اش تعرف واش تخير شوف الـ Nameplate(اللوحة التقنية ) تاع الضاغط وراقب Discharge Pressure و Capacity باش تعرف بالضبط علاه تختار هذاك النوع✨✨

🔴 رسميا : الجزائري 🇩🇿 العيد دردابو يفوز بالطبعة 17 من نجوم العلوم الشهير بمشروع تطبيق Vida لقياس مستوى الفيتامين D !

التطبيق يعمل على الهواتف و smart watches ✅ راح يغير طريقة قياس مستوى فيتامين D !

مبارك لإبن الجزائر 💪🏻

🇩🇿🌳 غدوة حملة مليون شجرة عبر كامل التراب الوطني!
شبيبة هذي فرصتنا نديرو commit حقيقي للطبيعة 😂

شارك، شجّع، وإغرّس أملك مع الناس ❤️

شركة Meta (فايسبوك سابقاً) أعلنت عن تسريح حوالي 600 موظف من وحدة الذكاء الاصطناعي تاعها، في إطار “تنحيف” الأقسام وتشغيل الشركة بطريقة أسرع وأكثر فعالية ⚙️

القرار جا في مذكرة من رئيس الذكاء الاصطناعي الجديد، Alexandr Wang، لي التحق بالشركة هذا الصيف بعد ما استثمرت Meta أكثر من 14 مليار دولار في مجال الـAI 🚀

👨‍💻 التسريحات مست أقسام:
- البنية التحتية للـAI
- مختبر الأبحاث الأساسية FAIR
- وبعض المناصب المرتبطة بالمنتجات

🎯 الهدف؟
“تبسيط الطبقات الإدارية” وتوضيح قيادة “Wang” في توجيه استراتيجية الذكاء الاصطناعي داخل Meta.

أنا ما نقدرش نفهم بعض الناس حتى بعد 3 سنين 😩
بصح كيفاه ChatGPT يفهم الناس و عقلياتهم ؟ كيفاش يفهم الكلمات اصلا و هو كمبيوتر ؟! نورمالمو يفهم المفاهيم الرياضية لا ؟ صحا اهبط نفهمك كيفاش 👇🏻

الكمبيوتر في الأصل ما يفهمش كلمات، يفهم أرقام.
منطقيا يجي السؤال:
"زعما نقدرو نحولو المعنى الإنساني إلى أرقام؟"
الإجابة كانت: نعم، وبطريقة عبقرية.

تخيّل اللغة كيما فضاء ضخم، وكل كلمة هي نقطة داخلو.
الكلمات اللي عندها معنى متقارب تكون قريبة، واللي متعاكسة تبعد.
مثلا: كلمة “طويل” و“قصير” يكونو متعاكسين في الاتجاه (هنا عبرنا على فكرة لغوية لي هيا التضاد بفكرة رياضية لي هي الاتجاه) 😅

والأجمل تقدر تدير عمليات حسابية تعبر عن المعاني:
👑 ملك - رجل + امرأة = ملكة
العاصمة + فرنسا = باريس

لكن المعنى الحقيقي ما يوقفش هنا،
اللغة سياق، تسما الكلمة وحدها ما تعني والو،حتى تحطها في جملة وتفهم تأثير باقي الكلمات عليها.

شوف:
“مرت الشاحنة بالسيارة لأنها كانت بطيئة.”
“هي” ترجع لمين؟ الشاحنة؟ ولا السيارة؟
هذا هو الانتباه (Attention).ذ، وين النموذج يحاول “يربط” المعاني داخل الجملة، ويفهم السياق العام قبل ما يجاوب.

كي نجمعو هاذ الفكرتين، واحدة تفهم معنى الكلمات رياضياً، والثانية تفهم المعنى الكامل للجملة

زاد عندنا أقوى بنية في الذكاء الاصطناعي الحديث: Transformer.

النتيجة؟
آلة تكتب، تجاوب، تبرمج، وتناقش…
مش لأنها “تفكر”، بل لأنها “تفهم العلاقات” بين الكلمات.

