت
نحره انوخذ وبيا وكت
ويرتل صوت

شفته يحركها او گلت
ايرتل قران اعرفت
معناء يا موت

گتله حسين تسمعني اذا تسمعني هز راسك
اخيتك طرت الوادم غربه او هاي مو ناسك
الگلولك تعال أقبل اشتركو ويه ذباحك
اسمعك من تون بهداي چنها اخر انفاسك

احاچيك تصدلي بعيونك ارجعي
علكيفج يخويه تگدرين تطلعي
سهم حار ينام اعله ضلعي
______
دمعي يگول بس ردي
بس الخدر ضل عندي
اوبنات ازغار

بنتك رادت اتشمك
وانت عالرمح رسمك
واديها گصار

حلم ماينگضي وسفه او طوله انباگ بالسكته
واحلامي ترد بخير شو ما منجرح عفته
اخيي اوياي ما يحچي اليه اعتاب بس صعبه
الميت صعبه يتعاتب گلبه ايجرحه اذا اخته

صدفه اتاني تمرلي عجيبه
مشينه قبلنه نماشي المصيبه
صفينه غريبه تلوذ ابغريبه
_____
بخرابه انبات ياوسفه
حلمنه انباگ باصدفه
نمشي اسيرات

عيد الشام عدهه احنه
حتى الضوه يجرحنه
وسفه اميرات

اسئل عينك اترجاك سدهه شويه خل ترتاح
بس بليل صد لينه اذا نزلوك من ارماح
عيونك تشلع ابگلبي ليش تراب طب بيهن
واگلك عشنه خويه بخير اليحرسنه طلع ذباح

عيونك تعاتب تعاتب هضيمه
بسفرنه لگينه شماته او شتيمه
بقينه يتيمه تعاتب يتيمه
______
ستار العبودي

"شهادة الأمير علي(ع)"

لـو رايـح أخبـرك أول أحزانـي
يا بويـه اليتيمـه بفگدك اتعانـي
ــــــــــــــــــــــــــــــــــــــــــــــــــــــ
بعـد جرحك يحـيدر تكثر جروحـي
أبشـرك لو رحـت ما ينـگطع نوحـي
أنا تمنيـت گبـلك تنـقبض روحـي

أموتن گبلك آنـي وموتي ما جانـي
ـــــــــــــــــــــــــــــــــــــــــــــــــــــ
مو سهلة اليوادع تدري مو سهله
ترا بنيـتك يبويـه المدمع اتهـله
والفارگ حبيـبـه المگبره أهونله

أحسـن مـن حياته العالم الثانـي
ــــــــــــــــــــــــــــــــــــــــــــــــــــــ
يالساكـن كياني وساكـن الناظـر
هم تعلم رحيلك چم گـلب فاطـر
وﷲ دمـوع زينـب تكسر الخاطـر

شيـريـد الزمـن من زغـري عادانـي
ــــــــــــــــــــــــــــــــــــــــــــــــــــــــ
أنا تمنيت هذا العيـد ما شوفـه
أعيـشن يا فرح ودموعـي مذروفـه
من چفوفي حيدر شايل چفوفـه

ريـت اوياه ماخـذ حتى ذرعانـي
ــــــــــــــــــــــــــــــــــــــــــــــــــــــ
انهض شوف بنتك شنهو حالتـها
تنحب يالصميده وتجري دمعـتها
هـاي الچانت اتسليك شوفتـها

چنت سلوى ومُصابك بويه سلانـي
ــــــــــــــــــــــــــــــــــــــــــــــــــــــ
هاي آخر مسيه البينك وبينـي
يوليني الدهر من تمشي يولينـي
هم مرتاحه حسبالك يخلينـي

بعـد لوعة الطف ولوعـة إخوانـي
-------------------&---------------------
بقـلم: اميـر الزبــيدي

حيدر هاليوم امودعينه
ــــــــــــــــــــــــــــــــــــــ
طلعت كل الشيعه اتودعه
طول ابطول اتصب الدمعه
والبيرغ ليفوگ ترفعه
راح الوالي ومابي رجعه

مات وعالقبله امجبلينه
ــــــــــــــــــــــــــــــــــــــ
ضجّت بالآلاف الكوفه
ناس اتحبه وناس اتطوفه
وايتامه اتقبل بچفوفه
حي ميت حيدر منعوفه

هيچ ايصيحون امحبينه
ــــــــــــــــــــــــــــــــــــــ
ياهو اتكضه ولازم راسه
حيدر فارگ اهله وناسه
ودم الهامه امغطي انفاسه
هالتاج المن يا لباسه

ليش ابمحرابه امخلينه
ــــــــــــــــــــــــــــــــــــــ
چتال وشيطيبه اصوابه
واحمر صاير لون اثيايه
مو هين ياناس اغيابه
حيدركم مات ابمحرابه

