ابچــي واون لفاطمــه
🌾🌾🌾🌾🌾🌾🌾🌾

آنه الوصي حامي الحمه
وبابـي عصــروا فاطـمـه
بهــاي المصيبــه المؤلمه
صبّـــرني يـارب السمــه
🌾🌾🌾🌾🌾🌾🌾🌾

لو صاحت الزهره علي
افنيـهــــم وآنـه الـولـي
اقسم وحگ روح النبي
مايبقــه منهـــم ناصبي
🌾🌾🌾🌾🌾🌾🌾🌾

حيــدر علي آنه الأسـد
لوصـاحت الزهـره مدد
ماينجه من سيفي احد
لا اول وثــانــي بـعــــد
🌾🌾🌾🌾🌾🌾🌾🌾

لوله الوصيـة والأمـر
من يگــدر ابابي يمـر
إلّا كسر عظامه كسـر
ويشوف بعيونه الگبر
🌾🌾🌾🌾🌾🌾🌾🌾

عـدهم علـم وتمـرجلـوا
مااحمل السيف واجـوا
يم بـاب داري تجمعــوا
عالزهره بغيابي اعتدوا
🌾🌾🌾🌾🌾🌾🌾🌾

كسـروا ضلع ام الحسن
عصـروها ونصاب الابن
وبسطرة ادموها الجفن
ظلـت لمــن مـاتــت تأن
خادم الزهراء عليها السلام

سيد زيد الفحام 1/3/2017
ملامسعود النصاري
🌾🌾🌾🌾🌾🌾🌾🌾

خدج الاسود وايدج عللخد
ليش يازهراء ليش يازهراء
**
يمه انشدنج والدمع يجري
انظر تنوحين وحسرتي بصدري
مورّمه الوجنه ليش ماادري
وايدج عللخد هدّمت صبري
انظر تنوحين يم حسن وحسين
ليش يازهراء ليش يازهراء
**
زينب وكلبي ذايب بنوحه
عليج يالزهره داميه جروحه
دموعي وي دمج يمه مسفوحه
طبعه فوك الخد ماهي ممسوحه
شنهي انشدج هاي خل اكف مبجاي
ليش يازهراء ليش يازهراء
**
روحي تتلوع انظر الحالج
جاوبيني ارجوج وارحمي اطفالج
مااريد ايغيب مني اهلالج
راح اضل للموت كاعده كبالج
لو تخبريني يسعر اونيني
ليش يازهراء ليش يازهراء
**
ايدج عللخد وصدرج عليه ايد
او ونّتج كل ساع ماتريد اتهيد
يمه روحي عليج لاتضني اتهيد
نعرف بحالج والي صار انريد
فدوه خبرينه عليه علمينه
ليش يازهراء ليش يازهراء
**
جابتهه بنوح خدي صار اسود
الظالم بسوطه سطر هذا الخد
وضلعي المكسور منّه اتمرد
صاحت الحره يا نبي الامجد
عاين الزهره علوجنه سطره
ليش يازهراء ليش يازهراء
**
الشاعر// محمد حسن ضيغم
الحان /مسعود النصاري

ابچــي واون لفاطمــه
🌾🌾🌾🌾🌾🌾🌾🌾

آنه الوصي حامي الحمه
وبابـي عصــروا فاطـمـه
بهــاي المصيبــه المؤلمه
صبّـــرني يـارب السمــه
🌾🌾🌾🌾🌾🌾🌾🌾

لو صاحت الزهره علي
افنيـهــــم وآنـه الـولـي
اقسم وحگ روح النبي
مايبقــه منهـــم ناصبي
🌾🌾🌾🌾🌾🌾🌾🌾

حيــدر علي آنه الأسـد
لوصـاحت الزهـره مدد
ماينجه من سيفي احد
لا اول وثــانــي بـعــــد
🌾🌾🌾🌾🌾🌾🌾🌾

لوله الوصيـة والأمـر
من يگــدر ابابي يمـر
إلّا كسر عظامه كسـر
ويشوف بعيونه الگبر
🌾🌾🌾🌾🌾🌾🌾🌾

عـدهم علـم وتمـرجلـوا
مااحمل السيف واجـوا
يم بـاب داري تجمعــوا
عالزهره بغيابي اعتدوا
🌾🌾🌾🌾🌾🌾🌾🌾

كسـروا ضلع ام الحسن
عصـروها ونصاب الابن
وبسطرة ادموها الجفن
ظلـت لمــن مـاتــت تأن
خادم الزهراء عليها السلام

سيد زيد الفحام 1/3/2017
ملامسعود النصاري
🌾🌾🌾🌾🌾🌾🌾🌾

ماادري ايدي اعله الظلع خليتها
مكسور شفته ودنگت حبيتـــها

حسبالي موتها الدمـــع
ما ادري مكسور الظلـــع
عذريني عذريني

،،،،،،،،
ياحياتي
سنيني ذبلت من رحلتي ياحياتـي

ياحياتي
ودعت وياچ عمري وذكرياتـــي

ياحياتي
عمامتي طاحت مثل طيحت عباتي

ياحياتي
عليچ حيلي نهد يتسبيحة صــلاتي

عالمغتسل فتحت الي ذرعانــها
رغم المنيه وشفت يحچي لسانها

وتگلي بالك تنفــــجع
ما ادري مكسور الظلع
عذريني عذريني
،،،،،،،،
يالحبيبه
خاف أذيتچ عمت عيني يزهـره

