ودعت هليوم الاحباب يمة
گلبي عليهم صبح عطاب يمة
مايردولي الغوالي
وانة حال الضيم حالي
عافونة ومشوا ماردوا اجواب
😭😭😭
انتظر بديارهم صبح ومسية
بلجي يرجعلي خبر من اهل الحمية
يبطي يمة افراگهم وشسوة بية
توحشني المباني
اضل اصبر واتاني
عافونة ومشوا ماردوا اجواب
😭😭😭
يمة يوم السافروا گلبي التهب نار
يمة خلوا بالگلب يحبيبة بسمار
يمة تبجي عيونة والدمع نثار
حزن وهموم الليالي
اه يااحبابي صفالي
عافونة ومشوا ماردوا اجواب
😭😭😭
اه يافرگة النحبهم يهدم الحيل
سافروا كلهم سوية ودمعتي تسيل
كل وكت انطر خبرهم أصيح ياويل
راحوا وماودعوني
عليهم ابجن ياعيوني
عافونة ومشوا ماردوا اجواب
😭😭😭
بقلمي المتواضع العلوية والشاعرة ام حسام الغرابية الفاتحة لشرف النبي صلى الله عليه وآله وسلم والى رؤح ابنتي الشابة سلوى بنت علي ذمة عدم مسح الاسم

قصيده بعنوان قداسة فاطمة الزهرا ء ع
«««««««««««««««««««««««
تنور الكون ووجوده واقتبس شان القداسه..
من تعظم بالجلاله بفاطمه..
والعتره ناسه
﷼﷼﷼﷼﷼﷼﷼﷼﷼﷼﷼﷼

فاطمه دره ثمينه والعرش  ضمها بحنان
دره مكنونه ومصونه
والعرش الها مكان
بيها نوّر ربها كونه
ازهرت بيهاالجنان
والخلق همه اساسه
فاطمه والعتره ناسه

لخادمة الزهرا ء ع ام منتظر الركابي✍️
﷼﷼﷼﷼﷼﷼﷼﷼﷼﷼﷼﷼﷼

نورها نور  الجلاله  ضوه  بيها  ارض وسمه
فاطر  الكونين  اسمها
  اعلينه   ربها كرمه
اختارها  حجه وتباه
  على  البشر  متوسمه
وللنبي  مهجة  انفاسه
فاطمه  والعتره  ساسه

ام ✍🏻جعفر  الايرواني

﷼﷼﷼﷼﷼﷼﷼﷼﷼﷼﷼﷼
بعالم الذر من خلقهه امتحن بيهه فاطمه
ام ابيها  بقدرة االله بالديانه  عالمه
كل امور الامه عدهه
بالمعارف فاهمه

والملك كلهه حراسه
فاطمه والعتره ناسه

✍☘ام فراس الساعدي ☘
﷼﷼﷼﷼﷼﷼﷼﷼﷼﷼﷼﷼﷼

فاطمه  الرحمه الجبيره بحبهه  احنه الفائزين.
سيده  تنصبت  هيه  لكل  نساء  العالمين.
الله  يرضى  لرضاها  والنبي طه الامين.
  ثبتت  للدين  ساسه
  فاطمه والعتره  ناسه.

لخادمة✍🏻 اهل البيت
زينة الگريشاوية
﷼﷼﷼﷼﷼﷼﷼﷼﷼﷼﷼﷼﷼

كوثر والله اجتباهه  سيده وفخر النساء
نورها مشكاة يزهر للارض واهـل السماء
الله فضلها الزچيه باب سرّه بالعطاء
الستر هيه اولباسه
فاطمه والعتره ساسه

ام ✍🏻مرتضى الخزرجي
﷼﷼﷼﷼﷼﷼﷼﷼﷼﷼﷼﷼


تمت بأقلام شاعرات رابطة الچفوف السخيه

١٠٣٢- قال تعالى : (كُلُّ نَفۡسٖ ذَآئِقَةُ ٱلۡمَوۡتِۖ ثُمَّ إِلَيۡنَا تُرۡجَعُونَ)*

أمر المـــوت عالمخلــــوق جاري
واجيت ودمعي كالمرجان جاري
يحامي الجــار كون تصير جاري
والبرزخ عــــــــذابه ايخف عليه

✍ فراس المحمداوي
* سورة العنكبوت

#فاطمة_صديقة_شهيدة
*جديد الليالي الفاطمية*
*لسان حال مولاتنا زينب ع عند رحيل امها الشهيدة فاطمة (ع) اخر اللحظات*
لحن اسمع عتابي~
تودعني أمي~ وآنه بهمي
أصبح يتيمه ~ ودمعاتي تهمي

كلمة يتيمه~ صعبه وأليمه
أمي الحنينيه ~ كانت لي خيمه

اگبالي عصروها~ امي أذوها
كسروا ضلعها~ لا ما رعوها

الليله الأخيره~ وانه بحيره
بموتتها امي  ~ جروحي چبيره

أفگد حنان~ وحضن الجنان
أضيعن بعدها ~ وبلا أمان
اه اه يا زينب~
〰️〰️〰️〰️〰️
شبيها أمي اشوفن حيل ما بيها
ليش تنام خل تگعد واحاچيها
تحضني وتضمني للصدر ليها
وتمسح راس يتيمتها وتسليها
〰️〰️〰️〰️〰️
اخاف من الألم تصرخ واضمنها~
مثل وردة اودعنها واشمنها ~
تدير العين ولا شوف انلطم خدها~
الحنينه تنام ترى مو هسّه نومتها~

•••طور الفراق~
وداعة الله ~ تروحي عني وتتركيني
وداعة الله ~ يتيمه والدمعه بـ عيني
وداعة الله ~ فرگتچ زادت ونيني

