موشح…

يمته يرتفعن منارات البقــيع
وينصب شباچ فوگ إكبورهه
©©©©

تنتظــر شيعتـــنه رايـات الغيــور
وللبقــــيع انروح ونشـــيّد القبور
الصَّـــبر خلـص گام بركانه يفــور
انريد نگصد للبقــــــــيع انزورهه
©©©©

طـول اغيــابك ييوسف فاطمه
اظهـر وشد عل الأيادي اللّاطمه
انصارك ودونك يضحون ابدمه
ولجلك اتقـدِّم يمهدي انحورهه
©©©©

وهم تجـي مشــــــايه أبنا الشعوب
والمواكب تنصــــــب طول الدروب
مثل شمعه احنه ابمجالسكم نذوب
وكل بنـي سفــيان يخــلص دورهه
©©©©

والمجـالس تنصــب بِسم العليل
يقـــره بيهن باسم ومـــلا جليل
وتحظر الزهره ابمدامعها التسيل
واحــنه نتبـــرّك نضل من نورهه
©©©©

عدنه حاجات اشكثر وشگد عتاب
ابابهــم نحچــيها ونزيـــح العذاب
ياهو بينه الما جـــرع مر المصـاب
ضگـــنه مـن الدنيا همها وجورهه
©©©©

     الخادم
كامل السعيدي

كعديه بعد أن تم بناء معابد بوذيه بالخليج ومنع بناء قبور ال محمد اقول في هذه القصيده


ألامه المنعت أنشيّد المراقد
لبوذا بكل فخر تبني المعابد
منعت حتى الأذان ردت تعبد أوثان
لبوذا بكل فخر تبني المعابد

****

أمــة الإسلام لحظه وين بيـچ الدهـر يمـشي
بسرعه تيهتي الحقيقه وبعد متفقهين كل شي
مات ابو طالب برايچ مشرك ومؤمنها وحشي
خل نحچي عن هذا الزمن
معبــد بنيتـــي للــوثـــن
چــن الكفــر نــاده بعـلـن
هسه رد ليه عرشي
رد هسه الكفر بأرض الجزيره
وابـن الباغيــه صــاير أميــره
الحكمت هسه غلمان ردت تعبــد أوثان

****

لبوذا تبني الامه معبد وللنبي تهدم منـاير
اسأل الامه العظيمه وين دين الامه صاير
بالبقيع اربع مراقـد ليش مهدومـات حـاير
بالعتــره وصـاها امته
خالفــت كـــل اوصيته
وي الرسول وعترته
ظل ضمير الامه كافر
ألامــه الخــالفت الله ونبيـه
ما اشك والله هل ألامه بغيه
نكرت كل الأديان ردت تعبد أوثان

****

هل التعــايش وين عنـه چانت ألامه الكريمه
ذبحت حسين وبنينه وابـد مــا گالــت ظليمه
وبأحزمة هند وسميه صـارت الشيعه غَنيمه
ولا مــرقـد الألنــه سلم
عالارض چم صرح انهدم
سمّونـه عبّــاد الصنم
بغض بالــزهره العظيمه
مخفي الزهره عالامه گبرها
ســر ولا بشــر يعلم بسـرها
نكرت بيها قران ردت تعبد أوثان

****

رجعت ألامــه لــوثنها لــزمن ذيــچ الجاهليـه
رجعــت ويحكمها باغي من نسل ابن الدعيـه
نفس ذاك الحقد رده ضد بني الزهره الزچيه
باقي الحقد ضدهم فرض
من الامه بالطول وعرض
لا مـرقــد الهم عالارض
والبقيــع اكبـــر رزيـــه
ألامه تدعّي الحب والحضاره
وللهادي فــلا خلـت مــنــاره
بحكم أحفاد سفيان ردت تعبد أوثـــان

