قصيده زنيجيل أو شوط كربلائي

هاذي كربله
هـــاذي كربلـه ياناس مــدفــون البطــل بيهــه
حسين وراعي النوماس عباس وذراريهـــــه

هـاذي كربلـه يانـــــاس ضمــت بضعــة الزهـره
ابو اليمـــه ذبيـح هنــــا ترابــه اتعطــــر بعطره
من دمــه سگـه الحومـه وبيهــه شــيدوا گبره
وتتوافــد عليه النـــاس كلهــه اتريــد يحميهه

أول واحـــــــــد الـــــزاره آدم مـــن گبل موته
وكل مرسل أجه لهالدار وصاح حسين وبصوته
وجبريل الاخذ تربـــــان منهه وروحه مكبوته
ومن شافـه النبي الهادي ظل ابألــم يبچيهـه

هاذي كربلــه تــــدري كلنه انــزورهه بلهفــه
انريـد الشفاعه انًـــول واحنه الحامي انعرفه
يــم گبتــه دعانـه دوم والرحمه بوسط چفه
وبترابــه الشفه والداي وهاذي وين نلگيهه

من تدخل لبو السجاد تحس الروح مرتاحه
چنـك واگف أگبـالــــه تعيش النور وأفراحه
سفينــه للنجاة حسين ولعد الليل مصباحه
بعـد شنريد يــاشيعـه لجله الــروح نفديهه

نفــدي الروح للعـــتره موبـس الذهب والمال
واثبتنه بدليل الـــروح من عدنه مشوا ابطال
يـوم العاشتـر بعاشـور يــوم الـزرعوا الانذال
ومــن اجسـادنا طــًرز شوارعــهه ومبانيهـــه

شيـاب وشباب اتـــروح واطفال وبعـد نسوان
وذر لمــوه بالسلـــــــــه ودمانـه لوًن الحيطان
وانقــدم بعــد أكثـــــــــر لجل حسين والديان
رب الكــون يعرفنـــــــه الجنــه انريــد نلفيهـه

كلشي بكربله مـدروس من تــراب ودمه نحـره
دمه الفايز اعله السيف والگاع اللي حوت گبره
وراسه من انرفع عالزان دين الله انرفع قـدره
وصـار حسين مشعل نور وضًـح كـل خوافيهه

ويوم الروحت للشـــــــام وعشرين بصفر ردت
زينب والحرم واطفـــــال لگبور الاهل وصلت
گعــدت يم گبر الحســـين تگله وروحهه حنت
بيكــم ياشبــل حيــــــــدر يعــزونـه ونعــزيهه

خادم الحسين ع
الحاج ابو البيجاوي

باچر يالعقيله تحضري الباچر
للشام الضعن وابلاولي يسافر
باچر عالهزل يالحره يسبونچ::: باچر بالدرب كلهم يشتمونچ
""""""""""""""
باچر من عسن لامر
عليچ أنتي وعله الأيتام
بلاكافل واحسبي احساب
ويحدون الضعن ضلام
صعبه الحاله يازينب
حيل وكثره هالألام
مرشده الأشد زينب
عدوانچ حچي إسهام
للشام بحزن يمكن يودونچ::: باچر بالدرب كلهم يشتمونچ
"""""""""""""
وحدچ بالضعن تحدين
واخوتچ عاثره يضلون
روس الي تروح اوياچ
أوّنچ كلهم يسمعون
اقبلي بكل عذر منهم
لونهم مره يتعذرون
صح اعله الثره الأجساد
لأكن خدرچ يبارون
شلون إبلا حميه اهلچ يتركونچ::: باچر بالدرب كلهم يشتمونچ
""""""""""""""
ممنوع البچي اعله حسين
مارادو تهل ادموع
وانتي شينسمع منچ
بس دگ الگلب مسموع
وانشدچ عالضلم زينب
هذا الي حصل يانوع
ابأهاتچ گصدتي الشام
أوياچ اليتامه تلوع
بالسوط الكفر گامو يضربونچ
باچر بالدرب كلهم يشتمونچ
"""""""""""""
مابين العده تلوجين
آه شگد صعب حالچ
إذا ناديتي ياعباس
الشمر تلگينه يبرالچ
عگب عينه العده تباريچ
اويحوتچ راحت امالچ
الدنيا خلاف ابو النوماس
ماضن لحضه تحلالچ
وي عين الكفيل تغمض عيونچ:::
باچر بالدرب كلهم يشتمونچ
"""""""""""""
آه شبيها ذله الشام
باچر من تطبيها
ولاكلمة هله تسمعين
المدامع حيل اذرفيها
وياذل الخرابه هناك
يمهم من تگعديها
وخرابتهم بلا بيبان
وعدوانچ حرس بيها
الماعدهم ذمم گامو يحرسونچ:::
باچر بالدرب كلهم يشتمونچ
""""""""""""
أسألكم الدعاء
خادم ابي الأحرار
ضياء الكناني

