🔹شرح طريقة التقديم ومتطلباته
🔹وكيف تكسب زمنك أثناء التقديم لتفادي التأخير بقدر الإمكان
🔹مع فتح باب الاستفسارات بخصوص التقديم والامتحان

كله في قناتكم على تليقرام :
طبيب على الدرب 🎒

🔰الخدمة الوطنية 🫡

بمجرد نجاحك في البيرمننت أنت بتقدر تبدأ فيها،
ممكن تقضيها في :
مستشفى حكومي، مستشفى عسكري، أو مركز صحي حكومي (يقال أي مرفق حكومي فيهو حوجة لطبيب ممكن تقضيها فيهو)

بتمش الحتة الداير تعمل فيها الخدمة بتشيل منها خطاب حوجة،
لو عملتها في مستشفى عسكري حتكون إجراءاتك بين المستشفى العسكري ومنسقية الخدمة الوطنية، أما لو مستشفى حكومي أو مركز حكومي بتضيف ليهم وزارة الصحة.

🗯المطلوبات:
١.سكرين شوت نجاح البيرمننت تظهر فيهو الترويسة بتاعة المجلس فوق
٢.صورة ملونة من شهادة الجامعة (ويقال موثقة من التعليم العالي وفي ناس بقولو موثقة دي لاستخراج البيرمننت بس أو لنهاية الخدمة)
٣.صورة ملونة من إثبات الشخصية
٤. صورة ملونة من التمهيدي
٥.صورة شخصية خلفية حمراء


لو خطاب الحوجة من جهة تابعة لوزارة الصحة بتمش برضو وزارة الصحة تجيب منها ورقة خطاب حوجة حتى تمش المنسقية(في الوزارة برضو بطالبوك بنفس صور المستندات الفوق دي لكن صور عادية ما ملونة) ، والخطابات دي عندها فترة زمنية معينة فمن تبدأ الإجراءات أعملها كلها مع بعض في أيام متتالية عشان ما تضطر ترجع تاني تعيد الخطوات من الأول.

بعد تخلص الإجراءات والقائد في المنسقية يوقّع ليك بشيلوا رقمك وبدخلوك قروب بنزلوا فيهو أنه "أمر التحرك للآتية أسماؤهم صدر وعليهم الاستلام خلال فترة معينة " عشان ما تعيد الخطوات تاني.

أمر التحرك بتوديهو الوزارة أول ثم بتمش بيهو الجهة الشلت منها طلب الحوجة وبدوك استلام عمل، توديهو المنسقية أو المحلية (حسب الحتة الأنت نزلت فيها، فلازم تسأل الجهة أنه استلام العمل دا أوديهو وين)
في المستشفى العسكري ببدو ليك إجراءات مرتب.

المهم كدة حيكون عندك أمر تحرك واستلام عمل (أو أي مسمى للأوراق دي) فتحافظ عليهم زي عيونك،
وبدوك ورقة فيها تمام شهري بعدد الشهور الحتشتغلا.

يقال أنه الخدمة مقسمة حسب المكان لتلاتة فئات؛ ٦ شهور لو مناطق عمليات، و٩ شهور لمناطق الشدة، و١٢ شهر لو منطقة عادية. دا كله حسب تصنيفهم هم،
ورقة التمام دي بتمش تتمم بيها كل شهر في رينج من يوم ١ في الشهر لحدي يوم ١٠ تكون تممت في المكان (المنسقية أو المحلية، حسب الجهة الأولى المسؤولة منك)، التمام عبارة عن مواظبة بتشيلا من الجهة الشغال فيها وبختموها ليك ويوقعوها، وبتمشي بيها للجهة المعينة يوقعوا ليك فيها برضو
قالوا لو الإجراء دا ما تم خلال العشرة يوم دي حتكون مضطر تعيد الشهر دا تاني بعد انتهاء الخدمة