****

أمـه بس مفتيهه حـاقــد مـا يحب عترة نبيه
أصــل ديــن الامـه واضــح للـزچيه ناصبيه
لدين ابو سفـيان رجعت تفتي بيهم ال اميه
رد مجتمعهم جــاهلــي
ما يهوى ابد منهج علي
وحيدره الـدين الاولي
لا ذبـــح يقبـل لا سبــيه
الضيع حيدره وضيع طــريقه
يعني امضيع الحق والحقيقه
حيدر اصل الايمان ردت تعبد أوثـــان
****
الشاعر
موسى البديري

ثار البقيع لازم يرد .. ثار البقيع لازم

____

لازم ايرد البقيع وينبني
على جف زلمه ابد ماينثني
ونطلع بظهره ملبين النداء
كلشي طگ بطگ يصير وعلني

حول القبور يلتم ورد .. ثار البقيع لازم يرد

____

عامر ايرد المضيف ابزلمته
تفوح ريحه هيل ويه كهوته
وشكو دلّه للحسن ماتنجفي
وزادة مايبرد وترجع سفرته

ماكو فقير جائع يرد .. ثار البقيع لازم يرد

____

يروح ويطيب جرح زين العباد
يبني حضره وبيها باب اسمه المراد
الباقر يسويله باب اسمه العلوم
ارض مابين الأئمة تصير غاد

الف شكر والف الحمد .. ثار البقيع لازم يرد

____

راية العباس ياخذها ويروح
يم كبر ام البنين ام الجروح
يقرها يمها الفاتحه عن الحسين
بالكبر وتكول احس ردتلي روح

هوه اليموت روحه ترد ؟ .. ثار البقيع لازم يرد

____

لو ظهر يصلبهم بحر الظهر
جِنَو اعله ارواحهم غم وغبر
والخصيمه فاطمه بالحق لأن
هدموا اكبور لولدها بكل كفر

يحصدهم المهدي حصد .. ثار البقيع لازم يرد

____

كلمات
الخادم حسن الكريماوي ✍🏻

لك شيّدت مزارا ما بين الضلوعِ
وقبابٌ والمنارة في سيل الدموع
سوف نأتي زحوفا بالقلب الجزوعِ
ونطوف الصحن حزنا والرايات خضرا
🏴🏴🏴🏴🏴
*قبر الحسن المهجور*🩸

يا اهل العزاء ايها الموالي الباكي على مصاب الحسن المسموم وظلامة الحسن اعلم ان امامك غريب مظلوم لا يذكره الا القليل من شيعته ولا يزوره فقد بات قبره مهجورا مدروسا اثره فوق قبره فقط الحجارة وانت وانا ممنوعون من زيارته… ممنوعون من كراماته ممنوعون من الصلاة عنده وتعفير وجوهنا بتراب قبره ممنوعون من الطواف حول مرقده ليس عنده لا شباك ولا صحن ولا منارة ولا قباب اي وامظلوماه وحسناه ~
*لحن والله حيرة حيرتي* ~
وحدي آنه بغربتي
بارض البقيع بوحشتي
محد يزور لحضرتي
ممنوعه آنه زيارتي

لا مواكب واربعين
ولا مشي مثل الحسين
ولا نياحه ولا ونين
غربه والله ياشيعه غربه والله
گبري مهدوم يا شيعه
گبري مهدوم
آنه مظلوم يا شيعه آنه مظلوم
〰️〰️〰️〰️〰️
بگلبي حسره ما يجي يم گبري زاير
بس تراب بلا قباب ولا مناير
ولا صحن عندي ياشيعه ولا مناصر
مثل امي الزهره قبري وبلا يا حاير

لا مواكب واربعين
ولا مشي مثل الحسين
بغربه والله ~يا شيعه بغربه والله
خادمة آل محمد ✍🏻