@نعي @للسبي@ أه يازينب



يشاهد حالتي عباس ريته
ويشوف هسه وين اخيته
المن بيتهه طلعت بذمته
غصب مشيت جتاله رفكته




وينه الدك الصدر. وينه
ريته يشوف اصار بينه
يعباس تره وليه نولينه
سبي الروم بعدك سابينه



مهضومه تندب وين الحنان
يهل الشيم يولاد. عدنان
هضيمه تنسبي الكم نسوان
ترضون الفواطم تطب ديوان



يهل الشيم نغرو. عليهن
فلو. حبال الي بديهن
الناس تنشد وين اهاليهن
وانتم مادريتو اصار بيهن




زينب يهل زينب. تحشم
من الهضم عالراس تلطم
يهل الشيم كومو. لحرمكم
من النوم يالشجعان. بسكم


كافي نومكم كعدو يطيبين
شوفو حرمكم وين. ماوين
اسف بضعونهن تحدي ملاعين
وحده عله وحده دير بلعين



تهد الحيل مصاب الهاشميات
عليهن تصد عيون شمات
يكولون منين ذني الخارجيات
لجلهم بجت أملاك السماوات



بقلم الشاعره ام رائد زوين

@قصيده @للسبي@


بزينب اسوت يادرب السبي
بضعن الحره يحدي الاجنبي





شلون زينب رافكة شماتهه
مشت مهضومه تهل دمعاتهه
الرواسي تهد من وناتهه

لمصابج تهمل عيون النبي



بيادرب هسه زينب رايحه
وين للوليان نصبت فاتحه
الحرم ويتام يمهه. نايحه
منين يازينب تجيبين الولي



مدللت حيدر مشت بلا كفيل
من يبـاريها هالدرب الطويل
من يعدل حمولها لمن تميل
يعين كلبج عالهضم يابت علي



رؤوس وياها تبره للضعن
لوبجت زينب ليهه تلفتن
الدمع يشرح وضع ام الحزن
مانصف الدهر بن الطالبي



المن توجهين يازينب عتاب
كلها وليانج نومه عالتراب
يعينج الله يالعقيله بهالمصاب
بيج اسوه يويلي الناصبي




بقلم الشاعره ام رائد زوين

قصيده للسبي طور سيد فاقد (( تلكيني يزينب حيل مابيه ) )


يحسين... مشيت ميسره غصبن عليه
يحسين ...ﻻرض الشام ياخويه سبيه
يحسين ... وبلوعه صحت يابن الزجيه
يهلي صحت ...بساع لحكوني 3
عله الهزل.... خويه ركبوني 3
يخويه حسين يخويه حسين
〰〰〰〰〰
ناديت....وينك ياعلي الحكلي هالساعه
ناديت ....ايتام وحرم يابوية مرتاعة
ناديت....عباس الكفيل الكطعوا ذراعة
عنك غصب ...خوية مشوني 3
زينب انة ....والله هضموني 3

يخويه حسين يخويه حسين
〰〰〰〰〰

عفناه ...عالشاطي الكفيل وسهمه بعينه
عفناه.... نايم ابن ابويه يمه جفينه
عفناه.... مخضب بالدمه واحنه نكطع بينه
وعلى النهر ...رايته وجوده 3
والله ونعم ....وفة بوعودة 3
يخويه حسين يخويه حسين
〰〰〰〰〰〰〰〰
من سار... حادي ضعونة روحي بقت يمك
من سار ...مشيت بلا فكر وداعت امك
من سار .. عيني شابحه ومشتاكه اشمك
سار الضعن ....بساع للكوفة 3
روحي بقت..... عليك ملهوفة 3
يخويه حسين يخويه حسين
〰〰〰〰〰
للشام ....طبينه ياخويه احبال بدينه
للشام.....وعيون الشماته تباوع علينه
للشام... راسه عالرمح يحرسنه والينه