الظالم طابر نص اجبينه
ـــــــــــــــــــــــــــــــــــــ
كتلو دين الله ابهالطبره
واحسين احياه ابدم نحره
طبره وصارت بالطف ثوره
وزينبـهم ردت منتصره

وذاك الحاكم فكست عينه
ــــــــــــــــــــــــــــــــــــــ
ياحيدر صاحو ياحيدر
واحد تبقه وماتتكرر
ياحارسنه ابيوم المحشر
لو ما انته الدين اتطشر

ولاصمنه احنه ولا صلينه

محمد الجماسي

#اللهم_عجل_لوليك_الفرج

يحله النوح للكرار
ونــقدم تـــعازينه
نــــعازي فـــاطـمه
ونــعازي مــهدينه
┈┉━━ •• ✵ •• ━━┉┈
نــعازي فـــاطــمه هــالـــيوم
نــلطم و  الگـلب مـــــهظوم
عله مصاب الوصي الجيدوم
كـــــل شــيعي بــچت عــينه
┈┉━━ •• ✵ •• ━━┉┈
كــل شــيعي يون ويــنوح
مـــولانه صـــبح مـــجروح
مــصابه شـــوغاهه الــروح
الـــــمهدي زايــــد اونــــينه
┈┉━
✍️خادمة الإمام الحسين عليه السلام أم سيف المحمداوية
┈┉━━ •• ✵ •• ━━┉┈
نــنــوح ونـــسچب الــبعبره
تـــــــوجـــع بيـــنه الـــطبره
نـــارک بــاالــگلب جــــــمره
عــلیک الـــــيوم حـــزنـــینه

✍️ علويه ام فاضل
___┈┉━━ •• ✵ •• ━━┉┈
ایون الـمهدي  لــــمصابه
نــــار بـــــگلبه  لــــــهابه
يـــهل ادمـــــوع ســچابه
مــايـــبطل دمــــع عــينه

✍🏻 #_بنت العباس ع ام منتظر الجابري
┈┉━━ •• ✵ •• ━━┉┈
شـــيعة حــيدر الــــكرار
تنصب فـاتحه بــكل دار
عـلى الـي يـحمل الــفقار
وحــامه للـــنبي وديــــنه

✍️ام محمد التميميه
__
عــلى الـي حطـم الاصـنام
نـــلطم والـــــطم عــــالهام
الـفگد الــحيد والــظرغـــام
مـــاتــــخلص بـــــواچــــينه

✍️ام محمد التميميه
┈┉━━ •• ✵ •• ━━┉┈
الشيعه نصبت الاحـــزان
ســوت بــالطم مــــيدان
اتعازي ابـــعالــي الــــشان
عــــله الـــمطبور والـــينه

✍🏻 #_بنت العباس ع ام منتظر الجابري
┈┉━━ •• ✵ •• ━━┉┈
──────⊱◈◈◈⊰───

تمت باقلام شاعرات رابطة للطفوف

ارحم ابحال الغريب

ارحم ابحال الغريب
الما له بالراحه نصيب
يارحيم ويامجيب
يا أله العالمين
★★★★★
ذنوبي ذلتني وقصدها يهون قدري
وبوضع ماينحسد خلاني دهري
بحالي ماادري صرت محتار بأمري
لكن انا برحمتك ياربي ادري
ياعظيم وياجليل
ارحم العبد الذليل
الجاحد وناكر جميل
يا اله العالمين
★★★★★
كَثَّرتني  انا القليل  الچنت وحدي
وقربتني ودوم بالغفران تبدي
ماگلتلك من اذنوبي هذا حدي
ومابچيت ولاشفت دمعه على خدي
يارحيم وياقدير
ارحم الحال العسير
كل غني بدونك فقير
يااله العالمين
★★★★★
ياهو يغفر سيدي ذنوبي العظيمه
وياهو يجبر كسري بالدنيا اللئيمه
بدونك شمايعله قدري مالي قيمه
بلانعيمك گمت اشوف الجنه هيمه
ياحميد ويامجيد
عني لاتصبح بعيد
اشعر بروحي وحيد
يا اله العالمين
★★★★★
وين اروحن لوتسد بابك عليه
حالي مثل الدنيا وكت المغربيه
مادريت الدنيا وين تريد بيه
ارحمني لوبالعمر ضلتلي بقيه
يابديع وياسميع
بلاطريقك انا أضيع
اي وحگ طه الشفيع
يا اله العالمين
★★★★★
ارحم المكروب واعماله قليله
لواجاك بندم والمدمع يسيله
همومه كل ليله تعادل الف ليله
ماينفعه الضوه المو انته دليله
ياحفيظ ويامعين
وين انطي الوجه وين
يا اله العالمين
يااله العالمين