إذن استخراج البيرمننت ما ممكن تطلعه إلا بعد ٣ شهور على الأقل من بداية الخدمة، حتمش بأوراقك الفاتت دي كلها للمنسقية تقسِم أنك شغال خدمة وحتواصل فيها وبطالبوك برضو بصور مستندات عشان يدوك مواظبة لاستخراج البيرمننت ، بتمشي بيها الموقع الإلكتروني للمجلس الطبي ومعاك كل ورقك الفات داك من اثباتات لشهادات لصور بالإضافة لنسخ مصورة من أمر التحرك الولائي والمركزي.
وهنا لازم يكون عندك حساب محدث في المجلس الطبي، وحساب المجلس الطبي دا حنتكلم عنه في منشور في قادم الأيام بإذن الله تعالى.

(الإجراءات دي بالنسبة لولاية الجزيرة، قد يكون في اختلافات من ولاية للتانية)


-طبيب على الدرب.

إعلان تسجيل بيرمننت يونيو وأغسطس
والمراكز المتاحة

وزارة الصحة الاتحادية
الإدارة العامة لتنمية الموارد البشرية الصحية
إدارة الامتياز

للتأكد من وصول أسماء الأطباء المعتمدين للمجلس الطبي السوداني لفئات الامتياز (طب بشري- صيدلة- أسنان) ، أدناه تحديث لرابط قوائم أسماء الأطباء المعتمدين لدى إدارة الامتياز والمُرسلة بدورها للمجلس الطبي السوداني.

https://drive.google.com/drive/folders/1_qDf3iZkSIVxdgomnhqHFg-hRzcNgzhP?usp=sharing

🚨خطوات التسجيل للبيرمننت ⚡️:

السلام عليكم ورحمة الله
بسم الله نبدأ يا أطباء خطوات التسجيل،
زي ما مكتوب المتطلبات واضحة وهي :
-رقم التسجيل التمهيدي
-اسمك الأول بالعربي
-تاريج التمهيدي
_
-ايميلك
-رقم تلفونك

وفي مطالب تانية ما مكتوبة ألا وهي:
⚡️التحضير المبكر
⚡️السرعة
⚡️التركيز

🔰التحضير المبكر بيبدأ من الآن، أنك تجيب التمهيدي بتاعك تشيل منه اسمك الأول ورقم التمهيدي اللي هو آخر خمسة أرقام على يدك اليمين بعد الأصفار وتاريخ التسجيل التمهيدي المكتوب تحت، ما تاريج الإصدار المكتوب فوق.
🔰حتدخل موقع المجلس الطبي السوداني الآن
https://www.smcsdn.com/
وتدوس على التلاتة نقاط على يدك الشمال لو تلفونك بالعربي، حتضغط على الخدمات ثم التسجيل امتحان ممارسة المهنة، حتظهر ليك الصفحة الموضحة في الصورة دي
https://t.me/tabeebme/296

تكتب فيها بياناتك دي وتضغط على تسجيل
وقبل تضغط لازم تتأكد من بياناتك كويس، الاسم اتأكد منه لو فيهو همزة أو نقاط أو مساحة أو أي تفاصيل تانية
الكلام دا قبل الزمن المعلن للتسجيل
لو البيانات صحيحة حيجيب ليك إشعار أحمر فوق أنه لا يوجد امتحان متاح الآن، لو فيها خطأ حيجيب ليك الرجاء التأكد من صحة البيانات، أو أي كلام تاني، معناها في مشكلة في الحاجات المكتوبة دي فترجع تتأكد منها قبل موعد التسجيل، دي أهمية الخطوة دي الآن.