اللهم سجلنا من زوار العتبة البقيعية وسجل من زوار ضريح الحسن كما سجلتنا من زوار الحسين ع
(يلا ايها المولي عندك بعد دمعة على غربة الحسن لعل امامك الحسن لديه أمنية ان. يدفن في كربلاء~ قرب اخيه الحسين ع~
لحن الجفيري
بالطف يا ليت انه اندفن
ويم الشريعه لي صحن
وتتعنه زوّار الحسن
تحضر في يوم الأربعين
〰️〰️〰️〰️〰️
والشيعه يم گبري تطوف
وتگصدله مشّايه ألوف
ويصبح مزاري كالطفوف
ويلبو باسمي كالحسين
〰〰〰〰
يالمهدي طوّلت الغياب
ابني المناير والقباب
وشيّد قبور من التراب
مدروسه باتت من سنين
〰〰〰〰
تحضر مواكب للخدم
ومن العزيّه واللطم
تگصد مشي لارض الحرم
وترفع عزا لْطه الامين
😭 *اللهم عجل لوليك الفرج*
〰〰〰〰〰
خادمة آل محمد✍
*وتظل عندي أمنية لو أن لك ضريحا مشيّدا نطوف بحضرته ونجلس عند بابه😭يا كريم الآل والعترة*
(

#قصیده الهدم قبور البقيع والزهراء(ع)

للموت ماننسه الظلع
او گبر مخفي بالبقيع
ـــــ@ــ*ــ@ـــ*ــ@ــ*ــ@ـــــ
مااظن ننسه مصیبة فاطمه
والحزن بينه يخيّم للسمه
وهاي العيون اتهلي دمع اودمه
والدمع ندري شفيع
للموت ماننسه الظلع
ـــــ@ــ*ــ@ـــ*ــ@ــ*ــ@ـــــ
وین گبر أُم  الحسن یامسلمین
بلنجف موجود لو یم الحسین
علی کل باب ابحزن ارسملی عين
ومهدخالی من الرضیع
للموت ماننسه الظلع
ـــــ@ــ*ــ@ـــ*ــ@ــ*ــ@ـــــ
یاهجوم الناصبه وكل الجره
یامصیبه شلون نار اموجره
ونوح جبريل احنه نسمع بيه تره
والحاقدأبحقده المنيع
للموت ماننسه الظلع
ـــــ@ــ*ــ@ـــ*ــ@ــ*ــ@ـــــ
للبقیع من انظر الگه اچم مصاب
الگه بس أكبورهم صخره وتراب
همه نفس الحرگو  من الزهره باب
ودمهه باجرمایضیع
للموت ماننسه الظلع
ـــــ@ــ*ــ@ـــ*ــ@ــ*ــ@ـــــ
ابد ما خافو ولا  راعو نبي
شنّو احقادالحرب كل ناصبي
بالقيامه تنتفض حتى العبي
ليش هالحقد الشنيع
للموت ماننسه الظلع
ـــــ@ــ*ــ@ـــ*ــ@ــ*ــ@ـــــ
تمت بعون الله
.
✍ #علویه ام فاضل

❌غیرمبری الذمه الیحذف او یغیراسم الشاعره❌

أحب  حسين     گالو     طائفيه
دمعتي    لفاطمه    اكبر   قضيه 
لعلي بس انتمائي  ويسمع الكون
انه    ابن   الرافضيه    الرافضيه

****

يا      أهل   الديانات
ياهو   القاري الايات
الرايد حجه  واثبات
على هل معتقد ؟

محمد   افضل    الناس
عظيم اخلاق واحساس
وصريح الايه    مقياس
بعد عدنه بعد

قاب    قوسين    تدلى    وارتفع
تحت عرش الله   صلٌى     ورگع
وگف جبريل ومحمد   ما   رجع
كلم  الباري  وعلي   صوته  سمع