يالحبيبه
ضلعچ ازرگ صاير وألمني كسره

يالحبيبه
الدنيه خنگه بدونچ وحسرتها حسره

يالحبيبه
شنهي نفع المحبس اومافوگه شذره

محبس رسول الله وچنت بيمينـــه
وحنه اعله حب المصطفى تلاگينــه

لوادري اصـيــرچ درع
ما ادري مكسورة ضلع
عذريني عذريني
،،،،،،،،،
اه يزهره
جفنيتچ بالكساء البيه عطرنــــــه

اه يزهره
انه وولادي حظن دافي خســــرنه

اه يزهره
كون باب الدار من بعدچ عصــــرنه

اه يزهره
قررينه اعله الكبر يخلص عمرنــــه

ذبحتني زينب من اصد لدموعـــها
تلطم عليچ بحرگه فوگ ضلوعـــها

متفاجئ اومامقتنــع
مادري مكسور الظلع
عذريني عذريني
،،،،،،،،،
ما اصدگ
نتهت عشرتنه الحنينـه الماكو منها

ما اصدگ
زهرتي ماتت ولا اگدر اشمـــــها

ما اصدك
اثر عالحايط بقه مخليتلي دمـــــها

ما اصدگ
زينب اتظل فاكده وبلايه امـــــها

كلساع اصيح ودمعتي همالـــــه
الله يعين الدفن ام اعيالـــــــــه

حگه الگلب من ينصـدع
ما ادري مكسور الظلع
عذريني عذريني
،،،،،،،،،
ياحسرتي
گطعت گلبي وخذت حيلي وسبتني

ياحسرتي
الدنيه كاس افراگ فاطم جرعتنــي

ياحسرتي
چنها مثل الرمح وبچبدي رمتـــني


ياحسرتي
الفاجعه بين النواضر صوبتنـــي

من احچي تفتح فاطمه عيناهــــا
وتسمعني كلما اون وحچي ويهـا

عمرچ مثل عمر الشمع
ماادري مكسور الضـلع
عذريني عذريني
،،،،،،،،،،
يالمنيه
الزهره للعشرين ماواصل عمرها

يالمنيه
ليش طاوعتي الرجس لمن عصرها


يالمنيه
شگد حرام الزهره لو واحد كسرها

يالمنيه
تضل تنزف مودمه تنزف عطرهـــا

يمي انتي بس روحي الچ مشتاگه
گالتلي بالجنه علي نتلاگــــــــه

ياكوثر واطيب نبــــع
ماادري مكسور الضلع
عذريني عذريني
،،،،،،،،،

لخادم الزهراء ع
#محمد #الفهداوي

محتار محتار
يالزهره وحياتچ والله محتار
للدار للدار
يم گبرچ اضلن ارد للـــــــــدار

منچ صوت اسمع ضل يبو حسين
مدري ارجع الزينب فزت الحيـن

محتار محتار
،،،،،،،،،،،
الزهره يالذت حياتــي
شوفتچ تشبه صلاتــي

سارح بعالم خيالـــي
فارگت شمعة دلالـي

اجيلچ جيت المكســــــور دلاله
اتوجه اعله جرحي وعيني همـاله
يم الخير والله الفرگه چتالــــــه
چن ديوان عمري وفاگد دلالــــه

بالروح بالروح
ضلت تستعر يافاطمه النار
للدار للدار
يم گبرچ اضلن ارد للــدار
،،،،،،،،،،،،،،،،
ذابل بشفتي كلامـي
وفارگ عيوني منامي

والسهر عاشرني عشره
شما غفيت ايگلي زهـره

ماخليت راسي فوگ الوسـاده
ونتي بالگبر ياجدت الــــساده
بعلچ صار ام اوابو لـــــولاده
ذكرچ ضل مدامع ياخذ مــراده

تذكار تذكار
كل رمشت جفن يلچمني تذكار
للدار للدار
يم گبرچ اضلن ارد للـــــدار
،،،،،،،،،،،،،،،،
تسجد بعيني الـــمدامع
شما على المسمار اباوع

احچي وياه بحـــــــــراره
منين اجتك هل جســـاره

يگلي ياعلي كل ذنب مابــيه
هوه الضالم بحقده انتجه عليه
موسهله الزجيه اطيح مدميـه
لومصنوع مو مسمار ترچــيه

ياريت ياريت
ترچيه صرت ماصرت مسمار
للدار للدار
يم گبرچ اضلن ارد للــــــدار
،،،،،،،،،،،،،،،،،،
يحچي وي الباب حيدر
گله انه اقلعت خـــيبر

انته قالع باب روحـــي
انته أب الكل جروحـــي

يالتارك بگلبي جروح تتـــجاره
يالكاسر ضلع فاطمه ابمسماره
شمالك ماوگفت بشنت الغــاره
المثلي مايحطك توگف ابـــداره

ياباب ياباب
تدري انته بوّلد بنت النبي زغار
للدار للدار
يم گبوچ اضلن ارد للـــــــدار
،،،،،،،،،،،،،،،،
حيدر بكل كلمه يبچي
ويه بيت الحزن يحچي

انته سامع كل حچيها
شچانت تگول ابچـيها

جانت بيك تحچي ويه باريــها
يابيت الضلع لو خدها ياذيــها
تجيب وياها زينب تنتجي عليها
لابد بيت حافض من نواعيـــها