اسمعه يون .... من يضربوني 3
وطول الدرب .... عينه بعيوني 3

يخويه حسين يخويه حسين

〰〰〰〰〰
تمت بعون الله تعالى
✍ خادمة الزهراء ام حسين الأسدي

صاحب الزمان ع ينعى جده الحسين ع

السلام على تلك النساء البارزات
السلام على تلك الوجوه اللطمات
السلام عليك ياحبيبي ياحسين
----------------------------------
ياجدي يوميه اختنك وبدمعي اكسر خاطر
الناس تتنطر شهر يوميه بيه العاشر
عايش صور طحن الجسد موتني ذاك الحافر
اشلون داس اعله الصرح انضر محمد حاير


السلام على كل گطره سالت من دماك
السلام على من ضحه بجفوفه وحماك
السلام عليك بالحنين وبالأنين
--------------------------------------
بالناحيه عشتك جرح ونضر ابعيني آلامك
اشلون من طحت وشفت وادم غرب بخيامك
اشلون عمتي امن اسمعت ذاك الصدى البعضامك
من ركتك خيل العده وعالنهر طاح احزامك


السلام على الشيبات النصبغت دمه
السلام على إلبجه كل اهل السمه
السلام عليك وعلى ذاك الجبين
---------------------------------
الناس تبجي من دمع وانه الدمع دم ينزل
انضر اعيالك من تطّش بذيج الصحاري التكتل
اهواي ياجدي شفت ياگلبك اشگد يحمل
مرفوع راسك ع الرمح بالكهف انت اترتل


السلام على كل طفله ضاعت بالفله
السلام على هضمك وهضم العايله
السلام عليك وعلى صبرك حسين
------------------------------------
الموت عاده النه نعم وحبينه هاي العاده
بس عاده ماعدنه گبل مجتوفه عمْت الساده
السوگ ذابحني ذبح كل حيلي مني اتراده
بت خير عمتي اوبت شرف ع السبي مامعتاده


السلام على المجتوفه بحبال الزجر
السلام على المسببه من بعد الخدر
السلام على الشافت اهلهه امذبحين
-----------------------------------------
ابنحرك اتوسل خالقي ايعجل ضهور اعليه
وشفي إلصدور الي انجوت العاشت هضم ليليه
وبثار عبد الله الطفل. وبثار كل علويه
وحگنه ارده ابصارمي وگطع اجذور اميه


السلام عليك من گلب عاش القهر
السلام عليك مني ياشوف النضر
السلام عليك ياذبيح الودجين

علي سليم الحسناوي

يبت حيدر مثلج ابد ماموجود
شجاعه وكافله وبالطف الج مشهود
رغم كل الجرى وانتي بثبات العود
ومثل عباس اخيج ابو النوماس

ام محمد

🖤💔🖤💔
عظم الله أجورنا وأجوركم بمصاب استشهاد مولانا الإمام الحسين الشهيد المظلوم الذبيح العطشان
تم نشر المجالس الخاصة بالسبي حتى العودة الى المدينة
اضغط على الرابط من فضلك

https://t.me/joinchat/AAAAADujmZVwBO8_CKrZ5Q

💔🖤💔🖤

🏴 *نواعي في سابع الإمام الحسين عليه السلام* 🏴


● كان اشتياق مولاتي زينب (عليها السلام ) لأخيها الحسين (عليه السلام) يزداد يوماً بعد يوم لذا فهي تَعُد الأيام التي فارقت فيها أخيها و نور عينها الحسين وها هي تصل إلى اليوم السابع بعد المقتل ... و كأني بها قد بدت حسراتها واريه و دموعها جاريه و وجهت وجهها الى كربلاء تخاطب الحسين (عليه السلام) قائلة :
أخي حسين نور عيني حسين .. أين أُقيم عزائك أين أبكي عليك ؟ في أسر الكوفه ؟ أم من فوق المطايا ؟

● *مجاريد*

يحسين خويه سابعك صار
ووين الوجه يَحسين يندار
حرمه وغريبه وبين أشرار

سابع عزيتك هالمسيه
وآنه بالغُرب خويه سبيه
منهو اليِردني الغاضريه

منهو اليردني وأعتني ليك
وأبچي يخويه وألطم اعليك
وأحسب يخويه چم جرح بيك

كون الگبر يَحسين يمي
وعندك يخويه أشكي همي
واعليك أنوحن يبن أمي

ما تنقضي ابگلبي عَزيتك
بِنْهاري او ليلي نعيتك
وسط الروح خويه افتحت بيتك


● *طور : سامحيني*

سابع اليوم .. سابع اليوم
وآنه مو يمك يَماي العين يَحسين
سابع اليوم .. سابع اليوم
ابعيده عنك حسره اجري دمعة العين
سابع اليوم .. سابع اليوم
اعليك كلما أبچي ضربولي المَتنين
سابع اليوم .. سابع اليوم
حتى مِنِّ الدمعه محرومه والإونين

