🔹أسعار الخدمات الطبية للعام ٢٠٢٦

قروب اساطير البنقلة 🔥

للأطباء فقط
للاتفاق على الحدود الدنيا للبنقلات وتوفيرها
وعمل ميثاق متفق عليه بيننا
ونشر البلانات والنقاش في الحالات التي تمر علينا

الإضافة للأطباء والطبيبات فقط وبما يثبت

⭕يمنع دخول كل من ليس له علاقة بكلية الطب

https://facebook.com/groups/1653882382288607/

جدول الأسبوع الأول لقراية البيرمننت

د. عرفة أحمد

الاستفتاء كان فاتح لمدة أسبوعين

جمعنا حوالي ٢٠٠ صوت

سبحان الله الأغلبية كانوا طلاب، وهم ما فئة مستهدفة استهداف مباشر في القناة دي لأنه القناة للPost Graduated بس برضو حاجة كويسة أنه الطلاب يشوفوا الدرب قدامهم عامل كيف.

النسبة الأكبر تاني هم الخريجين الما نزلوا إمتياز لسة، معظم المنشورات الفي القناة دي موجهة ليهم، امشوا الرسالة المثبتة شوفوها.
ولسة الجاييكم كتير....
بدينا نتكلم عن الشفتات وحنواصل بإذن الله تعالى

أما الناس الممتحنة بيرمننت بنحاول ننزل ليكم محتوى مناسب معاكم...

لو شايف القناة مفيدة رسلها لأصحابك.

-طبيب على الدرب.

قروب أساطير البنقلة فيسبوك

الغرض الأساسي من تكوين القروب هو جمع الأطباء أصحاب المصلحة و توحيد قرارهم في تحديد أسعار الورديات و مرتبات العمل في المراكز الصحية و المستشفيات الخاصة و العيادات بناء على المتغيرات الإقتصادية، و حمايتهم من الاستغلال سواء في العائد المادي او بيئة العمل بما يضمن التعاقد العادل المجزي البيقيم مجهود الطبيب و بيراعي كرامته.

إضافة للنقاشات الأكاديمية المثمرة البيعرضوها الأطباء من واقع الحالات اليومية البتقابلهم في المستشفيات و المراكز الريفية و العيادات الخاصة.
التجربة كانت عظيمة و تم ترفيع القروب من الواتساب إلى الفيسبوك عشان يكون جامع و تعم الفائدة و تتحقق المصلحة لتشمل كل أطباء السودان .

https://facebook.com/groups/1653882382288607/

هل بتستخدم الجهاز ده لفحص السكري؟⭕️⭕️⭕️🩸

يلا في رموز ممكن تحصل معاك..عايزين نوريك ليها

وهي عبارة عن اخطاء ممكن تتلافاها بسهولة...

وأساساً مكتوبة عندك في الكتيب المعاهو بس ده للتذكير...

🛑 دليل أخطاء جهاز قياس السكر (On Call Plus) 🛑

لو ظهر ليك رمز
E0

ده بيعني انو في خطأ في التشغيل الذاتي... ف للحل طلع البطارية برا لمدة ٣٠ ثانية..ورجعها تاني باذن الله يشتغل...
ولو ما اشتغل اتصل ع ناس الشركة

لو اداك رمز
E1

الرمز ده فيما معناه في تداخل الكتروني

بمعنى انت مشغل الجهاز جمب تلفزيون أو راديو او اي جهاز تاني بيطلع اشعاعات بتأثر ع القراية.. ف ابعد منو مسافة وعيد القراءة.. والفحص...

ولو اداك الرمز
E2

ده معناها انك حركت الشريحة قبل يظهر القياس... او سحبتها... ف عيد الفحص ب شريحة جديدة القديمة دي خلاص كده تالفة..
....

ولو ظهر ليك الرمز E 3

معناها انت ختيت الد-م في الشريحة قبل ظهور رمز الد-م الرمز ده 🩸 ف انتظر يظهر الرمز وبعدين خت الد-م عشان يديك القراية.. ف عيد الفحص..
....

