‏#مصائب_ليالي_العشرة_الاولى_من_محرم_الحرام

#مصيبة_الليلة_السابعة من محرم

بصوت الخطيب الشيخ كرار الكعبي 👆

(للعليله..ياروحي عافوج) 

ياروحي عافوج ولا أضنهم يردون 
غطاهم إتراب عمت عينج يالعيون
ياروحي موتي بحسره *** كلمن ينام ابكره 
غطاهم إتراب عمت عينج يالعيون 
* 
آني أحبابي الجفوني                ردت اوصللهم جواب  
روحي فوك الكاع ميته               وإنتوا موته بالتراب  
اشكد حلمت ابزغري آني         وطلعت احلامي سراب
آني مكتوب اعله عمري             تكضي أيامي بعذاب 

لو صار الإغروب أحاجيهم يسمعون 
اتنطر الباب كلت بلجن يدكون  
وتخنكني كوه العبره *** كلمن ينام ابكبره 
غطاهم إتراب عمت عينج يالعيون 
*** 
أصعب امن الليل ماكو         يهيج اجروح الكلب 
ربي كون الدنيا تخلص       بس نهار اعله اليحب 
ربي اليعوفونه اهله            تعلم ابوضعه صعب  
ماينام وتغفه عينه                الراحه منه تنسلب  

لو جلجل الليل نحن الهم اهلنه 
ماوصلت اخبار عليهم من سألنه 
والفارك الله يصبره  ***  كلمن ينام بكبره 
غطاهم اتراب عمت عينج يالعيون 
*** 
آني بين امغمضه عيني              وبين فززني الحلم  
شفت ابوي ابلايا خنصر          مسلب وعاري الجسم  
وجن اجت اخيول ١٠            وداسن ابضلعه انهشم  
وشفت سهم المثلث                  والتمت اعليه الزلم  

من فزت العين كلت لا مو حقيقه 
رحت افتح الباب وارابط يم طريقه 
وابكلبي نار وجمره  ***  كلمن ينام ابكره 
غطاهم إتراب عمت عينج يالعيون 
**** 
ربي كون حسين عايش        وكون يسمعني صحت 
بويه كون تشوف حالي             عدله يابويه ومتت 
بالخرابه اعيوني ضلن              ابكل مسيه دورت 
بويه شيقنعها روحي               حسين وينك ناشدت 

لو ناوي يحسين تفاركلك عليله 
جا دمع العيون يسليها ابمسيله 
جانت عظيمه الفكره  ***  كلمن ينام ابكره 
غطاهم إتراب عمت عينج يالعيون 
**** 
حتى من اتنام عيني            تبقى روحي امعلكه 
يمتى اشوفنه يردلي               يمته خلي اعانكه 
نمت مره وهو ماكو          وشفت خيل التسحكه  
فزت اعيوني لجنها        روحي ماهي امصدكه  

الخاطر حسين يروحي لا تصدكين 
لن ذيج الأخبار اجتني من الحسين 
مكطوع ابيج نحره  ***  كلمن ينام ابكره 
غطاهم إتراب عمت عينج يالعيون 
** 
خادم أهل البيت عليهم السلام 
زيد الشمري 



 
     

ياروحي عافوج ولا اضنهم يردون

(ليش سكته) للعباس ع 

ليش سكته يالنسيت أخباري 
إشكد ذكرتك والدمع خطاري 
لا تسولف يالحبيب .. هو جرحك مايطيب 
ليش سكته .. ليش سكته 
* 
مانسولف .. خلها الإعيون التسولف عالجرح 
آني وإنته .. إنته ليل وآني من اطلع صبح 
هم شفتني .. نجمه وادور كمرها ومايصح 
الدنيا صعبه .. آني اشجكيلك زماني اشكد وكح 

كلشي ادري واعترف بحساسي  
وادري راح وما يرد عباسي 
آني ماعندي نصيب .. هو جرحك ما يطيب 
ليش سكته .. ليش سكته 
* 
كلي آني .. اسنيني تزغر من يصد وجهك إلي 
وينك إنته .. أعبر ابحور وتكلي ادللي  
ما أكلك .. منهو الخلافك يعدل محملي 
ماتصدني .. كل مسافه تكضي وي ريحة علي 