هاي   اعظم   منزله
بيوم معراجه اعتلى

الرسول  وآله   خير اعله البريه
انه   ابن   الرافضيه   الرافضيه

**

علي  هوه   أمامي
ها  واضح كلامي ؟
اذا   هذا    اتهامي
فخر  والله  ألي

هو     الدين   طرواه
النصر مكتوب  يمناه
من اصيحن  واعلياه
اذا  يحضر  علي


الما  يحب  حيدر  عظيم  احسابه
گبره   بالبرزخ      جحيم     ترابه
خل   يدور   زين   وين    انسابه
خل   يفيدونه   اليگول   اصحابه

خل يفيده   ابن الصهاك
ابشر      أمورث   معاك

ونه  اعله الحوض حيدر يسگي بيه
انه    ابن     الرافضيه      الرافضيه

****

رضى  الله  الرضاهه
واذى  الله     الاذاهه
فاطم     ما    رعاهه
أبن  من   يَدٌعي


جريمه  وما  اجامل
دم   علباب    سايل
صوت الزهره  قائل
كسر   أضلعي


طائفيه     شلون     وانته     البادي
يعني  كسر الضلع  حادث   عادي  ؟
ثاري    هذا   وثار   حتى  اجدادي
ومن   اموت   يصير    ثار  اولادي


نار شيطفي الصدور
حتى سكان    القبور

العدل والمات   يصرخ   يلزچيه
انه    ابن  الرافضيه   الرافضيه



****

تظل هايه   قضيتي
العزاء يصير   بيتي
أموت وهم وصيتي
حسين وفاطمه

يم   گبري      عزيه
وبعد  عندي  وصيه
لتشدون         أديه
چفوفي  اللاطمه


ارد   اگوم   من   اللحد    عينوني
وينه   زنجيل    اليطيح   امتوني
انه  ما   ميت   عدل      شوفوني
لهسه تجري وما    تهيد     عيوني 

انه   عنواني   العزاء
عمري تربة    كربلاء

انه  الما  عندي غير اهل الحميه
انه   ابن   الرافضيه    الرافضيه

*


اي      رافض    موالي
وعندي  حسين   غالي
واقع      مو     خيالي
عظيم    المنزله

چن    صاير    لاجلهم
بحليب  امي  عشگهم
احبهم   والله   احبهم
وداعت   كربله

من  المهد  للموت   شيعي   ورافض
بركضة  اطويريچ   باچي    وراكض
كل قصيدة تصيح  باسمك    حافظ
يا حسين    بگلبي     حاكم    نابض


سيد  الحب  والوجود 
باقي   ما  بعد الخلود
يأسم  حسين   فوگ   العالميه
انه  ابن   الرافضيه    الرافضيه

كلمات الخادم  /  رعد الفريجي

ميمر / للامام الحسين عليه السلام


يا من مَحَبْتك أسمى وأعظم طاعه
يا من مصابك يبقى حي للساعه
——-
نهجك يضامي اويه النجوم إتعله
يِبرِج اواضح والنقي يندله
رغم إرتفاعه الراد إله يوصله
نوره يشع غطه الشمس بشعاعه
—-
ويه النجم هذا الوصف مو شانك
بس ربنا يحسين اليِقَدر إمچانك
الله يصونه يا غريب الصانك
والخالفك حسره وندامه إمتاعه
——
واحد شبيهك حاشاه ابد يتكرر
كلك معاجز من صرت للمنحر
گبلك منو لمهده الملائك تحضر
وببهام سيد الكائنات إرضاعه
——
كل نبي وقصْته اتفوِقه عاشورك
الطوفان دمك مرسى نوح لطورك
الدين ميت لولا لاذ بسورك
وتنهش بجسمه أهل البغي الوضّاعه
——
ما شفت مثلك بالكرم يا مولاي
ضامي ولخصمك بيدك اتشربه الماي
مو مهم عندك لو لقتلك عناي
ما ظَلَم من شابه علي بَطْباعه
——
ضَيِعَت حظها وعافتك هالامه
للحگ تفارگ عالجهل ملتمه
مغبون من باع الضوه بالعتمه
عَثره تضل صبح ومسيه گاعه


الشاعر : أبو زينب علي الظالمي

ليالي الانين الاولى ١:
•● *يالبقيع* ●•

● في ذكرى فاجعة هدم مراقد الأئمة الكرام عليهم أفضل التحيات والسلام في البقيع الغرقد
.
.
.