ولو ظهر ليك الرمز E 4..

معناه الشريحة ملوثة او تم استخدامها قبل كذا...

ف عيد الفحص ب شريحة جديدة افضل...

.......

ولو ظهر ليك الرمز...

E 5

ده بيعني انو كمية الد-م في الشريحة ما كافية ي عزيزي.. ف شوف شريحة جديدة.. وضيف دم ب كمية كافية عشان يديك قراية صحيحة..

....

ولو ظهر ليك الرمز..

E 6

ده معناه البطارية فاضية تماما

ف بالتالي امشي اشتري ليك حجر بطارية جديد ي عزيزي..

....

ولو ظهر ليك الرمز E 7
او E 9

ديل معناهم في مشكلة في شر-يحة الكو-د
ف اتاكد انك ارفقت الكو-د الصحيح المرفق مع علبة الشرا-ئح لما تجي تفتح الجهاز
....

ولو اداك
Lo t/Hi t

هنا بيقصد انو المكان الحواليك يا بارد شديد أو حار شديد ودا بيأثر على القراية
فالأفضل تكون في مكان درجة حرارتو معتدلة.

⭕️ف ضروري مع ظهور أي خطأ من الأخطاء الفوق تستخدم شريحة جديدة..عشان تديك قراية صحيحة...

لانو ممكن بسبب خطأ معين القراية يديك انو السكر كويس و انت ما جايب خبر لحدي تدخل في كوما
..

منقول

جدول الأسبوع التاني لقراية البيرمننت

د. عرفة أحمد

واحدة من أكبر إشكاليات عصرنا الحالي هي الاستهلاك السطحي للعلم، الناس بقت تقرأ النتائج العلمية زي ما بتقرأ عناوين الجرايد، تبتر المعلومة من سياقها وتطلع باستنتاجات ما أنزل الله بها من سلطان.

ده بيخلق حالة من الفوضى المعرفية، وبخلينا نبني قراراتنا على أنصاف حقائق، بدل ما نبنيها على فهم عميق.

نمسك مثلاً البوست المنتشر الأيام دي عن إنو القهوة بتقلل تدفق الدم للدماغ بنسبة 40% وبتسرع الشيخوخة، من ناحية فسيولوجية بحتة، الكافيين فعلاً بيقفل مستقبلات الأدينوزين وبيعمل انقباض مؤقت في الأوعية الدموية (Vasoconstriction) بيظهر بوضوح في الرنين المغناطيسي.

لكن الزول الكَتَب الكلام ده ووصل للاستنتاج الكارثي ده وقع في فخ تبسيط مخل جداً؛ لإنو اتجاهل حقيقة علمية تانية، وهي إنو الدماغ بيعوض النقص ده بزيادة كفاءة استخلاص الأكسجين (CMRO₂).

يعني الدماغ بياخد كفايته التامة من الأكسجين والطاقة، ومافي أي "استنزاف" أو "تلف" بيحصل، المشكلة الأساسية هنا هي الخلط الساذج بين استجابة فسيولوجية طبيعية وميكانيزم محدد، وبين المحصلة المرضية النهائية (Clinical outcome).

هنا بتجي أهمية "الطب المبني على البراهين" (Evidence-Based Medicine)، في فلسفة العلم، نحن ما بنبني حقيقة علمية على دراسة واحدة مفردة ولا على ملاحظة معملية معزولة، العلم عملية تراكمية، وعشان نصل لـ "إجماع علمي" (Scientific Consensus)، لازم نجمع كل الدراسات الرصينة في الهرم العالي البنسميه المراجعات المنهجية والتحليل التلوي (Systematic Reviews & Meta-analyses).