🔰قبل موعد التسجيل بتلت ساعة خليك قاعد في الموقع واكتب البيانات دي واضغط تسجيل كل مرة، وأبعد عن أي حاجة ممكن تبقى ليك مصدر تشتيت واقعد في حتة هااااااااادئة واتأكد أنه النت عندك شغال فل وتلفونك شاحن من الصباح وأقفل من التلفون أي حاجة ممكن تحول بينك وبين التسجيل.
كل مرة حيجيب ليك أنه لا يوجد تسجيل متاح الآن وبياناتك قاعدة ما تمسحها، لحدي ما يجي الوقت المحدد وتلقى الموقع دخل معاك بعد تدوس تسجيل.

🔰الصفحة التانية فيها بيانات زيادة عنك؛ اسمك رباعي وجامعتك وحاجات تانية ماف زول بيركز معاها 🙈ركز مع اسمك الرباعي بس، بمجرد ما اتأكدت أنه صحيح أنزل تحت في خانتين تحت فاضيات للإيميل ورقم تلفونك، في ناس بيقولوا خليهم منسوخات في الحافظة عندك، وأنا بقول ليك خليك حافظهم في رأسك عشان ما تحصل ليك مشاكل في النسخ زي إضافة خانة زيادة وتعمل تقديم ويقولوا ليك الايميل غلط وترجع تاني تتأخر...
أنت أي ثانية جوة محسوبة عليك للأسف... لو فكرت تطلع من الموقع دا لحظات بس أو اتأخرت في التفكير حتلقاهو قفل حسب تجربة امتحان مايو.
اكتب إيميلك صاح ورقمك واتوكل،

🔰حتجيك صفحة اختيار يوم الامتحان، أنت لازم تختار بدون تفكير.. الموقع دا كله جوة أنت مفروض تشتغل باللاوعي بتاعك في كتابة أي حاجة، وأصلاً أنت ما حتحتاج تكتب بعد دا لأنها خيارات مكتوبة وأنت بتختار منها بس.
بعد اختيار اليوم حتختار المكان، وقبل تدخل خت في بالك كم مكان عشان لو لقيت المكان القاصدو أنت اتملأ وسحبوهو تلقائياً من الموقع، تقوم تختار غيرو بدون تفكير، وبعد المكان حتختار الزمن لأنه اليوم فيهو جلستين؛ الأولى ٧ صباحاً والتانية ١٢ ظهراً.
بعد وصولك المرحلة دي وضغطك على تسجيل حتجيك صفحة أنه تم التسجيل المبدئي في الموقع والزمان المعينين...كما موضح أدناه
https://t.me/tabeebme/297

بعد كدة مبروك❤️ أنت أمورك طيبة وممكن تدفع وتحتفظ بإشعارك وتكون تميت التسجيل بسلام ✅
الموضوع دا كله ساهل وبتم في ثواني بس فيهو توتر عالي وداير تركيز
ربنا يوفقكم 💙

-طبيب على الدرب.

آخر خطوات في التسجيل بعد تضمن مقعدك ويتم التسجيل المبدئي بتسدد رسوم الامتحان في حساب باسم المجلس الطبي السوداني في بنك الخرطوم برقم الحساب 8248071 زي ما موضح في الملف دا
https://t.me/tabeebme/292
و لازم تكتب تعليق في الإشعار (رسوم امتحان+اسمك رباعي)، لو ما كتبت التعليق دا بتعتبر غير مسدد الرسوم،وحترفع الإشعار دا في رابط قوقل فورم القاعد في نفس الملف الفوق دا.
خلال ساعات بعد التسجيل المبدئي بجيك ملف PDF في الإيميل بتاعك فيهو معلوماتك الأساسية وأهم حاجة فيهو User name و Password حتدخل بيهم صفحتك يوم الامتحان فحافط عليهم.
حتدخل الامتحان ومعاك ٣ حاجات؛ إثبات شخصية وصورة ورقية من الملف دا وصورة ورقية من سكرينشوت إشعار الدفع.
موفقين...

-طبيب على الدرب.