عطرك وعطر أمي ام الأربعه 
آني أشتمك هواها ومطلعه  
باوع ابكلبي اللهيب .. هو جرحك ما يطيب 
ليش سكته .. ليش سكته 
* 
عيني تدمع .. تحجي بغيابك ولا شفت الضوه 
كلبي واكف .. اختنكت انفاسي ولا ينفع هوه 
جنت اشمك .. من اشوفك واكف وشايل لوه 
جرحي يكبر .. بعد ماينفعني طب ولا دوه 

كمت أدور وينك انته ابروحي 
ولن تكلي ماهو هاي اجروحي 
واكع ودمك خضيب .. هو جرحك مايطيب 
ليش سكته.. ليش سكته 
* 
زينب آني .. والدمع يجري عليكم اخوتي 
كون اشوفك .. من ارد وأحجي عليها قصتي 
لو شفتني .. اشلون من حركوا يخويه خيمتي 
اجدامي تركض .. وحركت اذيال العبايه جمرتي 

شبت النار ابخيمنه اعلينه  
حسين واكع ينضرلنه ابعينه  
واكع ولاجن سليب .. هو جرحك ما يطيب 
ليش سكته.. ليش سكته 
** 
لوسمعته .. واكف ايفزع ولا واحد فزع 
حته انته .. كلي يازينب هضيمه مارجع 
ابو فاضل .. جان ضلعي وهسه آني ابلا ضلع 
كتله واكع .. كلي كليله اخيك هم وكع 

حسين واكع من وكع عباسه 
احساسه كله وينجرح باحساسه  
ضل وحيد وضل غريب .. هو جرحك ما يطيب 
ليش سكته .. ليش سكته 
** 
خادم اهل البيت ع 
زيد الشمري 

ليش سكته يالنسيت اخباري

هاك أسمع أخبار// زينب والانصـار
باچر تگلهم تدرون// كلكم ضحايه أتصيرون
من يحمي هالدار // هاك أسمع أخبار
***
أربات الخدر تدرون آنه ابزغــري
وستر الجلاله الصار بالحگ ستري
سيف الصميده أحجاب ليه وذخري
وعباس أخوي أركان بيتي وخدري
سوري الميامين // غوث الميادين
اليوث الحرايب كلفين // مثل الصوارم ماضين
لو طلبوا أبثار // هاك أسمع أخبار
* 
گلبي أبوجل ينصار من هـــالليله
وأطلب عجيد الگوم همي احجيله
عدكم أمانه وضيف هــــاي العيله
وادري الحمل لوطاح أهله اتشيله
ومن طبع الأكرام // ما ترضخ الهام
وين الوجه لوغارت // باچر عدانه وجارت
وگربتنه الاخطار // هاك أسمع أخبار
** 
بـاچـر تــدور الخـيـل يــم أخيامــي
وبـاچـر يصير الــكـون أظلـم دامـي
بـاچـر أشـوف الـبـيـن هـوه الـرامي
سهمه ويصيب حسين چبده الظامي
خبروني أشلون // لمن تصبحون
وعلينه تفزع هالخيل // من عجهه يندار الليل
مصباحه بغبار // هاك أسمع أخبار
* 
جاوب حبيب أدموع عينه أيهلهه
بـاجـر سيـوف الماضيات أنسلهه
بروس الرماح الگوم هاي أنذلهه
أنضحي النحـور أعليچ مانبخلهه
أحچيلچ أسرار // عن حامي الجار
لابد يسيره اتروحين // فوگ الهزل يخت حسين
ودموعگ أنهار // هاك اسمع أخبار
***

فـوگ الهـزل نسوان تمشـن يسره
وشيخ العشيره أعداه تگطـع نحره
أبحرالشمس مطروح شبل الزهره
وسبعطش صنديد صرعه ابكـتره
وگيد ابيمينچ // الله اليعينچ
وتتفرج اعليچ الناس // وتناشدچ عن عباس
وين الكفل صار // هاك اسمع اخبار
*** 
دارت وجهـه اتـريـد راعـي الـرايـه
ونشدت لخوهه شلون يرضه بهايـه
زيـنـب يـگـلـهـه الـوعـد الـمـسـنايـه
اعـلـيـهـه يـمـيـني ورايتي امتچايـه
ويساري والجود // والهامه وزنود
يجرن دمه ومگطوعات // اچفوف اللون للكلفات
أنطيهن أعذار // هاك أسمع أخبار
** 
لخادم خدمة الحسين (ع)
أبو عمار الدراجي