● *طور : ألبس سوادي*

هالليله سابع .. احسين ابو اليمه
او لا أحد گاعد .. عالگبر يَمَّه
منهو الإجا له .. او ناح إله ابهمه
وطاح اعله گبره .. ابمدمعه ايلمّه

٢ خويه يا خويه .. خويه يا خويه

ابغُربتي تدري .. خويه مسبيه
ابيا محل انصب .. إلكم تَعْزِيَّه
سابعك جاني .. وآنه اشبِديَّه
حرمه والعدوان .. دارت اعليَّه

٢ خويه يا خويه .. خويه يا خويه

منهو ياخذني .. واعتني لگبرك
واحضن اترابك .. وانتحب كترك
وأبچي لمصابك .. وللكِسَر ظهرك
وأبچي للأكبر .. وأبچي اعله نحرك

٢ خويه يا خويه .. خويه يا خويه


● *طور : الجفيري (١)*

سابِعك يا خويه لفه
وجمر الگلب لا ما طفه
لليوم جمرة عاشِرك
ابروحي يَخويه تستعر

جمرة العاشر ما طفت
گلبي يخويه وَجِّرَت
واليوم جاني سابعك
شيسوِّي بِيَّه يالذخر

عيني وحگ عينك عِمَت
من يوم جسمك فارقت
بالغُربه عاين حالتي
يَحسين عذّبني اليسر

● *طور : مالي غيرك*

آيا خويه .. هاي سبع أيام مرت
آيا خويه .. بگلبي چم آلام خلت
آيا خويه .. عندي ما من روح ظلت

آيا خويه .. هذا سابع يوم ليكم
آيا خويه .. واحنا لا ما ندري بيكم
آيا خويه .. يا ألف حسره عليكم

● *طور : سامحيني*

آيا حسره .. آيا حسره
هاي سبع أيام مرت وانته غايب
آيا حسره .. آيا حسره
مدري دفنوك بقبر لو عالترايب
آيا حسره .. آيا حسره
خويه من يوم المشيت وگلبي ذايب
آيا حسره .. آيا حسره
ساعه وحده ما سِكَنْت امن المصايب


● *طور : ودعت الحسين ؛ بطريقة النعي*

ليلة السابع إجت يبن الزچیه
وين أسويلك ثواب اويه العزيه
يا ألف حسره يبن حيدر عليه
خويه كلشي ما يصح والله بديه

خويه بدروب الآلام .. جفني ليله فلا نام
الكوفه لا ما كِفَتْهم .. خويه نيتهم الشام

خويه ما بين الخرايب مرمرونه
خويه كل ساعه بضربهم لوعونه
بس نِذِكْرَك والله يا خويه اجونه
بالسِياط وبالسلاسل ألِّمونه

بسابِعَك گلبي محتار .. ابچي ودمعتي نار
لا عزا ليك أنصْبَه .. وآنه من دار إلى دار
_______
تمت بحمدالله تعالى
✒ / فاطمہ كريم
*نسألكم الدعاء لتعجيل الفرج*
*يا أبا عبـــــــــــــــــــــــــدالله*
الفاتحة مع الصلوات إلى روح والدي