يادار يادار
شيدتك بچفي للحزن دار
للدار للدار
يم گبرچ اضلن ارد للدار
،،،،،،،،،،،،،،
بالحد روحي ادفنتــــها
وبالمدامع ودعـــــــتها

شلون اعيش بلايه روحي
الچانت اتعالج جـــروحي

زهره وبت نبي والعافيه بچـفها
جروحي اطيب لمن اگعد بصفـها
ام بيتي وعزوتي بيش اوصفــها
بس الله ورسوله واني نعرفهــا

اسرار اسرار
ياسر الوجود بروچ اسرار
للدار للدار
يم گبرچ اضلن ارد للــدار
،،،،،،،،،،،،،،،،،

لخادم الزهراء ع
#محمد #الفهداوي

لمن وكع محسن سمعت انه نطق
اماهُ اطفي النار في كفي احترق
ردت اعينج بالدفع ، امن انكسر بيج الضلع
يمة

~~~

دفعو الباب اعله صدرج ، وانه ادفع
يمة شبت بيدي نار
ارتجت الكاع ابكبرها ، لمن طحتي
انترست اعباتج شرار
ذبو الباب اعله طولج ،وانه شفتة
بمستوا كاع الله صار

طبگوه طبك ، فوك الحرك ، وجو سحك
فوكه

شمعه ويهب بيها الهوه لمن طفت
روحج شمع من الالم تالي صفت
ونخفت لون الشمع ، امن انكسر بيج الضلع
يمة

~~~

يمة عند الله اشكبرها ، السطر عينج
ماعرف اخرته وين
الله في قرآنه كاتب ، ومن يظلم
لا يعد بالمؤمنين
لهمُ اناهرُ تجري ، في جهنم
وهم فيها خالدين

كلمن سطر ، ماله مفر ، امن المقتدر
تالي

لا يشفع الباري اله يوم الحشر
كلمن تجرء في فعل هذا الامر
الله يحاسبهم جمع ، امن انكسر بيج الضلع
يمة

~~~

نابت البسمار ابضلعج ، وانا صاير
على نحري ونجرح
حلمي بالدنيه انه اكبر ، تالي حلمي
بطرف بسمار انذبح
ياطفل عمره تألم ، ابطن امه
ومن اجة ميت صبح

بكلبه الوجع ، ونه انسمع ، ياهو اندفع
بابه

امري اختلف عن البشر من العصر
بس انا مكسور الكلب من الزغر
هذا حالي بهل وضع ، امن نكسر بيج الضلع
يمة

~~~

السطر عينج هم سطرني ، عيني حمرة
لسه من ذاك المصاب
ولسه دمعي يهل يمه ، ياغربتي
من طحت فوك التراب
ياعضم هاي المصيبه ، بهذا عمري
ماوصل حتى الشباب