حـي حبيب الرايــه حـيـن الشالـهـه
وحــي رجــال الصادگه بـاقـوالـهــه
***
حـي ابـن ظـاهــر وحـي يـوم الاجه
اگـبـــال زيـنـب سـلـم اوون وبـچــه
مستحي من حسيـن وبهـيـده حـچـه
شـلون حـالچ بـل خجــل مـن گالهه
***
شلون حاله اليصبح ويمسي بنحيب
والجـمـر بـحـشـاه يـاعـم يـاحـبـيـب
آنه أدري حسين مـذبـوح وسـلـيـب
ومـاتـضـل ولـيـان بـس أطـفـالـهــه
**
گـال ابـو السـجـاد نـوخـوا للـظـعـن
عـمـيـر يــــاعـمـران تـربات المحن
ارواح گـبـل اجـدام هـمـن وسـبـگن
للشهـاده اتــريـــد نـعــم ارجـالـهــه
****
الـقـاسـم وعــبـاد عــمــار وبـكـيــر
عبدالـله وسليمان ضرغـامه الاميـر
بـالحـرايـب والـعده مـنـهـم تـحـيـر
أبـريـر وي عــبـد الـتـــرد اثگالـهـه
*
حـجـر والحـلاس مـا هـابوا آلـوف
مصعـب وبـكـر المشهرين السيوف
جناده وابن القين رعـبـوا للصفوف
جــويـر والحـارث مــرار افـعـالـهـه
** 

دارم وابو الهياج جـابـر بـل نــزال
ويـاهـم النعـمـان والادهـــم جــبال
عــامـر وقـنـعـب نـافـــع بن هـــلال
جـون قـاسـط بـشــر ذوله ابـطـالهه
**
حـي أنـس وهـلال زلـم  المـاتـهـاب
لمعـلـي والمسعـود شـالـوا لـصعاب
شـوذب وسلـمـان مسـلـم للـحــراب
اتلگوا دون حسين خـيــــر اعمالهه
****
كـنـانـه  والـكـردوس ذبـوا للـدروع
نـحـروا جيش أيـزيد طروا للجموع
جـنـدب وحـيـان رووا هــالــربـــوع
بـالــدمــاء ايســار شــد خـيـالــهــه
***
عـابس مـن الشـوگ طـب ابـلا درع
خــورس الفرسان بس طگ ينسمع
يحـيـى ويــه جـويـن والـحر السـبع
سـيـوف مـلـك الموت ظـل يـبـرالهه
***
سـيـف غـار وزاهـر ايشـاهـد تـبـيـد
سيوف مالك بــدر وسـوار ويــزيــد
بـالـعــده وحـجـاج رمـحـه مـايهـيـد
بـالصـدور أيــدور يــردي انـذالـهـه
*** 
أرماح قـره عـلي جعـبه وي شبيب
وحنضله وهـمـام سـد دون الغـريب
ياسعـد هـالـيـوم سـهـمـك لايـخـيـب
وي نـعــيـم وعـقـبـه هــد جـتالـهــه
****
هــد أمـيـه وعـائــذ ونـصـر اوهــب
ومـن سعـيد الـگــوم شافــوا للعجب
حي ربـيـعـــه أزيــاد والخـالــد نـدب
مجمـع وعـمـرو اليكشف اهوالهــه
****
يكـشـف الاهـوال سـالـم وي زهـيـر
ونيزك  بـيـمـنـاه  شــــــر  مستطـيـر
الموقع وي سـويـد مـن حملوا تـطير
بس رؤوس الـگـوم شــل احوالهــه
*
قــارب ومنجح اوهـد زيــد الشـهــم
مـقســط الهفهـاف يـامــوت الــزلـم
غــار واضــح وي جــبـلـه والـنـعــم
ضـاگـت اهـــل الشـام مـر انـزالـهـه
**
عـمـر صاح ونـدب هـمه يــل ضباب
يـا رمـيـث وحبشـي انهض يحـبـــاب 
 مـحـمـد  ابهل  يوم  اسگوهم  عذاب
يابـو الحتـوف  عليك گطع اوصـالـهـه
** 
ردوا اعله حـسين بــوداع الاخـيــــر
وگصـدوا الساحـات لملاگه المصـيــر
ظـل ابــو السجاد بعـيونــــه يــديـــر
بـس هــواشـم وادعـــت لعـيـالـهــــه
****
لخادم خدمة الحسين ع
ابو عمار الدراجي

