لا تقل: هذه مستشفى كبيرة.
قل: هذا مستشفًى كبير.
المستشفى مذكَّر، وهو اسم المكان من الاستشفاء، أيْ مكان طلب الشفاء.
ومنه: مستشفًى عامّ، ومستشفًى خاصّ، ومستشفًى دوليّ...
ويُجمع بالألف والتاء (مستشفيات) لأنه مشتق غير عاقل أكثر من ثلاثي، مثل مخترَعات واكتشافات ومخدِّرات ومستخلَصات ومشتقات...
...
ملحوظة: المشفى مكان الشفاء، والمستشفى مكان طلب الشفاء، وكلاهما مذكَّر، وكلاهما صحيح فصيح.

-نحو وصرف.

بعد إجازة العيد

راجعين للكلام عن الشغل والمستشفيات يا هاوس أوفيسرز

ترقبونا...

https://t.me/tabeebme

ما تترددوا في الاسئلة والاقتراحات والاستفسارات

‏تابع قناة طبيب على الدرب 🎒 في واتساب: https://whatsapp.com/channel/0029Vb5VdQUADTO5tBt8Bt3I

✍🏽🗒كتابة الوصفة الطبية(الروشتة) :

⚫️كتير من الناس لمن ينزلوا شغل في المستشفى بكونوا ما عارفين كيف يكتبوا الوصفة الطبية (الروشتة) لأنه ببساطة دي أول مرة ليهم يمارسوا الطب بصورة فعلية ويكون عندهم احتكاك مباشر مع مرضى.

⚫️الروشتة دي بختصروا اسمها بـ RX البتكونوا شفتوها كتير في الورق، والرمز دا قالوا اختصار للكلمة اللاتينية Recipe البتجي بمعنى to take في الأصل اللاتيني، فالكلمة بقت مصطلح بمعنى وصفة بجانب المصطلح الآخر Prescription. لكن لفظ روشتة تقريباً جاي من كلمة Request.

⚫️طيب كيف أكتب الوصفة دي؟

أول حاجة بما أنك حالياً هاوس أوفيسر فحتكون شغال في مستشفى، والترويسة الفوق اسم المستشفى، بس في معلومات خاصة بالمريض لازم تكتبها وهي :
▪️اسم المريض.
▪️وعمره .
▪️وزنه خاصةً لو كان طفل.
▪️محل سكنه.
▪️تاريخ اليوم.

🔺بعد الحاجة دي مباشرة مفروض تكتب التشخيص.
الحاجة دي بتساعد الصيدلي أنه يتمم على أنه دا فعلاً العلاج المناسب بالجرعة المناسبة، وبتساعد أي زميل ليك شاف الروشتة دي أنه يتأكد من صحة الوصفة.

تاني حتكتب العلاج نفسه، وحتكتب فيهو الآتي :
▪️اسم الدواء/Medication name
ويا حبذا لو تكتب الاسم العلمي ما تكتب الاسم التجاري، والمثال حيكون بواحد من أكتر الdrugs شيوعاً وهو Paracetamol...اكتبه باسمه العلمي دا ما بالأسماء التجارية، إلا لو في سبب منطقي يخليك تختار اسم شركة بدل التانية.
▪️تركيزه
مثلاً 500mg أو 1g أو 125ml/5mg أو غيرها من التراكيز لأي علاج.
◾️شكل العلاج/Form
مثلاً Tablet أو Capsule أو Syrup أو Infusion أو Injection أو غيرها.
▪️الجرعة/ Dose
حبة، حبتين، 5 مل، 100مل...
▪️طريقة أخذ العلاج /Route
بلع بالفم، مضغ بالفم، حقن بالعضل، حقن بالوريد... الخ
▪️التكرار/Frequency
كل ٦ساعات،كل ٨ ساعات، كل ١٢ ساعة...
▪️ملحوظات (إن وُجدت)
قبل الأكل، بعد الأكل، مع الدهون...
▪️الفترة الزمنية /Duration
لمدة ٣ أيام، لمدة أسبوع... الخ

▪️في الأخير مفروض تكتب اسمك ومسماك الوظيفي.

