♦️الإخوة الأطباء والطبيبات الأفاضل..

رغبةً في المساعدة عن كيفية إستخدام موقع المجلس الطبي للحصول على الخدمة المعنية، وتجنباً للإستغلال المادي الذي يعاني منه عدد من الزملاء بهذا الخصوص..
مرفق لكم عدد 3 فيديوهات أعدها دكتور محمد إسماعيل (جزاه الله كل خير) على النحو التالي:
1/ طريقة إنشاء حساب في موقع المجلس الطبي + طريقة تحديث البيانات..
2/ طريقة التقديم لشهادة التسجيل الدائم (البيرمنانت)..
3/ طريقة التقديم لشهادة حسن السير والسلوك (GS)..
4/ طريقة التقديم لشهادات الإختصاصيين و الاستشاريين..

بالتوفيق يارب


https://www.facebook.com/share/p/15U76naDwt/

-منقول.

تحديث تعقيباً على المنشور دا
َمعلومة عرفتها اليوم
الإمتياز سنة كاملة ما بنقص لأي سبب كان
أما الخدمة الوطنية اللي هي بعد الإمتياز قالوا مقسمة لتلاتة فئات:
مناطق عمليات 6 شهور
ومناطق شدة 9 شهور
وعادية سنة

والله أعلم.

تشخيص حالة الوفاة.

بالنسبة لـ إمتياز دولة ليبيا
هم بياخدوا بي نظامهم هم بس؛ شهرين في الأطفال وشهرين في الأوبس وباقي الشفتات عادي تلاتة شهور.
بالإضافة لأنو عندهم شهر طواريء وشهر شي تاني


وعشان تمتحن بيرمننت سوداني بتكمل الفترة الناقصة من كل شفت يعني تشتغل هنا في السودان شهر أطفال وشهر أوبس عشان يعتمدو ليك فترتك

معلومة عرفتها اليوم عن إمتياز دولة ليبيا

كتير من الطلاب أو الخريجين الجدد بمشو المستشفى أو بدخلوا مجموعات الأطباء في فيسبوك بتلاقيهم مصطلحات بتكلموت بيها الأطباء وهم ما فاهمين العبارات دي يعني شنو بالضبط،
إن شاء الله اليوم حننزل منشور فيهو شرح لبعض المصطلحات دي مع توضيح مسار الطبيب السوداني، إجابةً على سؤال أنه كيف ومتين ببقى أخصائي.

انتظروا وترقبوا وجيبوا أصحابكم ودفعتكم.
قناة طبيب على الدرب :
https://t.me/tabeebme

بسم الله السميع العليم
أنت أول ما تبدأ مشوارك كطبيب بتعمل حاجة اسمها إمتياز، بدينا نشرح خطواته في منشورات سابقة وحنواصل بإذن الله.