گلبي ذايب~ من اسمع ونينچ يايمه
گلبي ذايب~ دنيتي يا يُمه ظلمه
گلبي ذايب ~ حاچي زينب يمه كلمه
نظره منچ~ يُمه وتردلّي روحي
نظره منچ~ يا حنينه تمسح جروحي
نظره منچ~ تيتّميني
لا تروحي
خادمة آل محمد✍

مجاريد بعدما دفن أمير المؤمنين سيدة نساء العالمين عليهما السلام

يالوديعه.. غيبتچ   والله   فجيعه
يالوديعه.. مهجتي   بعدچ  وجيعه
يالوديعه.. ضاقت ابعيني الوسيعه

لا تروحي.. يالأخذتي اوياچ روحي
لا تروحي.. ردي  يا بلسم جروحي
لا تروحي.. فاطمه  هيجتي نوحي

جَاوِبِينِي.. فاطمه     يانور   عيني
جاوبيني.. ليش   وحدي  تتركيني
جاوبيني.. يابعد  عمري  اوسِنِينِي

آنه حيدر.. والچبد    بِيَّه     تِفَطَّرْ
آنه حيدر.. حالي  من  بعدچ  تِغَيَّر
آنه حيدر.. اوصَبْرِي يالزهره  تِعَذَّرْ


الجواب
مو بيديه.. ياعلي     غصبا    عَلَيَّه
مو بيديه.. عفتك    ابهاي   الرزيه
مو بيديه.. هالعدو  وش  سوه  بِيَّه

مارحمني.. ياعلي    قوه   عصرني
مارحمني.. الظالم ابچفه صطرني
مارحمني.. ابرجله ياحيدر رفسني

انته تدري.. ياعلي   لازمته  صَبري
انته تدري.. الفاجر  اتفنن ابعصري
انته تدري.. صَوَّبْ المسمار صدري

ما أعوفك.. ياعلي اوحاير  اشوفك
ما أعوفك.. ياعلي واعرف ظروفك
ما أعوفك.. تدري   بِيَّه  ما أعوفك



رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي

والفاتحة لروح والدي الحاج السيد جعفر السلمان وذويه والمؤمنين والمؤمنات مسبوقة بالصلوات

لاستشهاد الصديقة الزهراء
عليها السلام (وزن الحدي )

دُوَّرْ على أسباب الظلم 
ليش ام حسن ماتت هظم

التاريخ وشبيه انكتب
لودورت تلگه  السبب
ليش ام حسن ماتت هظم
★★★★★
تريد الدليل المختصر  
من الحوادث والسَّيَر
اقره وتمعن بالخبر   
ليش الوصي عن البشر
اخفه الگبر عن كل نظر 
لامن علامه  ولااثر

ياصاحبي ماكو عجب
لودورت تلگه السبب
ليش ام حسن ماتت هظم
★★★★★
چم كاتب الخط وكتب 
منها ولاحگ  انسلب
محد دفع باب وضرب  
ولاواحد الْجَمَّع حطب
كلهم اهل غيره وحسب 
كلهم صناديد العرب

للزهره مارفظوا طلب  
لودورت تلكه السبب
ليش ام حسن ماتت هظم
★★★★★
تگول الكتب يمها اجوا  
هلوَّا مدامعهم بچوا
شعدهم ذنب لمن لفوا     
لمن لفوا  واتعذروا
لازم ذنب ضدها جنوا 
وحقوق من عدها خذوا

يعني اكوا حق انسلب 
لو دورت تلگه السبب
ليش ام حسن ماتت هظم
★★★★★
رايد دليل على الحقد
وعلى الخوافي من القصد
مكسورة الخاطر ترد  
والعمر شتله  وينحصد
من ماتت بعمر الورد    
غير الجريمه شتعتقد

نور السمه يوم انحجب 
لودورت تلگه السبب
ليش ام حسن ماتت هظم
★★★★★
كل الادله الحاسمه  
تشهد عليهم والسمه
مظلومه ماتت فاطمه 
منها الظلوع مهشمه
عند الله باچر محكمه 
يحاسب الزمره المجرمه