*يالبقيع التچوي ناره*
            *لاكو قبه ولا مناره*
*عيني هلت من شفتها*
            *بس خرايب عاينتها*
    *وقلبي عَوَّد بإنكساره*
____

طفت في عالم خيالي .. وشفت حضره للحسن
ابكل سكينه إلها مشيت .. وصحت يبن المؤتمن
جيتك ابكل انكساري .. أشكي لوعات الزمن
شايل بظهري ذنوبي .. وأنتبه ماكو صحن

مهدمه ليش البقيع ..  كل قبر بيها يضيع
             وقلبي عَوَّد بإنكساره
____

ما كفاه مظلوم دنيا .. حتى في قبره انظلم
والله من انظر عليها .. يمتلي افادي ألم
اتهدمت ليش البقيع .. والحسن قبره انهدم
هذا باب الله النقصده ..  ناسي لو عندك علم

حالها يشعب افادي .. واشعر ابحرقه تنادي
         وقلبي عَوَّد بإنكساره
____

ويلي يا طه نبينا .. ابكلشي قلبك لوعوه
عايش ابثقل الرساله .. وبالغوالي افجعوه
ليش لا قبر وبنيه  .. بالبقيع اللي اهدموه
ليش لاحضره لبنينك .. والقدر بيه ضيعوه

قصده يمحي كل ذكرهم .. ماعرف والله قدرهم
          وقلبي عَوَّد بإنكساره
____

هدم وهدم مباني .. إلهم اندل الدرب
شوف مو حضره بنينا .. عرش الهم بالقلب
والله كل ساعه بذكرهم .. إلهم انزور ونطب
ابلايا حضره ولا ضريح .. تنخى لدموع وتصب

لكن ايحز بالقلب .. وحسره ابحسره نذب
            وقلبي عَوَّد بإنكساره
____

چني بيه مهدينا زاير .. حاير بقسوة زمانه
لا بنيه لعمه شايف .. ويشكي ضيعوها الامانه
منكسر قلبه وينازع .. وحدي والعالم جفانه
ربي عجل بالظهور .. ونسمع ابصيحة بيانه

وللبقيع انزور كلنا .. وي مولانا وأملنا
         وقلبي عَوَّد بإنكساره
____
تمت بحمدالله تعالى
بقلم : بنت الشمري
_الكويت _
.
.
.

يا جداه .... جروحي ما الهه شفه امن الناصبية
يا جداه .... تشبه اجروحك  ابدوس الاعوجية
صدرك بحافر تدمه
وبالبقيع اكبور أئمه ..... هدموهه ... هدموهه

.....
ياجد يحسين ... بدموع العين
احجيلك قصة اَلأمي
ابطفك مجموع ... حافر واضلوع
ومنحر مكطوع ودامي

فجعوني جدي ابذبحتك ... واليوم هم فجعوني
اكبور الايمه الطاهره .... هدمو اكبال اعيوني
بين البقيع وكربله .... حاير صرت خلوني

ما انساه ..... يوم طاحت عالارض ذيج المناير
ما انساه ..... عايشه ابروحي مثل صورة العاشر
جسمك امطشرين لحمه
وبالبقيع اكبور أئمه

......
انه الموعود .... ايامي شهود
ما شفت بعمري الراحه
ماظلي احباب  ....  يوميه امصاب
مخلص ايامي انياحه

يوميه ذابحني شمر .... بمصابكم يحبابي
جبت العمر قهر بقهر ... مكتوبي الي بكتابي
ماعندي بيت الاكصده .... فوك الهضم ومصابي

