🚀 رسمياً: متصفح Atlas من OpenAI!

أعلنت OpenAI عن متصفحها الجديد Atlas المدعوم بـ ChatGPT 🔥

🧠 ذكاء متقدم:
يفهم الصفحات اللي تتصفحها ويقدر ينفذ مهام عنك في “وضع الوكيل” مثل البحث أو الحجز أو الطلب أونلاين.

💬 ذاكرة مدمجة:
يتذكّر محادثاتك السابقة لتجربة مخصصة، مع خيار إيقاف الذاكرة للحفاظ على الخصوصية.

💻 الإتاحة:
متوفر الآن لمستخدمي macOS، وقريباً على Windows و Android.

⚡️ خطوة كبيرة من OpenAI… المتصفح صار “يتكلم ويشتغل” بدلاً منك!

🔥 شركة Google تفعل المستحيل ! الحوسبة الكمية ولات واقع مشي خيال! ⚡

البارح Google أعلنت على إنجاز ضخم فمجال الحوسبة الكمية (Quantum Computing) اللي يقدر يبدّل بزاف مجالات فالعالم شوفو التعليقات لتفاصيل أكثر 👇

🔴 أداة Gemini هي أداة الذكاء الاصطناعي الوحيدة القادرة على مشاهدة و تحليل فيديوهات الYoutube بشكل حرفي 🔥

✅ أستغلوا هذي الميزة خصوصاً للناس لي عندها إشتراك لأنو طول السياق يوصل لمليون Token 👌

الجزائر 🇩🇿 تتوجه نحو رقمنة الخدمات الإدارية العامة وتركيزها في منصة Dzair services !

السلطات أطلقت المنصة الوطنية “Dzair Services” لي تجمع كل الخدمات الحكومية في مكان واحد من الوثائق الإدارية إلى التصاريح والخدمات الاجتماعية. يعني كلش تقريبا !

حسب السلطات الهدف منها تسهيل حياة المواطن، تقليل الطوابير، ومكافحة البيروقراطية ✨

⚠️ لكن كيما العادة الأسئلة والطقوس تاع موالف بعد إطلاق كل منصة :

❌ هل النظام آمن من الأعطال والهجمات؟
❌ كيف تُحمى خصوصية المواطنين؟
❌ وهل كل المناطق تملك الوسائل الرقمية للاستفادة فعلاً؟

واش رايك في هذه المنصة ؟ وهل سمعت بيها من قبل ؟

مافهمتش كيفاش قالو بلي خاصية dz pay نجحت وستخدمها فقط 70 ألف شخص من أصل 45 مليون 🙆🏽‍♂️

+ شخصيا غير فالعاصمة سقسيت بزاف محلات كي نحب نشري بـ dz pay يقولك درنا دوموند وماجاوش ولا جاو علقولنا ستيكرز بصح لحد الآن مازال ما بان والو ❌

تلقى الصحافة تشالي بـ 70 ألف كي شغل انجاز ، ماشي كل حاجة نضخموها بالعكس لازم نكونو واقعيين باش تتحسن أكثر 🤷🏽‍♂️

اليوم راح نهدروا على الـ Compressor (الضاغط) واحد من المعدات المهمة في Oil & Gas و تستعمل حتى في الـ HVAC Refrigeration، Instrument Air...

الـ Compressor هو basically آلة دوّارة (Rotating Machine) تضغط gases، يدخل الغاز من الـ Suction, ونراقب هنا ثلاث متغيرات: Suction Pressure, Suction Temperature, Suction Velocity. أثناء الضغط تتبدل هذي المتغيرات في الـ Discharge Area إلى Discharge Pressure, Discharge Temperature & Discharge Velocity. بالمختصر الـ compressor هو black box لي يزيد Pressure للغاز و نستعملوه في :

• الـ HVAC / Automotive A/C (ضاغط التكييف).

• الـ Refrigeration.

• الـ Gas Injection / Transportation (رفع ضغط الغاز للحقن أو النقل).