لاسلطة تنفع لاحسب 
لودورت تلكه السبب
ليش ام حسن ماتت هظم

الشاعر حسن لعيبي الحريشاوي

يـا فـاطمة على العهد
تبقه الشعــــائر للأبــد
أنطينه للمهدي وعــد 2
****
هذا العهد يــا فاطمـــة يظــل دائـم
ما ينتهـــي حتــى ظــهور القـــائم
صوت الشعـــائر يوصــل لكل ظالم
عدنه شبـــاب تضحــي مثل القاسم
              من الطفوف أخــذو درس   
             اختارو الموت على العرس
وآحدهم بهيئة أسد     وآحدهم بهيئة أسد
****
الشيعـــي ما تخلص عليچ أحزانـه
حبــــكم يزهــــراء أنولــــد ويـــانه
من أعمارنه اغلى واغلى من دمانه
ماكو أوفى منه الينطي دم شريانه  
والينطـــي للمذهب نحــر
يا فاطمـة أصـدق بشــــر  
أبطال عدنه أشجع بعد      أبطال عدنه أشجع بعد
****
شكَد أنذبحنــــه واشــكثر ظلمـــونه
نعــوف الشعـــائر واللــطم رادونــه
كل اليمـــوت بحبــــكم توافـــــونه
يـوم القيــــامة هنـــاك ما تنســـونه
تحسدهَ ملائكــة السمــة
المـات على حبكم فاطمة
يالبيكم الباري انعبد       يالبيكم الباري انعبد
****
هذا الوطـــن من راد منــهم ناصــر
مشـاية راحــو شيعتـــــچ للســــاتر
للمَرجـع السيستـــــاني كَالـو تـــآمر
چنهم أنصـــار حسين يوم العــاشر
صـــانو وطنهم والأرض
ما عدنه أغلى من العَرض
رادو يبوكَون البلد      رادو يبوكَون البلد
****
شكَـــد العــراق تمــــادو بترويـــعة
آل النبــــي حبــــكم ابـــد منبيــــعة
دم المنــــاحر يشـهد على الشيـــعة
غير المَراجـع أي شخص مَنطيــعة
بالدنيــا ماكو بهالـعشكَ
اكَلــــوبنه بحبـــكم تـدكَ
جَنيتو حتى البالمهد       جَنيتو حتى البالمهد
****
مــو شيعـــي هذا البالــعقيدة يجـامل  
المجنـــون بيــكم هذا أعقـل العــاقل
حبــــكم بعد يــا فاطمــــة يستــــاهل
لأجــل الوطـــن يوميـــة كون نقاتل
يشهد على حبنــه الزمن
ما بعنه يالزهــرة الوطن
والعالم بحبنه شهد       والعالم بحبنه شهد
****
أهــل السقيفــه لســــه تحكم بيـــها
هـــاي البقيـــــع اليمـــچ مهدميـــها
باچـــر يجينـــه المنتظـــر مهديــها
أكبـر منـــارة على ألأرض يبنيـــها
بنص السمه نشوف العَلم
تتمنــــه توصـلها الـقّمم
والدنيا يكتلها الحَسد       والدنيا يكتلها الحَسد
****
عــاندو همـــه وأحنـــه هم نعـــاند
دم الشبــــاب العالســـــواتر شاهد
المهدي يا زهــــراء هـــوه القــائد
ننطيــــه عمرنه شكَد منــاحر رايد
فــدوة نـروح لشــوفته
يمتـــه ترفـرف رايتـــه
كَليله كل شيعي استعد      كَليله كل شيعي استعد
****
حيدر حسين الكَرعاوي

يالتسألوني . عن هظم حالي
بدمعة عيوني . اشرح احوالي
العمر جان بأوله .. وحاضر بطف كربله
. . . . . . . . . . . . . . . . . .

بأول سنيني افجعوني وكلبي بالهم امتله
زغير حاضر بالمصيبة الحصلت ابطف كربله
اكبرت ويه الغاضريه وذكريات العايله
شلون انسه حسين جدي راسه عالرمح اعتله

شفت بعيوني . الشمس مذبوحه
مغسله الجثه . من دمه اجروحه
عاري ظل اعله الفله .. وحاضر بطف كربله
. . . . . . . . . . . . . . . . . .

اليوم من سموا دليلي والسم ابجسمي سره
مو اشد من يوم عاشر نار كلبي اموجره
اربع اسنين آنه عمري وشاهد اعله المجزره
وبالضمه كلبي تكطع والشفاه امفطره

لسه بعيوني . حركة اخيامي
وعمتي زينب . واكفه اتحامي
وحيدر ابكل بسمله .. حاضر بطف كربله
. . . . . . . . . . . . . . . . . .

اتطشرت كل اليتامه حين حركوها الخيم
امراكض ابين الحوافر والسياط ابلا رحم
والزغار اتصيح زينب عمه مو حمل الألم
وزينب اتصبر وتنادي كوم ياراعي العلم

وآنه اصد الها . تحبس الدمعه
حسين عالتربان . خافت اتسمعه
الفلك جان ابأكمله .. حاضر بطف كربله
. . . . . . . . . . . . . . . . . .

آنه رحت اويه السبايا والسياط اعله المتن
وشفت زينب عاليتامه تركض وما تستجن
طفل يعثر طفله توكع طفله للوالد تحن
وآنه اصد اعله الرماح الروس فوكاها وتون

وراس ابو السجاد . شابحه عيونه
والرمح بالكاع . ما يشيلونه
وبالدموع الهامله .. حاضر بطف كربله
. . . . . . . . . . . . . . . . . .

اليوم بالسم كلبي ذايب والمنيه تدنه الي
واحتكم للدنيا جعفر ابني من بعدي ولي
اليوم عن دنيانه ارحل والتقي بجدي علي
والتقي بأمي الزجيه وعالظلع دمعي يهلي

والحسن عمي . والطشت يمه
وجاسم العريس . كاعد ايكلمه
وكل فرد بالعايله .. وحاضر بطف كربله
. . . . . . . . . . . . . . . . . .

اليوم الگه حسين جدي بالجنان اويه الكمر
مو مثل ما عفته جثه اموذره وبلا نحر
والكه جفين الكفاله الغيرن مسره النهر
اصبحن جنحين . غطن زينب ابعزة وفخر

وعمتي رقيه . وي علي الاكبر
و والدي السجاد . لحالتي كبّر
كرم من رب العلا .. حاضر بطف كربله
. . . . . . . . . . . . . . . . . .

خادم اهل البيت عليهم السلام
عمار العيساوي الكربلائي

هلن بل دمه يعيون وجرن
لحجاب النور بيه جمرات وجرن
بنات حسين هجن وين وجرن
وبوهن خيل صدره ترض رميه
****
اعظاي هموم بيهن سرن وخوان
وعد ايام عمري بآه وخ وان
كلفه اردان أليه حجاب وخوان
ذبيحه وبلحبل مجتوفه أديه
****
علينه الظيم سل سيوف وصلت
يتامه حسين يمه اتصيح وصلت
أذآن أحزان كبر نوح وصلت
زينب والدمع وضه الوطيه
****
ليالي الفرح گلبي مايونه
ونبي يعگوب وني مايونه
حدونه جناب وهلي مايونه
عجب يرضون زينهم سبيه
**
لخادم خدمة الحسين ع
ابو عمار الدراجي