حبيب ياشيخ الأنصار
يل عاشرت شفت النبي وصرت من الاصحاب
وجندي وتقاتل كل حرب وي داحي الباب
عمرك وصل للطف حلم معروفه الاسباب
اهنانه الشهادة تختلف عن ذيج الاسنين
حبيب ياشيخ الأنصار

لو مر ذكر اهل الوفه لازم نمر بيك
للصاحب ابنحرك رحت ربك يجازيك
يل شيبتك شيبة بخت ياعم يناديك
هنياله اليحصل عشك مثلك للحسين
حبيب ياشيخ الأنصار

باصحاب ابو اليمه انجمع عشك وعشك حيل
بيهم صدك شدة عزم لو سرجو الخيل
كلهم حبيب ابهيبته وهوه اليشد حيل
كلهم على الموت اركضو ركضت محبين
حبيب ياشيخ الأنصار
نتمنى كون ابطيحتك هم مثلك احنه
ونفدي العمر مثلك اله ونضحي كلنه
وخدام اله وابدفترك بلكت تحطنه
وبيدك تسجل كل اسم واتكحل العين
حبيب ياشيخ الأنصار

الثارك اخذ ابنك تره بس ثاره لليوم
ندعيله كل جمعه يجي المهدي واله يكوم
ندري احنه وبكلبك حزن ندري احنه لليوم
ماينتهي بموت العهد للصاحب الزين
منك تعلمنه العمر رقم ويه الارقام
سبعينك العبرن عزم مشدود الاحزام
تتنطر انت ابكل وكت وتعد بالايام
موعد غرام بكربله بي توفي الدين
أسألكم الدعاء
حسين محمد الزهيري
وزن الفائزي

لاجل عيونچ. راح اگلب الحومه گلب
مايدنونچ. راح اگلب الحومه گلب
يازينب وانتي تعرفيني
وفاي عهود مسميني
&&&

من حيدر آنه تكلفت يازينب وعندي وعود
احمي الخدر والعايله. والرايه عندي وي الجود
ولحسين اصيرله درع. لو دارت اعليه احشود
يدريني حيدر بالشدد. وفاي انا بلايه حدود
حيدر يدري. راح اگلب الحومه گلب
بس اتأشري. راح اگلب الحومه گلب
وافنيهم بس تأمريني
وفاي عهود مسميني

&&&
عمنه حبيب وصحبته. انصارنه البيهم زود
يم خيمتج خطو عهد. وانه يزينب موجود
صح بيهم انشد الظهر. كلهم نشامه وحيود
بس يختي انه الكافلج ابديها والكل شهود
كافل زينب. راح اكلب الحومه گلب
انه اتلقب. راح اگلب الحومه گلب
واسمچ افديه بمي عيني
وفاي عهود مسميني

&&&
يابت علي وجيش العدو. شمايكثر عليه سهل
معروف انا بيوم الوغا. مايصعب عليه حمل
واللي يواجهني بحرب. ينجى بهرب لو ينجتل
وعلومي من حيدر علي. رمز الشجاعه والاصل
واهتف حيدر. راح اگلب الحومه گلب
شبلك كبّر راح اگلب الحومه گلب
وياويله اليجرء يدنيني
وفاي عهود مسميني
&&&

مذخور انا لهذا اليوم. يازينب امن الكرار
ومعروف حيدر لونطق ينقل نص من المختار
من الله يعني هالامر. عباس الج كافل صار
وساقي العطاشى بكربله. ولجودي تربي الانظار
بس ايقرر راح اگلب الحومه گلب
ضنوة حيدر. راح اگلب الحومه گلب
ومتاني الرخصه من حسيني
وفاي عهود مسميني