🍂مرات بتلقى جنب اسم العلاج مكتوب أرقام مثلاً
1x3x7
دا اختصار للجرعة والتكرار؛ الأرقام الفوق دي بتعني حبة واحدة أو الجرعة المحددةx تلاتة مرات في اليوم xلمدة سبعة يوم.

🔸مهم جداً الروشتة تكون بخط واضح ومقروء، ما ضروري تكون خطاط أو خطك سمح، بس الروشتة دي ثمرة مجهود التشخيص من التاريخ المرضي مروراً بالفحص السريري وثم الفحوصات، فاجتهد وخلي الثمرة تطلع بشكل مقبول عشان المريض يستفيد منها فعلاً.
ونهائي الشخبطة والخط الشين ما دليل أنك دكتور شاطر... ظابط؟ 🌚

طبعاً في أماكن ودول الروشتات فيها مطبوعة وحتى ورقة الفحوصات مطبوعة لكن أنا بتكلم عن الوضع العام في المستشفات الحكومية لأنها أول مكان بشتغل فيهو الطبيب في بداية دربه.



🌹تنبيه بسيط في النهاية، الروشتات الفي المستشفى دي مال عام مبذول ليك عشان هدف معين ألا وهو كتابة العلاجات (أو الفحوصات) للعيانين، فلا يجوز بأي شكل من الأشكال أنك تشيلا معاك عشان تذاكر فيها وتكتب فيها ملاحظاتك.اسأل الله أن يغفر الله لنا ولكم ويتوب علينا.

-طبيب على الدرب

يناير 2025
🚨 هيئة الغذاء والدواء الامريكيه (FDA) تحظر الصبغة الحمراء رقم 3 (E127) في الأغذية والأدوية 🚨

أعلنت إدارة الغذاء والدواء الأمريكية (FDA) عن حظر استخدام الصبغة الحمراء رقم 3 (Red No. 3 - E127) في الأغذية والأدوية المبتلعة، وذلك بعد دراسات أظهرت ارتباطها بالإصابة بالسرطان لدى فئران المختبر.

💡 حقائق مهمة عن الصبغة الحمراء رقم 3 (E127):

🔴 ممنوعة في مستحضرات التجميل منذ أكثر من 35 عامًا بسبب مخاوف صحية، ومع ذلك استمر استخدامها في بعض الأغذية والأدوية حتى الآن.

🛢️ هي مادة كيميائية صناعية تُستخدم لإضفاء اللون الأحمر على الحلويات والمشروبات وبعض الأدوية. 😡

📋 تُعرف أيضًا باسم:Erythrosine (E127) ضمن قائمة الإضافات الغذائية.

📅 المهلة الممنوحة:
- على الشركات إزالة هذه الصبغة من الأغذية بحلول يناير 2027
- ومن الأدوية بحلول يناير 2028 🚨 FDA تحظر الصبغة الحمراء رقم 3 (E127) في الأغذية والأدوية 🚨


🛑 ماذا يجب أن تفعل؟!
✅ تفقد مكونات المنتجات قبل شرائها، وابحث عن E127 في قائمة الإضافات الغذائية.
✅ تجنب المنتجات التي تحتوي على Red 3 / Erythrosine (E127) للحفاظ على صحتك.

-منقول.

https://whatsapp.com/channel/0029Vb5VdQUADTO5tBt8Bt3I

شكلو حنبقى على الميدسن 🙄كبيرهم🔥

Medicine is Medicine

🔵 محتويات القناة :

🔹نصيحة لأي طبيب لسة ما اتخرج
https://t.me/tabeebme/9

🔹بعد التخرج مباشرة
https://t.me/tabeebme/15

🔹لمحة عامة عن الإمتياز
https://t.me/tabeebme/21

🔹الأتاش
https://t.me/tabeebme/24

🔹بين القانون والشرع
https://t.me/tabeebme/30

🔹نصيحة لزول اتخرج الليلة (٥ ديسمبر ٢٠٢٤)
https://t.me/tabeebme/32

🔹الأتاش مشكلته شنو؟ (ديسمبر ٢٠٢٤)
https://t.me/tabeebme/34
https://t.me/tabeebme/35

