‏مـن مُـبْلغٌ عنّي الزمانَ عِتابا

بصوت الخطيب الشيخ ميثم الديري

‏مـن مُـبْلغٌ عنّي الزمانَ عِتابا

بصوت الخطيب الشيخ باقر الدراجي

قصائد مقدمة المجلس
#رقم_57

رثاء #السيدة_الزهراء (عليها السلام )
الشيخ محسن ابو الحَب (ت1305 هـ)

1- إنْ قيلَ حَوَّا قلتُ فاطمُ فخرُها
أو قيلَ مريمُ قلتُ فاطمُ أفضلُ

2- أفهلْ لِحَوّا والدٌ كمحمدٍ
أمْ هل لمريمَ مثلُ فاطمَ أشبلُ

3- كلٌ لها حينَ الولادةِ حالةٌ
منها عقولُ ذوي البصائرِ تَذهَلُ

4- هذي لِنخلتِها الْتَجَتْ فتساقَطَتْ
رُطَباً جَنِيّاً فهْيَ مِنهُ تأكُلُ

5- وَضَعَتْ بعيسى وهْيَ غيرُ مَروْعَةٍ
أنّى وحارسُها السّرِيُّ الأَبْسَلُ

6- والى الجِدَارِ وصَفحةِ البابِ الْتَجَتْ
بنتُ النبيِّ فأسقطَتْ ما تحمِلُ

7- سقَطَتْ وأسقطَتِ الجنينَ وحولَها
مِنْ كلِّ ذي حَسَبٍ لئيمٍ جَحفَلُ

8- هذا يُعنّفُها وذاك يَدُعُّها
ويسُبُّها هذا وهذا يَركلُ

9- وبعينِ ربِّ العرشِ يلطمُ خدَّها
أشقى البريّةِ ثمَّ لا يتوجَّلُ

***
يعيني ابچي ودمعچ خل يهل دم
على الزهره وضلعها اللي تهشّم

گبعت بالهظيمه اخلاف ابوها
وحتى من البچه اصحابه امنعوها
تعنو دارها وبيه اعصروها
لمن طگ الضلع منها وتهشم

غدت تصرخ يفضة صدري انعاب
ومحسن سگط مني بعتبة الباب
اجت فضه ولگتها فوگ التراب
يسيل من الصدر وضلوعها الدم

ضلت تون والونه شجيه
ويون يمها الحسن وحسين اخيه
لمّن دنت من عدها المنيه
وصت تندفن بالليل الاظلم


مراثي الأطهار عليهم السلام

‏إنْ قيلَ حَوَّا قلتُ فاطمُ فخرُها

بصوت الخطيب الشيخ جاسم الكربلائي

‌‏إنْ قيلَ حَوَّا قلتُ فاطمُ فخرُها

بصوت الخطيب الشيخ رياض الطليباوي

‌‏إنْ قيلَ حَوَّا قلتُ فاطمُ فخرُها

بصوت الخطيب الشيخ باقر الدراجي

#قصائد_النعي_الشعبي
#رقم_29

دفن #السيدة_الزهراء (عليها السلام)
الخطيب الشيخ باقر الدراجي

حيدر من دفن بيده الزچيه                                                                                                    رجع للدار والعبره شجيّه
                                                                                                  
رجع للدار منّه الگلب محزون                                                                                                        على الزهره يهل دمعات العيون                                                                                                 يگول بهالمصيبه أصبر اشلون                                                                                           وحسن يبچي ويون حسين اخيّه 
                                                                                           
زينب صدّت ودمعاتها تسيل                                                                                                            على المدفونه ويلي بوحشة الليل                                                                                                          يبويه مصيبة امّي اتهدم الحيل                                                                                               وتدري افراگها يصعب عليه                                                                                                          
                                                                                                                                علي يصعب يبويه افراك الاحباب                                                                                       يبويه امّي صدك واراها التراب                                                                                                            بعد ذيج الهضيمه وعصرة الباب                                                                                                      گضت أيّامها بعلّه خفيّه                                                                                                     
                                                                                                                          بعد كسر الضلع والهضم ماتت                                                                                                   الزهره وعن گبرها علوم ماتت                                                                                                     وهي نفس النّبي وللروح متت                                                                                            وگظت روح النّبي بعلّه خفيّه