نسالكم الدعاء
احمد سيد جاسم العگله

رفت راية الانصار .............والعباس رف رايه
ضهر اعله الضهر دگوه ...... هاي ازلام وفايه
....................................................................
زعلت والغضب دخان دار بروس اهاليها
ازلام التلبس الاكفان ولا واحد يمر بيها
اچفوف امعرّكه امن الضيم جيب اللي يلاويها
مترهي اليطب عرّاك ميهاب اليلاگيها
حچّايه وحچيها اثگال ...............وتعدل الحمل لو مال
اصحاب التطيب جروح .... لمن تطي الحچايه
.................................................
كل صاحب تعرفه بضيج وتعرف زينه من شينه
واحد يگطع الچفين واحد ما يرد دينه
اصحابك خلق الله من العباس فد طينه
تفزع فزعت الملهوف لونادت تره اسكينه
گالو بالمثل كل حين ............... الزين ايصاحب الزينين
واصحابك يبو السجاد وكت الضيج كفايه
.............................................................
جون ازغر عبد عدهم طب ايعارك بقامه
وسيدهم حبيب شلون شايب ذب العمامه
خلاهم عبيد الموت حر اليكشف الثامه
من أذن آذان السيف هامه التردم بهامه
طاحت والروؤس هواي ............... صارت گنطره اعله الماي
مو اسود تظل يا جون ابيض وجه المرايه
..............................................................
مجنون ويشگ الثوب صاح حسين جنني
عابس من كسر هالسيف قائدهم شرد مني
بصم چفوف اطبها بزود الخيّركم فلا ثني
يسهام التريد حسين ردي اعليه صيبني
واليرضه عليه حسين ...........................فاز بدنيته وبالدين
حومه واليريد ايبيع ..... تلگه انصاره شرايه
...............................................................



بسيف ايجندل الفرسان طب الحيد شيرده
وخله اعله الزلم شارات كلمن طينته بخده
من طبها زهير القين كلها اللي ادخلت عنده
عرگت والعصرها الخوف ماي اوجوه تتبده
شيخ اعله الزلم صيته ................... ذب ابعيد خاچيته
بموقفها الزلم تنقاس ... هاي اشيوخ عطايه
...............................................................
چن خيبر وگع بالطف وتنسه الگوم اساميها
ضاعت حرثت المشراد من عباس طب ليها
دگ ضهره اعله ضهر انصار گادر وحده يفنيها
يعطش ويتَرّوه السيف يگلبها اعله شاطيها
ريشاته اليمسها الريح ................. ثِلث الجيش يمه ايطيح
شيال العلم عباس.... ظل لحسين تچايه
..................................................................
الخادم
علي صادق المجراوي
29/6/2023

قصيدة ( انهم فتيه ) في ابطال الطف من بني هاشم

أنهـــم فتيــه .. آمنــــوا بــربهــم
أنهـــم فتيــه .. آمنــــوا بــربهــم
**
فتيه مـن ( آل عليٍ ) بـرزوا لسـوح الشـرف
اتلاگو وي الموت بالطف مو مثل أهل الكهف
ضحوا أبــدم الكرامه مـــن اجــل أعظم هدف
لجـــل دين الله تعالى ابــد مــــا واحــد رجف
أنهــم حقـــــاً .. دافعوا عـن نهجهم
أنهـــم فتيــه .. آمنـــــــوا بــربهــم

**

اقــره تاريــخ البطوله والشرف في كربلاء
خطوا آيــات المواقف والمجد مــن الدمـاء
جدهم الهادي محمـد عكــس ولــد الطلقـاء
جادوا بأرواح للطــف عــدهم الـدنيا فنـــاء
آمنـوا الدنيــا .. مسكناً لغيــرهــم
أنهـــم فتيـــه .. آمنــــوا بــربهــم

*
آمنـــوا بحسيـن يعنــي امنـــوا بــس بـالإله
حسين للباري نــذرها روحـه وولاده ودماه
حسين باع الروح لكن بالدمّه الدين اشتراه
ولــذلك ال هـــاشم سلكــوا أبــدربه وخطاه
بذلــوا النفســهَ .. فتيـــةً لـــدينهــم
أنهـــم فتيــــه .. آمنــــوا بــربهــم