• الـ Instrument Air ليقوم بتوليد هواء الأجهزة المضغوط (Instrument Air) للمصانع.

• الـ Chemical & Petrochemical (عمليات معالجة ونقل الغازات).

تصنيف الضاغطات (Compressor Classification) : كاين زوج main categories من الضاغطات لنصنفوهم على حساب مبدأ عملهم:

1. الضاغطات الديناميكية (Dynamic Compressors) :
هذه الضاغطات تتميز بـ تدفق مستمر (Continuous Flow)، المبدأ تاعها هو أنها تمدّ للغاز طاقة حركية (Kinetic Energy) كبيرة عبر دافع دوار (Impeller)، ومن بعد هذي الطاقة الحركية تتحول إلى ضغط (Pressure) كي يخرج الغاز من الضاغط.

° الـ Centrifugal Compressor (الطارد المركزي): يدخل الغاز محوريًا ويخرج شعاعيًا عبر الناشر (Diffuser) ليحول السرعة العالية إلى ضغط مرتفع.

• يقدر يكون أحادي المرحلة (Single-stage) أو متعدد المراحل (Multi-stage).

• في الضاغطات متعددة المراحل، نستعملوا المبردات البينية (Intercoolers) بين المراحل باش نخفضوا درجة حرارة الغاز، باش ما نوصلوش لدرجة حرارة عالية جداً تحدّ من قدرتنا على زيادة الضغط في المرحلة لي موراها.

° الـ Axial Flow Compressor (التدفق المحوري):

• يتدفق الغاز فيه موازيًا لمحور الدوران.

• يعطي كفاءة عالية و معدلات تدفق كتلي (Mass Flow Rate) كبيرة لحجم معين، لكنه يكون معقد ومكلف.

2. ضاغطات الإزاحة الإيجابية (Positive Displacement Compressors) :
هادو يخدموا بمبدأ مختلف، كل دورة تنقل كمية ثابتة (Fixed Volume) من الغاز، ومن بعد تضغط هذاك الحجم المحبوس (Trapped Volume) وتدفعو. هذا النوع يقدر يوصل لـ Very High Pressure، و عندنا زوج أنواع كبار:

° الضاغطات الترددية (Reciprocating Compressors): تخدم بـ مكبس (Piston) أو غطاس (Plunger) يتحرك في حركة ترددية (Reciprocating Motion) داخل أسطوانة لضغط الغاز.

• تقدر تكون مزدوجة الفعل (Double-acting) أو أحادية الفعل (Single-acting).

• منها أيضاً ضاغطات حاجزية (Diaphragm) لي تستعمل غشاء مرن للعزل التام، وهذا يجعلها مناسبة لـالضغط العالي جداً و التدفق المنخفض.

• الضاغطات الدوارة (Rotary Compressors): تعتمد على الحركة الدورانية داخل الأسطوانة لتقليل حجم الغاز وضغطه بشكل مستمر، كالضاغطات اللولبية (Screw)، ضاغطات الفص (Lobe)، وضاغطات الريش الدوارة (Vane).

اش تعرف واش تخير شوف الـ Nameplate(اللوحة التقنية ) تاع الضاغط وراقب Discharge Pressure و Capacity باش تعرف بالضبط علاه تختار هذاك النوع✨✨

🔴 رسميا : الجزائري 🇩🇿 العيد دردابو يفوز بالطبعة 17 من نجوم العلوم الشهير بمشروع تطبيق Vida لقياس مستوى الفيتامين D !

التطبيق يعمل على الهواتف و smart watches ✅ راح يغير طريقة قياس مستوى فيتامين D !