بعمري اشفت ، مو شيبت ، وين التفت
غربه

مالي عمر في دنيتي مدري اشكثر
من اوله للاخره صار العمر
ومن دمه صار الدمع ، امن انكسر بيج الضلع
يمة

~~~

تفرح الناس ابرزقهم ، لاكن انتم
رزق صار الكم عذاب
عصرو الباب الصحابه ، ونسطرتي
لمن لذتي وره الباب
(وآن )كالو ونتِ خلفه ، ولا همهم
ذوله يايمه الصحاب

بس الاسم ، ليل ونجم ، هاي الزلم
صحبه

والخالفو حيدر نعم يوم الحشر
لا يقبل اللهُ لهم باجر عذر
شأنهم لا يرتفع ، امن انكسر بيج الضلع
يمة



✍️عباس العيساوي

(يافاطمة)

.      عــالــم خــدمـتـچ عــالـمــي
       وابـقـه بــعزائـي الـفـاطـمــي
        
       عـهـد  عـهـد  يــافــاطـــمـــة

                   *---------------*---------------*

فـاطـمـة ذاب بـمـحـبـتـچ كـلـشـي بيه
واحـمـد الله بـهـالعـقـيـده الـفـاطـمـيـه
شـايـل اوسـام الـخـدم اشـرف هـويــه
بـعـالـم احـسـاسـي أهتفت آآه يالزچيه

     عــاجـز اســولــف بالـشـكـر
     فـضـلـچ عـلــي مــايــنــكــر

                    *---------------*---------------*

شــاكــر الـنـعـمـه وأضـل دايـم ولائــي
وألـعـن الجاب الحطب وارفـع دعـائـي
رافـضـي ويعني الرفض انصب عـزائي
خـل يـگـولـون البـعـض ياللطم مـرائي

      مـاعـرفـوا بـحـزنـي وحچوا
      مـالـحـظـه بـالـنـار انـچــووا

                    *---------------*---------------*

عـمـري دمـعـه بمجلس احزانچ جريته
أنــه هـذا الـخـدمـتـچ صـارت هـويـتـه
تـيـهـت دربـي وعـلـى اعـتـابـچ لگـيتـه
خـادم وأشـعـر ملك ومـعـلـيـه صـيـتـه

      هـــذا الـنـهـج والـمــعــتــقــد
      مــا هــمــن الـعــاده وحــقــد

                    *---------------*---------------*

عـالـم ايـحـيـر الـعقل عـالـم خـدمـتـچ
مـايـعـرفـه اللي حچـه وشك بعصرتچ
دمـعـه دمـعـه جفني واسـاچ بـدمعتچ
وعـرفـت مـعـنـى الـعـزه لمن عـرفـتـچ

      أذكــــــر الـــصـــار وجــــــره
      بــاب وضــلــوع امــكــســره

                    *---------------*---------------*

حـنـت الـثـكـلـه الـچ ابـقــه بـحـنـيـنـي
هـذا طـبـعـي وعـالدمع متعلمه عـيـنـي
أمــنــت دك الـصــدر ديــنـي ويـقـيـنـي
وانـتـي فـاطـم حـاشـه والله اتخيبيني

      يـالـزهـره ارجــو بـخـدمـتـي
      لـجـلـچ امـوت بـحــســرتــي

                    *---------------*---------------*

دفعت الباب أشـأسولف وحجي عنـهـه
تجرح احساسي وشعوري وبيه چنـهـه
ويـشـهـد الـبـاري بـقـت خـالـد حـزنـهـه
دمعتي تجري بـحـزن واعـرف ثـمـنـهـه

      غـصـبـاً عـلـيــه الــمــارضـــه
      أبـچـي وأعــزي الـمــرتـضــى

                    *---------------*---------------*

           ✍بقلم خادم الزهراء ع
الشاعر رعد الجريخي

موبس ظلع يافظه باجر ينكسر
باجر جمر ينزل دمع لجل الستر
ايد احطهه اعله الحجاب.      وايد اردن بيهه باب
اه يفضه…… . اه يفضه
…………… ..

يافظه باجر صــــوتي حتمن ينسمع
ماينحمل يافــــــــــــظه بسمار بظلع
يصكط جنــــيني وبابي باجر يندفع
شلون اظيع اجروحي لو اظيع الدمع
انصطر وبجي بغصب         يافظه دليني الدرب
مني ويطفون شمعه اهل الغدر
………………
يافظه لو شفتي الجرح ظمي عليه
كل خوفي ماكــــدر ولفه انه ابديه
ماريدن تشوفه وتون زينب خطيه
زغيره ماتحمل هظــــم كبل المنيه
اتحمل جروح ومصاب.        ولاتظل بعدي بعذاب
وبعد عيني طيهه يافظه العذر
………………… .
باجر اذا خدي نصطر لو راحت العين
يافظه ماريد الخــبر يوصل للحسين
خليني اموت بحسرتي ولابجي الثنين
بس همه عدي بدنيتي ويظلمهم البين
عمري احسن جنه غاب…      وجرحي اليشيب الشباب
ويبقه دمعي عليهم بكبري ويدر
……………… .
باجر الحســرات يافظه ال حجابي
ويحتــــــــــرك بنار باجر حته بابي
وينسلب مــــني فدك وانه مصابي
ومحسن المــــذبوح لي زود عذابي
هيج مكسوره ظلع….. بت محمد تندفع
وحته كبري يظيع اظل بلا كبر
………… .....
ابقه ماعنــــــدي كبر لا اليه حضره
ودري حيدر ينــــغدر وتنطره طبره
والحسن مسموم واهل الشر تغدره
ونوحي الحــسين اليظل عل غبره نحره
اطفاله تركض ع السراب…… وبني ليظل ع تراب
عفيه زينب بعدي تحتاج الصبر
……… ..