🔹من تطبب ولم يُعلم منه طب فهو ضامن 💔
https://t.me/tabeebme/39

🔹ليه لازم أمش أشوف المستشفى قبل أنزل فيها إمتياز؟
https://t.me/tabeebme/41

🔹الإجراءات الرسمية لتوزيع الإمتياز
https://t.me/tabeebme/45

🔹بعض المصطلحات البتلاقيك في المجتمعات الطبية
https://t.me/tabeebme/58

🔹ابدأ الإمتياز بأي شيفت؟
https://t.me/tabeebme/65

🔹كل طبيب هو معلّم
https://t.me/tabeebme/76

🔹رابط القناة على واتساب
https://t.me/tabeebme/85

🔹كتابة الوصفة الطبية(الروشتة)
https://t.me/tabeebme/87

🔹شيفت الباطنية/ Internal Medicine (1)
https://t.me/tabeebme/93

🔹شيفت الباطنية / Internal Medicine (2)
https://t.me/tabeebme/105

🔹Logbooks
https://t.me/tabeebme/94?single

🔹د. محمود علّام ECG في ٢٥ فيديو
https://t.me/tabeebme/111

🔹 لـ خريجي 2025
https://t.me/tabeebme/181

🔹بورتوكول علاج الملاريا في السودان ٢٠٢٣ (آخر بورتوكول)
https://t.me/tabeebme/187

🔹الخدمة الوطنية
https://t.me/tabeebme/289

🔹خطوات التسجيل للبيرمننت ٢٠٢٦ :
https://t.me/tabeebme/298


🔹بين المجلس الطبي ووزارة الصحة:
https://t.me/tabeebme/322

🔹طبيب على الدرب.

شيفت الباطنية/Internal medicine (1):

قبل تنزل أو تتوزع في المستشفى أمش المستشفى شوفها زي ما قلنا في المنشور دا
https://t.me/tabeebme/41

من أهم الحاجات المفروض تعرفها في الباطنية أنه هل حيكون من مهامك أنك تسد نبطشيات في العيادة الخارجية ولا لا... لأنه في بعض المستشفيات بتخليك تسد في العيادة الداخلية فقط، يعني العيان بجيك مشخّص جاهز ما عليك إلا تعمل الفلو أب وممكن تعيد الclerking حقو.

أنا بشوف أنه لازم تسد في العيادة الخارجية/outpatient عشان تتعلم كيف تعمل تقييم assessment للعيان وتشوف العيان لمن يجيك قبل يبقى stable و تشيل منه history وتعمل examination و تخت differential diagnoses وعلى أساسها تطلب الفحوصات وتشوف النتيجة وتخت تشيخصك وبلانك،
بكل الخطوات السابقة دي أنت بتكون عملت دورك كامل كطبيب، صح بتكون محتاج سنير يكون معاك في كل الخطوات دي وشوية شوية دور السنير ممكن يتقلص لدرجة أنه يبقى مراقب بس ومشرف.

من ناحية تانية لو سديت طول الشيفت في العيادة الداخلية/ inpatient بتفقد كل الحاجات السابقة دي وحتكون بتعمل في فلو أب وأنت ما شفت عيان المرض دا بجيك بشنو وحالتو بتكون كيف.. حتى وأنت بتقدم في الهيستوري حتكون بتتكلم عن كلام أنت ما شفتو... والحاجات دي لو ما اتعلمتها في الإمتياز تاني بيكون من الصعوبة بمكان أنك تتعلمها.
في مستشفيات بتكون العيادة الداخلية والخارجية حاجة واحدة، دي برضو كويسة من ناحية التعلم.
وحتى لو الظروف نزّلتك في مستشفى بتسد عيادة داخلية بس؛ أمش العيادة الخارجية في أوقات فراغك واتعلم من الأطباء هناك واشتغل معاهم، لأنه بنهاية الشيفت دا أنت مفروض تكون قادر تشتغل شغلهم دا.