يزينب اقسم اعليچ بگمر هاشم
توّفقيـنـي وتقبليـنـي الچ خـادم
←•→←•→←•→←•→←•→
فضِل منّچ ردت يا بضعة البضعه
اسألنچ دوام الحسره والدمعه
وبنار الخدامه دوم اوج شمعه
ما يبرد لهبهه والحزن دايم
←•→←•→←•→←•→←•→
ما تبرد جمرتي بصدري لهّابه
دوم اتصيح آ يحسين ومصابه
وكلمن يعترض اعرِض عن اجوابه
وسلاماً راح اگول لكل شخص لايم
←•→←•→←•→←•→←•→
احلفچ يالعزيزه بعِفّة احجابچ
وفقيني اخدمچ واخدم احبابچ
يمن فدوه آنه واهلي نروح لترابچ
يخت عباس ها يا عمّة القاسم
←•→←•→←•→←•→←•→
يازينب رغم تقصيري واسرافي
وفقيني اگولن يا نفِس كافي
وبذكرچ اطهر الساني واشفافي
ومثل "الحُر" اجيلچ معتذر نادم
←•→←•→←•→←•→←•→
سوّيني حُسيني بنظره من عندچ
أنه الما أسوه كل شي ولايذ بسِدّچ
يكبر جاهي لو مرّه انحسب عبدچ
واقهر كل عذول وحاقد وظالم
←•→←•→←•→←•→←•→
قَدَم صِدْق آنه رايد زينب اوياكم
اهواكم وحق دموعچ اهواكم
اضيع ومحّد ايلفّيني لولاكم
خل جدمي بدربكم يبقه متلازم
←•→←•→←•→←•→←•→
الدمعه المالحه اعله امصابچ اجريهه
لا رايد ثواب ولا أجر بيهه
بس مجموره عيني الهضم ماليهه
وتبچي شلون شافت زينب الوادِم
←•→←•→←•→←•→←•→

ياسر حسن
محرم ¹⁴⁴¹

▪️قصيدة ليلة الحادي عشر

١/يا مُبْكِياً في الطفِّ حتّى وَحْشَهْ
لهفي لِظَعْنِكَ في ظلامِ الوَحْشهْ
أمسى غريباً خائفاً في دهْشَهْ
يدعوكَ لكنْ لَمْ تُجِبهُ قتيلا

٢/يا وجهَ ربِّ الناسِ ما بينَ الورى
عجباً لجسمكَ في الصَّعيدِ تعفّرا
والرأسُ تُهديهِ الصِّعادُ إلى القرى*
يتلو الكتابَ مُرَتَّلاً ترتيلا

٣/يا مَنْ كسوتَ الكونَ بالأنوارِ
واهاً ! أتبقى بعدَ ذبحِكَ عاري
ملقــىً ثــلاثاً دونمـا إقبارِ
لمْ تلقَ تكفيناً ولا تغسيلا

٤/جلَّ المصابُ فبعدَ إحراقِ الخِيَمْ
يا أيْنَ نامتْ بِنتُ فاطِمَ والحرمْ ؟!
واللهِ كافِلةُ اليتامى لمْ تَنْم
حرستْ نساءً يرتجينَ كفيلا

٥/آهٍ لزينبِكَ العقيلةِ في الغدِ
حقّا أتضرِبُها سياطُ المُعتدي ؟!
بالرمحِ تُقرَعُ إنْ تؤشِّرْ باليَدِ
مِنْ بعدما بُحَّتْ عليكَ عويلا

٦/قدْ راعَها لا ما رعاها الدَّهرُ
منْ بعدِ عباسٍ حداها الشمرُ
وبزجرِها كمْ راحَ يقسو زَجْرُ
ترجو ومنْ ترجوهُ كانَ عليلا..

*الصعاد : الرماح

١٠ محرم ١٤٤١هج

*علي عسيلي العاملي*

*[ يا مُبْكِياً في الطفِّ حتّى وَحْشَهْ ]*

https://youtu.be/_AmYMyt27Vc

قصيدة تحاكي مصائب موﻻتنا الطاهرة كعبة اﻷحزان عقيلة الطالبيين زينب الكبرى صلوات الله عليها ليلة الحادي عشر من محرم

بصوت خادم الامام الحسين (ع) الخطيب الموفق الشيخ #زمان_الحسناوي حفظه الله

آه وحنيــن 00 آه وحنيـن 00 الليله الوداع البلخيم 00 آه وحنيــن
من ألونين 00 من ألونين 00 ذبلت رقيه من الألم 00 ومن ألونين

 

ليلـــــــــــة وداع 00 وباجر ضياع 00 ودمعه وجمــر للعايلــه يجوي الضلــوع
حســــــــره والم 00 بين الخيــــــم 00 اخت اويه اخوهه اتكلمه ابحجي الدموع
اتحاجي الحسين 00 ودار الهه عين 00 ادري ابقرارك للحرب مابيه رجـــــوع
بس يالولـــــــي 00 ياهو الالـــــي 00 من يحترك خدري علي وابناري الــــوع
لازم تجين 00 لازم تجين 00 انته الكلت يابو الشيم 00 لازم تجين
من ألونين 00 من ألونين 00 ذبلت رقيه من الألم 00 ومن ألونين

 