التحليلات دي هي البتغربل الداتا الإحصائية وتوزنها، وبتورينا الصورة الكبيرة. والصورة الكبيرة للقهوة -حسب الإجماع الحالي- بتقول إنها باعتدال مفيدة جداً، بتحسن الإدراك، وبتقلل نسب الإصابة بأمراض التدهور العصبي زي الخرف والباركنسون، بل وبتقلل الوفيات الناجمة عن أمراض القلب.

لكن، وزي ما العلم دايماً متواضع وبيعرف حدود أدواته، الإجماع ده ما معناه إنو القهوة دي "إكسير الحياة" السحري البينفع مع كل الناس في كل الظروف. في الإحصاء الطبي بنهتم جداً بالـ (Limitations) أو محددات الدراسات.

عشان كده لازم نكون حذرين ونخت في بالنا الآتي:
طبيعة الدراسات:
أغلب أبحاث القهوة طويلة المدى هي دراسات ملاحظة (Observational)، ودي بتعرضنا لمتغيرات مربكة (Confounding variables). على سبيل المثال، تاريخياً كان شرب القهوة مرتبط بشدة بالتدخين، وفك الارتباط الإحصائي بيناتهم مسألة معقدة.

الاختلافات الجينية:
البشر ما زي بعض، في اختلافات جينية كبيرة في سرعة استقلاب الكافيين (زي جين CYP1A2). الاختلاف ده بيخلي فنجان القهوة يدي طاقة وتركيز لزول، ويجيب توتر وضربات قلب سريعة لزول تاني (Slow metabolizers).

طريقة التحضير:
القهوة المفلترة بتختلف تماماً عن الإسبريسو أو القهوة التركية المغلية، لإنو الفلترة بتشيل مركبات بتساهم في رفع كوليسترول الدم المفيد والضار.

العلم ما بيتاخد بالقطاعي ولا بالبوستات المثيرة للعواطف والمصممة للـ (Trend)، النظرة النقدية الشاملة هي الأساس، وتبسيط العلوم المفروض يكون أداة عشان توضح الصورة وتهدي الناس للحقيقة الموزونة، ما عشان تشوهها وتخلق رعب مجتمعي بدون دليل حقيقي.

د. محمد قرشي عباس

⭕نتيجة التوزيع للمستشفيات طلعت عند بعض الناس

شوفوا حساباتكم...

المجلس القومي السوداني للتخصصات الطبية

اللوكال🚩

رسالتي دي لي طلاب الطب
أنا جاياكم من المستقبل عشان أقول ليكم...
في فخ بقع فيه طالب الطب .... إنو بفتكر إنو التقدير والمعدل التراكمي هو العصاية السحرية الحتفتح ليه أبواب العمل والتخصص سواء داخل السودان أو خارج السودان

وهنا بتجي نقطة مهمة ما في زول قالها ليكم قبل كدا ولا نبهكم ليها و دايرة اذكرها ليكم .

بتلقى طالب الطب قافل على نفسه وحيقتل نفسه على أقل درجة وعايش في منافسة بينه وبين نفسه لحدي ما يتخرج
وبعد يتخرج حياخد صدمة

إنو حيمشي أي مكان عشان يشتغل أو بفتش على طريق للتخصص سواء داخل السودان أو خارج السودان وما في زول بسأله عن التراكمي حقه ولا جيت أول الدفعة ولا طيش الدفعة

حتلقى إنك محتاج لحاجات تانية زي
اللغة الإنجليزية لو مسافر دولة ناطقة بها أو أي لغة تانية حسب الدولة العايز تتخصص فيها
في أطباء كويسين في الإنجليزي الطبي والمصطلحات الطبية لكن إنجليزي المخاطبة ضعيف
وبعد التخرج بيفتشوا في كورسات لغة

ولو هدفك تتخصص خارج السودان لازم تبدأ الطريق من بدري ما تستنى بعد ما تتخرج وتستلم شهادتك وبعدين تبدأ تفتش في لاين وتشوف ياتو بلد مناسب ليك