بس الليلة حنتكلم عن #المصطلحات البتلاقيك في المستشفى والمجموعات الطبية وقد تكون غريبة عليك.
1⃣الوحدة أو ال Unit، دي عبارة عن team بشتغلوا مع بعض، على رأسهم الأخصائي، الوحدة بتكون باسم الأخصائي أو الأخصائيين العلي رأسها، فبتسمع يقولو وحدة بوص فلان أو مستر فلان عليها النبطشية، في الوحدة غالباً غير الأخصائي بيكون في نائب أخصائي أو أكثر، طبيب عمومي أو أكثر، وأطباء إمتياز.
2⃣الأخصائي(الفرق بين المستر والبوص)
المستر Mister هو أي أخصائي في تخصص جراحي؛ جراحة عامة، جراحة عظام، جراحة مخ وأعصاب، جراحة مسالك، جراحة أنف وأذن وحنجرة، جراحة أطفال .... الخ
أما البوص Boss هو أي أخصائي في تخصص باطني، زي الباطنية medicine بتفرعاتها من كلى ومخ وأعصاب وجهاز هضمي وغيرها من أقسام الطب الباطن، برضو أخصائي الأطفال، و
أخصائي النساء والولادة برضو يقال أنه boss مع إنه طب النساء والولادة يجمع بين القسمين الجراحي وغير الجراحي.
(طبيب العيون برضو يجمع بين الاتنين لكن تقريباً يقال له boss برضو).😅
الحاجات دي لقيناها قدامنا ومشينا عليها بس 😬
3⃣النبطشية أو ال duty
هي التزام وحدة معينة أنها تقعد في المستشفى وتستقبل المرضى وتشرف على أي حاجة جديدة تحصل للمرضى الفي المستشفى، عادةً بيكون الدوام في النبطشية ٢٤ ساعة،ومرات ١٢ على حسب المستشفى.
4⃣الرجسترار أو نائب الأخصائي Registrar
هو الطبيب بيكون امتحن الامتحان الأول في التخصص part1 ونجح فيهو، بعدها بيقضي فترة تدريب في المستشفيات الحكومية حسب ترتيب وجدول معين، الفترة دي إلزامية وبتكون ٤ أو ٥ سنوات أو حسب التخصص،بعد يخلصها بيكون مؤهل أنه يمتحن الامتحان الثاني part2 ولو نجح فيهو فهو كدة أخصائي.
5⃣الميديكال أو medical officer
هو طبيب عمومي، أو ممارس عام؛ وهو الطبيب الخلّص إمتياز،
مفروض بعد تخلص الإمتياز الرسمي تنتظر امتحان ممارسة المهنة عشان تحصل على التسجيل الدائم(البيرمننت)، أما لو عملت الإمتياز أتاش وخلصتو أنت هنا ميديكال "بوكو" زي ما بقولو 😬.
داير تعرف الأتاش دا شنو والفرق بينو وبين الإمتياز الرسمي راجع البوستات السابقة.
6⃣الهاوس أوفيسر house officer
دا طبيب الإمتياز سواء كان أتاش ولا موزع من الوزارة رسمي "ريقيولار".

دا تعريف مختصر عن المصطلحات القد تكون غريبة شوية على الناس الجديدة حاولنا نبسّط ونوضح.
سبحانك اللهم وبحمدك، أشهد أن لا إله إلا أنت، أستغفرك وأتوب إليك.


-قناة طبيب على الدرب.

كفى بالموت واعظاً 💔

الحمد لله ❤️

نعلن عن إطلاق منصة طبية شاملة لكل خطوات الأطباء والكوادر الطبية بعد التخرج.

شرح وتبسيط الاجراءات والخدمات المقدمة من كل المجالس والوزارات والهيئات الطبية في السودان

https://sites.google.com/view/alhaidermp

كافة إجراءات وخدمات:
•المجلس الطبي السوداني
•المجلس القومي السوداني للتخصصات الطبية
•المجلس القومي السوداني للمهن الطبية والصحية
•وزارة الصحة الاتحادية
•توثيق الشهادات

الدليل الشامل لكل الاطباء والكوادر الطبية والصحية في السودان.

(بالنسبة لمشكلة عدم الحصول على التسجيل التمهيدي) 💔

جزء كبير من التأخير سببه بيانات ناقصة
سواء مفقودة او مدخلة غلط
اقل عدم تطابق بين بيانات التعليم العالي وبيانات الجامعة وبياناتك الكاتبها بيأخرك
غلط في رقم في اسم في ايميل في صورة كلو بيأخرك
لانه حالياً ما فاتحين طريقة تشوف بياناتك او تعدلها
لانه التمهيدي كان تسليمه يدوي بايصال القسم بس ما كان بالسستم زي اسي

575
ما نسيناكم يا أطباء
نحن معكم على الدرب
ما زلنا في أوله، وللدرب بقية.

وكما قالوا : الأحلام ليست تلك التي نراها ونحن نائمون، بل هي التي تمنعنا أن ننام.

#بعد_التخرج 6

ابدأ بـ أي شيفت؟

بسم الله السميع العليم

السؤال دا بجي في بال كل زول عايز يشتغل إمتياز، والإجابة أنه ماف حاجة ثابتة؛ كل زول ليهو فهمو وسياسته.
أنت لو ريقيولار في الموقع لمن يفتح توزيع المستشفيات والشفتات بجيك تختار الترتيب،
وصراحة في الفترة الأخيرة مع الإجراء الجديد بتاع اختيار المحليات قالوا أنه حسب الحوجة؛ فعادي مرات ممكن تتوزع شيفتك الأول لاختيار أنت كاتبو في الترتيب رقم 3...
لكن برضو يظل سؤال الناس قائم أنه اكتب الشيفت الأول شنو وأفضل خيار شنو وليه!