التقديم لبيرمننت أغسطس بكرة الأحد ١٧ مايو الساعة ٨ صباحاً
طريقة التسجيل في الرسائل السابقة في القناة

موفقين 😴

⭕المجلس الطبي السوداني
تأجيل التسجيل لبيرمننت أغسطس لحين امتلاء مقاعد بيرمننت يونيو

لا تشخيص إلا فى وجود المريض

لا زلت أذكر ذلك اليوم الذي حضر إليّ فى عيادتى رجلان من علية القوم، وعندما جلسا على الكرسي قلت لهما:
من المريض؟
فقال أحدهما:
“المريض في البيت ولا يستطيع المشي، وقد استشرنا ابن أخته خارج السودان، وطلب بعض الفحوصات، وبعد أن تعملوها امشوا لأبشر.”
وكانت الفحوصات عبارة عن صورة رنين مغناطيسي للظهر، وفحص للعصب الطرفي، مع تقرير يفيد بأن المريض يعاني من Guillain-Barré Syndrome.
شرحت للرجلين أن الفحوصات وحدها غير كافية، وأنه لا بد من الكشف السريري على المريض نفسه. في البداية أبديا عدم الرضا، وقالا إن المرض واضح من التشخيص الذي أخبرهم به قريبهم الأخصائي، وإنهم جاؤوا فقط لكي أكتب لهم دواء الـ Immunoglobulin، الذي يُصرف من الإمدادات الطبية ولا يُعطى إلا بوصفة من الطبيب.
بعد أن خرجا من عندي يبدو انهم اتصلا بقريبهما الطبيب، ويبدو أنه أقنعهم بإحضار المريض حتى اكتب لهم العاج. وبعد نحو ثلاث ساعات حضروا بالمريض في سيارة إسعاف، رغم أنهم لم يكونوا مسجلين ضمن مرضى العيادة، لكن الحاضرين أفسحوا لهم المجال تقديرًا لحالة المريض.
دخل عليّ المريض، وكانت إحدى المرافقات تبدو على وجهها علامات الاستياء. أخذت التاريخ المرضي، ثم بدأت الكشف السريري. لاحظت وجود علامة تعرف بـ clubbing في الأظافر، مع ضعف وضُمور في عضلات اليدين الأمامية. كذلك أوضح الكشف على الصدر وجود علامات consolidation في الجزء العلوي من الرئة اليمنى. وبجانب الضعف الشديد كانت هناك بالفعل علامات تدل على تأثر الأعصاب الطرفية.
أخبرتهم أنني أحتاج إلى فحص هيموغلوبين عاجل في معمل العيادة، لكنني في الحقيقة كنت أريد الانفراد بأحد الرجلين. وبالفعل جاءني أحدهما وحده، فشرحت له أن فحص الأعصاب الطرفية أوضح وجود اعتلال عصبي، لكن الكشف السريري قادني إلى أن هذا الاعتلال ليس مرضًا أوليًا، بل هو ثانوي لسرطان في الصدر.
أذكر أن التشخيص كان صادمًا بالنسبة له، حتى إنه قال لي: “أنت تتحدث بثقة شديدة في تشخيصك.”
فشرحت له العلامات التي قادتني إلى ذلك الاستنتاج أثناء الفحص السريري.
طلبت منهم عمل أشعة مقطعية للصدر، وعندما أحضروها أكدت وجود Lung Cancer في المرحلة الرابعة، أي أنه كان قد انتشر بالفعل، وأثبت ذلك لاحقًا المسح الذري.
تم تحويل المريض إلى مستشفى الذرة، وانتقل إلى الرفيق الأعلى بعد أسبوعين.
ولا زلت أذكر النقاش الذي دار في بيت العزاء، وقد حضرت لتعزيتهم. قال أحد الحاضرين كلامًا عالقًا بذهني حتى اليوم: “الخطأ ليس خطأ الناس وحدهم، بل خطأ الأطباء أيضًا. كان ينبغي نشر هذه الثقافة عبر المجلات والمنشورات الثقافية والإذاعة والتلفزيون، خاصة وأن الميديا أصبحت متاحة للجميع.”
ومنذ ذلك الوقت ازداد يقيني بأن الفحص السريري ليس مجرد إجراء روتيني، بل هو جوهر الطب وروحه، وأن الفحوصات مهما تطورت لا تستطيع أن تلغي عين الطبيب وخبرته وحدسه السريري.