محتاج لمهارات التواصل الاجتماعي وحل المشكلات communication skills

محتاج تدير زمنك وتكون عندك مهارات إدارة الوقت time management
المرونة و التكيف

تطلع من الجامعة وانت راضي اجتماعياً ومكون صداقات حقيقية ومتينه

إنت في كلية الطب في حاجات كتيرة مفروض تعملها لأنو بعد التخرج لن يعود بك الزمن لو في طلعة مع أصحابك أمشي وما تتخلف، لو في نشاط اجتماعي في الجامعة احضره، لو في سمنار قدم


الكلام دا كله ما تقليل من المعدل التراكمي
لكن خلي هدفك إنو نتيجتك تكون نظيفة ومعدلك كويس وفي نفس الوقت تستثمر في بناء شخصيتك وحياتك الاجتماعية

باختصار
الشهادة بتثبت إنك كنت طالب طب شاطر
لكن المهارات هي البتثبت إنك دكتور شاطر

د. عرفة أحمد
(بتصرّف يسير)

جدول الأسبوع الثالث لقراية البيرمننت

د. عرفة أحمد

قصة طريفة حكاها الراحل د/ علي كوباني.. الطبيب الشرعي المشهور ومؤسس الطب الشرعي في امارة رأس الخيمة وأحد مؤسسيه في كل الإمارات
قالوا لي: شيخ (فلان) رحمه الله قد توفى في ام درمان وتم دفنه في مقابر حمد النيل قبل اكتر من9 شهور
والان بما أن البنية (القبة) بتاعتو جهزت تب ... هم جاءوا لترتيب نقل جثمان الشيخ ليدفن في قبته..
(ولاحظ جثمان دي كلمتهم هم)
المهم سألتهم من الاوراق والتصديقات اللازمة من كل الجهات الحكومية المسئولة
لقيتهم مجهزين كل شي..
قلت ليهم: انا حاضر في أي وقت
بس طلبت منهم يجهزوا صندوق للنقل ويجيبوا معاهم قماش ابيض عشان نرتب فيهو الرفات لانو الجثمان بكون اتحلل والكفن اهترأ او تغير لونه حسب نوع القماش..
وانا بقول في كلامي ده، هب واحد منهم (شبعااان كده وليهو فقر)
يادكتور اتأدب وبطل الكلام الفارغ
(ده شيخ فلان ما بتحلل خالص)😡😡
قمت على حيلي قلت اطردهم بعد كترة الاساءات دي … الا أن أكبرهم سنا ومكانة قال لي:
يا دكتور نحن متأكدين الشيخ ما بتحلل ... وانت ربنا يهديك وبراك حتشوف وتقتنع.
قلت الزول ده كلامو منطقي وفعلا البيان بالعمل
..☺
وحددنا يوم لنبش قبر الشيخ
ومن الصباح الباكر مشينا انا والتيم بتاعي ومعانا عدة الحفر
ومن دخلنا المقابر لقيناها مليانة بعدد هايل من البشر ... وايقاع نوبة تقيل واهازيج صوفية وبالقرب من القبر كمية من المباخر يفوح منها البخور العطري والذي ضمخ الاجواء بعبق رهيب ومع ايقاع النوبة والاهازيج وكمية البشر، وتلك الاجواء الروحانية اخوكم دخلتو خووفة جد..😰
(معقول كمية البشر ديل كووولهم يكونوا على باطل ... وانا الصعلوك ده جاي مصدق كلام العلم بتاع الخواجات ديلك ... والشغلانة دي باين عليهاجد جد، وانا اتفلسفت على الشيوخ وقليت ادبي ... كر عليك يا علي ود ليلى😢😢
عاينت للشباب المعاي لقيتهم هم ذاتم الرجفة ماسكاهم …
المهم قويت قلبي وقلت للشيوخ لازم تبعدوا المريدين الكتار ديل بعيد شوية عشان نعرف نشتغل وقد حصل
... وفضل معانا الشيوخ الاربعة
وحفرنا القبر وشلنا تراب المطمورة بره … ووصلنا ود اللحد ......
وطوالي رائحة التحلل الحلوة طلعت وانا قلبي برد وخوفتي راحت تب … ولما فتحنا ود اللحد لقينا الجثمان تحلل كما يجب وصار عبارة عن عظام بها تلطخات زنخة والكفن اهترأ ...
اها عاينت للشيوخ الفوق بقوة شديدة ومعاهم الزول الشبعان داك.. وطوالي حنا راسو وأداني القماش وقال لي:
(بالله يا دكتور ضاير العظام كويس)😔😔
قلت ليهو: طبعا ... ستر الميت واجبنا بالتأكيد (ودي من اهم الاشياء يا احباب هي ستر الميت وعدم استعراض جسده او اجزاء منه الا للاغراض العلمية والطبية)
المهم سترنا الرفات وختيناها داخل الصندوق ... وسلمناهو للشيوخ الاربعةوفجأة صاح الزول الشبعان:
(الله اكبر ... الله اكبر ... جثمان الشيخ طلع زي ماهو)
😳😳