اخـــت واخـــو 00 ابنيه وابو 00 كلمن وليهه اتودعه ابشكوى وعتاب
دمعة وحـــزن 00 وام وابــن 00 اتمنت تشوفه امعرس ابعــز الشبــاب
الاصعب واشد 00 طفل ومهد 00 يتوادعون ابكربلــــه اكبـــال الــرباب
وامـــــــدلـلـه 00 ابطف كربله 00 كد ما بجت منهه الكلب هالليله شاب
بتلث سنين 00 يتلث سنين 00 تتلكه هم مامثله هم 00 بتلث سنين
من ألونين 00 من ألونين 00 ذبلت رقيه من الألم 00 ومن ألونيـن

 

زينـــب تحــوم 00 تكعد تكوم 00 كلساعه يم والي تجي وتشكيله حال
يم الغريــــــــب 00 تبدي النحيب 00 وباست جبينه وبالدمع ميّة سؤال
اتكله انه اخاف 00 مني العفاف 00 باجر يروح وكربله اتبدله ابحبـال
خــاف انسبــي 00 والاجنبــــي 00 ايرافكني وانه الاستحي من الخيال
بيه استعين 00 بيه استعين 00 مايبقه كافل للحرم 00 بيه استعين
من ألونين 00 من ألونين 00 ذبلت رقيه من الألم 00 ومن ألونين

 

اوداع الاخير 00 رايح يصير 00 طفله اويه ابوهه اتوادعت والدمعه سيل
اتكله الكـلب 00 يرجف رعــــب 00 من باجر ابذاك الفله ايدوسني خيـــل
خل انسحــك 00 وارضه احترك 00 بس لا تصد عمتي الغرب والدنيه ليل
ليس السكوت 00 مو راح امــوت 00 من هسه اكلك عالسبي ما بيه حيل
يانازليـــن 00 يانازليــن 00 ابطف كربله حيلي انهدم 00 يانازليـــــن
من ألونين 00 من ألونين 00 ذبلت رقيه من الألـــــم 00 ومن ألونين

 

الطفله التوت 00 ابحضنه هوت 00 وناداهه ابواليمه ابكلب والد عطوف
يبنيتي صار 00 الطف النه دار 00 دار انتي بس بالشام الج مو بالطفوف
لازم اطيح 00 ضامي وذبيح 00 ولازم يطيح اعله النهر راعي الجفوف
غربه وحبل 00 صوط وهزل 00 ولازم طشت بيه منحري عينج تشوف
تتعذبيــــــن 00 تتعذبيـــن 00 يبنيتي لو طاح العلم 00 تتعذبيــــــن
من ألونين 00 من ألونين 00 ذبلت رقيه من الألم 00 ومن ألونين

 
الشاعر أحمد الهلباوي

الدمعه بعيوني واملزمه بردانك 00 يرايــح للحـرب
ردلي يا خويه والخويـه بلسانك 00
تفك باب الكلـب
على اعيونك سلام
يعريـــس الخيــــام 00 يرايح للحرب


علي اعيونك فطـــن كلبي 00 وكبرت اويه الفواطـم
شريفه انه وشرف اسمي 00 ابوجود اسمك يجاسم
اخوي وافــــــرح لفرحك 00 يعريـــس الهــــواشــم
ظهر عاشــر دعيــت الله 00 تـــرد للخيـمــه سالـــم
بخت الله واسكيــنه 00 سالم تــــرد لينــــه 00 وبالحنـــــه نتلكــاك
لاجمنـــي دلالــــــي 00 ايبجي الصخر حالي 00 من كتلك الله اويـاك
بالاخت تدري من يمشي واليها 00 كلبـها ينكسر
سولف ابعمتي من ينكطـع بيـها 00 بلا كافل خدر
تمر كل لحظه عام
يعريــس الخيــــام 00 يرايح للحرب


يبو طول الحلو خــدك 00 يضوي الغاضريـه
يل امخالط نفس ريتي 00 وخيالك خيمــه اليه
مثل عمتي ابجي للخوه 00 ولا ظــل دمعه بيه
ولا ثوب الحــزن عفتـه 00 ولا حنيــت اديـــه
ادري العدى اتهابك 00 بس احسب احسابـك 00 لمن تطيـح انطيح
ايصير العرس هيمه 00 اشموع الفرح خيمه 00 والحنه دم اتسيح
الفرحه مذبوحه يالوالي بغيابك 00 اذا شال الضعـن
وعالتـــرب تالي تتبـــدل اثيابــك 00 يمظلـوم ابجفـن
وعلى الغبـره تنام
يعريــس الخيــــام 00 يرايح للحرب