*

لاعبــوا بالطــف خصمهم ال هـــاشم بالحديـد
مــو مثــل لعـــب ال أميــه بالقــرود وبالعبـيد
فــرق بيـن الطاح بالطــف غسلــه دم الــوريد
وبين طاح أبكاس خمره فرق عن ابن الشهيد
ملئــوا الدنيــا .. صيحتــاً بـذكــرهم
أنهـــم فتيـــه ..  آمنـــــوا بــربهــم
*
كـون قــرأن الجــلاله لهسه ينــزل عالبشر
چان بالطــف ألف أيه نــزلت وعــدّت سُور
فتيه ما ضمهم كهفهم ضحوا ابگطع النحر
الدنيا گبه صــارت الهم صاغها چف القـدر
نُــورهم يبقى .. خالدا وذكــرهــم
أنهـــم فتيــــه .. آمنـــوا بــربهــم

*
أنهــم فتيــة محمد مــا يهابــون الحتــوف
تشهد الدنيــا عليهم يوم بــرزو بالطفـوف
طعمّــه خلوها المنــاحر للنبــال وللسيوف
ابد ما صافحو ظالم ظلوا انظاف الچفـوف
أنهــم صفــوه .. سارعوا لحتفهــم
أنهـــم فتــيــه .. آمنــــوا بــربهــم
**
الشاعر
موسى البديري

رئيسية للأنصار عليهم السلام 2023

انصار ابواليمه بعهــــــــــدهم وفّو
كلمة شرف بالطف حچو من وگفو
عن حبّه ما نتخلّه
هيهات منّا الذلّه
.........

وگفو مثل سور ودرع لسبط النبي ينصرونه
زلم الشدايـد والحـرب انصاره ميعـوفـــونه
گالوله يبن المصطفه. هـذا العهــد مضمونه
هيهــات عنك نفتـرق خلّيهـــــــم يگطعونه

بيد ابن ظاهر رفرفت رايتهم
لنصرت حسين بكربله فزعتهم
وسمائهم تتعلّه
هيهات منّا الذلّه
.....

تحزّم حبيب الاسدي وتعصّب بعصّـابه
شايل الراية بيمنته هوس گبال صحابه
گلهم امشونه للسبط. خل نجتمع يم بابه
انجدد البيعه وننحني. انقبّل تراب اعتابه

آل النبي نطمّنهم ونشكرهم
للموت نبقه وياهم وننصرهم
جده النبي شنگلّه
هيهات منّا الذلّه
.......

يم خيمة حسين اوگفو. شيعة علي الوفايه
تهيّئو كلـــــهم للحرب. وبچف حبيب الرايه
صاحو يبن سيد الرسل. انت النصـر والغايه
نضحيلك بدم النحــــر كلمـة انصارك هايه

انطينه رخصة وشوف يابواليمّه
بسيوفنه جيش آل اميه انهزمه
نگص الرگب ونشلّه
هيهات منّا الذلّه
......

گاللهم حسين وكفو. يصحابي يهل الغيره
كلكـم نشامه والوفه. بيكم وضح تفسيـره
ما بيكم إلّا الحيدري. طِيب الخُلق والسيره
والينصر الحق ينتصر. يتخلّـد بتقـــــديــره

صاحوا يبوالأكبر فداك ارگبنه
دونك انقاتل حتى نثبت حُبنه
وحسين بيهم صلّه
هيهات منّا الذلّه
.......

سوّوها بالطف ملحمــه. من قاتـلــو انصاره
روس آل اميه اطايــرت. بسيوفـها البتّـــاره
انصار ابواليمـــــــــه زلم گالوها وخذو ثاره
ترسوها گاع الطف جثث ما ظلت ألهم چاره

لَبيكَ يبن الهادي كلهـــــــم صاحو
وفّوا عهود الصحبه دونه وطاحو
بهذا العشگ نتسلّه
هيهات منّا الذلّه
.....

بسيوف امية تگطّعـوا. انصاره طاحـو كلهم
شاهدهم حسين وبچه. بدمـــــوعه يتأمّلهم
متگطعيــن عله الثـــرَه. دم النحـــــر غسّلهم
گلهـم مثلكــم ما شفت. اوفى البشر سجّلهم

نالوا رضا الخالق الباري بدمهم
هنيالهم وحسين ساكن يمهم
بيها الفخر يتجلّه
هيهات منّا الذلّه

سيد زيد الفحام
________

قصائد مقدمة المجلس
#رقم_19

#الليلة_السابعة من محرم الحرام
السيد محمد علي الغريفي (١٣٨٨ هـ)