ياهو انخاه .... من اطيحن بالشدد غيرك يجدي
ياهو انخاه ....ماكو واحد كلبه مثلك على المهدي
سري بس يمك اضمه
وبالبقيع اكبور أئمه .... هدموهه .... هدموهه
.....
لا عندي امجان .... لا عندي اخوان
اشكيلك حالي اوضعي
ياجد مكسور .... كلبي العاشور
محتاج اليمسح دمعي

مارحمت الدنيه ابد ... بية يعز من روحي
وحدي غريب ابلا اهل ... خلتني اني ونوحي
والهدمو كبر  الحسن.... هدمو يجد اصروحي

اه واه ...  لا صحن ضلتله لا  ضلتله حضره
اه واه ... وي ترابات اللحد ساووه كبره
بس عطر ظل النشمه
وبالبقيع اكبور أئمه

........
عايش محتار ... وبكلبي النار
بعداي ارد اطفي ناري
كل يوم ايفوت .... يلفيني الموت
يا جدي اتأخر ثاري

كل يوم اليمرني بسنه ... كضيت هاي ايامي
الليل اخلصنه بجي .... والسهر باك احلامي
ثار الضلع ثار النحر ... ثار السبي كدامي

الحيل اذاه ... كلبي صوت ارقيه من اتصيح بابه 
الحيل اذاه ... سبي عمتي زينب بذيج الخرابه
النه ما مسبية حرمه
وبالبقيع اكبور أئمه .... هدموهه ... هدموهه
.......
جيت ابلا روح... شبه المذبوح
يوم العاشر هد حيلي
كل يوم امصاب ... وطولت اغياب
ابتعجيل الثار ادعيلي

كلما اشوفن مقتلك ... بية تشب نيراني
حرك الخيم ركض الحرم .. خلتني اخاوي احزاني
وراسك الشالاه الرمح .... ابجي دمه خلاني

واويلاه .... الكطع منك منحرك كاطع حياتي
واويلاه.... والسلب عماتي سلب ذكرياتي
صور انظر هضمه هضمه
وبالبقيع اكبور أئمه .... هدموهه ... هدموهه
........
جرح الايتام ... واجروح الشام
اكبر جرحين البية
زينب لسوك ... جابوهه بنوك
هزل ويلي ومسبية

ديوانهم عمتي ادخلت ... هاي الي صعبه احجيهه
امكيديهه بحبال اليسر ... شمات تنظر ليهه
اجروحي من طف كربله ... ما واحد اليشفيهه

يا جداه ... لو رجع عمي ونظر حال العقيله
يا جداه ... جا محه الشام ابهلهه ورد عليله
لو يصح يكعد واكلمه
وبالبقيع اكبور أئمه .... هدموهه .... هدموهه
.......
كلمات
✍موسى الخادم

❇️ ابوذية لقبور البقيع 
اخيّط مرّه ثوب الهم مراقد 
وجِفن عين الجرح لحظة مراقد  
عيوني مو دمع تنثر مراقد 
واحزاني بقيع تعيش بيه
...........  
#عقيل_الكاظمي

☘لهدم قبور البقيع☘

كون حفاي ونطب كاع البقيع
نلطم اعل الروس وبقلب وجيع
==============
نلطم عله الروس  نعلنها حداد
ياگبور الهدوموها عله الوهاد
نصرخ وصرخاتنه تهز  البلاد
ماكفاهم موتهم وبسم نقيع
✍ام حسين المحمداويه
============
مجلس قرايه ونون حد الفجر
نلطم عله الراس وندگ الصدر
يا بقيع  الهدموهــا  ابـلا عــذر

حاوطوها گبوركم سد منــيع
✍ام سجاد الشهيد
=============
والشواهد سور مانعنه نزور
هاي وحده من علامات الظهور
يظهر القائم ويبنيها القبور