يكون الله ابعون حماي الحمه
عسعس اليل ويشيع فاطمه
وايلاه يافاطمه
---------------------
القالع الباب ويلقبونه الفحل
الفارس الجفه دحر ام الجمل
المايجتله السيف بالفركَه نجتل

تلطم وتبجيله املاك السمه
وايلاه يافاطمه
---------------------
شيع ام بيته وبقه دمعه يهلي
اليوم ماتت فاطمه مدري علي
هاذي اول مره حاير مبتلي

يلطم الراس ونزل مدمع دمه
وايلاه يافاطمه
---------------------
امن المغيسل حيدر الباب الحد
وحده شايل فاطمه ويقره الحمد
حاير البيته شيكَلهم لو يريد

وعله الفركَه اطفاله لا ممعلمه
وايلاه يافاطمه
---------------------
دافن الزهره ورجع جدمه يعثر
الدار من الدمه حيطانه حمر
و لا نساها ولاترك باله الكسر

صوت حيدر واصل السابع سمه
وايلاه يافاطمه
---------------------
ويلي يافركت الزهره شتنحمل
علي طول اليل ضل دمعه يهل
اليل طبع الناس بي تهده وتجل

وعلي طول اليل ينعه الفاطمه
وايلاه يافاطمه
---------------------
يشكي للبير وعله المدمع غفه
فزت جروحه وعله وجها نجفه
راحت الجانتله روح وعاطفه

عله المدمع صار وكته يحزمه
وايلاه يافاطمه
ابوفايز الرافضي

اليوم زينب جاريات ادموعها
وتنغز الآهات حدر اضلوعها
. . . . . . . . . . . . . . .


زينب بكسرة ضلوع امها تحس
وتنلجم بالنفس لا مو باللمس
تشوف بالسطره حَمَر عين الشمس
والكسوف ابتده كبل اطلوعها
. . . . . . . . . . . . . . . .


تشوف خلف الباب لاذت فاطمه
وضربة البسمار من تنزف دمه
شلون بالعصرة انخطف وجه السمه
تألم بهالكون كلشي ابطوعها
. . . . . . . . . . . . . . . .


شاهده الحره العقيله اعله الجره
الباب شافتها ابلهيب اموجره
وامها تتوچه بهظم عالخاصره
والجنين أصبح جرح موضوعها
. . . . . . . . . . . . . . . . .


صار موضوع الجنين اكبر جرح
بين امها وبين محسن منطرح
تشوف بسمار الزجيه أصبح رمح
صابها وزيّد جرحها وروعها
. . . . . . . . . . . . . . .


تشوف اخوها اعله الارض يمه اللهب
وتنشد اشذنبه الطفل واليا سبب
زمرة الظلّام ما تسمع عتب
ناشدت بس الصدى بمسموعها
. . . . . . . . . . . . . . . .


زينب اويه امها تشارك بالمصاب
ومن دمه المحسن توشحت بالخضاب
شاهده اعله الكوم في يوم الحساب
يم اله الكون وكت ارجوعها
. . . . . . . . . . . . . . . .


يوم مر عالعايله ايعادل سنين
اللحظه منه بألم وبنوح و ونين
لو نشدنه شحال امير المؤمنين
انكسر ظهره ويه كسر اضلوعها
. . . . . . . . . . . . . . . .


خادم اهل البيت عليهم السلام
عمار العيساوي الكربلائي

#جديد في  خدمة الخدام#



( لما رفع نعش سيدة النساء عليهاالسلام لسان حال طفلتها السيدةزينب عليها السلام مع )

وقفوا نعش امي اشويه
خلني احاكيها الزكيه
بالبيت خلفتي ابنيه
تندبك يمه بهالمسيه
يمه امسحي ادموعي الجريه
يمه دعودي البيت ليه

يا اللي على الشيال شالوك
ابهالليل لظلم وين ايطلعوك
ابنعشك يا يمه اقبالي مشّوك
خلي يرجعوا اشويه ويردوك
ساعة الى اولادك يودعوك
في القبر يمه اشلون ایضموك


(ذكريات مع الام)

امي الليلة ما اراها
والبيت خالي من ضياءها
والبين عني من خذاها
شالوا النعش وانا وراها
واصرخ يا بضعه جدي طه
بندفن هالليله معاها

جاني يا يمه وقت الغروب
ومنهو الى افادي المكروب
وانظر الى فراشك على صوب
واشلون قلبي الليله ما يذوب

  الليل جاني  وزاد همي
وكل ساع اقول تعود لي امي
وافراشك يا يمه افرشته يمي
بلكت يطفي نار يتمي

شالوك يمه وشفتي حالي
وشفت النعش يمشي اقبالي
ناديت ومني الصوت عالي
وبيدي أللوّح لك تعالي


عبد المحسن الكنگوني

.الليالي الفاطميه:
*گوريز - دعاء التوسل أو حديث الكساء لشهادة الزهراء عليها السلام*
  *الليالي الفاطمية-



*فانطلقا الحسن والحسين  (عليهما السلام) إلى مسجد جدّهما رسول الله (صلى الله عليه وآله) وهما غارقان في البكاء، فلما قربا من المسجد رفعا صوتهما بالبكاء، فاستقبلهما المسلمون وقد ظنوا أنهما تذكرا جدّهما (صلى الله عليه وآله) فقالوا: ما يبكيكما يا ابنَي رسول الله؟ لعلّكما نظرتما موقف جدّكما (صلى الله عليه وآله) فبكيتما شوقاً إليه؟.فهرعا (عليهما السلام) إلى أبيهما وقالا بأعلى صوتهما: أَوَ ليس قد ماتت أمنه فاطمة*
*هنا نادى أمير المؤمنين : بمن العزاء يا بنت محمد (صلى الله عليه وآله) كنتُ بِكِ أتعزَّى، فَفِيمَ العزاء من بعدك؟*