مبارك لإبن الجزائر 💪🏻

🇩🇿🌳 غدوة حملة مليون شجرة عبر كامل التراب الوطني!
شبيبة هذي فرصتنا نديرو commit حقيقي للطبيعة 😂

شارك، شجّع، وإغرّس أملك مع الناس ❤️

شركة Meta (فايسبوك سابقاً) أعلنت عن تسريح حوالي 600 موظف من وحدة الذكاء الاصطناعي تاعها، في إطار “تنحيف” الأقسام وتشغيل الشركة بطريقة أسرع وأكثر فعالية ⚙️

القرار جا في مذكرة من رئيس الذكاء الاصطناعي الجديد، Alexandr Wang، لي التحق بالشركة هذا الصيف بعد ما استثمرت Meta أكثر من 14 مليار دولار في مجال الـAI 🚀

👨‍💻 التسريحات مست أقسام:
- البنية التحتية للـAI
- مختبر الأبحاث الأساسية FAIR
- وبعض المناصب المرتبطة بالمنتجات

🎯 الهدف؟
“تبسيط الطبقات الإدارية” وتوضيح قيادة “Wang” في توجيه استراتيجية الذكاء الاصطناعي داخل Meta.

أنا ما نقدرش نفهم بعض الناس حتى بعد 3 سنين 😩
بصح كيفاه ChatGPT يفهم الناس و عقلياتهم ؟ كيفاش يفهم الكلمات اصلا و هو كمبيوتر ؟! نورمالمو يفهم المفاهيم الرياضية لا ؟ صحا اهبط نفهمك كيفاش 👇🏻

الكمبيوتر في الأصل ما يفهمش كلمات، يفهم أرقام.
منطقيا يجي السؤال:
"زعما نقدرو نحولو المعنى الإنساني إلى أرقام؟"
الإجابة كانت: نعم، وبطريقة عبقرية.

تخيّل اللغة كيما فضاء ضخم، وكل كلمة هي نقطة داخلو.
الكلمات اللي عندها معنى متقارب تكون قريبة، واللي متعاكسة تبعد.
مثلا: كلمة “طويل” و“قصير” يكونو متعاكسين في الاتجاه (هنا عبرنا على فكرة لغوية لي هيا التضاد بفكرة رياضية لي هي الاتجاه) 😅

والأجمل تقدر تدير عمليات حسابية تعبر عن المعاني:
👑 ملك - رجل + امرأة = ملكة
العاصمة + فرنسا = باريس

لكن المعنى الحقيقي ما يوقفش هنا،
اللغة سياق، تسما الكلمة وحدها ما تعني والو،حتى تحطها في جملة وتفهم تأثير باقي الكلمات عليها.

شوف:
“مرت الشاحنة بالسيارة لأنها كانت بطيئة.”
“هي” ترجع لمين؟ الشاحنة؟ ولا السيارة؟
هذا هو الانتباه (Attention).ذ، وين النموذج يحاول “يربط” المعاني داخل الجملة، ويفهم السياق العام قبل ما يجاوب.

كي نجمعو هاذ الفكرتين، واحدة تفهم معنى الكلمات رياضياً، والثانية تفهم المعنى الكامل للجملة

زاد عندنا أقوى بنية في الذكاء الاصطناعي الحديث: Transformer.

النتيجة؟
آلة تكتب، تجاوب، تبرمج، وتناقش…
مش لأنها “تفكر”، بل لأنها “تفهم العلاقات” بين الكلمات.

من بعد اليوم راح يتنحالك غموض كبير وتقدر تفهم باللي ChatGPT يحسب ميخممش !!

جماعة .. كاينة حاجة بلاك لاحظتوها .. مرات كي تدخل كاش موقع يظهرلك بطريقة مختلفة على لي يظهر بيها لصاحبك لي راه مكونيكتي حداك ولا في بلاصة اخرى ..🤔 الاختلاف قادر يكون فالlayout ولا ألوان الموقع و لا تجربة المستخدم ولا أي حاجة أخرى.. يحكمك التوسويس و تقول بلاك هذا phishing 🛥 ولا كيفاه؟

لعزيز ما تتوسوس ما والو .. هنا راك في مخبر للتجارب .. مخبر تقني و الطريقة يسموها A/B testing

هاد التقنية نلقاوها في بزاف ميادين .. المواقع ، تطبيقات، نماذج ذكاء إصطناعي، حملات تسويقية .. و غيرها.