الحاجة التانية قبل تنزل يستحسن تشتري لوق بوك أو تنزله في تلفونك عشان تشوف مهامك وتعرف ما لك وما عليك وتحاول تحقق المتطلبات المكتوبة في اللوق بوك أو الجزء الموجود منها في المستشفى، الخطوة دي مهمة شديد، وللأسف كتير من الناس ما بشوفو اللوق بوك إلا مع الريليز؛ بوقعوه وبختموه وخلاص.

كدة أنت بقيت جاهز أنك تدخل الشيفت،
في المنشور الجاي إن شاء الله حنتكلم عن الشيفت من الداخل.

-طبيب على الدرب 🎒.

دعواتكم للزملاء الممتحنين Local بكرة

إن شاء الله امتحان خفيف ظريف لطيف
ونشوفهم من الناجحين 🍃

خليكم قريبين
حنواصل كلام عن شيفت الميدسن
مبدئياً كدة أي عيان جاك شوف
The VITAL signs!
لحدي ما نتلاقى... 🔥

المجلس الطبي السوداني

*ترتيبات اعتماد قوائم الخريجين* من اجل تنظيم وتوحيد قنوات الاتصال وتجنب اعادة القوائم للكليات للتعديل اوالاستكمال يجب اتباع التعليمات الاتية:
1. ارسال ايميل من الايميل الرسمي للكلية الى certification@smcreg.gov.sd ونسخة الى khatime@smcreg.gov.sd
2. يرفق بالايميل خطاب موقع ومختوم من عميد الكلية وامين الشؤون العلمية اوالمسجل موضح به:
 تاريخ الخطاب
 التخصص (طب بشري/ صيدلة/ اسنان)
 الدفعة
 تاريخ محدد للتخرج بالخطاب (اليوم والشهر والسنة)
 عدد الخريجين (سودانيين أو أجانب)
3. يرفق بالايميل قوائم الخريجين بملف اكسل يحتوي:
 كلية واحدة بكل ملف (طب بشري او طب اسنان او صيدلة)
 الخريجين السودانيين في ملف اكسل منفصل
 الخريجين الأجانب في ملف اكسل منفصل بنفس المواصفات.
 عمود للرقم الجامعى (القادم من مكتب القبول بدون إضافات)
 عمود لسنة محددة للقبول
 اربعة اعمدة للاسم رباعي (الاول والثاني والثالث والرابع كل اسم في عمود منفصل).
 تطابق عدد الخريجين في الخطاب وملف الاكسل
يجب مراجعة ارقام القبول جيدا حيث لا يمكن التغيير بعد رفع القائمة بالسيستم
يتم مراجعة الملفات خلال أسبوعين من تاريخ ارسال الايميل اذا كانت مطابقة لمتطلبات المجلس بنهاية الأسبوعين يتم اخطار الكلية بنتيجة التدقيق وبذا ينتهي دور الكلية فيم يختص بالقائمة في حالة قبولها شكلا ومضمونا يتم رفعها بالنظام اما في حال عدم المطابقة يتم مخاطبة الكلية وإعادة القائمةالمرسلة وتوضيح عدم التطابق من اجل التعديل.

شيفت الباطنية/Internal medicine (2):

🔝كطبيب في المستشفى أول وأهم حاجة تعملها أنك تتعلم كيف تتعامل مع الemergency

زي العيان البجيك in coma أو الconvulsion والchest pain.
تعرف الcauses والdifferential لكل حاجة من ديل.

▪️تعرف الMI و قراية الECG.

▪️والType of stroke وكيف تتعامل معاها.

▪️تعرف الAKI&CKD وكيف تتعامل معاهم ومع كل حالات الRenal وتعرف الdialysis.


▪️تعرف كيف تتعامل مع أصحاب الأمراض المزمنة وكيف تكتشفها وتعالجها وأهمها DM&HTN&Heart disease... تعرفهم from a to z.

▪️تعرف الelectrolyte Disturbance and how to correct.