الفرح مايرهم اعله اختك 00 حياتي وخدري يمـك
قسم لو بيدي افــك كلبــي 00 واشيلك بيه واضمك
لجن هـــذا الوكــت وكتـك 00 يجــاسم ويــه عمـك
انا انثــر عمــري هلهوله 00 ابطريجك وانه وامك
راح انعه وادعيلك 00 من كلبي وابجيلك 00 دعوة كلب مجروح
خدري وسكف داري 00 ايردك الي الباري 00 ياخويه مامذبوح
تالي ما تالي ياجاسم انشوفك 00 ذبيح اعله التــراب
تبقى بالحومه والحنه بجفوفك 00 وتصيح ام الشباب
الفرح بعدك حرام
يعريــس الخيــــام 00 يرايح للحرب

تطيح ابكربله وجسمك 00 يظل فــوك الترايب
انا وعمّــاتك وامــــــك 00 نظل بالطف غرايب
وخيال ام الخدر يطلع 00 لان كافلــها غايـــب
على اظهور الهزل نكطع 00 درب ويه الاجانب
لاخيمه لا والي 00 انحب على احبالي 00 لو خدرك المحروك
عكبك يسلبوني 00 وايموتن اعيوني 00 من البجــي عالنـوك
غالي والغالي من يرحل ابعيني 00 تظل جمــرة الم
طفله ياجاسم وعمري واسنيني 00 صفن نار ابخيم
بداية ابلا ختام
يعريس الخيام 00 يرايح للحرب

امن اشوفن عمتي عالناكه 00 تسبّح بسم اخوهــــا
دمـــع خـــدها ونـواعيــها 00 تزيد اشما ولـــــوها
احن وانحب علـى الخويه 00 على الساني وخذوها
وخذو كل هيبتي اوياهــا 00 وخذو روحي وسبوها
عماتك ايصيحــــن 00 اشما كامن ايطيحن 00 بين الخيم والخيل
وانه اركض اوياهن 00 بالسكته مبجاهن 00 وتذبح بواجي الليل
امصاب ابو اليمه بالحومه وافراكه 00 هدم حيل الضعن
والبجي بالسبي امنـــــاوب الناكـــه 00 وبنات ام الحسن
وتصيح الدنيا شام
يعريــس الخيــــام 00 يرايح للحرب

الشاعر أحمد الهلباوي

زينب المحّد يوصّف حالهه
يا مصيبه الشيّبت دلالهه
ضلوع مكسورات لو طبرة علي
الماتفاركَ بالهه
شذنب الصغيره وتبقه مفجوعه
شافت عرش تتكسّر ضلوعه
وحسين اخوهه ينادي يايمه
شحال امّه لمّن شافت ادموعه
ولصبرها ... ولآمرها ...قد حار فيها الروحُ والريحانُ
هي بنتُ من ... هي اختُ من ... هي آيةٌ يتلو بها القرآنُ
ــــــــــــ
عجزت اقلام الشعر بوصافهه
هي بس هي الّي محّد شافهه
مصيبة الكرار لو جرح البتول
شالت اعله جتافهه
يامحنه اكثر الّمت بيهه
شيلة نعش فاطم تأذيهه
لو من هوه بمحرابه ابو الحمله
وجلمه يزينب كَوّه يحجيهه
تبكي هوت ... لمّا رأت ....تحت الترابِ يُدفنُ الجثمان ُ
هي بنتُ من ... هي اختُ من ... هي آيةٌ يتلو بها القرآنُ
ــــــــــــ
افراكَ امهه الاشد لو فكَد الابو
محّد ايميز الاشد منهن منو
اضن تعرف بيه بس ام الخدر
ويعرف الاخت الاخو
حيدر علي والطاهره الزهره
نفس المصيبه اتمر على الحرّه
دم الضلوع ومحسن يشابه
دم النزل من شدّت الطبره
علي فاطما ... ابكى السما ..وليفقدهم انسٌ بكى والجانُ
هي بنتُ من ... هي اختُ من ... هي آيةٌ يتلو بها القرآنُ
ــــــــــــ



تهون هاي المحنه يم طف كربله
زينب امن تشوف نبلة حرمله
ينذبح عبدالله بحضان الحسين
بيا هظيمه اتصد اله
كافلهه دامي تمشي وتعوفه
ماتكَدر ابدرب السبي اتشوفه
من تنظرب بالسوط بت حيدر
متكَطعات وتهتز اجفوفه