يستعملوها الشركات لما تكون عندهم حاجة جديدة يجربوها قبل على فئة معينة قبل ما يطلقوها للغاشي كامل باش يعرفو التأثير تاعها مسبقا..

ال A/B testing بكل اختصار هو مقارنة بين زوج نسخ version من حاجة وحدة باش تعرف شكون فيهم لي تجيب نتائج خير 📊

باش نبسطو لحكاية تخيل عندك حانوت تاع حوايج و راك تحوس دير تخفيضات باش تليكيدي سلعتك 💰 عندك في راسك زوج افكار بصح مراكش عارف شكون لي تمشي فيهم خير، واش دير؟ 🥸

- هل تحط ورقة مكتوب فيها : "تخفيضات لغاية -30%"
- ولا ورقة فيها: "كلشي ب 1000 دج"

وحدة من الطرق لي دير بيه A/B testing الأسبوع الأول حط الورقة الأولى و الأسبوع لي موراه حط الورقة الثانية و بعدها قارن المدخول و شوف شكون لي جابت خير و كمل خدم بيها -فرضا أنه باقي الظروف بقات كيما هي-

هذا واش يديرو فيسبوك و يوتيوب و غيرها من المواقع

يقسموا الزوار لزوج مجموعات عشوائيا:
- المجموعة الأولى يورولهم الصفحة الأصلية ( النسخة أ)
- المجموعة الثانية يورولهم الصفحة الجديدة لي فيها تغيير بسيط غالبا، مثل لون الزر

بعدها تكون عندهم مقياس KPI يتبعوه باش يحدو واش من نسخة ناجحة ، المقياس يقدر يكون المدخول، التكاليف، CTR .. و غيرها و النسخة لي تجيب أحسن نتيجة هي لي يعتمدوها للناس كامل

و هكذا القرارات ما تكونش مبينة على "ذوق" المدراء و لكن مبنية على البيانات و على تجربة علمية .. تقريبا نفس الفكرة يستعملوها شركات الأدوية كي يحبو يديرو دوا جديد بما يعرف بالتجارب السريرية clinical trials.

ونتوما خدمتوا من قبل بهاذ التقنية؟

⚙️ واش هو الدرايفر HX711؟

الـ HX711 هو واحد الدرايفر صغير نخدمو به باش نقراو الوزن بدقّة من كابتور (load cell).
يعني هو وسيط ذكي بين الكابتور والأردوينو ولا الراسبيري باي.

🔧 علاش نستعملوه مع كابتور الوزن؟
خاطر الكابتور يعطي إشارة ضعيفة بزاف و analog ما تتفهمش مباشرة.
الـ HX711 يدير تضخيم للإشارة + يحوّلها لرقمية باش الميكروكنترولر يقراها بسهولة وبدقّة.

✅ دقّة عالية (24-bit)
✅ سهل التوصيل: غير DT و SCK

كاش مرة سمعت بلي كاين "عقود" تخدم وحدها؟
بلا محامي، بلا بنك، وبلا تدخل من أي طرف ثالث؟ 😯
هادي تكنولوجيا حقيقية اسمها "العقود الذكية" أو Smart Contracts.

🧠 وش معناها عقد ذكي؟
ببساطة، العقد الذكي هو برنامج صغير يتنفذ أوتوماتيكياً كي تتحقق شروط معينة.
ماشي ورقة ولا إمضاء، بل كود مخزن في الـBlockchain! 🔗

💡 مثال بسيط:
شخص يشتري software من الإنترنت. الدراهم ما تروحش مباشرة للبائع، وفي نفس الوقت الـsoftware ما يروحش للمشتري.
يبقاو "محبوسين" في العقد حتى يتأكد بلي كل طرف عادل وراح ياخذ حقو المبين في الشروط،
ومن بعد العقد يدفع المبلغ للبائع ويمد المنتج للمشتري.