آيبونه      ماتت الزهره الحنينه
آيبونه      وانطفى نور المدينه
آيبونه      الليلة راحت من ايدينه

ودعتنه    ماتت بأحلى عُمرها
ودعتنه    ورده سلبوها عطرها
ودعتنه    بالقلب يسعر جمرها

شهالمصيبة      فاقد الليله زهرتك 
شهالمصيبة     وحدك تعاني بغربتك
شهالمصيبة     بانت بوجهك حسرتَك

# طور الحدي (يوم اللذي راعي الشيم):

حِيله  انهِدم لمّن سِمَع أُم بيته ماتت فاطمه
قام وعلى طوله وِقَع وونينه صاعد للسّمه
راحت لبوها وتشتكي خَدّ وضلوع مهشّمه
الكانت زهرته وضَنوِته وروحه وبَضعته العالمه

الله يعينه بو الحسن إيده اعلى صدره لاطمه
شاف الوديعه مدّدة وحمرة الجفون مورمه
يصفق كفوفه ومهتضم رِحتي عليلة مألّمه
وعِينك من السّطره جمر تشبهها دمعاتي دِمه
اشيسوه بدونك حيدره الليلة مِنِيتَه ومأتمه

*#أسرع الى الدار جلس قربها وهي ممدّدة نحو القبلة ناداها يا زهراااء :*

لِكُلِّ اجتِمَاعٍ مِن خَلِيلَيْنِ فِرقَةٌ * وَكُلُّ الَّذي دُونَ الفِرَاقِ قَليلُ
وَإِنَّ افتِقَادِي فَاطماً بَعدَ أَحمَد * دَلِيلٌ عَلى أَنْ لا يَدُومَ خَلِيلُ

*#وهرع الناس من كل صوب نحو بيت الإمام (عليه السلام) وهم يذرفون الدموع على وديعة نبيهم* 💔
*ثم قام بتغسيلها من وراء ثوبها كما أوصته(فهي الطاهرة المطهّرة) وساعدته أسماء في تغسيلها ، هذا والحسنين يناولانها الماء*

(اعظم الله اجوركما يا ولديّ رسول الله)

# طور نصاري

يقلها والحزن روحه شَعبها~
يشمس الصبح يل هاگد احبها~
حقي دموع عيني من اصبها~
يا زهرة حياتي ابدونك املها

💔 *وبينما هو يغسلها اذ مرت يدهُ على ضلعها المكسور .. على ضلعها المخسوف ..*

يا قلب ذوب وهلّ يا دمعي  آه   آه
على الما تت وتصرخ يا ضلعي  آه   آه
عليكِ النوح ابد دايم إلك أنعي  آه   آه

(ضلع واحد يحيدر وهد حيلك
جا ضلوع حسين شتسويلك)

*#وقبل أن يعقد الكفن نادى الإمام الرؤوف الحنون على اولاده ..نادى على الحسن على الحسين على زينب "يا حسن يا حسين يا زينب يا أم كلثوم هلمّوا وتودّعوا من أمّكم فاطمة ،،فإنه الفراق واللقاء في الجنة .*

صـاح ابـو الحسنين و دموعه على خدّه تسيل
يـاحسن يحسين ودعوا امكم ترى حان الرّحيل

جـذب ونـاته و تـزفّر و انتحب خير العمل
هـالـجنازه ودّعـوهـا يـا يـتامى بـالعجل
لا تـكثرون الـبواجي جـسم ابـوكم مـنتحل
طـلعوا ايـتام الـوديعه بـالبواجي و العويل

*#اسرعا الحسنان وانكبا على صدر امهما فاطمة..الحسن يقبلها مرة ويقول: يا أماه كلميني قبل أن تفارق روحي بدني قالت:*
*وأقبل الحسين يقبل رجلها ويقول: يا أماه أنا ابنك الحسين كلميني قبل أن يتصدع قلبي فأموت:*

👇🏻👇🏻اختيار

# طور الجفيري

رِدي عليّه مِن قَبُل
روحي تِروح وتِرتِحِل
ساعه واشوفك بالتُرب
وحزني بوادعك مو سَهل

رِدي عليّه واسمعي
ونّي وحنيني هل تعي !!
منهو اليوَسِدني بعَد
ساعة ذَبِحتي ومصرعي

رِدي عليّه ميمتي 
غيابِك يأجج حَسرتي
ونظري لحَبيبك افتحي
عينك. يايُمّه ومهجتي

رِدي عليّه فاطمه
باكر ضلوعي مهشَمه
برض الطفوف الفاجعه
وتطفح تُربها بالدِمه

# اين المنادي مع الحسين يا زهراااء

👇أو اختيار

يمه يمه
حاچيني گبل لا تطلع الروح
يازهره يمه الگلب مجروح
حيلي انهدم بالونه والنوح
ودمعي على فرگاچ مسفوح

يا زهرا يمه بالله سِمعي
طول العمر  راح اظل انعي
لضلعچ ولا ينگطع دمعي
لحد يوم ما ينكسر ضلعي

اواسيچ يمه بيوم عاشور
صدري بحوافر خيل مكسور
وابقى بلهيب الشمس منحور
ويتاماي يم جثماني اتدور

(ام محمد الحجاج)

*# واما زينب.. ساعد الله قلب زينب تتودع من أمها، تشمها .. تضمها ..يعني بعد ما أشوفك يايمه* 💔!!؟
ما أضمِّك💔!!؟
ما اكلمك 💔!!؟