شايف الناس في الاستفتاء كلها اختارت باطنية 🙄،معظم الناس البدو بالباطنية بقولو لأنه medicine is medicine فلمن نشتغل الباطنية باقي الشيفتات حتكون لينا ساهلة، وبعدها بشتغلو البدياتريك لأنه ماف فرق كبير بينه وبين الباطنية، فهو نفسه الباطنية للصغار +توبيكات خاصة + حساب الجرعات 💢

في ناس بتحبذ تبدأ بالبدياتريك مخصووووص عشان حساب الجرعات دا، بقولو أنه أعرف الأمراض والعلاجات بما أنه البدياتريك باطنية مصغرة وكمان أندمج مع حساب الجرعات واستغل حماس أول شيفت، عشان لمن أمش للباطنية يكون موضوع العلاج ساهل.



❗️في حاجة مهمة أنه معظم الناس في الشيفت الأول بيكونوا طاشين فترة كدة مسافة يتأقلموا على شغل المستشفى ويعرف واجباته وحدوده الما مفروض يتجاوزها، والحدود المفروض ماف زول يتجاوزها معاهو حتى لو كان أخصائي الوحدة نفسه، ويعرف وما له وما عليه وحاجات زي دي... الطشة دي بالإضافة لرهبة أول شيفت بتكون عند ناس كتار قبل ما ينزلوا زاتو وبتتحلا بالممارسة وبيساعد في حلها اجتهادك وأنه الزملاء بـ مختلف درجاتهم يكونوا ناس كويسين وبراعو للجناير.

🔅معظم الناس بتحبذ أنه تشتغل ميدسن و بدياتريك ورا بعض، بغض النظر عن الترتيب لأنه زي ما بقولو ديل تخصصات سماعة🩺وبشتغلو السيرجري والأوبس ورا بعض بعض النظر عن الترتيب باعتبارهن تخصصات فيها تدخل جراحي 🔪

الناس البعرفهم البدو بي جراحة بقولو دا اللاين حقنا ودايرين نشتغلوا بحماس البدايات دا، أو في ناس بتقول دايرة تتخلص منه عشان ما تشوفوا تاني في حياتها، وكذلك الأوبس في الخيار التاني 🙈وفي ناس بتقول ابدأ بالأوبس عشان حاجة خفيفة اتعود بيهو على الجو...

💡ترتيب الأوبس والسيرجري ضروري تشوف الحتة البتعلمك المهارات اليدوية، مثلاً لو وحدات الجراحة مهتمة بالتعليم أحسن تشتغل جراحة أول ثم تمش لناس الأوبس أنت جاهز من الناحية دي، و في حتات قالوا ناس الأوبس مهتمين أكتر بالتعليم فالناس بتشتغل أوبس أول وبتمش لناس الجراحة جاهزة.

¬في ناس بتخلي الباطنية شيفت أخير بتقول بما أنها حاجة كبيرة شديد أجيها وأنا في كامل الوعي.
¬وفي ناس بتخلي اللاين بتاعها كشيفت أخير بتقول أجيهو وأنا في كامل الوعي، ومنها أواصل فيهو كميديكال.

في ناس ما عندهم شغلة بالكلام دا كله وبمشو بس زي ما تجي تجي والأمور طيبة عادي، وفي ناس بمشو بس اليونت الفيها ناس بعرفوهم بغض النظر عن الشيفت وعن اليونت زاتو!
كلها خيارات ونظريات ماف حاجة ثابتة ... فأنت ورأيك وفهمك.