#اابو #سلام #الجابري

ڰبر الزجيّه...مابين اديّه
واليحْفر ايلاڰيني
@@@@@@@@@@
آنه الغظنْفر وآنه المنيّه
وينه إلي يوْصل ڰبر الزجيّه
وصّه الرسول وهاي الوصيّه
حفْر المڰابر مامر عليّه

ماوصّه طه...لاماحجاهه
مااذكِر اموصّيني
@@@@@@@@@@@
ألْبس ردائي واعْلن قِتالي
وانْقض عليكم لا ما ابالي
شمس اللّـہ تُبطيء حتماً قِبالي
لا ما تِلَحِڰ تعْكس خيالي

وتصوروني...خزْرة عيوني
يطْلع رعب من عيني
@@@@@@@@@@@@@
لا ما تلمْكم ارض المدينه
بجفوفي روجه وانْتم سفينه
يخْسه اليحاول يبْحر علينه
يوڰع شراعه بمطْلع حجينه

لامو علينه...تبْحر سفينه
بيهة إلي حرّف ديني
@@@@@@@@@@@
ڰبر ام ابيهة ما تحْفرونه
وسْفه بوجودي وتتڰربونه
هذا الهواء التتنفْسونه
يحْرم عليكم تسْتنْشقونه

وينه الضربْهة...فنْه الڰربْهة
يالجنْتو امڰيديني
@@@@@@@@@@
قدْ حان موعْد قطْع الأنامل
تدروني عالْحڰ لا مااجامل
اليوْصل ڰبرهة مارجْعه كامل
حتْماً حياته يدْفع مقابل

واضح كلامي...وضْحت حٌسامي
من يوْصل الجفيني
@@@@@@@@@@@
يحْلم عٌمَركٌم ينْدل ڰبرهة
روْحه ومحمّد بجفوفي اجرْهة
جانت وصيّه بيوم العصرهة
ولمّن دفعْهة ولمّن سطرْهة

خلْصت وصيْتي...تدرونه صيْتي
عالي ويطرز اسنيني
@@@@@@@@@@@@
محمد جبر الدراجي
🎤مسعود النصاري

لوفاة مولاتي السيدة فاطمة الزهراء (عليها السلام)


بالبـاب الجمر يلـهـم..چِـفـوف ودم..مِن الزهـره
والسوط النِزَل لوْ رَد..بِداله الخـد..تجيه سطره
وطفل إعله التراب
مـاخـذ عمـره بـاب
ـــــــــــــــــــــــــــــــــــــــــــــــــ

بچي بعين المديـنه..وشمس تنحب حزيـنه
وزلم تركـض...حقد تنبـض...عليهـم
سِيوف بكثره شِهرَوّ..لحرب چنهم تِحَضـرَوّ
شَتِـم شِـتمـوّ...حطـب لَموّ... عليهـم
والزهره تنحب..وبصفها زينب..عالمصطفى وفرگاه
وما تشعـر إلا..اصياح وتِعَلَّه..حاقـد على أهل الجاه

والباب إحتـرگ نصه..ولا گِـصـه..بفشـل عرگت
واترده الزجيه اتحس..رَجُل يرفس..لَمَن وگعت
ومن عدها الشباب
مـاخـذ عمـره بـاب
ـــــــــــــــــــــــــ١ـــــــــــــــــــــــــ

الشِـرَد كـل المـعـارك...شِـهَر سـيفـه ويـعـارك
فقـط حرمـه..شكثـر هَضمَـه..ومصيبه
درى بحـامي الحميه...وفـي بذيـچ الوصـيـه
وبـعـد حـقـده..مــنــو ايــرده..مصـيبه
واتون سمعهـا..وأكثر دفعـها..ايموتها راد بسـاع
وبالدفعه لَنها..وميت إبنها..ابين الجمـر والگـاع

فوگاها الجمر طايح..وضَـرب ذابح..إبـن ليـها
اتلزمه بچفها تتچَوه..وبلا نَخوه..الإجه عليـها
والمحسن مصاب
ماخذ عمـره باب
ـــــــــــــــــــــــــ٢ـــــــــــــــــــــــــ

تِرَس حايط دماهـا...واجـه السـوط إولاهـا
لضَـرب قنـفـذ..منو الينقـذ..أميـره
بغِـمِد يطعنها ظالم...ودِمَـه امنگعـها فاطـم
ثـلـثـمــيــه..وِلَـت وِلـيّـه..أمـيـره
هـذا اليـسـبـهـا..وهـذا بجنبـها..اليطـعـنـهـا وسـط النـار
وسَطره اعله خدها..وفوگاها عدها..كاسر ضلع بسمـار

وهِيَّه أصلاً جَرح ذابل..جسم ناحل..مِـن الفـرگه
ومن هذا الجرى انهارت..لَمَن صارت..مثل ورگه
وگلب العِدها ذاب
ماخـذ عـمـره باب
ـــــــــــــــــــــــــ٣ـــــــــــــــــــــــــ

يصب من عدها دمهـا...وگصد حيدرها يمهـا
صرخ وسفـه..وفرك چـفـه..بحسـرتـه
ورِكَض عالهَـاجِم إلهـا..ورُگـبـتـه بـقــوه تَـلهـا
بغضب داسه..وسِحَگ راسه..بحسرته
مِن إگصَدِتني..اموصى اتعرفني..ولولاها چا ما جيت
لولاهـا فنـكـم..مـا زلـمـه منـكـم..يجـرأ يصـد عالبـيت

لو ميت ولا اشـوفـك..تجي اچفوفك..على بابي
بس حيدر أنه وأصبر..يِهون المُر..على امصابي
وابني هنانه غاب
ماخـذ عمـره باب
ـــــــــــــــــــــــــ٤ـــــــــــــــــــــــــ

الحسن وحسين إجوهـا..مـثل ميـته إنظـروهـا
الحسن يحضن..الحسين ايون..وسألهـا
يَـبَـعـد الدنـيــا إنـتـي...خـفـت يـا يـمـه مِـتـي
شـكـبـر هــمـچ..طــفــل يـمـچ..سـألـهـا
دمعاته تجري..و يا يمه بَشري..إنتي وأخونه بخير
بالوَّن تِعـالَت..محسنهـا گـالت..بالجنه أصبـح طيـر

رادت گوَه ما تبچي..وفقط تحچي..وتِأمنهم
ومن كسر الضلع نِحبَت..ولا گـدرت..تِطمنهم
والضلـع بـعـذاب
ماخذ عمره باب
ـــــــــــــــــــــــــ٥ـــــــــــــــــــــــــ

إجت يمهـا العقيـله...وجـرَت دمعـه الثگـيله
جرح طاحت..بحزن صاحت..ييُمه