#طور الخضيب /بحراني

رِدي عليّه وإرحمي حالي وصغر سني
يالنايمه نوم الهنا رِحتي بعجل مني
آنه العزيزة ابنيتك وفَقْدِك اليألمني
عفتيني وحدي امعذبه وعيوني كالزمزم

*#بعد إشعدها زينب .. ؟*

عَصْرِت ضلوعك هل شِفت قوليلي يا الزهره ؟
ما أنسى وَنّك كل مِسَى وانفاسِك بحسره
وبخدِّك السّطرة جَرح بقلبي يوّج جمره
يفجَعني صِدْلِك بالنّعش وانصبلِك المأتم

خادمة أبي الفضل

امي الحنونه ليش ما تردي عليّه
وحدي انا بعدك يزهره يا زكية
ارجوك ييمّه الحنونه كلميني
لا تهيجين قلبي وتفجعيني
ردي علي بالعجل يا نظر عيني
مقدر على فراقك يزهره والرزيه

*زينب طفلة عمرها خمس سنوات ،فاقدة الحنان والطيبة ، واويلاه:*

يايمّه الزمن غدار دخيلچ لا تعوفيني
لوجارت عَلَي دنياي وآنه بأول سنيني
اريدچ يم حسن وياي على دهري تعينيني
ييمه عازتچ عازه فدوه لا تخليني

(ام محمد الحجاج)

*نعم مولاتي يا زينب ...حضرت الزهراء عند الحاجة لما استيقظتي مرعوبه خائفة في ذلك الليل ،وقالت لأمير المؤمنين يا علي قم واذهب الى الدار فقد إستيقظت زينب ووجدت الدار خالية منك ومني.. بعد وين حضرت الزهراء يا موالون..في اي زمان .. وفي اي مكان*
عندما نادتها زينب ان تحضرها وتعينها وقد ذبحوا الحسين أخاها ،، ورضوا صدره الشريف ،،ورفعوا راسه على رمح طويل ،تقلها💔

تعالي ي ام حسن يمّه تعالي
شوفي كربلا ش سوت بحالي
واشوف اخوتي مذبحه قبالي
تعالي ي ام حسن ياامي تعالي


يمّه حضري وشوفي ابنچ منذبح
لا تدوري راسه , هذا عالرمح
و الله محتاره أشدله يا جرح
لو ألِمْسه ، اجروحه أكثر تنفتح

يمّه ما تدرين ابنچ يا وضع
لو تشوفينه دليلچ ينفجع
عالثره اگبالي تريب و منصرع
و اسمعه ايون من وتينه ومنوجع

(زينب المؤيد)

# تجاوبها امها الزهراء روحي فداها:

انا يمج يازينب  مو بعيده
انا شفت حسين من قطعوا وريده
ثلاث ايام انه ساكنه البيدا
نوب انهض وادور اصبع ايده
ونوب انهض وادور جف عضيده
يازينب ونتي عليكم شديده
انا ادري بجِ بقيتي اهنا وحيده
انا يمج يايمّه مو بعيده


أفاطم  لو  خلتِ  الحسين  مجدلاً
وقد  مات  عطشاناً  بشطّ  فرات
إذاً  لَلَطمت  الخدّ  فاطم  عنده
وأجريتِ  دمعَ  العينِ  في  الوجنات

تمت

حيدر ابليل     ودمعته اتسيل
مابقه حيل     يشيع فاطمه
-----------------------------
يشيع اغله ناسه  ،  ومشه الشيب اعله راسه
الدمع من خده باسه    كلبه ملجوم
ترك  محروكه  بابه  ،  علي الخلص شبابه
غدر من الصحابه        كلبه ملجوم

هاذه علي وبس حرب خلص عمره
شال الزجيه وايده الزمت ضهره
مو سهل ياهل ناس فكد الزهره
يتمنه يمها الناس تحفر كبره

اليفكد انسان  -   يمشي دفان
وجها ذبلان     يشيع فاطمه
-----------------------------
اليفارك من يحبهم ، يضل كل فكره يمهم
صعب كلش دفنهم     شله بالروح
علي حامي الحميه ،  دفن بيده الزجيه
ودفن روحه سويه    شله بالروح

ياناس كلش صعب فكد الغالي
حيدر ينادي ادفنت راحت بالي
شلي بحياتي اخلاف ام اعيالي
فراك الزجيه هواي عذب حالي

ابحركت البين  -  ودمعت العين
وسفه ابوحسين     يشيع فاطمه
----------------------------
علي بأكبر مصيبه  ،  دفن بيده الحبيبه
وبقه عايش عجيبه   يالطم الراس
دفن زهرت محمد ،  ويصيح الله والحد
جرح ماضنه يبرد     يالطم الراس

راجع البيته الغالي بس شراجع
عالوجه يم العتبه  حيدر  واكع
يذكر المحسن ابنه بالدم ناكع
والهسه صوت الكسر حيدر سامع

ابعتبت الباب  -  دمها وتراب
وصطرت ارهاب    يشيع فاطمه
---------------------------
انمله البير ابدموعه ، وبقه لازم ضلوعه
علي طفو اشموعه   بدفعت الباب
اله بكل شبر ذكره ، دفن بجفوفه عشره
مشت كلها ويزهره    بدفعت الباب

ياناس صعبه شينسه من ذكراها
الخلص حياته وعمره كله وياها
بعيونه شاف الباب من عصراها
والمحسن ابنه الي وكع جواها

محسن الطاح  -  بالعجل راح
شينفع اصياح    يشيع فاطمه
-----------------------------
علي الله اليعينه ، نطفت بالدمعه عينه
مشت زهرت سنينه    والعمر ضاع
نتهت كل امنياته  ، أله الوحشه بصلاته
شني الباقي بحياته     والعمر ضاع