من بعد اليوم راح يتنحالك غموض كبير وتقدر تفهم باللي ChatGPT يحسب ميخممش !!

جماعة .. كاينة حاجة بلاك لاحظتوها .. مرات كي تدخل كاش موقع يظهرلك بطريقة مختلفة على لي يظهر بيها لصاحبك لي راه مكونيكتي حداك ولا في بلاصة اخرى ..🤔 الاختلاف قادر يكون فالlayout ولا ألوان الموقع و لا تجربة المستخدم ولا أي حاجة أخرى.. يحكمك التوسويس و تقول بلاك هذا phishing 🛥 ولا كيفاه؟

لعزيز ما تتوسوس ما والو .. هنا راك في مخبر للتجارب .. مخبر تقني و الطريقة يسموها A/B testing

هاد التقنية نلقاوها في بزاف ميادين .. المواقع ، تطبيقات، نماذج ذكاء إصطناعي، حملات تسويقية .. و غيرها.

يستعملوها الشركات لما تكون عندهم حاجة جديدة يجربوها قبل على فئة معينة قبل ما يطلقوها للغاشي كامل باش يعرفو التأثير تاعها مسبقا..

ال A/B testing بكل اختصار هو مقارنة بين زوج نسخ version من حاجة وحدة باش تعرف شكون فيهم لي تجيب نتائج خير 📊

باش نبسطو لحكاية تخيل عندك حانوت تاع حوايج و راك تحوس دير تخفيضات باش تليكيدي سلعتك 💰 عندك في راسك زوج افكار بصح مراكش عارف شكون لي تمشي فيهم خير، واش دير؟ 🥸

- هل تحط ورقة مكتوب فيها : "تخفيضات لغاية -30%"
- ولا ورقة فيها: "كلشي ب 1000 دج"

وحدة من الطرق لي دير بيه A/B testing الأسبوع الأول حط الورقة الأولى و الأسبوع لي موراه حط الورقة الثانية و بعدها قارن المدخول و شوف شكون لي جابت خير و كمل خدم بيها -فرضا أنه باقي الظروف بقات كيما هي-

هذا واش يديرو فيسبوك و يوتيوب و غيرها من المواقع

يقسموا الزوار لزوج مجموعات عشوائيا:
- المجموعة الأولى يورولهم الصفحة الأصلية ( النسخة أ)
- المجموعة الثانية يورولهم الصفحة الجديدة لي فيها تغيير بسيط غالبا، مثل لون الزر

بعدها تكون عندهم مقياس KPI يتبعوه باش يحدو واش من نسخة ناجحة ، المقياس يقدر يكون المدخول، التكاليف، CTR .. و غيرها و النسخة لي تجيب أحسن نتيجة هي لي يعتمدوها للناس كامل

و هكذا القرارات ما تكونش مبينة على "ذوق" المدراء و لكن مبنية على البيانات و على تجربة علمية .. تقريبا نفس الفكرة يستعملوها شركات الأدوية كي يحبو يديرو دوا جديد بما يعرف بالتجارب السريرية clinical trials.

ونتوما خدمتوا من قبل بهاذ التقنية؟

⚙️ واش هو الدرايفر HX711؟

الـ HX711 هو واحد الدرايفر صغير نخدمو به باش نقراو الوزن بدقّة من كابتور (load cell).
يعني هو وسيط ذكي بين الكابتور والأردوينو ولا الراسبيري باي.

🔧 علاش نستعملوه مع كابتور الوزن؟
خاطر الكابتور يعطي إشارة ضعيفة بزاف و analog ما تتفهمش مباشرة.
الـ HX711 يدير تضخيم للإشارة + يحوّلها لرقمية باش الميكروكنترولر يقراها بسهولة وبدقّة.

✅ دقّة عالية (24-bit)
✅ سهل التوصيل: غير DT و SCK

كاش مرة سمعت بلي كاين "عقود" تخدم وحدها؟
بلا محامي، بلا بنك، وبلا تدخل من أي طرف ثالث؟ 😯
هادي تكنولوجيا حقيقية اسمها "العقود الذكية" أو Smart Contracts.