إنفطر چبدي لأنينچ..وجَرح يُمه اعله عينچ
انجـرح والـلـه.. كتـاب الـلـه..ييُمه
كون إذبِحوني..هنا وافِنوني..ولا اشوفچ بهالحال
يا خوفي أفگدچ..يا يُمه بَعـدچ..ما ألگه راحة بال

وأنه الطـف يتانيـنـي..ويبَچـيني..على إخـوانـي
شو هسه وأحس نوحي..أخذ روحي..ولا ايتاني
وصبري ابلا جواب
ماخـذ عـمـره بـاب
ـــــــــــــــــــــــــ٦ـــــــــــــــــــــــــ

#أحمد #البصراوي #العبادي

قصيدة جديدة بحق الزهراء عليها السلام

انحلفچ بچف الكفيل وعــينة
يم حسن من الخدم سجلينة
===================
نحزن اباول رواية وننتحب
لم گبر عن الخلايق منحجب
الخادم بسجلچ يزهرة ينكتب
مسجل وبيدچ صبح تدوينة
====================
بكل سنة مصابچ علينا من يمر
الدمع بالعين يــــبقى ينهـــــمر
للرواية الثانية ايظل مـــستمر
والنعش نطلع سوة مشيعينة
===================
بالرواية الثالثة الكل تنفجع
بالتشابيه بحزن من ننجمع
نصيح واويلاه ياكسر الظلع
ونرفع أصوات العزة لمهدينة
==================
نجدد وياچ العهد يا فاطمة
وتطلع تعازي المواكب لاطمة
بكلمن يخدمچ يزهرة عالمة
اليخلص بعهدة أو وفي تعرفينة
==================
ناس مشاية اطلعت يم الحسن
والگلب مكسور يا زهرة وحزن
اعليچ بالمجلس مدامعنا جرن
مصيبتچ طول السنة اتبچينة
===================
ناس تخدم ناس زوار اعتنت
يالزچية يم گبر حيدر اجت
بالنجف رايات خظرة رفرفت
نواسي بمصابچ علي والينة
==================
بكل سنة تشييع رمزي انشيعة
نعشچ وعين اليحبچ دامعة
انتي بس ترضين المر نجرعة
لجلچ وخدام الچ حسبينة
===================

#أسالكم #الدعاء #رائد #الاسدي

قصيدة بحق الزهراء عليها السلام عن الإمام علي عليه السلام جديدة



يا زهـــــرتي كلما اصد   ذبلانة من دون الورد
الچانت حياتي ودنيتي  راحت يوسفة وماترد
**
عشنا اعله حب الله سوة   أجمل عمر يازهرتي
كل ذكــرياتي البألامس   وياچ اجني ابوحدتي
مثلچ فلا يوجد بــــشر   آه شكبرها وحشتي
رحتي وخذيتي كل علي  يالچنتي كلشي بدنيتي
بعدچ فلا يسوة العمر   ومنين اجيبلچ صبر
فگد الحبيب اشگد صعب  يمرد بقى بگلبي مرد
=======================
بعـــــدچ علي لا مو علي   يالفگدچ ايبچي علي
ابيض صبح حتى الرمش  حزني ابد ما ينجلي
صعبة التعيش ويا سوة   بحزنك يتركك تبتلي
مو نصي كلي فاطمة   روحي وحياتي وكل هلي
يازهرة فگدچ مو سهل   ميت لچن شكلي عدل
عايش جسد بعدچ اظل   تچويني نيران البُعد
=======================
اتنفــــسچ مـــــثل الهوة  وروحي بصفاتچ هايمة
هسة اعله گبرچ انتحب  بُعـــــدچ دليلي ايألمة
من گبرچ لگبرچ عشت   كل ساعة اصيحن فاطمة
ياربي عجل مــــــوتتي    واجمعنا يا رب السمة
بعدچ عيوني اشگد بچن   يا فاطمة يم الحسن
مشتاگة روحي لشوفتچ   يا رايح لگبرچ وَرد
=======================
الهم إذا صاب الگلب   انظرلچ يروح بعجل
يالرحمة الله شوفتچ   تفتحلي أبواب الامل
بعدچ يزهرة اتألمت   هم فگدچ اعلية جبل
احسب ليالي وانتظر  يا ساعة يلفيني الاجل
عافيتي چانت شوفتچ   جرحت دليلي فرگتچ
من راسي لجدمي حزن   فگدچ مرد حتى الچبد
=======================
صعبة الي مثلچ ينفگد   عشرتنة ابد ما تنسة
انــتي الوحيدة فاطمة   بت النبي وخير النسة
مگابل مكانچ وانتحب   وياذيني لو صار المسة
طولچ اشوفة بكل كتر   يالكل حياتي تارسة
كل لحظة اشوفلچ اثر   بعيوني محفورة الصور
ما ينتهي حزن الگلب   حد نومتي بوسط اللحد
===========================
#أسألكم #الدعاء #رائد #الاسدي

قصيدة بحق السيدة الزهراء عليها السلام


يالزچية.... اخر وداع ارد اوعچ يالحنينة
يالزجية.... وداع المفاركَ ييمة ودعينة ------------------------------------------------------
يالنويتي السفر عنا وما تجين    بعد شمـلي وياچ ماظن ينجمع
فكي ذرعانچ اريد اشبع وداع    وارد اخلصة اليوم بعيوني الدمع
يمة اولادچ نگول الله عليچ    لاتخلــينة بوداعچ ننفجع
الحسن يبچي والحسين
زغار واحنة ملوعيــن
غاب طولچ يمـة عنا وما يجينة
وداع المفاركَ ييمة ودعينة
-----------------------------------------------------
حرت شحچيلچ ييمة من الهموم   انمرد كَلبي عليچ من الحزن
يمة من رحتي بعد ما جاني نوم   كَوة يغــفة الليل مرات الجفن