يذبل علي الكرار لو هل دمعه
ياوسفه ابوالحسنين مثل الشمعه
كل ماذكره فاطمه وذيج الصفعه
سهران اليله ودمع عينه امنكعه

اضلم الدار   -  والدمع صار
عالوجن نار     يشيع فاطمه

ابوفايز الرافضي

اتجاوز الحد وسطرهه بعينهه
وشاهِد البسمار بينه وبينهه
☆☆☆☆
تعنه هوه وزمرته شايل حطب
گلبه شايل غيض وأحقاد وغضب
هالزنيم الماله اصول ولا نسب
خله ام حسين عالي ونينهه
☆☆☆☆☆
النار شبّاها وحرگ بيت الرسول
الناس گالو (إنّ في الدارِ البتول)
جاوب بچلمة وإن وابده يگول
ورعب زينب والحسن وحسينهه
☆☆☆☆
غيره ما عنده وسطر خد فاطمه
وفوگ خدهه ياوسف اجره الدمه
اغضب الباري وملائكة السمه
وماعرف سر فاطمه وتكوينهه
☆☆☆☆
رفس باب الدار وانصاب الضلع
البالحرب صوته ابد ما ينسمع
والخيانه چانت بروحه طبع
وين تاريخه ابدر وحنينهه
☆☆☆☆
يتمّ حسين بعملته والحسن
خله حسره بروحهم طول الزمن
سنين فاطم من وكت شو گوّضن
شكثر حنّو للوفه بچفينهه
☆☆☆☆
فرّقو بين الخليل ومهجته
وسفه ابو الحسنين عاشر دمعته
راحت اويه الزهره ذيچه عشرته
الله يحرگ باللظه جبتينهه
☆☆☆☆
ثار عدنه وننتظر يوم الظهور
بيد ابو صالح نخليهه الامور
يحاكم اهل الفاينه واهل الفجور
بسم فاطم محكمه مسمينهه
☆☆☆☆

حيدر بشار الدراجي

شوط كربلائي


قصة فاطمه ولباب اريد الليله احجيهه
اشلون اتلگت البسمار وسولف كل ماعنيهه
----------------------------------
متروسه ابأمان الدار ولن باب الكدر يندگ
وراحت فاطمه للباب وسمع صوت لن تشهگ
وعاين امي خلف الباب ومزاود عليهه الطگ

لن دفعه وزلم طبت
سعت لاجنه ماگدرت
وزنه اثجيل ونطبگت
عليهه اولاگت البسمار ولباب انتجه اعليهه
-------------------------------
اسمع واحد اينادي حرگوهه اعله اهلهه الدار
وإن فاطم اضربوهه وحرگو گلبه حامي الجار
دفعوو باب إلمنيه ابضلع امي انثنه البسمار

وسمع شوغت الزهره
رن بذني الضلع كسره
كلفه جانت العصره
تريد اتصيح ماتگدر ثگل الباب ماذيهه
---------------------------
بين الباب ولحايط سعت لاجنه ماگدرت
من اجذوع جان الباب اهواي الوادم الدفعت
حرمه اواگابلوهه ازلام من كثر العصر وگعت

رضوهه لحد ماصار
دمهه ولدمع مدرار
وهيه اتصيح شنهو الصار
ياذنب الجنيته اتصيح اولاواحد يهم ليهه
-------------------------------
اعاين ليهه حدر الباب تشهگ بالنفس گوه
ما واحد رحمهه اهناك مامش منهم امروه
اليرجف من اسم حيدر عليهه كام يتكوه

وعليهه دارت الوادم
بين الضارب وشاتم
مامش بيهم الغانم
يعين الزهره من الباب وتشم نسمه يخليهه
------------------------------
ابياذنب اليصير اواياي اسمع امي مختنگه
جاوبهه ابصفع ع الخد اسكتي بيتج انحرگه
عصرهه ابن الدعي بالباب الهوه مالحگت اتشهگه

اشوف الناس ملتمه
اعله ام حسين متحزمه
ماجنهه مره وحرمه
المالحگ ابدفع الباب ابصوطه ضل يطگ بيهه
-----------------------------
تلوذ ابياكتر حارت همه ابكل كتر بالدار
مره ابجف تشاگف صوط وجف الثاني يخمد نار
ياوسفه والف ياحيف تنطگ حرمة الكرار

اعاين ليهه مالومه
تغص بالعبره مهضومه
تريد الشايعه اعلومه
لاكن بالوصيه انگاد مايگدر يحاميهه
---------------------------
علي سليم الحسناوي

ياعلي شتكتب بعد وم الحسن بعيده
تنضر الفاطم قبل من تكتب القصيده
اتبدت العشره    وعايش ابحسره
------------------------------
راحت الزهره وخذت كل امنياتك
شتسوه دنيه ودافن ابأيدك حياتك
فاطمه جانت قبل  قبلت صلاتك
وياها دون ياعلي  كل  ذكرياتك

خافي كبرام الحسن بس انبنت قصائد
كل حرف مرقد صبح  ما تنعد المراقد
هاجت الجمره     وعايش ابحسره
----------------------------
فاطمه المامنها طلعت يوم كلمه
حته متجرحك ضلع يمك تضمه
تبتسم لك حته لا كلبك تلجمه
البيت ياحيدر علي ابلياها ضلمه

اليش اليعاشر بشر  لازم  بدي  يدفنه
أخر احجايات اله  يكتبهن اعله جفنه
ويحضن ابكبره     وعايش ابحسره
----------------------------------
البكه ابراسك ياعلي  الزهره ادفنتها
نجمه طاحت عالأرض يوم الشلتها
شلون اخر نضره حيدر من شفتها
جم قصيده وجم سوالف سمعتها