🧠 وش معناها عقد ذكي؟
ببساطة، العقد الذكي هو برنامج صغير يتنفذ أوتوماتيكياً كي تتحقق شروط معينة.
ماشي ورقة ولا إمضاء، بل كود مخزن في الـBlockchain! 🔗

💡 مثال بسيط:
شخص يشتري software من الإنترنت. الدراهم ما تروحش مباشرة للبائع، وفي نفس الوقت الـsoftware ما يروحش للمشتري.
يبقاو "محبوسين" في العقد حتى يتأكد بلي كل طرف عادل وراح ياخذ حقو المبين في الشروط،
ومن بعد العقد يدفع المبلغ للبائع ويمد المنتج للمشتري.

كلشي يتم بشفافية، بلا وسيط، وبسرعة! ⚡️

⚙️ كيفاش تخدم العقود الذكية؟
1️⃣ المبرمج يكتبها بلغة كيما Solidity ولا Vyper...
2️⃣ يحط الكود في Blockchain كيما Ethereum (لي جابت المفهوم أصلاً).
3️⃣ كي تتوفر الشروط، العقد يتنفذ وحدو.

🌍 وين نلقاوها اليوم؟
🎮 الالعاب الالكترونية كيما Axie Infinity
🗳 التصويت الإلكتروني
🛡 التأمين الذكي
💰 التمويل اللامركزي (DeFi)

⚠️ لكن!!!
❌ صعيبة تتبدل بعد النشر (ميزة وعيب في نفس الوقت 😅)
❌ أي غلطة في الكود = كارثة مالية 😬
❌ مازال ما كاينش إطار قانوني واضح في بزاف البلدان.

✨ الخلاصة:
العقود الذكية خطوة نحو عالم جديد وين الثقة تكون في الكود مشي في الناس 👨‍💻

📱 أفادت تقارير بأن Apple تخطط لإطلاق نوع جديد من أجهزة الآيفون كل عام حتى عام 2028! ✨

🔹 من بين ما نُقل:

إصدار خاص بمناسبة الذكرى العشرين لجهاز الآيفون عام 2027.

أول هاتف قابل للطي من آبل قد يظهر في عام 2028.

تغييرات كبيرة في التصميم والاسم مثل الانتقال إلى "iPhone 20" بدل "iPhone 19".


⚠️ لا تزال كلها تسريبات وغير مؤكّدة رسمياً، لكن لو تحققت — راح نشهد حقبة جديدة في تاريخ الآيفون.

آخ لوكان يطبقوها عندنا هاذي تاني 🥲

🇨🇳 ألزمت السلطات الصينية المؤثرين لي ينشرو على مواضيع حساسة مثل الطب، التمويل، القانون، والتعليم بتقديم إثباتات لمؤهلاتهم العلمية والمهنية. لازم عليهم تقديم شهادات جامعية، تدريب رسمي، أو خبرة مهنية موثوقة.

⭕️ المنصات الاجتماعية الكبرى مثل Douyin (النسخة الصينية من TikTok)، Weibo، وBilibili ولات هي مسؤولة عن التحقق من هذه المؤهلات. المؤثرون لي ما يلتزموش بهذه القواعد قد يواجهون تعليقا لحساباتهم أو إغلاقها نهائيًا، بالإضافة إلى غرامات تصل إلى 100,000 يوان (حوالي 14,000 دولار أمريكي) 🤯

✅️ تهدف هذه الخطوة إلى الحد من انتشار المعلومات المضللة وضمان بلي النصائح المقدمة في المجالات الحساسة تجي من خبراء فالمجال، وحنا لي جا يرحي 🥲

🚀 خطوة تاريخية من عملاق التقنية “مايكروسوفت” حيث أعلنت الشركة رسميًا أنها راح تبدأ تقبل عملة Dogecoin للدفع مقابل بعض المنتجات والخدمات الرقمية 🎮💻