▪️تعرف الTropical disease في منطقتك، وأشهرهم malaria, typhoid, dangue, colera... قد تختلف من منطقة للتانية.

▪️تعرف الliver disease واشهرها hepatitis... ولازم تكون محصّن ضده قبل تنزل المستشفى لأنه منتشر وراااااقد ❗️.

▪️تعرف أنواع الanaemia وأسبابها والتعامل معاها، وتعرف كمان تفاصيل نقل الدم واحتياطاته.

▪️تعرف الascites واسبابه وكيفية التعامل معاهو.

◽️لازم تكون ماهر في أخذ عينات الدم وتركيب الcanulla وNG Tube و catheter.
برضو paracentesis و pleurocentesis.

◽️لازم تكون على قدر من المهارة في قراءة الXRay بالذات للchest... والCT بالذات للBrain.

🔹تاني غير الحاجات دي في كل سستم بتمر عليك الحاجات الcommon، وحسب الفي غالب المستشفيات :
Cardiopulmonary; heart failure, TB, asthma, pneumonia.
GIT;GE,GERD,HPylori,GI bleeding.
GU;UTI, stone.
CNS;meningitis, encephalitis

🔸How to follow up.

🔻وكيف تعمل CPR وتعمل confirmation of the death.

🔹و دا كله بمعاونة الرجسترار والميديكال وسناير اليونت، وإياك تسد في الحوادث من غير سنير.

⭕️وما تنسى تشوف The VITAL signs لأي عيان يمر عليك.

🖊دي تُعتبر رؤوس أقلام بس عن الحاجات البتلاقيك في الحوادث، لكن الموضوع أكبر من كدة ومحتاج منك قراية عديل عشان تربط العلم بالممارسة وتعرف كيفية وخطط العلاج، وإن شاء الله بالممارسة يبقى ليك بسيط.(بالذات لو أنت أول شيفت).

الكلام دا بناء على الاتذكرته من تجربتي، وإن شاء الله في البوست الجاي بحاول أحصر مصادر القراية.

-طبيب على الدرب.

مشاكل المجلس الطبي السوداني
غاندي أحمد إبراهيم

https://www.facebook.com/share/p/12JFq56HhwN/

🟢خطأ شائع بخصوص الكوليرا🦠🚨

في منشورات حايمة بتقول ليكم أجروا جيبوا حبوب الـ (دوكسيسايكلين - Doxycycline) الخضراء من الصيدلية وأبلعوها بمجرد ما جاتكم أعراض كوليرا أو انتو في منطقة موبوءة بالكوليرا.

يلا الكلام دا ما دقيق.. ومضلِّل🚫

الحاجة المفروض الناس تجري وتجيبها هي محلول التروية ORS، من الصيدلية أو ممكن يتعمل في البيت لو ما متوفر في المنطقة.

ليه⁉️

لأنو سبب الوفيات البتحصل وسط المصابين بالكوليرا؛ هو فقدان الجسم للسوائل والمعادن بكميات كبيرة شديد مع الاسهال.
فلازم الفقد دا يتعوَّض.
عن طريق إنو نسقي المريض بإستمرار محلول التروية ORS سواء كان جاهز من الصيدلية، أو معمول في البيت.

🔸طيب (الدوكسيسايكلين) دا قصتو شنو والمريض ياخدو متين🤔❗

تعال أقرا الكلام دا بي رواقة واستفيد♥

👈المرضى البعانوا من أعراض الكوليرا بيتم تقسيمهم لـ 3 فئات.

1/ الفئة الأولى:
عندهم إسهال يشبه موية الرز وعدم جفاف.
يعني مرضى كوليرا ما بعانوا من أعراض جفاف.
✅ديل بياخدو فقط محلول تروية ORS، وممكن ذاتو ياخدوهو في البيت، ما ضروري يمشوا المستشفى أو مركز العزل.

2/الفئة التانية:
إسهال يشبه موية الرز مع جفاف خفيف.