مراثي الأطهار عليهم السلام

‌‌‌‌‌‌‌‏‌‏ حيدر من دفن بيده الزجيه

بصوت الخطيب الشيخ باقر الدراجي

‌‌‌‌‌‌‌‌‏‌‏ حيدر من دفن بيده الزجيه

بصوت الخطيب الشيخ ميثم الديري

#قصائد_النعي_الشعبي
#رقم_28

حنين زينب على أمها #السيدة_الزهراء (عليهما السلام)
الشاعر محمد حسن ضيغم

صار المغرب وحنّيت ليهه    
امي الچانت اتلمني ابأديهه                                                             
هسه بالگبر وشلون اجيهه
واظل بحسرتي وبداري انحب                                                             
                                                                                                                            احن الهه ودمعتي اتسيل مني
اصد لمچانها ويزيد ونّي                                                             
شذنبي  يادهر تبعدهه عنّي   
وتدري شلون صار ابحال زينب                                                     
                                                                                                                   اظل اشتاگ الهه شما اجه غروب 
وعليه الگلب ظل للساعه مصيوب                                                  
مثل شمعه بظلام ارويحتي اتذوب         
يريت الموت مني اللّيله گرّب                                                   
                                                                                                                  أنه زينب وحالي اخلاف امي       
ناحل والجفن بالدمع مدمي                                                                 
كل ساعه وگلت ياريت يمّي    
فراگ أمّي علي والله يصعب
                                                     
مراثي الأطهار عليهم السلام

‌‌‌‏‌‏ صار المغرب وحنّيت ليها

بصوت الخطيب الشيخ باقر الدراجي

‌‌‌‌‏‌‏ صار المغرب وحنّيت ليها

بصوت الخطيب الشيخ سالم التوبي

استشهاد الزهراء ع. 👇



يابويه الحك فاطمه ابساع
جنها نوت وتريد الوداع
كدامي حلمي امدد او ضاع
      ماتت امي.  ماتت امي



هاي امي يمي امدده.   بالكوه تحجي الكلمه
يوجعها اني ادري الضلع . لكن وجعها اتكتمه
وبس عني لمن تختلي.   تبجي وضلعها اتلزمه
ماتكدر تغمض الجفن.      كوه تشم النسمه

بالكوه تحجي ابخافت الصوت
ناوي عله امي هالمسه الموت
ابسرعه تعال اوجيب تابوت
       ماتت امي. ماتت امي


من العصر صار وبده.     ورادت تأدي فرضه
والماي هذا شكد ترف.    يلجمها من تتوضه
ضلع امي مو بس منكسر. ضلع الزجيه تشضه
بس هي ما صاحت علي.  لحكيني كالت فضه

لو مخفي عنك ياعلي الصار
بضلع الحنينه غافي بسمار
ومحسن توفه بعتبة الدار
    ماتت امي. ماتت امي


حيدر ركض ركضة حرب.  ويافاطمه سالفته
اولمن وصل يمها لكه.    تبجي وتنوح ابنيته
طاح اعله طوله منحني.  وصار الدمع سالفته
ايهزها بديه بلكت تفز.     مايدري فاطم ميته

بيده يهزها اودمعه سجاب
كعدي يكلها يغله الاحباب
زينب تكله بحسره وعتاب
      ماتت امي.  ماتت امي


يابويه اريد انه اسألك.   عن كربله والبيها
امي كبل ما ترتحل.     رادت تكلي اعليها
اكثر من السطره وشد.   هاي الارض تاليها
غير اعرف شبيها وشكو. قصتها اليه احجيها

ليش امي تبجي الكربله هواي
وتحبني كل ما شربت الماي
ماضل يبويه بفكري كل راي
      ماتت امي. ماتت امي


جاوبها ابوحسين ويون.  وبكلبه غيمه الحسره
نفسه الكسر ضلع الشرف . يكطع لخيج نحره
راسه يصير اعله الرمح. والخيل تطحن صدره
وانتي وبناتج والحرم.       كلجن تروحن اسره