بدرٌ هوى ... في نينوى .. ومقطّعُ الاوصالُ والذرعانُ
هي بنتُ من ... هي اختُ من ... هي آيةٌ يتلو بها القرآنُ
ــــــــــــ
الشاعر محمد حسن ضيغم

نعي ابوذيه


بخيمها اتصيح زينب وين الحسين
وگع والروح تسمع وين الحسين
يرد حسين النه وين الحسين
واشمّن بيه عطر امنه الزچيه
***********
علي افزع ابعيني الدمع مولاي
إنه ابنيتك وذل اعداك مولاي
إسمعت واحد يگل ليزيد مولاي
اريد اسكينه خدامه اليه
***********
يمن بعيوني من اصباك حلّيت
عليّه هموم ياعباس حلّيت
چم معظله بذاك الوكت حلّيت
ردت منك تحل حبل البديّه
***********
على حسين الدمع بالوجن حافر
شفت بضلوعه طابع اثر حافر
والاصعب شفت بالصدر حافر
حفره تگول بير ايسيل ميّه
***********
الشاعر محمد حسن ضيغم https://t.me/kasaedalatharDaygham

قصيده رجاليه ...مولاتنا زينب تواجه الطاغيه يزيد عنده خطبتها فى الديوان .وهي تقول

الوزن هجري
كيد كيدك --وسعه سعيك ...انا زينب يايزيد
والله لان تمحو ذكرنه . ..وهذا فعلك مايفيد
*
احنه بيت اهل الرساله ومهبط الوحي لامين
انت كلي شنو اصلك ومنو جدك يالعين
انا زينب بت محمد واسمه قران المبين
انه معروفه اكيد انا زينب يايزيد

✍️ # العلويه ام مهند الشوكي
******
احنه اولاد الوصايه واحنه احفاد الرسول
انه اخت البطل ذاكه الصعدت اعليه الخيول
شماتسوي وتفتخر تبقه ذاك انت الخجول
احجي احجي شما تريد انه زينب يايزيد

✍️ #ام عباس العامري
****
احنه بیت ال النبوه واحنه اشرف كل شريف
احنه نعرف كلمة الحق ولد كرار العفيف
ساده وجدنه محمد ندخل الديوان حيف
ابقى اكررها واعيد انه زينب يايزيد

✍#عـلــویــه_ام_فــاضل
****
شما تسوي نبقى ساده والذكر ماينمحي
احنه من بيت الجلاله ونزل بي تدري الوحي
انولد بالكعبه ابونه البطين الانزعي
وفخر النه كل شهيد
انه زينب يا يزيد

✍️ #رؤى السلامي
****
اني زينب بت علي واخت عباس الگمر
احنه.ابناء.الرساله وجدنه سيد البشر
اسمع اسمع.يايزيد هلحكم مايستمر
اخت محزوز الوريد انه زينب يايزيد

✍️ #زهره.الکناني
****
جدنه الهادي محمد وامنه سيدة هالنساء
بينه كل قدسية الله تدري يبن الطلقاء
احنا باب الله الوسيعه يرتفع بينه الدعاء
هذا يكفي لو ازيد انه زينب يايزيد

✍️ #ام علي البابلي
****
انه زينب بت علي وامي الزهره البتول
شما تحاول لامتگدر منه يا ضالم تنول
احنه مهبط للرساله والشرح بينه يطول
شما تحاول يا عنيد انه زينب يا يزيد

✍️ # ام سجاد العسكري
_______

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

|| في سابع الامام الحسين عليه السلام ||


اليوم سابع من رحت .. وشلون خويه ابحالي
———

املوعيني عالهزل
مجتوفه ياخويه ابحبل
ويايه جم طفله وطفل
وراسك ترى اليبرالي
———

لا فاتحه خويه انصبت
ولاعزيه الكم شفت
بهمومي يا خويه ذبت
وابلا سند يالوالي
———

سابع يخويه من ابعدت
الكم يولياني افگدت
عالمحمل الراس اضربت
ودمعي عليكم هالي
———-

الليله سابع من غبت
مجروح بعدك لو طبت
متشوفني اعليكم شبت
وشابت معاي اطفالي
———

يحسين سابع باليسر
ودمعي عليكم ببس يدر
لا فاتحه ومجلس ذكر
وديوان انزل تالي
———
تمت بحمد الله تعالی
بقلم : بنت الشمري