-قناة طبيب على الدرب 🎒

بالنسبة للإمتياز حالياً للناس العندنا ملفات :

1. مشكلة المحليات اتحلت
2. لازم تختار 3 محليات مختلفة وترتبهم حسب الاقرب ليك
3. لازم ترتب الشفتات حسب رغبتك
4. المحليات ما بتتكرر والشفتات كذلك
5. النتيجة بتطلع يوم 5 او يوم 7 عشان فبراير 28 يوم
6. اخر يوم لاستلام العمل يوم 15 مارس
7. لازم ترفع صورة من استلام العمل في الموقع
8. في كل ولاية في مندوب للامتياز مسؤول من الاستلام الالكتروني بعد ترفع الاستلام في الموقع أتأكد انه عمل ليك استلام الكتروني
9. أسأل سنايرك من المندوب في ولايتك
10. اذا ما استلمت يوم 15 او قبله بيحصل ليك اوتوريجكشن من الموقع ولو دا اول شفت ليك بتتوزع الجاي ويتحسب ليك اول شفت
11. اذا م اول شفت ليك لازم تستلم لو م استلمت ح يبدو ليك التوزيع من الاول بغض النظر عن اشتغلت كم شفت
12. اي مشكلة في الشفتات او فاتك التقديم او ما طلعت ليك نتيجة او اتوزعت غلط في ولاية ما قدمت ليها او اي مشكلة متعلقة بالتوزيع بعد اتوزعت حلها في ادارة الامتياز عطبرة اذا قالو ليك تجي المكتب تاني مافي حل الا تمشي ليهم
13. اي مشكلة في استلام العمل الالكتروني تاريخ ما مطابق للورقي او المندوب ما عمل ليك استلام الكتروني او تاريخ غلط او ورقة ما رفعتها من شفت فات حلها عند مندوب الامتياز في ولايتك اتواصل معاه

بالنسبة للتمهيدي
1. لا توجد سجلات ما عندها حل لحد ما المجلس يرفع سجلاتكم في السستم
2. التمهيدي ضروري للتوزيع ولاعتماد الامتياز وللامتحان

بالنسبة لموضوع القاب
في فرق بين قاب جوة شفت ولا قاب بين شفت وشفت
جوة الشفت ممكن تاخذ اجازة مسببة بأسباب موضوعية لا تتعدى 3 اسابيع بإذن من المستشفى وبخطاب موقع من الاختصاصي والمدير الطبي ومختوم من المستشفى ولازم تعوضها قبل اخلاء سبيل الشفت قبل تتوزع الشفت التالي
اي غياب بدون الخطاب دا بيلغي الشفت
اي غياب اتعدى 4 اسابيع حتى لو بخطاب بيلغي الشفت
والمدير الطبي برجعك ادارة الامتياز للمحاسبة واعادة التوزيع

بالنسبة للقاب بين الشفت والشفت
اذا الفترة اقل من شهرين بيوزعوك الشفت الجاي عادي بعد ترجع ادارة الامتياز بأسباب موضوعية اذا ما عندك عذر مقنع ح تبدا من الاول

اذا الفترة شهرين او اكثر ح تتوزع من اول وجديد بغض النظر عن دا الشفت الكم وبغض النظر عن السبب

الولاية ما بتتغير
المحلية ما بتتغير
الشفت ما بتغير
المستشفى ما بيتغير

خيار تغيير الولاية متاح فقط بين ولايتك الحالية وولايتك الاصلية لو مستشفياتها اشتغلت
تتواصل مع ادارة الامتياز قبل الشفت العاوز تغير فيهو الولاية
وفي كل الاحوال القرار في يدهم اما وافقو او رفضو

-نقلاً عن مصدر موثوق.

نصيحة من اخ اكبر إلى أخواتي الصغار من الطلبة وشباب الأطباء:

لازم تكون دكتور شاطر ده مش option بالنسبة لك طالما دخلت كلية طب أصبح ده خيارك الوحيد لأنك ستؤتمن على اغلى شئ وهو الحياة.

نقلاً عن د.احمد محسن استشاري القلب.

أعراض هبوط السكر في الصيام:
1.رعشة.
2.عرق.
3.جوع شديد.
4.رفرفة بالصدر وزيادة ضربات القلب.
5.اضطراب الوعي وتغير الحالة المزاجية.
6.صداع شديد.

أعراض ارتفاع السكر في الصيام:
1. عطش شديد.
2. تبول شديد.
3.ارهاق شديد.
4.صداع وجوع.
5.الم في البطن.
6.خمة نفس وترجيع.

..وقتها لازم تقيس سكرك لو أقل من 70 لابد من كسر الصيام مهما كان الوقت المتبقي علي اذان المغرب.
ولو بين 70 ل90 هنتابع السكر بعد ساعة لو في اعراض انخفاض سكر أو السكر بينخفض فعليا هنكسر صيامنا.