موغريبه وموجديده عل جميع

✍️☘️ام فراس الساعدي ☘️
=============
تنبني تصير المناير والصحن
والضيافه بحضرة ايمامي الحسن
بيومها تعم السلامه والامن
جنود للقائم ولأمره نطيع

✍️☘️ام فراس الساعدي ☘️
============
ماكفاهم بالتجاسر من زمان
رافضيه اعلينه كالو مو امان
فرق شاسع نبتدي من الأذان

نشتكي هذا الأمر لله  سميع
✍طالبه الزهراء
============
تمت باقلام نائبة الحسين عليه السلام

الرادود المبدع حيدر الخفاجي

[[ شوگ الزياره ]]





اللهم ارزقنا زيارة البقيع




مشتاگ الگـلب لزيـــارة احبابه
گبل لا اموت ويدفنوني بترابه

◾◽◾◽◾◽◾◽◾◽◾

لهفان لعــلي السجــاد ازورنــه
واقبّل تربته وبهـــيده اشمنــه
وللباقر اروح بدمــعي والونــه
واذب تعبي واصيحن اه يايابه

◾◽◾◽◾◽◾◽◾◽◾

واتوجـه وافتر اعله ابو مــحمــد
ما تنشف دمعتي رايد امن الخــد
واذا عندي بخـت يم گبره اتوسد
ويوگف گلبي يمه ولهفتي اسبابه

◾◽◾◽◾◽◾◽◾◽◾

واه يــم البنيـــن الما بــطل ونـــها
شلون اوصل گبرها شلون اطوفنها
ايـــام العـــزيز هــواي چــــــادنــها
لاخـر لحضه اه يحسيــن ومصابــه

◾◽◾◽◾◽◾◽◾◽◾

وللصادق اروح بحرگتي ونــوحي
ويمه گلبي افتحه وافتح جروحي
واگله على الزهره مفرفحه روحي
اذا ما ازور گلبـــي طلابته طلابــه

◾◽◾◽◾◽◾◽◾◽◾

وازحف للعليلـه وصوغـه جبــتلها
سلام من الحسين الما رجـــع الها
وخلها الروح يم احـــــبابها خلــها
وتدعي للحبيب الطــــوّل اغيابــه

◾◽◾◽◾◽◾◽◾◽◾






          عبد العليلـه
✍حيدر ابو كيان الفاطمي

اسبوع الحزن والألم
بين ٨ من شوال و ١٥ من شوال
الحاضر يجدد مصائب الماضي
هدم قبره ... وذكرى استشهاده
أسد الله حمزة بن عبد المطلب عليه السلام
أعظم الله أجوركم

صوت من مكه وصل سابع سماء
                  ينعى ليث الموزمه حمزه الشجاع

إبن عبد المطلب سيف الرسول
                لوله سيفه ودرعه چا هالدين ضاع

خاض صولاته ابعزم ليث الحروب
                 يفترس عدوانه لو صمصامه جاع

چالصگر ينزل عله الصيده يحوم
              وسيفه خفگت جنح برگاب الضباع

بمعركة بدر النصر بچفوفه قام
                        وبحوافر مُهرِتَه زلزل الگاع

ناصر المختار طَر هام الخميس
                  أُحد تشهد يوم ذل بيها السِباع

لاچن المقدور صار ويومه حان
                وارتدى الشيطان بالحومه قناع

اتمثل بوحشي ورفع رمحه الزنيم
               سدده بصدره وگطع درب النزاع

ابچبده محزوزه رحل للرب شهيد
              وابسبب هنده طفى للحق شعاع

بغيبِتَك أم الحرب تدري شتگول
                  خَيَّم بسوح الوغه ليل الضياع

يا شهيد الدين ويا عم البشير
                ننعى فگدك سيدي بدمعة وداع

حمزه لِسّه دمّه ما ناشف يسيل
                   مِن گبر هِدمِتَه للناصب ذراع

عمار الراشدي

لازم نوگـــــــف ونخط عالرايه
نبني البقيع ونطيهــــا آحچايه
أم عباس أنعليها°°والزهره تفرح بيها
ونتعنه كل عـــــام أحنه مشايه
•••
هـاي ثوره وخــلي عندك مبدئك شايل رسائل•
وزامط بحگك وطـالب يوگف أوياك أبوفاضل•
لا..تمل حتى الله يرضه عنك وبالـــــك تماطل•