طيفچ ايمر بية واكَعد يمة اصيح   وبمچانچ اكَعد وابچي واون
انشد عليچ المچان
ما اجت ام الحنان
اكَعدي يايمة ترة بتــچ حزينة
وداع المفاركَ ييمة ودعينة
---------------------------------------------------
اذكر البسمار وصـواب الظلوع   ومن اشوف الباب دمعاتي تصب
واذكر من انصاب ظلعچ طاح اخوي  وي طيحت محـسن انصاب الكَلب
كَبال عيني صـــورتچ لا ما تروح  شلون يمة الدار بعـدچ ليـها اطب
يبقى طولچ للمــشيب
كَبال عيني ومايغيب
عايشة اويانة فلا لحظة نسينة
وداع المفاركَ ييمة ودعينة
==========================
كَبال كَبرچ يمة انة شكَد بچيت   واشتم تراب الكَبر بي ريحتچ
زينب انة يالحــنينة انشد عليچ   فدوة حاچيني طويلة سكتتچ
يمة من طم الكَـبر حيدر ابوي   هم لچم ظلعچ ييمة وصطرتچ
آه يصـــــــواب الظلوع
اجرة من عيني الدموع
شلون اوصـفلچ حزن كَلبي اونينة
وداع المفاركَ ييمة ودعينة
------------------------------------------------------------
مثل حزنچ عالنبي حزني عليچ  وابكثر ما نحتي راح ابچي وانوح
ومثل دمعچ دمعي مابطل مسيل   ومثل كَلبچ كَلبي بي صارت جروح
شكَد تمنيت العمر يكَظي واموت   حتة يمة للكَـــبر وياچ اروح
اخذيني يمة للكَبر
شلي بعدچ بالعمر
بالحزن اكَظي العمر كلها سنـينة
وداع المفاركَ ييمة ودعينة
--------------------------------------------------------
                     (جواب الزهراء)
يمة دوم وياچ ابقى بـــكل مكان   عايـشة وياچ كل محنة اجيت
يمة بمصاب الحـسن مثلچ انوح    بكــثر ما نحتي ييمة انة بچيت
ويوم اخوچ حسين ظل اعله التراب  هم ثـلث تيام يا يمة بقيت
تحيرت يوم الســــــبوچ
وياچ اظل لو وي اخوچ
شكثر انة وياچ يمة تلوعيـنة
وداع المفاركَ ييمة ودعينة
==========================
#أسألكم #الدعاء #رائد #الاسدي

قصيدة بحق الزهراء عليها السلام


من بعد الغوالي بس الهم صفالي
ياباب الحزن ادميــــت العيــــون
خذت احباب كَلبي وما يردون
------------------------------------------------
يم كَلب الحنــــــين هواي حنيت
يا زهرة وعــــطرها تارس البيت
تكَظي ايام عمري وياچ ظنيت
اتنفس حزن وهمــــــــــــوم ظليت
انه ام المصايب فاركَت الحبايب
ما ابطل ونيني ودمع الجفــــون
خذت احباب كَلبي وما يردون
------------------------------------------------
متعودة اعلى طولچ ساكن العين
ظل خالي المچان البي تكَعديــــن
كل رمشت جفن نزلن دمعتــــــــــين
وحشة البيت ردي يــــــم الحــسين
البيت اظلم علينة ماهية الحنينة
دلالي بغــــــيابچ دوم محــــــــزون
خذت احباب كَلبي وما يردون
------------------------------------------------
وسط البال رسمچ عايش احلام
بعد اشلون اشوفچ عيني متنام
صوبني بدليلي هجــــــــرچ اسهام
يالبلبـــــــــيت رحمه خلافــــچ ايتام
ايتيم الماهي امة الدنيا عليه ظلمة
شيــــعوض حنانچ واصبر شلون
خذت احباب كَلبي وما يردون
------------------------------------------------
اذا صار العــــصر ويصــــير الغروب
يكسر بالخــــــــــواطر يكــــسر كَلوب
وي صواب ظلعچ كَلبي مصيوب
وياكَلـبي ندى من حركَتة ايذوب
عني بساع شلتي مخنوكَة بعبرتي
الدمعة اعلى خدي وشاحبة اللون
خذت احباب كَلبــــــــي وما يردون
------------------------------------------------
ملاني الصــبر من فركَه الاحباب
كل لحـظة ومصابچ يرسم الباب
اعاتب بالدهر شيــــــــــفيد العتاب
وطولچ يالحنينة حــــــدر التراب
ما انساه رسمچ بالبسمار دمچ
بكَليبي الحزن والنوح مسجون
خذت احباب كَلبي وما يردون
------------------------------------------------
وي فتــــــحت الباب اتفز الجروح
اسمع صوت آخ يصــيح مبحوح
صواب امي العزيزة يمرد الروح
حدر الباب اخيي ايلوج مذبوح
حزنچ ما نسيتة وسط الروح بيتة
يالبعدچ حياتي عــبرة وشجون
خذت احباب كَلبي وما يردون


#أسالكم #الدعاء #رائد #الاسدي

قصيدة بحق الزهراء عليها السلام


من بعد الغوالي بس الهم صفالي
ياباب الحزن ادميــــت العيــــون
خذت احباب كَلبي وما يردون
------------------------------------------------
يم كَلب الحنــــــين هواي حنيت
يا زهرة وعــــطرها تارس البيت
تكَظي ايام عمري وياچ ظنيت
اتنفس حزن وهمــــــــــــوم ظليت