احسينج يموت بسيف الانذال
جسمه يضل او راسه ينشال
وانتن سبايه فوك ال اجمال
      ماتت امي. ماتت امي


خادم الزهراء ع
العبد الحسيني/ علي الاصبحي

قصيده الى فاطمة الزهراء ع السلام
وزن الميمر
خادمكم عبدالهادي العريفاوي

دمع الحزن بسمج صاح   يافاطمه المظلومه

لمن رحل سيد البشر شنهو الصار
غفله وفزع ذاك الجمع صوب الدار
متحيره بين الضلع والبسمار

يافاطمه ذوله منين    بهذاالحقد متعنين   يم الحسن والحسين
شنهو الجره خلف الباب   يالدمعتج مهظومه

ياوالدي تسمع اريد اعتابي
ذوله الكلت عنهم يبويه اصحابي
شعدهم طلب لمن اجوا يم بابي

غفله الوضع ضدنه يصير   وعيوني عالثاني ادير   حقده ردت بي تفسير
قدري جبير ويدرون   ماتنخفي المتلومه

دمع الحزن من غيبتك يتجاره
ضد فاطمه هجمت عليهاالغاره
شوف الضلع هذا واثر بسماره

ياويلي من شر الناس  من هالمرض والوسواس   بضعة محمد لاباس
يكفينه اسياد الناس   متوقعه ومختومه

يازينب اعله النايبه تسمعيني
والمصطفى بطف كربله يحاحيني
باجر اذا شفتيه ذبيح حسيني

بلطف وحيده تظلين  وللكوفه لمن تمشين   يبره الج راس حسين
حسين واهل بيته هناك   متوذره بالحومه

باجر اذا رحتي بهظم مسبيه
بدرب اليسر يازينب ومحنيه
عفتي الجثث متوذره ومرميه

روس الاهل فوك ارماح  صبح ومسه كبالج لاح    راح الخدر منج راح
يمخدرة حيدر وين   هاي الشدد مضمومه

باجر اذا حركوا ييمه خيامج
ومن الرعب يتشاردون ايتامج
وروس الاهل ويه الظعن جدامج

لمن تفكدين اسباع   يالماالج كل فزاع   ضاع الامل منح ضاع
والشكوى للباري بهاي   من وادم المشؤومه

لِفاطمه وأبيها
وبعلُها وبنيها
      الله خالقنه خدم…….

الله خالقــــنه خــــــــدم لترابهم
انجعلو انه احباب وحنه حبابهم
يمته نتــــعنه ونقبل اعتـــــابهم
ونخــــدم ونكنس ابعتبت بابهم
هذهِ آمالُنا نَحكيها…. 


الفاطمه احنه اعيونه انبچيهه
وهل مجالس نحضر ونحييهه
والله هل خدمه انتشرف بيهه
وبالدمــــاء وبالنفـس نشـريهه
ولها ارواحنُا نفديها.…..


شرف هاي الشـيعه ربك زادهه
بخدمة الزهره وعلي واولادهه
همه للدنـــيه العمد وســيادهه
وثورة حسين اصبحو قوادهه
ولهُم دمعاتُنا نبكيها..... 


هل مجالس نعمه من رب المله
جعل بيهه اعظم مكانه ومنزله
يوم فاطـــــم بالحزن نستقبله
وبالمجالس والدمـــوع السايله
نَنّصِبُ المأتَمَ كي نُرثيها..... 


يلي تلطم لم حسن ومصابهه
الجنه تفتحلك جميع ابوابهه
وحـق تربت فاطمه ومحرابه
اتفوز باجر بالجــنان احبابهه
ومِنَ الحوضِ غداً تسقيها…... 