قد يكون عندهم (جفون غائرة، نبض أسرع من الطبيعي قليلًا، عطش متكرر لكن قادر يشرب، إذا قرصت الجلد بيدك وفكيتو الجلد بيرجع لوضعو الطبيعي بصورة أبطأ..).
✅وديل بيتم علاجهم أيضًا بمحلول التروية ORS فقط وبنجاح.
نعوض ليهم الفقد البحصل ليهم.

3- الفئة التالتة:
إسهال يشبه موية الرز مع جفاف شديد.

بكون عندو واحد من الأعراض التالية:
(نبض ضعيف، فقدان وعي، ضيق في التنفس، ما قادر يشرب سوائل أو بيشرب بسيط جدًا، عيون غائرة جدًا، الجلد اذا ضغطتو أو قرصتو وفكيتو بيرجع لوضعو الطبيعي بصورة بطيئة شديد).

✅ديل بيتم علاجهم بمحاليل وريدية (دربات) في مركز العزل أو المستشفى.
بياخدوا محلول رينقر، أو ملح أو مخلوط في حالة العدم، مع تصحيح الالكترولايتس.
والانتقال للتعويض الفموي متى ما اصبحوا قادرين على تناول السوائل بالفم وما بيستفرغوا.

🔸طيب ما وريتنا الـ (دوكسيسايكلين) مالو برضو🤛

👈الدوكسيسايكلين بنديهو لناس الفئة التالتة✅
بعد تصنيفهم من قبل الطبيب ضمن الفئة دي.

👈وبنديهو لناس الفئة الأولى والتانية في الحالات التالية فقط:

1- المريض بيسهل وبيفقد بمعدل عالي (مرة على الأقل كل ساعة).
2- المريض لسه بعاني من الجفاف بعد مرور أربعة ساعات من العلاج بالتعويض الفموي.
3- المريض بعاني من مرض آخر زي (سوء تغذية حاد، فيروس نقص المناعة HIV).
4- امرأة حامل.

إذا كان مريض الكوليرا ضمن الحالات دي، بغض النظر عن درجة الفقد والجفاف، مع العلاج الأساسي (محلول التروية ORS) بنديهو مضاد حيوي (دوكسيسايكلين) 300 ملجم جرعة واحدة للبالغين؛ كخط أول، أو (أزيثرومايسين أو سيبروفلوكساسين) في حالة العدم.

المضاد للفئات دي ممكن يقلل من فترة وكمية الإسهال، وتقليل طرح البكتيريا المسببة في البراز.

ودورو ثانوي، بعد التعويض سواء بملحلول التروية ORS للفئة الأولى والتانية، أو بالدربات ثم محلول التروية للفئة التالتة.

وقعت؟!

لأ دقيقة🙋🏽‍♂️.. انت قلت الحامل يدوها (دوكسيسايكلين) ولا سمعت غلط🤔؟!

أيوة نعممم، الـ (دوكسيسايكلين) هو الخيار المفضل والخط الأول لعلاج النساء (الحوامل) المصابات بالكوليرا، مع التعويض بمحلول التروية.
في حال فشل علاج الحامل بالـ (دوكسيسايكلين) أو وجود مقاومة أو عدم توفرو؛ بعداك ننتقل للـ (أزيثرومايسين).

ودا تصحيح لمعلومة خاطئة حايمة برضو👏💚

📌إضافة:
الأطفال الأعمارهم بين 6 أشهر لـ 5 سنوات -بغض النظر عن درجة الجفاف- يجب البدء فورًا في تناول مكملات الزنك (20 ملغم من كبريتات الزنك يوميًا لمدة 10 أيام) لتقليل حجم الإسهال ومدته.

👏شاركنا بي رأيك في التعليقات، وأعمل مشاركة للبوست عشان الفائدة تعم💚💚

✍️ Mohammed Altahir

🔸#مصادر:

https://www.choleraoutbreak.org/book-page/section-7-case-management-treatment-facilities.html

البرتوكول الوطني لعلاج الكوليرا
Sudan National Cholera Treatment Protocol 2023

-World Health Organization (WHO)
-National Institutes of Health, UK (NIH)
-Centers for Disease Control and Prevention, US (CDC)

#معلومات_دوائية #توعية_صحية #صيدلة