1_ المَجدُ مَجدُكَ يا بنَ ساقي الكوثرِ 
والفَخْرُ فَخْرُكَ يا كريمَ العُنْصُرِ

2_ قَمَرٌ بِكَ القَمَرُ المُنيرُ تلألأتْ  
أنوارُهُ وبدا بِوجهٍ نيُِّرِ

3_ والفَضْلُ يَشهدُ أنهُ لولاكَ لمْ
يُعْرَفْ وَما في الناسِ عَنهُ بمُخْبِرِ

4_ وَازرتَ يومَ الطفِ سِبطَ مُحمَّدٍ
بمهنّدٍ صافي الحَديدِ مُجَوهَرِ

5_ وَملكتَ بالسيفِ الشريعةَ وانتحى
عنها لهولِ لقاكَ كلُّ غَضَنْفَرِ

6_ فأبيتَ شُربَ الماءِ وابنُ محمدٍ
لَهَبَتْ حُشاشتُه بحرٍّ مُسْعِرِ

7_ لكن حَملتَ الماءَ تَضْرِبُ دونَه
بالسيف لم تَملُلْ ولم تَتضجَّرِ

8_ لولا المقادرُ ما استطاع مبارزٌ
منك الدنوَ ولم يكن بالمُجتري

9_ حَسمَ القضاءُ يديكَ لكنْ بالذي
جادت يداكَ على الهُدى لم يَشعرِ

10_ أبكيكَ مَقطوعَ اليدينِ مُعفَّراً  
نفسي الفداءُ لجِسمِك المُتعفّرِ

11_ ولرأسِكَ المَفضوخِ والعينِ التي
انطَفَأتْ بسهمٍ في الجِّهادِ مُقدَّرِ

12_ فَمَشى الحُسينُ إليكَ يهتفَ يا أخي
أفقَدتني جَلَدي وحُسنَ تصبّري

13_ أاُخيُّ ها فانظرْ بناتِ محمدٍ    
تَبكي عليكَ بِلَهْفَةٍ وَتَزَفّرِ

14_ هذا لواؤك مَن يُقومُ بحملِهِ 
بَلْ من سَيَحفظُ بعدَ فقدِكَ مَعشري


***
تعنّه من الخيم للعلگمي حسين         
يصيح بصوت يعضيدي وگعت وين
بعد ما شوف دربي يا ضوى العين  
يخويه الكون گله بعيني اظلم

يخويه بيا كتر طاحن زنودك         
يخويه العلم وينه ووين جودك
يبو فاضل زماني هم يعودك
وشملي اللي تشتَّت بيك يلتم

يخويه انكسر ظهري ولا اگدر اگوم
وصرت مركز يخويه لكلّ الهموم
والله يخويه استوحدوني عگبک الگوم
   ولا واحد عليّ بعد ينغرّ

يعباس العذر شنهو
من أروح الخيمــة اسكينه
وتناشدنــي يبويــه احسين
جا عمي البطل ويينه
أگلها امگطعه اجفوفـــه
وصابوا بالسهم عينه
وهامة عمــج العبــــاس
يبويـــه العمـــد هاشمها

يخويه لو لفت زينب
وگالــتلي يخويـه حسين
اجيت من الحرب وحدك
جفيلي وگمر هاشم وين
أگلها اعله النهــر نايم
اخــوج امگطع الجفين
عساني وياك أمــوت ولا
أظـل وبجتلك أعلمْــــها

مراثي الأطهار عليهم السلام

المَجدُ مَجدُكَ يا بنَ ساقي الكوثرِ 

بصوت الخطيب الشيخ ابي محمد الكربلائي 👆

‏المَجدُ مَجدُكَ يا بنَ ساقي الكوثرِ 

بصوت الخطيب الشيخ كرار الكعبي👆

‏المَجدُ مَجدُكَ يا بنَ ساقي الكوثرِ 

بصوت الخطيب الشيخ حسام المسافره 👆

‏المَجدُ مَجدُكَ يا بنَ ساقي الكوثرِ 

بصوت الخطيب الشيخ حامد الحساني  👆

‏المَجدُ مَجدُكَ يا بنَ ساقي الكوثرِ 

بصوت الخطيب الشيخ ميثم الديري  👆

‏المَجدُ مَجدُكَ يا بنَ ساقي الكوثرِ

بصوت الخطيب الشيخ ميثم الديري 👆