✍كامل السعيدي

يذبح جرحِ الفراك     أحن يا موت واشتاك         
أعيش المن بعد مـــا يسوه عمري
أمشي منكسر وايدي اعله ضهري
يذبح جرحِ الفراك
......................................
أحلامي صحره بلا ضوه وديرة هلي مذبوحه
وأعيونـــــي طفاها الدمع خيط الفجر مالوحه
معقوله من رد الشمس كدامه تطلع روحـــــه
وتحترك بابه وفاطمة جانت ضماد اجروحــه
واقع لو حلم جان     عطر الزهرة دخان
أول مره احس مخنوك صدري
أعيش المن بع ما يسوه عمري
يذبح جرح الفراك
.....................................................
من أحترك بابي رحت أركض وادور احلامي
وبعينـــــي شفت أم الحسن بيديها محسن دامي
كالتلي يا حيدر عصر طفلك وكـــــــــع كدامي
ومن شدة النار أحتــــرك جسمه ودفنت آلامي
اليمشي وضهره مكسور   نور وفا رك النــــور
الباري ايعضم أجرك علي وأجري
أعيش المن بعد مـــــا يسوه عمري
يذبح جرحِ الفراك
.....................................................
عرش الله نوره فاطمة ونور العرش من نوره
وقرءآن عفه أتجمعت باء وحمد كـــــل سورة
مـــــا همها نيران الحقد همها الحجاب ودوره
صاحت دخيلك ياعلي أضلوعي أحس مكسوره
مـــا هم لسعة النار      طك بضلعي بسمار
وينك يا علــــي محتاره با مري
أعيش المن بعد ما يسوه عمري
يذبح جرحِ الفراك
.....................................................
ذبلت مثل عمر الورد من عمره يخلص توه
وبعيونها مات الحجي وكـل ذكرياتي الحلوه
كالتلي أسمع يا علـــي وتهمس همس بالكوه
بالليل أريدن دفنتي الـــــــــوادم بلايا امروه
ونزل نعشي بهداي      وادفن محسن أوياي
وضيع كل أثر يمشي اعله كبري
أعيش المن بعد مــا يسوه عمري
يذبح جرحِ الفراك
............................................
لمن شلت نعش ام حسن زينب أجت تحضني
وكالتلي بويه يا علــــــي وي امي فدوه ادفني
كبر لحدها والكبر طكت ضلعها أبأذنــــــــي
يا بويه امـــي امن انولت بهذا الخبر وصتني
اليحرك بيت الاسلام      يرجع يحرك أخيام
وانته ابحالتي يا بويه تــــــدري
اعيش المن بعد ما يسوه عمري
يذبح جرح الفراك
.........................................
خادم خدمة الحسين
الشاعر
محمد الموالي

نعي لمولاتي السيده زهراء عليها السلام
والسان حال مولانه الحسين عليه السلام ينعه ام الزهراء عليها السلام
~😭😭

اااه يمه يايمه

يكلهه


كوطر نعشها ابليل منه
وكلبي انكسر لم المحنه
اون الگلب ونه اعله ونه
مضلم صفه ياالله دار اهلنه

~~😭😭😭

مضلم صفه ومكدر الدار
ردي ييمه اولادج ازغار
تره ما نحمل بعد يا بت الطهار
روحي ييمه اشتعلت ابنار

~~😭😭😭

شلتي من وكت يالبعدج اشباب
اعاتبج يالتسوين العتاب
زهره ييمه كلبي انعاب
وكتلتني يزهره حركت الباب

ام ✍🏻زيــــــن
العابديــــــــــن لـــــــــــــمحمداويه
~😭😭😭

روحي ييمه عليج كسره
وياعلتي ما ضنها تبره
احسين دونج خلص صبره
والدمع من ادموم يجره

~~😭😭😭

يجره الدمع نهران نهران
امصابج ييمه علينه ما هان
ذوله الصحابه كفر عدوان
وتالي ابكلبي يضل نيشان

~😭
يكلها

ريتج ييمه ابكربلا وياي
اصبريني من يثكل اضماي
وتنعين علىه يمه هواي
وصيحين ابني الما شرب ماي


ام✍🏻 رحمه الگاظميه
~~😭😭😭

عفتينه يمه وين تردين
ومعلمين اعليج تدرين
ضلينه نهمل دمعة العين
افراكج كلف يم كلب الحنين

~~😭😭😭

ردي علينه يالزجيه
افراكج كلف يصعب عليه
نحن الشوفتج صبح ومسيه
هم نلتم بعد نكعد سويه

~~😭😭😭

مايرجع بعد يلتم شملنه
اخذاج بعيد يمه الموت عنه
فكدناج يل كلج محنه
ييمه اعليج بس يهمل دمعنه