كلشي يتم بشفافية، بلا وسيط، وبسرعة! ⚡️

⚙️ كيفاش تخدم العقود الذكية؟
1️⃣ المبرمج يكتبها بلغة كيما Solidity ولا Vyper...
2️⃣ يحط الكود في Blockchain كيما Ethereum (لي جابت المفهوم أصلاً).
3️⃣ كي تتوفر الشروط، العقد يتنفذ وحدو.

🌍 وين نلقاوها اليوم؟
🎮 الالعاب الالكترونية كيما Axie Infinity
🗳 التصويت الإلكتروني
🛡 التأمين الذكي
💰 التمويل اللامركزي (DeFi)

⚠️ لكن!!!
❌ صعيبة تتبدل بعد النشر (ميزة وعيب في نفس الوقت 😅)
❌ أي غلطة في الكود = كارثة مالية 😬
❌ مازال ما كاينش إطار قانوني واضح في بزاف البلدان.

✨ الخلاصة:
العقود الذكية خطوة نحو عالم جديد وين الثقة تكون في الكود مشي في الناس 👨‍💻

📱 أفادت تقارير بأن Apple تخطط لإطلاق نوع جديد من أجهزة الآيفون كل عام حتى عام 2028! ✨

🔹 من بين ما نُقل:

إصدار خاص بمناسبة الذكرى العشرين لجهاز الآيفون عام 2027.

أول هاتف قابل للطي من آبل قد يظهر في عام 2028.

تغييرات كبيرة في التصميم والاسم مثل الانتقال إلى "iPhone 20" بدل "iPhone 19".


⚠️ لا تزال كلها تسريبات وغير مؤكّدة رسمياً، لكن لو تحققت — راح نشهد حقبة جديدة في تاريخ الآيفون.

آخ لوكان يطبقوها عندنا هاذي تاني 🥲

🇨🇳 ألزمت السلطات الصينية المؤثرين لي ينشرو على مواضيع حساسة مثل الطب، التمويل، القانون، والتعليم بتقديم إثباتات لمؤهلاتهم العلمية والمهنية. لازم عليهم تقديم شهادات جامعية، تدريب رسمي، أو خبرة مهنية موثوقة.

⭕️ المنصات الاجتماعية الكبرى مثل Douyin (النسخة الصينية من TikTok)، Weibo، وBilibili ولات هي مسؤولة عن التحقق من هذه المؤهلات. المؤثرون لي ما يلتزموش بهذه القواعد قد يواجهون تعليقا لحساباتهم أو إغلاقها نهائيًا، بالإضافة إلى غرامات تصل إلى 100,000 يوان (حوالي 14,000 دولار أمريكي) 🤯

✅️ تهدف هذه الخطوة إلى الحد من انتشار المعلومات المضللة وضمان بلي النصائح المقدمة في المجالات الحساسة تجي من خبراء فالمجال، وحنا لي جا يرحي 🥲

🚀 خطوة تاريخية من عملاق التقنية “مايكروسوفت” حيث أعلنت الشركة رسميًا أنها راح تبدأ تقبل عملة Dogecoin للدفع مقابل بعض المنتجات والخدمات الرقمية 🎮💻

💡 وش هي Dogecoin؟
عملة رقمية بدات كمزحة سنة 2013 مستوحاة من ميم الكلب “Doge”، لكن تحوّلت مع الوقت إلى وحدة من أشهر وأقوى العملات في العالم.
وراها مجتمع ضخم من المستخدمين، واستُعملت في مشاريع خيرية وحتى تمويلات فضائية 🚀

🔥 النتيجة؟
بعد الإعلان، تلقى Dogecoin (DOGE) ارتفاعًا بحوالي 8٪ مباشرةً في السوق
لأن مايكروسوفت من أكبر الشركات في العالم، وقرارها هذا يعطي دفعة قوية للثقة في العملات الرقمية, خصوصًا العملات اللي كانت تُعتبر “مُزَحَة”.