الشاعر حسن لعيبي الحريشاوي

لِقُدُوم شَهْرِ رَمَضَانَ الْمُبَارَك

جِئْت ياشهرا  كَرِيمٌ. 
جِئْت مِنْ رَبِّ رَحِيمٌ
جِئْت مِنْ بَعْدِ غِيَاب
بِعَطَاء وَثَوَاب
جِئْت مِنْ رَبِّ رَحِيمٌ
★★★★★
جِئْت ياشهرا كَرِيمًا فِيك حَال الْعَيْش طَاب
تَمْلَأ النَّفْس نَعِيمًا بَعْد حُزْنٍ وَاكْتِئَابٍ
لَيْت تَبْقَى يارفيقي دُون هجْرٍ أَوْ ذَهَابِ
صَبّ فِيك الْخَيْر رَبِّي مِنْ نَعِيمِ وَثَوَاب

جِئْت مِنْ رَبِّ قدير
شأنه الخير الكثير
جِئْت مِنْ رَبِّ رَحِيمٌ
★★★★★
أَثْقَلَت ظَهْرِي ذُنُوبِي أَثْقَلَت ظَهْرِي الذُّنُوب
كَادَت النَّفْس وَغَابَت مِثْل شَمْس فِي غُرُوبِ
ذَهَب الْخُلَّان عَنْهَا وتولتها الْخُطُوب
فتداركني ضياءا  مِنْه لَيْلِي فِي هُرُوب

جِئْت مِنْ رَبِّ السَّمَاءِ
تجْعَل الذَّنْب هَبَاء
جِئْت مِنْ رَبِّ رَحِيمٌ
★★★★★
جِئْت ياربي حزيناً  هَارِبًا مِنْك إلَيْك
كُلُّ هَذَا الظُّلْمُ عِنْدِي أَنْتَ لاظلم لَدَيْك
أَرْحَم الْوَاقِف ذُلًّا.     بَاكِيًا بَيْنَ يَدَيْكَ
أَنْت يَأْمَن قُلْت شَهْرِيّ بِه أَقْسَمْتُ عَلَيْكَ

ايها الشهر الكريم
تملئ الدنيا نعيم
جِئْت مِنْ رَبِّ رَحِيمٌ
★★★★★
آه من نفسي العنيده  لم يبارحها الشقاء
كَم إلَيْهَا الرَّبّ نَادَى  لم تبالي بالنداء
كم عصيت الله فعلا  ويجود بالعطاء
ليتها وقفة فَصلٍ     ان شهر الخير جاء

جئت ياشهر الجمال
أَيُّهَا السِّحْرِ الْحَلَالِ
جِئْت مِنْ رَبِّ رَحِيمٌ
★★★★★
بَرَز الْخَيْر جَمِيعا  قارعا سن الذنوب
يهطل الْخَيْر نَعِيمًا   ترتوي منه القلوب
يَنْزِل النّعماء  شهرا  هو في الخير دؤؤب
لايمس العبد ذلا   حينما العبد يتوب

فلك الشكر الجزيل
ايها الشهر الفضيل
جِئْت مِنْ رَبِّ رَحِيمٌ

الشاعر حسن لعيبي الحريشاوي

ابوذيه

على الماتنصعد  بيهم علينه
اهلنه المشوا شيردهم علينه
وحگ المرتضى حيدر علينه
لوعتهم تضل حد المنيه

الشاعر حسن لعيبي الحريشاوي

اعز من الهوه والروح  
وضوه عيني الحظن رمشي
اول من سكن بحشاي
وبالشريان دم تمشي
بغصنها أتنفس الجنه
طير أمأمن  ابعشي
مملكة العشگ  حبها
حاكم معتلي بعرشي
يا اول عشگ للروح
امي الاعز من كل شي