ياشعر يرثي المشه والدمعه ماتجيبه
يعينك الله ياعلي  يمفارك الحبيبه
حيدر اشتقره    وعايش ابحسره
---------------------------------------
يعينك الله يالشلت  نعش الزجيه
شباقي من عمرك بعد ونته ابمنيه
شتكتب وحته القلم عاش ابرزيه
راحت  ايام  القبل  جنتو  سويه

خلصت العشره بعد بس ماكضت دموعك
كافي من دمعك بعد  و لا تلزم ابضلوعك
بالكلب كسره     وعايش ابحسره
---------------------------------------
العشرت الزهره يحيدر خلصت ابساع
يا أبو الحسنين كلشي  منتهي وضاع
اندفنت الزهره بسمه  ماضنها بالكاع
روح صعدت والجسد ومكسره اضلاع

بالسماء السابعه  ام الحسن كبرها
لو زرتها ياعلي  لاتنحب الكسرها
وتذكر العصره     وعايش ابحسره

ابوفايز الرافضي

لَوْلَا الضلعِ وَذَبَح الْمَنْحَر
ماكانَ اسْم اللهُ ليُذكر

منذا سُقُوط الزهراءِ
وحسينٌ عالرمضاءِ
قَد شَاع الدينَ وَتَصَوُّر
-------------------------------
اجهاض الدين غايته لصوات الضعيفه
ودولة شِرك رادوهه ونتخبوو خليفه
من گال الرجُل يَهجر بِده حِقد السقيفه
وبدت حرب الدمه ولسيف وجهلوهه الصحيفه

جهلو أَمْرًا كَانَ مُحَتَّم
أَنَّ الْحَقَّ يَنْصُرَه الدَّم

رَدًّا كَان بدماءِ
وَحُسَيْن عالرمضاءِ
قَد شَاع الدِّينَ وَتَصَوُّر
-------------------------------
شرار الناس اشتمعو بحضور الشياطين
صوتوو هبل قائدهم غايتهم نفي الدين
بنوو قَلعَت ضلاله اتكون من وحي السلاطين
وَهِن بيت الوثان اگبال اسلاف النبيين

كَانَت فاطم ثَوْرَة كَسْرِ
ومتدت لِحسينَ بِنَحْرِ

هُزُؤ عَرْش الْأَعْدَاءِ
وَحُسَيْن عالرمضاءِ
قَد شَاع الدِّينَ وَتَصَوُّر
-------------------------------
أول كلمه ضد النور وإن سنوهه سنه
الاول شَرع التدنيس ويحرگ باب جنه
اغتيال الحَق قصِد نمرود وصَدٌر فتوه منه
الوصيه إلجتفت إبراهيم الصنم مو عالي عنه



صَبَر إمَام وَقَتْل جَنِينًا
مَدّ الثَّوْرَةَ نَحَر حُسَيْنًا

هَدَموا دَوْلَة اهواءِ
وحسينُ عالرمضاءِ
قَد شَاع الدِّينَ وَتَصَوُّر
-------------------------------
بَذرت حِقد زرعوهه يم دار الزچيه
وشجره امن الخبث فرعت لرض الغاضريه
رِفض دَم البتول ايكون اسم للجاهليه
وصار الفَتح دَم حسين ويختمهه الرزيه

صَدْر تَحَدَّى ضلم الْحَافِر
ضلعٌ اسكتَ صوتَ الْكَافِر

منذا نَزيف الأَضْوَاءِ
وَحُسَيْن عالرمضاءِ
قَد شَاع الدِّينَ وَتَصَوُّر
-------------------------------
لولا الكسِر والاوداج ماضَلت إمامه
ولاشفنه شَرِع ينگال اوماتبقى استقامه
جنين وضلع متصوبات وعالوجنه علامه
ونطت نحر برض الطف للدين استدامه


حَتَّى يُبحِر دَيْنٌ الْبَارِي
مَسَحَت عَن الرُّؤْيَا غباري

قَد نشرو بِالْإِرْجَاءِ
وحسينُ عالرمضاءِ
قدشاع الدِّينَ وَتَصَوُّر
-------------------------------
علي سليم الحسناوي

نزال

يادار. شعلوهه بنار
يادار. دار المختار
--------------------------
ياعتبه انداست يادار احترگت
قدسيه امن الله وع الواجب وجبت
من عدهه اسرار الكون اتفرعت
تاليهه بنار بجف حاقد لهبت

معقول. كل هذه الصار
يادار. دار المختار
----------------------------
حرگوهه وجانت بحقاد الهجمه
ولبيهه سر امن اسرار الرحمه
عميانه الناس وكفرت بالنعمه
إلسر الموستودع ماضلت حرمه

حرگو. بيت الكرار
يادار. دار المختار
--------------------------
اشرار الناس اعله الدار انجمعت
ومشكاة الدنيا بالباب انعصرت
ماضلت جلمه الزهره ماسمعت
ياحيف اعليهه اعله العين انصطرت

ع الگاع. فاضت انوار
يادار. دار المختار
--------------------------
رضوهه اونت ونتهه ابحسره
محنيه تمشي امن الضلع وكسره
بسمار وباب اشتركوو بالعصره
بساعتهه كلهه جارت عالزهره

وهناك. صار الماصار
يادار. دار المختار
--------------------------
اتناسوو حرمته وطبت العصبه
اولا چنه طه اموصي بالقربه
بيت الرساله إنترس بالغربه
وعليك ندري ياعلي صعبه

يدرون. اموصه الفقار
يادار. دار المختار
--------------------------
للباري ندعي كلنه بالعبره
ايعجل طلعته الكلنه ننتضره
ثار الزجيه يجيبه وي نصره
ويجيب ثار الطاح ع الغبره

ويصيح. الثار الثار
يادار. دار المختار
--------------------------
علي سليم الحسناوي