💡 وش هي Dogecoin؟
عملة رقمية بدات كمزحة سنة 2013 مستوحاة من ميم الكلب “Doge”، لكن تحوّلت مع الوقت إلى وحدة من أشهر وأقوى العملات في العالم.
وراها مجتمع ضخم من المستخدمين، واستُعملت في مشاريع خيرية وحتى تمويلات فضائية 🚀

🔥 النتيجة؟
بعد الإعلان، تلقى Dogecoin (DOGE) ارتفاعًا بحوالي 8٪ مباشرةً في السوق
لأن مايكروسوفت من أكبر الشركات في العالم، وقرارها هذا يعطي دفعة قوية للثقة في العملات الرقمية, خصوصًا العملات اللي كانت تُعتبر “مُزَحَة”.

اللغة متحكمة في الويب الى يومنا هذا، تخدمت غير فـ 10 أيام؟ 😲
🔹انعم ايه ، Brendan Eich فـ Netscape سنة 1995، نفحتلو يدير شوية الحركات فـ الصفحات( تنبيهات، animations بسيطة...) وما كانش يظن أنها تولّي العمود الفقري للويب🌍 انها الجافاسكريبت يا صديقي.

🔴 جافاسكريبت كان هدفه الوحيد انو يكون العقل المفكر تاع المتصفح عن طريق الحاجة يسمّيوها runtime engine، مثلا V8 في Chrome ولا SpiderMonkey في Firefox.

ومن بعد وقعت الطفرة الكبيرة: Node.js فـ 2009 🚀
نفس المحرك نتع V8 خرج من المتصفح وولا يقدر يخدم فـ السيرفر، يعني يقدر يمشي في الحاسوب تاعك كيما python هنا جافاسكريبت ولاّت full stack!

حبست هنا ؟ لا الطفرة هدي كانت غير البداية:

🧠الMachine Learning : مكتبات مثل TensorFlow.js و Brain.js خلات جافاسكريبت تدير الذكاء الاصطناعي مباشرة فـ المتصفح.

💻 تطبيقات سطح المكتب: بفضل Electron تقدر تبرمج تطبيقات سطح مكتب كيما دارو في VS Code, Discord, و Slack

📱 تطبيقات الهاتف: انعم ايه حتى الهاتف عن طريق react-native و expo .

🔌 الأنظمة المدمجة والـ IoT: بفضل Espruino و Johnny-Five تقدر حتى تتحكم فـ الروبوتات والمتحسسات بجافاسكريبت.

🌐 الويب: أُطر بحال React, Angular, و Svelte خلاو تطوير الويب بحال الفن.

🔹 فوق هاد الشي، npm ولاّ أكبر package manager فالعالم ومصدر القوة اللي مخلي جافاسكريبت تكبر يوم بعد يوم. 📦
رانا نهدرو علا 3،681،725 pkg و 76,141,953,332 تحميل في آخر اسبوع و 346,171,713,184 تحميل في اخر شهر 🤯.
🔹صحيح، Python مازال هو الأقوى فـ Machine Learning،
و Swift، Kotlin، و Flutter (Dart) ربما أحسن فـ الموبايل،
🔹لكن ماكاين حتى وحدة فيهم تخدم فـ الويب مثل javascript . 💪 (ماعدا حكاية web assembly لي مزال ما توسعتش بقوة )

🔹جافاسكريبت اليوم تقدر تلقاها فـ كل مكان فالمتصفح، فالسيرفر، فالموبايل، وحتى فـ الأجهزة الصغيرة 🔥

ضرك نتا قلي 🤔
🔹هل تظن ان javascript راح تبقى مسيطرة فـ العشر سنين الجاية ؟
🔹وشنو هي اللغة لي تعجبك أكثر؟ 💬

خلي الزوالي ياكل 😂🔥

الآن Ubuntu ولات توفر موديلات الذكاء الاصطناعي في شكل Snap!
الحكاية باختصار إن شركة Canonical (اللي ورا Ubuntu) ولات توفّر موديلات AI جاهزة في شكل حُزم Snap، واللي هما: DeepSeekR1 و Qwen2.5VL.