-نقلاً عن أطباء مختصين.
والله أعلم.

*توضيح حول خطوات ومطلوبات فترة الامتياز التدريبية داخل السودان:

في هذه الرسالة الخاصة للاطباء و الطبيبات الذين يودون قضاء فترة الامتياز (طب بشري. صيدلة. اسنان) اليكم توضيح المسار الذي يجيب علي كثير من التساؤلات والخطوات والمتطلبات لفترة الامتياز داخل السودان

١_.اداء القسم الطبي بالمجلس الطبي السوداني: و ذلك حسب برمجة المجلس الطبي و منافذ أداء القسم التي يحددها المجلس

٢_ استخراج شهادة التسجيل التمهيدي من المجلس الطبي السوداني بعد أداء القسم

٣_التوزيع خلال فترة الامتياز:
- تتم عملية توزيع الأطباء عبر إدارة الامتياز بالإدارة العامة لتنمية الموارد البشرية الصحية بوزارة الصحة الاتحادية، استنادًا إلى خارطة المستشفيات التعليمية المعتمدة وآلية توزيع يحددها المجلس الاستشاري للامتياز.

٤_الاستيعاب للدُفعات الجديدة::
- يتم استيعاب دفعات جديدة لأطباء الامتياز (بشري وصيادلة) كل ثلاثة أشهر. أما أطباء الامتياز في مجال الأسنان، يتم فتح الاستيعاب مرة واحدة سنويًا.

٥_ اجراءات التسجيل الإلكتروني::
- يتم فتح النظام الإلكتروني للتسجيل، ويُطلب رفع المستندات الآتية:
- الشهادة/الإفادة الجامعية.
- شهادة التسجيل التمهيدي.
- إثبات الشخصية.
- يتم اعتماد الاستمارات وإصدار حساب شخصي للطبيب يحتوي على اسم مستخدم وكلمة مرور.

٦_التوزيع الإلكتروني:
- يفتح النظام الإلكتروني للتوزيع كل ثلاثة أشهر في يوم 25 من الشهر، وتُعلن النتائج في يوم 5 من الشهر التالي.

٧_فترة التدريب:
- يُكمل أطباء الطب البشري وطب الأسنان فترة تدريب مدتها (12 شهرًا)، وفق سجل مهارات محدد (كتيب التدريب).
- يقضي أطباء الصيدلة فترة تدريب مدتها (3 أشهر).

٨_الاعتماد بعد إكمال الفترة::
- عند الانتهاء من التدريب، يفتح النظام الإلكتروني لتوثيق الفترة التدريبية. يُطلب من الطبيب رفع البيانات والمستندات عبر الرابط المعلن على صفحة الوزارة.

٩_التسجيل الدائم ورخصة المزاولة:
- بعد توثيق فترة التدريب، يتم حصر أسماء الأطباء الذين أكملوا الفترة التدريبية وإرسالها إلى المجلس الطبي السوداني للتحضير لامتحان الكفاءة المهنية والتسجيل الدائم
- عند اجتياز الامتحان، يُمنح الطبيب التسجيل الدائم ورخصة مزاولة المهنة من المجلس الطبي.

التسلسل اعلاه يفيد الطبيب و الطبيبة في متابعة مساره و تحديد المرحلة التي هو فيها الان و هل إجراءاته ما زالت في البدايات بعد التخرج لم تبلغ المجلس الطبي ام هي في المجلس الطبي في مراحل القسم و التسجيل التمهيدي ام هي قيد التوزيع و أداء الامتياز بالوزارة الاتحادية. علما ان كل الاجراءات بالمجلس الطبي و بالوزارة اليكترونية للنسهيل علي الطبيب و رفع بيناته من اي موقع.

-وزارة الصحة الاتحادية

بعض مصادر القراية في فترة الإمتياز
إن شاء الله بالحديث عن كل شيفت حنرسل معاهو ملفاته.
دعواتكم في ظهر الغيب لمشرفي القناة ✨

حالياً إجراء فتح الملف متاح في الموقع للناس العندهم تمهيدي بتاريخ ٢٠٢٥ وما قبل
فاتح من يوم ١٥ ولحدي يوم ٣٠ من الشهر دا
سارعوا وركزوا.
موفقين.