انه ام المصايب فاركَت الحبايب
ما ابطل ونيني ودمع الجفــــون
خذت احباب كَلبي وما يردون
------------------------------------------------
متعودة اعلى طولچ ساكن العين
ظل خالي المچان البي تكَعديــــن
كل رمشت جفن نزلن دمعتــــــــــين
وحشة البيت ردي يــــــم الحــسين
البيت اظلم علينة ماهية الحنينة
دلالي بغــــــيابچ دوم محــــــــزون
خذت احباب كَلبي وما يردون
------------------------------------------------
وسط البال رسمچ عايش احلام
بعد اشلون اشوفچ عيني متنام
صوبني بدليلي هجــــــــرچ اسهام
يالبلبـــــــــيت رحمه خلافــــچ ايتام
ايتيم الماهي امة الدنيا عليه ظلمة
شيــــعوض حنانچ واصبر شلون
خذت احباب كَلبي وما يردون
------------------------------------------------
اذا صار العــــصر ويصــــير الغروب
يكسر بالخــــــــــواطر يكــــسر كَلوب
وي صواب ظلعچ كَلبي مصيوب
وياكَلـبي ندى من حركَتة ايذوب
عني بساع شلتي مخنوكَة بعبرتي
الدمعة اعلى خدي وشاحبة اللون
خذت احباب كَلبــــــــي وما يردون
------------------------------------------------
ملاني الصــبر من فركَه الاحباب
كل لحـظة ومصابچ يرسم الباب
اعاتب بالدهر شيــــــــــفيد العتاب
وطولچ يالحنينة حــــــدر التراب
ما انساه رسمچ بالبسمار دمچ
بكَليبي الحزن والنوح مسجون
خذت احباب كَلبي وما يردون
------------------------------------------------
وي فتــــــحت الباب اتفز الجروح
اسمع صوت آخ يصــيح مبحوح
صواب امي العزيزة يمرد الروح
حدر الباب اخيي ايلوج مذبوح
حزنچ ما نسيتة وسط الروح بيتة
يالبعدچ حياتي عــبرة وشجون
خذت احباب كَلبي وما يردون


#أسالكم #الدعاء #رائد #الاسدي

جلست فضه مع زينب ع في ليله من ليالي عزاء الزهراء ع فأقامت فضه مجلس العزاء بقراءة مقتل الزهراء ع التي كانت شاهد عيان فيه..  فكان دخوليت العزاء….

فضه تـقـره بالمصيبه .. لـزينب وتبچـي الغريبه
بالبـاب والحـايط شـفت عـصرها
وبيده النذل فوگ الوجن سطرها .. وتبچي الغريبه
………………………………

فضه تحچي بالجـره .. وجـمره بيـها موجـره
لزينب وعالخد تصب بحرگـه الدموع
تگـلها بعيوني شفت .. فاطمه وبذني اسمعت
من عـصرها ابـابـهـا طـگـات الظـلـوع

التمـو عله امـچ زلـم بالـثلث مـيه
هـذا يعـصر هـذا يسطـر بالزچـيه
وانـي محـتاره يزيـنـب وشـبـديه

امـچ الـتمـو علـيها .. كـلهم يضربون بـيها
وتـصـرخ يزيـنـب من ألـم كسرها
وبيده النذل فوگ الوجن سطرها ..
………………………………
كلشي يازينب شفت .. وريت ساعـتها متت
اركـضـت عـنـهـا اوخـرهـم لـچــني
زلـم والطاحـت مــره .. وياهـو عـنـها وخـره
حيل يدفعـني وعلى عيني يطگـني

زيـنـب ارد احـمـيـهـا لكن يمنـعـوني
ومن هذيچ اسياطهم راحت امتوني
وگـمـت افـزع الوادم ومـايسمـعوني

الوادم اتشوفه يطگـها  ..وام حسن محـد لحگـها
ومحـد فزع لامـچ واجـه وحضرها
وبـيده النذل فوگ الوجن سطرها ..
………………………………

من الدفع ذاك انشلع .. الباب فوگـاها وگـع
جـذوع وثـگيل وطبگ امـچ على الگـاع
مشتعل نـار وجـمر .. وفوگ فاطم يستـعر
من الدخان اختنگت وشم الهوى وضاع

احمر البسمار حامي وطـب بالظلـوع
وفاطمه ظلت تـون من عـنده وتلوع
تبچي والسوط بمتنها تحسه مطبوع

دمها يجري من متنـها .. ودمها يجري من جفنـها
ومن الحلگ تجري الدمه وصدرها
وبـيده النذل فوگ الوجـن سطرها ..
………………………………

اجو چـتاله العلي .. وفضه صاحت لحگي الي
بدال حيدر طاح محسن مـني مذبـوح
برمحه طگـاني النذل .. ومات الحگيني الطفل
ويه محسن گمت احسها طلعت الروح

ورحت اركض ليها بس گوه اوصلتها
وبالدمـه غرگـانــه يازيـنـب شـفـتـها
وگـوه شلت امـچ بحـظني وسندتـها

وخايفه الچم ظلعـها .. وامسح بأيدي دمعـها
تـتـعـثـر امــچ وانـعـمــه نـظــرها
وبيده النذل فوگ الوجن سطرها ..
………………………………

التهـظم وتـكسر ظـهر .. مات حيدر بالقـهر
الضيغم الضرغام وسفـه مچـتفـينه
مدخن بوجهه الزعل .. وعمداً اگبال الفحل
الثاني راد ايطگـها ثاني اگبال عينه

وصاح حيدر تدري مچتوف بوصيه
انچـانك زلمـه صدگ بـس فـل اديـه
وارد اشـوف اشلـون تگـرب للزچـيه

استرجلت من اعرفـتني .. الوصيه امـچـتفـتـني
ولولـه الوصـيه مـا تـمـس ظـفـرها
وبيـده النذل فـوگ الوجن سطرها ..


الشاعر عقيل الحسناوي..