مش تطبيقات هادو, هادو حزم محسنة ولا نقولو مضبوطة (Optimized) باش تخدم بأعلى كفاءة ممكنة على جهازك، Intel ولا ARM.

🔥 الحاجة الشابة إنك تقدر تشغل النماذج locally على جهازك بلا ما تحتاج لأي خدمات سحابية (Cloud) ولا API.

يعني تقدر تستغل الذكاء الاصطناعي مباشرة من جهازك بلا ما تكون مربوط بأي سيرفر خارجي.

قبل كان لازم يدير مجهود كبير باش تضبط الـ dependencies و ماتريال شباب و اذا معندكش ممكن تخفف حجم الموديل (quantization) باش يخدم مليح مثلا

دوكا كل اللي عليك هو تفتح Terminal وتكتب أمر واحد:
snap install deepseek-r1 --beta

والموديل يهبط يخدم بأحسن أداء ممكن.

والأجمل؟ 🔥 Canonical خلات حتى الـ framework اللي خدمو بيه الـ Snaps مفتوح المصدر، يعني أي مطوّر يقدر يدير كيفهم ويصنع optimized snaps لأي موديل AI يحبّو.
هاد الخطوة بصح تفتح باب كبير للي يحب يخدم بنماذج AI محليا، بلا Cloud.

💬 سؤال :يخدم هاد الشي على أي جهاز؟
✅ إيه، يقدر يخدم على بزاف الأجهزة، مادام عندك مواصفات متوسطة ولا فوق المتوسطة. الموديلات راح تخدم عندك، بصّح الأداء يختلف حسب المهمة اللي راك تديرها (نصوص، صور، تحليل...)

لي يجرب يفيدنا فالتعليقات وش تجربتو 🤔👇

مرات كنت نخدم بال حاسوب و نطلع بزاف تطبيقات في وقت واحد ولي هو لي يزيد استهلاكي من الRAM 🤔

ايا بصح قولي واش يصرا كي تكون عندك Ram 8 و الحاسوب تاعك يحتاج اكثر 🤔

هنا يجي ال Ram swapping ، لما تكمل الرام لي عندك فالحاسوب ، يروح يدي من ال disk ، وعادة يبدا من ال swap area ✅

✅ بمعنى صحيح ال Ram تاعك عندها سعة بصح الحاسوب كون يحتاج اكثر يجيبها من برا عادي ومينداك حتى يكملك ال disk فالحالات وين يكون memory leak ولا التطبيق لي راك تستعمل فيه مايليبيريش الرام لي بقات

🔴 رسميا 🚨 : النسخة الأولى من Grokipedia منافس Wikipedia المدعم بالذكاء الاصطناعي Grok متوفرة للعامة:

grokipedia.com

شركة Amazon راح بعيد فالقضية 🙆🏽‍♂️ ودارت أكبر تسريح جماعي في تاريخها!!

‏الشركة أعلنت عن تسريح ما يقارب 30 ألف موظف إداري حول العالم 😳
السبب؟ باينة الـ AI !

الشركة قالت إنها راح تعتمد أكثر على الذكاء الاصطناعي لتقليل التكاليف وتحسين الإنتاجية 🚀

أمازون بررت القرار بإنها كانت وظفت عدد كبير أثناء فترة الجائحة واليوم " حان وقت التصحيح " ❌

❌ أغلب التسريحات تخص المناصب الإدارية والمكتبية، ماشي عمال المخازن أو التوصيل.

✅ الهدف هو جعل الشركة أكثر كفاءة بالاعتماد على أنظمة الذكاء الاصطناعي بدل البشر في بعض المهام.

🤖 الذكاء الاصطناعي ما بقاش مجرد “أداة”، رجع ياكل المناصب واحد تلوى الآخر

السؤال لي يطرح نفسه:

خدمتك يقدر يعوضها الذكاء الاصطناعي ولا لالا ؟!