✍️ ام حسين العامري
~😭😭😭

شلي بحياتي خلاف عينج
بالدار يمه فاكدينج
بعدنه زغار ورايدينج
زغيره يالحبيبه سنينج

~~😭😭😭

فارغ نزلنه اليوم خالي
ونصيح يحبيبه تعالي
شخصج يزهره يتراوالي
والدمع يم الحسن هالي

ام ✍️ علي الموسوي
~~😭😭😭

خالي نزلنه من الحنينه
راحت بعد ماتمر عليه
اعله فركاج يايمه اشبدينه
على فراكج يمه سلينه

~~~~😭😭😭
خالي مجانج يالزجيه
تجيني بعد لو هاي هيه
يبجن اعيوني بكل مسيه

خادمة✍🏻 أهل البيت ام أبراهيم الحلفي
~😭😭😭
تمت بعون الله باقلام خادمات الحسين في رابطة قتيل العبرات عليه السلام غير مبري الذمه من يحذف الاسماء أو ينسبها له

شيعوا نعش الزهرة وابجوا أعليها
الليه يا شيعة علــــــــــي انواسيها
............................................
شيعوا نعش الطـــــاهرة ام الحسن
بهيده خــاف أضلوعها يترضرضن
امـــن العصر يا ناس طكن وانحنن
وطكت البسمار توجع بيها
..............................................
من تشيلون النعش كثــــروا الدمع
او واسوا حيدر باللطم فوك الضلع
ويالي ثارات الضلع خــــــل ترتفع
راية فوك الغيم وانعليها
................................................
من تنصبون العزه شيب وحـــرم
رايـــــــــــــة العباس شيلوها علم
خاف زينب تحضر اتشوف الخيم
تطمئن من تحضر أنعزيها
............................................
خــــل مواكبنه تسد عين الشمس
وبالوفه للعالـــــــم أنطوها درس
بيها نكشف كل سقيفه وكل رجس
رايد الجلمة وأن يحجيها
...............................................
نعش فاطم آية الحك والبخت
وذكرة الباب ابدمانه اتوارثت
شكثر رادوا تنمحي واتحرفت
لجن غصبن عالعده نحييها
..............................................
خادم خدمة الحسين
الشاعر
محمد الموالي

قصيده الى فاطمة الزهراء ع السلام
وزن الميمر
خادمكم عبدالهادي العريفاوي

دمع الحزن بسمج صاح يافاطمه المظلومه

لمن رحل سيد البشر شنهو الصار
غفله وفزع ذاك الجمع صوب الدار
متحيره بين الضلع والبسمار

يافاطمه ذوله منين بهذاالحقد متعنين يم الحسن والحسين
شنهو الجره خلف الباب يالدمعتج مهظومه

ياوالدي تسمع اريد اعتابي
ذوله الكلت عنهم يبويه اصحابي
شعدهم طلب لمن اجوا يم بابي

غفله الوضع ضدنه يصير وعيوني عالثاني ادير حقده ردت بي تفسير
قدري جبير ويدرون ماتنخفي المتلومه

دمع الحزن من غيبتك يتجاره
ضد فاطمه هجمت عليهاالغاره
شوف الضلع هذا واثر بسماره

ياويلي من شر الناس من هالمرض والوسواس بضعة محمد لاباس
يكفينه اسياد الناس متوقعه ومختومه

يازينب اعله النايبه تسمعيني
والمصطفى بطف كربله يحاحيني
باجر اذا شفتيه ذبيح حسيني

بلطف وحيده تظلين وللكوفه لمن تمشين يبره الج راس حسين
حسين واهل بيته هناك متوذره بالحومه

باجر اذا رحتي بهظم مسبيه
بدرب اليسر يازينب ومحنيه
عفتي الجثث متوذره ومرميه

روس الاهل فوك ارماح صبح ومسه كبالج لاح راح الخدر منج راح
يمخدرة حيدر وين هاي الشدد مضمومه

باجر اذا حركوا ييمه خيامج
ومن الرعب يتشاردون ايتامج
وروس الاهل ويه الظعن جدامج

لمن تفكدين اسباع يالماالج كل فزاع ضاع الامل منح ضاع
والشكوى للباري بهاي من وادم المشؤومه