الشاعر حسن لعيبي الحربشاوي

🏴 لكوني أميل لرواية رحيل مولانا أبي طالب ع في ال7 من شهر رمضان …

#رحيل_مؤمن_قريش

هذا #النبي ُّ بـِحُرقَـة ٍ نادآه ُ
                 قلبي ينوحُ  عليك َ يآ #عمّآهُ
ولِفَقدِه ِقد بات َمُلتَهِبَ الحَشّا
                والخوف ُ والآلآم ُ في شكوآه ُ
إذ إنّـهُ في يُتمـِه ِ مأوىً له ُ
                  برحيلِ  #عبد ِالله ِ قد ربّآه ُ
هوَ #سيد ُالبطحآء ِوهو َالمُلتجَىٰ
             ولِنُصرَة ِالدين ِالحنيف ِحِمآه ُ
آه ٍ عليه ِ لِمَوتِه ِ مُـتكَدر ٌ
                      وفِراقُـه ُ ويلآه ُ كم  آذآه ُ
فالعامُ #ُعامُ_الحُزنِ فيه ِ مصآئب ٌ
                    ونوآئب ٌ تَترىٰ فما أقسآه ُ
مِن بعد ِ #ناصِـرِهِ ِ تموت ُ#خديجة ٌ
                     وانهَـدَّ وآ أسفا ً به ِ رُكنآه ُ
وجرَتْ لِكافِلِه ِالدموعُ ك عَندَم ٍ
                  لهفي عليّه ِ معَ البُكا ينعآه ُ
فرأىٰ #علياً هائِماً مُتَفَجِّـِعاً
              وغدا  يُصَبِّـِرُ  حينَ ذاكَ أخآه ُ  
وانهَـدَّ رُكنٌ أولٌ لمـّا أتىٰ
              بالنَعش ِ حيثُ بِـلَحْدِه ِ وآرآه ُ         

#سمير_الصالحي
#النجف_الأشرف
#رحيل_كافل_الرسول


🏴نعي -مجردات

والد  إليه  چنت  ياعم
وبيه وبدين الباري مهتم
بس ما عفتني الخوف خيّم
وانهاري موش انهار أظلم
والضيم بعدك عَلي ملتم
وتريد    هالكفار   تهجم
حگي لنوح اعليك من دم

#سمير_الصالحي
#النجف_الأشرف
#رحيل_أبي_طالب_ع

برمضان حلوه لمت الاحباب
وكت الفطور وسدت الباب
عديت بس شكثر غياب
عافونه ناموا جوه التراب

رمضان هاي السنه من جيت
عدنه نقص بالگعده والبيت
گعدت العام شگد تمنيت
ليام ذيچ العشره حنيت

حطينه ماعون ابمچانه
نتذكره وهوه نسانه
رمضان حل بينه وجانه
وفلان راح وفارگانه
… ..
رمضان جيت وهلا من جيت
بس عدنه شمعه امفارگه البيت
ذيچ السنه من بينه مريت
حلوه الليالي وياها گضيت

هاي السنه مرتين صيام
وصوم السنه ما يشبه العام
صمنه عطش والجوع كل يوم
وصمنه الوجه بالمگبره اينام
… ..
علي الحاج الصبيحاوي

لاستشهاد أمير المؤمنين علي
عليه السلام ( وزن الحدي ملمع)

(لأي ذنب ضربوا بالسيف رأس المرتضى )

★★★★★
ياذنب سوه المرتضى روح العلم والمعرفه
أشبدل ابنهج النبي اشغير بدين المصطفى
هاكثر شاف من الحقد من ناس مابيهم وفه
بالظلم ردوله الفضل وذيچ الموده بالجفه

(أهكذا العدل إذن بالسيف مقتولاً قضى)
(لأي ذنب ضربوا بالسيف رأس المرتضى)
★★★★★
اسمى المعاني لخصت ابتضحياتك ياعلي
لهذا السبب طول الوكت بهاي العناصر مبتلي
سيفك نهايه لكل بشر باطل لئيم وجاهلي
وصبرك بدايه لكل عهد بخير المگاصد ينملي

(شيطانهم بقتله ابدى لهم عين الرضا )
(لأي ذنب ضربوا بالسيف رأس المرتضى)
★★★★★
طيحتك بفراش المرض لامو إلك يابو الحسن
ياعلم كل حد ما إله خلوك ياوسفه أبچفن
وبجنازه تنحط ياعلي وتنشال ياجنة عدن
من الگوم كل هذا الذنب لوكل ذنب من الزمن

(ماقصة الدهر معك حتى تولى مُعْرِضا )
(لأي ذنب ضربوا بالسيف رأس المرتضى )
★★★★★

بدر الليالي ضيعوا وماصانوا أنوار الشمس
سدوا العين على الضوه ردوا على ليل الأمس
رادوا اورود المعرفه بصدورهم ماتنغرس
ضاعوا ابليل المايفض ماخذوا من علمك درس

(بعد النبي أصبحت في القلب نيران الغضا )
(لأي ذنب ضربوا بالسيف رأس المرتضى)
★★★★★
باس وشجاعه ومعرفه شافوا ولايهتز أبد
لاخذوا من علمه درس ولا وفوا وياه ابعهد
ولما عشر علمه وصل ماعنده بس غير الحسد
لاجاهليه غرته ولاخشع لأصنام وسجد

(من شر سيف حاقد حراً شهيداً قد مضى)
(لأي ذنب ضربوا بالسيف رأس المرتضى )

الشاعر حسن لعيبي الحريشاوي