وهنا هجم الحيران والمريدين على القبر، رجال ونساء... وكل منهم يشيل خمشة من تراب القبر ويعبي في طرفو بقصد التبرك وكده ..😳
عاينت للشيخ الدجال ...
وعايني لي بقوة عين عجيبة، وكأنه يقول لي:
(كان راجل افتح خشمك ده وقول غير كده ... عشان ديل كلهم يدفنوك هنا في قبر الشيخ ده ذااتو يا معفن)
😎😎😎
بالله ما يقوم واحد بايخ منكم يسألني ... أها وبعدين عملت شنو؟

رابط الإعلان
مرفق أسماء الأطباء
سيكون التسجيل للامتحان متاحاً للأطباء وأطباء الأسنان والصيادلة الذين وصلت أسماؤهم إلى المجلس الطبي السوداني من وزارة الصحة الاتحادية في قوائم يومي ۱۱ و ۱۲ مارس ٢٠٢٦م وما قبله، إضافة إلى الأطباء الذين أتموا فترة الامتياز خارج السودان، وسيعلن المجلس الطبي السوداني عن أسمائهم لاحقاً.
https://drive.google.com/file/d/1v-eCl18B4jWy3dlMILRVKevLSnFYv36t/view?usp=drivesdk

عندما يضحك الأطباء ؟!

دعيت إلى توقيع على عملية جراحية لبعض أهلي
ولم يكن مع الطبيب محبرة

حتى أبصم على الأوراق بعد التوقيع
فقال لي :هات إبهامك فبدأ يرسم ويخط برأس القلم خطا بعد خط بسرعة فقلت له : أطبيب أنت أم كجوري؟!
فضحك ثم قال لي :ليس عندنا محبرة!
فعلمت أن الفقر أحيانا يحول بين المرء وبين تمام عمله
ومهما يكن من أمر فإن الطب مهنة لطيفة، وحرفة منيفة، إذا وجدت مقوماتها ونالت مكملاتها
والأصل في الأطباء اللطافة والرحمة
فكأنه آس يجس عليلا كما قال أبو الطيب
وإن العيش مع المرضى والضعفاء يحمل صاحبه على الرقة والرحمة

ولكن ....ما رأيت أشقى من طبيب أفنى عمره في التحصيل وأمضى شبابه في القاعات والمعامل وهو في آخر عمره يأكله الفقر من أطرافه
ويحتوشه العوز من ذؤابة رأسه إلى إبهامه
وليت شعري ماذا نصنع وهذا قدرنا وتلك هي بلادنا فإذا فررت أنت وفررت أنا من يعمرها وقد يكون الفرار من المستشفى كالفرار من الزحف..

و لست بواجد عليه في هذا الصنيع ؛لأن صاحب الحاجة أعمى
والمهن الشريفة تدفع أصحابها ليكونوا نبلاء وقد يكون النبل في رأس قلم البج..

-الشيخ عبدالهادي الخضر