-بروف/ أبشر حسين

أيها الأحبة، الليلة هي أولى ليالي ذي الحجة، وغداً أول أيامها..
ليالٍ وأيام عظَّمها الله. فمن تعظيمنا لله نعظمها:
(ذلك ومن يعظم شعائر الله فإنها من تقوى القلوب)
أقسم رب العزة بها: (والفجر (1) وليالٍ عشرٍ (2))...وهي ليالي العشر من ذي الحجة. فلا ينبغي أبداً أن تمر مثل أية أيام أخرى.
صح عن نبينا صلى الله عليه وسلم أنه قال: (ما من أيامٍ العملُ الصالحُ فيهنّ أحبُّ إلى اللهِ من هذهِ الأيامِ العشرِ)، فقالوا: يا رسولَ اللهِ ، ولا الجهادُ في سبيلِ اللهِ؟ فقال: (ولا الجِهادُ في سبيلِ اللهِ، إلا رجلٌ خرجَ بنفسه ومالِهِ، فلم يرجعْ من ذلكَ بشيء).

تصوروا لو أن تاجراً حريصا على الربح تراكمت عليه الديون..جاءه موسم تجارته فنام فيه، هل يكون عاقلا؟!
هذا موسمنا لنربح فيه ونكسب القربى عند رب العزة الرحيم، ولِنَسُدَّ ديون السيئات.
فالهمة الهمة يا محبي الله ورسوله:

أكثروا من الصلوات وقراءة القرآن والصيام والتفنن في بر الوالدين وصلة أحبابهما بعد وفاتهما وصلة الأرحام وتفقُّد المساكين ودعوة الغافلين ونُصرة الدين وإخوانكم المقهورين.
أكثروا من التكبير والتهليل والتحميد في بيوتكم والطرقات وذهابكم وإيابكم. ومن كان له ذنب فليقلع عنه..

بارك الله لنا ولكم في هذه الأيام وجمعنا بكم في جنات النعيم.

د. إياد قنيبي

اعلان مهم

1. يوجد عدد 46 مقعد شواغر بمركز عطبره (جراحة العظام )
2. يوجد عدد 20 مقعد شواغر بمركز دنقلا (الطب الباطن)
3. يوجد عدد 10مقعد شواغر بمركز دنقلا (الاشعة التشخيصية )
4. يوجد عدد 17 مقعد شواغر بمركز دنقلا (طب الطواريء )
5. يوجد عدد 20 مقعد شواغر بمركز دنقلا (جراحة العيون)
6. يوجد عدد 30 مقعد شواغر بمركز دنقلا (جراحة الانف والاذن والحنجرة)
7. يوجد عدد 18 مقعد شواغر بمركز دنقلا (جراحة الوجه والفم والفكين)

*يفتح التقديم اليوم الساعة 1 ظ.*

المجلس القومي السوداني للتخصصات الطبية ١١:٥٥ ظهراً
١٩ مايو ٢٠٢٦

المجلس الطبي السوداني
إعلان مهم

لا تنسونا من الدعاء يا أحباب 💕

📍قال نبينا صلى الله عليه وسلم: «خَيْرُ الدُّعَاءِ دُعَاءُ يَوْمِ عَرَفَةَ، وَخَيْرُ مَا قُلْتُ أَنَا وَالنَّبِيُّونَ مِنْ قَبْلِي: لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الحَمْدُ وَهُوَ عَلَى كُلِّ شَيْءٍ قَدِيرٌ » .