خلي أعلـــه بالك لاترد…
وبحچاية الحگ تنعگد…
روحك وميجيسك برد…
             ومطلبك تحصيل حاصل•
ورتل باللحـگ وحفظها الآيه
نبني البقيع ونطيها آحچايه
أم عباس أنعليها°°والزهره تفرح بيها
ونتعنه كل عام أحنه مشايه
•••
طلع الروحك مواقف خـاف توگف غادي باچــر•
البقيــع أتريد وگفــه واليطـــالب بيهـــــــــا ثائر•
بصوتك الشارب قصائد هاي وحده آمن الشعائر•
خلــــــــي المنابر تنتفض…
وبالغرقـد اتصلي الفرض…
چن ماي گصه وينحفض…
                   وسلح أحساسك أبشاعر
وشدأحــزامك وكتب حمايه
نبني البقيـع ونطيها آحچايه
أم عباس أنعليها°°والزهره تفرح بيها
ونتعنه كل عام أحنه مشايه
•••
وهالمثل معروف عدنه الهل المثل خليك كاتب•
مايضيع الحگ نعرفه لأن بالحــگ اكـو أيطالب•
بالحـــــــرب نصرك أكتبه ولازم أتذل النواصب•
إگبور عــــــــــدنه أمـهدمه…
موزحمه من حـامي الحمه…
لاوين تبقـــــــــى المضلمه…
                   احجاره ياگبر الحبايب•  
وحرگ دمـــك وبينها الغايه
نبني البقيع ونطيها احچايه
أم عباس أنعليها°°والزهره تفرح بيها
ونتعنه كل عام أحنه مشايه
•••
ويبقى مــطـلبنا البقيـــع ولازم أنشيـــد گببهـــا•
وللمراقد ننطي كلشي ونسحـــــگ السدو دربها•
ولازم أنخلي احنه حـــد ولازم اتكف كل حربها•
هاي الرساله آمن الشعب…
تهــــديد مــوشغلة عتب…
لازم نرد حــــگنه أنسلب…
                 السلبته أسعود وشعبهــا•
ودمنه ننـذره وأنـذره الهايه
نبني البقيع ونطيها آحچايه
أم عباس أنعليها°°والزهره تفرح بيها
ونتعنه كل عام أحنه مشايه
•••
وراح أسئل لليشكك وانه أرايد أجــواب منه•
منهو يقبل گبر أبو أمــــــــــهدم وممنوع عنه•
وكبره بس صخره يشوفه والشمر يمه يتدنه•
رايد جــواب ومو ممل…
مــــا سائله ليش القتل…
ياوسفه عالحگ ينهمل…
                     والزمان ألنه ولهلنه•
وللموت باچـر نعتني أعنايه
نبني البقيع ونطيها آحچايه
وأم عباس أنعليها°°والزهره تفرح بيها
ونتعنه كل عام أحنه مشايه
•••
زحمه من صاحب الغيبه شلون باچر من نشوفه•
عله هل التقصير يعرگ كل خجل هـوه وحروفه•
نگله خفنه آمــن النواصب والحقد جرد اسيوفه•
خلونه نشحنهه الهمم
وندز رسايلنــه بسهم
نبنيها غصبن عالهدم
                    والشيعه مايبرد وعدها
•••
خادم أهل البيت،،ع،،
أبوحسين السرگودي...